De Sjter 1 versjleit SHH in topwedsjtried! De Sjter 2 blif maar winne! Rachel van Erp is sjerp! En Jill Janssen opnuuj op de foto?!

Transcriptie

1 De Sjter 1 versjleit SHH in topwedsjtried! De Sjter 2 blif maar winne! Rachel van Erp is sjerp! En Jill Janssen opnuuj op de foto?! Ut woar al mit al un redelijk succesvol weekend veur os seniorenteams. De veteranen en ut veerde houwe niks te voetballe en bleve dus ongesjlage. En de nederlagen van os driede en viefde woorte ruumsjoots gecompenseerd door prachtige euverwinninge van ut tweede (dat maar blif winne!), ut eesjte (dat zich prima revancheerde) en de dames (zie waer unne derby wonne!). Veul nuujts dus waer op voetbalgebied. En minstens net zoveul nuujts euver ut randjgebeure. Mit hoofdrollen veur Graad Smeets, Gerard Martens, Will Leurs, Bastiaan Muijtjens, Rene Gooren en Jill Janssen. Loate veer dus maar sjnel beginne. En dat doon veer dees waek mit os veteranenteam. Dat houw weliswaar niks te voetballe, omdat OVCS de luuj neit biejein kreeg, maar op de groepsapp woar desalniettemin genog leuks te laeze. En dan bedoel ich de groepsapp wo de leuke zaken besjproake waere. Neit dae groepsapp wo al die weike in zitte, die neit oape sjtoan veur de geestverruimende filmkes van Steef en Leon. De waek begoosj veur de vets mit Ron Marchal dae al houw veursjpeld dat Max Verstappen de Grand Prix zou goan winne. Op zondigochtend hoalde hae glorieus zien geliek doa euver. Willem complimenteerde m en goof geliek de oetsjlaag van De Sjter 2 taege Sjarn door. Mesjtreichtenaer Steef van de Woude ging vervolges de discussie aan euver de juiste oetsjproak van Sjarn. Mat Cremers leet doa op blieke dat hae inmiddels auch prima is ingeburgerd in Mesjtreich:

2 Coach Leon maakte vervolgens un rundje langs de troepen om te vroage of d r nog aafmeldingen woare. Gerard constateerde dat de eesjte opmerking aafkomstig woar van ein van de usual suspects:

3 Marc Lacroix deilde op de app un foto van un voetbalelftal, wo op ein van de vets figureerde, mit de vroag wae de bekende vet herkende: Stefan Janssen zoog geliek dat de 5 e van links boavenaan, nemes minder dan veteranenvedette Will Leurs woar. Willem en Ron meinden abusievelijk nog emes te herkenne op die foto: Regelaer Willem Thewissen moosj vervolges helaas sjlech nuujts brenge. OVCS kreeg de sjpelers neit biejein en dus veel d r niks te voetballe. Gelukkig volgde al sjnel goud nuujts van Gerard Martens. Hae deilde un facebook-bericht van Mia Leurs euver ut wel en wee van heure Will:

4 En gelukkig koosj Will op veul sympathie raekene op de groepsapp:

5 Oeteindelijk zoot d r veur de meeste vets niks angesj op dat maar noa de angere seniorenteams van os clubke te goan kieke op zondig. Gelukkig houw Willem Thewissen dat auch gedoan, want dat leverde nog un sjieke foto op van sjteunend veteranen-lid Graad Smeets, dae volges Willem verdach veul weg houw van joare 60-tv icoon Festus: Och, en dan zou ich bienoa nog de letste update vergaete te gaeve van de liefdesperikelen van Gerard Martens en zien Esther. Dennie Vorstermans houw dees waek nog get op facebook veurbie zeen komme van os nuujste tortelduufke en heur gries doef: Van de veteranen sjakele veer euver noa os driede. Vanwaege de vakantie van Rene Gooren woar d r in ut veurige versjlaag geine input van de mannen van 3. En dus ben ich uch op de eesjte plaatsj nog de namen van de doelpuntenmakers van ongerhauve waek geleje versjuldigd:

6 Noe zouwse zegke dat Rene dees waek waal un versjlaag zou aanlevere. Bliekbaar woar hae echter nog te vermuijd van zien waekse Mallorca. Dus volsjting hae waer mit de vermelding van de doelpuntenmaker in de 1-4 nederlaag taege VV Sittard 3. Drie keer roaje wae die goal houw gemaak Oh joa, en Rene woar auch geliek benuujd noa de update van ziene doelpunten-competitie mit zien vriendin (en dames vedette) Samantha Vanhouwe. Rene kreeg positief nuujts en dus ligk hae goud op sjema om dae ongerlinge sjtrijd te winne en dus de vakansie-besjtumming kommende zomer te moage oetzuike:

7 Nou Rene, volgende waek hoapelijk un fatsuunlijk versjlaag van de wedsjtried van ut driede. Dat verdeine dien mannen. En dat wulse de troewe laezers toch zeker neit onthaute. Ich raeken d r op, aangezeen d r aafgeloupe zondig al sjterke signalen kome van dien Samantha dasse al get sjloap hubs ingehoald: Van ut driede goan veer neit door noa ut veerde, want die houwe dit weekend niks te voetballe. Nae veer sjakele euver noa ut viefde. Die moosjte thoes aantraeje taege RKDFC/Doenrade 4 en deige un beroep op onger angere Ralph Doek van ut veerde om oet te helpe. En Gladiator Doek is natuurlijk ummer bereit om oet te helpen EN om auch nog ens un net versjlaag in te levere, ondanks de geleje nederlaag. Klasbak! Trainers Michel op de Camp en Bart Pantus van ut viefde houwe un sjone opsjtelling oet de hoge hood getoverd en dat resulteerde in un sjterke oapeningsfase. Helaas moosj d r veur de rust waal al eine keer gewisseld waere omdat Niek geblesseerd oetveel. De veldjbezetting woar vanaaf dat moment es volgt:

8 Kis: De lange Paes Achter: DJ Stan, Eelco, Andy (NL) en Andy (Be) Midden: Danny, Doekie, Pantus en Jenkie Veur: Angelo en Michel Ozze mannen van 5 woare de eesjte helf de boaveligkende partie en d r woar eigenlijk gein voelke aan de loch. Unne sjone veurzet van Jetlag Pantus belanjde op de kop bie Jenkie Jevric en dae knikte in de sjtiel van Zlatan keihel de 1-0 binne. Noa de rust woar ut de bedoeling dat sjnel de 2-0 gemaak ging waere. Dat houw namelijk eigenlijk al veur de rust tot 3x toe motte gebeure. Helaas pakte ut angesj oet en veel de 1-1 al sjnel. Un minuut of 10 later veel Bart Pantus geblesseerd oet en begoosj ut te raegene helaas neit allein water oet de loch maar auch doelpunten achter De Lange Paes. Binne 15 minute sjting ut 1-5 en woar ut gedoan mit de inbreng van os jonges. Eindoetsjlaag woar 1-6. Sjeidsrechter Devon (dae prima floot) verloste os jonges veurtiejig oet hun lijden door sjoon op tied aaf te fluiten. Conclusie van Ralph Doek: Eesjte helf toch maar sjwoan gewonne mit 1-0! Kommend weekend nuuje kansen, mannen. Succes! Van de legere elftalle sjakele veer euver noa ozze ladies. Die verdeine zeker de aandacht want ze sjpeelden veur ut tweede weekend op riej unne derby. Noa de moeizame euverwinning op Haslou van un waek eerder, sjting dit keer unne thoeswedsjtried taege Caesar op ut programma. Unne thoeswedsjtried dae euveriges woort gesjpeeld bie Havantia, omdat os damesteam natuurlijk formeel un combinatie-team is. En aangezeen veul van de sjpeelsters in Maes wonen, beteikende dit auch dat de meesten toch 5 minute extra sjloaptied houwe. De dames houw qua personele bezetting te make mit taegevallers. Yaël woar geblesseerd en Kimberly koosj auch neit mitdoon. Op zondigmurge meldde Dyonne zich auch nog aaf mit un blessure die ze zoaterdignach bie Cafe de Poart houw opgeloupe. En dat auch nog ens taege unne taegesjtenjer dae nog alles houw gewonne tot aafgeloupe weekend. Ozze dames sjtartten sjterk aan de wedsjtried en kome terech op veursjprong. De bal koom veur de veut van Rachel van Erp en die paerde m richting goal. En alle dames weite: es Rachel unne bal op de sjlof nump, kenne d r twee dinger gebeure. Ofwel de bal kent 10 seconde later oet de pool gevusj waere of. Hoppa onhoudbaar 1-0 veur ozze ladies! Ut woar unne heerlijke wedsjtried om te zeen. Beide teams sjpeelden prima, d r woar veul sjtried en de sjeids leet lekker veul toe. In de rust woorte dan auch de neudige complimenten oetgedeild, maar woar auch de conclusie dat d r maar sjnel un goalke biegeprik moosj waere. De eesjte fase noa de rust woar un mindere van De Sjter. Ut leek effe sjpannend te waere, totdat de sjterk sjpelende Nikky noa 25 minute de bal kreeg en dem van grote aafsjtandj euver de keeper in ut netje deponeerde. En dat nog waal taege heur ouwe club!

