De opstilling waor es volg:

Transcriptie

1 De Sjter 1 sjpeelt geliek taege GSV; Euverige teams pakke bienoa allemoal de volle buit; Deipe buiging is op zien plaatsj veur uber-clubman Rudy Crutzen! Vanwaege drukke werkzaamheden bie de sjriever van dit sjtuk hub geer un waekske ut versjlaag van de seniorenteams motte misse. Gelukkig hub geer euveriges neit zo gek veul gemis want de aafgeloupe waeke woar d r eine keer un algehele aaflasjing en ein waek wo in allein os 1 e en os 2 e elftal in actie kome. Beide teams pakten euveriges waal un lekkere euverwinning en dus zeen versjlage van die beide wedsjtrieje zeker op hun plaatsj. Wiejer in dit versjlaag aandacht veur de gebeurtenisse van de aafgeloupe waek, wobie ut qua resultaten bienoa allemoal goud veel veur os clubke. Os eesjte elftal hersjtelde zich noa unne valsje sjtart en pakte esnog un punt taege buur GSV. Ut tweede elftal houw auch al unne derby op ut programma sjtoan, taege Caesar 2, en noom de drie punte mit terugk oet Baek. Ut veerde heel drie punte euver aan de wieje reis noa Eijsden, dankzij geweldig keeperswerk van Noud de föhn Claessens. De vets wonne op zoaterdig, veur ut eesj, in en taege Haslou. En de dames hele de punten in eige hoes via un dik verdeinde euverwinning op Heythuysen. Einige dissonant woar ut driede, al woar de neutrale toesjouwer doa de grote winnaar, aafgoande op de 6-5 eindsjtandj. Loate veer maar geliek van sjtart goan en dat doon veer dees waek mit de mannen van 2. Te beginne mit hunne wedsjtried van veurige waek taege ut Brabantse Someren. Jari Knoops deit versjlaag: Aafgeloupe weekend sting de verre oetwedstrijd noa Someren gepland. t Enige uitje veur os 2 e dit seizoen noa Brabant. Veur de wedstrijd kreeg Coach Janssen nog 2 dompers te verwirke. Tarik moch neet voetballe van de osteopaat en door ziekte op t werk bie Randy Walraven waor hea auch genoodzaakt om zich aaf te melden. Desondanks ginge ver alsnog mit 14 man, van die 14 waore er waal 6 noa de lemkesoptoch geweas en waore die uiteraard nog ffkes te vinge gewaes in t Steinder nachlaeve. Auch waore der maar leefs 5 A spelers bereid om os oet te helpen, 2 doavan stinge zelfs in de basis 11. Chapeau en danke mannen! De trainer drukte os op t hart dat ver es team veur edere meater mooste strijden en dat mit dezelfde spirit es veurige weak t waal moos lukke. De opstilling waor es volg: Kis: Donny Tielemans (A-speler) Achter v.l.n.r.: Frusj, Jari, Kenny en Joep Hügel (A-speler) Midden: Cyrill, Joep en Bartje Veur: Luca, Erik en Luc. Bank: Anass, Brian Haenen en Yassin. (A spelers) Vlag: Roy van Mölken Zoals altied in Brabant veel t os metein op dat die fysiek ein stuk sterker waore, voetballend de oplossing zeuke waor dus t devies. De wedstijd begoos geliek opgaond. t Oogde rommelijg van beide kanten en Donny moos ein aantal keren aan de bak mer slaagde mit vlag en wimpel.

