De Sjter 1 hoalt in ongertal op de valreep nog un punt; Will Leurs trefzeker!

Transcriptie

1 De Sjter 1 hoalt in ongertal op de valreep nog un punt; Will Leurs trefzeker! Qua resultaten woar ut un taegevallend weekend veur ozze seniorenteams. Op zoaterdigoavend hele de veteranen, via un soevereine 7-1 euverwinning op Caesar, de punten in eige hoes. Maar op zondig woar ut kommer en kwel. De dames zoge op vriedigoavend al hunne wedsjtried op natuurgraas aafgelasj waere. Die wisten dus in jeder geval dat ze lekker op sjtap koosjte. Dat gold neit veur de mannen van 2, want die krege op zondigochtend pas ut bericht dat hunne wietste oetwedsjtried woar aafgelasj. Lekker sociaal van die gasten in Boekel (die ech neit om 7 oer sjmurges dat veldj zeen goan keuren). Ut driede en ut veerde kome waal in actie maar beide teams hele gein punten euver aan hun krachtmaetinge mit respectievelijk SC Jekerdal 4 (2-4) en Alfa Sport 5 (3-0). Os eesjte elftal tot sjlot begoosj knallend aan heure wedsjtried, zakte heel wiet truk, leek un nederlaag tegemoet te goan, maar heel oeteindelijk toch nog un puntje euver aan heur ontmoeting mit Hoensbroek (1-1). Maar neit getreurd. D r woar waer genog leuks om euver te sjrieve dees waek. Veural lekker laeze dus waer! Auch al motte veer ut dees waek doon zonger input van ut driede elftal. Vaste reporter Roy Visschers hour namelijk versjtek motte loate goan bie hunne wedsjtried, utgein (volges Roy) zowel ut ontbraeke van un versjlaag es de nederlaag verkloarde: Gein probleem. Volgende keer is Roy waer d r bie. En dan kent hae noa aafloup waer oetgebreid vertelle euver de dankzij ziene inbreng veilig gesjtelde drie punten. Succes boys! Van ut driede make veer effe un oetsjtepke noa de zoaterdigoavend in Sjtein. De lempkesoptoch sjting op ut programma en doa gove un groot aantal Sjter-leje acte de présence. Vanzelfsjpraekend geheel in sjtijl gekleid:

2 En es veer ut toch euver dees bekende gezichte hubbe, dan make veer maar auch geliek un oetsjtepke noa de vriedigoavend. Toen woare dees beide mannen namelijk auch aanwezig op ut teambuilding-oetsjtepke van os tweede elftal. Coach Conjour houw d r veur gekoaze om mit de mannen gezellig same noa Fortuna Emmen te goan kieke. Dat leverde leuke foto s op: En doanaeve auch nog ens drie punten veur Fortuna, noa 4 eerdere dikke nederlagen op riej. Op de Fernando Ricksen tribune woort in dat kader auch al gefluusterd euver ut Stef Conjour-effect.

3 Ut tweede houw, zo wie gezag, niks te voetballe op zondig. Dus euver dat team vilt, boete dit oetsjtepke noa Fortuna, weinig te melje. Of ut mot ongersjtoande iezersjterke foto zeen mit Frank H. en Rene G. in de hoofdrol De dames houwe aevenens niks te voetballe dus van dat team motte veer dees waek ut altied laezeswaardige versjlaag van Yaelle en Samantha missen. Gelukkig hubbe veer dees waek waal waer ut vaste, hondstroewe versjlaag van Ralph Gladiator Doek euver de belaevenisse van ut veerde: Noa 2 vrieje weekendjes sting de oetwedstrijd teage Alfa Sport 5 op t programma. Toes hejje ver mit 2-1 gewonne maar t woar een geliekwaarige ploog. Opstelling: Kis: Baron Achter: Jup, Doekie, Brain en Danny Midden: Jenki, Dasse, Johnny en Bjorn Veur: Habets en Jesse Bank: Noud, Patje en Michel Supportersvereniging De Ster 4: Pascalle

