De Sjter 1 wint en sjtijg noa 2 e plaatsj; De Sjter 5 knalt oet de sjtartblokken! Frans en Thijs van 1 in aanvaring mit justitie!

Transcriptie

1 De Sjter 1 wint en sjtijg noa 2 e plaatsj; De Sjter 5 knalt oet de sjtartblokken! Frans en Thijs van 1 in aanvaring mit justitie! De resultaten t aafgeloupe weekend woare wisselend veur de seniorenteams van os clubke. De Sjter 2 leed t jammerlijke en geflatteerde nederlaag in de topper taege Budel 2. De veteranen moosjten op zoaterdigmiddig hunne meerdere erkenne in de buren van Urmondia en auch de dames leden un onverwachse nederlaag taege Hulsberg. Ut einige versjil tusje de nederlagen van de veterane en de dames zoot m in de beide topscorers. Bo Knoops wis veur de name t netje helaas neit te vinje, terwiel Stef Conjour maar leifs 3x raak wis te sjeite. De sjtried om de gouwe sjoon is dit weekend dus waer get sjpannender gewoare. Euverwinninge woare d r gelukkig auch te viere. De manne van 5 knalden oet de sjtartblokken en bonje de sjutterie van HBC 3 aan de zegekar. En os eesjte ging door mit t gein ze al drie moanje aan t doon zeen inmiddels: ongesjlage blieve in de 2 e klasse en doamit richting de koppositie sjloepe. Dit keer woort Sporting Haerle aafgeteikend versjlage. Gelache woort d r auch genog dit weekend. Al woar de doorgesjpeelde informatie dees waek get dunner es anger waeke. Veur eine keer dus un get korter versjlaag. Aeve goud voldoende dinger om auch dees waek unne goeie sjlaag te kenne lache. Dat lache kenne veer dees waek neit om sjieke verhoale, sjoon foto s of goeie prestaties van os damesteam. Veur de wedsjtried woar d r nog waal un fantastische video-compilatie van hoogtepunte van de eesjte sezoenshelf op facebook geknald, maar noa de wedsjtried bleef t verdach sjtil. De eesjte wedsjtried noa de winjtersjtop woort un nederlaag geleje taege Hulsberg. Coach Gerard Martens bulderde noa aafloup in t kleidlokaal dat hae veur sjtroaf de ganse waek nemes van de dames zoepend in t dörp wol aantreffe. T is teikenend veur de opofferingsgezindheid van Gerard dat hae doa aan toevoegde: en ich zal d t perseunlijk op toezeen dat deze maatregel wurt noagelaef, door zelf de kommende waek jedere daag de café s in t dörp noa te loupe. Van de dames goan veer euver noa de mannen van ut driede. Die houwe geine wedsjtried op t programma sjtoan, maar desondanks besjloate coaches Nitsch en Gooren om d r un pittige trainingswaek van te make. De mannen woorte flink aafgezeik op t trainingsveldj en terwiel hie en doa nog unne sjpeler loog te kotse in de sjtruke van vermuijdheid, hoastte Robin Storms zich noa de training geliek noa de kantien. En dit keer, tot sjtomme verbazing van Jo van Funs, neit om alvas unne pint te pakke:

2 De mannen van drie houwe dus zelf niks te voetballe maar woare waal zo sociaal om hun matties van ut viefde, die ondanks un selectie van 28 sjpelers kampten mit personele probleme, oet de brandj te helpen. Grote klasse mannen! Dat viefde moosj voetballe taege HBC. De club die heur eige leger elftalle publiekelijk afficheert es sjutterieje door t volgende bord op heur complex te plaatsje:

3 De mannen van 5 houwe dus te kampen mit vöäl aafwezigen, vanwaege de mansluujzitting bie De Bekker unne daag eerder. Maar leifs 16 aafmeldinge houw dat tot gevolg. Bie deze dan auch t vrunjtelijke verzuik aan Tillie om de kommende joare die zitting geweun in de winjtersjtop te haute. Es Tillie aan dae oproup gein geheur geef, dan euverwaeg de leiding van De Sjter 5 om kommend sezoen de zondig noa de mansluujzitting auch un stripteasedanseres in te hure, om de jonges toch te bewaege om noa t Hetjen te komme. Euveriges woare d r auch twee helden die, ondanks unne kater van de zitting, tóch geweun lekker kome balle op zondig. Dat zeen de mannen wo se t van mos hubbe es elftal en dus verdeine die t op effe in t zönke gezat te waere. Op de eesjte plaatsj betruf t Noudje apfelkorn Claessens, dae op zondig geweun un iezersjteker partie sjpeelde. En op de tweede plaatsj geit t om Danny film-kwiet Pepels, dae zovöäl houw gezoape dat hae op zondigmurge nog neit meer wis dat hae op sjtap woar gewaes en zich dus geweun de tesj houw gepak om te goan voetballe en doa de 90 minute volmaate. Klasse Noud en Danny! De hulp van de mannen van ut driede besjting onger angere oet Rene Gooren, dae es linksback woort opgesjteld en dae noa aafloup, zo wie veer m kenne, oetermate besjeije woar euver zien eige prestaties: Teamgenoot Ralph Doek woar gét minder enthousiast euver t optraeje van Rene:

4 De goale woorte veur rus gemaak door Mick Creemers, dae zowel de 1-0 es de 2-0 op ziene naam zat. Noa de rus lepe de mannen van 5 wiejer oet via un eige goal van HBC. Ut sjlotakkoord koom tot sjtandj via de sjoonste aanval van de middig: unne perfecte crosspass euver 41 maeter mit ziene chocolade-rechter van Ralph Doek, un perfecte aanname en veurzet van Robin Janssen en oetmuntende aafwirking mit de kop door Marc Caubo. Wiejer woort deze wedsjtried nog op fabelachtige wieze un kans om zeip geholpe. Devon the dude Moerkens mikte de bal van ongerhaeve maeter aafsjtandj in t zienet. Doamit sjtootte hae Rene Gooren van de 2 e plaatsj aaf es t geit om grootste gemiste kansen dit sezoen. Rene mikte veurige waek de bal op de poal van 2 maeter aafsjtandj. Koplouper op dit gebied is euveriges nog ummer de sjriever van dit sjtuk dae eerder dit sezoen in Belsj unne perfecte doorkupbal van Willem Thewissen vanaaf eine maeter van de goal promoveerde tot un field goal door de Rugby doelpoale die 10 maeter achter de voetbalgoal sjtinge. Tied om euver te sjakele noa de mannen van 2. Die houwe zondig de topwedsjtried tusje de nummers 1 en 2 in de reserve eesjte klasse op t programma sjtoan. De mannen oet Budel woare te gast op t Hetjen. De wedsjtried kenmerkte zich door vöäl sjtried en vöäl kansen euver en weer. Os jonges deige hun sjtinkende bes maar woare ongelukkig in de aafwirking. Die van Budel sjpeelden oetgekoak op de counter en ronjden tot 4x toe waal koeltjes aaf. De eindsjtandj van 0-4 woar weliswoar geflatteerd maar leet aan dudelijkheid auch niks te wunsje euver. Keeper Bastiaan Muijtjens maakte weliswoar gein grote fouten maar tuinde zich desondanks zelfkritisch. Hae woar absoluut neit tevreje mit zien eige optraeje. Gelukkig vonj Bastiaan unne daag later al troost in un krantje-artikel, dat hae deilde mit zien ploeggenoten:

5 Unne angere sjpeler dae dees waek nog in de social media opdook woar veurmalig De Sjter 2- en huidig De Sjter 1-sjpits Marko Jevric. Ut woar zien sjoonzus, die un foto van heurzelf en ozze onlangs daddy gewoare sjpits op instagram zat mit un wurkelijk hilarisch ongersjrif (veur de goeie orde: unne DILF is de mannelijke versie van un MILF):

6 Van ut tweede goan veer euver noa ozze veteranen. Die houwe un oetermate rustig waekske gehad op hunne groepsapp. Dat koom op zoaterdig in t kleidlokaal dan auch aan de orde, wie Stef t kleidlokaal in koom terwie d r auch toevallig net effe un sjtilte van 10 seconde woar gevalle.