2 Noa eine gooje crosspass van Joep Nacken op Luc koam de veurzit van Luc bie de 2 e poal terecht wo Luca ein neet te misse kans verzilverde, 0-1!!! Someren waor voetballend neet erg sterk en hanteerde dus bienoa allein mer de lange bal. Doa waore ze auch ein aantal keren gevaorlijk mit mer telkens bleef ozze verdediging op de bein. Mit eine schitterende pass oet de drej van Erik sting Luca 1 vs 1 mit de keeper, vanoet eine moeilijke hook sjoot hea mit ziene zwaake linker op goal en dea vloog nog drin auch, 0-2!! Luca, sjus hersteld van ein griepje, waor dus super belangriek mit 2 goals. Zo zuusse mer weer dat se beloond weurs nao hel wirke. Vlak veur rus sjoot eine van Someren van aafstand op goal, de bal leek ruim neave te goan mer mede door de wind en eine zjwabberbal van hie tot Someren vloog de bal op de poal. Oet de rebound sjoot eine van Someren, de bal werd gekraakt mer doa door vloog hea bie de 1 e poal benne. Donny kansloos, 1-2 Noa rust waor t ein richtingsverkeer richting ozze goal, mer telkens sting Donny good of werd oetverdedigd door ein van de spelers. Want ederein vocht echt veur edere centimeater. Ech gevoetbald hubbe ver neet de 2 e hilf mer door ozze werklust bleeve ver sjteeds op de bein. De sjeidsrechter koos t gelukkig neet beloupe want anges hejje ver ein sjnepke gehad. Want noa 70 minuten voetballe waor eine aanvaller van Someren ederein veurbie, inclusief Donny, dus hej Jari me rein optie. De zeag oethoale van achter. Vrieje trap en.. doa bleef t bie.. gelukkig mer. De aanvaller loag waal get te jengke en ederein van Someren waor aan t vroage veur kaarten. Sumpele broabenjers. Hie oet ontsting auch ein leuk gesprek tusse Joep Nacken en eine speler van someren: Joep waor al de ganse wedstrijd de jonges van hun oet de wedstrijd aan t kalle mer t luktte Joep vrie good. Nummer 10 van Someren: Scheids, dit is toch donkerrood! hij hoeft alleen nog te schieten. Joep: heyy jong, hou je mond toch eens, met je kaarten vragen. Dalijk pak ik geel voor jou! Nummer 6 van Someren: Als je dat doet, pak ik rood voor jou!!! Heerlijk wie die jonges zich oet de tent loate lokke, zuusse dat Joep mit zien ervaring ech nog waal ein meerwaarde is veur os 2 e. Oeteindelijk werd mit kuns en vleegwerk in de 2 e helf de 0 gehouwe en moage ver trots zeen dat ver 3 punten mit truk kooste pakke noa Stein. Super prestatie van ozze A spelers Joep en Donny die t 90 minuten lang hubbe volgehouwe! top mannen. Noot van de sjriever van dit sjtuk: klasse van de jonges van de A-jeugd. Ze prestere ummer goud es ze mitdoon of mittraine bie 2. En noe godverdomme auch geweun 2x per waek traine komme en uch sjtinkende bes doon es geer bie de A-jeugd sjpeelt, sjtelletje klotsköp! Voetballe op ut 2 e elftal mot geer verdeine via goeie inzet en prestaties bie de A. Auch dees waek moosjten de mannen van 2 aan de bak, want de wedsjtried taege ut ummer lestige Caesar 2 sjting op ut programma. Wederom deit Jari Knoops op sjieke wieze versjlaag:

3 Afgeloupe weekend moos os 2 e aantreije in de derby teage Caesar. Veuraaf werd er al besproake dat ver get good te make hejje. Op t Hetjen eerder dit seizoen waor Caesar van eine 3-0 achterstand truk gekomme tot 3-3. Dus ver wisten dat ver altied op oos hoede motte zeen veur de jonges oet Beak. De opstilling waor es volg: Kis: Donny Achter v.l.n.r. : Jari, Joep, Cyrill en Kenny Midden: Frank, Randy Walraven en Luc Veur: Hoessein, Erik en Tarik. Bank: Frusj, Bartje, Luca en Bastiaan (es voetballer auch nog) De Ster begoos zwaak aan de wedstrijd, ver leete os edere keer aaftroeven in de 2 e bal wodoor t merendeel Caesar in balbezit woar. Wie ver eine gooje aanval op de mat lagten waor de eindpass neet good, Caesar counterde, lag de bal achter ozze verdediging op hunne snelle boetespeler. Omdat Donny de goal klein probeerde te maken wis de spits de bal euver Donny heen te wippen Vlak doanoa koam Kenny in ein duel hel in aanraking mit ziene teagestenjer, dit beteikende dan auch einde wedstrijd veur Kenny. Frusj noa links, Jari nao rechs en Kenny eroet. De volledige eerste helft waor Caesar auch de boaveliggende partie. In de rust waor Jean dus auch koad. t Waor duudelijk dat ver oet ein anger veatje mooste goan tappen. Frank werd gewisseld veur Bartje veur meer creativiteit. Dit bleek auch eine gouden greep want t eerste duel wist Bart metein de bal te ontfutselen bie 2 Caesar spelers. Hea goaf eine steekpass op Luc wodoor dea vrie veur de keeper sting, in 2 instanties kreeg dea de bal bie Erik, 1-1! Hienoa waor De Ster duudelijk de beatere partie, de duels werden gewonnen en de 2 e bal steeds heroverd. Noa 70 minuutjes spelen waor t eine vrieje trap op 20m veur de goal. Tarik nestelde zich achter de bal en sjoot gevoarlijk op de keeper, Randy waor er es de kippe bie om de bal benne te tikken, 1-2! Caesar moos noe komme, mer dat deege ze neet erg euvertuugend. Luca waor inmiddels ingevallen veur Luc. Erik hej de bal op 20m en mit eine mooje steekpass zat hea Hoessein allein veur de keeper, 1-3! En noe waal alles toehauwe achterin, Luca hej de 1-4 nog op ziene sjoon mer faalde in de afwerking. Achterin werd alles toegehauwe en Donny keepte auch weer ein puike partie. De zondig werd verder gevierd in de kantien wo os 2 e nog ummer ongeslagen is. Op noa volgende weak, thoes teage koplouper FC Hoensbroek 2. Un klasse prestatie mannen. Twee waeke achterein de volle buit pakke. En dat auch nog mit un heel aantal A-jeugdsjpelers in de gelederen. Ut ongersjtreep maar waer ens dasse mit unne goeie teamgeist, 200% inzet en ut op un prettige maneier opvange van nuuje (jeugd)sjpelers un heel eind kens komme. Keep up the good work!

4 Om ut hoofdsjtuk euver ut tweede aaf te sjleite deil ich nog effe un tweetal plaetjes die ich veurige waek ontving, wo op Jari Knoops prachtig figureert: Van ut tweede sjakele veer euver noa os driede elftal. Ut team van Rene Gooren houw veurige waek unne oetwedsjtried taege Sittard 3 op ut programma sjtoan. Dae wedsjtried woort tot opluchting van Rene aafgelasj vanwaege ut waer. Opluchting inderdaad.. aangezeen de personele bezetting dermate dun woar dat oet pure wanhoop op vriedig un beroep woar gedoan op de sjriever van dit sjtuk. Dat leverde euveriges waal nog un leuk gesjprek op, wo Rene leet zeen dat d r maar ein emes de opsjtelling bepaalt:

5

6 Ut driede sjpeelde unne wedsjtried taege Gelaen Zuid. Coach Gooren woar, vanwaege hevige teleursjtelling, kort in zien versjlaag: Balen natuurlijk veur os driede. Zo kort bie de euverwinning en dan toch mit laege henj achterblieve. Veur de neutrale toesjouwer is de wedsjtried, gelet op de score, ongetwiefeld geneite gewaes. En dat is auch get waert. Kop op mannen. Volgende waek nuuje kansen! Van ut driede goan veer door noa ozze dames. De ladies hubbe unne waal heeeel lange winjtersjtop achter de rugk, dus ut woar maar de vroag wie ze oet de sjtartblokken ginge komme. Houwe coaches Martens en Keulen de dames op tied kloar veur de sjtrijd. Jill Janssen deit versjlaag: De dames begoosjten angesj aan de wedsjtried dan gepland. Dyonne, die eigenlijk op de bank zou sjtarten, moosj toch de basis in. In de sjpits nog waal. Topscorer Bo Knoops noom plaatsj op de bank. De wedsjtried begoosj zwakjes veur De Sjter wodoor de gasten oet Heythuysen enkele kansen kreeg. Gelukkig wis keepster Maartje, mit un aantal prima saves, de nul te haute. Noa de eesjte wisselbeurt ging jederein waer op zien vertroewde plaatsj sjpele. Dyonne verhoesde noa achtere en Bo koom veur d r in. D r woort vanaaf dat moment baeter gevoetbald en baeter gecommuniceerd. En dat leidde geliek tot kansen. De grootste kans woar veur Joy die unne penantie moch numme, maar helaas miste. Dae misser zou oeteindelijk echter heeeeel positief oetwirke want Joy woort hongerig noa goale. Oeteindelijk woar ut Bo die de 1-0 scoorde maar Heythuysen wis al vriej sjnel de geliekmaker te make. Ut woar Joy die zich revancheerde en heur ploug waer op 2-1 zat. Op de bank zote de meeste te nagelbiete want ut woar sjpannend. Allein Sanne Boelie woar relaxed. Ze

7 zong ontsjpanne zelf verzonne leidjes (doe hubs sjwan tenj, wie auto benj). Joy pruifde de vibe op de bank en scoorde de 3-1! Beide plouge krege nog kansen maar goalen bleve unne tie doet. Tot dat Joy wiet op t lets de 4-1 aanteikende. Ut woar dudelijk. Dit ginge veer neet meer aafgaeve. De 3 punte bleve in Stein. Ut woar unne eerlijke en sportieve wedstried van beide kantje. Zelfs de sjeids (Kraus) floot prima. Joa ech, geer heurt ut good. De euverwinning woort gevierd mit es aafsjleeting de door Clannad en Lonneke verzurgde breudjes kroket, frikandel en hamburger. Op noa volgende waek. De 2 e plek is vanaaf noe veur os. Noe door en goan veur die eerste plaats, maar dat weurt nog vervolg de kommende waeke Klasse dames! De eesjte punten zeen waer binne en de sfeer zit d r geliek goud in. En un dikke proficiat aan Joy mit heure hattrick! En noe volle gaas richting die eesjte plaatsj! Van de dames goan veer noa os veerde elftal. Ut team van ultimate warrior Ralph Gladiator Doek, dae waer wie vanouds versjlaag deit van de prestaties van zien ploug: Noa 3 moanje winterstop woar ut weer tied om een pötje te voetballe. Ich ken neet ech zegge dat ver een top seizoen aan ut drejje zeen en thoes taege Eijsden woare ver redelijk kansloos en verloare ver mit 4-1. Mit 2 wissels vertrokke ver richting Eijsden wo ver om 10 oer mooste voetballe. De opsjtelling woar es volgt: Kis: Noudje de föhn Claessens Achter: Stan, Danny, Doekie en Mark J. Midden: Patrick, Brahim, Dasse en B-day Boy Johnny Pantus Veur: Jenki en Michel Bank: Mark H., Devon en de nuuj vlam van Devon Vlag: Frenske De warming up woar weer gezellig en dr woort flink get aafgelache. De warming up van Eijsden zoog dr waal degelijk oet en de jonges hejje maar leefs 7 man op de bank. Ver begooste de wedstrijd redelijk good, de linies kort biejein en in balbezit (redelijk) snel d r oet komme. Eijsden koom dr eigelijk neet doorhaer en veer creëerden warempel bes get kansen. Toen Michel onreglementair gevloerd woort sting Dasse kloar om de vrieje trap te numme net boete de 16. Hae sjoot de bal netje om de moer maar de boumlange keeper van Eijsden (dae minimaal 3 maeter langk woar) heel de bal taege. De sjeids vonj echter dat de moer te vreug oetleep en Dasse sjoot de herkansing binne veur de 0-1! Hoppaaaaa! Doanoa wisselde Eijsden metein 7 man. Noe geit ut gebeure dachte ver, maar dr gebeurde vrie weinig. De verdediging bleef moeiteloos euvereind en ozze spitse woorte af en toe gevjaerlik. Michel maakde weer onnoavolgbare sjienbewaeginge en Jenki heel gewoon 3 man aan de gang doa veurin. Noa eene pass op Michel ging dae van rechs de 16 binne en sjoot de bal mit een lob in t linkerkruus, 0-2! Lekker geulke!

