Alle senioren teams winnen! Bo Knoops scoort 6x!!!

Transcriptie

1 Alle senioren teams winnen! Bo Knoops scoort 6x!!! Wát un grandioos weekend hubbe veer achter de rugk mit os seniorenteams. Ut driede houw geine wedsjtried maar álle angere teams pakten de volle buit. Ozze veterinnen sjpeelde dit weekend un toernooi en sjreve dat toernooike auch maar geliek op hunne naam. De veteranen sjpeelden toch geweun hunne wedsjtried, ondanks t feit dat meer es de helf van de groep woar aafgereis noa Mönchengladbach veur n oktoberfees. Ondanks (of mesjiens waal dankzij) de aafwezigheid van al die vedetten, boekten de achterblievers (aangevuld mit enkele zeer beperkte gastsjpelers) un klinkende euverwinning op Armada. Ut viefde blif zich handjhaven in de top van heur klasse via un zjwoarbevochtend euverwinning op Havantia 2. Ut tweede boekte un nipte, maar zeker waal verdeinde euverwinning op Venlosche Boys 2. Os eesjte leet de toesjouwers tot de letste minuut in sjpanning door te verzuimen om wiejer oet te loupe, maar won oeteindelijk terech van BSV Limburgia. En de dames tot sjlot hoalden mit 7-0 flink oet taege de dames van Heer. Grote oetblinkster van t weekend woar veur de 2 e keer dit sezoen unne poet van Christel van Kan. Wo eerder heure zoon Jari boave zichzelf oetsjteeg en man van ut weekend woort, doa woar t dit keer de beurt aan dochter Bo. In taegesjtelling tot heure brouer houf Bo echter maar heur normale niveau te hoale om gekroond te waere tot beste van ut weekend. Al is ut noe auch waer neit zo dat Bo d r waekelijks 6 insjtamp. Ongeacht t niveau is dat un prestatie van formaat. Klasse Bo! Maar naeve t voetballe woar d r auch de aafgeloupe waek waer genog te doon in Sjtein. Op vriedig houwe de mannen van 2 un oktoberfees georganiseerd in de kantien, won Ans van Kan van Bastiaan Muijtjens mit ermke drukke, sjloog Rick Kostons unne nagel in t plafond in de serre, en bleek Bart Linders tóch Ajax-supporter te zeen. En dan hubbe veer t nog neit gehad euver de veteranen die waer heel get mitmaakten op un authentiek Duutsj oktoberfeest. Loate veer dus maar sjnel beginne mit t besjpraeke van dees sjportief zeer succesvolle waek veur os clubke. En veer beginne dit weekend ens mit ozze dames. Die houwe drie belangrijke dinger op t programma sjtoan. Te beginne mit deilname aan t Oktoberfees in de kantien op vriedigoavend. De dames woare doa prima vertegenwoordigd en deige auch leuk mit aan t nagele:

2 Maar auch vocaal lete de dames zich heure. Mit name Dyonne Conjour woar luid en duidelijk aanwezig. Dat Dyonne ummer in is veur n grekpe bleek waal wie ein van heur teamgenoten heure gsm op de toafel leet ligke, wie ze effe un drenkske ging hoale en unne daag later heur foto s op de gsm noakeek:

3 Dyonne toont zich dit sezoen euveriges waal un échte clubvrouw en doa moag ze bes ens get erkenning veur kriege. Zo traint ze t maedjes-team van De Sjter en woar ze aafgeloupe zoaterdig auch neit te beroerd om de wedsjtried van de B2 te fluiten. Klasse Dyonne! Op zondig houwe de dames maar leifs twee belangrieke activiteiten sjtoan. De thoeswedsjtried taege Heer woar de minst belangrieke van de twee. Voal belangrieker woar de activiteit vlak véur dae wedsjtried: Dat berich van secretaris, webmaster en hoesfotograaf Hein Meijers zurgde veur dikke paniek bie de dames. Halseuverkop woorte d r de neudige aafsjproake ingepland bie de lokale kappers, nagelstylistes en beauty salons. Maar ut resultaat moag d r auch zeen:

4 Vervolges moosj d r auch nog gevoetbald waere. Taegesjtenjer Heer sjting nog op 0 punten en ozze dames goan wie un sjpeer. En dae lien trokke ze auch zondig waer door. Onger un sjtroalend zunke en mit n lekker meziekske oet de speakers woort d r aafgetrap. Ut eesjte kwarteier woare d r helaas twee pechgevallen want Lonneke veel, noa unne val, oet mit un gebroake pols en woort vervange door Jill Vallinga. En auch Shauni moosj geblesseerd t veldj verloate. Heure rugk is sowieso al zjwoar euverbelast doordat ze papa Gerard Martens jedere vriedig én zoaterdig vanoet De Poart de trap mot opsjleipe om m in bed te kenne legke. Dae zjwake rugk woort heur zondig fataal en ze moosj zich loate vervangen door Rachel. De score woort geoapend door Samantha, die zjwaak verdedige van Heer aafsjtroafde. Keepster Maartje houw auch genog te doon en redde un paar keer op fraaie wieze. Oetblinkster echter woar Bo Knoops. In t begin van de wedsjtried houw ze nog drie kere pech gehad dat poal en lat un goal veurkome. Maar wie de eesjte eenmaal in t netje loog ging t sjnel. Via 6 goals van Bo lepe ozze dame oet noa 7-0 en dat woar auch de eindsjtandj. De euverwinning woort lekker gevierd in t kleidlokaal. En wie de opgeloupe wonje woare verzurg, woorte d r boete in t zönke nog de neudige drenkskes genuttigd. Van de dames goan veer euver noa de FC Biejeingeraap van De Sjter 5. Dae bienaam hubbe ze euveriges zelf verzonne. De mannen woare t sezoen hartsjtikke goud begoosj, maar houwe op zondig unne lestige oetwedsjtried op t programma sjtoan taege Havantia. Om get extra motivatie te tanken woare auch dees zoepnaze en godenzonen sjterk vertegenwoordigd op t oktoberfees in de kantien op vriedigoavend. De mannen houwe t veural druk mit nagelen:

5 Dat nagele leverde euveriges nog de neudige verwarring op bie de sjpelers van 5. Gelukkig booj Rick Kostons oetkomst veur t dilemma wo Pascal Conjour en Peter Paes op sjtute. Peter: Wie geit dat eigenlijk, dat nagele, Pascal? Pascal: Gans simpel: hamer pakke, nagel pakke, punt noa onger, kop noa boave en dan in dae boumsjtap houwe. Peter pakte doa op unne nagel, bekeek m en sjmeet m weg. Vervolges pakte hae unne nuuje en auch dae woort weggesjmete. Pascal: Wat bes doe noe aan t doon, Paes? Peter: Dat zeen gein goeie. Pascal: Wiezo dat? Peter: Doe zeis: punt noa onger, kop noa boave en dan d r in houwe. Pascal: Ja..? Peter: Die wat ich net pakte houwe de kop noa onger en de punt noa boave. Rick Kostons mengde zich op dat moment in de discussie, raapte de naegel op die Peter net houw weggegooid en zei: Die wat de punt noa boave hubbe, mosse neit weggooien, Paes Die kense veur t plafond gebroeke.

6 Maar Rick houw t neit allein maar druk mit t nagele daen oavend. Tied om zich eine te drinke, kreeg hae nauwelijks want jeder vriej moment houw hae waal un twerkende of grindende dame om zich bie: De get later op de oavend genomme foto s van unne daggerende (op z n engels oetsjpraeke, luuj; t is 2016 he) Rick zal ich uch besjpare.