9 Door dae treffer sjteeg ut niveau van ozze dames waer en woort de droad van de eesjte helf opgepak. Bie Caesar houw de taegetreffer unne houp frustratie tot gevolg. Zowel ongerein es auch richting ozze dames. Dat resulteerde op enig moment tot unne vrieje trap. Rachel ummer sjerp Van Erp eiste dem op en knalde m onhoudbaar achter de keepster veur de 3-0!!! Kort doanoa klonk ut eindsignaal. Alwaer winst in unne derby. Klasse dames! En nog sjieker: noe twee waeke niks te voetballe wodoor ze zich vol in ut feestgedruis van de oktoberfeesten kenne sjtorte. Jill Janssen teikende weliswoar geliek aan dat doa gein fotomateriaal van besjikbaar gesjteld zou waere. Dus bie deze unne oproup aan alle rechtgeaarde Sjter-luuj om de kommende twee waeke effe un fotoke te make es geer urges op un oktoberfeest ein van de Sjter dames truf. Van de dames sjakele veer euver noa os vlaggesjip. Dat moosj, noa de zeiperd van veurige waek taege Sportclub 25, thoes aantraeje taege SHH oet Herten. De ploug die os jonges veurig joar nog van de periodetitel aafheel in un rechsjtreeks duel in Sjtein. Tied dus veur wraak. En dae zou d r auch komme. Want in unne wervelende wedsjtried woar De Sjter van begin af aan de baetere ploug. Dit ondanks ut feit dat vleugelflitser Hassan gemis woort in de basis, vanwaege un technisch mankement aan ziene wekker. Coach Maas knipperde echter neit ens mit de auge en brach Mike Haberland in op 10 in de basis. Giel sjoof doa op door noa de plaatsj van Hassan. Mike zou euveriges auch geliek optimaal profitere van zien onverwachse basisplaatsj door unne iezersjterke wedsjtried aaf te levere. Klasse Mike! Euveriges zit d r aan dat optraeje van Mike Haberland waal nog un sjoon verhoal vas. Ich loat dat Randy Wanten mit alle plezeier oetlegke:

10 Ozze jonges sjpeelden zondig neit allein prima maar woare auch nog qua strijdlust en duelkracht 100% baeter es un waek eerder. Grote gangmaker op dat gebied woar Timo Haberland, dae zich ontpopte tot unne woare Ngolo Kanté op ut middenveldj. Veur de ouwere laezers: zegk maar de zjwarte Jan Wouters. En veur de nóg ouwere laezers: de zjwarte Johan Neeskens. De score woort geoapend door Maarten Neuhaus, dae unne prachtige aanval doeltreffend aafronjde.

11 In de periode doanoa volgden d r nog meer kansen veur os jonges. Die leidden echter gein van allen tot un doelpunt, totdat Thijs Nieuwland oeteindelijk waal de trekker euverhoalde en de veursjprong verdubbelde De tweede helft goof eigenlijk utzelfde beeld, al ging SHH waal get opportunistischer sjpele. Maar de Sjteinder defensie goof gein krimp. Oeteindelijk woar ut Guido Rutten dae de 3-0 binnegleej en doamit woar ut verzet van SHH gebroake. De Sjter miste nog de neudige kansen en houw veural auch pech dat de keeper van SHH sjterk keepte en versjillende keren reddend optroaj. Noa aafloup woort sjpelerke van de waek (en hardcore Fortuna-fan! woveur hulde) Levi Hecker op de toafel gezat en woort d r waer un feeske gevierd. Auch auwt sjpeler Paolo di Lernia leet zich, tot genoegen van de sjpelers, nog effe zeen in ut kleidlokaal. Proficiat mannen! Grote klasse. En noe deze lien doortrekke!

