Boewe aan krismes Vreuger woeërdt in de kirk nog al joars inne echte krissjtal geboewd. Doa pakde me zich nog de tied vuur. Neet zon prefab dink es

Transcriptie

1 Boewe aan krismes Vreuger woeërdt in de kirk nog al joars inne echte krissjtal geboewd. Doa pakde me zich nog de tied vuur. Neet zon prefab dink es wie dat huujedaags geet. Noe mot ich waal zigke dat ze in die tied ooch mekkelikker aan t materiaal koame, doa sjtong de koel garant vuur. Noa de Allerhillige ging pap noa ziene kammeroad hoe heë de sjtal mit boewde en woeërd uëverlag wat dit joar weer gemak zou weëre. Inne daag of 10 vuur de krismes woeërd der buusj i gegange om mos en wintjergreun te hoale dat moch doe nog. Dat woar ummer n gans gesjravel. t Mos moos onger t gevruër oet gekratst weëre. Wens-te pech haus dan loog der ooch nog ene knoa sjnieë op. Diek igepak mit n paar jute zek ginge ze dan op weëg. Vier es kinjer mochte dan waal ns mit. Sjtieëvele aa, sjaal om en mutsj op, trampele doeër de buusj. Went dan t mos gesjtoake en opgerap woeërdt, haus-te in tied van nieks kou kneuëk. Went me dan vol gepak truuk koam dan woars-te blie dat i gen kuëke t ferneus fosj opgesjtoakd woar zoeëdat ze dich weer get kos opwerme. Mit n werm tas koffie lukde dat natuurlik nog beëter. Van der sjteeberg van de koel krege ze krisbeum en sjalehoot van t hootterrein, inne ganse wage vol. Dat woeërdt neëve de kirk aafgekiep en woeërdt dan op inne oavend noa binne gesjlip. Dat woar get hoebie vier zoeëwiezoeë mooste helpe. Dan krege ze ooch waal ns droadpepier van de koel. Zoeëwie dat woar zoeë broen geël, kos me in inne krissjtal natuurlik neet broeke. Nonk Zef, deë sjilder woar, woeërdt derbie gehoald om dat pepier te verve. Zoeë woeërdt os ege rotspepier gemak. Mit sjruubbere de verf der uëverheër gekleënd en de handj van der meester makde der naoëheër mit kwas en get angere kluëre ech rotspepier va. Ieësj woeërte de krisdenne neer gezat, n sjtuk of zieëve van drie bis zes mieëter hoeëg. n Sjoeën greun decor. Went noaderhandj der sjtal der teëge aa sjting, dan woar t krek es offe teëge der busjrandj sjting. Deë ruëk van die frisje denne deë trok doeër die ganse kirk heër, dat goof drek al n sjtuk sfeer. Dan woeërdt geboewd. Van sjale hoot ene rugk gemak, mit n deëkske draa. Soms woeërdt nog get wie ene sjpits drop gezat deë vuëre oape woar. Doa woeërd noaderhandj dan get huij i geworpe, krek ee huijzulderke. Der is ns n joar geweë dat n ouw sjtalduër van n verkessjtelke aan de ziekantj gezat woeërd. Dat woeërdt hauf oape gezat zoeëdat me noa binne kos kieke. Dan zoogs-te der os en der eëzel ligke. Of ze makde der sjtal van binne get aaf hoe der os en der eëzel krek mit der kop boave-oet keke of ze nieks wolle misse. Went t sjtelke veërdig woar woeërdt t rotspepier op gen eërd neergelag, get roew en knoebelig, doa tusje in koam dan t mos. In der sjtal zelf woeërd get sjtruë gesjpreid dat weer gekrieëge woar van inne boer. Langs t sjtelke woeërte sjtreng wintjergreun gehouwe, soms hauf uëver t deëkse heer. Dan woar der natuurlik ooch n krissjter. Va bleëk oetgesjneije en in loage op ee gemak. Went t leeg der op veel dan sjitterde die prachtig. Mit get zjwat iezergare woeërdt die sjter boave der sjtal in n den gehange. Biej zon operasie bin ich waal ns bouw van t deëkske gevalle. Went pap mich neet gesjnapt hau woar ich mit mien gans vermeuge achter der sjtal geflikkert. Ich zieën nog wie t kluske gare doeër de ganse kirk heër rolde, dat hou pap loate valle om mich te sjnappe. Dan plaatsjte me vuur der langs n hikske van birkehoot. Doa koste mit de krismes de luuj achter sjtoa. En natuurlijk groeëte sjoale hoe de luuj n keërske koste loate brenne. Aan t hikske zoot op twieë plaatsje inne offersjtok vuur t keërsegeldj i te werpe. Es litste woeërte de beelde geplaatsj. Doa woare die twieë ene ganse oavend mit bezig. Dat moos good neergezat weëre en neet zoeëmer drin gepratsjt. De beeldegroep van de Gregorius woare uëveriges prachtige kunssjtukker. Mit wasse kup henj en bee. De kleijer woare van echte sjtof deë geprepareerd woar. De ouwe herder op ziene sjtek vonge vier t sjonste. Op de handj die heë op der wanjelsjtek hou ligke koste de oare zien lope! t Verhoal wilt dat de begien die die beelde gemak heët hievuur uër vader es model genomme hou. t Kiendje woar ooch get sjpesiaals. Zieëker wie t ns inne kieër vuur reparasie truuk woar geweë. t Kiendje woar n gans pupke van was. Op n kieër woare der n paar vingere van aafgebroake. Doa zoot nieks angesj op es t truuk te sjikke vuur reparasie. Wie t kiendje

