Top weekend veur seniorenteams De Ster!

Transcriptie

1 Top weekend veur seniorenteams De Ster! Un paar keer per sezoen hubse es voetbalclub zo n weekend dat alles op zien plaatsj vilt. Un weekend wo in jeder seniorenteam mit unne lach in de kantine sjteit. Op zo n weekend moage veer dees waek gelukkig terugkkieke. Heerlijk! Ut begoosj allemoal op zoaterdig mit de veteranen die eenvoudig de vets van Sjinnen opzie zatte. Euveriges waal hulde veur de mannen van Sjinne die in de derde helf flink weersjtandj bleve beeje en d r unne gezellige oavend van maakten. Op de zondig verging ut ozze seniorenteams nóg get baeter, want ut driede (3-4 taege Urmondia) en veerde (2-3 taege Geulsche Boys) pakten de volle buit en os tweede elftal leverde un prima prestatie en heel un punt euver aan heur ontmoeting mit Sjarn (1-1). Die punten vormden sjlechs de opmaat veur un glansrieke prestatie van os eesjte elftal, dat gein sjpaan heel leet van de gasten oet Heer (6-0). En noe zouwse zegke: joa maar wach effe. De dames zeen d r auch nog. En die krege ze dit weekend flink gesjoerd taege de dames van Eindse Boys (0-13). Zurgde dát dan neit veur beteuterde gezichte? Nou dat veel waal mit. Want ozze dames krege goud nuujts van de KNVB, zo lete ze auch weite op facebook: En dat is leuk nuujts veur ozze dames, die noe minder wiet houve te reizen en auch waer ens mit geliekwaardige taegesjtenjers de degens kenne kruusse. En auch veur uch laezers is dat des te baeter want es de dames positieve resultaten boeken, dan zeen ze auch waer sjneller geneig om leuke foto s mit uch te deile oet ut Sjteinder nachlaeve. Veer wachte veuresnog vol sjpanning aaf, ladies! Es veer ut trouwes toch hubbe euver ut deile van foto s en ut aanlevere van leuke input, dan woare veer in ut versjlaag van veurige waek natuurlijk beheurlijk verwend. Dees waek woar dat al mit al get minder en dus sjtuurde de sjriever van dit sjtuk maar un bericht de groepsapp van de team-snitches in:

2 Tied noe om maar ens te goan doornumme wie ozze seniorenteams ut d r van aafbrachte dit weekend. En houd uch maar vas want d r geit heel get op uch aaf komme. Zo kent geer laeze euver un gemeinteroadslid dae mit de pieleman scoort, unne Gooren-telg dae wáál unne penantie kent binnesjtampe, eindelijk unne waardige opvolger bie De Sjter 2 van joare 60-goalie Jean de naas Fredrix, en De Sjter 1-sjpelers die elkaars mam verseiere Hoog tied dus om te beginne. En dat doon veer dees waek bie os veerde elftal. En eigenlijk beginne veer bienoa jeder waek bie dat team omdat reporter Ralph Doek altied de eesjte is dae op moandig zien versjlaag inlevert. Klasse Doekie! Dit weekend woar t gelökkig väöl sjwoaner waer es veurige waek! In t ochtend zunke woort d r een relaxte wermingup afgewirrikt in Gäöl. Eederein hej t voetbalveld zonger probleme gevonje en in de besjpreaking dronge 2 ex-geulsche boys sjpelers (Baron The Machine en Bjorn The Butcher) d r op aan dat ver hie waal effe mooste winne! t Wedstrijdbeeld woar eigelijk t zelfde es veurige waek, meer balbezit es de taegestenjer maar tot score komme ging meujlijk. Ozze twee doelpuntemakers van veurig seizoen de gebroeders Burja zeen helaas net veur het sjleete van de transfermarkt vertrokke. t Veldspel woar waal get minder dan veurige waek, iets te väöl balverlees en t leek d r op dat t nationale kap en drej daag woar. Aangezeen allein Dasse kent kappe en drejje wie een kirremesatractie, ging dat bie alle angere spjpelers die dat probeerde geregeld fout vandoa dus dat balverlees! Mit rös woar t nog 0-0 en dr woare neet ech väöl kanse gecrieerd, noa rös bleef t spelbeeld eigelijk t zelfde totdat Dasse de score oapende. Eene ietwat mislökte veurzat van links belande euver de keeper in de lang hook! Hoppaaaa 0-1! Helaas verleep t scoreverlaup auch sjus wie veurige waek en kreege ver 20 minute veur tied de 1-1 taege door een degelijk foutje in de verdediging en een paar minute later veel oet een kluts veur de goal noa eene corner de 2-1 (Godmejaaaar!) Ver hejje oszelf weer in een meujlijk pakket gebrach en besjloote weer eine man door te sjuuve en achter 1op1 te goan sjpeele. De drök woort get groter en 10 minute veur tied woort de bal netjes van rechs door Patje Stuur mich deep op snelheid Shjeapers veur de

