Notulen joarvergadering 2018 De Ster Veteranen 16 maart 2018

Transcriptie

1 Notulen joarvergadering 2018 De Ster Veteranen 16 maart 2018 Presentielies Besjtuur (3): Ut voltallige besjtuur, in de personen van Rene Hillen (veurzitter), Willem Thewissen (secretaris) en Jos Muris (penningmeister) Aanwezige leje (31): Frans Janssen, Jack Dassen, Peter Janssen, Eddy Ubbink, Gerard Martens, Rob Schulpen, Gé Hügel, Jack Linders, John Jacobs, Jos Driessen, Levi Nelissen, Marc Lacroix, Mat Cremers, Math Caanen, Misha Dreessen, Paul Janssen, Chrit Dreessen, John Thewissen, Piele Smeets, Ralph Dreessen, Robert Kraus, Roger Daemen, Ron Marchal, Stef Conjour, Stefan Janssen, Thijs Otten, Will Leurs, Paul Houben, Graad Smeets, Frank Peeters, Ruud van Didden Aanwezige sjponsor (1): De heer Pleunis nog ummer in verwachting euver de veurtgang van de door heum gesjponsorde en door Mat Cremers te besjtelle kostume (opmerking Mat: doa euver dalik meer ) Aafwezig woare (11): - Frank Rutten zakelijke prioriteiten - Denny Vorstermans Miriam woar sjerp - Jos Keulen sjteunend lid; aafmelding neit noodzakelijk - John Dietz sjteunend lid; aafmelding neit noodzakelijk - Leon Fredrix opgehaute aan de seafood-bar op de Tefaf - Rob van der Linden leeuw Bier-allergie - Rudy Crutzen oetgeleend aan eesjte elftal

2 - Steef van de Woude druk mit vies filmkes sjikke vanoet de zandjbak - Willy Worms in de dying seconds aafgemeld - Robert Lucassen opgehaute in mediation-sessie - Huub Driessen druk mit ut doon van un poging om de gemeinteroads-campagne van Willem Thewissen nog einigszins vlot te trekke (opmerking Ron: Ut vilt waal op. Alle aafmelders zeen 3x modaal. ) Laatkommers (2): - Johnny van de Sjpin sjteunend lid; dus bericht neit noodzakelijk - Mat Creemers te laat komme bevorderde de bie zien status passende grootse entree Aafwezig zonger aafmelding: - Ut voltallige besjtuur van de vusj-club van Misha Veuraafgoand aan de vergadering Locatie van de vergadering woar, wie ummer, café Lies op de berg. Stef woar es ein van de eesjten aanwezig en maakte van de gelegenheid gebroek om versjpreid door ut ganse café verkeizings-flyers van zien vrouw Resi neer te zette. Die flyers woare veur Ron aanleiding om gedurende de vergadering un aantal kere opmerkinge te make euver die flyers: Stef, woarom hubbe ze die flyers sjus op die plaatsj aafgesjneje? Sjus op t punt wo de foto sjpannend begint te waere. Mijn god, die Resi is waal volop campagne aan ut veure, Stef. Die haet dalik nog geine tied meer om vraem te goan. Wo sjteit SB (Steins Belang) op dae flyer eigenlijk veur? Seksbom? Zeet geer dae hashtag op de flyer? Dae is speciaal veur Resi. Geef aan dat ze un trio wult. Hashtag-one-two in plaatsj van Hashtag Me-too. Aaftraejend veurzitter Rene kreeg de vroag of hae tissues bie zich houw omdat de ganse oavend toch un bietje om heum haer dreijde. Rene goof aan dat d r auch nog angeren woare die ginge aaftraeje. Matje beveurbeeld, es veurzitter van de feestcommissie. Ron reageerde gevat: Doa houf