4 Luuj die al es in Shënne höbbe gevoetbald weite dat ze doa kunstgraas hobbe oet jaor pratshj en dat doa ummer wénjt steit. Es t in Stein windkrach 2 is is t doa boave op de berg ongevjear windkrach 6 á 7. In de eerste hellef (wénjt in de rugk) hejje ver get mjea balbezit en koam Alfa Sport bienoa neet droet. Erg väol kanssen krege ver neet. Noa een gooje veurzet in de 30 e minuut pakde ozze lichtvoetige spits Habets pakde de bal inens op de sjlof en sjoot de bal keihel op de lat. Dea sjeut hej mjea verdeend! Veur de res krege ver eigelijk allein maar get hauve kanse De 2 e hellef (wénjt taege) koame Noudje (Jup), Patje (Jenki) en Michel (Jesse) d r in. Ver begooste bés redelijk mit nog een kenske of 2 á 3 maar doanoa begoos t get minder te goan. Ver hejje las van de wénjt en. de teagestenjer die auch get gewisseld hejje. Jesse koam al sjnel weer drin omdat Bjorn een spierke verrekde toen r een CL-sjienbewaeging probeerde te make! D r woar get väöl balverlees en de eerste teage goal woar doa t resultaat van. Balverlees op t middeveld, sjteakpass sjus langs Doekie en de rechshauf leep weg oet de rugk en sjoof de bal in t netje. 1-0 f*ck! Ver probeerde nog truk te komme in os sjpel maar ozze (hauve) aanvalle strande ummer veur de 16. Alfa koam steeds mit een euvertal droet en toen ze 2 teage 1 op Doekie koame maakde dea (ich) een insjattingsfout hea raakde waal de bal nog maar Alfa koos de 2-0 make. T*ring! Baron woar al een paar keer good in actie gekomme maar bie de 3-0 woar, r kansloos. De bal koam weer op een rare plaats terech door de wénjt, d r koos nog waal köppend oetverdedigd waere maar de bal koam veur de veut van eine van Alfa Sport. Dea fakkelde neet lang en sjoot keihel van kortbie de 3-0 binne G*dm*jaar! Mit get hooge bel en eene doorgesjoave verdediger probeerde ver nog get, maar t beste woar waal d r vanaaf. Helaas bleef t doabie, eindstenjt. 3-0 Sh*t! Achteraaf bleek dat Jo van de kantien hej gezag dat d r eene collega van em bie Alfa Sport sjpeelde, De kale mot ger flink aanpakke noe sjient t dat versjillende spelers de ganse 2 e hellef noa dea vent gezoch hejje. Doadoor leepe ze get oet positie en veurde ze hun taak neet good oet, dusssss. JO is de nederlaag sjout SIMPEL! ;-P d r woar euverigens geine kale vent te bekenne op t ganse complex!! Genog geouwhoord, volgende waek weer aan em teage t jonge Gelaen Zuid die conditioneel ietsje baeter woare in de toeswedstrijd. Suc6 buddiesss! Helaas gein punten dus veur de mannen van 4. Maar doa sjtoan veer neit te lang bie sjtil. Geweun volgende waek waer knallen. Ralph deit bie deze waal waer unne belangrieke oproop aan uch allen:

5 Ozze keeper mot aan t einde van t seizoen helaas vanwege zien werk stoppen. Dus ver zeen weer op zeuk noa een KEEPERTJE! Wetse eine, geaf t os door! Op tied noa bed hoof neet, es r maar kump de 1 e, 2 e en 3 e hellef! Alvas bedank! Dan door noa os eesjte elftal. Dat moosj thoes aantraeje taege leegvleiger Hoensbroek. In de veurbereiding op die ontmoeting begoof grensrechter, en fanatiek darts-leifhubber Marco Vaassen zich nog ut cafe veur un lekker putje darts mit es toegift zien beste Ted Hankey-impressie In de aanloup noa de wedsjtried houwe de mannen van 1 auch sjpas om Steffan Laumen. Meer specifiek: om zien nuuje baan bie ProRail: Wat dat leermomentje dan woar? Laes ut commentaar onger ongersjtoand nuujtsbericht:

6 Tja, en dan de wedsjtried taege de mannen oet Hoensbroek. Loate veer maar ens beginne mit die sjlumme oet Parkstad, die vergaete woare om un essentieel dingk op orde te hubbe in hun veurbereiding Ut begin van de wedsjtried woar dudelijk veur ozze jonges. De Sjter woar continu geveerlijk euver de flanken en sjpeelde in de eesjte 20 minute waal 5 sjieke aanvallen oet, die tot kansen leidden. Helaas leverden die niks op.

