Bienoa alle seniorenteams boeken prima resultaat!

Transcriptie

1 Bienoa alle seniorenteams boeken prima resultaat! Alle seniorenteams kome dit weekend in actie. En de resultaten woare, un oetzunjering doageloate, geweldig. Op zoaterdig kome zowel de veteranen es de veterinnen in actie. De veterinnen sjpeelden un toernooitje mit RKHBS en Haanraede en wisten eine keer te winne en eine keer te verleize. De veteranen sjpeelden unne heusse interland taege de vets van Tuddern en boekten un 6-3 euverwinning. De zondig teams deige ut al net zo goud. Os eesjte elftal leet helemoal niks heel van Simpelveld (0-7) en ut tweede behoalde thoes un geweldig punt taege koplouper Boekel Sport (0-0). Ut veerde won thoes mit 2-1 van Alfa Sport 5. Einige dissonant woar os driede elftal dat mit 7-1 veur de ratten ging bie ongesjlage koplouper Jekerdal 4. Auch boete de velje woar d r waer genog te belaeve. Van de parkeerkwaliteiten van Frank Haenraets tot Bart Linders dae continu op de tenen mot loupe. Van unne vlaggende Doam, tot aan unne fluitende Wanteliç, tot aan unne sjloapende Rene G. Wiejer foto s van aetende veteranen, aetende veterinnen, en unne witte Piet van ut veerde op t daak. Num uch waer ens effe de tied om alles door te numme. Dan zeet geer waer helemoal bie. En veer beginne dees waek mit os veerde elftal. En doa maak ich wiejer gein lang inleiding bie want de oneuvertroffe Ralph Doek kalt uch ongersjtaond helemoal bie: Op zondig speelden ver toes op veld 2 teage Alfa Sport 5 die ein plaats boave os stonge in de stenjt! Bie winst zouwe ver ze passere. Een noadeil woar dat d r flink gezoape woar de daag van te veure, d r woar namelijk Revue in Stein, Hardcorefjeaskes in Brabant, binnehoale van Sinterklaos (via de café) en links en rechs nog get vage verjoardaagsfjeaskes. Doarom get minder tekst en get mjea plaetjes:

2 Kis: Noudje Achter: Danny, Mark, Brian en Stan (2 e helft Doekie) Midde: Brahim, Dasse, Johnny, Michel Veur: Jesse en Mark H. (2 e helft Jenki) Vlag: Tipsy Patje Bank: Jenki, Doekie en Pascalle mit een teshj vol dekens (lkkr werm!) Wedstrijd kortsamegevat: Wedstrijdje teage oszelf! Väöl balbezit, te troag veldspel en väöl gemisde (dikke) kanse. Teagestenjer hej niks in te brénge en heel zich allein bezig mit get klaage, trekke en duuje. Oet t niks stinge ver inens op achterstenjt 0-1 door een fout van oszelf, gebeurd os anges nooooooit In de rös woar eigelijk nemes in paniek en de 2 e helft zouwe ver t tempo en de drök get opveure. Resultaat: nog mjea balbezit en kanse. Noa een schermutseling veur ozze eige goal woobie de sjeids get moss dreige mit een kaart (Dat leverde get irritatie op bie eine bepaalde speler) noam Alfa Sport eene corner. Dae woort om zeip geholpe door de bezoekers en ver koame snel droet, Doekie veagde in no time euver t ganse veld, gwoajde zich veur de keeper dea de bal teage em aan sjoot woodoor de 1-1 veel. (bal veel gewoon in t kruus, hihihi) Dat luchde ff op! Noe door veur de winst! Brain zou eigelijk in de rös noa hoes goan om te ljeare, maar wou gaer de wedstrijd aafmaake, hea woar betrokke bie de teagegoal en vong dat r get good moos maake. Klasse instelling want hea maakde 10 minute veur tied de winnende 2-1! Hoppppp, inpakke en wegweeze! Noa de wedstrijd hejje ver lekker gegaete mit aanhang en kids. Ans hej de legendarische oranje kaetel gevuld mit lekker zoevleishj! Bedank Ans, t woar weer HEERLIJK!

