Seniorenversjlaag: Alle seniorenteams dit weekend ongesjlage!!!!

Transcriptie

1 Seniorenversjlaag: Alle seniorenteams dit weekend ongesjlage!!!! In dit versjlaag blikken veer terugk op ut aafgeloupe weekend en (veur sommige teams) auch op ut weekend doaveur. En wat unne glorieuze terugkblik geit dit waere! Gein enkele nederlaag namelijk veur os seniorenteams aafgeloupe weekend! De veteranen hoalden op zoaterdig al, taege un sjterk Schimmert, mit 2-6 oet en nome de punten mit noa Sjtein. Op zondig deige de angere teams doa nog un sjöpke boavenop. De mannen van 2 boekten un 1-1 gelieksjpel thoes taege Hoensbroek 2, noadat ze veurige waek nog de letste 10 minute van unne eerder gesjtaakte wedsjtried taege Schaesberg 2 winnend aaf houwe gesjloate. Ut driede versjloog Caesar 5 in Baek mit 0-2 en geit heerlijk dit sezoen. Ut veerde potste de vervaelende sjmaak van de nederlaag taege Doenrade van veurige waek (2-4) weg mit un gelieksjpel taege Neerbaek (3-3). En ozze dames hoalden dit weekend waer un punt, thoes taege SVME in unne doelpuntrieke wedsjtried (4-4). De mannen van 1, tot sjlot, houwe veurige waek in de topper nog de punten motte loate aan BSV Limburgia (1-2), maar nome dit weekend wraak door Hoensbroek 2 mit 0-5 aaf te servere. Al mit al dus un weekend mit prachtige resultaten om op terugk te kieke. En doabie auch nog ens voldoende sjaele kal, foto s en angere ongein oet de kleidlokale en ut Sjteinder oetgoanslaeve. Ich waarsjuw uch maar alvas: ut is dees waek waer unne lange. Maar ich beloaf uch dat hae de muijte waert is. Dus zeker gans laeze! Loate veer dus maar waer sjnel beginne. En dat doon veer dees waek mit os driede elftal, want Roy Visschers leverde veur de derde keer in successie un weergaloos versjlaag aan. Klasse Roy! Alveurens vur zullen aankomen bie t volgende verslaag van de beesten van t Driede, hubben vur nog 2 medelingen te doon: 1. Noa un korte stage van Deuce Bigalow bie t driede heat Deuce zelf besloten dat het niveau toch te hoog ligt, plus veur zien nuuje film Deuce Bigalow Mexican Gigolo, zal hea per noa Mexico aafreizen. Vur willen Luc Maas vanoet t driede jell vull plezeer wensen mit zien vervolg van zien wereldreis! 2. Maikel-soldierboy-Melis geit trouwen! In het biezeen van familie, vrung en un delegatie teamgenoten van t driede ging de gooje jong, in t veurlitste, op ein knee (nea dit x neet omdat er get aan de meniscus hou) en Janine had gein ander antwoord dan joa te zigge en hurre soldoat om de nek te vleegen! Maikel en Janine van harte proficiat! Aan de scherpte zou t zeker neet goan liggen dit weekend, Ludi a.k.a. de zeag, en gouden zeag winnaar van seizoen woar langs de Hornbach gegangen om zich get nuu tenjes op de lindzeag te loate zitten. Bewies? Alleh dan:

2 Ja ich heur uch dinken wat is dat veur unne fijne groepsafbeelding dat die jonges hubben, nou veuroet dan, het is Captain Daddy! Noa de neudige versnaperingen mit hopsmaak, werme bitterballen en slechte grappen (joa dat klopt Renée woar dr aug bie in ut veurlitste) woar t zondig dan zo wiet. Caesar woar de tegenstander, ondanks de geringe aafstand woar vur toch weer mit 7 auto s good vertegenwoordigd. De wijke (ralph jansen) had good rekening gehouden mit t wear: mit 3 ongerbreuk, un hummeke, un thermoshirt, 2 paar voetbalzuk en uiteraard un paar heisje had dr t nog ummer koud De wijke.