7 En toen begoosj ut te hagelen: Dat leidden tot un tiejelijk ongerbraeke van de wedsjtried, wonoa. Zucht ich hou d r zelf neit te veul euver wulle sjrieve, maar gelukkig veur uch houw Randy Wanten die bereidheid waal. Bie deze ut eerlijke versjlaag van Randy: Op zondig sting de wedstrijd teage laagvlieger Hoensbroek op he programma. Op papier zouwse zigge dat de Ster deze pot zou winne. Het teagendeil bleek woar te zeen. De ster begosj mit ein gewijzigde opstelling aan de wedstrijd. Captain Davy woar gesjorst en op het middenveld miste v r Jeroen vanweage ein blessure. De osptelling woar als volgt: achterin v.l.n.r.: Sjoerd, Timo, Stan en Dani. Op t middeveld speelde Bob, Mike en Giel. Veurin stinge Randy, Boyd en Guillermo. De Ster begosj aanvankelijk nog good aan de wedstrijd en wist ein aantal goeje kansen te creëren, maar wist deze helaas neet te verzilveren. Toen d r ein minuut of 20 gespeeld woar, veel d r opins ein gigantische hagelbuuj euver het veld. Het veld bleek te glaad volgens de sjeidsrechter, en dus vongj hea dat gesjtaak mosj weare. Ederein noa binne dus. Noa ongeveer 10 minuten kwoame beide plooge weer op t veld. De sjorsing van de wedstrijd kwoam het tempo van de wedstrijd natuurlijk neet ten goede en de jonges van Hoensbroek heie hiedoor weer effe op oajem kinne komme. De rest van de 1 e hilf wist de ster auch neet te scoren en Hoensbroek loerde veural op eine snelle oetbraak om de ster pien te doon. Noa de rust kwoam de ster neet al te good veur de daag. Veul passes kwoame neet aan, duels woorte neet gewonne en de aanvallers kwoame maar moeilijk door de defensie van Hoensbroek heen. De ster hei inmiddels noodgedwongen Bob Dukers motte wisselen, dea oet de wedstrijd gestampt woort en neet verder kosj. Doadoor verhoesde Randy noa de rechtsback positie, kwoam Steffan in de spits, ging Dani op t middeveld speele en speelde Boyd op rechts. Auch deze nuuje formatie wist gein potte te braeke. In de 60 e minuut brook eine aanvaller van Hoensbroek door de defensie en woort achtervolgd door Stan. Stan maakte in de 16-meater eine sliding en ondersjupte de bal, maar raakte doanoa auch de speler. De warrig fluitende sjeids vongj dat genog aanleiding

8 om eine (in mien auge onterechte) penalty toe te kenne aan Hoensbroek. Doaneave vongj de sjeids het auch neudig om Stan zien 2 e geale kaart te geave De aanvaller van Hoensbroek wist de penalty te verzilveren en dus keek de ster, mit 10 man, aan teage eine 0-1 achterstand. Vanaaf dat moment ging de ster pas vechten op het veld (spreekwoordelijk dan he). Het spel woar nog altied neet het verzurgde spel dat menig toesjouwer gewind is, maar de ster woort waal dreigender. Ein klein kwarteer veur tied wist Boyd Stoffels mit eine dreuge knal de 1-1 te prikke. De ster ging vervolgens nog feller op zeuk noa de winnende treffer, maar hei doabia auch veel hinder van de sjeids, dea toch beheurlijk rare beslissingen nom. 10 minuten veur tied woort de wedstrijd veur de tweede keer gestaakt door de sjeids. Hea veulde zich bedreigd door de harde kern van de ster die achter de goal van Hoensbroek stinge. Zwoar euverdreeve natuurlijk, maar auch teikenend veur de manneer woo op de sjeids de wedstrijd leidde. Noa ein aantal minuute kosjte v r weer wier voetballe, maar d r woort neet meer gescoord. 1-1 woar dan auch de teleurstillende oetslaag van deze middig. Gelukkig veel d r waal nog get te lache in de aafgelaupe weak. De foto oet de oudheid van eine Peter Peerlings en Jo Smeets woar onderwerp van gesprek in de groepsapp van de ster 1. Wat mit naame opveel woar dat de mannen op de foto allemoal laupsjoon aanheie. D r woort al drifitg gesuggereerd dat die mannen training heie gehad van Jack Dassen (vanweage het feit dat de ster 1 pas geleeje ein training mit pittige laupvormen van Jack Dassen hei gehad).