2 weer in Broenssem koam woar t prachtig gerepareerd. De begiene houwe alleen get muite mit dat bloeëte goddelik vutje en heuëm doarom mer n boks gesjilderd. Noa inne daag of 5 hel wirke woar der krissjtal veërdig, jieëder joar angesj. De luuj die noa de kirk koame woare altied weer benuujd wat t dit joar weër zou geëve en bewonjerde de sjtal kieër op kieër. Dat boewe aan krismes woar jieëder joar n beleëfenis. Wiel Roeselers Krisnach Loat os d r vree veule dees nach D r vree va eevoud en oane kaal Want ozze weëg lupt gans onverwach Noa inne erme sjtaal Loat os sjtil zieë in dees nach En zjwiegend loestere En wie ummer onverwach Zich i eure leefde mage koestere Jan Halmans Krismis Inne tied van rus en bezinning Sjteet vuur de duër Vier numme gaas truuk en Houte os in van t gejaag van jieëdere daag Vruije vier os es kinjer op t Kommend gebuëre Veuël te mekkelik vergit me de Oeërsjpronkelikke zin van dizze tied! Jan van Haaf Went 't weer krismes is Went is weer krismes is, Lieëre vieër weer beseffe, Dat de welt neet van os is, En dat vieër os hie alleen treffe, Om vuur os en de welt te zurge! Dan is d r altied plaatsj vuur inne nuje murge! Mér neet alleen mit de krismes mot dat besef vuurop sjtoan, Ooch de rest van t joar motte vieër handj in handj doeër t leëve goan! Ron Logister.

