De Sjter 1 op letste moment aafgelasj; Vets versjloan Aelse dankzij falende VAR

Transcriptie

1 De Sjter 1 op letste moment aafgelasj; Vets versjloan Aelse dankzij falende VAR Veur de meeste teams sjting ut eesjte weekend noa de vasteloavend nog in ut teiken van biekomme van alle oetputtingen. Ut tweede, driede en veerde houwe niks te voetballe en koosjten dus effe get nachrust inhoale. Dat gold echter neit veur de dames want die moosjten nog oet bie Rood Groen LVC un helf inhoale van hunne eerder gesjtaakte wedsjtried. De dames begoosjten mit unne 3-1 achtersjtandj en moosjten oeteindelijk mit un 5-2 nederlaag trukreizen noa Sjtein. Os eesjte elftal moosj de ummer aantrekkelijke derby taege Caesar aafwirke, maar zoog dem last minute aafgelasj waere door de verlate sjeidsrechter. Maar gelukkig houwe ozze vets waal un lekker druk waekske achter de rugk, mit ontzettend veul joarigen én de derby der derby s taege de vets van Haslou, dae in un 1-0 euverwinning woort omgezet. Weinig voetbal dus, maar desondanks ongeveer 12 pagina s versjlaag. Maar zeet gerust: ut zeen veurnamelijk (sjieke) foto s die de bladzijden vullen. Maximaal un kwarteierke laeswerk dus dees waek. Hulde euveriges aan al diegeinen die input hubbe aangeleverd dees waek. Welke vereiniging kent dat noavertelle: maar ongerhauve gesjpeelde wedsjtried in un weekend en desondanks zoveul leuks om same op truk te kieke. Laes en geneit, en laes veural door tot ut bittere eind want doa volg un opzienbarende ontdekking die ich dees waek deig op wikipedia. Veer beginne dees waek mit de dames. Die moosjten dus nog ein heffelke oetsjpele, oet taege Rood Groen LVC. En esse dan al mos sjtarten mit unne 3-1 achtersjtandj, is dat natuurlijk neit geweldig motiverend. In ut eesjte deil houw Bo ut einige sjter-doelpunt gemaak. Aafgeloupe weekend wis auch Dyonne Conjour ut netje te vinje names ozze ladies. Helaas deig de taegesjtenjer dat zelfs twee kere, wodoor de wedsjtried in un 5-2 nederlaag eindigde. Gelukkig leverden de dames waal nog un sjone vasteloavesfoto aan van hun twee jongste talentjes, die bliekbaar al jongk geleerd hubbe dat sjpas náeve ut veldj minstens net zo belangriek is es goeie prestaties óp ut veldj.

2 Van de dames goan veer door noa os eesjte elftal. Dat houw in de persoon van coach Jean Maas unne joarige ongerhauve waek geleje. Hae woort op passende wieze herinnerd aan dae bereikte mijlpoal: En hoewel geer al hub kenne laeze dat de wedsjtried van ozze mannen op ut letste moment woort aafgelasj, deit Randy Wanten toch oetgebreid versjlaag veur uch. En doamit krieg geer waer un uniek kiekske in ut kleidlokaal van ozze jonges: Veur het 1e elftal sting het grootste gedeilte van de waek in het teike van carnaval. Bienoa edere speler van het 1e elftal haet good carnaval gevierd. Sommige leepe mit in optochten door de ganse regio, sommige mosje optreije (Ruud bie de roerdassen), maar sommige hauwte gewoon neet van carnaval. Zoals Dani. Althans, dat sjreef het op zien breefke ein tiedje geleeje, noa aanleiding van de affaire hoe vier jij carnaval. Veur de volledigheid is dat breefke hie nog ens biegevoegd:

3 Des te meer is het opvallend dat ozze Dani als ein van de eerste gesignaleerd wurd in ein carnavalspekske! Wiezo ik hou niet van carnaval?!?! Op woonsdig woort d r weer getraind. Jean Maas en Frans Beaujean woare beiden op vakantie en dus woar de vroag wea de training zou doon. Toen kreege v r te heure dat stericoon Jack Dassen deze training veur de gelegenheid zou geave. Randy wis als ein van de weinige dat dit gein pretje zou waere, want dae haet in het verleden al regelmatig onder Jack getraind... en dat is ech auwerwets keihel wirreke. Ein eigelijk is dat auch maar good, want al dea alcohol van de carnaval mosj oet het lichaam gezweit waere. Dan komme v r bie de wedstrijddaag aan. Zondig sting de derby taege Caesar op het programma. De wedstrijd zou sowieso al later gespeeld goan waere, want de sjeidsrechter bleek autopecht te hubbe, woodoor eine andere sjeids ingevloage mosj waere. Op dat moment woar het sowieso maar de vroag of de wedstrijd door zou goan, omdat d r code oranje veur helle windj gemeld woar. En het waaide auch ech hel!

