De Sjter 1 leet thoespubliek sjmulle; Aafgetrainde Mark Habets in topvorm!

Transcriptie

1 De Sjter 1 leet thoespubliek sjmulle; Aafgetrainde Mark Habets in topvorm! In un weekend wo in de temperaturen hoog oplepe, boekten de diverse seniorenteams veurnamelijk goeie resultaten. De Sjter 1 sjpeelde un baere-partie taege Sporting Heerlen en won euvertugend mit 5-0. Ut viefde woort door unne afgetrainde sjpeler/coach Mark Habets bie de handj genomme en noa un 4-1 euverwinning geleid in t baeker toernooi. En auch de veteranen gove dit weekend flink gaas en sjtuurden de mannen van Lindenheuvel mit un aafgeteikende 8-1 nederlaag terugk noa Gelaen. Einige dissonant woar os tweede dat moeizaam oet de sjtartblokken kump dit sezoen en oet bie DVO mit 2-1 ten onger ging. De euverige seniorenteams houwe hetzij een vrie programma (ut driede) hetzij een tekort aan sjpeelsters (de dames), vanwaege ut beulswerk op de traininge van coach Gerard Martens. Veer beginne dees waek bie os eesjte elftal. Dat kreeg veurige waek un onverwachse nederlaag te verwirke, oet bie UOW. Unne fikse taegenvaller veur de ploug die in de veurbereiding nog zo lekker houw gevoetbald. Coach Czornyj deig direct noa de wedsjtried, en auch in de waek doa op volgend, precies wat unne goeie trainer in zo n situatie mót doon: geine paniek, rustig blieve en positief veuroet kieke. En terwiel de sjpelers in die rus koosjten toewirke noa hun revanche taege Sporting Heerlen op zondig, woorte achter de sjermen veurbereidinge getroffe veur unne extra prikkel veur ozze jonges. Zonger de jonges of de technische staf doa euver te informeren, houw Jan de Weijer al un oplossing om de ploug extra gemotiveerd aan de sjtart te kriege. Jan haet dees vakansie auch neit sjtil gezaete. Zo wie jeder joar haet hae eesj de ganse zomer doorgewirk om de kleijing en materialen waer in orde te maken en kloar te zette veur alle senioren- en jeugdteams, zodat jeder ploug onbezurg kent beginne. En wie dat werk d r op zoot, sjting de voetbalwaek (Soccer Challenge) alwaer veur de deur wo Jan auch verantjwoordelijk is veur alle materialen. Veur dat letste haet Jan zich euveriges inmiddels unne assistent gechartert, in de persoon van Tim Peerlings. En dae deit dat zo goud dat Jan dees voetbalwaek de henj vriej houw om ens dégelijk te scouten bie met name de jongste categorieën. Noe zult geer denke: wat haet dat gezeiver euver de jeugd allemoal te make mit dit senioren-versjlaag? Maar doa kom ich op. Jan deig zien scoutingswerk namelijk veural tusje hauf 9 en hauf 10 sjmurges en tusjes 4 en 5 sjmiddigs, de tiedsjtippe wo op alle jeugdsjpelerkes gebrach en gehoald woorte door hun moders. En al dat sjpeurwerk houw d r in geresulteerd dat Jan de ideale mam van ut sjpelerke van de waek houw geselecteerd veur de eesjte thoeswedsjtried van os eesjte: Ilona Ortmans. Dochter van Sjter-icoon John Dietz, vrouw van viefde elftal sjpeler DJ Stan The Man Ortmans, en (belangriek om te kenne kwalificeren es mam van ut sjpelerke van de waek) mam van twee voetballende zoons, Mika en Dyon. Dat de sjpelers van De Sjter 1 tevreje woare mit t scoutingswerk van Jan, woort verwoord door de geblesseerde milfhunter, Randy Wanten, direct noa de wedsjtried:

2 Noadat de sjpelers allemoal Mika un hendje houwe gegaeve en vervolges hun aandacht verlachte noa Ilona, maakte coach Czornyj de opsjtelling bekend: Kis: Geoffrey Achter: Roel, Guido R., Tim, Poalo Midden: Stan, Ricardo, Guido C. Veur: Thijs, Guillermo en Ikram Bank: Esat, Bob, Luc en Timo Taegesjtenjer woar Sporting Heerlen dat twee seizoene geleje promoveerde noa de eesjte klasse, maar veurig jaor waer degradeerde. Dat einjoarige oetsjtepke noa de eesjte klasse houw d r bliekbaar waal toe geleid dat d r nog maar weinig bekende gezichten rondjlepe bie de ploug oet Haerle. Ut woar dus lestig te veursjpelle wat van die ploug verwach koosj waere. Terwiel de supporters zich un plaetsjke langs de lien in de zon opzochten en de plouge zich opsjtelden, zoch Jan de Weijer zich un plaetsjke op de tribune:

3 De Sjter begoosj prima aan de wedsjtried en al noa 6 minute pikte Thijs de bal op t middenveldj op, dribbelde un paar maeter en knalde de bal leeg binne: 1-0! De res van de eesjte helf domineerde De Sjter de wedsjtried, sjpeelde legio kansen oet, maar vergoot te scoren. Guido zat Ikram vrie veur de keeper, maar dae miste helaas. Auch Guillermo kreeg un geweldige kans maar koosj neit aafdrukken en t zelfde gold opnuuj veur Ikram vlak veur rus. Mit un sjterke partie maar unne minimale veursjprong ginge de plouge de rus in. Sporting Haerle houw in de rus geliek drie kere gewisseld. De Sjter houw doadoor aanvankelijk effe muijte om waer in de wedsjtried te komme. Un kwarteier noa rus woar t echter oetblinker Thijs dae De Sjter waer op ut goeie sjpoor zat. Unne sjieke solo van Thijs koosj allein maar ten kosten van unne penalty waere gesjtop. En mit dat boetekenske wis specialist Ricardo waal roat: 2-0! Neit voal later sjting Thijs auch aan de basis van de 3-0. Hae ongersjupte unne bal op t middenveldj, sjpeelde zich vrie en lag de bal vervolges onbaatzuchtig breid op Guillermo dae ongehinderd de 3-0 moch aanteikene.

4 Mit twee assists en ein goal woar Thijs dus lekker bezig. Maar zien sjoonste moment moosj toen nog komme. Guillermo leep zich knap vrie, kreeg de bal mit, koosj allein door op de keeper, maar lag de bal breid op Thijs. In un identieke positie es die wo in Gerard Martens t op zoaterdigoavend gepresteerd houw om de bal euver t vangnet te mikke richting kamp te sjtampe, besjloot Thijs veur assist nummer 3 te goan. Hae mikte de bal nauwkeurig op de lat, in de verwachting dat Guillermo m dan binne zou loupe. Dae lette echter neit op wodoor t feest neit door ging. Un kwarteier veur tied brook Guillermo waer door de defensie, lag de bal breid op Ikram, dae op zien beurt Guido in un nóg baeter positie zoog sjtoan en ozze captain ronjde bekwaam aaf: 4-0. Ut sjlotakkoord koom op naam van Guido Rutten, dae oet unne corner de 5-0 binnewirkte. Al mit al un glansrieke euverwinning veur ozze mannen en un prima revanche op de nederlaag van veurige waek. Kommende waek sjteit d r opnuuj unne thoeswedsjtried op t programma, dit keer taege kampioenskandidaat Geusselt Sport. Unne wedsjtried dae de échte voetballeifhubbe neit moag missen, want veurig joar leverden de twee ontmoetingen tusje deze teams maar leifs 17 doelpunten op (effe oet miene kop). Van ut eesjte goan veer door noa de mannen van 2. Die woare veurige waek de competitie begoosj mit un bloedeloos gelieksjpel taege Susteren. Dit weekend sjting unne oetwedsjtried taege DVO 2 op t programma. Oetblinker van veurige waek, Jari Knoops, kreeg vlak noa de wedsjtried de vroag die jederein in Sjtein op de lippen loog. Zien reactie woar zelfkritisch: Coach Crutzen houw gekoaze veur de volgende opsjtelling: Kis: Bastiaan Achter: Steve, Jari, Cyrill en Sjoerd Midden: Amir, Mike en Bart Veur: Youri, Marko, Frank Bank: Pascal, Frusj, Zubair, Eleandro Carbone en Robin