3 goal gedrejt! De bal belande precies op t köpke van de mit ingesjoave Benjamin van t 4 e Brian. Dea köpde de bal zeer netjes in de korte hook en (gëlokkig) woar t weer 2-2! BAM!! Ondanks dat nog ummer neet bekend is woo ozze jeugdsjpelers die neet aan sjpeele toekomme bie de selectie motte goan voetbale deeg r bie os hjeal good! Hea sjakelde ziene man oet en hej em ram in de teshj! Auch woar he gevjearlijk es ver in de aanval woare! En sjpeelde sjus wie veurige waek eene gooje pot! Dus bie os moagse altied mitdoon Brian! Topper! Veurige waek strande het sjeep bie deze stenjd. Maar vandaag neet! Eederein ging volle gaas aan em en t woort eene alles of nix wedstrijd! Noudje, dea eigelijk de ganse wedstrijd maar get ronjt huppelde op t veld wie een kip zonger kop, huppelde opens de 16 binne.. Jenki zoag dat en sjoot de bal gewoon ljeag hel veur de goal. Noud d8 dat r in de struuke zien sjwoane vriendin zoag en leep spontaan mit ziene pum de bal de goal in! 2-3 in de letste minuut! KLATSKLATSSSS Neet lang doanoa floot de sjeids aaf! 3 punte in de teshj. Inpakke en wegweeze! NAISSSSS!! En zwoa wie Baron zei, GOOD FIGHTING SPIRIT BOYZZZ! opgeluch dat r noa de wedstrijd in de kantien van Gäöl lekker koos opsjuppe euver zien nuuje ploog oet Stein die momenteel op de 4 e plaats steit! Sjwoane start van t seizoen jonges! Lekker mannen van 4! Wae houw gedacht dat dae pum van Noudje nog ens 3 punte zou oplevere!!!??? Klasse! Van ut veerde sjakele veer door noa os driede elftal. Doa woort veurige waek gein versjlaag van gepubliceerd omdat de sjriever van dit sjtuk nog un biete in de bone woar. Hae woar doodleuk op Rene Goorens versjlaag aan ut wachte maar koom d r toen achter dat Rene natuurlijk inmiddels zien minute maak op 2. Dus woort dees waek in allerijl unne vervanger gezoch en gevonje. En ze houte ut bie ut driede lekker in de femieje, want Rudi Gooren is veurtaan de man van de versjlage names os driede. Klasse Rudi! Bie ut driede blieke ze emes in de gelederen te hubbe dae joare geleje nog acteerde in wereldberoemde films wie Deuce Bigalow:

4 Rudi deit op geweldige maneier versjlaag van de wedsjtried van ozze mannen van 3: Aafgeloupe zondig moosjte veer de derby spelen oet bie Urmondia. Urmondia hei de eerste wedstrijd verloare van Haslou en wilde dus waal get rechtzitten in deze derby. Veer verloorte oug van Scharn en woare dus oug gebrend op revanche. Beide trainers woare neet aanwezig en doadoor hei ozze aanveurder Thijs samen mit Roy een opstilling gemaakt (aan de opstilling te zeen heije ze dit gedoan nao verdouvende middelen te hubbe gebroekt..) Keepert: Pascal Achter: Tim Giebels/Bouwels Andy Lars Martijn (mog eindelijk op zien favoriete plek starten) Midden: Roy Thijs Rudi Maikel Veur: Serge Bob Bankwermer: Mike Vlag: Marrrrrrco Titties In ut begin van ozze wedstrijd ging dr veul fout aan ozze kenjt. Slechte (korte) passes en oet ein van deze passes koosj Urmondia de bal oppikken en kwoame veur ozze goal en maakten al snel de 1-0. Niks aan de hendj, vur heije nog tied genog om dit recht te zitten en dat gebeurde dan oug al snel toen Serge een slechte bal van Uermend ongersjupte en Bob in de ruimte deep stuurde dea de bal simpel langs de keeper doorsjoaf 1-1. Al snel bleek dat Uermend ut spel gear wilde maken en dit leten veer dan oug lekker toe, zodat veer mit ozze snelheid veurin geveerlijk koosjte zeen vanoet un counter. De eerste helft verleep wiejer gematigd. Uermend wist ut neet esse rond de 16 kwoame en bie os woar de eindpass onnauwkaurig es vur dr geveerlijk dr oet koosjte komme, of omdat Serge 7 van de 6 keer d r oet geloupen werd door hunne litste man.

5 Tiedens de rust werd nog uns aangekaart dat vur hun ut spel leten maken en dat veer vanoet de counter geveerlijk moosjte weure. Zo leep oug de 2 de helft totdat een speler van uermend 20 minuten veur tied een aafgeslagen corner vanaaf een meater of 20 onhoudbaar in de kruusing sjoot, Pascal kansloos 2-1. Direct doanoa werd Tim Giebels/Bouwels in de spits gezat veur meer snelheid en dat resulteerde kort doanoa in de 2-2. Tim werd deep gestuurd dea Bob bedeende en zo zien 2 de van de middig maakte, 2-2. En wat deise dan esse tog nog veur de euverwinning deis spelen? Juist, de brings DE clubman binnen de lienen, Marrrrrrco Titties. Hea hei al 70 minuten langs de lien gerend, dus de zous dinken dat dr dan al werm moosj zeen, maar hea werd tog een bietje euvervallen doordat dr inins binnen de lienen sting in plaats van dr boete. Hea hei waal kans om de 3-2 binnen te sjeten noa een aafgeslagen veurzit binnen te sjeten, maar hea treuzelde te lang (3 minuten minimaal) wodoor deze kans helaas verloare ging. De wedstrijd leek op een geliekspel te eindigen totdat Uermend 3 minuten veur tied oet een boetespelgoal (volgens ooggetuigen langs de kant woar dit ruim zo) de 3-2 binnensjoot. Veer gingen alles op alles zitten om dr nog een geliekspel oet te hoale en noa een dieptepasse van Andy werd Serge weggestuurd om 1 op 1 op de keeper aaf te goan. Hea werd neergehoald en de sjeids (dea euverigens een goeie wedstrijd floot) gaf terecht een penalty. Rudi werd noa veuren gesjoaven om deze te numme en sjoot oug de 3-3 binnen. Eindelijk een Gooren dea waal een penalty binnen kint sjeten volgens spelers van ut driede. Einde wedstrijd zouse dinken, maar noadat Uermend de bal verloor noa de aaftrap werd Tim Giebels/Bouwels weer deep gestuurd dea de bal truuk lag op Thijs en hea ronde aaf door de bal via de binnenkant van de poal binnen te sjeten 3-4!!! Vlak doanoa floot de sjeids aaf en hubbe vur de eerste 3 punten van de competitie binnen! Ondanks dat hea dr neet bie woar deeg Bart Pantus zeen bienaam De Tol eer aan. Dit keer neet op ut veld, maar toes boave de wc tolde zien maag noa een oavundje doorzakken. Loate vur ut dr met op houwte dat hea zich spaart veur de derby van volgende weak. Volgende weak spelen vur weer een derby oet in Stein-Zuid. Es veer dezelfde inzet tonen als vur als team deze wedstrijd gedoan heije, dan zit doa oug weer een good resultaat in! Lekker trainen deze weak en zondig weer knallen! Klasse versjlaag Rudi. Ich hub geheurd dasse de kommende waek neit mitsjpeels, dus hoapelijk pak emes binne uch team dit sjtekske euver. Want de oetkomst van de derby der derby s wulle veer natuurlijk gaer vernumme. Van ut driede sjakele veer euver noa de mannen van 2. Die moosjten thoes aantraeje taege Sjarn 2. Unne goeie taegesjtenjer dus dat zou sowieso al lestig waere. En dan krigse es volger auch nog tiedes dae wedsjtried ongersjtoande foto toegesjtuurd, en dan zink dich de mood helemoal in de sjoon (kieke noa de keeper):