3 geine un troanke om weg te pinken. Es unne dictator aaftraejt is dat meestal reje veur un hoerasjtumming. Wie vervolges jederein zien eesjte twee pilskes besjteld houw, reep veurzitter Rene jederein op om plaatsj te numme, want de vergadering zou goan beginnen. Wie jederein plaatsj houw genomme, en d r al gefluusterd woort wo is Matje eigenlijk?, ging de tillefoon van Rene. Rene noom doa op ut woord en zei: jonges, veer sjorse nog 10 minute. Matje belt net door dat hae noe vertrek bie de tefaf. Jederein besjtelde zich nog un pilske en wachtte rustig aaf totdat Matje arriveerde en ziene, zo vurig gewunsjde, grootste entree koosj make. Veur de gelegenheid houw hae waer zien meest in ut aug sjpringende kostuum aangedoan. Greutsj noom r ut gejoel en applaus dat m ten deil veel in ontvangst. Ron: Matje besse op de brommer? Doe hubs de hoare zo doorein. Dat doerde Ron allemoal net get te lang en dae reep dan auch: kom Matje, duuj 10 bonne in de pot en zich dich neer. Veer goan beginne. Mat wis nog te melje dat Leon Fredrix later zou komme. Mat: dae sjting nog op de tefaf bie de seafood-bar. Geweldig aete jongens!

4 Oapening van de vergadering Rene oapende de vergadering en constateerde dat ut un memorabele vergadering ging waere. Immers, ut voltallige besjtuur houw heur positie besjikbaar gesjteld en auch de feestcommissie ging aaftraeje. Maar un geweldige lichting opvolgers sjteit al kloar, voegde Rene doa aan toe. Wo op hae vervolges de feestcommissie-leje Mat, Jos en John maande om te sjtoppe mit hun opboewwerkzaamheden want dat woort es sjteurend ervaren. Vanzelfsjpraekend woort die instructie troew opgevolg. Secretaris Willem kreeg doa op ut woord en hae noom de notulen van veurig joar nog ens op hoofdliene door. Doa in koom noa veure: Willem: Eind van de sjpeerpunte van veurig joar woar os corporate development-plan. Dat haet prima gewirk want d r zeen goei kandidate veur de opvolging oet gekomme. Rene: Ozze talent-pool is goud gevuld. De pipeline zoot vol. Willem: Ein van de hoogtepunte woar os jubileumfeest. D r woare twee kampen die dat wolle organisere. Ron houw un sjiek fees mit duurbetalende Belsje rieke sjtinkers en champagne veur 100 euro wulle haute. Maar hae moosj ut oeteindelijk aaflegke taege de verbaal sjterkere Mat, dae un boerefees haet georganiseerd wo veer allemoal en nog unne man of 5 bie aanwezig woare. Ron: Die houwe zich verloupe. Mat: Doa kom ich in mien presentatie nog op terugk. Willem: Dan woar d r nog ein punt. Maar dat ken ich neit meer laeze. Doa kom ich volgend joar op terugk. Thijs: Geisse dat sjtraks in de gemeinteroad auch zegke? Willem: Ich ben muig. Ben drie daag weg gewaes veur ut werk en hub engelsj motte kalle. Ron: Wiezo? Hubse un Thaise vriendin noe? Willem: Veer motte auch get mit de sjteunende leje goan doon. Peter: Bahbahbahbahbah. Willem: Veer hubbe ut neit euver de rabobank die gein rente meer geef, Peter. Willem: Veurzitter Raymond Dukers haet os nuuj zukke en bokse toegezag. Mit veur Roger auch un speciaal moat. Eddy: Haet Roger zo n grote vuit dan?

5 Willem: Matje kumpse nog terugk op die blauwe clubkostuums? Mat: Oetveurig. Willem: Watte? Ron: De veuring hingk d r oet, zaet r. Vervolges kreeg ut derde lid van ut dagelijks besjtuur, penningmeister Jos M. ut woord. Dae deilde zjwiegend un paar velle mit ciefers oet en zei: Loat ut effe op uch inwirke jonges. Emes sjtelde un vroag wat die biedrage van un paar honderd euro veur ut fees woar. Jos goof aan dat de supportersvereiniging dat bedraag besjikbaar houw gesjteld. Willem: En de veurzitter van die vereiniging is volgende waek verkeisbaar veur de gemeinteroad he jonges. Mat vroog nog aan Jos woarom d r gein veurziening in de sjtukke woar getroffe in verbandj mit de blauwe pakken. Rene kaartte doa op aan dat hae ut nuuje besjtuur mitgoof om sjtrenge regels te hanteren veur wanbetalers van de veteranen-contributie. Mat, Paul en de al 3,5 joar aan hielspoor leidende Jack mengden zich in de discussie. Rene: Ich wul dat veer hie besjpraeke of geer ut d r mit ens zeet dat luuj die neit binne 2 waeke betale, gesjors waere. Mat: Zulle veer doa 4 waeke van make? Dan haet jederein ut salaris gehad. Paul: Jonges, ich ben werkeloos, moag ich un betalingstermien van 6 waeke aanhaute? Roger: Wae betaalt dan neit? Jack: Zitte bie die wanbetalers auch langdurig geblesseerde sjpelers?