5 De Sjter 2 sjtartte prima aan heure wedsjtried. T leek aanvankelijk unne mekkelijke middig te waere want DVO woort neit geveerlijk en de gael-zjwarten domineerden. Door un onoplettendheid achterin woort DVO echter in t zadel geholpen. Noa dae treffer van de Zitterdenaere zakte bie os 2 e de moud in de sjoon. D r woort neit goud meer gevoetbald en dan wurt t lestig om te scoren. Noa de rus koom de ploug waer get baeter in de wedsjtried en t woar Mike Haberland, naefke van naze-rechzetter en playboy Willem Thewissen, dae de 1-1 scoorde. T leek d r effe op dat De Sjter d r op en d r euver zou goan. Bart Linders kreeg de perfecte kanse om zien ploug op veursjprong te zette maar wis t net neit te vinje helaas. Helaas wis DVO aan de angere kantj waal te scoren en woare ozze mannen neit bie machte om de geliekmaker te maken. De kommende waeke zal d r oet un anger vaetje getap motte goan waere, want tot noe toe is t geweun te min. Van ut tweede goan veer door noa os nuuje viefde team. Zo wie veurige waek al oetgelag, is ut ouwe viefde doorgesjove noa ut driede en zeen de mannen van auwt-drie en auwt-veier same goan sjpele in ut nuuje viefde. Dat team wurt gecoacht door Mark Habets. Dem woar d r voal aan gelaege om unne sjtreep te zette onger t veurgoan pech-sezoen (weinig punten, zelf 3 kere de vout gebroake). Mark haet doaveur un sjterke selectie van maar leifs 21 man tot zien besjikking. Doavan woare d r 16 aafgeloupe zondig besjikbaar. Un luxe die Mark de veurgoande joare nooit haet gehad. Zo n brei selectie is un groot veurdeil in de klasse wo in os viefde sjpeelt want doa moagse doorloupend wissele. Un goei zaak, zo vinjt Jo van Funs, want dat beteikent dat jederein relatief oetgerus aan de derde helft kent beginne, in plaatsj van noa hoes te sjloffen en veur-kapot op de bank te goan ligke. Mannetjesputter Ralph Gladiator Doek houw doanaeve auch nog de nuujste apple-gadget op ziene tillefoon gezat, zodat hae nóg frisjer woar in de derde helf:

6 De wedsjtried leverde un 4-1 euverwinning op, oet bie SCM 5 in Mesjtreich. Wae de goale houw gemaak woort neit gans dudelijk, bie noavroag aan coach Habets. Marco Verhoeven houw d r 2 gemaak, Noud Claessens eine, en Mark zelf houw auch gescoord. Oh joa, en Brahim houw auch nog un goal gemaak. Of ein van de doelpuntenmakers in de verkeerde goal haet gescoord, woort wiejer neit toegelicht. Gelukkig ging t om unne baekerwedsjtried en telle die goale toch neit mit veur t gouwe sjoon-klassement. Tja, en euver de gouwe sjoon gesjproake: veer hubbe nog ein ploug neit gehad en dat is de ploug van de winnaar van de gouwe sjoon , Stef Conjour. En nae, in dat joartal hub ich mich neit vergis. Die veurzichtige veursjpelling durf ich waal al te doon. Tot noe toe is d r nog neit zo heel voal te lachen gewaes in dit versjlaag (correspondenten, kom op! Houd de ore goud oape en loat os mitgeneite van de sjpas bie uch teams!), maar de veteranen make dat ruimsjoots goud. Mit name Ron Marschal is op dit gebied al vruig in vorm dit sezoen. De waek van de veteranen begoosj al vruig want aan t begin van de waek woorte d r al un paar veteranen, al zoepend, gesignaleerd in Sjtein. Coach Frans zat die foto op de groepsapp

7 en dat leverde geliek commentaar op. Al woar t op z n minst verrassend dat dat commentaar aafkomstig woar van de veteraan dae prominent op die foto figureerde: Doanaeve woar d r doordewaeks bezurgdheid euver de gezondjheid van eine veteraan in t bezunjer: Rosjeee d n Doam. Dae houw de poart opt t Hetjen wulle oape haute veur de auto van Jo van Funs, houw de verkeerde kantj opgeduujd en vervolges de terugkvaerende poart in zien gezich gekrege. Mit es resultaat un wenkbrauw wo t bloud flink oetsjpoot. Gerard Martens toonde op de groepsapp dat hae mitlaefde:

8 Auch Willem Thewissen, dae in ziene vrieje tied same mit Robert Lucassen auch aan boksen deit, wunsjte Roger baetersjap: Euveriges woar dit al ut tweede bloedige incident op t Hetjen de veurbieje waeke. Want auch Daphne, de dochter van Robert Kraus, houw tiedes de voetbalwaek un ongelukske. Die wol krachzette om de zjwoare kantinedeur oape te kriege, duujde taege t glaas en ging doa ram doorhaer. Gelukkig heel ze d r gein ernstige verwonjinge aan euver. De sjuld van dees incidenten mot bie un onverwachs emes gezoch waere. Veurige waek woort hae nog opgehemeld es terechte winnaar van de gouwe sjoon, maar noe verdeint hae unne flinke vaeg oet de pan. Misha Dreessen sjteit d r om bekend dat hae neit van viezigheid hilt. Es gevolg doavan woare de hanjdduikskes op de wc s van t Hetjen Misha al joare lang kunne deurn in t aug. Noa joare langk zeivere doa euver houw t besjtuur

9 besjloate om dat ongerwerp deze zomer eindelijk aan te pakken. De wirkploug kreeg opdracht om échte dreugers op te hange op de wc s. Un klusje dat beheurlijk get tied in besjlaag haet genomme, zo bliek noe waal. Es gevolg van die sjtomme dreugers haet de wirkploug onvoldoende tied gehad om t glaaswerk in de kantinedeur baeter vas te zetten en om de vaering get oet de poart te helpe. Mit es gevolg dat Roger en Daphne sjade hubbe opgeloupe. Doe wurs bedank, Misha. Zeiveraer! Doordewaeks woar d r nóg unne veteraan dae meljde dat hae un waekske moosj euversjloan: Steef van de Woude. Unne dikke knei, zo luidde t excuus. Maar wie in dezelfde waek foto s opdoake van Steef dae doodleuk urges op n zomer-carnaval op unne wage sjting te dansen in LUV-outfit, plaatsjte de sjriever van dit sjtuk toch vroagteikes bie de aafmeljing van Steef: En doamit woar t leed nog neit geleje bie de veteranen dees waek. Dennie Vorstermans is op vakansie, aevenals nummer 1 in de pikorde Jack Linders. En nuujbakken veteraan Levi Nelissen meljde zich doodleuk aaf omdat de selectie toch waal breid genog woar. En dan hubbe veer t nog neit ens gehad euver de keepers- en sjeidsrechters-problematiek bie de vets. Noa t sjtoppen van wereldkeeper én naamgaever van de Hillen-Regel (aan anger vrouwluuj zitte is neit erg, behalve es ze van unne teamgenoot is), Rene Hillen, zitte de vets verlaege om unne keeper. Veurige waek houw Rudy Crutzen nog oetgeholpe maar dae wurt noa 2 taegetreffers wieselijk veurluipig effe un hauf joar oet de wintj gehaute door coaches Leon en Frans. T Keepersprobleem moosj dus intern waere opgelos. Datzelfde gold veur de sjeidsrechter, want noa eine wedsjtried in t nuuje sezoen haet Math Haagmans aangegaeve (veurluipig) neit meer te wulle fluite. Dat besjloet van Math leverde un reactie op van Ron. Captain Mat Creemers complimenteerde Ron veur zien sjterke analyse:

10 Wie Math aangoof dat hae toch ech neit koom fluite, booj Eddy Ubbink oetkomst. Dae koosj nog emes wat goud kent fluiten:

11 Oeteindelijk bleek auch Berdien al get angesj veur te hubbe en dus moosjten de vets terugkvalle op Robert Kraus. Mit al die midwaekse besjlommeringen meljden zich zoaterdigmiddig 17 veteranen veur de thoeswedsjtried taege Lintjheuvel. Op t terras woort eesj de wedsjtried van de A jeugd bekeke en woort d r alwaer druk geouwehoort. Ron: Dae rechsboete doa is auch neit de grootste. Rob: Ich hub lets urges geheurd dat ze bie Ajax un keeperke van 8 houwe weggesjik omdat dae maar eine maeter 75 zou waere. Ron: Dat venj ich logisch. Willem: Nou Ron, van Rico van mich zeije ze auch dat dae maar 1,81 zou waere en dae is noe 1,94 of zoget. Ron: Dan geis doe al d r van oet das doe de pap bes. Willem: Haha, das woar. Ron: Lanjelijk gezeen sjient dat 5% van de kinjer eigenlijk van unne angere vader is. Willem: Hie in Sjtein sjient dat percentage get hoger te ligke.