3 Noudje dea maar 3 bel hej gehad, besjloot om get aan zien gewich te goan doon. Ich hob gein vet op zwoa wie geer, ich mot mer get goan aandikke veur get mjea vet! t Woar hendig koud in de goal!! Jenki, het vaderfiguur van t 4 e hej get foto s gemaak van os diennee veur de familie ehh groepsapp van t 4 e! Maar omdat hea neet good wet wie de camera wirrik van zien telefoon krege ver auch onderstoande foto op de app binne versjillende volgevraete sjpelers sjrokke zich kepot toen ze de app oapende en links en rechs loage get sjpelers neave de sjtool! Kommende zondig FC Gelaen Zuid toes, t ouwe team van Baz ozze keeper, és kieke wat dat geit waere! Lekker drie punte en alwaer un top versjlaag! Klasse mannen! En un dik compliment aan Ans en Jo veur ut verwenne van de mannen van 4. Zo heurt dat! #Sterfamily4life! Oh joa, en zo wie t geer hub kenne laeze maakte Brian Haenen de winnende goal veur de mannen van 4. En dat terwiel hae eigenlijk in de rust noa hoes houw wulle goan om hoeswerk te make. Es beloning woort hae door zien teamgenoten oetgeroupe tot man of the match:

4 Ralph Doek vonj ut klasse van Brian, maar moosj op moandig nog ummer wenne aan ut idee:

5 Tja joa, mannen van 4. Geer zeet inderdaad euver ut algemein aardig ouw lullen aan ut waere. Zo oud dat sommigen noe zelf al kinjer hubbe die hoeswerk op kriege. Of die nog in Sinterkloas geluive en tja, dan is pap natuurlijk neit te beroerd om op zoaterdig, noa de intocht van de Sint, op ut daak te klumme om de roetveeg-piet oet te hange: Mit dank aan Pascal Conjour veur de foto. En aan Marks gezich te zeen op de foto, houw hae op ut moment van ut numme van dees foto al door wo die ging belanje.. haha. Van ut veerde sjakele veer euver noa ut driede. Dat moosj voetballe taege koplouper Jekerdal en woort op un dudelijke nederlaag getracteerd. De sjpraekwoordelijke eer woort veur de gael-zjwarten nog gered door Serge Grobbee. Gelet op de 7-1 nederlaag en ut ontbraeke van reporter Roy Visschers, zou ich d r alle begrip veur gehad hubbe es d r gein versjlaag gekomme woar dees waek. Maar niks bleek minder woar. Want nemes minder dan Tim Bouwels pakte dees waek de pen op en sjtuurde un iezersjterk verhoal. Klasse Tim! Noa alle tramalant mit een stel Sjenge van aafgelaupen zonjig, stinj dees weak weer unne wedstrijd op het programma teagen un ploog oet Mestreech. Dit keer speelde ver in het decadente gedeilte van de stad teagen Jekerdal 4. Op vriedig bleek het al een aardige opgave om 11 man bie ein te kriegen. Vanweage wirk moosten een aantal jongens op het letste moment helaas aafzeggen. Vervolgens bleek nog maar eens dat De Ster een club is wo de luu elkaar op welke manier dan auch willen helpen. Dankzij de hulp van 2 echte Ster luu, 4 e Mark Habets en Joepie Nacken, is het toch gelukt om een representatief team op te stellen. 4 jongemannen van de B en Andy de Belsj van t 4 e stelden zich beschikbaar om os oet te helpen. Doa neave is Maikel Melis noa 2 weaken al oet zien voetbalpensioen gereeten

6 en is mede-soldaat Joey Dautzenberg gans vanoet Sumpelveld opgetrommeld om aan te treeje in ozze linies. Mannen van de B-jeugd & Sergeant Melis en Sergeant Dautzenberg, nogmaals ontzettend veul dank hie veur!! De veurbereiding op de wedstrijd begoosj al op zoaterdigaovend wie ver om 04.00u s nachts een wazige foto kreegen van ozze keeper Pascal Driessen. Zo wie dat ger in de aafgelaupen verslagen hub kennen leazen is Pascal neet vies van een aovendje stappen. Mit een aovendje stappen bedoelen ver eigenlijk; Pascal zoept zich gans noa de tering, kiekt of er get meadjes aan de haak kent sloan, kumt rondj 06.00u s murgens thoes, maar is waal eedere zondig op tied op het voetballen. Veur de wedstrijd woaren al een paar dingen duudelijk: - De heren van de B hubben verstand van voetbal, aangezeen ze neet loesterden noa de tips die René Gooren ze veur de wedstrijd goof in de kantien. - Martijn woar hartstikke blie dat Lars neet mit deeg en kondigde in de kleidkamer vol trots aan dat hea vandaag de langste in de douche houw. - De oetdrukking op het gezicht en de drankloch oet het gezicht van Pascal verroajde al wat veur unne wedstrijd het veur heum zou wearen Ver begoosjte de wedstrijd mit de volgende opstelling