6 Omdat ut zo onverwachs woar, zoog ich ut in eesjte instantie auch neit. Dus maar geliek noavroag gedoan bie Christel Vankan, die de foto sjtuurde: Inderdaad: omdat keeper Donny door ziene wekker woar gesjloape, houw Sjter-topper Jari Knoops de heisje aangetrokke en woar hae tusje de poale goan sjtoan. Un klasse actie van teamplayer Jari, die veul lof verdeint. De lof van de sjriever van dit sjtuk ging echter oet noa zien mam:

7 Omdat Jari al voldoende houw gedoan door de goal te verdedige, worp Rene Gooren zich op om dees waek ut versjlaag te typen. Woveur natuurlijk grote dank!. Rene, aan dich ut woord: Hie mien eerste verslaag van dit sezoen en ich zal dr proberen get sjieks van te maken. Vandaag de eerste compitiewedstrijd op eigen grond veur os 2e ploog nog een kans om een aantal van ozze aanwinsten te leren kennen en dan hub ich ut veural euver de aanwinsten die boeten ut veld auch get biedragen. Alleerst Steffan dea truuk kump van een blessure en os koam versterken om zien herstel te bevorderen, een solide en ervaren centrale verdediger en een fajn menke in de 3e helft mit gooje humor en doorzettingsvermogen aan de bar. Dan hubbe ver Mirco oet Broensoem eene sterke back in ut veld en es extra bijdrage kumt ziene pap gereigeld kieken en dea heat sinds kort een nuuje hobby, hea maakt namelijk pas foto's(sjnapse 'm ). Dit levert noa eene wedstrijd get sjwoane Tinder-profielfoto's op veur ozze spelers(of veur 'second love' veur degene die boete ut veld auch geregeld scoren). En es litste aanwinst mit aanwinst boete ut veld natuurlijk de altied besjeije sjriever van dit stukske dea volgens Steffan auch eene gesjikte kandidaat zou zeen veur 'Wie is de Mol' vanwege mien Olav Mol imitaties. Al zou ich vanwege mien postuur auch neet misstoan bie 'Adam zoekt Eva' dink ich. Mit Bastiaan, Joep en Bart 'weekendje weg' Linders afwezig(bastiaan geniet van een welverdeende vakantie want hea is al heel vaak op tied geweas dit seizoen, Joep moosj