12 Opvallende versjiening langs de lien woar euveriges grensrechter Marco Vaessen. Dae haet waarsjienlijk nog un sjprankje hoap dat hae dit sezoen nog minute moag make op 1. Angesj ken ich neit verkloare woaromse es grensrechter sjeenplate zouws aantrekke: Maar effe serieus: Marco is unne echte clubman. Unne klasbak dus, wo veer maar get greutsj op zeen! Ut fotomateriaal van de doelpuntenmakers en van Marco hieboave woar trouwes aafkomstig van ozze hoesfotograaf en secretaris Hein Meijer. Correspondent Randy Wanten leverde dees waek allein un foto aan oet de auw doos. Hae vroog de res van de groepsapp wae ze allemoal herkenden op dees jeugdfoto: Ralph Doek vonj dit un goei gelegenheid om te loate weite dat hae maar in ein emes op die foto geïnteresseerd woar. Jari Knoops woar doa neit zo blie mit:

13 Tja, en dan res os nog maar ein ploug en dat is de ploug die ut sjterkste is begoosj van al ozze seniorenteams. Want noa drie klinkende baeker-euverwinninge volgden tot aafgeloupe weekend twee sjterke competitie-zeges. En auch aafgeloupe weekend woar ut waer pries veur de mannen van 2. Jari Knoops deit versjlaag. Unne must-read! Ozze mannen houwe unne wedsjtried taege angstgegner EHC op ut programma sjtoan. Taege die ploug woare de aafgeloupe joare geregeld punte versjpeeld. Op ut aafgesjproake tiedsjtip woar jederein aanwezig en koosj d r vertrokke waere noa Hoensbroek. Doa aangekomme bleke os jonges eerder te zeen dan de taegesjtenjer. Dus woort d r netjes in de kantine plaatsj genomme en gewach op unne ontvangst dae d r maar neit koom. Luc Spaans besjloot doa op initiatief te numme: hae pakte zien tillefoon en belde ut nummer van de kantine van EHC. Dat gesjprek ging ongeveer zo: Luc: Goedemorgen met de aanvoerder van De Ster 2. Angere kantj: Hallo? Luc: Ja loester ens, wo bliet dae sjleutel van ut kleidlokaal? Veer zitte hie al un keteer. Jederein van De Sjter dach dat Luc un grepke maakte en nemes aan de lien houw. Totdat inens unne man oet de besjtuurskamer koom mit de tillefoon in de henj. Man: Wie is hier die grapjas? Luc: Ich! Man: Hier heb je de sleutel. Klasse Luc! Geweldig!

14 Coach Jean Janssen sjtuurde zien ploug in de volgende opsjtelling de wei op: Kis: Richard Achter: Frusj, Cyrill, Joep en Sevn (Sjoerd) Midden: Mitchell, Randy Walraven, Luc Veur: Steve, Kenny en Hoessein Bank: Bart, Luca en mallorca-boys Frank en Jari Bastiaan woar dus neit van de partie. Enerzijds omdat hae op de bank bie 1 moosj plaatsjnumme, zodat Richard minuten op 2 koosj make. En anderzijds vanwaege un kappersincidentje doordewaeks dat m mentaal dermate geknak houw dat keepen dit weekend onverantwoord woar: Ut begin van de wedsjtried woar heel rommelig. Veul foutieve passes leidden tot onverzurgd voetbal. Maar ja, wat wulse auch mit diene beste opboewer (Jari Knoops) op de bank. EHC zat geliek de toon want gelegenheids-sjpits Kenny woort binne un paar minute mit unne flying tackle getorpedeerd. Allein ut feit dat Kenny zonne bikkel is, zurgde d r veur dat zien enkels neit broke, maar de sjeids wuifde ut gebeure geweun weg. Op ut middenveldj leep Randy Walraven de eesjte helf telkens wie un veugelke zo vriej. Hae houw geregeld goeie passes op Hoessein in hoes maar dae miste aanvankelijk nog zien kansen. Toch woar ut daezelfde Hoessein dae de 0-1 scoorde, auch dit keer op aangaeve van Frank. Noa un kwarteier sjpele veel Mitchell helaas geblesseerd oet. Hae woort vervange door Mallorca-boy 1, Frank ich hub gein ID meer Haenraets (Franks beusj en tillefoon woorte