7 Kis: Pascal Zaate Buul Dreessen Achterhoede: Martijn XL Spronkmans Mike de Sjlipper Schippers Joey dea oet Sumpelveld Dautzenberg Chris de Wout Boselie Middenveld: Tim de Teen Giebels Milan A.C./Gattuso Smeets Gino Pietermaai Hendriks Robin Snooki Janssen Veurhoede: Serge ozze (V)ader - Maikel Soldier Boy Melis Bank: Mylano Inter Luijten Stan Mbappe Wessels Andy de Belsje Akinfenwa Verheijen Wie ver allemaol kloar stingen om te beginnen bleek de sjeids zich versloapen te hubben. Gelukkig kwoam hea 5 min later al het veld op gesprint en woaren ver kloar om te beginnen. Ver woaren pas een paar minuten bezig wie er geklommel in de verdediging van Jekerdal woar. Serge, dea truukkeerde noa een flinke poos blessureleed (knee blessure, ruzie mit een Stanleymes etc.), pakte de bal op een meater of 25 op, dribbelde richting de 16 en wis de keeper mit een prima geplaatst schot in de lang hook te passeren. 0-1!!!!!! Helaas woar ozze blijdschap van korte duur.. Unne bal weurd weggekopt door ozze verdediging en kumt bie un middenvelder van Jekerdal terecht. Dea raakt de bal vrie ongelukkig en sjut de bal unne meater of 30 de lucht in. De bal ging richting os 16-meater gebied wo bie Pascal euver het ganse veld schreeuwt; VEURRR MIGG!! Helaas woort toen pienlijk duudelijk wat de gevolgen van Pascal ziene stapaovend zouwen zeen. Wo bie er normaal de bal mekkelijk mit unne salto en dubbele flikflak vunjt, stuuterde de bal noe euver unne spartelende Pascal de goal in, 1-1. Eederein op de bank woar het euver eens dat es de bal een fles beer geweas woar, Pascal heum mekkelijk gevangen houw Noa dees 1-1 woaren ver toch een bietje van slaag en kwoam Jekerdal er keer op keer doorheen. Het bleek neet veur niks te zeen dat het elftal van Jekerdal 2 e steit in ozze klasse. Het snelle, aanvallende voetbal van Jekerdal bleek os te mechtig. Veur rust wisten de Sjenge nog 3x te scoren zodat ver gingen rusten mit een 1-4 achterstand. Mit betrekking tot de 1 e helft wil ig ger complimenten oetdeilen aan Stan Wessels; Stan is 15 joar oud en houw noa een paar minuten al gesjoaten dat er een paar sjwoan Mestreechse meadjes in de buurt van ozze dug-out stinjen. Ut fajn menke dat er is, woar er neet te beroerd om dit te deilen mit de rest van de bank. Jong geleerd is oud gedoan! Dat Jekerdal unne sjieke wijk is in Mestreech bleek auch oet het publiek wat er sting. Unne echte sjieke Mestreechse madame zoog een bietje oet es de vrouwelijke versie van Matje de Cremer. Denk hie bie aan een prachtig leedje van Urbanus euver madammen mit werm kleijer aan Ver hubben nog geprobeerd om unne foto te maken, maar dat zou helaas te bont wearen. In de rust probeerden ver get om te zetten door de jonges op de bank zich kloar te loaten maken om in te vallen. Stan kwoam veur Tim, Mylano veur Martijn en Andy de Belsj kwoam veur Chris. Hiedoor sjuufde Milan noa rechtsback, kwoam Maikel op de 6 te stoan, ging Mylano linksback spelen en kreegen ver mit Andy unne bulldozer in de spits erbie.

8 Noa rust kletste ver er direct op, wat resulteerde in good voetbal vanoet ozze kant. Helaas woort dit euverwicht neet omgezat in doelpunten wo door ver de druk er bie Jekerdal neet op koosjten zetten. Pascal bleek nog neet euver ziene kater heen (of woar hea nog ummer zaat?). In de 2 e helft dook er nog un paar keer onger de bal door en goof Mylano unne prachtige assist op de spits van Jekerdal. Oeteindelijk resulteerde de wedstrijd in een oetslaag van 1-7. Ondanks de oetslaag bin ig meer dan tevreden euver de getoonde inzet en de werklust. Es ver dat blieven tonen, kommen de winstpartijen vanzelf! Het onderdeil van Pascal dat vandaag het beste wirkde woar zien lever. Eesj moosj dea al het beer van de aovend erveur zeen te verwirken. Doa neave redde Pascal 2x een 100% kans doordat de bal vol teagen ziene boek gesjoaten woort. Bie deze een diepe buiging veur Pascal zien lever! Lever houwen ver natuurlijk 3 punten mitgenommen, maar ver hubben waal 90 minuten strijd geleverd (sjnapse um). In het biezonder wil ig namens t ganse 3e de jongens van de B (Stan, Milan, Mylano en Gino) bedanken. Noa 80 minuten op zoaterdig hub ger uch bie os aug veur 200% ingezat en paste ger moeiteloos in het team. Aug veur de andere mannen die os oetgeholpen hubben, nogmaals dank en moagen ver uch nog een keer neudig hubben zullen ver os zeker bie uch melden! Un sjiek versjlaag, Tim! En grote klasse dat geer de jonges van de B goud hub opgevange en ze nog get vaere in de vot doot sjtaeke in dit versjlaag! Van ut driede sjakele veer euver noa de mannen van 2. Die moosjten ut, noa un zjwake prestatie van un waek eerder, thoes opnumme taege koplouper Boekel Sport. Dat moosj baeter en dus woar ut erg belangriek dat de mannen goud oetgerus woare. Dus eesj goud un feeske boewe:

9 En doanoa natuurlijk goud rust pakke veur matchday: Euveriges ken ich uch auch ut prettige bericht mitgaeve dat de jonges van 2 op vriedig noa de training nog lekker aanzichzelf wirke. Mit name Frank Haenraets en Rene Zakkie Gooren wirke geregeld aan hun traptechniek. Dat woar auch de jonges van 1 opgevalle en

10 dat ontlokte bie Timo un leuke opmerking die euveriges allein gesjnap zal waere door luuj die Rene waal ens onger de douche hubbe zeen sjtoan: Ozze mannen van 2 moosjten ut op zondig doon zonger Bart Linders, dae zich ammeseerde mit vriendin Robin, getuge de foto:

11 Grappige foto natuurlijk. Maar de wakkere Rene en Randy woar get opgevalle aan die foto. Ut deig hun denke aan unne bekende voetballer dae auch ummer un bepaalde houding aannump op un teamfoto om groter te lieke: Geine Bart dus bie os 2 e zondig. Maar wae waal aanwezig woar, woar Frank Bitterbal Haenraets, dae volges Randy Wanten neit allein voetbalt wie unne beperkte, maar auch parkeert wie unne beperkte:

12 Rene Gooren deit versjlaag van de wedsjtried: Ut 2e heij get recht te zetten noa een dieptepunt oet bie laagvlieger 'Loar twie' zo wie de leider van hun dat noemde dan. Een good gesprek op vriedig heat de neuzen allemoal dezelfde kant op gezat mit oetsjeeters van Jari en Kenny. Ideale teagestenjer veur de ommekeer is koplauper Boekel Sport 3, ondanks ozze lage klassering en de intocht van Sinterkloas woare veer van plan om ze niks cadeau te doon. Opstelling: Kis: Bastiaan Achter: kenny - Jari - Yordi Quinn Midde: Joep - Frank René Veur: Geoffrey - Erik Luca Bankie: Stefan - Jason - Raúl - Mirko In de beginfase woar ut veural van beide kanten aaftasten zonger al te veul kansen. Ozze trainer houw veuraaf aangegeaven dat hun spits heel sterk woar en aan Jari de taak om heum onsjadelijk te maken. Dit heat hea zeer good gedoan de ganse wedstrijd, dea jong heat mer eine keer kinne loate zeen tot wat hea in staat is wie dr oet de draai koosj sjeeten. De bal ging hel en zuuver richting de kruusing mer een fantastische redding van Bastiaan heel de stand op 0-0. Ut middenveld woar onger controle en veer werden een aantal keren geveerlijk mit de snelheid van Luca en Geoffrey die hun teagestenjers soms mit gemaak leten stoan. Russtand woar 0-0 mer ozze belangrijkste taak woar vandaag auch om dea 0 vast te houden en te kieken wat meugelijk woar. Noa de rust begon ut redelijk geliekop mit get kansjes euver en weer mer nog altied de 0 op ut bord. Boekel werd sterker en geveerlijker noa ut einde toe mer een hecht collectief van os 2e bleef good op de bein en noa nog een goeie reflex van Bastiaan en een cruciaal goeie tackle van Frankie in ozze eigen 16 floot de arbiter veur ut einde. Ut 2e heat weer loate zeen een team te zeen binnen de lijnen en neet allejn in de kantien. Door noa volgende weak en zurgen dat vr dit proces door kinne zetten bie Groene Ster. Klasse mannen van 2. Zo numse revanche! En noe vashaute deze lien, zowel binne es boete de liene. En op dat letste vlak haet Rene Gooren in jeder geval al un goud initiatief ontvouwe:

13 Sjiek initiatief. Hoapelijk wurt hie in grote getale geheur aan gegaeve en kent d r un flinke delegatie aafreize noa Mesjtreich volgende waek vriedig. Al remden sommigen alvas ut aansjtaekelijke enthousiasme van Rene enigszins:

14 Van ut tweede sjakele veer door noa os eesjte elftal. Dat houw unne wedsjtried taege hekkesjleiter Simpelveld op ut programma sjtoan. De club van auwt-de Sjter coach Rob Lemmens. De man dae hoogstperseunlijk de waeg omhoog inzat veur os clubke door 10 joar geleje de titel in de 4 e klasse te pakke. Op de zoaterdig veuraafgoand aan de matchday, deig os eesjte elftal waer prima werk veur de club. Randy Wanten trok namelijk de lien door van selectiesjpelers die jeugdwedsjtrieje fluite. Grote klasse Randy! Daezelfde Randy deit auch versjlaag van de wedsjtried van ozze mannen: Op zondig sting de oetwedstrijd noa simpelveld op t programma. Veur de ouwtgedeende onger os (woo onder de sjriever van dit sjtuk auch heurt...!) beteikende dit ein weerzeen mit oud-kampioenstrainer van de ster Rrrrrrrob Lemmens. Simpelveld hei de litste competitiewedstrijd al flink op de kloote gekreege mit 9-1 van Heer

15 en hei dus get good te make... zousse zigge. Echter vanaaf de aaftrap woort duudelijk dat de ster de baas woar. Achterin heele Randy, davy, steffan en sjoerd de boel veilig, op t middeveld buffelden bob, mike en jeroen op het heerlijke zandjveld. En in de sjpits sjraavelde giel, boyd en guillermo euver het slechte veld. Noa 8 minuute wis de ster al op veursprong te komme door good veurbereidend werk van Boyd. Giel woar d r als de kippen bie om de bal binne te wirke: 0-1 veur de ster. De ster rook blood en woar gretig om meer te scoore (soms te gretig). Amper 10 minuute later veel de 0-2 door jeroen dea de keeper versjalkte mit ein veneinig sjot in de ongerhook. 4 minuute later woar het weer pries: bob dukers scoorde de 0-3. De ster controleerde het spel volledig en goof eigelijk helemoal niks weg. 0-3 woar auch de ruststand. Noa de rust woar het einzelfde spelbeeld. Ein paar minuute in de 2e helft scoorde davy hodselmans mit de kop oet ein corner. Vervolgens woort guillermo gewisseld veur dani en... woort randy rechtsveurin gezat. Ein aantal jonges begosje al messi, messi, messi te roope. Dat vertroewe woort neet gesjaad. Messi wist op eine goeie assist van giel schitterend oet de draai te sjeete, door de bein van de keeper. Dat waor natuurlijk volledig bewust, aangezeen trainer Maas altied zeat dat de keepers veul ruimte tussje de bein loate. 0-5! Het slotakkoord woort geveurd door Mike dea de 0-6 binnewirkte en Giel dea auch nog de 0-7 veur zien reakening nom. De sjeids vongj het waal welletjes geweas en floot aaf. De ster wint mit 0-7 van ein onthutsend zwak simpelveld en hei missjien nog waal meer kinne scoore. Enfin, ederein in stein is tevreeje mit deze goeje euverwinning van de ster! Veur de wedstrijd meinde steffan trouwes nog dat de club auch thermoshirtjes reegelde veur de spelers...

16 Klasse prestatie van de mannen van 1! Lekkere euverwinning. Maar om waal nog effe door te pakke op die thermo-shirts welk mefke haet zich eigenlijk bedach dat d r allein nog wedsjtreidshirts mit korte moewe zeen? Veer verrekke van de kou bie de veteranen en veer zeen net un bonjte verzameling clowns mit al die versjillende soorte en kleure lang moewe onger de wedsjtriedshirts. Geweun lang moewe, zodat veer os ouwerwets de moewe kenne opsjtruime es d r gaaf gegaeve mot waere de volgende keer svp! Van os eesjte sjakele veer door noa ozze dames. Die woare d r op oet om de sjterke lien van de letste waeke door te trekke. Dat moosj gebeure taege Leonidas. Samantha Vanhouwe en Shauni Martens doon versjlaag. Klasse ladies!!!! Afgelopen zondag hadden wij een uit-wedstrijd tegen Leonidas VR1. Bij ons in het team geld de volgende regel: bij iedere thuis-wedstrijd zorgen 2 dames voor een heerlijke lunch. Souad was duidelijk niet goed voorbereid.

