Ronny: Wat? Marko: Uw telefoon gaat af. Dat is boete he. Ronny: Druk maar weg. Marko: Het is Marwa, trainer. Ronny: Neem op! Neem op!

Transcriptie

1 De Sjter 1 versjleit koplouper Hoensbroek; Dames boeken klinkende euverwinning; Bob Dukers maak verrassende carrière-move; veteranen vinje nuuje leider veur kommend sezoen Os vereiniging haet un succesvol weekend achter de rugk. Dat begoosj al mit un galaveursjtelling van de veteranen op zoaterdioavend en kreeg op de zondig un nog sjoner vervolg van os angere seniorenteams. De dames wonne euvertugend hunne wedsjtried en goan waarsjienlijk sjtrieje mit Caesar om de 2 e plaatsj in hun klasse. De Sjter 2 pakte, noa unne zjwake sjtart van de wedsjtried, esnog un zjwoarbevochten puntje oet bie Sjaesberg. Bie De Sjter 3 woar t alcoholpeil van t feeske noa de euverwinning van veurige waek nog onvoldoende gezak (of de taegesjtenjer woar geweun un klasse baeter; kense auch ens hubbe). En op zondigmiddig woar d r natuurlijk t grote hoogtepunt van t weekend: os eige vlaggesjip versjloog thoes op t Hetjen koplouper Hoensbroek en nadert de koppositie doamit tot op drie punte. Sjtof zat dus om ens goud noa te besjpraeke. En dees waek beginne veer mit de topprestatie van de mannen van 1. Aan zonne belangrieke wedsjtried geit vanzelfsjpraekend un felle trainingswaek veuraaf. De focus van alle sjpelers en de complete sjtaf is dan allein maar gerich op t levere van un topprestatie op zondigmiddig. Althans, dat zouwse vermoeden Dit soort gelul euver focus is natuurlijk besjtump veur de simpele waterdragers in un voetbalselectie. De vedetten kenne t zich permitteren om zich auch mit anger zaken bezig te haute. Vedetten zo wie Christiano Ronaldo, David Beckham en Bob Dukers, die auch tied motte inrume veur hun commerciële activiteiten. Wae Bob waekelijks mit woare doodsverachting duels zuut aangoan, zien lichaam zuut opoffere om taegegoale te veurkomme, zien bein zuut oape hoale mit versjroejende slidings, dae zou noe neit direct vermoeden dat achter Bob Dukers unne echte mooi-boy sjoel geit. En tóch is t zo, getuge de laevesgrote foto s van unne nét get té gelek oetzeende Bob, die door gans Sjtein hange:

2 Op zondigmiddig om kwart veur 2 zote de mannen van De Sjter 1 in t kleidlokaal, in aafwachting van coach Czornyj dae mit zien besjpraeking zou goan beginne. Op dat moment ging de telefoon van ozze coach aaf en doadoor ontsjting get consternatie. Marko Jevric ongerbrook ziene trainer. Ronny: Jongens, dit is spelertje van de week.. Marko: Trainer, boete he. Ronny: Wat? Marko: Uw telefoon gaat af. Dat is boete he. Ronny: Druk maar weg. Marko: Het is Marwa, trainer. Ronny: Neem op! Neem op! Wie de rust woar terugkgekeerd zat Ronny de ploug op sjerp mit n vlammend betoog. Hae besjloot dat mit n compliment aan ziene troewe assistent, Frans Beaujean. Ronny: Nog 1 dingk. Frans wees mich d r op dat Hoensbroek bie de oetwedsjtried continu geveerlijk woar mit indreijende corners. Sjtel uch doa dus op in. Dat woar ich zelf gans vergaete. Gelukkig hub ich doa Frans Trappatoni veur om mich aan te vulle.

