De Sjter 1 versjleit UOW in unne thriller! Res van seniorenteams vermaak zich prima mit randjzaken! Femieje Lucassen sjtraalt!

Transcriptie

1 De Sjter 1 versjleit UOW in unne thriller! Res van seniorenteams vermaak zich prima mit randjzaken! Femieje Lucassen sjtraalt! Hèhè, veer zeen waer begonne. Aafgeloupe zondig goof os eesjte elftal de aaftrap veur un nuujt competitiejoar, dat ongetwiefeld waer bol geit sjtoan van de successen, sjpanning en sensatie, zowel óp es naeve de velje. En vanzelfsjpraekend krieg geer al die zaken waer waekelijks netjes samengevat in de seniorenversjlage. Gelukkig hubbe de vaste reporters zich de veurbieje twee moanje redelijk rustig gehaute, wodoor de sjriever van dit sjtuk op un rustige maneier aan dit nuuje joar kent beginne en neit geliek aan de bak mot mit 25 oetgetikte pagina s. Mesjiens waal goud om die helden, die d r verantwoordelijk veur zeen dat geer jeder waek van al die belaevenissen moag mitgeneite, nog ens effe te benuime. Names De Sjter 1 kump de input doorgoans van de volsjtrekt onafhankelijke en uutesjt betroewbare gebroeders Randy en Wesly Wanten. Om enig tegengewicht te beije aan die twee moele-maekers, zurg elftalleider Frans Beaujean auch geregeld veur input. Names De Sjter 2 is t veurnamelijk Jari Knoops dae de informatie versjaf. Al gebiedt de eerlijkheid te zegke dat in dat elftal meerdere snitchen zitte die geraffineerd informatie lekke. Bie ut driede is t de ummer vrolijke en ummer zelfkritische Rene Gooren dae in geuren en kleuren verhoalt euver de gebeurtenisse bie zien elftal. Ut viefde wurt op dit gebied prima vertegenwoordigd door coach Mark Habets en living Sjter-legend Ralph Gladiator Doek. De dames waere op papier vertegenwoordigd door Robin Martens, die in de praktijk meestal de informatie doorsjpeelt die ze van Samantha Vanhouwe en Marwa Haddoumi krig. Tja, en de veteranen tot sjlot. Doa ben ich gelukkig zelf deilgenoot van alle flauwekul dae op de groepsapp, bie activiteiten en in t kleidlokaal veurbie kump, en ben ich bovendien op t veldj ummer zelf getuge van de boaveminsjelijke prestaties die op zoaterdigmiddige door gans Zuid-Limburg geleverd waere door dees unieke leden van os vereiniging. Mit dank dus aan alle genuimde luuj (en auch aan al die neit genuimde luuj die bereid woare om un besjamende foto of besjamende info van unne ploeggenoot te deile) zeet geer dees waek waer deilgenoot van al datgeine wat zich in de winjtersjtop haet aafgesjpeeld binne os vereiniging. En dan beginne veer mit de letste training van de seniorenteams medio december van veurig joar. Via facebook woort opgeroupe dat unne gratis flügel kloarsjting veur jeder seniorenlid dat mit n kerstmutsj op koom traine. Drie keer roaje, wae geheur goof aan dae oproup.

2 In diezelfde periode koom d r auch unne oproup binne vanoet de vereiniging veur versjterking van t kantine-personeel. En bie veurkeur moosj dat emes zeen dae helemoal pas binne t idee van de kantine van de toekomst, wo in de vette hap wurt vervange door gezonje gruine versjnaperinge. Emes mit gruin vingers houw dus zeker de veurkeur. Ron Marschal houw in dit kader geliek un ingaeving:

3 Euver Will Leurs woar euveriges in de winjterperiode toch al unne houp te doon. Zo koom Gerard Martens op de facebook van Will s echtgenote Mia t volgende bericht taege: En om dan auch maar geliek waer van t ganse Will Leurs-bashen van Gerard Martens aaf te zeen veur dees waek :

