De Sjter 1 en 2 baekere door! Eerbetoon aan un ontvallen supporter; Rene Gooren in Fifa 18; Liefdesbaby veur druimkoppel De Sjter!

Transcriptie

1 De Sjter 1 en 2 baekere door! Eerbetoon aan un ontvallen supporter; Rene Gooren in Fifa 18; Liefdesbaby veur druimkoppel De Sjter! De veurbereidingsperiode zit d r noe ech op veur alle seniorenteams. Vanaaf kommend weekend begint de competitie waer. Aafgeloupe weekend woort d r door sommige teams nog veur de baeker gesjpeeld. Angere teams sjpeelden unne oefenwedsjtried om de letste automatismen d r in te sjliepe. Mit wisselend succes. Zo verloare ozze veteranen op zoaterdigmiddig veur de derde keer op riej van de Haslou vets (1-3). Os eesjte en tweede elftal plaatsjten zich op zondig veur de volgende baekerrunj via respectievelijk un gelieksjpel taege Erp (2-2) en un euverwinning op Meerssen 2 (6-1). De dames wonne aafgeteikend van Polaris (10-4) en kenne zich dees waek auch nog plaatsje veur de volgende baekerrunj, via un euverwinning op Leonidas. Veur ut veerde zit t baeker avontuur d r op, noa un nederlaag taege IVS 2 (4-1). Ut viefde verloor vriendsjappelijk van Urmondia 3 (3-1) en de veterinnen tot sjlot moosjten hunne meerdere erkennen in de UOW veterinnen (0-7). Maar naeve dat voetbalgeweld vult d r auch dees waek waer genog te besjpraeke euver ut randjgebeuren. Auch in dít versjlaag dus waer genog anekdotes, foto s, kroegverhoale, unne houp gelach, en auch un welgemeinde troan. Loate veer dus maar sjnel beginne. En dat doon veer dees waek mit de mannen van De Sjter 4. Die houwe unne oetwedsjtried veur de baeker noa IVS 2 op t programma sjtoan. Ozze mannen woare netjes mit 13 man en houfden gein hulp in te roupe van angere teams. Wat dat betruf dus unne goeie sjtart veur ut veerde. De wedsjtried woort gesjpeeld onger un lekker noajoars-zönke en de graasmat in Berg loog d r degelijk bie. Ozze mannen begoosjte sjterk aan de wedsjtried en kome dan auch al sjnel op unne 0-1 veursjprong. Aangaever en aafmaker woar ut duo mid-midden dat gezamenlijk 81 joare jongk is. Ivo van den Bergh woar de 41-joarige aafmaker. Wae dan de 40-joarige de aangaever woar, woort door correspondent Ralph Doek neit gedeild. Besjtudering van de geboartedata op de ledenliest leverde mich ut vermoede op dat ut Ralph zelf woar dae de assist goof. Potverdomme is dae Doek al 40 joare auwt, heur ich uch denke. Ich houw t auch neit gedach. En Ans van de kantine auch neit want die sjprik Doek ummer aan bie ziene flatterende bienaam:

2 Terugk noa de wedsjtried. Os veerde woar dus prima gesjtart en sjting 0-1 veur. Un minuut of 10 later kreeg Berg heur eesjte kans en die woort auch geliek benut. Effe later, wie de echte derbygevuiles begoosjte op te sjpele en oetmondden in un opsjtootje, trok Doek aan de noodrem om un taegegoal te veurkomme. Hae kreeg un gael kaart en moosj dus 10 minute noa de kantj. IVS profiteerde doa optimaal van door twee kere te scoren. En zo woar Doek, noa eige zegke, twee goale sjout in plaatsj dat hae d r eine houw veurkomme Noa de rust kreeg Berg waal af en toe get kansen, maar eigenlijk houwe de mannen van 4 ut beste van ut sjpel tot aan de 75 e minuut. Einige minpunt woar dat de kansen neit benut woorte. Ut letste kwarteier woort d r alles of niks gesjpeeld en moosj men auch nog de 4-1 incasseren. Die goal woort euveriges neit gescoord door auwt De Sjter 1-(en huidig IVS 2-)sjpeler Karim Virdis, want dae goof de veurkeur aan ut bekieke van de F1 race in de kantine. Ondanks de geflatteerde oetsjlaag woar trainer Janssen tevreje euver ut vertoonde sjpel en euver de Belsj dae es stagiair mitsjpeelde. Kommend weekend zal unne tweede Belsje stagiair unne testmatch komme sjpele. Ralph Doek: Oet noa Gäöl. Ich zegk 3 punte! Euveriges, es veer ut euver ut veerde hubbe, dan motte veer nog effe wenne aan de nuuje teamsamensjtelling van de legere seniorenteams. In mien korte termien-geheugen ruip de term ut veerde veural herinneringe op aan de gezellige bende die joare langk onger leiding van Patrick Nordhausen heur wedsjtrieje sjpeelde. Kenmerkend veur dat team woar dat ze ummer hun pötje voetbalden, maar veural dat ze doanoa voltallig de res van de daag in de kantine doorbrachten en van doa oet de verrichtingen van De Sjter 1 volgden. Al die joare woar Pedro Willems sjpeler en grensrechter van ut veerde. En Pedro s mam, Truus, woar al die joare es vaste supporter auch ummer de ganse zondig in de kantine. Helaas bereikte mich dees waek ut bericht dat Truus os is ontvalle. Ze zal nog unne hele lange tied gemist waere op de zondige. Ter herinnering aan Truus, hub ich mien ouwe versjlage nog ens terugkgezoch. Truus koom doa auch geregeld in veur. En ter ere van Truus (en Pedro) wul ich gaer nog un paar van die ouwe passages aanhoale: Langzaamaan druppelden de vaste supporters binne. Auch Pedro koom, wie ummer, mit de ganse femieje (3 generaties) binne. En wat bleek zowel de vrouw van Pedro es mama Truus waore speciaal veur de topper van vandaag nao de kapper gewaes. Veur de sjpelers zeen dat soort klein dinger toch ummer unne extra sjtimulans: Jean Fredrix dae sjpontaan begint te danse in de kantine, Truus die veur de wedsjtrijd nao de kapper geit t voetbal laef in Sjtein! Gelökkig koom auch Piet nao 15 vazen (nae gein vertyping, ich bedoel neit glazen ) Jupiler auch lekker los. Zo los zelfs dat hae Truus ten dans vroog.

3 Gelökkig greep DJ Haka sjnel in en sjalde door de microfoon: Piet, sjei oet, doe bes Jan onger de doeve aan t sjeite! Al mot gezag waere dat auch Pedro 2 puntgave assists leet aanteikene, wovan eine zelfs veuraafgegange woord door n dubbele sjeer. Mama Truus sjtook van binne oet terech de doem op. En de derde helft woar vanzelfsjpraekend un prooi veur de zoepnaze van 4. In de tent woort door un grote schare van 4e elftal sjpelers waer de neudige euro s achtergelaten. En mascotte Truus betroaj zelfs de dansvloer samen mit Big Benny. Of Truus op dees foto zo vrunjtelijk woar om Benny s glaas effe vast te houte, of dat ze zelf unne dreuge mondj houw gekrege van de sjpannende wedsjtried van heur veerde elftal, is deze reporter neit bekend.

4 En zo zeen veer inmiddels alwaer aangekomme aan t eind van dit versjlaag. De oetsjmieter is aafkomstig van sjpeler/grensrechter Pedro Willems. Pedro is mit zien mam Truus ummer vaste toesjouwer bie de thoeswedsjtrieje van De Sjter 1. Aafgeloupe weekend koosjte Pedro en Truus echter neit komme kieke. Pedro vroog Christel van Kan om m op de hoogte te haute van de sjtandj en lag geliek oet wat de hilarische reje woar van hun aafwezigheid: Pedro, veul sjterkte mit ut verwirke van ut verleis van dien mam. Veer zulle Truus misse en zulle de leuke dinger aan heur blieve herinnere. Van ut veerde sjakele veer euver noa ozze ladies. Die moosjte thoes sjpele veur de baeker taege de dames van Polaris. De veurteikenen woare prima, aldus Jill Janssen:

5 Al koosjte al die goeie veurteikene alwaer aan de kantj gesjove waere, wie de foto s van de vriedig binne sijpelden: Wat noe precies de aanleiding woar veur de verkleidpartieje woort mich neit gans dudelijk oet de onsamenhangende en van alcohol-doordrenkte aangeleverde informatie. Ich vermoed echter dat ut te make houw mit de verjoardaag van beide trainers van de dames, Gerard Martens en Tom Keulen. De dames houwe veur hun trainers auch un toepasselijk cadeau gekoch:

6 Un cadeau dat zowel Gerard es Tom ongetwiefeld op pries zal sjtelle. Beiden zeen weliswoar sinds kort waer aan de vrouw, maar aangezeen ut in beide gevallen om LAT-relaties geit, zal de opbloaspop toch af en toe van pas komme. Op zondig woare alle dames ens unne keer op tied aanwezig. Zo wie Jill Janssen ut verwoordde: alle dames op tied opgesjtange of neit ens goan sjloape. De reje? Ut woar tied veur de joarlijkse teamfoto. En dus moosj jederein d r tiptop oet zeen. En dat is prima geluk, getuge de foto: De wedsjtried begoosj en ozze dames houwe d r zin in. D r woar ongerling al gewed wat de hoogte van de oetsjlaag ging waere. Dat veel in ut begin van de wedsjtried echter sjtevig taege want Polaris kump op 0-1. Doa op waere get omzettinge gedoan en goan de dames waer d r taegenaan. Desondanks is ut waer Polaris dat un kans krig maar keepster Maartje is de reddende engel. Kiki

7 besjlut doa op heur sjtumbenj ens flink te testen om de schwung terugk te kriege in ut sjpel. Dat lukt, want ut is Bo die de 1-1 scoort oet unne sjone vrieje trap van Rachel. Lang moage de dames neit geneite van de veursjprong want al 1 minuut later is ut 1-2 veur Polonia. Kort doanoa is ut echter alwaer unne assist van Rachel, dae door Bo beheerst wurdt aafgerondj veur de 2-2. En dan te bedenke dat d r pas 19 minute zeen gesjpeeld. Wat unne wedsjtried! Effe later kump De Sjter op veursjprong. Dit keer zeen de rollen omgedreijd. De assist is van Bo en de goal van Rachel. Hoppa 3-2. En al sjnel is ut Joy die veur de 4-2 veursjprong zurg. In de 24 e minuut kump de 5-2 op de borde. Superfan van De Sjter 1 Yaël Beaujean sjpeelt twee taegesjtenjers oet en knalt de bal binne. Langs de kantj zeen de dames van Sjtein Zuid aandachtig toesjouwer bie dit voetbalsjpectakel. Volges Jill zodat ze zich alvas kenne veurbereiden es veer hun goan opvraete op 1 oktober. Alle supporters zeen dan welkom euveriges, aldus Jill. In de 34 e minuut scoort Bo heure derde van de middig en sjteit ut 6-2. En nog vlak veur de rust maak Rachel de 7-2. Noa de rust scoort Bo de 8-2, Joy de 9-2. Op dat moment woort Marwa ingebrach, ondanks ut feit dat die ut ganse weekend unne nogal warrige indruk maakte (de muigelijke reje wurt wiejerop in dit versjlaag onthuld). Marwa houw ut in de wedsjtried veural druk mit kalle mit heur taegesjtenjer. Ze houw ut doa zo druk mit dat ze neit ens in de gaten houw dat heur taegesjtenjer mit noa veure woar gerend. Reje veur Manon Quaedvlieg om te roupe: Marwa, doe hubs geine! Wo op Marwa terugk reep: Joewaal, die blonj die doa achter rent is van mich. Noadat Polaris de 9-3 scoort, is ut Siri die de score noa de dubbele ciefers tilt. De trainer van Polaris ruip doa op noa de sjeids of dae neit esteblijf wult aaffluiten. Dae leet echter nog effe doorsjpele en dat geef Polaris de kans om nog de 10-4 te scoren. Quote van de daag, aldus Jill, is te laeze op ut shirt van ein van heur ploeggenoten: Leukste foto van de middig betrof un vertederend exemplaar van Dyonne, die zich op de reservebank ontfermt euver de baby van ein van heur ploeggenoten:

8 Van wae dae liefdesbaby is, wurt pas aan ut eind van dit versjlaag onthult. Ich roaj uch aan om te blieve laeze. Van de dames goan veer euver noa ut driede. Die houwe aafgeloupe weekend geine wedsjtried op ut programma, maar deige waal ongerling van zich sjpraeke. Ralph Janssen woar thoes Fifa 18 aan ut sjpele op de playstation en koom d r toen achter dat Bayern München unne sjpeler in de selectie haet dae Süle heisj. Noa get knippen en plekke in paint, woort de volgende foto door Ralph in de groepsapp van 3 gesjmete mit es ongersjrif Sullllleeee! Wie die foto auch angere groepsapps bereikte, koom d r vanzelfsjpraekend ut neudige commentaar. Al ging dat veural om de, in de auge van sommige, te hoge rating van Rene in ut sjpel:

9 Van de voetballoze, playstation sjpelende mannen van ut driede sjakele veer euver noa de mannen van 2. En dan mot ich geliek vermelden dat euver de wedsjtried van zowel 2 es dae van 1 nauwelijks informatie mich bereikte. En dat loog d r neit aan dat ich ut neit op meerdere plaatsje geprobeerd hub. Gelukkig waal genog in ut randjgebeure bie beide teams. Zo houw De Sjter 2 aafgeloupe waek unne joarige in hun midden: Frank Haenraets. En ut leuke veur Frank woar dat hae de oavend veur ziene verjoardaag auch nog scoorde, aldus bewaerde Rene: Marwa woar neit bereikbaar veur commentaar, maar oet t feit dat ze tiedes de wedsjtried op zondig get versjtrooid euverkoom, kenne veer waal ut ein en anger aafleiden

10 Wiejer bereikte mich vanoet ut kleidlokaal van de selectie un opmerkelijke foto. Ich sjaar m zelf onger t motto echte liefde is., maar Jari Knoops heel d r un angere meining op noa: Ralph Doek koosj mit dae opdruk op de sjoon waal laeve, maar mit de tape van Rene Gooren houw hae meer muijte: Wiejer is uch vas waal al opgevalle dat ozze kantine sinds kort wurt opgeseierd mit paspoppen in de nuuje Sjter-kleijing. Jari Knoops is de eesjte dae opvilt dat ein van die poppen bewust is neergezat in de meest karakteristieke pose die de aafgeloupe 20 joar op t Hetjen te zeen is gewaes: die van Jack Dassen dae op zien gemaak un seniorenteam van De Sjter sjteit te coachen langs de lien:

11 Maar goud, veer woare gebleve bie os 2 e elftal. Die wonnen auch hunne derde baekerwedsjtried euvertugend en lieke gans kloar veur de competitie. Meerssen 2 woort mit maar leifs 6-1 aan de kantj gesjove. De goale kome op naam van Steve (3x), Marko (2x) en Cyrill. Meer veel Jari Knoops neit in op zondigoavend: Kenny Lemmens bleek waal te weite woarom Jari gein boe of bah meer koosj zegke op zondigoavend, en deilde en passant auch nog info euver Stefan de Frusj:

12 Mit de weitensjap dat os 2 e elftal zich haet geplaatsj veur de volgende baekerrunj, sjakele veer maar euver noa de mannen van 1. Die sjpeelden thoes veur de baeker taege Erp en wisten veuraaf al dat ze al geplaatsj woare veur de volgende runj. Desondanks sjote ozze jonges oet de sjtartblokken. Helaas leverde dat neit de 3 punte op. Meer dan dees korte analyse van Rany bereikte mich neit: Ich ken uch zelfs neit vertelle wae gescoord haet. Al zal ut in jeder geval neit Randy zeen gewaes. Angesj houw hae dae info vas waal belangriek genog gevonje om te deile