3 Qua opsjtelling veel d r flink get te keize veur Ronny. De bank van aafgeloupe zondig mit keeper Bastiaan, iezervraeter Stan Goossens, vleugelflitser Hassan en mooi-boy Bob is zonger twiefel mit aafsjtandj de sjterkste die welke 2 e klasser dan auch dit sezoen tot zien besjikking haet gehad. Lestige keuzes dus veur de coach dae oeteindelijk tot dees opsjtelling koom: Kis: Geoffrey Achter: Poalo, Guido C., Guido R., Roel Midden: Ricardo, Guillermo, Timo Veur: Thijs, Marko en Giel De wedsjtried begoosj mit redelijk aafwachtend voetbal. Vanoet perspectief van Hoensbroek bezeen woar dat dudelijk de bedoeling. Men woar tevreje mit t gesjloate haute van de defensie om in de omsjakeling te probere geveerlijk te waere. Un gelieksjpel beteikende bovendien dat t gaat op de ranglies 6 punten bleef. Os jonges houwe muijte mit t vinje van n gaat in de gesjloate Hoensbroekse defensie. Die ploug zat t middenveldj van De Sjter vas, wodoor t lestig voetballe woar. De lange bal sjpele is auch gein optie vanwaege t ontbraeke van kupkrach veurin. Dus zoot d r niks angesj op dan t rondjsjpele van de bal en t zuike noa ruumte en bevleiginge van Thijs en Giel op de vleugels. Die krege echter meestal te make mit dubbele dekking wodoor de ruumte beperkt woar. Veur rust woar d r dan auch weinig sjpektakel op t veldj. Hoensbroek sjpeelde gedisciplineerd bie balverleis en foutloos in balbezit. De Sjter houw t meeste balbezit maar koosj maar eine keer geveerlijk waere, wie unne prima veurzet van Thijs veur de goal koom, wo Giel net veur ziene man koom maar de bal helaas maar hauf koosj rake. Un anger opvallend moment woar de elleboog dae Guido Rutten taege ziene kop kreeg, wo op hae zich moosj loate vervange. Of zoget opzet is, is ummer lestig te zegke. Feit is dat de erm get al te vriejelijk rondj zjwejde, mit t oetvalle van Guido tot gevolg. Coach Czornyj wisselde aanvallend: Hassan gings linksboete sjpele, Giel verhoesde noa de linksback plaatsj en Paolo noom de plaatsj van Guido Rutten in t hart van de verdediging in. Mit unne 0-0 tusjesjtandj woort de rust bereik. In de kantine houwe de meeste toesjouwers zich al neergelag bie unne wedsjtried dae weliswoar tot t einde toe sjpannend zou blieve, maar auch eine wobie sjpektakel un zeldzaamheid zou zeen. Dat bleek echter compleet verkeerd ingesjat. De tweede helf begoosj namelijk spectaculair mit n super aanvallend De Sjter. Hoensbroek houw sjteeds meer muijte om de gaten toe te loupe wodoor de frivole aanvallers van de zjwart-gaele sjteeds meer ruumte krege. Mit name Thijs aan de rechterkantj houw unne heerlijke tied, die tweede helft. Keer op keer woar hae ziene directe taegesjtenjer de baas mit sjieke acties. En keer op keer leverde dat gevoar op. Aan de angere kantj houw de ingevalle Hassan pech dat hae al sjnel las kreeg van un blessure, wodoor hae zich door Bob moosj loate vervange.

4 Ut woar oeteindelijk unne deipe bal op Thijs dae de wedsjtried oape brook. De keeper van Hoensbroek woar wiet oet de goal gekomme maar de deipe bal bleef hange door de sjtevige wintj. Thijs woar es eesjte bie de bal en verraste jederein mit un poging om de bal euver de oetgekomme keeper te liften. Dae heel de bal in un reflex mit de handj taege en kreeg de onvermijdelijke rooie kaart gepresenteerd van de prima leidende sjeidsrechter. Mit unne man meer kreeg De Sjter nog meer ruumte en dat betaalde zich al sjnel oet. Thijs sjpeelde ziene taegesjtenjer oet aan de rechterkantj en goof unne sjtrakke veurzet veur de goal langs. Drie sjpelers ginge noa de bal: de keeper van Hoensbroek, unne verdediger van Hoensbroek en sjpits Marko Jevric. Marko woar t henjigste en tikte de bal beheerst binne vlak veurdat de drie sjpelers mit elkaar in botsing kome. De Hoensbroekse grensrechter probeerde t nog mit n vlagsignaal wegens aanvalle van de keeper, maar dat woort weggewoven door de sjeidsrechter. In t vervolg van de wedsjtried sjpeelden ozze jonges nog heel get kansen oet, maar enkele kere woort vergaete de trekker euver te hoale. Bob kreeg un goei kupkans en Ricardo brook noa unne prima aanval door en wol de bal breid legke, wodoor unne verdediger de kans kreeg om in te griepe. Oeteindelijk wist De Sjter toch nog einmoal t netje te vinje. Unne trap van Geoffrey bereikte Bob. Dae verwirkte de ingevalle bal prima mit de borst en sjpeelde m direct door op de deip loupende Thijs. Dae bleef oetermate cool en scoorde de 2-0. De wedsjtried woar besjlis. Noa aafloup woar de vreugde groot op t veldj, langs de lien, in de kantine en in t kleidlokaal (mit Wesly Wanten in de rol van Ashley Cole):