3 De bouwel en de Nitsj woare wederom compleet aanwezig, en woare dr op gebrand op un good resultaat, zeker gezeen Thijs en Roy waal punten pakte. Thijs verzurgde un gooie werming up en vur gingen zelfs nog un oefening doon mit aafwirke op goal! De trainers woare sjerp! Dan de opstelling van Links noa rechts: Kist: Pascal Driessen Achterin: Fajn menke (Roy), Large (spreekt veur zich, Sjlipper (dea van die keukens), XL Martijn. Middenveld: Wijke (Ralph), Captain Daddy Thijs, Bart 90 minuten pantus, Giebels (de teen) Veurhoede: Bobby en Snooki Bank: Zeag en Grummer op de Brummer Toen vur dachten dat t zo wied woar, ging de sjeids eerst nog ff de bijbel, de koran, en t ganse spelregelboek van de KNVB doornumme mit de aanveurders en vlaggers. De wijke had t ondertussen alweer koud en vroog of eemes un hittelamp bie zich hou. Oeteindelijk woar t dan toch zo wied, gaas op dea lolly. Veer hadden aaftrap en doa ging vur. Vur speelde de bal gecontroleerd rond, luu werden gecoached en de opstilling sting wie un hoes. Dr werd gewerkt en vur hadden de wedstrijd good onder controle. Wo t voetballend neet lukte werd de lange bal un aantal keren good gehanteerd, mitname bobby en de teen hadden de motor good wermgedreijd en wie un gazelle vlogen ze euver de zwarte korrels van t kunstgraas. T leide hie en doa waal tot get kenskes maar nog gein oetgesproken missers te melden (of goals). De teen stootte good door aan de rechterkant en kreeg via pantus de bal mit get geluk oeteindelijk bie snooki terecht, dea missjien neet groot is maar waal vecht wie un bergkat. Snooki koos de bal vasthouden en zoag captain Daddy aankomen sturmen, maar sjus wie snooki de bal veur thijs op zien rechter wou kloarliggen had Thijs dit neet verwacht en helaas keem t neet tot un sjot op goal. Caesar hanteerde eingelijk allein mer de lange bal omdat vur dr kort opzoate en hun weinig ruimte goave. Gelukkig veur t driede hubbe ze bie Caesar Brando Bocken in de spits laupe, wo dea jong waal good is in zwumme is t voetballend gezeen toch get minder. De bal koos telkens good verwerkt weure door t centrale duo Large en de Sjlipper. Noa un euvertreding van Caesar op os ongeveer un 10 meter euver de middenlien, ging Martijn achter de bal stoan. Gein idee woarom, dit wist hea zelf aug neet mer ach probeer mer uns. Ongertussje mocht t fajn menke mit noa veure, Captain Daddy brulde m letterlijk veuroet. T fajn menke stelde zich verdekt op randje 16 op heugte van de tweede poal. Martijn noam de vrieje trap reep doa bie nog: Roy komt ie. Eederein dach wss joa t zal waal. Maar t woar unne gooie vrieje trap dea zo tot randje 5 meater doorzeilde. Ongertussen woar Roy eigenlijk gedachteloos ingelaupe leep tussen 2 verdedigers weg en dook vlak veur de keeper op, wonoar mit de kop de bal good omlaag knikte en de keeper kansloos woar. BIEM! 0-1! Gezeen dr neet zo vull scoort wis dr duudelijk aug neet wat te doon mit juichen, un paar heandjes geave, unne glimlach noa vrouwlief langs de zielien en dat woar t. Caesar woar dr duudelijk van slaag van want ze wisten t neet. Nog gein 4 minuten noa de eerste goal werd de bal good veroverd door Martijn en goaf dr m aan Captain Daddy dea had al gezeen dat de teen al op de vespa zoat. Mit un afgemeten deeptepass door de loch, woar de teen zeker van zien zaak en lag de bal langs de keeper t