13 Wat ich uch waal ken vertelle is dat d r binne de begeleidingsstaf van os eesjte aafgeloupe waek rake klappen woorte oetgedeild. Gelukkig gein echte klappen, maar waal digitale. Degeine dae moosj incasseren woar leider Frans Beaujean (dae de betreffende groepsapp houw aangemaak). De oetdeiler woar grensrechter Marco Vaassen, dae effe dudelijk maakte dat Frans eerder die waek versjtek houw loate goan in de doordewaekse oefenwedsjtried taege Susteren (4-1 winst veur os jonges): Randy houw noa de wedsjtried taege Erp ens effe rondjgekeke op de app van voetbal.nl en houw specifiek ingezoomd op de besjikbare info euver de sjpelers van De Sjter. Dat leverde un tweetal juweeltjes op. Te beginne mit un vraem telefoonnummer van Hassan (wobie ich de letste ciefers hub gewis):

14 Maar ut absolute pareltje op voetbal.nl is toch waal de foto van ozze bikkel in de verdediging, Guido Rutten: Maar goud: alle sjaele kal effe wegdenkend: os eesjte elftal haet, onger leiding van Jean Maas un prima veurbereiding en baekercampagne achter de rugk. De volgende baekerrunj is bereik en in oefenwedsjtrieje zeen gerenommeerde plouge versjlage. Klasse jonges. En noe doortrekke in de competitie! Dan houw ich uch noe auch nog gaer get verteld euver de wedjstrieje van de veterinnen en van De Sjter 5, maar van die teams bereikte mich gein informatie. Veur ut topscorersklassement is dat euveriges neit van belang. Doaveur telle immers allein goals in competitie-wedsjtrieje mit. En dat beteiekent dat ozze vets (die d r inmiddels al 3 wedsjtrieje op hubbe zitte) unne kleine veursjprong hubbe. Maar vrees neit es de kou dalik kump en die veteranen-sjpiere te sjtram waere, dan hubbe de angere teams voldoende gelegenheid om de sjade in te hoale. Tja, en dat bringk os dan auch bie ut einige team dat nog neit behanjeld is: ozze veteranen. Die houwe dit weekend de derby der derby s taege Haslou op t programma sjtoan. Noa de melding van ut aanvangstiedsjtip op gounsdig, woar t reikhalzend oetkieke of sjpelbepaler Steef van de Woude inmiddels woar hersjteld van zien waekske 44 graden koorts. Gelukkig volgde op donderdig verlossend bericht. Steef reageerde doa in auch geliek op ut eesjte filmke dat nuujkommer Ruud van Didden deilde op de groepsapp:

15 Steef dropte doa op un filmke en goof Ruud enkele tips wat veur soort filmkes dat bie veurkeur gedeild motte waere. Ruud deig un tweede poging, noadat Gerard Martens ziene ploeggenoot Steef tot veurzichtigheid houw gemaand:

16 Dat tweede filmke van Ruud beveel Steef dudelijk baeter: D r woare aafgeloupe waek auch un aantal joarigen te viere op de groepsapp. Onger angere Gerard Martens woort oetgebreid gefeliciteerd. De tekst van captain Mat Creemers wul ich uch neit onthaute: Auch de sjriever van dit sjtuk woort gefeliciteerd. Dan diens optreden bie de vets tot oeteinloupende meininge leidt, bliek waal oet de felicitaties:

17 Op zoaterdig verzamelden de 12 fitte veteranen zich in ut kleidlokaal. Keeper Rudy Crutzen woar zich de bein aan ut zjwachtele en deig un observatie: Rudy: Bie ut eesjte zoot ich van de waek te zjwachtele tusje Timo en Giel en toen dach ich bie michzelf: doe wurs ech te oud hieveur. Ron: Dat gevuil hub ích bie de veteranen. Ozze nuujste veteraan Ruud van Didden sjpeelde auch veur ut eesj mit. Hae koom same mit Gerard Martens binneloupe. Willem: Jonges, dit is Ruud. Hae is nuuj. En nuuje kriege sinds dit sezoen unne buddy toegeweze. Veur Ruud is dat Gerard. Ruud begoosj vervolges in ut kleidlokaal geliek te kalle euver fitsclub ut verzetje, maar woort geliek terechgeweze door ziene buddy. Ruud: Aafgeloupe weekend nog un flinke tocht gefits. Gerard: Ruud, ein dingk. Esse geis kalle euver ut verzetje, dan rotse maar waer op. Ut is hie un voetbalclub. Gein fitsclub. Eddy: En un bietje un parenclub. Gerard: Prima. Maar gein fitsclub! Op dat moment houw Will Leurs, mit un wit hummeke aan, al 10 minute in zien tesj zitte graaie. Will: Jonges, ich ben mien shirt vergaete. Haet nog emes ein? Doa op vele 10 man euverein haer om d r zeker van te zeen dat nemes un reserveshirt zou aanbeije. Will deig zich doa op un paar sjtok-ouwe sjportsjoon aan om noa hoes te rieje veur zien shirt. Ron: Mit dat wit humme aan, kense mesjiens mit die van Aelse mitdoon. Will: Nae, ich riej waal effe noa hoes. Willem: Will, zeen dat de sjoon wo Ivan Lendl in 1984 Roland Garros op won? De wedsjtried begoosj onger leiding van de geblesseerde Stef Conjour, dae ondanks zien blessure es sjeids meer maeters maakte dan op unne normale zoaterdigmiddig. Al woort zien balvastheid veurin

18 waal node gemist. De vets van De Sjter sjpeelden neit sjlech, maar woorte nauwelijks geveerlijk. Meestal sjtokte ut combinatiesjpel rondj de 16. Aan de angere kantj scoorde Haslou waal twee prachtige goale, die zelfs veur Rudy onhoudbaar in de driehouk vloge. Onger de rus woort geconstateerd dat d r get moosj verangere: Rob: Ut is tóch un luxe esse op zo n moment nog Will Leurs kens inbrengen. Ron: Joa, dae geit ut vas rech buige. Eddy: Dae van Will rech buige??? Knappe jong dae dat luk. Coach Leon Pep Fredrix besjloot Will op linksveur in te brenge en auch de inmiddels gearriveerde Robbie van der Linden woort in de ploug gebrach. Wiejer woort de sjriever van dit sjtuk doorgesjoave noa de sjpits en woort Misha Dreessen es midmidden opgesjteld veur de duelkracht. Die aangepaste tactiek bleek prima te wirke. De Sjter woort geveerlijker en kreeg de neudige kanse. Oeteindelijk leidde unne wieje oettrap van Rudy d r toe dat de sjriever van dit sjtuk allein op Haslou keeper Raymond Verhoeven aan moch. Dat is lang geleje. Ich hoap maar dat Verhoeven sjtraks vanzelf van elenj omvult, angesj wurt scoren nog lestig, heurdese Rob denke. Oeteindelijk woort de bal sjtrak richting houk gesjoate, Verhoeven parreerde houf, wonoa de rebound esnog woort binne gepunterd. Ut letste woord woar echter aan Haslou dat in the dying seconds nog de 1-3 scoorde. Al mit al un terechte euverwinning veur de mannen van Sjtein Zuid. Noa aafloup van de wedsjtried woort ut sjpel van nuujkommer Ruud van Didden besjproake, in Ruuds biezeen uiteraard. Eddy: Ruud, fitse is toch auch sjoon, mit zo n waer, of niet? Will Leurs woar, noadat hae die van Aelse auch allemoal perseunlijk houw verteld dat hae veurig joar 5x in eine wedsjtried houw gescoord, inmiddels auch gearriveerd in ut kleidlokaal en begoosj euver de Vuelta te kalle. Will: Dae letste berg woar toch neit normaal, he. 27%! Dat is gekkenwerk! Eddy: Wat dunks dich van mich gistere? Unne gin 37%! In de kantine besjloot de sjriever van dit sjtuk effe un proatje te goan make mit de taegesjtenjers. Dat woort geliek opgepik door Jari Knoops:

19 Terugk bie de vets van De Sjter koom Ans van Kan laeg glaze ophoale. Willem besjloot Ans get vaere in de vot te sjtaeke. Willem: Jonges kiek ens hie wat un vlam! Ron: Allein joamer dat ze zo lang geléje geboare is. Steef: Ans, esse noe moosj keize tusje al die ouw zek of mich? Ans: Dan woorrrrrt ich spontaan pot. Ron: Das versjtenjig want de meeste potten hubbe un langer tong dan de pum van Steef. Vervolges koom de zoon van Ron binne om m op te hoale. Mat Creemers sjprook m aan. Mat: Jong wie is ut mit de mam? Zoon: Goud.

20 Mat: Dat is fijn om te heure jong. Ron: Dat waor vruiger un lekker wief! Mat: Joa jong. Vruiger, es pap ich dan de mam peunden, dan houwe veer de zeiver in de sjoon sjtoan. Ron: Flauwekul! Mat:? Ron: Dan houwe veer gaar gein sjoon meer aan. Auch fienpruiver Graad Smeets woar vanzelfsjpraekend komme kieke noa de veteranen en sjprook Will Leurs nog effe aan. Graad: Will, geisse nog lang door mit voetballe? Will: Zo lang muigelijk. Ich wul mien lichaam in conditie haute. Graad: Kense dan neit baeter op danse goan? Dat woar ut signaal om de deur van de kantine langzaamaan achter os toe te trekke. De mannen van Haslou woare beheurlijk lang in de kantine blieve hange (respect doaveur!). Maar de derde helf woar gelukkig nipt gewonne door De Sjter. Ut feest woort door de echte die hards nog tot in de late uurkes veurtgezat bie de Poart, wo Gerard Martens auch geliek ziene verjoardaag vierde. Mit zien cadeau woar hae maar get blie:

21 Maar ut hoogtepunt van de oavend veur Gerard woar toch wie hae, noa sjloetingstied, nog unne letste dans van zien (in de auge van Willem Thewissen) veuls te jonge vriendin kreeg: In 9 van de 10 gevalle zou zonne romantische dans de perfecte aafsjleiting van dit versjlaag zeen. Dees waek is d r echter nog get baeters te melje. Ut sjlotakkoord dees waek beheurt toe aan een onthulling die neit houw missjtange in de Story en de Privé. Ut betruf un onthulling rondjom t sjoonste sprookjeshuwelijk binne os vereiniging. Háe is al joare langk de rots in de branding van de defensie van os eesjte elftal. Gezaegend bovendien mit jaloersmakende looks, un hart van goud, Zuid-Amerikaanse passie, Italiaanse flair en un hoog aaibaarheidsgehalte. Zíe is de über-babe van os damesteam. Gezaegend mit fenomenale voetbalkwaliteiten bovendien. Un paar joar vormen ze al un koppel. Reikhalzend keek de ganse vereiniging al oet noa de volgende sjtap in hun sjprookjeshuwelijk. Zouwe ze ut veule sjtappen eindelijk achter zich goan loate? Zouwe ze samen un huuske goan koupe? Of zou háe soms op de kneije goan veur heur? Allemoal zouwe dat logische vervolgsjtappen zeen. Dees waek bleek echter dat os duimkoppel un paar sjtappe haet euvergesjlage. Wo háe op ut veldj nog oetblink in verfiend, kort sjpel, bliek noe dat hae in bed meer is van ut lange halen, snel thuis. En wo zíe op ut veldj ummer un jaloersmakende frivoliteit en onafhankelijkheid tentoonsjpreid, bliek ze in bed meer te zeen van ut es ich dit sjlum sjpeel, hub ich m veur de res van zien laeve vas ligke. Verbaasd woar ich dan auch wie de foto mich bereikte. Effe aarzelde ich nog of ich ze waal moosj deile mit de ganse vereiniging. Maar ich doon ut toch. Ich vroag uch waal om de jonge ouwesj de kommende waeke rust te gunne zodat ze kenne wenne aan de nuuje situatie.

22 Roel, Jill, van harte perficiat! Pes volgende waek. Rob Sjulpe