4 Maar good, d r mosj gewach weare op de sjeids.. en dat doerde lang! Gelukkig wiste de jonges van de ster zich good te amuseere in de tussjetied. Frank Haenraets ging bieveurbeeld nog effe sloape: Ein aantal aantal andere jonges heie zichzelf ein voetvolley-veldje gecreëerd op de gank:

5 En later ginge ein aantal jonges auwerwits kaarten: Om kwart veur 3 woar inmiddels de vervangende sjeids gearriveerd. Dea hei effe bedinktied neudig, maar besloot toen dat de wedstrijd aafgelasj mosj waere vanwaege de helle windj. De mannen van 1 heie dus niks te voetballe deze middig, maar hubbe zich waal good geamuseerd! Bedank veur dien versjlaag Randy. Joamer dat de wedsjtreid neit doorging, maar gezeen ut waer is ut maar baeter auch. Hoapelijk kent r waal in un weekend waere ingehoald zodat geer onger un sjtroalend zunke mit meer publieke belangsjtelling deze sjieke derby kent sjpele. Noe is ut effe tied gewoare veur un intermezzo. Want wae herkent dees twee Sjter-sjatjes op ongersjtoande foto van zo n veertig joar geleje:

6 Houwt geer Christel van Kan en Stef Conjour herkend? Noa dit intermezzo is ut alwaer tied om de einige volledige wedsjtried van aafgeloupe weekend te goan besjpraeke. En dat is mich waal unne wedsjtried wo get weurt aan gewijd moage waere. De veteranen moosjten namelijk thoes aantraeje taege de buren oet Aelse, die de aafgeloupe twee joare nog de drie punten houwe mitgenomme oet Sjtein. Tied veur revanche en dus woar jederein natuurlijk d r al waeke op gebrend om mit te kenne voetballe Behalve die wiksers mit drie keer modaal, die zo neudig mit de klote in ut Zuid Europese zönke wolle ligke of mit de latte noa de Tiroler sjnee woare vertrokke. Bahbahbah: Maar gelukkig woare d r auch nog thoesblievers, die geweun hie in os sjone Sjtein vasteloavend houwe gevierd. Nou ja, geweun

7 En ut woar sowieso al un drukke waek veur de veteranen, want d r woare heel get luuj joarig. Die woorte allemoal oetgebreid gefeliciteerd op de groepsapp. De meesten make zich dan d r vanaaf mit un kort berichske. Maar zo neit veteranen veurzitter Gerard Martens. Dae leet zich dan consequent van ziene beste en meest poëtische kantj zeen. Zo kreeg beveurbeeld Dave Smeets un sjoon felicitatiebericht van ziene veurzitter: En noe woar dit bericht nog aan de korte kantj. Wach maar tot geer dalik de res van Gerards felicitaties lees. Want auch Will Leurs woar beveurbeeld joarig aafgeloupe waek. Dae kreeg van meerdere veteranen leuke berichten toegesjtuurd:

8 Maar allemoal woorte ze euvertroffe door un wurkelijk magistrale felicitatie van Gerard. Ein die zo langk woar dat ich ze maar veur uch hub oetgesjreve, want es ich ut app-bericht houw geknip en geplek dan woare veer sjnel 3 pagina s wiejer gewaes: Wil L, man die Dj Avicii heeft overleeft, die M Jackson laat verbleken als hij achter de draaitafel staat, altijd een zorgzame en liefhebbende echtgenoot is voor zijn leuke Mie, nooit een scheve schaats heeft gereden, die zijn optredens met ijzersterke quotes aan elkaar praat, die naar de Veteranen is gehaald om reserve te staan, die als hij links buiten speelt ook consequent links buiten blijft staan, die iedere wedstrijd bijna meer meters loopt dan hij oud is, ijzersterk in kopduels is, zich hierbij afzet met zijn drie benen, na de wedstrijd altijd als eerste vraagt om geld bij elkaar te leggen om te drinken, die altijd een duidelijke en beknopte visie geeft over de gespeelde wedstrijd en ook hierbij aangeeft hoe het beter kan, Part 2 Wil L, man die nooit zijn drinkbroeders in de steek laat, die ondanks zijn zeer oude leeftijd zijn libido nog steeds niet onder controle heeft, die walking voetbal iets voor ouwe mannen vind, die volle zalen trekt met zijn opzwepende muziek en daarbij onnavolgbare bewegingen uitvoert die menig vrouwenhart doet bezwijken, die door zijn spelvreugde op het veld iedere voetballer en niet voetballer een betere speler maakt, die nooit beroerd is om het vuile werk van een ander op te knappen, die hopelijk nog een aantal jaren actief mag blijven (als het maar niet met voetballen is), die als hij aangeeft om te stoppen wij absoluut niet zullen dwingen om dit niet te doen. Hopende dat je nog vele rondjes mag geven, als je nog eens een keer mag meedoen. Un toepasselijke ode aan de man dae geliek meldde dat hae zeker koom voetballe omdat hae per se wol veurkomme dat m ut verwiet gemaak koosj waere dat hae te hoal is om un rundje te gaeve. En dat rundje koom d r op zoaterdigoavend dan auch:

9 Nóg unne joarige bie de vets woar Roger Daemen. Dae woar precies op de wedsjtrieddaag joarig en dus moosj hae, mit pien in ut hart, de veurkeur gaeve aan un verjoardaagsaetentje bie Wok De Gouden Lepel in Gelaen. En ut sjmaakde m prima, getuge zien zelf ingesjtuurde foto die enige reactie opreep: En auch Gerard Martens woar, weliswoar unne daag te laat, maar toch neit minder gemeind, waer doa mit un gepaste felicitatie: Roger, te laat, helaas maar dat kwam doordat alle Chinezen uit Limburg naar de Gouden Lepel werden gedirigeerd omdat daar een persoon ging eten die bij de Vets een enorme uitstraling geniet, ik hoop dat er genoeg eten was, Jij als persoon bent uniek bij de Vets, met jouw inzicht, spraakvermogen en bescheidenheid, je bent in pikorde een aantal plaatsen van de top verwijderd. zal ook altijd blijven. je bent een top supporter. man van Danielle, zorgzame vader van twee dochters, boegbeeld van het fenomeen snacks, vroeger een verschrikkelijk dodende spits, nu alleen nog maar een door blessure geteisterde supporter die alle spelers met jouw lovende kritiek naar een nog hoger niveau weet te loodsen, zelfs spelers die al bijna 70 zijn weet jij nog te motiveren, man die na de wedstrijd altijd lovende kritiek heeft, zelfs over Wil L, man die altijd voorop gaat in het dobbelen, (dit kan niet door iedereen worden beaamd), die door zijn inzicht in het voetballen zelfs Rob S. beter laat renderen, die na de match geen snack voorbij laat gaan, man die hopelijk geen voorbeeld is voor onze jongere spelers, man die het stofzuigen tot een ongekend niveau heeft gebracht, man die nooit een consumptie weigert, die alleen maar light producten consumeerd, en die in zijn loopbaan als voetballer vele velden versjanjeleerd heeft, proficiat!