8 wirken en Bart deeg ziene bienaam weer eer aan) Misten ver een aantal gevestigde namen. Donny woar door ziene wekker heengesloape mer waal sjwoan op tied veur de 2e helft. Mien grote respect veur 'good old' clubman Jari Knoops op de handschoen op te pakken of in dit geval aan te trekken en te goan keepen. Jari bedankt namens ut ganse team! Opstelling: Kis: Jari Achter: Mirko - Steffan - Jordy - Stefan Midde: Raul - Frank - Cyril Veur: Luca - Erik - Quin Bank: René - Jason - Geoffrey - Lars Vlag: Erhan De eerste helft woar neet biezonder interessant ut ging redelijk geliek op. De Ster werd een paar keer dreigend met name via Quin en Jari moosj ff wennen in zien nuuje rol want hea meinde dat de bal zwoa werm woar wie de nuuje bienaam van Frank(bitterbal). 0-0 mit rust mer dat heij net zo good angesjom kinne zeen. Om deze saaie tusstand nog een bitje te kleuren hie een paar welbekenden synoniemen veur 0-0: - niksniks - de brilstand - de liggende acht - doelpuntloos - niks gebeurd - wo sluit dit op - deze litste drie zeen verzonnen om de liest aan te vullen. Noa rust werd dr niks gewijzigd en gingen veer op zeuk noa de eerste treffer. Balbezit woar meer veur ozze Steinder jongens mer de 0-1 veel oet een corner veur Sjarn ich weit neet in welke minuut want ut scorebord woar vakkundig aafgeplekt. Rambo Raul houw gestreden veur wat dr weart woar en werd vervangen door René dea get leave bracht veural door zichzelf te coachen. Sjarn ging meer achtereuver leunen en de Ster zocht de aanval en dr koamen kansen. De grootste op naam van eene teagestenjer dea 1 op 1 op Jari aafging maar dea de bal geweldig keerde door lang te blieve stoan! Achteraaf maakde hea kenbaar dat 'r al lang ongerweag woar noa de grondj mer dat dat effe doerde. Hie putte veer kracht oet de duels werden veelvuldig gewonnen, dr werd strijd geleverd en de wil om te winnen woar duudelijk aanwezig. Cyril draaide zich good vrie en speelde René centraal in, dea vong Erik in de spits dea eene schtitterende lobpass goof op de doorgelaupen Luca 'Hazes'. Luca wipte op zien beurt de bal omhoog euver de keeper en de wedstrijd leek ff stil te stoan...en...goal!!! Ut belke veel net onger de lat in ut kruus en de stand woar 1-1.

9 Stefan Frissen leet aan de rechtsboeten van Sjarn veulen dat dea 'm neet meer langs ging kommen, eene stevige bodycheck gwoajde de jong euver de zielien en illustreerde ozze honger noa meer. Helaas bleef ut bie de 1-1 ut eerste punt van dit seizoen is binnen. En van de hatelijke 0 aaf dat is lekker zo vreug in ut seizoen. Hie volgt een opsomming van synoniemen veur 0 punten. - puntloos Noa de wedstrijd woar good eaten verzurgd door de club en zien top vrijwilligers en werd dr nog genoate van de zangkunsten en groave taalgebruuk van Frank en van get 'Beekse Bergen' die toevallig langslepen. Prima resultaat mannen van 2. De einige dae hoofdsjuddend ugge wedsjtried haet bekeke is Jean Fredrix. Hae woar immers al un tiedje oet de geschiedenisbeuk weggevalle es beste keeper ooit van De Ster, maar sinds aafgeloupe zondig is hae auch zien vermelding es grootste naas in de goal ooit kwiet. Euver noa de toppers van de zoaterdig, ozze veteranen. Die houwe in de aanloup noa de wedsjtried dubbel feest. Op de eesjte plaatsj woar de houer van locker nummer 1 bie Devils & Angels, Ron Marchal un joarke ouwer gewoar. Doaveur kreeg hae de felicitaties van zien ploeggenoten. Vrundj en coach Leon voegde nog un sjieke jeugdfoto van m zelf en Ron bie:

10 Doanaeve presenteerde Paul Janssen de nuuje wedsjtriedshirts van de vets: Die kleijer gove aanleiding tot de neudige leuke gesjprekke in ut kleidlokaal op zoaterdigmiddig. Pascal Conjour woar mit zien gedachten urges angesj, want noadat Paul Janssen al aan vief man houw gevroag of ze moat of in de zukke houwe, ging ut zo: Paul: Pascal, welke moat zukke mos doe hubbe. Pascal: Uhhhh.. doog maar un L Auch Will Leurs houw greutsj zien nuujt tenue in ontvangst genomme maar kreeg geliek commentaar van captain Mat Cremers. Mat: Wil, trek doe die kaertjes nog maar neit van d rvan aaf. Dan kenne ze nog truk. Gerard Martens koom binne, zoog Rudy Crutzen mit un opvallend t-shirt aan zitte en vroog: Is dat dae nuuje keeperstrui?