7 Stef: Wat is t hie sjtil? Wat is los? Stefan: Ja, op de app woar t auch al zo sjtil dees waek. Ich hub op un gegaeve moment zelfs whattsapp d r oet gegooid en opnuuj geïnstalleerd omdat ich dach dat r t nei meer deig. Ron: Venjse t gek dat t rustiger is? Alles wasse hie zaes, kump in dat versjlaag. En mien sjoonfemieje lees dat auch ummer mit. Gelukkig woort d r in t kleidlokaal en noa aafloup in de kantine genog sjaele kal verteld om t gebrek aan activiteit op de groepsapp te compenseren. Te beginne mit de dit sezoen waer mit voetballe begoosjte Steef van de Woude dae un serieus ongerwerp wol aansjnieje, maar al noa 2 seconde in de reje woort gevalle door Willem Thewissen en Paul Janssen. Steef: Jonges, moag ich effe uch aandach? Willem: Doe geis toch neit zinge, he? Paul: Geisse alwaer sjtoppe mit voetballe? Steef: Nae, effe serieus jonges. Ich ben dees waek bie de neuroloog gewaes. Dae haet geconstateerd dat ich get in de kop hub. T is gelukkig goedaardig Poeh, en dan sjrikse toch effe. Dat sjloog de lacherige sjtumming toch effe kapot. Gelukkig wis Steef zelf mit t vervolg van zien verhoal de sjtumming waer terugk d r in te kriege. Steef: Ich hub de arts natuurlijk gevroag of ich geweun moag sjporte. Dat moag, maar ich mot allein niks aan miene kop kriege. Dus boksen ken ich sowieso geweun blieve doon, want mien dekking is zo geweldig dat mich doa niks aan de kop kent komme. En voetballe ken ich auch geweun doon, want ich sjpeel veurin same mit Stef en dae geef toch nooit unne veurzet, dus ich ken auch geine bal op de kop kriege. Steef ging nog effe door mit zien verhoal. Dat wekte de interesse van Mat Creemers: Steef: De arts zei trouwes auch dat dit mien IQ waal mit 10 punte verhoog, dus ich ben noe van 145 noa 155 gesjtege. Mat: Vergroot t auch dien libido? Want dan hub ich waarsjienlijk al 40 joar zoget in miene kop. Vervolges kome trainers Frens en Leon binne en dus vertelde Steef zien verhoal nóg maar unne keer. Frens houw doa op un terechte vroag. Frens: En es dich get gebeurd onger de wedsjtried? Steef: Dat is neit erg, want volges de artse is t dan binne 3 seconde gedoan mit mich. Dus doa houf geer dan auch niks meer aan te doon. Frens: Mosse os waal effe t nummer van de vrouw gaeve, zodat veer die dan kenne belle. Steef: Nou, ich zou dan d r veur keize om Misha te loate invalle, Frens, want mien vrouw kent éch neit voetballe.

8 Ron: En dae kump auch sjneller kloar es de vrouw van dich. Misha: Enfin. Ron: Dat ze trouwes unne scan houwe in t ziekenhoes veur dae dikke kop van dich? Gerard Martens ontbrook vanwaege zien bezuik aan de mansluujzitting bie De Bekker. Ron vertelde euver zien belaevenisse es Master of Ceremony op de vrouwluujzitting bie De Poart van un waek eerder. Ron: Ich kniep nooit meer un vrouwmusj in de batse. Ech woar, ich ben op die zitting de ganse middig en oavend door vrouwluuj in de batse geknepe. Auch door die van dich, Rob. En dat vonj ich zó denigrerend. Ich vuilde mich un lustobject in plaatsj van unne man. Dat goan ich nooit meer emes angesj aandoon. Denny: Doe bes geweun unne laevende sjtressbal veur die vrouwluuj. Stef: Wie bes doe veurige waek eigenlijk thoesgekomme vanoet Lintjheuvel, Den? Denny: Ich woar nog allein mit Ron doa. Veer zeen opgehoal mit de auto. Stef: Joa, doa zal Ron waal al de ganse oavend op oet zeen gewaes dat Miriam van dich m koom ophoale. Hubbe die twee same achterin gezaete? Denny: Nae, de vrouw van Ron is os komme ophoale. Willem: Wat dachse? Noe ken ich ens wraak numme op m? De wedsjtried van de veterane sjtartte al vruig. Omdat d r weinig te voetballe woar veur de jeugd en de veterane gaer raekening d r mit haute dat t kantinepersoneel neit de ganse daag in de kantine hauf te sjtoan, woort al om hauf 4 aafgetrap. Taegesjtenjer woar t altied sjterke Urmondia. Auch deze wedsjtried tuinde Urmondia zich waer unne klasse taegesjtenjer. Ze kome op 1-0 veur, maar t woar Roger d n Doam dae aan de angere kantj unne penantie verseierde, dae door Stef woort benut. Stef zurgde auch veur de 2-1 veursjprong maar vlak veur rus koom Urmondia op 2-2. Noa de rus scoorden de gasten alwaer sjnel maar t woar opnuuj Stef dae de 3-3 binnetikte noa goud wirk van Stefan Janssen. De wedsjtried woar sjpannend en de sfeer woort grimmiger. Urmondia scoorde de 3-4 oet unne terechte penantie, dae aeve goud fel betwist woort door captain Mat Creemers. Althans, hae beklaagde zich veural euver t euverdreven sjreve van de Urmondia sjpeler. Dat beklage ging echter zo lang door dat sjeidsrechter Devon al mit de handj op de borstzak noa Mat toe koom loupe, wo op Mat zei: Jong, ich ben 60 joar, doe geis mich toch neit van t terrein aafsjikke zeker? Wiejer presteerde Piele t nog om tot drie keer toe ziene taegesjtenjer waal erg bot taege de grondj te wirke. Euvertredinge euveriges die door de sjpits van Urmondia zonger enig commentaar woorte geïncasseerd. Hulde doaveur! Ozze gasten scoorden op t eind nog de 3-5 en mochten terech de drie punte mit noa hoes numme.