7 Mit de van waek tot waek tot un sjteeds groter cultfiguur oetgruijende Rick in de gelederen, reisden de mannen van 5 op zondig in alle vruigte aaf noa Havantia. Ralph Gladiator-inruste Doek deit versjlaag van de wedsjtried: Ut eesjte kwarteier woort d r bie vlagen Champions League voetbal gesjpeeld door ut viefde en dat resulteerde in goals van Brahim Dagdaoui en Michel Beks. Maar t is nog ummer oktober, dus t goeie voetbal woort aafgewisseld mit oktoberfees-voetbal eine grote chaos dus. En zo sjting ut noa 23 minute alwaer 2-2. Noa de rus woar t hartsjtikke sjpannend. Beide plouge krege kansen, maar allein good old John Pantus wis t netje te vinje. Noa get hachelijke momente veur de goal mit Roy Kapot gezich Janssen, woorte de drie punte mit noa Sjtein gepak. In de dug out waore inmiddels waal veier man hartpatient gewoare door de stress. Un klasse resultaat dus waer veur De Sjter 5, dat noe op de ranglies de 3 e plaatsj bekleid. Klasse mannen! Van ut viefde goan veer noa de mannen van os tweede elftal. Die houwe aafgeloupe waek heuglijk nuujts te vieren, want hunne sympathieke aanvalsleider Marko Jevric woar papa gewoare: Proficiat Marko. Benuujd of t vadersjap van dich unne versjtenjigere man maak. Die kans is euveriges groot want heel voal marge richting de ónversjtenjigere kantj houwse sowieso neit meer. De mannen van 2 woare dus verantwoordelijk veur de organisatie van t oktoberfees aafgeloupe vriedig in de kantien. Vanzelfsjpraekend woar de ganse selectie van 2 dan auch

8 tot in de late uurkes aanwezig. Neit ens zozeer omdat ze zich verplich vuilden om tot t lets te blieve op hun eige feeske of omdat hunne coach tot t einde achter de DJ-toafel sjting, maar meer omdat coach Rudy toevallig un selectie haet mit un paar van de grootste zoepnaze van de vereiniging. Ouwerwetse beier-zoepnaze wie Jari Knoops, Stefan de Frusj, Joep Nacken, Bart Linders en Steve Krijgsman. Maar auch nuujewetse bacogrootverbroekers wie Luc Spaans, Youri Voesten en Marko Jevric. De meeste jonges van 2 houwe zich auch un sjone authentieke oktoberfees-outfit aangetrokke. Un outfit die vermeind Feyenoord-fan Bart Linders, opleukte mit n apaart item: Hoewel neit te zeen is wae Bart hie sjtevig vas hilt, gaeve de gesjpierde erm de indicatie dat t hie allein maar om Willem The Body Thewissen of om Bastiaan Willem in t zoer

9 Muijtjens kent goan. T Bleek oeteindelijk om dae letste te goan. Ans van Kan woare die gesjpierde erm auch al dekker opgevalle en wie Ans aafgeloupe vriedig un paar glaeskes glühwien houw genuttigd, zei ze in un ondeugende buuj: Zegk Bastiaan, zulle veerrrrr ens un putje errrrmke drrrrrukkke? Es doe wins, moags doe mien woosj. Es ich win, moag ich dien woosj. De aafloup leet zich roaje:

10 Of dit allemoal ech zo gebeurd en gezag is, weit ich euveriges auch neit, he. Ich krieg auch maar get foto s doorgesjtuurd en mot maar gissen wat zich allemoal haet aafgesjpeeld in die kantien. Maar in dit geval ken ich mich neit veursjtelle dat ich wiet naeve de woarheid zit. De mannen van 2 ammeseerden zich goud op t feesje en noa unne ganse zoaterdig in bed sjtinke, mochten ze es beloning op zondigochtend in alle vruigte (veur de gemiddelde sjpeler van 2 is hauf 11 op zondigochtend verrekdesse vruig) vertrekke veur hunne oetwedsjtried taege Venlosche Boys. Probleempunt woar t vinje van unne vlagger dae de jammer genog gesjtopte Roy van Mulken koosj vervange. Gelukkig woar Noud Claessens bereid om de vlag op te pakken. Helemoal wie hae heurde dat t complex van Venlosche Boys naeve Stadion De Koel van VVV ligk. De club die aafgeloupe vriedig glorieus woort aafgezeik door Nouds tweede leifde Fortuna. Mit unne grote glimlach sjting Noud de ganse wedsjtried de in Venlo nog in de loch hangende treurnis euver die nederlaag op te sjnoeve. Vanwaege t late aanvangstiedjstip van 2, koosjten d r gein reservesjpelers van 1 mitsjpele. Pak doabie dat de selectie kamp mit un aantal blessures en t is dudelijk dat coach Rudy beheurlijk moosj puzzelen. Hae koom oeteindelijk tot de volgende opsjtelling: Kis: Esat Achter: Frusj, Joep, Cyril en Jari Midden: Frank, Mike en Bart Veur: Youri, Marko en Steve Bank: Zoubair, Eleandro en Dean Schepers Jeugdsjpeler Dean Schepers woar debutant in de selectie. De jong haet in de jeugd gesjpeeld bie Haslou en meljde zich zondig doodleuk mit n Haslou-tesj in t kleidlokaal. Maar goud, dat is auch eigenlijk get wat bie t tiedbeeld heurt. De jeugd van tegenwoordig probeert noe eenmaal via kleijingkeuze n statement te make of n bepaald image oet te drage. De meeste dertig-plussers in Sjtein motte doa geweun nog get aan wenne. Maar de in Mesjtreich wonenede veteranen captain Mat Creemers verzekert os jeder waek dat dat euver n joar of 20 auch waal in Sjtein doorgedronge is. Euveriges kenne veer vanalles vinje van n Haslou-tesj, maar welk statement Cyril Bruinen probeerde te make, wie hae zich sjmurges deze handjdouk in de tesj duujde, is mich neit gans dudelijk:

11 Venlosche Boys begoosj baeter aan de wedsjtried. Ze woare feller in de duels en woare de mannen oet Sjtein sjteeds un sjtepke veur. Tot grote kansen leidde dit euveriges neit. Noa un kwarteierke koom De Sjter baeter in heur sjpel en dat resulteerde in get kleine kenskes én. in un goal althans dat dach men. Unne lange bal veel euver de verdediging en Marko ging d r achter aan. De keeper koom oet en besjloot ziene eige verdediger mit un wilje ingreep oet de wedsjtried te sjtampe. Marko pakte de bal op en scoorde de 0-1. De sjeidsrechter meinde echter n euvertreding van Marko gezeen te hubbe en keurde goal aaf. Geliek doanoa woort Venlosche Boys geveerlijk. Keeper Esat, dae bekent sjteit om zien wieje oetkomme en doadoorn heel get aanvallen vruigtiedig onsjadelijk maak, sjatte noe unne bal verkeerd in en torpedeerde de sjpits van de Boys. Jederein maakte zich op veur

12 unne vrieje trap op 18 maeter van de goal. Esat begoosj de moer te zette, maar de sjeidsrechter woar zoaterdigmiddig zien aafsjproak bie Specsavers vergaete en lag de bal op de sjtip. Esat woar kansloos en Venlosche Boys koom op 1-0. Dat woar auch de rustsjtandj. Coach Rudy besjloot nog neit te wisselen in de rus maar wis gelukkig waal de onrus vanwaege t aangedoane onrecht oet de ploug te kriege. De tweede helf kome ozze mannen goud oet de kleidkamer en nome geliek t initiatief. Achterin woort niks meer weggegaeve en veurin woort prima druk gezat. Noa un aantal kansen verpruts te hubbe, wis men in de 75 e minuut toch de geliekmaker te scoren. Unne vrieje trap van Joep koom in de klut veur de vuit van Marko Daddy Cool Jevric, dae de bal soeverein binne sjoot: 1-1. Geliek doanoa kreeg Steve un laevesgrote kans maar die woort helaas gemis. De trainer greep in en wisselde. Zoubair koom Mike vervange en Eliandro verving Steve. Vlak veur tied kreeg Zoubair de bal op t middenveldj. Eigenlijk moosj hae Frank op rechs deip sjture, maar hae koos veur de lestige oplossing. Unne sjtaekpass mit de tup van Zouberinho op Eliandro leek gedoemd te mislukke, maar Eliandro ging d r vol veur en koom zo same mit Frank vriej veur de keeper. In plaatsj van aaf te sjpele tikte Eliandro de bal tergend langzaam langs de keeper. Op de bank houw men alle tied om zich van de sjpanning alle naegel aaf te kluiven. Jederein keek de bal noa, dae naeve leek te goan, maar oeteindelijk godzijdank binne role: 1-2!!!! De euverwinning woort door sommigen kort gevierd om vervolges sjnel noa Sjtein te rieje om t eesjte nog te kenne zeen voetballe. Angere douchten op t gemaak en ginge nog effe lunchen bie de KFC in Remunj. Kommende waek sjteit d r baekervoetbal op t programma veur de Crutzen-Babes. Unne heusse interland nog waal, taege ozze oosterburen van Kerkrade-West. Mit de toernooiwinst van de veterinnen en de 9 punten van de dames, ut viefde en ut tweede op zak, moosj os eesjte probere om de perfecte score vol te make, taege BSV Limburgia oet Broensoem. De mannen van coach Czornyj make tot noe toe un wisselvallig sezoen door. Sjprankelende euverwinninge waere aafgewisseld mit aafgeteikende nederlagen. De rejene veur die wisselvalligheid zeen echter sjnel gevonje. De ploug haet nog geine eine keer op volle oorlogssjterkte kenne aantraeje. Ikram moosj vanwaege zien werk sjtoppe, Hassan en Tim misten wedsjtrieje vanwaege boetelandse trips, Guido en Thijs moosjten geblesseerd unne wedsjtried misse en Randy en Davy zeen t ganse sezoen nog neit inzetbaar gewaes door blessures. Randy is euveriges waal hel op de waeg terugk. Waekelijks maak hae zien minuten in t krach-honk en zien maeters op t kunstgraas van t Hetjen. Door dat dagelijkse trainingsregime mot hae noe goan waken veur euverbelasting. Oet veurzurg ging hae vriedig dan auch get eerder douchen om vervolges in de kantien un vitamine-bömke noa binne te wirke:

13 Mit ziene lange waeg noa volledig hersjtel wurt Randy auch geregeld geploag. Zo koom t aan de orde wie auwt-de Sjter 1 sjpeler Rick Vischers alias de Vusjer zich meldde op de app bie Randy en Guido Cals:

14 De sympathieke Rick Vischers sjtelde veur om in de toekomst maar ens same unne wedsjtried van Liverpool te goan kieke. Captain Cals koosj t neit loate om doa op unne sjlaag onger de gordel oet te deile aan erme Randy: Coach Czornyj noom op zondigmiddig eesj de tied om in t kleidlokaal sjpelerke van de waek, Kyano Frijters, veur te sjtelle. Frijters joa. Inderdaad de zoon van. Ronny vertelde zien jonges dat Kyano euver 10 joar vas auch op ut eesjte zou sjpele want in de F1 woar hae dit sezoen al goud gewaes veur 15 goale in 6 wedsjtrieje. Dat talent haet r dus in jeder geval van ziene pap. Wiejer wis Ronny te melje dat de jonges boften dat d r gein Formule 1 op tv woar want Kyano houw loate weite dat hae allein maar sjpelerke van de waek wol zeen in n weekend wo in d r gein autoracen op tv woar. Kyano zat zich same mit papa Ron in t kleidlokaal en Ronny begoosj zien besjpraeking. Kyano bleef de ganse besjpraeking aandachtig loestere maar papa Ron glipte al noa 1 minuut t kleidlokaal oet, de kantien in. Unne verbouwereerde Jo van Funs zat Ron doa un pilske veur, wo op dae letste verkloarde: Ich houw vruiger es sjpeler al ummer unne hekel aan veurbesjpraekinge. En ich mirkde al sjnel dat ich wat dat betruf niks ben verangerd.