10 En dan zeen veer d r nog ummer neit qua felicitaties bie de veteranen. Want auch good old Jack Dassen vierde ziene verjoardaag en woort doaveur gefeliciteerd. Eesj door ziene beste vrundj: En auch veur Jack houw Gerard waer lovende weurt: Jack D, man die meer geblesseerd is geweest dan dat hij voetbalde, die de hielen de sporen gaf, die B&B is geworden in Klein Meers, geestelijk begeleider is geweest van diverse elftallen, nooit de bepalende speler bij de vets is geworden door zijn blessures, die samen met Wil L een goed analyticus zou zijn voor de wedstrijdverslagen, echte vriend van Frenske De Frwan, de man die Marion altijd trouw is geweest, hoopt dat hij wordt opgenomen in het walking voetbalteam, rechter of linkerhand van Willem T, die nog altijd hoopt op een rentree bij de vets, van harte gefeliciteerd Zo, en noe aafgeloupe mit al die randjzaken. Tied veur serieuzer werk: de derby der derby s sjting namelijk op ut programma veur ozze vets. Unne derby dae de veurbieje twee edities in Sjtein woort verloare. Gelukkig woort doanoa waal in Aelse waer get prestige trukgewonne mit un euverwinning in ut hol van de leeuw, maar toch d r sjting get op ut sjpel. Dat bleek auch waal oet de prima bezetting. Maar leifs 15 besjikbare sjpelers en dan auch nog Robbie van der Linden dae houw aangegaeve dat hae de tweede helf zou mitsjpele. Wat un weelde veur keuzeheren Fredrix en Worms. Bie ut verzamele veur de wedsjtried in de kantine woort Ron druk swipend gesignaleerd. Af en toe leet hae dudelijk heure of un bepaalde foto m waal of sjus neit aansjprook. Meestal bleef dat dan bie kreten es kiek mich noe ens of auw muk, wat is mich dit veur get?. Maar op enig moment reep Ron oet: Kiek noe, dat is die van Thewissen! Ruud van Didden koom de kantine ingewanjeld en kreeg geliek waer dudelijk gemaak dat integratie in Sjtein veur emes oet Maes noe eenmaal ziene tied neudig haet. Ron reep namelijk: Hey, hie kump dae oet Veldsjuur. Heurt dat neit bie Aelse? Doog maar bie die angere mit vandaag, Ruud. Auch Rudy Crutzen koosj, toch tevrejenheid van ut ganse team, waer ens mitsjpele. Hae koom binne en begoosj te vertelle euver de wedsjtried van ut door heum gecoachte Horn taege EMS. En zo wie ummer, kense dan nog gein twee zinne oetsjpraeke veurdat emes dich

11 in de reje vilt mit un grepke. Dit keer manifesteerden Graad Smeets Zeiver Award-winnaar Eddy Ubbink en Fortuna Fan Marc Lacroix zich es die twee van de muppet show: Rudy: Dat woar mich un fanfaar. Die houwe unne keeper d r in van 52! Eddy: Unne keeper van eine maeter 52? Marc: Dat is klein veur unne keeper. Intusje woar ut tied gewoare om te goan omkleije. Bart Pantus houw al aangekondigd dat hae get later woar en dae koom dan auch pas aan wie coach Leon de opsjtelling al houw veurgelaeze. Un opsjtelling euveriges wo in aan de 70 joar gewoare Will Leurs un reserveplaatsj woar toebedeild. Leon: Hey Bart. Bart: Ich hub motte wirke. Dat houw ich doorgegaeve, he? Leon: Joa klop. Doe sjpeels de tweede helf, oke? Bart: Joa zeker. Is prima heur. Will: Kense same mit mich sjpele de tweede helf, Bartje. Ron: Houwse dat geweite, he Bart. Dan houwse dich vrie gepak vandaag haha. Onger leiding van sjeidsrechter Robert Kraus woort aafgetrap door de veteranen van Aelse. En ut woar vanaaf de eesjte minuut unne geliek opgoande wedsjtried. Aan ozze kantj verdedigde Rudy Crutzen de goal. En hae deig dat op dermate oetmuntende wieze dat hae noa aafloup van Stef al de vroag kreeg of hae kommende waek neit op ut tweede wol keepen. In de defensie sjtartten de erkende sjavers Ruud van Didden en Marc Lacroix op de flanken. Dat woar dus un garantie veur weinig gevoar vanaaf de ziekantje in de eesjte helf. In ut centrum moosjten veursjtopper Gerard Martens en letste man Rob Schulpen ut fort euvereind haute taege de geveerlijke veurwaartsen van Aelse. Veur de rust ging dat prima, op un tweetal aafsjtands-sjeut noa, die door Rudy katachtig oet de houk woorte geranseld. Op ut middenveldj un iezersjterke combinatie van loupvermogen (Pascal Conjour), duelkracht (Misha Dreessen) en technisch vernuft (Dennie Vorstermans). Kent zeen dat ich de name get doorein hub gehoald trouwes, maar goud. Dat middenveldj zurgde veur de rust continu veur un prima verbinjing tusje verdediging en aanval. In de aanval ut gouwe trio Jenki Jevric - Stef Conjour Ron Marchal. Un trio dat volledig complementair is qua kwaliteiten. Maar alle goeie wil van dees kanonnen ten sjpijt, woar ut gemis van creatieve impulsen van Will Leurs pienlijk dudelijk veur de rust. De eesjte helf kenmerkte zich door veural veul middenveldj-sjpel en weinig kansen. Gescoord woort d r maar eine keer. Stef Conjour leek op waeg noa de 1-0 maar veurdat hae de opsjtutende bal op goal koosj sjeite woort de bal corner geboks door de veursjtopper van Haslou. Sjeidsrechter Kraus wuifde de protesten van Stef gedesideerd weg en goof geweun unne corner. Dae corner woort door specialist Ron Marchal sjtrak op 12 maeter van ut doel gedeponeerd in de vuit van de sjriever van dit sjtuk dae de bal veur ziene linkervout kapte en vervolges hoog binne sjoot veur de 1-0.