5 Un klasse prestatie van os mannen. Hoewel de ganse ploug prima sjpeelde, bie deze un dik compliment aan Giel Piereij. Es rechsboete aan de wedsjtried beginne en dan noa un hauf oer inens linksback motte goan sjpele, dat is veur geine eine sjpeler leuk. Maar Giel deig dat mit opvallend vöäl gemaak en woar auch op zien nuuje positie un meerwaarde. Doanaeve complimente aan Thijs veur wederom unne sublieme wedsjtried wo in hae de sjmaakmaker woar (op die domme gaele kaart op t lets noa dan). Mit nog 7 wedsjtrieje te goan deit ozze hoofdmacht dus waer volledig mit om de titel. Al haet Hoensbroek zondig auch aangetoond dat ze mit 11 man un zeer lestig te kloppe ploug zeen, die ongetwiefeld neit zo heel vöäl punte meer geit loate ligke. Ozze jonges kenne zich dus auch gein missers meer veroorloven in t restant van de wedsjtrieje. Succes mannen! Dan door noa os 2 e elftal. Dat moosj unne oetwedsjtried sjpele taege Sjaesberg 2. Eindelijk waer ens voetballe veur ozze mannen, die sjpele in un vreselijke klasse dit sezoen. In un reserve 1 e klasse, mit allein maar grote amateurplouge liek t vanteveure lekker voetballe. Niks is minder woar. Want zowel Limburgia 2 es LHC 2 hubbe zich al terugkgetrokke. Doamit komme alle oetsjlaeg van die plouge te vervalle wodoor de sjtandj auch lekker verteikend is. Maar goud, os jonges leke lang op titelkoers, maar lieke zich inmiddels te motte neerlegke mit un plaatsj in de subtop. Un krappe selectie, wobie hulp van sjpelers van 1 inmiddels neit meer toegesjtoan is (omdat die allemoal meer es 15 wedsjtrieje op 1 hubbe gesjpeeld), is debet aan t loate varen van de titel aspiraties. De wedsjtried van aafgeloupe weekend kende n vraem verloup. De eesjte helf versjlepe de mannen van 2 zich beheurlijk wodoor bie de rust taege unne 2-0 achtersjtandj aangekeke woort. Maar in de 2 e helf knokten de mannen zich prima terugk in de wedsjtried. Eesj woar t Luc Spaans dae zien ploug, via unne beeste-penalty (eigen bewoordinge van Luc) terugk in de wedsjtried brach. Vervolges koom De Sjter 2 auch nog op gelieke hoogte door un goal van Ed van C&E (oftewel e.d. oftewel eigen doelpunt). Ondanks de sjtrijdlust van ozze mannen woar t Sjaesberg dat op unne 3-2 veursjprong koom. De tied begoosj te dringe en op dat moment sjtoan de éch grote voetballers op. Zo auch bie De Sjter 2, in de persoon van Joep Nacken. Dae redde t punt veur zien team door de 3-3 binne te knalle. Ut score van de reddende treffer door Joep Nacken wekte eesj ongeluif en vervolges vrees op veur datgein wat komme geit:

6 Dan door noa de mannen van De Sjter 3. Die houwe veurige waek hun eesjte euverwinning van t sezoen geboek. Dit weekend sjting d r, in de vorm van Susteren 3, echter unne taegesjtenjer van anger formaat op t programma. De oetsjlaag van 10-0 zaet alles. Sjpelers en coaches onthele zich wiejer van enig commentaar. Kommend weekend alwáer unne lestige taegesjtenjer veur de mannen van 3. De waeke doanoa zeen d r echter waer genog kansen om punte te pakke. De Sjter 5 houw dees waek geine wedsjtried op t programma sjtoan. Reporter Doek woar kort in zien commentaar: Tot noe toe weinig verheffends te melden bie de teams van 2, 3 en 5. Ens kieke of de dames meer te melje houwe. Gelukkig deig Clannad a.k.a. de vrouw van (de Frusj) versjlaag van t