15 Coach Czornyj moosj, vanwaege un blessure, sjmaakmaker Thijs Nieuwland missen en toverde de volgende opsjtelling oet de houd: Kis: Geoffrey Achter: Roel, Tim, Guido R., Paolo Midden: Stan, Ricardo, Guido Veur: Hassan, Bob en Guillermo Bank: Bastiaan, Sjoerd, Timo, Thijs Jonkie Bob Dukers keerde dus terugk in de basis en waal in de sjpits. Guillermo verhoesde vanoet de sjpits noa de links-veur positie. Coach Ronny woar toch waal get nerveus en reep om 9 minute veur 2 taege zien sjpelers: Alleh jonges, maak uch klaor veur de warming up, want t is 4 minute veur 5 veur 2. Noadat sjpelerke van de waek Kyano unne BSV Limburgia sjpeler mit de zidane -bewaeging houw oetgesjpeeld (wat m applaus van t publiek opleverde) koosj de wedsjtried beginne. De eesjte helf woar De Sjter de baetere ploug en leek d r eigenlijk nauwelijk un voelke aan de loch. Veurin veel veural de enorme dadendrang van Bob op. Hae sjleurde en sjteurde 45 minute langk in de hoogste versjnelling, won alle kupduels van ziene 2 koppen grotere taegesjtenjer, beukte sjpelers om die 30 kilo meer wogen, maakte slidings, acties en veel op door zien wieje inworpen. Langs de kantj woort respectvol toegekeke en genoate van deze jonge Sjteinse jong. Zo woort bie alwaer unne nuuje inworp van Bob, dae door unne BSVsjpeler woort weggekup, langs de lien gezag: Ut is joamer dat hae zien eige inworpe neit kent doorkuppe. En wie Bob noa 3 beuken oetgedeild te hubbe en d r aeve veul geincasseerd te hubbe, effe neer ging en kapotgesjtreje opkrabbelde, reep Willem Thewissen ploagend: Komop Bob, wirk ens n bietje helder, jong. BSV maakte ontzettend voal fouten en leed continu balverleis. Gein voelke aan de loch dus veur De Sjter die eesjte helf. De eesjte sjeitkans woar veur Guillermo dae aafdrukte noa un actie van Bob. Helaas wis de keeper te redden. Hoewel ich d r 80 maeter vanaaf sjting, leek t dat De Sjter, bie ein van de sjpaarzame aanvallen, goud wegkoom wie de sjeidsrechter unne val van de BSV-sjpits beloonde mit n gael kaart in plaatsj van unne penantie. Hauverwaege de eesjte helf loog de bal esnog in t goeie netje. Roel Heffels sjtuurde Bob op paad via unne sjone deiptepass. Bob trok door richting achterlien en goof sjtrak veur op Hassan, dae bie de tweede poal de bal binneknikte veur de 1-0. De Sjter bleef doordrukken en woar via Ricardo, dae zich vrie kapte op de 16, en mit links sjnoeihel insjoot, kort bie de geliekmaker. Helaas sjtranjde zien sjeut op de poal. En nog erger woar dat BSV noa un hauf oer sjpele op gelieke hoogte koom. Mit unne 1-1 rustsjtandj zochten beide plouge t kleidlokaal op. D r woare neit zo gek voal kansen gewaes, maar De Sjter leek de wedsjtried compleet onger controle te hubbe. Dat goof goeie hoap veur de tweede helft.