12 Ron: Joa, hie loupe get vieszek rondj die kwistig mit t zoad gesjtruijt hubbe. Nog un geluk dat ze op vandaag mit de beugelkes wirke, angesj houwe d r heel get rondjgeloupe mit diezelfde sjpleet tusje de tenj es ich hub. Vervolges koom auch Roger Daemen mit de tesj aanloupe. Van zien verwonjing woar bienoa niks meer te zeen gelukkig. Roger: Dat woar mich unne sjlaag. En dat blooide. Willem: Ut is dasse geine tied houws om diene kop aan te sjpanne, angesj houwse waarsjienlijk neit ens get gevuild. Ron: Én nog un geluk das doe toch al voal bloud hubs. Captain Mat Creemers koom, zo wie ummer, perfect gesoigneerd t complex op, goof jederein un handj en wendde zich tot coach Leon. Mat: Leon, ein helfke veur mich he. Veer hubbe toch man zat. Ron: En un paar vrouwluuj te weinig. Ron houw auch nog un goud weurdje euver veur veteranen-keuningin Véronique. Veurige waek houw hae al taege de sjriever van dit sjtuk gezag: Potverdomme Rob, doe ligks vanoavend mit un echte keuningin in bed. Doa mot ich nog un waek op wachte. En dees waek borduurde Ron doa op veurt. Ron: Daag keuningin, veer zeen noe un waek wiejer he. Véronique: Dat wurt lestig want ich mot dalik noa unne verjoardaag. Ron: Potverdomme, hub ich mich veur niks de zak gesjoare. In t kleidlokaal vertelde Mat Creemers vervolges dat Véronique nog neit al heur keuninginne-veurwerpe houw ontvange en dat de echte inauguratie euver 2 waeke zou plaatsjvinje. Al koom dat d r nét get angesj oet: Mat: Jonges, de in-oralatie van de keuningin is euver twee waeke. Eddy: En dan kent de ouw keuningin geliek de analen in zeker. Ron woar zich intusje aan t omkleije en t woar Mat opgevalle dat Ron un beheurlijk gaat in ein van zien zukke houw. De dikke teen koom bienoa gans noa boete. Mat: Enne Ronnie, zeen dat zukke om mit te teen-vingeren? Willem: Dat is get veur vrouwluuj mit unne footfetish. Ron: Geer zeet gek. Mien tenen zeen geweun de aafgeloupe waek get gegruijd. Noa al dat gezeiver woar ut tied veur un korte warming up en doanoa koosj de wedsjtried beginne. Ozze veteranen woare heer en meister op t veldj en dat woort in de score auch tot oetdrukking gebrach. Eesj sjlingerde Willem unne bal veur de pot, Will Leurs hing al in de loch veurdat de bal gegaeve woort, hing nog ummer wie de bal ziene kop bereikte, en knikte