4 Allemoal leuk en aardig van Gerard Martens, dat hae zulke berichten euver angere, mit enig leedvermaak, mit os deilt. Maar mit Gerard zelf geit t auch sjteeds wiejer bergaaf. In t noajoar van 2016 is hae al noodgedwonge motte verhoeve van zien veurmalige woning op 43 maeter loupaafsjtandj van zien sjtamcafé De Poart, noa de boavewoning van De Poart om zien broze lichaam de dagelijkse wanjeling te besjpare. Maar eind december bleek dat auch de wanjeling van zien nuuje woning noa zien sjtamcafé te zjwaor woar om te vout aaf te legke. En dus koosj t zomaar gebeure dat Gerard op de fits in t café woort gesignaleerd, mit n versjnapering veur ongerwaeg in t boodsjappemendje aan t sjtuur:

5 Van Gerard Martens goan veer euver noa Randy Wanten. Dae deig in de nach van zoaterdig 17 op zondig 18 december un ontdekking en maakte ziene brouer Wesly doa geliek deilgenoot van: In datzelfde weekend houwe os Oranje handjbalvrouwen de EK-finale helaas verloare. De prestaties van de Oranje dames woare door gans handjbal-lievend Limburg hartstochtelijk gevolg. Frens Coumans tilde dat hartstochtelijk volgen (van mit name keepster Tess Wester) echter noa n gans anger level:

6 Op transfergebied woar d r eind december auch goud nuujts. De Sjter 3 verwelkomde namelijk heur vedette Tom Kluijtenberg terugk van n oetleenperiode aan de Australische driedeklasser Ball on the roof Sydney F.C.: En De Kluut, zo wie zien matties m nuime, houw geliek n geweldige actie in hoes:

7 Emes dae helemoal niks mitkreeg van al dees besjlommeringe in Sjtein woar veteranencoach Leon Pep Fredrix. Dae houw namelijk, in t kader van zien haufjoarlijkse huwelijkswiedergutmachungs-apk, wermere oorden opgezoch mit zien lieftallige eega: Inmiddels woar t 2017 gewoare en begoosjte diverse seniorenteams mit hun veurbereiding richting de tweede sezoenshelft. Zo wirkten de mannen van 1 un heel aantal succesvolle oefenwedsjtrieje aaf taege hoofd- en 1 e klassers en zelfs taege un talententeam van Roda JC. Un wedsjtriejereeks die ongesjlage woort aafgewirk. T geheim wapen achter die successes? Dat is ongetwiefeld t van de Beesten van 3 euvergenomme idee van t kruidenbittertje in de tesj van de verzurger:

8 Chapeau veur de mannen van 1 die un prachtige reeks neerzatten deze winjterperiode. En auch de mannen van 2 houwe un succesvolle oefenreeks deze winjter. En doa koom gein kruidenbittertje aan te pas. Waal de neudige baco s, zo wie Tim Sipers dreug constateerde in de groepsapp van 2: Wiejer houwe de mannen van 2 sjpas mit t ploage van keeper Bastiaan Muijtjens. Dae woar un weekend vriegesjteld van de training bie 2, omdat hae sjmiddigs moosj keepen op ut eesjte. Wie dae wedsjtried, vanwaege de vorst, aafgelasj dreigde te waere, houw Luc Spaans un briljant idee, dat voal bieval kreeg van zien ploeggenoten:

9 Bastiaan bleek un goeie reje te hubbe om doa neit in mit te goan. En hae kreeg bieval van Marko Jevric dae n briljante parallel trok:

10 Randy Wanten amuseerde zich op dat moment opperbest mit zichzelf en maakte os allen deilgenoot doavan:

11 En Rene Gooren maakte os deilgenoot van zien woordgrepkes op Tindr: En net op t moment dasse denks: ach, die haet hae neit zelf gesjreve. Dat is geweun get wat van internet gepluk is, volg d r eine mit de punch-line, dae maar door eine persoon op t westelijk halfrondj gebroek wurt:

12 Tja, en wiejer? Wat gebeurde d r wiejer nog allemoal in deze winjtersjtop? Unne haup, zo wie ummer. De hallenmasters doerden dit joar, vanwaege t vervaelend valle van de feestdagen, extreem lang, maar woare niettemin waer succescvol. En daobie woar ein van de leukste toernooien toch waal de Mixed-oavend van de seniorenteams van De Sjter. Al mot doa waal bie gezag waere dat de opkomst vanoet De Sjter 1 en De Sjter 2 toch waal teleursjtellend waor. Gelukkig hele mannen wie Bart Linders, Roel Heffels, Jari Knoops en Joep Nacken (en ongetwiefeld nog un paar sjpelers van 2 maar t is alwaer zo lang geleje dat mien geheuge mich in de sjteek leet) de eer veur de selectieteams hoog. Dan hubbe veer natuurlijk nog de nuujjaorsreceptie gehad, wobie un aantal leden gehuldigd woort vanwaege jubilea. En wobie auch ozze nuuje veurzitter, Raymond Dukers, woort veurgesjteld aan de leje. En Raymond moch un waek later al geliek de hamer oppakke om de joarvergadering te leiden. Un joarvergadering euveriges wobie de opkomst enerzijds taegeveel (Roger Daemen houw zelfs neit de muijte genomme om emes te machtige om names heum te klage euver de contributie veur de veteranen), maar angerzijds auch de oetsjproak van Willem Thewissen volledig terech is: Es d r weinig luuj op un joarvergadering zeen, dan is dat un teiken dat t goud geit. Es d r sjtrontj aan de knikker is, dan hubse de kantine vol op zonne oavend. Gekaart woort d r auch in de winjter. Geine moderne poker-sjeiss dit keer, maar lekker ouwerwets kwajongen in de kantine. Organisatoren Robert Kraus (deig al ut werk) en Mark Habets (is mich ondudelijk gebleve wat zien rol woar ), houwe unne perfecte oavend georganiseerd mit leuke prieze van sjlechter Ruyl. Ut winnende duo, Noel Maessen en Stefan Janssen, woort noa un bloedstollend toernooi gehuldigd door grote man Kraus: En vasteloavend-zittinge, die hubbe veer natuurlijk auch gehad de aafgeloupe waeke. Bie de Bekker, bie de Poart, in Genhout, in Maes, euveral gove diverse erkende zoepnaze van os vereiniging acte-de-présence. En vanzelfsjpraekend woort dat allemoal netjes op de foto vasgelag:

13 Noe heur ich uch denke: drie dameszittinge in de aafgeloupe drie waeke? Doe geis mich toch neit vertelle dat veer doa gein éin foto aan hubbe euvergehaute, wo op Sanne zaat op de teek sjteit te danse!?? Ich ken uch gerus sjtelle: Zo, noe hub ich ongetwiefeld nog unne hele houp randjzaken neit besjproake in dit versjlaag, maar ich venj dat veer langzamerhandj motte euversjtappe nog ut serieuze werk. Te beginne mit ozze veteranen. Die sjpeelde in jannewarie un toernooi in Lintjheuvel. Net zo wie veurig joar, woar de aankleijing ter plekke waer perfect. Ut thema woar dit joar Ridders en dus woar de kantien van Lintjheuvel omgeduip in n Middeleeuws kastjteel. Unne grote piloar midde in de kantine, mit kiekgate op oog-heugte, trok geliek de aandacht van Ron Marschal. Dae leep op dae piloar aaf, drukte zien lichaam d r taegenaan en zei: Ich ken dit oet de parenclub, jonges. Allein zitte die gate doa op un anger heugte.