11 Wie jederein zich in de trui houw gewronge (Mat: volges mich zeen die allemoal slim-fit, jonges), richtte Ron nog effe ut woord tot Will Leurs, dae hae ut weekend doaveur vergaete woar mit noa hoes te numme noa ut sjtappe. Ron: Ich mot effe mien excuses aanbeije aan Will. Ich moosj keize tusje un ouw vriendin of unne nuuje vrundj Leon Fredrix noom ut woord euver en leet weite dat hae zich de kritiek van Willem Thewissen van un waek eerder houw aangetrokke. Leon: Jonges, noadat mich veurige waek verteld is dat ich meer balans moosj aanbrenge in de opsjtellinge van de eesjte en tweede helf, hub ich sjlech gesjloape. Willem: Ich hub auch sjlech gesjlaope trainer. Ich hub veurige waek un signaal wulle aafgaeve mit mien opmerking dat ich ging sjtoppe. Maar dat signaal is sjlech opgepak, dus ich goan toch door. Leon sjudde de opsjtelling flink doorein en dat leverde good old Will Leurs un basisplaatsj op. Will zoog dat Jenki zich de bein woar aan ut insjmere en wol auch get van dat sjpul: Ron: Geweldig Will. Kense vandaag mesjiens ens 10 in plaatsj van 5 minute mitdoon. Inmiddels woare de basissjpelers al begoosj aan de warming up. De sjriever van dit sjtuk zoot op de bank en dan kense ens observere wat zich allemoal aafsjpeelt rondjom ut team. Zo koom grensrechter Willy de Worm binne.

12 Willy: Wat doot geer nog in de kantien? Stef: Veer sjtoan d r naeve. Leurs sjteit in de basis. Willy: Wattuuuuhhhhh????!!! Leon: Meer balans Willy. Willy: Ich goan ens noa boete en dan vroag ich of di tut G-team van De Ster is. De eesjte helf verleep op ut gemaak. De Sjter woar oppermachtig en deig rustig aan. Gesjtaag leep de score op noa 4-0 bie de rust door goals van Pascal Conjour, Bart Pantus, Denny Vorstermans en Will Leurs, dae attent raak knikte. Intusje vermaakte de bank zich opperbest. Onger angere mit kalle euver en taege sjeidsrechter Willem Thewissen. Roger: Wat fluts doe noe??? Ron: Bahbahbah. Roger: Pannekook! Intusje koom de pap van Willem, es vaste supporter, auch in de dug out zitte. Piele: Kiek oet jonges, doa kump de pap. Ron: Dat is dae wat ut besjlaag van dae pannekook haet gereurd. Auch Stefs zus Mandy woar waer ongerwerp van gesjprek. Piele: Wat deit Mandy eigenlijk veur werk, Stef? Stef: Die is al 25 joar kinjer-leidster. Ron: En ich al 60 joar kinjer-echtig. Leon: Wat haet dae Willem zich noe un rood shirt aangedoan es sjeids? Ut is net esof hae bie die angere heurt. Roger: Dat gevuil houwse bie de voetballer Willem auch al ummer. Willem woar ut commentaar van onger angere Ron Marchal al aardig zat en reageerde ad rem richting de bank. Willem: Leon, die van Sjinne zeen zjwaak. Loat de tweede helf maar Will Leurs én Ron sjpele. Ron: En bedank Ron vertelde auch nog euver ziene sjtap oavend mit Will. Ron: Veer houwe gaar gein kaarte, maar ich koosj toevallig die vrouw die bie de entree zoot. Dus ich zegk taege heur dat ich gein kaart hub. Zaet ze: och, dat maak niks oet. Ich ken dich nog, Ron. Loup maar door. Vervolges kump Will en dae zaet auch dat r gein kaart haet. Zaet die vrouw: Och, dat maak niks oet 10 euro.