9 Bedank waer veur ut versjlaag, Randy. En wiejer: kop omhoog mannen. Geweun waer lekker knallen kommende waek al mot mich waal nog ein dingk van ut hart noa dit versjlaag en auch ut versjlaag dat op de website van ozze club sjting moandig... Ich houw vanaaf de tribune aardig zicht op de penalty-situatie en wat mich betruf woar ut unne 100% penantie, dae veer taege krege. Veer motte oppasse dat veer bie os clubke neit alles relatere aan de besjlissinge van unne sjeids wie Robert Kraus, dae noa unne smash a la Ron Zwerver van Will Leurs geweun unne corner geef En dan hubbe veer nog 1 team te besjpraeke en dat zeen ozze veteranen. Die houwe de semi-derby taege Caesar op ut programma sjtoan. De ouw ploug van veteranen topscorer Jenki Jevric. Geregeld mot Jenki dit sezoen noa ein helf zien plaatsj aafsjtoan aan Will Leurs. Dat reep dan auch vroage op veuraafgoand aan de wedsjtried: Dae puzzel moosj maar gelag waere door coach Leon. De man trouwes dae aafgeloupe waek joarig woar en dus oetgebreid gefeliciteerd woort op de groepsapp. Gerard Martens koom waer mit de sjoonste felicitatie: Leon, coach van de Vets, man die Stef C nooit durft te wisselen, man die vele scheve schaatsen rijdt en daarna steeds weer met zijn geliefde Corry op vakantie moet, man die regelmatig met kompaan Ron M de zuidelijke discotheken en uitgaansgelegenheden onveilig maakt, man die na het stappen vaker moet worden gekalmeerd doordat zijn hormonen opspelen, die de Vets met ijzeren hand dirigeert op sommige na, die nooit te beroert is om lovende kritiek te geven, die als glamourboy in Maastricht bekend is, die de dag en nacht crème voor mannen steeds op een hoger voetstuk heeft geplaatst, die dagelijks Oil of Olaz gebruikt, die maandelijks enkele zonnebank kuren gebruikt, die als gemeente ambtenaar het werken nog moet uitvinden, wel jaarlijks op de Tefaf is te bewonderen met prins Bernhard (Mat C), die deuren intrapt en dan met Taxi naar huis gaat, die wel goed in de Vets groep past, die doordat hij is gestopt als voetballer, het waterverbruik tijdens het douchen heeft gehalveerd, trouwe vriend van Wil L, hulde voor het bereiken van deze memorabele leeftijd, proficiat

10 En auch sjterkhouwer Frank Peters woar aafgeloupe waek joarig. Auch veur Frank houw Gerard sjoon weurt in petto: Wiejer op de app dees waek get humor om te lachen van Marc Lacroix, ten koste van assistent coach Roger d n Doam:

11 Op zoaterdig verzamelden de vets zich in de kantien, wonoa un kwarteier veur de wedsjtried ut kleidlokaal woort opgezoch. Doa houw Ron un leif weurdje euver veur Bart Pantus. Ron: Deisse dalik mit in de lempkesoptoch? Bart: Joa! Ron: Doe bes angesj gein groot leich. Coach Leon goof de opsjtelling pries en meldde dat Jenki in de basis sjtartte es linksboete. Gerard goof Jenki, dae doorgoans geine bal aafgeef nog unne goeie tip mit. Gerard: Jenki, vandaag niet elke bal afgeven, he. Probeer ook maar eens zelf wat. Jenki: Ies goed! Roger: Hey, tegen je oude club he Jenki. Ron: Mooi. Dan gaat het dalik flink stubben, he Jenki. Zo wie jeder waek woar van Robbie van der Linden gein sjpoar te bekenne. Meestal kump hae in de rus pas aan, noadat hae un aantal pinten haet genuttigd. Ron: Vief wissels waer? Roger: Joa. En Robbie kump dalik vas auch waer binne. Ron: Dae druppelt binne. Euver de wedsjtried vult neit zo gek veul te vertelle. De Sjter woar veul sjterker en sjpeelde heel get kansen oet. In de rust sjting de teller op 3-0, dankzij goals van Bart, Jenki en Gerard. In ut kleidlokaal woar Robbie inmiddels gearriveerd wodoor d r heel get te wissele veel. Roger: Ja sorry jonges. Ich hub 6 wissels. Ron: Kens doe toch auch niks aan doon datse gein baetere hubs. De tweede helf utzelfde verhoal. Un De Sjter dat domineerde en dat d r nog 4 bieprikte dankzij treffers van Will Leurs, Jenki, Denny en unne machtige kupbal boave jederein oet van Pascal Conjour. En dus moch unne 70-joarige waer un goalke viere:

12 Noa aafloup in ut kleidlokaal waer unne houp sjpas. Allein Ron woar un bietje in mineur. Ron: Die versjlage jeder waek hubbe mich mien huwelijk gekos. Misha: En die opnames in die parkeergarage auch, heur Ron. Mit dinges.. wie hit ze? Marc: Yolanthe. Ron: Joa, die haet ut dees waek geliek oetgemaak. Die houw geheurd dat ich waer op de mert ben. In de kantine noa aafloup woar ut waer geneite van de gesjpreke tusje tortelduufkes Gerard en zien charmante Esther. Gerard: Pfff vreuger koosj ich nog waal ens voetballe kieke op tillevisie. Sinds ich un vriendin hub, mot ic hummer The Voice Kids kieke. Esther: Bahbah, klager! Gerard: Ich klaag neit. Ich vertel geweun un anekdote. Kut! Coach Roger kreeg ongertusje commentaar van Ron. Ron: Hey Roger, is dat unne vrundj van dich? Roger: Wae, Ron? Ron: Gerard doa. Dae haet waer de ganse wedsjtried moage sjpele. Gerard: En terech! Esse Mat Cremers kens loate verbleike Ron: Dat is neit lestig. Dae is ummer wit. Gerard: Ich ken alles baeter es Mat. Voetballe, neuken, kleijingkeuze... En natuurlijk woort auch ut favoriete ongerwerp van de vets aangereurd. Ron: Ich hub de grootste van uch allemoal. Roger: Haha. Ron: Jazeker. Dae van mich hingk ut kortste bie de grondj. Ron: Hae is auch 20cm esse dat maetlint maar vaak genog d r om haer dreijs Mat: Ich ben momenteel unne cursus Italiaans aan ut doon. Ron: Hubse al get geleerd? Mat: Joa, squirtesse. Dat is Italiaans veur unne flinke sjtroal. Ron: Goud om te weite. Mat: En squintino beteikent un klein sjtroalke. Ron: En squintiti dan? Mat: Dat is un druppelke. Op enig moment koom d r inens vrouwelijk schoon binne veur Ron. De ontvangst van Gerard woar allerhartelijkst. Op un maneier die Ron auch bie jedere mede-veteraan haet geflik. Gerard: Hallo, bes doe de nuuj ex van Ron?

13 Binne no time woort dees dame door Mat en Eddy biegekald euver al Ron zien beste kantje. Mit es hoogtepunt ut moment wo op alle veteranen druk ginge zuike of ze nog die sjieke foto van Ron es kindje Jezus koosjte vinje. Gelukkig houw Ruud van Didden m nog op de tillefoon sjtoan. En omzet ze zó sjiek is, moag geer hie onger auch nog ens kieke noa de sjoonste laevende kris-sjtal aller tieje. Herkent geer alle Sjter-iconen? Pes volgende waek! Rob Sjulpe