8 Alles verleep veurspoedig en tevreeje ginge ver aan de thee. Op waeg noa ut kleedlokaal vinger ver nog get tactische aanwiezinge op van Eijsden: ut centrale duo is iezersterk dus ver motte mjae euver de vleugels goan voetballe woar hun tactisch idee. In de tweede helf woar auch dat gein probleem want de backs Stan en Danny (en later Mark J.) hejje hunne man gewoon in de teshj. En middevelders Brahim en Pattrick verdedigden op de momente dat dat neudig woar good mit. Devon heel mit zien nog nooit vertoonde loopacties auch 3 man aan de gang en Jenki sting de ganse wedstried al op sjerrep. Noa un sjwan kap-en-drei actie van Dasse, gevolgd door een panna, koos Jenki (noa unne staekpass) allein op de goal aaf. Hae koom van links en sjoot de bal zonger pardon links stief in ut kruus, langs dae lange keeper van Eijsden: 0-3! Wedstrijd gespeeld! NAISSSSSS! Noudje vong ut allemoal neet spannend genog dus besjloot r ut zelf nog get spannend te make door get onger bel door te goan en get bel taege taegestenjers aan te sjtampe. Maar d r koom geene taegetreffer van want toen de bal d r in leek te goan hoalde Danny de bal van de lien aaf mit gevoar veur eige laeve. Doekie hej al de ganse wedstrijd de cross-pass aanstoan en goaf bie eene achterbal effe eene strakke bal richting Jenki dae sjwoan een gaat in leep. De pass ging euver alles en eederein heen en Jenki noom de bal sjwoan mit in de loup, en sjoot de bal beheerst langs de keeper en zorgde zo veur de eindsjtand: 0-4! Wat un machine!!!!! Een lekker begin van de tweede sezoenshelluf moag ich waal zegke sjwoane teamprestatie. Noa de wedstried woar de sfeer natuurlijk opperbest. Noud greep de gelegenheid om nog ff zien belangriekste agendapunte in de aanloup noa de gemeinteroadsverkeezinge te deile. Ut enigste wat os doavan is biegebleve is get mit een föhn Klasse mannen van 4. Geliek unne driepunter en dan auch nog Noudje dae de 0 hilt. Dat beloaf nog get veur de res van dit sezoen. Gaef gaas! Van de mannen van 4 sjakele veer door noa os eesjte elftal. Dat houw de aafgeloupe waeke twee keer unne wedsjtried op ut programma sjtoan. In de tusjetied woort d r lekker

9 getraind. Al woar dat soms in barre winjterse waersomstandigheden. Zo houwe veer onlangs op de vriedig te make mit sjnee-val en dus discussieerden de mannen van 1 op hunne groepsapp of ze hunne trainer neit moosjte vroage om een vrieje oavend. De wedsjtried van zondig woar immers toch al aafgelasj. Helaas durfde nemes die verantwoordelijkheid te numme: En dus ging jederein toch braaf traine, want coach Maas wult ummer voetballe. Verzurger Wesly Wanten meinde respect te kriege veur de insjtelling van de jonges door op unne angere groepsapp un foto van ut trainingsveldj te sjture wo op de bikkels zouwe goan traine. Wesly wis echter neet dat boavesjtoande conversatie al gedeild woar mit de sjriever van dit sjtuk:

10 Toch klasse van Jean en zien mannen dat ze geweun doortrainden in de sjnee. En dan is natuurlijk niks lekkerder dan noa aafloup onger un werm douche sjtoan en dich langzaamaan waer un bietje miensj goan vuile of, zo wie in ut geval van Sjoerd, un vögelke:

11 De mannen van 1 sjpeelden de aafgeloupe waeke un tweetal wedsjtrieje. Eesj taege Simpelveld en aafgeloupe weekend taege GSV. Van dae letste wedsjtried haet mich gein versjlaag bereik. Maar mit eige auge hubbe veulen vas kenne zeen (of in de gezet gelaeze) dat dat un moeizame partie veur os mannen woar. Troag oet de sjtartblokken, mit 0-2 achter komme maar oeteindelijk toch un 2-2 gelieksjpel oet ut vuur sjlijpe dankzij goals van Giel en Maarten. Van de eerdere wedsjtried taege Simpelveldj bereikte mich via elftalleider en positiviteitsgoeroe Frans Beaujean waal un versjlaag dat ich gaer integraal mit uch deil:

12 De opsjtelling zoog d r es volgt oet: Kis: Rudy Crutzen (45 joar) Achter: Wantelic, Davy, Rutten en Sjoerd Midden: Stan, Mike en Thijs Veur: Hassan, Maarten en Giel Bank: Frank, Bob, Marko en Jos Rutten (46 jaor) Noadat van de waek Geoffrey foto s houw loate make van ziene pols (geblesseerd geraak op de training un paar waeke terugk) bleke d r twee breukjes in te zitte. Gevolg: 3 waeke gips en dan wiejer kieke wie ut geit genaeze. Domper dus. Bastiaan in de goal zouwse zegke. Helaas sjouwerblessure Richard dan in de goal? Maar helaas, gebroake teen Wae dan? Good old Rudy Crutzen, 45 lentes jongk, sjting in de goal. En wie? Un persoonlijkheid, unne man dae de verdediging neerzet, dae coacht, en dae auch neit benauwd is om af en toe emes positief op zien klote te gaeve. Klasse Rudy! Destieds in Simpelveld woare veer de veul baetere partie maar trokke veer pas in de letste minute de euverwinning noa os toe via un wondergoal van Hassan. Toen prachtig waer mit zon en hoge temperature. Vandaag barkoud maar waal un lekker zunke op un prima mat op t Hetjen. Vanaaf de eesjte minuut zette De Sjter de toon. Oppermachtig in balbezit en al sjnel woort dudelijk dat ozze vrunj oet Simpelveld ut lestig ginge kriege. Ozze veurwaartsen lepe geregeld mit enorme sjnelheid door de defensie haer. Mit kunst en vleigwerk bleef Simpelveld euvereind. Totdat de bal oet un aantal inzetten veur de vuit van Maarten veel, dae ziene sjoon altied richting doel haet gerich: 1-0! Dik verdeind. Hassan kreeg nog un goei kans veur de rust maar miste helaas. Zo ginge de plouge mit unne 1-0 tusjesjtandj de rust in. Enkele supporters bleve lekker in de kantine achter wo ut beier en de jagermeister riekelijk vloeide en Feyenoord-PSV op tv woar. De meesten trotseerden echter de kou veur de 2 e helf en koosjten doa geneite van un subliem De Sjter. Al sjnel noa rust woar ut Maarten dae unne terugksjpeelbal ongersjupte en vervolges koelbloedig aafrondje: 2-0! De kansen regen zich aanein. De 3-0 van Thijs woar dan auch gein verrassing. Dat de score in dees fase neit wiejer opleep koom door prima keeperswerk van de Simpelveld-goalie en get euverdreve frivoliteiten van os jonges. Simpelveld redde de eer nog wonoa Maarten mit ziene driede van de middig de eindsjtandj op 4-1 brach. En Maarten ligk immers goud op sjema om richting ut eind van ut sezoen de gouwe sjoon mit dames 1 topscorer Bo Knoops te goan betwisten. Klasse mannen. De ploug dreijt prima sinds de winjtersjtop. Un noacompetitieplaatsj mot d r dit sezoen toch zeker waer in kenne zitte. En wae wit mesjiens zelfs nog meer Hoapelijk zo sjnel muigelijk waer mit Geoffrey in de goal. Maar tot dae tied kenne veer d r van oet goan dat veer altied kenne blieve raekene op Rudy (wo euver aan ut eind van dit versjlaag meer ). Dae Rudy leet euveriges weite dat hae de daag noa ziene rentree un leuk mailtje houw gekrege van auwt hoofdsjponsor Walter Kuijpers. Un mailtje dat Rudy enorm waardeerde en dat eigenlijk auch prima de gevuiles verwoord die de meeste Sjteindenaere