13 Auch Jack Linders woar waer ens komme kieke en hae noom plaatsj in de dug out. Jederin vinjt ut ummer sjiek es nummer 1 in de pikorde Jack kump. En dus woort auch geliek gevroag of hae neit ziene rentree ging make. Jack: Ich goan pas waer beginne es ich moag invalle veur Stef. Ron: Es Stef gewisseld wurd? Dan kense doanoa de res van ut sezoen komme. In de rust houw Rudy besjloate om zien heisje binne te loate want hae kreeg toch geine bal op goal, zo dach hae. Hae woar zelfs achter de goal sjtiekem un flesjke beier aan ut drinke onger de 2 e helf: Dat woar echter geraekend boete de defensie van de 2 e helf die d r sjpas in houw om Rudy get werk te versjaffe door af en toe emes te loate loupe. Auch noa rust vele nog 4 Sjter-goale. Makers woare Stef, Pascal, Jenki en unne geweldige bekeke pegel van Ron, dae de keeper verraste in de korte hook. Willem: Dat woar toch un eige goal, Ron? Dae keeper sjloog m zelf d r in. Ron: Doe bes gek. Dae zoot al. Willem: Sjei oet man, dae keeper leek waal Ron Zwerver mit zonne smash. Stef woar noa aafloup gans tevreje mit zichzelf. Ron corrigeerde m. Paul houw auch nog get aan te vulle, wie sjeids Willem binnekoom. Stef: Rob, sjrifse auch in dien versjlaag dat ich drie assists houw. Ron: Wat? In dien ganse carriere? Paul: Rob, sjrifse auch in dien versjlaag dat veer vandaag unne kut sjeids houwe? Stef woar zich aardig aan ut sjpooje mit douchen en aankleije. Stef: Ich mot opsjeite want dalik zit Mat alwaer bie Resi. Ron: Joa, dan haet r dich dalik de borsten alwaer opgewermp. Stef: Inderdaad. Ron: Ach is auch neit erg. Hubse vanoavend unne keer unne lauwe tepel in de mondj.

14 De derde helf woar waer gezellig. Math Haagmans woar auch aanwezig en Stefan Janssen houw euver Math nog get te zegke. Stefan: Jonges, geer kent zegke wat geer wult, maar Mat woar unne goeie buurman veur mich. Ron: Joa, dae blif dich tenminste van ut wief aaf. Leon: Joa, doarom woons doe noe gans aafgelaege op ut Belsj. Denny: Joa, mit un zelf gegrave grach om ut hoes bie. Willem goof aan dat hae binnekort ens wult goan mitballe op moandigochtend bie de walking footballers en hae probeerde Ron auch mit te kriege. Willem: Kom Ron. Veer zeen 17 joar geleje auch same bie de veterane begoosj. Veer doon toch alles same? Ron: Joa das woar. Ich allein un sjtuk baeter es dich. Noa aafloup ging in jeder geval eine veteraan nog un deurke wiejer. Oet betroewbare bron vernoom ich immers nog un anecdote van Ron bie Cafe de Bekker. Doa woar un optraeje van de dames van Juicy Lucy. Ron keek die dames ens langdurig aan. Ron: Och verrek. Ich ken uch. Allein houwt geer toen in de parenclub gein kleijer aan. De dames woare echter neit onger de indruk want noa jeder nummer dat ze zonge, zatte ze de mitzinger (al sjnel opgepik door de ganse kroeg, wo onger un aantal selectiesjpelers) in: Doe bes Ronny van de parenclub. Allemoal leuk en aardig maar ut zuike noa balans in de eesjte helf, en de doa op volgende besjlissing in de rust om Will Leurs auch de 2 e helf te loate sjtoan en zelfs op ut middenveldj te posteren, bleek gevolge te hubbe, wie Jenki zich op de groepsapp meldde: De sjriever van dit sjtuk lag de sjuld hievan geliek bie coach Leon neer. Dae verwees echter door noa Willem, dae zien keuze vervolges prima ongerboewde:

15 En dan hubbe veer nog maar 1 ploug te besjpraeke en dat is os eesjte elftal. Die houwe un prima veurbereiding op de wedsjtried want un aantal jonges houw zich waer prima vermaak in ut oetgoanslaeve. Zo woare de Wanteliç-brothers same op sjtap gegange, op jacht noa onvervalsjte milfs. En wat denk geer? Ze houwe auch nog pries en dat woort natuurlijk geliek gedeild op de groepsapp. Dit tot hilariteit van teamgenoten Mike en Time, die de betreffende milf herkenden es die vrouw die os jedere ochtend de botterhamme sjmeert:

16 Op zondigochtend ging echter alle focus van de mannen op taegesjtenjer Heer. Taege deze Mesjtreichse promovendus moosjte de eesjte punte van ut sezoen gepak waere. Elftalleider en mental coach Frans Beaujean woar, zo wie ummer, lekker op tied aanwezig en houw ziene aanteikeningemap al in ut kleidlokaal vaerdig gelag. Dat woar Randy opgevalle en dae veurzoog Frans al van get nuttige info: Es ut sjlech te laeze is: Aantekeningen 30-09; Basisplaats voor de rest van het seizoen: Randy Wanten. Ut resultaat van de wedsjtried hub geer ongetwiefeld al lang en breid vernomme. Tja, en noa zo n galaveursjtelling verwachse natuurlijk un mega versjlaag. Dees waek sjove Randy Wanten, Frans Beaujean en Peter Smeets echter de sjrieverstake noa elkaar toe. Oeteindelijk pakte Randy de handsjoon dan toch maar op en geef hae os un beknopte weergave van deze geweldige partie: Op zondigmiddig sting de thoeswedstrijd teage de sjenge van Heer op het programma. De ster 1 hei get good te maake noa het - onverdeende - puntverlees in Bocholtz veurige weak. De opstilling woar als volgt: Schuman in de kis. Achterin v.l.n.r. Sjoerd, timo, captain dave en wantelic. Op t middenveld jeroen van meijel, mike, en bob dukers. Veurin sting gielke, boyd en Guillermo. De ster begosj geweldig aan de wedstrijd, noadat v r in de 1e minuut al eine volledig terechte penalty mitkreege. Giel wist deze penalty te benutten. Dat woar het startsjot veur ein galaveurstelling op t Hetjen. Neet veul later maakte giel auch zien 2e en 3e goal. Hattrick! Heer wist ondertussje neet woo ze mossje kieke, aangezeen de ster op alle fronten geweldig combineerde mit geweldig positiespel. Vlak veur rust wist Boyd mit ein kanonskogel auch nog de 4-0 op het bord te prikke. In de rust woar coach Maas uiteraard heel erg tevreeje, maar wees hea auch op de wedstrijd van veurig seizoen teage ceasar: toen stinge veer zelf 4-1 achter mit rust en wonne v r nog mit 5-4!

17 Dat woar vandaag neet aan de orde. Noa rust ging de ster vrolijk verder mit geweldig spel. Mening toesjouwer en voetballiefhebber hei eine semi-helle (term Barney v/d Heide d.d. 2013) gekreege van het voetbalspel van de ster. Gielke wist zelfs de 5-0 te scoore en doa mit ziene 4e (!!) van de middig! Teage het eind van de wedstrijd scoorde guillermo auch nog de 6-0 en dat woar tevens de eindstand. De spelers van Heer droope versjlaage (letterlijk en figuurlijk) aaf en de ster vierde feest, mit ein heerlijk verzurgd werm buffet in de kantine. Bedank veur ut versjlaag Randy. En taege de luuj die dit versjlaag te kort vinje, zou ich wulle zegke: volgende waek geweun lekker zelf komme kieke. D r is ongetwiefeld nog genog te geneite op t Hetjen de res van dit sezoen. Randy sjloot zien versjlaag euveriges aaf mit de volgende tekst: Ps. D r woar ein hendig sjwoane mooder van de waek aanwezig!! Missjien dat de ster doa extra gemotiveerd woar. Ich in elk geval waal! Tja, en dan koosj ich ut toch neit loate om dees waek effe op de lies te kieke wae sjpelerke van de waek woar. En noe is mich auch ingevalle wae de mam van dat maedje is. Taege Randy en anger luuj die noe benuujd zeen gewoare, zou ich wulle zegke: gangk ens get dèkker un blumke hoale veur de vrouw of de mam. Want es geer dat bie Bloemist Hendriks doot, kent geer doa auch nog un glimp van de mooder van de waek opvange. Pes volgende waek. Rob Sjulpe