7 gebeure bie de dames. Dit keer zelfs mit opsjtelling en al, zodat veer auch un inkiekske kriege in de tactiek die hoofdtrainer Tom Keulen waekelijks hanteert. De dames houwe unne thoeswedsjtried taege SVME op t programma sjtoan om 11 oer. Enkele dames houwe véur de wedsjtried get medische aandacht neudig en dus woort Wesly Wanten gepols om zondigochtend get tied doaveur vriej te make. Wesly toonde zich attent richting Jill Vallinga. Die bleek echter neit zo van t vruige opsjtoan te zeen: Noa de perfecte verzurging door Wesly, woare de dames kloar om te knalle taege SVME. Tom de Keul toverde de volgende basis opsjtelling oet de hoge hood: Kis: Maartje Achter: Kyra, Jill V., Rachel, Lonneke Midden: Jill J., Siri, Bo, Shauni Veur: Clannad, Samantha Ozze dames begoosjte prima aan de wedsjtried en al noa 3 minute kreeg Jill Janssen un grote kans op aangaeve van Clannad. Jill miste op n fake extension noa de goal en dus bleef t 0-0. Deze aanval bleek echter un gunstig veurteiken veur de res van de wedsjtried. Want al sjnel woar t vedette Bo Knoops die soepel 4 taegesjtenjers passeerde en doeltreffend aafronjdde. De 2-0 leet auch neit lang op zich wachte en ditmoal woar t

8 Samantha die de trekker euverhoalde. Noa die 2-0 kakte ut sjpel un bietje in, maar un paar minute veur rust woar t toch Samantha die de 3-0 aanteikende. Jederein ging positief de rust in. Aafgesjproake woort dat de 2 e helf volle gaas gegaeve ging waere om zodoende de score lekker te loate oploupe. En dat pakte auch prima oet. Want sjnel noa de rus maakte Bo al de 4-0. De dames woare lekker aan t ballen in de 2 e helf. Doanoa woar t Siri mit un prachtige actie en unne goeie assist op Clannad, die t prima aafmaakte en de 5-0 scoorde. De frustraties bie SVME begoosjte zich inmiddels op te sjtapele, wonoa hun aanvoerster un gael kaart kreeg vanwaege t joa geer laes t éch aan de hoare trekke van Clannad. Noa die gael kaart vele d r auch nog 2 goale. De 6-0 koom op naam van Bo en de 7-0 woort gescoord door Rachel. Die letste goal woar euveriges prachtig want Rachel lifte de bal van boete de 16, sjoon mit un boogje euver de keepster haer. Auch dees waek waer charmante foto s van ozze ladies. Foto s wovan achtereinvolges Jan de Weijer, Willem Thewissen en Stefan de Frusj vas heel blie waere. Proficiat dames. Drie punte in de pocket, Jill Janssen die tot (wo)man of the match wurd oetgeroupe op de facebookpagina van De Sjter, én Bo Knoops die goeie zaken deit in t topscorersklassement. Dan res os nog ein seniorenteam te besjpraeke, ozze veteranen. Die houwe veurige waek veural sjpas gehad van de joarvergadering op vriedig en de doa op volgende topwedsjtried taege Keer, wo in Gerard Martens mit unne machtige kopsjtoot a la Ruud Gullit in de EK finale van 88 scoorde. Ens kieke wat d r dees waek gebeurde bie de oudjes. De waek begoosj mit n fraai filmke dat door Steef van de Woude op de app woort gesjlingerd. Wie doa get discussie euver ontsjting en diverse luuj vroage begoosjte te sjtelle aan Steef, reageerde dae verontwaardigd:

9 Geer kent waal roaje dat auch op die foto waer t neudige commentaar koom. Steef reageerde opnuuj verontwaardigd, maar kreeg doa op waal unne waardevolle tip van Ron:

10 Wiejer woort dees waek de dochter van Gerard Martens 17 joar. Reje veur ziene vrundj Ron Marchal om Gerard hartelijk te felicitere en geliek auch de helpende handj aan te beije: Inmiddels woar de waek al aardig gevorderd en dus besjloot Roger d n Doam maar ens te informeren wie laat en taege wae d r gevoetbald moosj waere. Dit ondanks t feit dat Willem Thewissen eerder dit joar t programma veur t ganse joar al op de mail haet rondjgesjtuurd. Leuk biedehandj van Willem, maar Denny Vorstermans (zoon van Mathje de Sjnor) tuinde zich toch nog nét get biedehandjter door Willem te wieze op n fuitje in zien bericht. Willem reageerde sjportief:

11 Op vriedig koom d r unne fikse taegevaller op de app, in de vorm van de aafmelding van Steef. Willem verwoordde t sentiment dat op dat moment bie jederein laefde: Ron maakte doa op un leuke verwiezing noa de vöäle foto s wo op Steef van de Woude in verre oorden altied aetend aafgebeeld is:

12 Esof die aafmelding van Steef nog neit erg genog woar, koom Denny Vorstermans auch nog mit verontrustend nuujts rondjom de al einige tied door hielspoor-getroffe veteraan Jack Dassen: Gelukkig goof Jack al sjnel aan dat nemes zich ongerust houfde te make. Denny reageerde doa op mit un verwiezing noa de sjleipende blessure van Jack en booj bie veurbaat al zien excuses aan richting Willem Thewissen veur zien sjpelling. Willem houw doa op de joarvergadering namelijk un punt van gemaak:

13 Willem aanvaardde de excuses maar wees Denny toch subtiel nog effe op un enkele dialectsjpelfout in zien appje: Op zoaterdigmiddig verzamelden de veteranen zich in de kantine van t Hetjen veur de thoeswedsjtried taege Caesar. Doa houw Mat Cremers bie ziene entree al sjnel de vrouw van eesjte elftalleider Frans Beaujean gesjoate. Mat ging effe n proatje make en meldde vervolges aan de vets: Mat: Mannen, ich hub de vrouw van Frans Beaujean gevroag es leidster van de veteranen kommend sezoen. Ich denk dat ze waal akkoord geit. Willy Worms: Mat, hubse dat sjteuke geleerd in Mesjtreich van Onno Hoes? Marc Lacroix: Dae deig sjtaeke, Wily, neit sjteuke. In t kleidlokaal woort dudelijk dat Gerard Martens zich houw aafgemeld veur t voetballe. Dat koom m op un aantal fikse verwensinge te sjtoan. Oetsjproake wie Auwt wief, Ut is gein balletclub, Hubbe veer ens unne goeie taegesjtenjer en dan kump r neit, woorte door t kleidlokaal gesjlingerd. Eddy Ubbink dach dat t mesjiens get te make houw mit de goal van veurige waek. Eddy: Mesjiens haet r veurige waek te hel taege dae bal gekup. Intusje woar Ron Marchal zich noa un plaetsjke aan t zuike om zich neer te zette. Hae besjloot dat naeve Willem Thewissen te doon. Ron: Ich kom toch geweun naeve dich zitte, Willem. Willem: Jazeker Ronnie, zet dich geweun naeve mich esof d r niks gebeurd is. Ron: Ach Willem, ich blief tóch geweun diene vrundj. Willem: En ich dae van dich. Ron: Ich zal tóch geweun bëuke op dien crematie.