6 Besjpraeking personele bezetting en wedsjtriedsjema Sjpelers-categorieen Willem kaart aan dat de leje verdeild kenne waere euver 4 categorieen. Veurig joar houw hae dat auch al toegelicht. Categorie 1 zeen de sjpelers die heel geregeld wedsjtrieje sjpele. Willem loos dat lieske veur dat eindigde mit: En Will Leurs nog ummer Categorie 4 zeen de sjpelers die aafsjeid hubbe genomme es actief sjpelend lid de letste joare. Dat zeen Math Haagmans, Jack Linders, Rene Hillen en Thijs Otten. Veur die men mot unne aafsjeidswedsjtried geregeld goan waere. Categorie 3 zeen de luuj wo un kruus achter kump. Die definitief es lid aafgeveurd kenne waere. Doa zit dit joar nemes in. En categorie 2 is de sjpartel-groep. Dat zeen Jack Dassen, Robert Kraus, Robert Lucassen, Frank Rutten en Math Caanen. Ron: wie nuimse die? De sjpastische groep? Jack: "Enne, kumpse noa 3,5 joar al in de sjpartelgroep? Ich ben druk aan ut revalidere. Rene: Mot Frans Janssen neit auch unne aafsjeidswedsjtried kriege? Dae is gesjtop es leider. Willem: Geer mot uch auch melje, aerpele. Geer wult allemoal insjproak maar noe zit geer hie wie makke lemkes. Groep: En Ralph Dreessen? John Jacobs? Peter Janssen? Jos Driessen? Frank Kellens? Will Leurs? Motte die geine aafsjeidswedsjtried kriege? Rene: Mesjiens die wat aafsjeid numme taege de res. Wedsjtried-sjema Rene maakte de sjtap noa ut volgende agenda-punt: ut wedsjtriedsjema. Willem zou dat toelichten. Willem: Shit doa hub ich mich neit op veurbereid. Jos D.: Ut moag auch in ut engelsj, Willem. Nuujt lid: Jenki Jevric Rene kondigt aan dat Willem un nuujt lid wult veurdrage. Willem: Ut wurt de eesjte veteraan mit un angere nationaliteit. Ron: Taege! Willem legk oet dat Jenki Jevric, de pap van eesjte elftalsjpeler Marko, bie de veterane wult komme voetballe. Willem: Ich denk dat r hie goud pas. Mat: Haet r un sjoon vruike? Ron: Joa veer motte oppasse dat veer d r neit te veul mit lelijke wiever binnehoale. Willem: Es geer maar bie vrouwluuj van ugge eige laeftied blief, dan waere die vanzelf lelijk. Rene: Nae jonges, ich venj dit waal un terech punt. De balans mot d r waal blieve qua knappe dames. Piele besjloot ens un angere relevante vroag te sjtelle. Jos Driessen woar get terugkhoudend. Piele: Wat sjpeelt r eigenlijk, Willem? Willem: Veurin Piele: Dan loat maar komme. Jos: Nae maar jonges, ich venj dat veer motte oppasse. Mit Robbie Schulpen is de euversjtap auch neit zo goud gegange.

