Seniorenversjlaag: lekkere euverwinninge veur De Sjter 1 en 2. Will Leurs nump veteranen opnuuj bie de handj!

Transcriptie

1 Seniorenversjlaag: lekkere euverwinninge veur De Sjter 1 en 2. Will Leurs nump veteranen opnuuj bie de handj! Ut woar un weekend mit veul goale. Helaas veur os seniorenteams vele die in de helf van de gevallen veurnamelijk aan de verkeerde kantj. Zo moosjten ut driede (1-7 taege Haslou 5), ut veerde (0-10 taege Amstenrade 3) en de dames (5-0 taege DVC 16) zjwoare nederlagen sjlikke. Gelukkig zurgden ut eesjte (3-0 taege Haelen) en de veteranen (2-7 taege Jabeek) veur dikverdeinde driepunters. En ut allerbelangriekste: ut tweede boekte un belangrieke euverwinning op Meerssen 2 (1-3) wodoor unne belangrieke sjtap woort gezat op waeg noa lijfsbehoud. Neit alle teams woare aeve happig om dees waek un versjlaag aan te leveren. En dat is auch neit erg veur unne keer. Gelukkig woort ut gebrek aan tekst ruumsjoots gecompenseerd door un karrevracht aan foto s. Dees waek dus waer heel get pagina s, die veural gevuld zeen mit unne berg foto s. Gaef uch auge dus maar goud de kost. En om d r lekker in te komme, beginne veer mit os meest oogsjtrelende seniorenteam: ozze dames. Yaël Beaujean deit auch dees waek waer versjlaag van hun belaevenisse. En dat begint mit un aantal foto s, mit toelichting: Mooie foto s van de aafgeloupe trainingsdaag en wedstrijd: Nikkel dach op dinsdig; ich goan ins veur de tsjappie outfit. T enige wat nog miste woare de witte sokken natuurlijk. Samantha woar op stap in Eindhoven zoaterdig, zo te te zin heij ze t gezellig.

2 Tja dan is der op de wedsjtried-daag natuurlijk altied the day after t gezich van Samantha zeat natuurlijk al genog. Souad woar de zoaterdig oavend noa groove garden geweas en wou eigenlijk t leefste oetsloape op zondigmurrige.

3 En dan onze wedstrijd: Vandaag stond de wedstrijd tegen de koploper op het programma. SVO DVC 16 moest winnen om uiteindelijk kampioen te worden. Het eerste kwartier nam SVO DVC de overhand en scoorde de 1-0. Een aantal minuten viel de 2-0. Daarna gingen we de bal laten lopen en wist SVO DVC even niet meer waar ze moesten kijken. We kregen niet echt kansen waaruit we konden scoren. SVO DVC verdedigde goed waardoor we er niet doorheen kwamen. We gingen met 2-0 de rust in. In de rust werd Yael gewisseld voor Dominique. In de tweede helft gingen we met dezelfde instelling als de eerste helft het veld op. We deden er alles aan om het SVO DVC moeilijk te maken. SVO DVC was gewoon de verdiende koploper en scoorde nog 3 keer. Dit bracht de eindstand op 5-0. Helaas hebben we niet kunnen scoren maar hebben wel ons best gedaan. We hebben nog 3 wedstrijden te gaan en hopelijk kunnen we nog punten pakken. Volgende week staat de wedstrijd thuis tegen Schimmert op het programma. Het wordt weer eens tijd voor 3 punten dus gaan we er alles aan doen om deze wedstrijd te winnen! Ut sjieke versjlaag van Yaël woort nog aangevuld door Samantha mit leuke foto s en berichten oet de groepsapp van de dames. Zo woare Cindy en Kiki op de wedsjtrieddaag letterlijk de waeg kwiet, en gold datzelfde veur Samantha (maar dan in figuurlijke zin, vanwaege unne kater):

4 Op zondigmiddig woare de dames alwaer goud hersjteld van hunne kater en de geleje nederlaag. En dus koosj d r tiedes de bbq op ut Hetjen prima toegewirk waere noa unne nuuje kater: En wiejer ontdekten ozze dames dat ein van heur sjpeelsters in ut verleje un eige youtubekanaal haet gehad. Souad besjloot die ouw video s ens op heur gemaak te bekieke:

5 Klasse versjlaag waer dames! Sjiek dat geer zoveul sjpas hub. Kommende waek ongetwiefeld opnuuj foto s vanwaege de Nederlandse feestoavend dae vriedig in de kantine wurt georganiseerd door uch: Van ozze dames goan veer door noa ut veerde. Ralph Doek deit al ut ganse sezoen troew versjlaag van alle wedsjtrieje van zien team. De door ut veerde geleje 0-10 nederlaag (weliswoar taege kampioen Amstenrade 3) deig echter dermate veul pien dat dees waek gein versjlaag woort gemaak. Heel begriepelijk. Gelukkig signaleerde Ralph waal nog 1 supervertederend (3-joarig) leichpuntje bie de wedsjtried:

6 Auch de mannen van 3 zoge in hun 1-7 nederlaag taege Haslou 5 gein aanleiding om get op papier te zetten. En doa is natuurlijk alle begrip veur. Dus goan veer maar sjnel door noa de mannen van 2. Die houwe unne superbelangrieke wedsjtried op ut programma sjtoan taege hekkesjleiter Meerssen 2. Winst woar noodzakelijk om weg te blieve oet de degradatiezone. En gelukkig wisten ozze jonges zich noa un euverwinning te knokke: 1-3! Jari Knoops en Rene Gooren wezen Kenny Lemmens aan om un versjlaag te make. Dae hou ut echter enorm druk dees waek, wodoor ut versjlaag kort maar krachtig is: En dae letste oproup is volkomme terech. De sjtandj op de ranglies is namelijk erg sjpannend. Meerssen is al gedegradeerd maar de 2 plouge doaboave zulle noacompetitie motte sjpele veur liefsbehoud. Op dit moment sjteit os tweede doa nog sjus boave. En in de weitensjap dat concurrent Scharn 2 mot aantraeje taege Hoensbroek 2 (dat zelf auch nog zou kenne zakken noa de noacompetitie-plaatsj) beloaf ut zondig unne thriller van jewelste te waere. Sjteun is dus zeker welkom!

7 Euveriges is de sfeer bie os tweede nog ummer prima. Grote animator is Rene Gooren dae aafgeloupe zondig auch waer un feeske in de kantine oploesterde es DJ. Al kent doa auch de aanteikening bie gemaak waere dat ut opvallend is dat (zo wie t geer op dees foto zuut) de luuj nog lever boete in de zeikende raege bleve sjtoan dan binne noa DJ Gooren te loestere: Noa verloup van tied woort Rene dan auch vervange door DJ duo Con-Jour: Al die DJ activiteiten vonje plaatsj rondjom de letste thoeswedsjtried van os eesjte elftal. Weliswoar zulle d r auch nog 1 of 2 thoeswedsjtrieje gesjpeeld waere in de noacompetitie, maar ach de houfs maar un reje veur un feeske te hubbe, he. Dat feeske woort omlies mit unne bbq. Al woort op de groepsapp bie 2 gemeld dat dae bbq mesjiens neit door zou goan:

8 Tied om door te goan noa os eesjte elftal. Dat wirkde heure letste thoeswedsjtried in de competitie aaf taege Haelen. Dat deig men mit unne volledig fitte Steffan Laumen in de gelederen, dae (sjportman es r is) doordewaeks op ut kampioensfees van Ajax in Amsterdam al un extra rustmomentje houw ingeboewd:

9 Randy Wanten deit versjlaag van de wedsjtried en wiejere belaevenisse van os mannen: Vandaag sting de litste thoeswedstrijd van het seizoen veur de ster 1 op het programma. Teagestenjer van vandaag woar Haelen. Ein ploog die de punten nog keihel neudig haet, en de ster zou vandaag de 3 punten vandaag zeker neet cadeau kriege. De opstelling woar als volgt: Ruud in de kis. Achterin v.l.n.r. Sjoerd, Timo, Davy en Dani. Op 't middeveld stinge Bob, Mike en Jeroen. Veurin stinge Giel, Boyd en Randy. De ster begosj good aan de wedstrijd. Haelen zakte in en de ster maakte het spel. De ster wist zich mit vlaagen mooi door de verdediging van Haelen heen te combineren en dat leidde tot ein aantal goeie kansen veur onder ander Giel, Bob en Randy. Zo woort twee keer de bal van de lien gehoald en woort ein goal van Bob oet Eine corner-variant (onterecht?) aafgekeurd. Ondanks deze kansen wist de ster helaas neet te score. Aan de andere kant sting de verdediging van de ster als ein hoes en woort d'r helemoal niks weggegeave door de ster. De ruststand woar dan auch 0-0. Noa rust einzelfde spelbeeld als in de eerste hilf, maar Haelen kwoam noe get gretiger veur de daag. De eerste kans noa de rust woar dan auch veur Haelen, mit ein keihel sjot op de lat, dea d'r gelukkig neet in ging. Neet veul later woar het de ster dat de dik verdeende 1-0 scoorde. Giel woort vlak bie de 16- meater bereikt en goof ein veurzit, dea door Jeroen perfect in de lange hook woort gekopt. Vlak doanoa woort de wedstrijd tiedelijk gestaakt. Veur de verandering neet door de harde kern van de ster (grapje), maar door ein hevige onwearsbuuj. Noa ein onderbraeking van ein klein kwarteer kwoame beide epleug weer het veld op. De wedstrijd woort neet veul later in het slot gegooid. Dani wist mit ein goeje actie de achterlien te hoale en goof ein veurzit op Mike. Dea kosj rustig de bal controleren en sjoot dea beheerst in de goal. Haelen probeerde vervolgens nog waal get te forceren, maar dat leidde tot niks.2 minuten veur tied wist invaller Stan Loog de wedstrijd definitief te besjlisse door de bal, identiek aan de goal van Mike, in de ongerhook van de goal te plaatsen. 3-0! En doamit woar de wedstrijd auch waal gespeeld. 3-0 bleef dan auch de eindstand en de ster hei hiemit definitief ein plek in de noacompetitie verkreege!! Noa de wedstrijd woar het doarom auch good feest bie de ster! D'r woar unne BBQ georganiseerd en de biste DJ van Stein en omstreeke woar gereegeld om muziek te dreije. Doaneave hei de veurzitter nog unne stapel consumptiebonnen euverhandigd. Dat woare genog ingrediënten om ein good feest te hubbe bie de ster. Onderstoand ein sfeerimpressie:

10 Timo woar rebelsj. Ederein hei effe zien handteikening op de boek van Frank gezat. D r woar plaats zat. Ozze sjattigste sjpelers

11 Piet woar ein bietje wazig. Frans haet de ganse oavend het leedje van de Songfestivalwinnaar Duncan Lawrence gezonge. De rest van het elftal euverigens auch. Verder hub ich neet veul foto s, maar het woar eine good feestje! Klasse versjlaag Randy en waer perficiat mit de punten, mannen. Noe waal nog kommende zondig goud de competitie aafsjleite in Genhout. En dan knallen in de noacompetitie! Van de mannen van 1 goan veer door noa ozze veteranen. Auch die woare mit un grote delegatie aanwezig aafgeloupe zondig in de kantine:

12 En es veer ut toch euver de veteranen hubbe. Herkent geer deze veteraan, dae vruiger ut shirt van In Vriendschap Sterk droog? Unne hint: hae sjting auch op de foto op de veurige bladzijde en heisj neit Daemen of Janssen van achtere De veteranen houwe eigenlijk unne wedsjtried taege HBC op ut programma sjtoan. Die houwe echter un foutje gemaak in hun planning en belden aaf. Gelukkig hubbe de vets dan ummer Willem Thewissen in de gelederen en dae regelde pielsjnel unne vervangende taegesjtenjer in de vorm van Jabeek. Ruum op tied verzamelden alle vets zich op ut Hetjen veur vertrek noa Jabeek. Leon woar get opgevalle aan Misha. Leon: Wat besse broen, Misha? Misha: Ich hub vandaag ut graas aafgedoan Eddy: Wie groot is dae tuin van dich dan? Leon: Of hubse ut mit un naegelsjeerke gedoan? Vlak veur vertrek ontbrook allein Robbie van der Linden nog. Willem vertelde dat Robbie veurige waek houw mitgevoetbald maar dat hae toen un ganse dikke handj hou. Dat leidde tot un gesjprek. Willem: Robbie, die dikke handj krigse van zoveul beier drinke. Robbie: Nae dat is neit woar want veurige waek hou ich dat auch al en toen hou ich niks gedronke of ja, neit meer es angesj.