4 netje in! GOLASSO! 0-2 veur de ster! Zouden de trainers dan toch hun eerste succes goan behoale?? Noa de snelle goals kakte t toch get in. Caesar werd neet meer zo fel onder druk gezat en doadoor kregen zie ruimte dit in combinatie mit unne sterk spelende nummer 8 op t middenveld zurgde dit veur minder controle veur de ster en meer druk van Caesar op ozze hilft. Noa unne bal van Caesar op de boetenkant van de poal en sjot dat pascal klem had, gebeurde dr neet vull. De sjeids floot good allein sommige dinger deeg dr bitje raar en tegenspraak dulde dr al helemoal neet. Hea woar aug duudelijk neet gewind mit de fanatieke aanhang van t driede. Ger roajt t al! Inderdaad gans good Frans Janssen! Altied weer doa, altied weer fanatiek en recht veur zien raap! Dat koosj de sjeids get minder waarderen, noa dat Frans un aantal keren zien meining had gegeven euver diens performance vong dr t good. Hea sproak Frans streng toe en zei dat t kloar moos zeen. Merja ger kint Frans als dr get neet moag to be continued.. Zonger echt nog grote kansen trokken vur de kleidkamer in, mit 2 goals veur en de 0 behouden leek dr niks aan de hand. In de rust werden 2 wissels doorgeveurd fajn menke trok t trainingspak aan en Grummer op de Brummer ging op linkshauf spelen wo bie de wijke un linie zakte en op de back ging spelen. De zeag keem dr in veur snooki en ging de spits in. Noa de rust woar dr neet vull truuk te herkennen van de ploog die veur rust alles zo good onder controle had. De zeag doa in tegen woar metein good aanwezig, nog gein 5 minuten noa rust woar slechts un knal van puure zeagnoppen op de sjeenplaten te heure en ging dr unne jong tegen t kunstgraas, MEEKEND, de zeag goaf un hendje, knipoogde noa de sjeids en keem dr mit weg. Slechts un paar minuten later woar de volgende aan de beurt, de zeag keem get te laat en t volgende slachtoffer woar bekend, maar wie unne echter Van Bommel kump de jong dr gewoon mit weg. Vanoet de Ster werd de bal werd eigenlijk allein maar noa veure geroeid en vur keeme vanaaf t begin al flink onger druk te stoan. Dit leidde eigenlijk neet tot hele grote kansen, waal flink get sjooten van afstand die richting miste of veurzetten die Pascal wie unne kleidoefsjeeter oet de loch plukte. Totdat de teen good op de rechterflank werd weggestuurd. Hea sjudde de verdiger aaf en reed op de vespa zo door noa de goal. Mit de teen chipte dr de bal als t waare noa de goal de keeper wist t al neet meer toen dr de vespa aan keem pruttelen. Maar helaas chipte de teen de bal tegen de lat. Veur de rest woar t veurnamelijk Caesar dat aan t drukken woar maar dit leidde neet tot succes. Frans Janssen bleef oorlog maken langs de lien en toen had de sjeids t gehad. Frans moosj vertrekken, nog neet eerder veurgekomen maar hie is dr dan, de eerste supporter in de geschiedenis van III werd weggestuurd. Frans de blis unne held, want wie t unne gooie 12 e man betaamd ging dr rustig vanoet de kantine ff verderop alsnog noa de wedstrijd kieke. Verder gein spannende dinger meer om verslaag van te doon. Caesar werd door strijd en ploegwerk good tegen gehouden wodoor ze neet meer tot scoren keemen. Unne leuke pot! Wo bie de zeag waal weer gestegen is in het goudenzeagklassement en Frans Janssen un stadionverbod is opgelaupe in Beak. Veur de trouwe lezers, tot volgende weak!

5 Grote klasse, mannen van 3! Hulde veur ut versjlaag en hulde veur de euverwinning. Mit un nette plek in de middenmoot es gevolg. Keep it up! En dit weekend hubbe ozze mannen van 3 auch al hun eesjte versjterking veur ut nuuje sezoen vasgelag. Klasse mannen. Dae zal zich probleemloos aan uch niveau aanpasse: Van ut driede goan veer noa door noa de mannen van 2. Die houwe veurige waek auch al gesjpeeld. En dit weekend opnuuj. Veer kieke terugk op beide wedsjtrieje, want angesj haet Jari Knoops veur niks dat versjlaag van veurige waek getyp. Loate veer doa dan maar mit beginne: Vandaag sting ut restant oet taege Schaesberg op ut programma. Ut eerste gedeilte woar gestaakt bie unne 2-3 standj veur os noa 76 minute. Op vriedig werd, al dan niet bewust, getraind op graas. En op die training mochten veer auch un nuuje exotische versjiening verwelkomen, in de persoon van Henry Rojas oet Venezuela. Hae woont sinds 2 joar in Nederlandj en sjpruk al good Nederlands. Hulde hieveur. En taege un belke trappe kent hae

6 auch prima. Wiejer woort d r sjerp getraind om helemoal kloar te zeen veur dat keteerke voetballe aan de voot van Snowworld. Ver ginge mit maar leefs 16 moan doa haer om te loate zeen dat ver hie koame om de punte te pakke. De opstilling woar es volgt: Kis: Bastiaan Achter: Kenny, Stan, Joep en Quinn Midde: Yordi, Frank en Cappie Cyrill Veur: Gooren, Erik en good old Stevieeeeee Krijgsman Bank: Mirko, Jason, Luca, Frusj en Geoffrey Vlag: Erhan Ver begooste apaart mit eine opstuutbal op de middellien. Rene ging erbie stoan en won de bal door mit ziene bal de wedstriedbal mit te numme. De toon woar gezat! Sjaesberg ging pompen en De Ster verdedigen. Dit leidde tot ein aantal meugelijkheden en eine sjeut tusje de poale dae Bastiaan vakkundig pareerde. Erik woar topfit en wou tiedrekke. Hae wol vol euvertuging de bal wegsjuppe en ramde dat dingk. In plaats van richting veld 6 ging de bal echter 30 maeter noa achtere richting os eige goal wo Quinn gedwonge woar om de bal euver de zielien te kuppe. In de 89 e minuut (sjpeelminuut 13 van vandaag) woort Rene gewisseld veur Luca. In de 95 e minuut woort Steve op de brommer deep gestuurd, lag de bal veur en Luca sjoot m taege de touwen: 2-4, einde wedstried. Goeie inzet en de 3 punten binne. En doanoa deige ver wo ver ech good in zeen: de derde helf lang rekken, mit Rene op de karaoke in de kantien