7 Gerard, wars van enige zelfkritiek, besjloot zich auch in de discussie te menge. Ralph Dreessen kaatste de bal terugk. Willem: Ich venj dae Jenki in ut veldj maar ummer unne lestige. Ralph: Die hubbe veer inderdaad al genog, he Gerard. Thijs deig nog un veursjtel maar Willem maakte korte metten mit alle discussie. Thijs: Mesjiens beginne mit un sjnuffel-stage. Willem: Jonges, sjei oet. Wie ich d r bie koom haet Gerard auch taege mich gesjtump. En ich ben de beste veteraan wat geer ooit hub gehad. Stefan: Mot ut neit unaniem zeen? Willem: Sjei oet, dan woars doe auch nooit d r bie gekomme. Hae is aangenomme. Sjtoppende actieve voetballers Rene: Zeen d r nog sjpelers die wulle goan sjtoppe? Sjtilte Rene: Geer moag auch luuj veurdrage. Jederein: Will Leurs! Jos D.: Gerard wult Jenki Jevric veurdrage. Keepers-pool Willem evalueert de keepers-pool en constateert dat dat prima lup. Willem: Rudy Crutzen is eesjte keeper en angesj keep de zjwevende rolmops, Ron Marchal. Ron: Rolmops? Dat is miene lul, gein sjtekske. Willem: Nae lup prima. Ron, Roger, Paul en ich kenne allemoal invalle veur Rudy. Rene: En kwalitatief? Willem: Auch goud. Veer zeen d r achter dat jederein kent keepen. Jos D.: Jonges noe Rene oet de keepers-pool is, motte doa toch zeeje van ruumte zeen? Rene: Wat zaesse Jos? Jos D.: Dat ut goud lup mit de keepers, veurzitter. Angere kleine punten Besjloate wurt om veurtaal belangrieke besjlissinge neit meer te loate wachte tot de vergadering en auch neit de groepsapp doamit te bevoele. Baeter is ut om geweun noa unne wedsjtried biejein te zitte doa euver. Roger en Math beije aan om ut dobbele noa de wedsjtrieje waer op te pakke. Jos M. regelt in 2018 nog de prieze veur ut dobbele. Pauze

8 Hoofd-act: Presentatie Mat Noa de pauze is ut woord aan Mat Cremers. Es veurzitter van de feestcommissie zal hae terugkblikke op ut veurbieje joar en auch al un tipje van de sluier oplichten euver de plannen veur ut nuuje sezoen. De verwachtingen veur Mats presentatie zeen hooggesjpanne, aangezeen zien presentaties in de veurbieje twee joare noa al legendarisch zeen. In de pauze houwe Mats troewe secondanten/stagairs/mede-feestcommissieleje John en Jos D. al de beamer en ut sjerm opgehange zodat Mat unne vleigende sjtart koosj make. Mat begoosj mit un constatering die geliek un reactie van de veurzitter opreep. Mat: Jonges, zo wie t geer wit, geit de feestcommissie aaftraeje vandaag.. Rene: Weite die angere twee dat trouwes auch? Mat: Joa toch, he jonges. En ich hub auch noagedach euver mien.. uh ozze.. opvolging Rene: Mat, dat punt sjteit pas later op de agenda. Mat: Veurzitter, mit permissie zou ich ut toch in mien verhoal wulle verweven. Rene: Alleh dan, loat goan. Mat: Ich ben tot de conclusie gekomme dat d r twee luuj neudig zeen om mich op te volge. Maar dat kump dalik. Ich goan eesj terugkblikke op wie veer al die joare SAME alles goud geregeld hubbe binne de commissie. (Bie ut woord same versjlikke Jos en John zich in hun glaas beier). Ron: Mat, hilse d r raekening mit dat sommigen murge motte wirke? Mat: Maar good jonges, veer goan dus aaftraeje es commissie. Stef: Wiezo veer? Wae zeen die angere dan? Misha: Namen, Matje! Mat: Ich wul beginne mit John en Jos hartelijk danke veur de joarelange oetmuntende samenwirking. Mat trapte aaf mit un powerpoint slide mit un religieuze tekst. Doa op koom natuurlijk geliek de vroag woa die tekst vandaan koom. Mat: Ich ben vreuger misdienaar gewaes. Ron: Besse misbroek? Mat: Haha, maar good. Ut zeen dit joar maar 53 slides jonges. Tiedsdruk Mat vertelde doa op dat hae van plan woar un bouk te goan sjrieve euver ziene tied bie de feestcommissie. De titel van ut bouk houw hae auch al bedach: de verdwaalde inlegkruisjes. Wie jederein zich achter de ore aan ut kratse woar wo dae naam op sjloog, hoalde Mat un plastic tuut teveursjien, hoalde doa get oet, zat t op ziene kop en meldde: En veurtaan wul ich door ut laeve goan es Mathilde.