17 Sam kreeg de vraag of ze mee wilde doen bij de veterinnen afgelopen zaterdag. Voor haar werd het nu duidelijk dat ze niet meer een van de jongste is.. Dit was een bijzonder heftig moment voor haar. Hieronder gaat het gesprek nog op een hilarische wijze door: Daarnaast hebben een aantal dames natuurlijk gevierd in het dorp. Dyonne had even een momentje voor zichzelf nodig samen met Big Ben in het de Poart:

18 & Natuurlijk hebben we nog een aantal prachtige foto s van enkele dames + Gerard: Maa rgoed dooooor naar de wedstrijd: Leonidas VR1 - Ster VR1. Om 9:30 verzamelen we bij de Ster & reizen af naar het mooie Maastricht. Alle dames komen goed uitgerust en fit aanzetten. Maar Dyonne had zich natuurlijk weer even in de Alpenhorn laten zien. Sinterklaas is weer in het land en dat wisten Maud, Sjarel & Demi zeker, want met een zwarte legging en zwarte trui stapte ze in het wedstrijdtenue. Met 4 wissels wisten we dat we zeker zouden winnen dus werd er ook doorgewisseld. De opstelling zag er als volgt uit: Doel: Maartje Achter: Shauni - Yael - Dyonne Souad Midden: Rachel - Siri - Cindy Nicky Voor: Samantha - Demi De scheids kwam de spelerpassen controleren en meteen was duidelijk dat hij slechthorend en slechtsprekend was maar vooral onpartijdig. We begonnen sterk aan de wedstrijd & waren meteen gevaarlijk voor de tegenstander. Binnen een paar minuten kregen we een corner, maar miste uiteindelijk weer een grote kans. Na een half uur werd Demi voor Bo gewisseld en kwam er weer een mooie kans. Maar helaas het zat ons niet mee. We gaan de rust in met 0-0. Na een zegje van Tom en een paar nieuwe wissels, beginnen we aan de 2e helft. Een helft waarin de kansen wel benut worden. Shauni word voor Jill gewisseld en Rachel word voor Quinty gewisseld. Quinty heeft alleen moeite met het verschil tussen links en rechts. Ons jonge teamgenootje ging namelijk rechts op het veld staan terwijl ze linkshalf hoorde te staan & kijkt dan ook gek op als Saoud zegt: wat steijs stoe hie te doon? De 2e helft beginnen we weer sterk, maar word Bo na een paar minuten in de 16 onderuit gehaald waarna een penalty volgt. Dyonne neemt m natuurlijk en goall. Het staat 0-1 voor ons. Ondertussen was er ook een boxer gearriveerd langs de lijn.

19 Waarop Kiki zegt: hey dat is een bokser, maar hij staat wel naar de verkeerde sport te kijken (foto) Na een kwartier in de 2e helft krijgt Samantha een flinke trap voor haar schenen en wordt gewisseld voor Maud. Maud laat meteen zien wat ze kan en benut de voorzet van Bo goed. Hier komt namelijk haar eerste Goal in haar voetbalcarrière bij de dames en staat het 0-2. Een kwartier voor tijd word Nikky voor Joe-Anna gewisseld, & na 2 minuten roept Joe-Anna al naar de trainer: ich bin kapot, ich hou t neet bie. Op de bank vroeg Nel aan Tom: Mag ik mij gaan douchen? Waarop Tom antwoord: Ja graag want je stinkt! We winnen de wedstrijd met 0-2 en gaan voldaan de kleedkamer in. Souad ging de douches inspecteren en was meteen van mening dat ze hier niet ging douchen, waarop Quinty zegt: stil dich neet aan, ig weit neet wie stoe duis douche, mer ig stoan toch allein op mn slippers in de douche. Met een goed gevoel rijden we weer terug naar Stein. Klasse prestatie ladies! En Maud, supersjiek dasse dien eesjte seniorengoal hubs gescoord! Dat beloaf nog get te waere in de toekomst. Dat Bo maar sjnel de kommende joare nog get gouwe sjeun biejein sjprokkelt, want euver 3 joar geis doe de fakkel ongetwiefeld euvernummer! Tja, en dan rest os nog ein team om te besjpraeke en dat zeen ozze veteranen. Die moosjten ut dees waek doon zonger coach Leon Fredrix en regelaer Willem Thewissen. Dat woar dus vroage om personele probleme. Zeker wie zelfs ein van de doorgoans ummer aanwezige sjterkhouwers leet weite neit besjikbaar te zeen. Die aafmelding van captain Mat C. leverde euveriges un leuk ad rem-gesjprekske op:

20 Wiejer weinig aafmeldinge via de groepsapp, maar op zoaterdig zou blieke dat d r zich auch heel get luuj via angere waeg houwe aafgemeld. Wat d r dan waal op de groepsapp veurbie koom? Nou, de verjoardaag van Levi Nelissen beveurbeeld, mit felicitaties van veurzitter Gerard Martens:

21 Op zoaterdig verzamelden de vets zich in de kantine. Om 4 oer al moosj d r aafgetrap waere en dan is ut natuurlijk volsjtrekt logisch dat om kwart op 4 welgeteld 2 sjpelers aanwezig zeen. Boete de sjriever van dit sjtuk goof veurzitter Martens ut goeie veurbeeld door op tied te zeen. Oh, en coach Roger Daemen toonde zich boete de kantine zelfs nog van unne nog baetere kantj door unne jeugdwedsjtried te vlagge: Klasse Roger! Ein veur ein druppelden vervolges nog get luuj binne. Inmiddels woar ut hauf 4 en woare d r toch a 8 man aanwezig. Wie auch Ron Marchal binnekoom, houwe veer in jeder geval unne keeper veur de eesjte helf, dus dan toch maar ens goan omkeije. Ron bleek ongerwaeg vanoet Belsj las te hubbe gekrege van unne hongerklop:

22 In ut kleidlokaal ging ut euver de aafwezigen en euver de vroag of veer op kunstgraas koosjte sjpele, of dat veer op veldj 2 moosjten omdat de veterinnen om 5 oer moosjte voetballe. Rob: Wo is Willem Thewissen? Roger: Dae haet nichten-daag vandaag. Levi: Sjpele veer op ut hoofdveldj? Ron: Jazeker, veer sjpele toch unne interland. Dat geit veur unne dameswedsjtried. Levi: Joa, en vrouwluuj komme toch ummer later. Ron: Joa, dat hub ich gelaeze. In 53% van de gevalle komme ze zelfs gaar neit. En die angere 47% van de gevalle ben ich aan ut neije. Inmiddels koom d r un appje door van ozze elfde sjpeler. In plaatsj van blie zeen dat veer unne 11 e man houw, reageerde Ron gevat: Coach Roger houw inmiddels de opsjtelling gemaak en loos die veur in ut kleidlokaal. De goal woort de eesjte helf verdedigd door, bie aafwezigheid van Mat C., ozze nummer 1 in de pikorde Ron Marchal. Noa de rust zou Ron zien vertroewde sjtek rechsveur innumme en woort zien plaatsj onger de lat ingenomme door keepersdebutant, en man dae es veldjsjpeler vaker unne duuk maak dan es keeper, Robbie van der Linden. In de achterhoede un onpasseerbaar blok, mit op de flanken de moderne wing-backs (sjnel, technisch sjterk en goud in de passing) Frank Peters en Ruud van Didden. Centraal achterin de man wiens kneije nog onbuigzamer zeen es zien karakter, Gerard Martens, geassisteerd door de nog ummer pielsjnelle Denny Vorstermans. Op ut middenveldj woort ut gebrek aan loupvermogen, inzicht en algehele voetbaltechnische kwaliteiten van de sjriever van dit sjtuk gelukkig gecompenseerd door alleskunners Pascal Conjour en Levi Nelissen. En in de veurhoede un druim-trio. Want puntsjpeler Bart esse mich de bal aansjpeels, krigse m wáál af en toe truk Pantus woort geflankeerd door de man in vorm, Jenki grandpa Jevric en Will de gaten-trekker Leurs. In de loup van de eesjte helf voegde de sjnel van zien werk aafgesjpoojde Misha Dreessen zich nog bie de ploug om noa de rust veur get meer duelkracht te zurge.