13 Twintig minute noa vertrek zote d r 6 veteranen in ut kleidlokaal in Jabeek. Van de rest woar gein sjpoar te bekenne. En dat doerde en dat doerde Piele: Will Leurs haet toch euveral gedreijd? Dae mot toch weite wo Jabeek lik? Marc: Dan houw hae unne prive chauffeur, denk ich. Oeteindelijk woar 5 minute veur de aaftrap esnog jederein binne. Sjnel omkleije dus. Ron Marchal veel op mit un hagelwitte boxershort. Piele: Dat is waal niks mit die remsjpoare, zo n witte ongerboks, Ron. Willem: Ron, doe hubs de ongerboks aan die ich mich in hoes hub gehoald veur es ich euver 20 joar noa de Moutheuvel goan. De wedsjtried begoosj en Jabeek presenteerde zich es un ploug wo flink get vuur in zoot. De Sjter woar weliswoar de baetere ploug maar miste veul kansen. Gelukkig woar doa good old Will Leurs dae de score oapende. De veurzet woar van Denny Vorstermans en Will knikte de bal wurkelijk prachtig in de driehouk. Dat leverde natuurlijk waer unne houp commentaar op. Willem: Welke klotskop goof dae veurzet noe waer? Rob: Dat is einde sezoen, Denny. Roger: Godverdomme! Sjorse dae hap! Denny: Dat is al de tweede keer. Ich ben nog nooit zo dek gesjors es dit sezoen.. Jabeek maakte al sjnel de geliekmaker maar vervolges woar ut Eddy Ubbink dae mit un fraaie actie en prima assist aan Stef de gelegenheid booj om de 1-2 te scoren. Dat mislukte echter door un fraaie redding van de keeper, wo op Stef de bal truklag op ziene naef Pascal Van Kan Conjour, dae de 1-2 taege ut netje sjoot. Un klein slippertje achterin leidde de 2-2 in vlak veur de rust. Pascal Conjour woort op eige verzuik gewisseld in de rust. Zien dochter Iris zoot in ut kleidlokaal en zoog dat heure pap onger de douche sjtapte. Iris: Ich hoap maar dat hie gein angere naaksje goan rondjloupe. Eddy: Will, wach in godsnaam effe mit douchen. Marc: Joa, dan legks doe de lat waal heel hoog veur dat maedje. Iris kreeg niks mit want ze woar aan ut kieke wie Will probeerde om thee oet un antieke theekan te kriege. Iris: Wat is dat veur un auwt apparaat? Rob: Dat is Will Leurs. Iris: Nae die theekan. De tweede helf woort un gala-veursjtelling van de Sjter-vets. Men leep dankzij goale van Bart Pantus (2x), Rob Schulpen, Jenki Jevric en Stef Conjour oet nog 2-7. En de eine aanval woar nog sjoner es de angere. De sjriever van dit sjtuk houw nog unne magnifieke panna in hoes, vlak veur de Sjter-bank. Galary play alom dus. En bienoa kreeg dat nog ut perfecte einde wie Will Leurs in de letste minuut maar sjus unne bal langs de driehouk krulde.

14 Die van Jabeek wisten ut neit meer op ut veldj, noa waer unne door Mat Cremers aafgebroake aanvalspoging. Sjpeler Jabeek: Neit normaal wat geer veur conditie hub. Mat (greutsj): Joa, en ich ben al 60, he. Piele: En ich 63 es ich murgevruig oet bed mot komme. Vreugde noa aafloup in de kantine, wo mit z n allen ut glaas woort geheve op de einige aanwezige Sjter-dame, Mandy Conjour: Willem: Jonges, op os nuuj veteranen keuningin, Mandy Conjour! In de gezellige noazit woar d r aan hapjes gein gebrek. Die van Jabeek bleve maar doorkomme mit kump vol snacks. Wie de derde komp laeg woar, woort d r un nuujt rundje pils gehoald. Roger vroog doa op: en vroag auch geliek ens of v r niks te aete kriege. D r woort auch nog effe gebrainstormd euver de letste wedsjtried van dit sezoen veur de vets, thoes taege RKUVC dit weekend. Rob sjtelde veur om Ans te vroage om get lekkesj te bereiden. Friet-zoervleisj woar ut meest geheurde verzuik en gelukkig bleek dat un specialiteit van Ans te zeen. Mat: En angesj doon ich waal koake. Maar dan waere ut waal cocquilles op un bedje van zeewier. Denny: Nae danke. Wae wit wae op dat bedje haet gelaege.

15 De aafsjleiter van dees waek is aafkomstig oet ut kleidlokaal van de veteranen, vlak noa de wedsjtried. Doa houw Ron Marchal nog un sjteingoeie opmerking in hoes, wiezend noa unne trekker dae taege de moer sjting. Ron: Jonges, ze hubbe hie auch unne kamp sjtoan veur al die kale bie os. Pes volgende waek! Rob Sjulpe