9 De pruuk ging echter auch geliek alwaer aaf. Mat lag dat oet. Mat: Ut is mich vandaag te werm. Dus ich begin murge aan mien transformatie. Ron: Wat haet Lies eigenlijk veur pruuk op? Stef: Lies heisj eigenlijk Leo, of neit Lies? Mat kondigde auch aan dat hae es veurzitter van de feestcommissie dit joar zien verantwoordelijkheid ging numme. Gerard: Is dat neit un bietje laat? Ron: Matje, deit dat eigenlijk pien, dat gek waere? Mat vertelde dat ut credo van 2016 woar gewaes op zuik noa ut compromis. Dat woar prima geluk en houw os veul goodwill opgeleverd. In 2017 woar ut credo samen delen is het nieuwe bezitten. En auch dat woar goud gesjlaag, aldus Mat. Jack Dassen dach doa angesj euver. Mat: Dat samen deile leep prima. Jack: Vunjse? Marion zaet noe nog neit veul taege mich. Ut credo veur 2018 woort vervolges onthuld. Mat: Van ik naar wij. Ron: Is wij neit mit un korte ei?

10 Jederein keek alwaer reikhalzend oet noa de veuroetblik op ut nuuje joar. Want Mat houw doaveur un aantal geweldige ideeje. Optie 1 woar Culinario Italia 2018 mit medewerking van de Italiaanse topchef Fausto Clitorido. Mat: Zien concept is naaksj aete. Ron: Doa houfse neit veur noa Italie. Dat kent in Sustere langs de grote waeg auch. De tweede optie houw te make mit Mats veurliefde veur sjnelheid en poezen. Mat vertelde daet hae inmiddels 3 poezen haet. Op de eesjte plaatsj ziene kater Pierre, dan Fien un ras-siamees. En sinds kort houw hae un nuuje Savannah categorie 4-poes. Wat dat auch moage zeen Veer zouwe es veteranen un raceweekendje zolder goan doon. In de formule 1 hubbe ze noe pitspoezen aafgesjaf maar speciaal veur os woorte die un weekendje noa zolder gehoald en in un sjone outfit gesjtoake. Wie de slide mit die dames in sjtrakke pekskes veurbie koom, houw Piele un vroag. Piele: Wae sjponsort die pakken van die dames eigenlijk? Mat: Pleunis installaties. Ron: Krig dae goeie man eigenlijk zien geldj nog terugk. Mat: Kom ich dalik op jonges. Optie 3 woar opnuuj noa ut Ahrweiler wienfeest. Dat woare de veurige keer goud bevalle. Mat: Ich woar doa nog mit un maedje van 25 aan ut danse. Die woar gek van mich en zei op un gegaeve moment: Matje, stopp. Jos Muris: Nae dat woare veer, Matje. Mat: Maar ich hub gebeld mit de organisatie doa en toevallig doon ze dit joar un wienfeest-tweepunt-nul. Ron: Wat hilt dat in? Mat: Dat is de Deutche swingerkultur gecombineerd mit euverdadige orale seks.

11 Mat goof aan dat de nuuje commissie al akkoord woar gegange mit dees veursjtelle en ging wiejer mit de evaluatie van de prestaties van m zelf es veurzitter van de commissie. Mit ut plaetje van unne goudvusj dae oet unne kleine vusjekom (mit foto van Gerard Martens) dae sjprong noa unne grotere kom (mit foto van Mat) verdudelijkte Mat wat hae de aafgeloupe joare houw bereik. Mat: Zelfs unne simpele ziel es Gerard is oetgegruijd tot unne ware leider. En hae wurt zelfs veurzitter van de veteranen. Rene: Mat, de verkeizing van de nuuje veurzitter kump pas later aan de orde. Mat: Sorry veurzitter. Wiejer moosj Mat natuurlijk get mit ut grote pien-dossier: de blauwe clubkostuums. Mat: Jonges, voortschrijdend inzicht is geen zwakte maar wijsheid. Ron: Geit dit euver die pakken? Mat: Veer hubbe ut veurig joar euver die pakke gehad. Gerard: Veurig joar? Twee joar geleje al. Mat: Joa klop, maar veurig joar auch waer. Wonoa Mat mit un briljante oplossing koom veur de pakken. Hae moosj doabie aafraekene mit ut verwachtingspatroon van zien mede-veteranen. En auch nog ut verwachtingpatroon van de sjoonpap van Misha, de heer Pleunis, dae 200 euro veur die pakken houw gesjponsord en dae maar waer ens woar komme aanheure wie ut sjting mit die pakken. Mat heel doa op un geweldig betoog dat de aafgeloupe joare zich gekenmerk houwe door hyperconsumptie. Ummer maar koupe, koupe, koupe. En jederein wol maar meer. Maar trendwatchers veursjpelle in 2018 un einde aan die hyperconsumptie. Ut wurt un sjtreve noa minder, noa eenvoud. Want wo hubbe veer die pakken eigenlijk veur neudig? Mat: Maar ja, veer hubbe natuurlijk waal nog ozze sjponsor. Dae kense neit loate valle. Ron: En m zien geldj terugkgaeve is waarsjienlijk auch gein optie. Mat: Nae, maar ich hub waal get veul baeters nog veur m. Un courtesy card. Doamit kumpse euveral gratis binne en wurse mit alle egards ontvange. En ich euverhandig dat noe aan de heer Pleunis, same mit un exclusief hospitality-pakket. Op ongersjtoande foto is de heer Pleunis vasgelag terwiel hae zich aan ut bedenke woar wie hae dit noe waer thoes aan de vrouw moosj oetlegke.