13 houwe bie ut zeen van Rudy onger de lat bie 1: Dan rest os nog maar ein ploug te besjpraeke en dat zeen ozze veteranen. Die houwe dit weekend unne oetwedsjtried taege Haslou op ut programma sjtoan. En noe zouwse zegke dat jederein zich doaveur vriemaak. Maar dat is boete wereldreiziger Steef van de Woude geraekend, dae waer urges in unne arabische zandjbak zoot. En auch boete auwt elftalleider en vaste supporter Frans Janssen en de langdurig geblesseerde Jack Dassen, die gebroederlijk in Oostenriek deip aan ut noadenke woare:

14 Waal aanwezig woar captain Mat Creemers dae net terugk woar van un waekske Gran Canaria. Die reis woar euveriges neit zo geweldig bevalle want raege en un in besjlaag genomme riebewies versjteurden de vakantiepret danig. Ondanks die ellende houw Mat waal nog tied gevonje om get op ziene tillefoon te sjpele: Oeteindelijk houw men toch genog sjpelers om de sjtried aan te goan binje mit die van Aelse. Veuraaf sjtelde Denny Vorstermans veur om mit de fits te goan. Willem Thewissen woar ein van de eesjten dae auch oppe fits wol goan. Wie puntje bie paaltje koom, bleek deze veursjtenjer van same oet, same thoes geweun van thoes oet richting Aelse te zeen aafgereis. Sjandalig Willem! Oeteindelijk waore ut enkel Ruud van Didden, Marc Lacroix, Denny Vorstermans en de sjriever van dit sjtuk (mit zien zeunkes) die per fits noa Aelse aafreisden vanoet ut Hetjen.

15 Veur de wedsjtried woort d r eesj lang in de kantine van Haslou gezaete. Un kwarteier veur de wedsjtried ging men zich toch omkleije. Ut kleidlokaal bleek aafgesjloate en Willem zou de sjleutel hubbe gekrege. Willem zei dat Leon de sjleutel houw, maar dat hae veur zien vrunj bes noa boave zou loupe om de sjleutel te hoale. Marc: Ut is verkeizingstied en dan begint r inens aardig taege os te doon. Ron: Joa, kiek m goan. In alles nummer 2. Lies 2, plaatsj 2, positie 2 in ut veldj, 2 kinjer en 2 huwelijke. In ut kleidlokaal noom Misha Dreessen ut woord. Hae verwees noa de joarvergadering van kommende vriedig. Misha: Jonges, moag ich effe de aandacht. Ich ben auch lid van un vusjclub en ich hub ut besjtuur van die vereiniging oetgeneut om auch vriedig langs te komme om get te lere van os dagelijks besjtuur en compliance en governance en zo. Dus dan wit geer wae t zeen es geer vriedig vraem luuj zeet. Wie coach Leon ut kleidlokaal in koom veur de opsjtelling, ontsjting waer hilariteit rondjom birthday boy Will Leurs, dae 69 woar gewoare. Roger: Leon, d r geit get mis. Will is zich auch de voetbalkleijer aan ut aandoon. Ron: Will, es cadeau krigse zowel de eesjte es de tweede helf vriejaaf. Ut verhoal van de wedsjtried houd ich kort. Ich sjpaar mien typ-vingers veur de joarvergadering van vriedig. Dat mot immers un onvergaetelijk iets waer mit zowel unne aaftraejende veurzitter es unne aaftraejende penningmeister, es un aaftreajende feestcommissie. Kort dan euver de derby taege Aelse. De Sjter zoog al vrie vruig Roger Daemen helaas oetvalle mit un zjwoare knei-blessure. Ondanks dae taegevaller noom men toch de leiding via un gave goal van Stef oet unne assist van Denny. Vlak veur de rust heel Ron Marchal zien ploug op veursjprong door unne vrieje trap mit unne geweldige duuk oet zien goal te ransele. In de rust wreef Stef euver zien pienlijke achillespees, terwiel coach Leon de wissels doorgoof. Ron koom mit un briljante quote: Stef: Leon, hilse nog emes achter de handj? Leon: Hubse veul las? Stef: Es ut 4-0 sjteit, kom ich waal d r oet. Ron: Sjei oet, dan wulse dalik neit meer scoren. Stef: Doe bes gek. Ich ken geine ganse wedsjtried meer sjpele. Ron: Ut is gelukkig auch nog maar ein helluf. Noa de rust vergrootte Denny de veursjprong noa 0-2 en scoorde Haslou op ut lets nog taege. De wedsjtried eindigde in un euverwinning veur de Sjter vets, die doamit eindelijk ens taege Aelse wisten te winne. Al mot gezag waere dat die van Aelse un aantal sjterkhouwers misten.