14 Mat Cremers woar auch aanwezig en begoosj euver de joarvergadering van de veteranen in maart te vertelle. Mat: Ich ken dan zelf neit aanwezig zeen want ich zit veur t werk in München, maar veer goan zurge dat v r kenne skypen zodat ich tóch vanoet München versjlaag ken oetbrenge vanoet de feestcommissie. Gerard: Skypen? Mat: Joa, skypen, Gerard. Witse neit wat dat is? Gerard: Ich ken waal skippyen, maar skypen? Vervolges mochten alle teams zich goan omkleije en woort dudelijk dat de Sjter-vets t kleidlokaal moosjte deile mit die van Heidebloem. Die koosjte flink mitlache mit alle sjtomme kal van the usual suspects. Willem: Besse noa de kapper gewaes, Matje? Mat: Joa, ich ben waer noa míen kapster gewaes. De sjoonste kapster van Limburg. Die zei waal taege mich dat t boavenop erg dun begoosj te waere bie mich. Ron: Dat dunne is neit zo erg, maar dat t d r zo weinig zeen waal Willem Thewissen dach effe un luchtig ongerwerp aan te sjnieje maar woort geliek aangepak door Gerard en Ron. Willem counterde euveriges waal waer meisterlijk. Willem: Is nog get te doon dit weekend, jonges? Ron: Vrouwluujzitting murge. Willem: Wo? In de Poart? Gerard: Nae, in de Put auw kut, wat bes doe un sufkut. Doe mos ens in dien eige dörp de deur oetgoan, dan witse auch wo get te doon is. Ron: Joa, dan houfse auch neit noa Groningen toe, om dich doa un wief te goan oethoale. Willem: Ja sorry jonges, ich hub diploma s, ich kom neit op herresitzunge. Gerard: Ut is un vrouwluujzitting sump! Zoepe tot de kut kraak. Vervolges sjneej Ron t muijlijke ongerwerp aan van de aanvaring van Will Leurs mit justitie. Ron: Jonges, komme die escapades van Will auch aan de orde op de joarvergadering? Want ich wul neit mit criminele geasocieerd waere. Ich num toch aan dat dae geroyeerd geit waere, he. Veer zitte hie neit bie de Bandidos. Sjpeler Heidebloem: Euver wae hubse t? Mat: Will Leurs. Sjpeler Heidebloem: Oh joa, dat hub ich geheurd. En ich zeen dat geer ziene naam auch nog op uch shirt hub sjtoan. DJ Will. Haha.

15 Ron: Ich realiseerde mich onlangs pas wo dat DJ eigenlijk veur sjteit. Sjpeler Heidebloem: Enne? Ron: Drugs Jongen. Sjpeler Heidebloem: Dae is goud. Ron: Wat bes doe dich trouwes veur sjtrakke wielrenbrook aan t aantrekke. Die ligk toch al in de kas van veurdasse get sjteviger bes gewoare. Esse dalik unne helle krigs, dan trek r dich in t votloak. En vanzelfsjpraekend kome de blauwe veteranen-kostume, die Mat al un joar geleje zou goan regele, waer ter sjproake. Willem: Zeen die kostume al vaerdig, Matje? Mat: Geduldj mannen, geduldj. Doa kom ich op de joarvergadering op terugk. Ron: Geduldj? Veer hubbe al twee joar geduldj. Dalik kloppe de moate neit meer, omdat ich ben gegruijd. D r koom auch nog get Fortuna-nuujts veurbie, ondanks de aafwezigheid van Fortuna-fan bie de veteranen, Marc Larcroix. Willem goof de veurzet, Roger Daemen kupte door en Ron ronjde koeltjes aaf. Willem: Ich loos dat Royston Drenthe in beeld woar bie Fortuna. Roger: Dat klop. Dae houw zich eesj bie os gemeld, maar veer hubbe ledensjtop. Ron: Én dae haet un lelijke vrouw. Es veer dan motte rule dan rule veer waer achteroet. Inmiddels woar t tied gewoare om te goan voetballe. Dat ging de vets van De Sjter prima aaf, want noa drie wedsjtrieje taege HBC, Heidebloem en Neerbaek, woare de gael-zjwarten nog ongesjlage. Omdat IVS en un Belsje ploug nét get meer goale gemaak houwe, mochte die de finale sjpele en mochte ozze vets nóg unne keer Neerbaek oprolle om de driede plaatsj te verovere. Noa aafloup bleef t nog lang gezellig in de kantien van Lintjheuvel. Un geweldig toernooi doa mit werme drank en knapperende vuurtjes tusje de wedsjtrieje, lekker werm vleisj noa aafloup en beier in euvervloed. Prima georganiseerd jeder joar! Vanoet die wereldprestatie van ozze vets zeen veer aanbelandj bie t hoofdgerecht van dit verslaag: de wedsjtried van os eesjte elftal dit weekend. Ut tweede en ut driede voetbalden euverige auch, maar die deige dat vriendsjappelijk. Dus doa goan ich neit te voal wurt aan voelmake. Behalve dan t oetdeile van unne dikke thumbs up aan Stefan de Frusj Frissen. Wie r gevoetbald haet, weit ich neit maar aan zien veurbereiding kent t neit gelaege hubbe: op vriedigoavend begoosj in de kantien, doanoa door t dörp in, doa om hauf 3 mit de res van zien voetbalmatties noa boete loupe, de res noa hoes loate goan en zelf 20 minute later un foto sjikke vanoet de Mondial. Ut app-gesjprek wat doa op volgde woar, op zien Stefans, lekker kort en bondig. Speciale aandacht vroag ich veur t letste berichske dat un klein oer noa t eind noa letste woort versjtuurd.