16 Noa de rust tapte BSV echter oet un anger vaetje. De ploug toonde meer inzet en wis geregeld veur sjtevige druk op de goal van Geoffrey te zurge. Dae sjting echter prima zien menke. De beste kansen woare echter veur os jonges. Roel sjtuurde Bob waer goud deip en dae vonj Guillermo, wiens inzat sjtuitte op de keeper. Oeteindelijk koom de verlossende goal d r toch. Guillermo moch allein op de keeper aaf, sjoot in en zoog ziene inzet via de keeper omhoog caramboleren. Captain Guido Cals woar prima mitgeloupe en koosj de bal t letste zetje gaeve. De vlaggende grensrechter woort terech genegeerd door de sjeidsrechter. Dae houw inmiddels auch waal in de gaten dat deze valsjsjpeler zich de eesjte helf compleet belachelijk houw gemaak door geregeld onterech de vlag omhoog te sjtaeke. Noa die goal bleef t unne hele tied nog batse kniepe, veural om dat De Sjter verzuimde om de wedsjtried te besjlissen. Bob, Guillermo, Hassan en de ingevallen Thijs moage enerzijds complimenten kriege dat ze waal zeker 7 oape kansen oetsjpeelden de letste 10 minute, maar moage zich auch aanraekene dat die allemoal gemis woorte. De gewisselde Hassan verwoordde de sjpanning op de bank op Hassaniaanse wieze: Boh jongens, deze wedstrijd is slecht voor onze adrenaline. Ut verlossende fluitsignaal van de prima leidende sjeidsrechter woort mit gejuich ontvangen. De behoalde punten zurge d r veur dat de ploug waer sjtevig in de middenmoot sjteit en mit un euverwinning in de resterende sjpeeltied taege SHH kent sjtijgen noa de subtop. Noe hoape dat dees euverwinning un vervolg gegaeve kent waere via baekerwinst taege RKVCL dees waek. En dat bringk os alwaer bie de letste seniorenploug die dit weekend in actie koom: de veteranen. Die houwe eigenlijk verwacht neit te kenne sjpele. Immers, dit weekend sjting ut joarlijkse oetsjtepke noa Mönchengladbach op t programma. Tja, en es d r get te zoepe vilt, dan geit natuurlijk jederein mit. Maar dat bleek in de praktijk toch taege te valle. Un opvallend groot percentage van de vets bliek hetzij las te hubbe van heimwee, hetzij allein te wulle zoepe in eige dörp, hetzij onger de plak te zitte thoes, dat d r welgeteld 10 veteranen besjikbaar woare om toch te voetballe. Dat teental woort door regelnaef Willem Thewissen aangevuld mit oproepkrachten Mickel Grommen en Ewan Snackers (die same de F3 traine), cultfiguur Peter Paes, en twelfde keeper in de pik-orde Tom Keulen. En dus koosj d r toch gevoetbald waere. Taegesjtenjer woar Armada, wo de brouer van veteraan Levi Nelissen mitsjpeelde. Veur de gebroeders Nelissen dus unne wedsjtried mit n speciaal tintje. Maar veurdat veer de wedsjtried én ut oetsjtepke noa Mönchengladbach kenne besjpraeke, is t eesj tied om de waek van de veteranen ens door te numme, aan de handj van de groepsapp. De waek begoosj mit felicitaties aan de joarige leider Frans. Geliek doanoa deig John Jacobs, names de feestcommissie, unne oproup mit t aug op t oetsjtepke. Gerard Martens, van wae algemein bekend is, dat hae nooit mitgeit op oetsjtepkes (tenzij de besjtumming De Bekker of De Poart is), vonj t neudig om flauw te reagere. Gelukkig woar doa coach Leon dae Gerard geliek dekselde:

17 Auch Ron Marschal deig nog unne duit in t zekske van Gerard. Dae wol ad rem reagere maar kreeg geliek waer weerwoord van Mr. Ad Rem himself:

18 Stef Conjour boaj aan om te rieje en wol zegke dat ziene auto maar tot kilo belaje kent waere. Stef vertypte zich echter en kreeg doa op van Willem Thewissen reactie, in de vorm van de oetdrukking die waekelijks terugkkeert bie de vets: Unne daag later lete thoesblievers Steef van de Woude en Willem Thewissen hun gezich zeen op de app. Leon Fredrix reageerde verontwaardigd. De verontwaardiging van de al joare rentenierende Ron Marschal woar get minder goud te begriepe:

19 Waer unne daag later leet John Jacobs weite dat d r genog auto s woare om aaf te reizen noa Mönchengladbach. T opvallend vruige tiedjstip van dat appje ontlokte un reactie van Ron: De men die mitginge mit t oetsjtepke wisten dus dat alles geregeld woar. Veur de thoesblievers bleef t sjpannend of d r genog sjpelers besjikbaar zouwe zeen om te voetballe. Wat dat betref zurgde t berich van Steef van de Woude veur teleursjtelling. En dat gevuil woort sfeervol kleurriek vertolk door aankommend dichter des vaderlands, Gerard Martens:

20 Maar Steef leet t doa neit bie zitte en ging de confrontatie aan: En zo houwe veer es veteranen binnen twee waeke twee nuuj weurt geleerd. Eesj woar t de vrouw van Will Leurs die op facebook zat dat Will heur un schwanzkut nuimde en noe woar t Steef mit zien pikkepuuner. Eddy Ubbink vatte die lessen same in n geweldige reactie: Mit al dat gezeiver op de groepsapp woar eindelijk de grote daag aangebroake. T woar zoaterdig en dus maakte ein helf van de groep zich op veur t oetsjtepke onger leiding van reisgids Mat Creemers en de angere groep veur de wedsjtried taege Armada. De sjriever van dit sjtuk woar bie gein van beide activiteiten aanwezig en mot zich dus verloate op sjpaarzame getugeverkloaringe. Gezeen t feit dat veer alwaer op 20 pagina s zitte, kump mich dat eerlijk gezag auch neit zo verkeerd oet. Loate veer maar beginne mit de reis noa Mönchengladbach. Op de haerreis vroog Stef in de bus aan Mat woarom d r neit woar gekoaze veur un middig-activiteit in de vorm van unne