3 Krismes gedachte. Mit Krismes wuërd uëver de ganse welt gezonge Sjtille nacht Heilige Nacht Dat Leëdje is 195 joar gelèje vuër`t Iejs doeër twiej Österiejkers ten gehuëre gebracht, Franz Xavier Grüber en Josef Mohr diej howwe dat leëdje bedacht, Dat teagewuërdig in alle talen en in al ziejn pracht, Uëver de ganse welt wuërd gezonge in diej Sjtille Heilige Nacht. Krismes is `t fieës dat reupt geveulens op, `t makt os get weeker, Dan wilt me get goot make mer höbbe de durf neet, dat is zeejker, Es dat zoë blif zal de vreëj d`r noëts komme,, Me makt zich zelf get wiejs, en me hilt zich vuër de domme, En wachte ààf Wea heat`t lef, en numt `t initiatief, Op deez maneër blift joar noa joar de oëtsjlaag negatief. Wat zow `t fijn zin es me zich ding vergeave, En in vreëj same wiejer goan doeër `t leave, Mer oane dea gooie wil lökt dat neet, Dan blif de piejn besjtoan en oog dat verdreet, Mer..d`r is ene dea kan doabiej helpe, hea heat diej macht, Ziene naam wuërd bezonge in diej Sjtille Heilige Nacht Hea zal os helpe en gieëf os de kracht In diej Sjtille Heilige Nacht. Jan Theunissen De zin van Krismes Ins per joar is t zoeëwiet, Dan is t weer de kristied. Zuus-te de luuj weer wie gekke gelle, En allerlei duur dinger besjtille! Ze dinke dat ze alleen mér recht kinne doeën aan dit fieës, Es t cadeau en t eëte duur is van pries. De echte boodsjap wurd oet t oog verloare, En dat is noch ummer dat t kriskindj is geboare! Gans einfach in inne sjtal en oane duur dinger, Dus houd wat dat betruf aan der pols inne vinger! Dink ins noa uëver dat kriskindj dat os de vrede kumpt bringe, En woeë vuur vieër krisleedjes kinne zinge. Dat de rus oppe welt wilt beware, En os besjermt vuur alle gevoare! Dus truuk noa de basis is t devies, Went krismes is neet bedoelt om vuur jieëdere pries. Anger luuj mit cadeautjes of eëte af te troeve, En ze op die maneer te sjeete onger de doeve!

4 n Cadeautje huërt d r natuurlijk waal bie, Mér dink dizze krismes ooch inne kieër, Dat de boodsjap van krismes besjteet oeët hiel veuël mieër! Ron Logister. Krismisgedachte Sinterkloas geet nog doer de sjtroate En had,t landj nog neet verloate Zien peërd nog neet in de sjtal gezat Wurd in de winkele al krismeziek opgezat De winkele ligke uëvervol De krismisgedachte is op hol t Is allang neet mieë,t fieës, van Denneruëk en keërse Plestic en uëverdaad uëverheërse Ene kunjstof krissjtal en plestic bul Alles prullaria en flauwe kul vir geëve allenuij plankgaas en zindj oos zelf neet mieë de baas gene wit nog woeë t om geet de krismisgedachte is om zeep tzint neet d,r krisboom en de bul, Mer de pieke die tille Dat is wat vieër tegenwuërdig wille t Bringt neet mieë,t krismisgeveul op gank Mer wat alleen nog tiljd, pieke op de bank Jan van Haaf Nuijoar Ee nuijoar kinst-te beginne Mit de sjunste kleier aa Dat is waalrichtig gemuutlig Mar doa hast te zoeë wenig aa Ee nuijoar kinst-te beginne Mit ing groeëte tuut mit geld Mar dat hat wieënig weëd Es ginne va dich hélt Ee nuijjoar kinst-te beginne Mit ee sjoeën gleëske wien Mar es t leeg is, wat dan nog? D r zal waal get beëters zieë

5 Ee nuijoar kinst-te beginne Mit ee gans sjoeën gedich Mer t betste is nog ummer Ee begin mit ee vroeë gezich Jan Halmans Ontnuchtering Drank in alle soorte Eëte hul uëver trul De luuj zint oetgeloate Were van de uëverdoad dul Sjtrakke sjtriepe in de loch Sjpatte oet ee in n bontje perrepluuj Groeëte wolke kroetdamp Zitte zich vas in de luuj 1 Jannewarie t journaal Mit ieëlenj en verdreet n Weltwieje ontnuchtering Die etalaasj van t groeëte leed Mit de kroetdamp in de oge En de champagne nog in de kop Kom ich der hieël flot achter Dat van de welt nieks klop Wiel Roeselers