12 Wie Mat zich op weergaloze wieze onger die blauw kostume houw oetgeluld, ging hae richting de introductie van de nuuje duo-veurzitters van de feestcommissie. Maar neit veurdat hae nog effe dudelijk maakte woarom d r twee persone neudig woare om emes wie mzelf op te volge. Mat deig dat door te loate zeen wat emes tot un echte personality maak. Rene, Mat zelf en Gerard woare doavan de sjpraekende veurbeelden, aldus Mat. Autoriteit, eigenheid en authenticiteit. Doa dreijde ut om volges Mat. Mat: Gerard, wits doe eigenlijk wat authenticiteit is? Gerard: Houw toch aaf man. Willem: Authenticiteit is eigenheid, Gerard. Mat: Nou, eigenheid is meer sjtoer en wies en urban chique

13 Wie de toeheurdes nog aan ut sjakele en noadenke woare euver die letste opmerking ging Mat alwaer door. Mat: Jonges, ich woar lets bie mien man in ut verzurgingstehoes en.. John: Doe houws dich baeter kenne loate opnumme doa. Mat onthult ut competentieprofiel veur de nuuje veurzitter van de feestcommissie: Aangezeen d r, boete Mat, nemes veurhenj woar dae al dees kwaliteitenin zich herbergde, kondigde Mat aan dat Rob en Stef same veurzitter van de feestcommissie moosjte waere. Willem: En wae geit die dan advisere? Mat: Doa kom ich zo op. En dat deig Mat. Want veur ut profiel van de senior adviseur capital procurement houw hae un bingokaart opgesjteld:

14 En doanoa onthulde Mat de persoon, of baeter gezag de BV, die de functie van senior adviseur capital procurement zou goa vervulle: Cremers People Passion Performance BV, mit heure directeur Mat Cremers, zou dus die rol goan vervulle. Stef: Beteikent dit noe eigenlijk dat Rob en ich de nuuje Jos en John waere en wiejer alles bie ut ouwe blif? Mat: De tied zal ut lere. Mat besjloot zien presentatie mit de mededeiling dat hae volledig digitaal woar gegange en dat hae dus gein hand outs zou oetdeile maar dat jederein die zelf koosj downloaden via ut internetadres dat op de letste slide sjting:

15 Aaftraeje besjtuur en keize nuujt besjtuur Intusje is Lies begoosj mit ut neerzette van teijere mit frikandelle. Ze begint op de achtesjte toafel. Roger Daemen ruuk ut en zaet: Enne? Woarom kriege die allein hapjes? Is dat de bussiness class? Rene: Dan noe ut belangriekste punt van de vergadering. Willem: Veur dich joa. Rene: Zowel Jos, Willem es ich hubbe hun functie besjikbaar gesjteld. Willem is herkiesbaar. Jos en ich neit. Rene geef doa op aan dat zich geine angere es secretaris haet gemeld en dat Willem dus bie deze is herkoaze tot secretaris veur un periode van 3 joar. Stef: Haet r doa nog tied veur es r burgemeister wurt? Willem: "Jonges, ich ben 17 joar geleje es goeie voetballer bie de veteranen gekomme. Dat wurt jeder joar minder. Maar ich hub uch in die joare nooit in de sjteek geloate. Ich hoap dat geer doa volgende waek aan denk in ut sjtumhukske. Stef: Maar geer moag auch op Resi sjtumme. Willem: Kens keize veur sjoon roadsleje of veur Paul: Sjerpe? Willem: Nae of Jos D.: Lelijke? Rene meldt dat zich eine kandidaat haet gemeld veur de positie van penningmeister. Jederein hilt vol verwachting de oam in. Es vervolges de naam van Misha Dreessen wurt genuimp, krig r un groot applaus. Op de vroage van Rene of emes taege die aansjtelling is, sjtaeke allein broor Ralph en pap Chrit de handj op. En dus wurt Misha aangesjteld es penningmeister. Roger: Dan zal die 200 euro waal murge al terugkvloeie noa de sjponsor. Auch veur de rol van nuuje veurzitter haet zich maar eine kandidaat gemeld. En ut sjtump Rene zeer tevreje dat de man dae veurig joar op de vergadering ut functionere van ut besjtuur ter discussie sjtelde, zich kandidaat houw gemeld. Rene: Esse noadenks euver unne nuuje veurzitter, dan denkse wae kent mich opvolge? en dan denkse al sjnel nemes. Gelukkig woar d r toch eine gesjikte kandidaat. Ron: Ich houw mich auch kandidaat wulle sjtelle. Maar ich kreeg gein bewies van goud gedraag. Rene: Ich hub de kandidaat waal gevroag of hae d r serieus euver is. Roger: Wat zei r toen? Natuurlijk kut!? En dus wurt hae onger groot applaus aangesjteld es nuuje veurzitter: Gerard Martens! Rene euverhandigt doa op de ceremoniële veurzittershamer aan Gerard en sjtelde m nog un vroag. Rene: Ich num aan datse nog ummer d r achter sjteis. Gerard: Natuurlijk ku uhh veurzitter. Rene: Haet d r nog emes bezjwoare? Thijs: Ich wul doa anoniem euver kenne sjtumme. Willem: Wie ich bie de veteranen koom, woar Gerard taege, dus ich ben noe auch taege. Piele: Gerard, doa hubse toch gaar neit veur geleerd? Rene: Wulse nog get zegke Gerard? Gerard: Nae ich sjeit effe vol. Hub d r gein weurt veur.

16 Vervolges zeen d r bloume en applaus veur aaftraejend veurzitter Rene (toevoeging Willem: zeen die bloume noe veur dien vrouw of veur mien? ) en aaftraejend penningmeister Jos: Willem: Noe hub ich allein gein bloume veur de stagairs van de feestcommissie. Sorry Jos en John. Ich hoap neit dat mich dat sjtumme kos. Jos D.: Besse gek, Willem. Veer sjtumden toch al op Resi. Rene meldt tot sjlot dat aaftraejende leje van ut dagelijks besjtuur veurtaan rechsjtreeks doorsjuve noa de Raad van Commissarissen. En datzelfde geldt veur de aaftraejende veurzitter van de feestcommissie. En doa wurt neit euver gesjtump, aldus Rene. Peter: Hei, haet Matje dan gein dubbelrol? Senior Advisor én lid van de RvC. Mat: Nae, nae, apaarte BV s Governance-structuur Versjillende leje doon doa op waal unne oproup om sjematische weergave van de nuuj governancestructuur, want de diverse wisselingen, nuuj opgerichte organen en veule engelsje termen hubbe veur verwarring gezurg. Dat sjema wurt es bielage aan de notulen gehecht.

17 Rondjvroag en sjtumme veur sjpeler van ut joar De rondjvroag levert gein nuuj punten meer op. En auch bie de 2 e rondjvroag (speciaal veur spijtoptanten) kump d r allein un opmerking veur Thijs. Die haet d r mit te make dat de sjtumbreifkes veur sjpeler van ut joar door de huidige gouwe sjoon-winnaar mit noa hoes genomme waere. En Thijs houw doa veurig joar un probleemke mit gehad. Thijs: Wult geer effe oplette of d r meerdere luuj zeen die dezelfde veurnaam hubbe? Dan esteblijf auch de achternaam vermelje. Angesj is dat verwarrend. Roger: Van welke naam hubbe veer d r dan 2? Thijs: Will beveurbeeld. Ron: Dat is neit verwarrend want op Will Leurs sjtump toch geine. Noadat jederein zien sjtumbreifke haet ingeleverd bie Stef, wurt de vergadering besjloate. Wonoa nog gezellig wurt noa-geborreld. Rob Sjulpe (stagiair) Willem Thewissen (secretaris)