21 bundesliga-wedsjtried. Mat verkloarde dat hae dat vanzelfsjpraekend houw naogekeke, maar dat alle plouge in de directe omgaeving van Monchengladbach oet sjpeelden. Auch op vroage wo d r gegaete ging waere, houw Mat un antjwoord paraat: In dae zaal zette ze van die grote sjpitten op toafel mit werm vleisj d r aan. Geer goat niks te kort komme, jonges. Heerlijk wie zelfverzekerd Mat kent antjwoorden. Helemoal es vervolges bliek dat de bus un oer in de file sjteit omdat alle toegangswegen noa Monchengladbach zeen volgeloupe door alle voetbalfans die noa de thoeswedsjtried van Borussia Monchengladbach goan kieke. En es later in de oavend bliek dat d r in dae feestzaal niks te aete vilt aan de gereserveerde toafel. Maar dat moch de sjpas allemoal neit drukken. T woort waer unne onvergaetelijke oavend mit grote pullen beier, denskes mit dames in dirndls, un korte maar goeie nachrust, un heerlijk ontbijtje, en unne terugkreis mit eine man minder dan womit vertrokke woar, omday Leon Fredrix mit ziene zate kop neit meer de hotelkamer oape kreeg en doa op besjloot om dan maar de taxi noa hoes te pakken. Held van de oavend woar Misha Dreessen dae s oaves nog houw motte wirke op n beurs in Düsseldorf, maar neit te beroerd woar gewaes om esnog aaf te reizen noa Monchengladbach om doa om hauf 1 sjnachs aan te komme in de zaal, dae om 2 oer toe ging. Grote klasse Misha! Eigenlijk woar d r maar eine dae get taegesjlaag houw tiedes t oetsjtepke en dat woar Stef Conjour dae zich verheugd houw op unne frisje douche sjmurges, maar zich dat door de naas geboard zoog waere: De thoesblievers sjpeelden dus taege de vets van Armada. Willem Thewissen rapporteerde euver dae wedsjtried. Wie jederein dat van m gewend is, woar hae veural erg besjeije euver zien eige optreden. Eigenlijk net zo wie hae dat op zondig auch, langs de lien bie 1 woar, wie hae ziene langsloupende pap aanheel en taege m zei: Hey pap, doe vonjs mich gistere toch auch de beste, of neit? De eesjte helf van de vets ging geliek op. Ewan Snackers maakte indruk in de punt van de aanval en Levi Nelissen, extra gemotiveerd door t voetballe taege ziene brouer, wis twee keer t netje te vinje. Keeper Tom de Keul moosj d r echter auch 2 incasseren wodoor de rustsjtandj 2-2 woar. In de rus moosj Steef weg omdat hae n aetentje houw en 3 van zien 4 omleidinge toe houw zitte.

22 Boksmaatjes Willem Thewissen en Robert Lucassen ginge same de punt van de aanval in en dat duo fileerde de defensie van Armada. Via nog 2 goals van Levi en 1 goal van Robert, Piele, Willem, Stefan en Jack Linders woort de wedsjtried besjloate mit unne 9-2 eindsjtandj. Veural de goal van de 60-joarige Jack Linders, dae scoorde via unne snoekduik a la Bep Bakhuis woar om van te sjmulle. Grote dank ging tot sjlot oet noa gelegenheidssjeidsrechter Noud Claessens dae op t prima wieze leiding goof. En mit de conclusie dat alle senioren teams d r én un gezellige waek van houwe gemaak én de drie punten pakten, sjleite veer dit versjlaag aaf. Letste woord is wederom aan Ron Marschal dae vliemsjerp reageerde op de vroag van mede-veteraan Dennie Vorstermans, of d r veteranen noa t oktoberfees in de kantine ginge vriedigoavend: Kommend weekend allein maar baekervoetbal veur 1 en 2 en rus veur de meeste angere teams. En dat beteikent auch un waekske rus veur deze sjriever. Pes euver 2 waeke! Rob Sjulpe