23 Roger: Bart in de punt en Will en Jenki op de flanken. Kiek maar wae rechs en links sjpeelt. Rob: Wo rendeers doe baeter Will? Gerard: Op de bank. Wie tiedes de warming up auch grensrechter Willy Worms koom aangewanjeld, koosj d r aafgetrap waere. Denny: Hey kiek, doa kump the voice of Maes. Willy noom de vlag ter handj en Marco Vaassen hanteerde de fluit en deig dat euveriges prima. Gedurende de eesjte helf koom auch Robert Kraus aan op ut sjportpark, leep noa de bank toe en constateerde doa dat d r waal erg weinig luuj zote. Naeve coach Roger zoot namelijk geine enkele sjpeler (reserve Robbie v/d L. heel zich in de kantine werm). Robert: Enne, wat is ut hie dun? Roger: Danke, ich ben aafgevalle. De eesjte helf woar d r sjproake van hoge sjool-voetbal. De gasten oet Tuddern woorte van ut kesjke noa de moer getik en via twee goals van Jenki, ein van Bart en ein van Levi (allemoal noa geweldige aanvalle) sjting d r bie de rust unne 4-0 veursjprong op ut scorebord (althans, dat zou d r hubbe gesjtange es de aafsjtandsbedeining van ut scorebord neit kwiet zou zeen). In de rust noom Robbie de plaatsj van Ron in onger de lat. Ron verhoesde noa de veurhoede en Jenki (dae op zondig nog moosj voetballe mit ut veerde) woort gewisseld. Wiejer offerde Pascal Conjour zich op om zien plaatsj aan Misha aaf te sjtoan. Un geweldig gebaar van Pascal, dae zichtbaar lever houw doorgevoetbald, maar desondanks zien plaatsj aafsjting. Zo n groots gebaar vreug om un groots taege-gebaar van ozze veurzitter. En dat koom d r auch, op ut moment dat Gerard langs Pascal leep op waeg noa de 2 e helf: Gerard: Pascal, wulse lever doorvoetballe? Pascal: Joa. Wiezo? Wuls doe dan d r oet komme? Gerard: Nae, maar ich dach geweun dat dat bes kut veur dich is dasse d r oet mos esse lever wuls doorvoetballe Pascal: Kut-team is dit! Bahbah! Gerard: Hahahaha. In de tweede helf woort ut voetballe aanvankelijk get minder. Tuddern woort sjterker maar via goals van Rob en Bart leep De Sjter desondanks oet noa 6-1. Wonoa Tuddern es sjlotakkoord nog 2 keer moch taegescore in ut letste kwarteier. Un kwarteier euveriges wo in Bart Pantus tot drie keer toe in scoringskans onbaatzuchtig op zuik ging noa de mitgeloupe Will Leurs om dem de goal de gunne. Will leet echter dudelijk blieke dat hae neit zit te wachte op dat soort intikkertjes. Will wult zien goale verdeine in plaatsj van ze op un presenteerblaedje kriege. En dus besjloot hae demonstratief om de kanse geweun professioneel om zeip te helpe. Klasse Will! Dat is karakter!

24 Noa de wedsjtried woar ut druk in de kantine omdat neit allein de veteranen houwe gevoetbald maar auch de veterinnen. Die sjmulden noa aafloup van lekker aete: Die verwachte drukte in de kantine houw d r euveriges toe geleid dat un aantal luuj hun plaatsj aan de teek al tiedes de wedsjtrieje van de veteranen en veterinnen houwe gereserveerd:

25 Bie de veteranen deig Roger Daemen goud werk noa de wedsjtried door waer ens get geldj op te hoale door ut dobbele op te pakke. Klasse Roger. Al beteikende dat waal dat de sjoal mit hapjes al laeggevraete woar veurdat Roger de kans kreeg om ein hapje te aete. Gelukkig houw Jo van Funs dat pestgedraag bie de veteranen besjpeurd en tracteerde hae Roger op un eige bekske bitterbel: In de kantine ging ut nog effe euver walking football. Will Leurs houw doa un oetgesjproake meining euver. Will: Ich venj doa gaar niks aan, dat ganse walking football. Ron: Dat hubbe ze angesj oetgevonje wie ze dich zoge voetballe. Will: Joajoa, dat zal waal maar ich begin d r neit aan.

26 Ron: Salah en Ronaldo hubbe un eige sjtandjbeeld. Will auch. Dat kump jeder waek voetballe. Intusje houw auch Stef Conjour, dae neit mit koosj voetballe, zich aangesjloate. De jongste zoon van Rep woar op zuik noa zien mam. Die houw sjus bie de veterinnen gevoetbald. Rep: Pap, wo is mam? Stef: Die is nog douchen. Ron: Kom maar jong, dan goan veer ze zuike. Rene Gooren zoot intusje aan de teek mupkes te tappe. Hae besjloot d r eine te deile mit Willy de Worm. Rene: Willy, wie nuimse unne vogel mit un kretje beier onger de vleugel? Willy: Gein idee. Rene: Unne buizerd. Willy: Oh. Rene: Sjnapse m? Willy: Wattuuuuhhhh! Hallooooo, ich hub auch de legere sjool aaf! Ut woar waer unne sjieke wedsjtried. Mit es man of the match, de man dae zelf neit scoorde, maar dae enkel in de auge van échte voetbalkenners (haezelf veurop) oetblonk: En doamit zeen veer aan ut eind van dit versjlaag gekomme. De aafsjleiter is dees waek veur un tweetal jonges oet Belsj, die zoaterdig op ut Hetjen kome aanweije:

27 Rene Gooren legk ut uch oet: Pes volgende waek! Rob Sjulpe!