15 geklauwd op Mallorca. Baeter op dien sjpulle lette esse sjnach op ut sjtrandj ligks te poppe, Frank!). Frank veel veurtreffelijk in es verdedigende middenvelder en kupte mit ziene zjwoare kop menig bal weg oet de verdediging. Noa un hauf oer sjpele woort unne vliemsjerpe counter van os jonges aafgerondj door opnuuj Hoessein. De assist woar dit keer van Steve. De Sjter koosj mit unne 0-2 veursjprong goan rusten. De tweede helf ginge de mannen van 2 door womit ze veur rust geëindigd woare: lekker vriejoet voetballe en achter alles toe haute. De derde goal woar om de vinger bie aaf te lekke. Unne lange bal van keeper Richard woort door Frusj op de borst aangenomme en vervolges geliek deip gesjpeeld op Hoessein dae ziene hattrick completeerde: 0-3! Noa un uurke sjpele koom Luca in de ploug veur Hoessein, dae moosj aafreizen noa Sjtein om bie 1 aan te sjleite. Luca ongersjeidde zich geliek en bedeinde Steve op zien wenken om de 0-4 te scoren. Vlak doanoa woort Luc Spaans nog effe doodleuk door de boarding haer geduujd door de grootste mafkees oet Hoensbroek. Luc moosj zich doa op binne loate verzurge en koom doanoa mit hie en doa get bandages en plijsters waer terugk in ut veldj. Oeteindelijk moch hae toch plaatsj make veur Bart. En auch Jari veel nog in veur Joep. Wiet op ut lets woar ut Steve, dae mit unne prachtige hauve omhoal de 0-5 scoorde oet unne assist van Frank. Un schitterende goal, aldus Jari. Dae toevoegde: en euver die 12 gemiste kansen van Steve zulle veer maar neit kalle haha. Helaas sjtroafde EHC in de letste minuut de einige onoplettendheid van De Sjter nog aaf door de 1-5 te score. Altied klote veur unne keeper. Zeker es dat beteikent dasse net de 0 neit hubs kenne haute. Joep wreef dat noa de wedsjtried nog effe in bie Richard. Joep: Rich, hubse waer geluk dat veer 5x score, he! Ricard: Wiezo? Joep: Angesj heije veer mit 1-0 verloare door dich! Ut ganse tweede zat zich doanoa lekker in de kantine op t Hetjen op gezamenlijk get pinten en baco s te pakke en noa 1 te kieke. Teamspirit waer +20 dus! Klasse jonges! Un letste pluspunt bie 2 is nog dat jongeling Luca aafgeloupe zondig gescoord haet. Weliswoar neit in de wedsjtried, maar waal s oaves in de kantine bie nemes minder dan de vrouw van Peter Peerlings:

16 De aafsjleiter vandaag is gewijd aan ut volgende hoofdsjtuk van de Jill Janssen-Wesly Wanten-saga. Geer hub de aafgeloupe waeke al moage sjmulle van de opeinsjtapeling van klappen onger de gordel die Jill en Wesly aan elkaar oetdeilden. Ut begoosj allemoal mit un suggestieve foto van Jill mit unne baby op de erm, die door Wesly woort ingesjtuurd veur ut versjlaag van de waek. Dees waek un nuuj ontwikkeling. En dat terwiel Wesly helemoal neit in den lande woar en dus gaar niks koosj ongernumme. Gelukkig houw hae unne goeie vervanger geregeld, dae de volgende rechse directe oetdeilde aan ozze leive Jill:

17 Coach Maas, ich zou zegke: houd Roel kommende zondig maar boete de basis, want drie daag langk sjloape oppe bank zal zien fysieke gesjtel gein goud doon. Pes volgende waek! Rob Sjulpe