13 soeverein de 1-0 binne, om geliek mit unne oerkreet te roupe: Yes, dae ouwe kent t nog! Nog veur rus scoorde Will ziene tweede wie Rob unne sjtaekpass goof op Stef en dae onbaatzuchtig breid lach op Will, dae m binne koosj loupe. En vlak veur rus lag Rob de bal, allein veur de keeper breid op Roger, dae de 3-0 aanteikende. Onger rus noom coach Frans t woord. Coach Leon woar nurges te bekenne. Frans: Jonges, ich doon de wissels want Leon houw ruzie mit de vrouw gekrege en moosj hals-euver-kop noa hoes toe. Ron: Welke vrouw precies? Willem: Ich zou noe in jeder geval maar neit noa hoes belle. In de tweede helf ginge de Sjter-mannen vrolijk door mit scoren. Keeper Ron Marschal (katachtige redding in de eesjte helf) woar vervange door Roger Daemen, dae doa euver zelf zei taege de sjpelers van Lintjheuvel: Net moch geer neit hoog sjeite, noe moag geer neit in de huikskes mikke. Auch Will Leurs, dae veur rus nog 2 keer net te kort koom om ziene hattrick te vervolmaken, woar gewisseld, dus de goale kome noe van angeren. Stef scoorde d r 3 en auch Stefan Janssen en Robert Lucassen maakten d r eine. De sjoonste goal koom op naam van Stef, dae scoorde mit unne vrie onorthodoxe hauve omhoal. Wat doa onorthodox aan woar? In t proces van dae hauve omhoal wis hae de bal zo hel mit zien handj te raken dat sjpelers van Lintjheuvel bezurgd informeerden of hae neit ziene pols houw gebroake. Wae neit scoorde woor Gerard Martens, ondanks dat hae waer un puike partie sjpeelde in verdedigend opzicht en dat hae auch af en toe aanvallend unne duit in t zekske deig. Zo koom hae de tweede helft zelfs gans mit noa veure, kreeg de bal op un presenteerblaedje veur oape goal, maar mikte helaas voal te hoog. Op de reservebank broke ze bienoa de dug out aaf van t lachen en Gerards dochter Shauni reep euver t veldj: En zóget mot mich lere voetballe????!!!! Lintjheuvel moch auch nog unne keer taege scoren en zo eindigde de partie in 8-1 veur De Sjter. Noa aafloup in t kleidlokaal woort besjproake dat t toch waer sjiek woar om te voetballe en biejein te zeen. Willem: Rene Hillen mot dit toch allemoal missen, jonges. Robert: Joa, dat liek mich auch. Willem (verwiezend noa t feit dat Rene is getrouwd mit Willems ex vrouw Yvonne): Maar hae haet waal get sjoons euvergehaute aan voetballe mis os. Ron (cynisch): Joa un gebroekde. Tweedehands-punt-bee-ee. Willem: Doe huijts dich auch ummer get d r oet, Ron. Ron: Ach Willem, ummers es ich vruiger mit Yvonne in ut nes loog, moosj ich aan dich denke.

14 Willem woar ongertusje maar ens de trekkers goan hoale om t lokaal te potse en brach auch eine trekker bie die van Lintjheuvel noa binne. Willem: Ich loup doa noa binne, kiek ens rondj en zegk potverdomme jonges, geer hub mich allemoal lang piemele. En greutsj dat ze keke. Auch hoalde Willem nog un verhoal op euver de eesjte ontmoeting van zien Joyce mit Ron Marschal. Willem: Hae houw gevroag wo Joyce vandaan koom. Wie zie Groningen houw geantjwoord, houw Ron gezag: Oh, dan kense vas auch parenclub Angels, op de provinciale waeg tusje Winschoten en Groningen. Ron: Oh joa, dat ken ich mich nog herinnere. Willem: En wie ich joare later ens op dae provinciale waeg reej, zoog ich inderdaad die club ligke. Ich dach dat Ronny dat geweun verzonne houw. Ron: Maar nae, ich ben doa toen drie daag achterein gewaes doa in dat godvergaete deil van Nederlandj. Ich woar blie wie ich waer terugk woar in t Zuiden sjteit dich vervolges inens un bekende Groningse langs de lien te kieke noa de veterane. En op dees maneier ging t in de kantine vervolges nog un paar uurkes wiejer. T letste woord in dit versjlaag wul ich wijden aan de elftalleider en mental coach van os eesjte elftal, Frans Beaujean. Dae haet geweldige kwaliteiten es motivator van de ploug. Dat deit hae door voal mit sjpelers en coaches te kalle. Jederein vuilt zich doa prettig bie. Wiejer hingk Frans veur de wedsjtrieje auch ummer sjpreuken op in t kleidlokaal, die unne boodsjap mitgaeve aan de sjpelers. De veurbieje waeke hing d r Een echte topper maakt een ander beter en Verliezers hebben een excuus, winnaars een reden. Prima werk van Frans, maar zo wie ich t aafgeloupe sezoen al aan den lijve hubbe moage ongervinje: bie ut eesjte elftal denkse soms dasse alles al wits. Maar pas esse bie de veteranen sjpeels, kumpse langzaamaan spiritueel tot volle wasdom. Op alle vlakken. Auch op t gebied van motiverende boodsjappe. Dus ich zou zegke: Frans Beaujean, loup binnekort ens t kleidlokaal van de veteranen in onger de wedsjtried, pak dich de jeans van Mat Creemers van de hoak aaf, bekiek de binnekantj van die jeans ter hoogte van de gulp ens goud, loat dich dat vervolges ens bezinke en doog d r dien veurdeil mit bie de mannen van 1:

15 Amen aanveurder! Rob Sjulpe