16 Klasse Frusj!

17 Os eesjte elftal trapte de tweede helf van de competitie aaf taege UOW 02, de ploug wotaege in de seizoensouverture nog zo verrassend én teleursjtellend taege woar verloare. Tied dus veur revanche. En die ging d r auch komme! Al woar t mit de hakken euver de sjloot. Elftalleider Frans Beaujean deit versjlaag: De wedsjtried kende un aaftasten begin. UOW trok zich terugk tot aan de middenlien en leet de bal aan De Sjter, dat t initiatief noom. Ut woar echter lestig om gate te vinje in de verdedigende sjtelling van de mannen oet Waubach. Os jonges losten dit op mit sjpel oet t buikske: ut veelvuldig aansjpele van vleugelflitsers Hassan en Thijs, die mit acties hun taegesjtenjers de baas woare en allein via euvertredinge aafgesjtop koosjte waere. Oeteindelijk koom De Sjter terech op veursjprong wie Marko Jevric oet un oneuverzichtelijke situatie veur de goal goud doorzat en koeltjes de 1-0 binnetikte. T sjpelbeeld doanoe verangerde neit. De achtersjtand zat UOW nog neit aan tot offensiever voetbal. Un sublieme versjnelling van Thijs op de linkerflank, brook de wedsjtried nog wiejer oape. Thijs vonj mit unne prima veurzet de perfect noa binne getrokke Hassan, dae de bal in t daak van de goal binneknalde veur de 2-0. Vlak veur rus kreeg de hel wirkende Bob nog un kans op de 3-0, maar de UOW-keeper pareerde prima. Noa de rust sjloop d r onbewust toch get gemakzucht in de ploug. UOW ging noe waal aanvallender sjpele en dat resulteerde binne no time in unne 2-2 tusjesjtand. De köpkes aan Sjteinder kantj ginge effe omleeg en op dat moment kreeg men auch nog unne ongelukkige derde taegetreffer te verwirke. Op dat moment koom Timo de geblesseerde Guido Rutten achterin vervange. Guillermo verving Bob en Youri koom d r in veur Paolo. Achterin ginge ozze mannen 1 op 1 sjpele. Dat brach natuurlijk auch de neudige risico s mit zich mit, want al vrie sjnel counterde UOW geveerlijk en woar t aan Geoffrey te danke dat unne inzet onsjadelijk woort gemaak en De Sjter in de wedsjtried bleef. Ut woar oeteindelijk Hassan dae nog get koosj forceren. Bie un kupduel kreeg hae unne duuj in de rugk wodoor De Sjter unne vrieje trap kreeg op 18 maeter van de goal. Ricardo zat zich achter de bal en knalde m prachtig in de driehouk veur de 3-3. Opluchting alom in Sjtein. Toch nog un puntje gelukkig. Maar Hassan vonj dat nog neit genog. Hae kreeg unne goeie deiptepass op links, sjakelde bie en koosj door ziene directe taegesjtenjer (dae al 90 minute langk solliciteerde noa un rooj kaart) allein nog maar waere omgetrokke. De sjeidsrechter lag de bal terech op de sjtip. Ut woar opnuuj Ricardo dae achter de bal ging sjtoan. Hae bleef iezig koud en sjoot onberispelijk hel raak. BAM 4-3!!!! Nao de wedsjtried woort in de kantine vanzelfsjpraekend un feeske gevierd mit de neudige baco s, pilskes en.. de gebroekelijke breudjes van Ans. En Ans hilt d r dan ummer netjes raekening mit dat sommige jonges geine boter op t breudje wulle. Die kriege dan un apaart verpak breudje, zo wie Guillermo Kroon in dit geval:

18 Ondanks de feestsjtumming in de kantine, houwe twee mannen zich veurgenomme om t neit te laat te make en die twee ginge dus oppe tied op waeg noa hoes: de gebroeders Wanteliç. Allebei woare ze dae middig van hoes gegange in de sjtellige euvertuging dat de anger waal zo sjlum zou zeen om de hoessjleutel mit te numme, want de mam moosj s oaves weg. En dus volgde al vrie vruig in de oavend dit berich: Mit de zelfredzaamheid van die jonges zit t dus waal sjnor.

19 Veer eindigen dit versjlaag mit n prachtig verhoal. Un verhoal euver moeilijke keuzes, euver broedersjap en teamgeist, euver loyaliteit noa dien gezin, euver trots om de prestatie van dien kindj, maar boavenal un verhoal euver leifde. Veer sjrieve eind december. Boete is t koud en binne wurt d r in de Merode gevoetbald op de hallenmasters. Boave in de kantine kik n klein gruupke luuj noa de prestaties van de teams in de zaal. Onger die toesjouwers zeen Robert en Brigitte Lucassen, die kieke noa hunne zoon Ricardo. Aan toafel in de kantine kump t gesjprek op t senioren mixed toernooi dat unne daag later in de zaal wurt aafgewirk en woveur Robert zich nog neit haet aangemeld. Op t moment dat Brigitte op t punt sjteit om noa hoes te goan, deit de sjriever van dit sjtuk nog unne poging. Rob: Doe deis toch auch zeker mit murge, Robert? Robert: Joa, ich wul waal gaer mitdoon eerlijk gezag. Wie laat is dat? Maar op dat moment grip de lieftallige Brigitte in, bezurg es ze is om t voale blessureleed van heure man es gevolg van t voetballe. Brigitte: Doe geis neit voetballe murge! Robert: Ach sjat, wat maak dat noe oet? Brigitte: Doe deis maar, maar esse geis hubse murge un echsjeijing.. Op de groepsapp bie de veterane deig de sjriever van dit sjtuk unne oproup aan de angere vets om toch veural te komme mitvoetballe op t mixed toernooi. Doabie woort n verwiezing gemaak noa Robert: En wat sjetste ozze verbazing unne daag later koom Robert geweun lekker mitvoetballe én Brigitte woar auch geweun d r bie om m in actie te zeen. Mesjiens waal mit get frisje

20 taegezin, maar toch. De waeke doanoa bleef d r onger de veteranen tóch get van sjpanning hange. Veer woare d r neit gerus op wie zich dit zou ontwikkele. Ozze geleifde Robert in tweesjtried tusje zien grootste leifde (Brigitte) en zien op-ein-noa-grootste leifde (voetballe bie de veterane)? Wat veer echter neit wisten, woar dat dae tweesjtried d r achter de sjerme helemoal nooit gewaes is in hoeze Lucassen. En wie koosj dat nog sjoner waere samegevat dan mit déés foto van twee ouwesj, in de kantine van hún clubke, greutsj sjtroalend noadat hunne zoon zien team mit 2 prachtige goale noa de euverwinning haet gesjoate, onger de klanken van Tammy Wynette s eeuwige klassieker Stand by your man : Robert en Brigitte, veer wunsje uch toe dat geer nog minstens 20 joar op dees maneier in de kantine op t Hetjen moag zitte op zondigoavend. Dan kenne veer tenminste auch nog al die joare mit uch geneite van Ricardo in t gael-zjwart. Pes volgende waek! Rob Sjulpe