9 Noa de wedsjtried in de kantine veel Mat Creemers waer op mit n opvallende outfit. Willem: Sjiek humme, Mat. Wat is dat veur merk? Mat: Dat is unne echte Paul Smith. Is van Egyptisch katoen gemaak. Zeer schaamlipgevoelig. Stef: Egyptisch katoen? Ut ruuk inderdaad esof t de aafgeloupe drie doezend joar door unne farao is gedrage. Van de veteranen goan veer door noa os eesjte elftal. Vanoet dat team koom dees waek opvallend vöäl nuujts. Deils positief, deils get minder positief. Loate veer mit t positieve beginne: op t trainingsveldj aafgeloupe waek woar un opvallende versjiening te besjpeure noa ongerhauf joar blessureleid: Op zondig zou Randy zelfs alwaer un rol kriege binne t team. Un rol die achteraaf essentieel zou blieke te zeen veur t binnehoale van de drie punte. Maar, zo wie gezag, d r woare auch leden van os eesjte elftal die get negatiever in t nuujts kome. Zo bleek doordewaeks dat veteraan Will Leurs neit de einige mit gruin vingers is binne os vereiniging. De in Geulle woonachtige Frans Beaujean koom op dezelfde wieze in t nuujts es DJ Will:

10 Frans woort om commentaar gevroag en hae zoch gein smoesjes:

11 En zo is Frans. Alles in t belang van t team. Maar d r woar auch unne sjpéler van os eesjte elftal dae in ut nuujts koom aafgeloupe waek. Ozze balkunstenaar op de vleugel, Thijs Nieuwland, bleek zich namelijk gemeld te hubbe bie de plisse veur n incident woveur hae gezoch woort. In t artikel dat de NOS op heur website publiceerde woort de naam van Thijs, vanwaege privacy-rejene, neit gebroek, maar de tekst op de bus zaet desondanks alles: De mannen van 1 ginge aafgeloupe weekend op bezuik bie Sporting Haerle. Die ploug promoveerde twee seizoene geleje nog glansriek noa de 1 e klasse, presenteerde zich in die klasse auch prima ondanks de oeteindelijke degradatie, maar haet dit sezoen flink aan kwaliteit ingeboet. Eerder dit sezoen wonne os mannen aafgeteikend thoes taege dees ploug, dus de mannen oet Haerle woare ongetwiefeld oet op revanche. Coach Czornyj verwachtte dan auch unne drukke middig veur ziene keeper Geoffrey en instrueerde verloare zoon Randy Wanten om de warming up van Geoffrey veur zien raekening te numme. Doa euver woort door de sjriever van dit sjtuk aanvankelijk noa get lacherig gedoan:

12 Maar die weurt moosjte nog gein 10 minute later alwaer ingesjlik waere: Veur un compleet versjlaag van de wedsjtried, verloat ich mich waer op Frans Dr. Greenthumb Beaujean (de bienaam is ontleend aan de sjtikker op ziene auto, dae oeteindelijk auch haet geleid tot de eerder gememoreerde plisse inval):