16 En dan zeen veer alwaer aan ut einde van dit versjlaag gekomme. De goeie laezer haet de rooje droad in dit versjlaag vas al ontdek: keepers. Want bie alle teams sjtinge de keepers dees waek in de spotlights. Op ut tweede blonk A-jeugdkeeper Donny twee waeke achterein oet, bie ut driede kreeg de goalie d r 6 om de ore, bie ut veerde hub geer de belaevenisse van Noudje De Föhn kenne laeze, bie de dames heel keepster Maartje heur ploug euverein in de lestige beginfase, en bie de veteranen zurgde Ron Marchal mit un aantal glanzparades veur un euverwinning in Aelse. Sjtuk veur sjtuk noemenswaardige prestaties. En toch woare d r de aafgeloupe waeke twee keepers die al die angere euvertroffe. In de sjienwerpers sjtoan ze neit gaer. Ze zeen nog van de ouwe sjtempel. De keeper mot bel taegehaute en de troepen aansjpoare. Gein franje, geweun dien werk doon. Jeder training, jedere wedsjtried. En noa de wedsjtried veur jederein un weurdje kloar hubbe en lekkere eine drinke. Ich hub ut euver de twee mannen die same de aafgeloupe twee waeke de gemiddelde laeftied van de wedsjtriedselectie van os eesjte elftal van 22 noa 28 joar tilden: Jos Rutten en Rudy Crutzen. Twee mannen die eigenlijk ongerdeil oetmake van de technische staf van Jean Maas. Jos es keeperstrainer, Rudy es assistent van Jean. Versjtandj van voetballe hubbe ze. En van keepen nog veul meer. En wat ze auch hubbe is un groot clubhart. Want wie in de veurbieje waeke de drie selectiekeepers ein veur ein wegvele, sjtapten Jos en Rudy noa veure. Tuurlijk wolle ze de ploug oethelpe. Allebei de 45 al gepasseerd. Maar es hun club ze neudig haet, dan kenne veer op ze raekene. En dus deige ze de veurbieje twee weekenden gebroederlijk de warming up, wonoa Rudy twee keer 90 minute zien ouwe plek onger de lat innoom en Jos stand-by un plek op de bank innoom. Hulde veur dees twee mannen. Rudy geit os noa dit joar verloate om es hoofdtrainer aan de sjlaag te goan bie Horn. Dat r geit terugkkere sjteit vas. Allein wienee is nog de vroag. En dan zulle die twee bikkels hoapelijk veur veule joare, gebroederlijk, os eesjte elftal onger hun hoede numme. Hulde veur twee echte strijders. Hulde veur ozze eige Buffon en Preud homme. Rudy en Jos 4 ever!

17 Pes volgende waek! Rob Sjulpe