14 Ron vertelde wiejer dat hae veurige waek zoaterdigochtend nog get vervaelends houw mitgemaak. Hae woort (noa later bleek onterech) van t bed gelicht door de plisse. Ron: Dat woar mich auch get. Komme ze mich sjmurges vruig van mien bed lichte. Willem: Doe hubs de oavend vanteveure nog gepleit op de vergadering veur t oet de club zette van luuj die in aanraking komme mit justitie! En noe gein 4 oer later hubbe ze dich te pakke. En effe later, wie Ron zien 25 e sjteingoeie quote in 15 minute tied houw loate heure, koom Willem doa nog effe op terugk. Willem: Jonges, heurt geer t? Ronnie haet un waekske vasgezaete. Hae haet waer nuujt materiaal. En auch Misha Dreessen houw later op de oavend nog un vroag aan Ron wie dae waer n paar geweldige opmerkinge houw gemaak. Misha: Ron, kens doe auch ens níks zegke? Ron: Joa, bie de plisse.. Vervolges kome coaches Leon en Frens mit de opsjtelling. Wie ze kloar woare mit t veurlaeze doavan, houw Willem n prangende vroag. Willem: Kent t zeen dat ich miene naam gemis hub? De Sjter 5 sjpeler Devon Moerkens meldde zich vervolges in t kleidlokaal mit de vroag of hae mit moch doon, want hae koosj al die sjpelers van Caesar. Bie os houw nemes doa bezjwaor taege maar Caesar bleek dat lever neit te hubbe. Mark Habets zei doa later euver: Die hubbe Devon waarsjienlijk nooit zeen sjpele. Mat Cremers vroog zich get aaf noa die aanmelding van Devon. Mat: Haet dae jong un leuke mam? Ron: Of un leuke zus? Willem: Nae, Mat vult op ouwere dames. Mat: Dat klop Willem. Ut veurdeil van ouwere dames is dat die bie jedere wip denke dat t mesjiens waal hunne letste is. Die gaeve zich dan gans. Ron: Dat denke die wieve auch ummer van dich. Veurdat aan de warming up begoosj woort, houw Mat Cremers nog un opmerking die dudelijk maakte dat hae zich in Mesjtreich in ganse angere kringe begeuf dan al die simpele boere oet Sjtein. Mat: Jonges, ich hub 23 april bie mich thoes un vernissage. Piele: Rob, google ens effe wat dat beteikent. Roger: Geisse dich de garagepoart verve?

15 Ron: Waere dan auch hapjes geserveerd? Mat: Uiteraard, dan mosse denke aan dadels mit sjpek. Roger: Moag ich auch allein de sjpek? Mat: En cappuccino mit rivierkreeftjes. Ron: Zjwumme die in dae cappuccino? Nog bekommend van zoveul sjaele kal begoosj de wedsjtried taege Caesar. Unne wedsjtried dae normaal ummer heel zjwoar is. Maar door unne flitsende sjtart woar doa dit keer gein sjproake van. De Sjter woar de eesjte helf heer en meister en koom via unne machtige aafsjtandjsjeut van Denny Vorstermans op 1-0. Oet unne veurzet van Stef Conjour scoorde Eddy Ubbink mit unne prachtige volley de 2-0. Misha Dreessen scoorde vervolges op aangaeve van opnuuj Stef de 3-0 wonoa Stef zelf de 4-0 aanteikende. Vlak veur de rust deig Caesar nog get terugk en koom op 4-1. Dat woar echter nog ummer neit de rustsjtandj, want t woar nemes minder dan good old Will Leurs dae unne totaal mislukte veurzet van Stef Conjour esnog mit unne miraculeuze kopsjtoot tot goal promoveerde: 5-1. Noe de rus kreeg De Sjter m neit meer oet de eesjte versjnelling, wonoa inmiddels woar terugkgesjakeld. Caesar goof waal volle gaas en koom doadoor nog terech terugk tot 5-3, onger angere door un echte sjpitse goal van de pap van Marko Jevric. Noa aafloup van de wedsjtried in de kantine woorte d r nog de neudige pinte gedronke en auch de neudige hepkes verorberd. Allein Stef Conjour woar vruig noa hoes mit echtgenote Resi en de kinjer. Leon: Geisse al noa hoes Stef? Stef: Joa, ich ben al de ganse waek get krank. Ron: Doe krank? Ich dach das dich Resi-stent woars. De aafsjleiter van dees waek is aafkomstig van de vrouw van ozze 67-joarige veteranenvedette DJ Will. Mia Leurs reurde zich namelijk waer op facebook. Ditmoal ging t echter om n vertederend beeld. Un beeld van the day after the evening before. Will houw mit unne machtige kopsjtoot opnuuj t versjil gemaak bie de veteranen. En vanzelfsjpraekend woar dat aanleiding gewaes om zoaterdigoavend nog effe flink de blitz te make in de Sjteinder café s. Tja, en dan is t inmiddels zondigmiddig gewoare en dan zitse rustig op de bank nog effe noa te geneite van dien goalke bie dichzelf denkend: dae ouwe gek van 67 haet t toch maar sjoon waer geflik un werm gevuil maak zich meister van dien binnesjte unne glimlach versjient op dien gezich en de auge die waere langzaam zjwoar:

16 Pes volgende waek! Rob Sjulpe