12 Mit dae sjtandj woort ut kleidlokaal opgezoch veur de rust. Doa woort door coach Leon druk gepuzzeld om de perfecte opsjtelling veur de tweede helf te bepalen. Will Leurs, Frank Peters, Eddy Ubbink en Bart Pantus sjtinge te trappe om in te valle. Maar ja, wie koosjten die ut beste waere ingepas Leon: Pascal, doe geis letste man sjpele en Rob midmidden. Stef: Nae man, loat Rob achterin sjtoan. Die zeen hartsjtikke sjnel veurin. Leon: Wat wulse noe zegke? Dat Pascal langzaam is? Vief man in koor: JOA! Pascal: Sjei oet, zeiveraere, ich mot geweun nog effe euver de eesjte oam haer komme. Mit frisje krachten binne de liene woort de tweede helf aangevat. En die helf leep oet op unne 35 minuten doerende sjtormloup van de gasten richting de goal van Rudy Crutzen. Dae keepte echter fantastisch en kreeg doabie un aantal kere hulp van lat en poal. Haslou verdeinde eigenlijk un goal, maar die veel maar neit. En aan de angere kantj verzuimde auch De Sjter om un paar keer de besjlissende goal te maken. Gerard probeerde ut mit unne lob euver de wiet veur zien goal sjtoande keeper. Bart Pantus mikte twee keer op de voesten van daezelfde keeper. En Will Leurs houw, noa unne assist van Stef get sjoons in gedachten (boetekant links in de krusing), maar zoog ziene inzet mislukke door unne oetglijer. En zo bleef ut sjpannend tot de letste seconden. Haslou zat nog maar unne keer un sjlotoffensief in. Bie De Sjter woar ut alle hens aan dek. Zelfs Will Leurs sjting in de eige 16 te verdedige. Mit gevoar veur eige laeve maakte hae unne geveerlijke veurzet van Haslou onsjadelijk mit unne smash wo Ron Zwerver in zien goeie joare jaloers op zou zeen gewaes. Sjeidsrechter Kraus twiefelde, goof eesj unne corner, kreeg gein verbinjing mit de VAR, wol vervolges toch unne penantie gaeve, maar zoog unne Haslou sjpeler al mit de bal richting cornervlag loupe om de corner te numme, en dach toen: nou ja, dan is ut corner. Haslou hou zeker unne penantie motte kriege maar ut siert die mannen dat ze hun protesten al sjnel sjtaakten en sjportief reageerden wie effe later ut letste fluitsignaal klonk. En ach, winst of verleis, gein van beide partieje dronk d r un glaas minder om in de kantine. Ut woort later en langzaamaan auch get zater. En dan verzinkse soms effe weg in dien eige gedachten.. effe tied om de veurbieje 70 joar te euverpeinzen in un houding die deit denke aan ut beroemdste beeldhouwwerk ter wereld De Denker van Rodin:

13 Ich vonj die geliekenis zo fascinerend dat ich ut neit koosj noaloate om nog effe op wikipedia get informatie euver dat beeldhouwwerk op te zuike. En doa ontdekte ich, tot mien schock, dat mien gedachte bliekbaar neit ens zo gek woar:

14 Will, ich hoap dat veer dich nog heel get joare moage bewonjere. Geweun lekker blieve doorgoan, terwiel om dich bie dertigers, veertigers en vieftigers versjlete aafhoake. Want veer veteranen zeen maar gét greutsj d r op dat veer, mit unne jonge zeventiger in os midden, un belke moage trappe op zoaterdigmiddig. Pes volgende waek! Rob Sjulpe