13 De wedsjtried van os eesjte sjting onger leiding van de beste sjeidsrechter van Limburg, Bert Verstappen. Noa un ietwat nerveus begin op t toch waal lestig besjpeelbare helle kunstgraasveldj in Haerle, kreeg De Sjter get meer controle. Guillermo Kroon, dae sjtartte es linksboete, ging ziene taegesjtenjer in de eesjte minute al un paar keer veurbie. Noa un minuut of 10 woort Guillermo waer aangesjpeeld. Hae gebroekte zien lichaam goud, wonoa ziene taegesjtenjer un gewaagde sliding inzat en Guillermo ten val brach. De bal ging op de sjtip en t woar specialist Ricardo Lucassen dae waer ieskoud bleef en de score op 0-1 brach. Unne perfecte sjtart dus, maar de voetbalwetten zegke dasse dan altied bedach mos zeen op t feit dat de bal aan de angere kantj auch waal nét get mekkelijker op de sjtip zal goan in t vervolg van de wedsjtried. Dat gebeurde auch al sjnel want noa un kwarteier sjpele kreeg Haerle de kans om via unne penantie de score geliek te trekke. De penantie woort prima ingesjoate maar Geoffrey dook katachtig de goeie houk in en ranselde de bal oet de goal, wodoor de 0-1 veursjprong bleef gehandjhaaf. Doanoa woar De Sjter de baetere ploug. Thijs en Guillermo kome keer op keer geveerlijk door op de flanken. Unne sjtrakke veurzet vanaaf links leek langs alle inloupende sjpelers te zeilen, maar de attente Bob Dukers woar nét op tied bie de 2 e poal om de 0-2 binne te tikke. Haerle goof neit op en bleef knokken, maar de defensie van os mannen sjting wie un hoes en keeper Geoffrey woar t betroewbare sjlot op de deur. Unne knal van Thijs koosj nog net door de Haerle-goalie gepareerd waere, maar ozze Montenegrijnse goaltjesdief (en mondial-swinger; citaat aafkomstig van Frans B.) Marko Jevric woar d r es de kippen bie om in de rebound de 0-3 binne te wirke.

14 In de rus sjmaakte de thee heerlijk bie unne 0-3 veursjprong maar coach Czornyj maande zien ploug tot oplettendheid. Twee joar geleje woort immers in de tweede helf in Haerle unne 1-3 veursjprong nog versjpeeld en omgezet in un 4-3 nederlaag. Dat gebeurde dit keer echter neit. De organisatie sjting goud, De Sjter versjlapte neit en waerde zich prima in de felle duels die door de sjeidsrechter prima gemanaged woorte. D r koosj auch rustig gewisseld waere in de 2 e helf. Bob, dae get aangesjlage woar door unne trap op ziene enkel, woort vervange door Hassan. En effe later kreeg Paolo get las van de enkel en woort vervange door Sjoerd. Ongertusje kreeg De Sjter nog get kanse en die leidden auch nog tot unne treffer. Unne sjtrakke veurzet veur de goal woort door de hoog opsjpringende Guillermo knap binnegeknik. Een terechte beloning veur Guillermo s goeie sjpel. Marko woort vervolges nog vervange door Mike, wonoa de wedsjtried noa zien einde hobbelde. Un prima euverwinning veur os mannen die, dankzij gunstige oetsjlaeg, sjtege noa de 2 e plaatsj op de ranglies, achter de verrassende koplouper Hoensbroek. Omdat winnen nooit geweun moag waere, woar coach Ronny auch dit keer waer de grote animator van n vreudedansje in t kleidlokaal. Un klasse prestatie mannen. Noe op noa de topper kommend weekend taege Geusselt Sport. Ut letste woord dees waek is aan veteraan Marc Lacroix. Deze fortuna-fan en docent op t DaCapo College in Zitterd sjting noa de wedsjtried van de veterane unne pint te drinke mit mede-veteraan Math Caanen. Math houw zin in n sigaret maar t feit dat hae doaveur boete in de kou moosj goan sjtoan, bezurgde m in de werme kantine al kouw rillinge. Math deig doa op n veursjtel dat meisterlijk gecounterd woort door Marc. Math: Jonges, wae geef mich un kretje beer es ich sjtop mit rouke? Marc: Ich gaef dich d r twee esse sjtops mit voetballe. Op noa kommend weekend! Rob Sjulpe