7 En de res van de bende op de dansvloer: Tot zover dus ut versjlaag van de 15 minute van veurige waek. Maar aafgeloupe weekend moosjten de mannen dus opnuuj aan de bak. Dit keer taege Hoensbroek 2. Un versjlaag van dae wedsjtried ken ich uch helaas neit presentere. Op dat gebied woort d r veural mit vingers geweze noa elkaar door de vaste correspondente van 2. Gein probleem mannen. Normaliter kenne veer ummer op uch raekene. Unne keer euversjloan is gein

8 probleem. Ozze mannen van 2 behoalden in jeder geval un punt taege Hoensbroek mit un doelpunt gescoord door Frank bitterball Haenraets. Klasse mannen! Oh joa, en Rene leet waal nog effe weite dat Bartje Linders noa aafloup in de kantine effe sjtiekem haet gehuuld vanwaege de nederlaag van Feyenoord in de klassieker. En dat Frank noa aafloup van de wedsjtried taege Hoensbroek nog effe de hulk houw oetgehange in un opsjtootje. Twee zaken die Rene prachtig illustreerde mit behulp van Microsoft Paint 1986: Van ut tweede sjakele veer door noa ozze dames. Die houwe unne zjwoare kluif op ut programma sjtoan thoes, want koplouper SVME koom op bezuik. Sjeidsrechter van deins woar de joarige Robert Kraus. Dae sjluwe vos houw sjtiekem ingesjat dat ut bes henjig is om dich te loate inroostere veur unne dames-wedsjtried esse joarig bes. En gelukkig veur Robert ginge ozze ladies volledig mit in dit plannetje van Robert, dae van alle dames drie kusse kreeg veur de aaftrap:

9 Jill deit versjlaag van de wedsjtried: Opstelling van deze zondag waas: Maartje Sjarel - Jill - Dyonne - Souad Quinty - Siri - Rachel Demi - Bo - Samantha Metein in de eerste minuut kreeg Bo ein gooje kans, wat helaas net neave ging. Neet veul later in de 8e minuut koam de teagestander good oet en redde Maartje os van ein teage doelpunt. In de 16e minuut koam de 2e grote kans van ozze kant, maar Demi kon os helaas neet op veursprong brenge.. Ver hubbe trouwens eine boete pot wo bie aug Het missen van ein grote kans heurt.. Deze boete pot begint al good op te loupe haha.. Ein minuut later scoort de teage stander, gelukkig woar de grens good wakker en zoag dat t boetespel woar, aafgekeurd dus! Bo maakte ein hele mooie actie, maar miste oet eindelijk aug de grote kans de bal koam bie Rachel in de veut en aug miste zie ein gooj kans! $ tjing tjinggg $.. In de 22e minuut dan eindelijk, Demi maakt ein sjwan actie wo oet Bo de 1-0 kint maken! Helaas vilt 2 minuten later alweer de Joaaa in deze wedstrijd zin genog doelpunten gevallen, duss blief leaze! Helaas is t eerst volgende doelpunt ein teage doelpunt van afstand 1-2. Kraus woar ozze sjeits, hea woar joarig, maar op tijdens t fluiten woar hea neet zo ein feestje... in de 31e minuut kumt Cindy Nel in t veld veur Quinty. Dyonne moag eine vrieje trap numme, wo de bal oet eindelijk terecht is gekomme, gein idee, hea ging in eedergeval flink de verkeerde kant op! Gelukkig hubbe veer de foto s nog.

10 Bo weurd meerdere keren flink in de rug geduuwd, maar de sjeits hej zien eigen feestje en floot hiej geine eine keer veur, maar es ze lieverdjes van os team get deege wis hea die fluit waal te vinje! Dit tot ergernis aug op de bank.. Ich dink dat dit ein deuk in de Bromance van Tom de keul en Robert Kraus head opgeleverd!! Haha.. Vlak noa rust kreege ver de 1-3 onder die naas geduujd. Alsof de hemel oape sprong woor noa deze teage goal t spel van ozze kant feller en woar t voetballen weer teruk! Nikky kumt in t spel en Demi kumt gezellig op de bank zitten. Dyonne wou heure sjeive pegel good maken, en joawaaal ich mot zegge dat deijt ze good! Vanaaf de middenlijn knalt ze prachtig de 2-3 benne! Maud kumt in t veld veur Samantha. Souad en Nel zitten good in hun taak betreft het verdedigen. Sjarel kriet nog ein grote kans maar aug deze beland neet in t netje $ tjing tjinggg $.. Dyonne en Bo moage nog eine vriejetrap numme maar deze weurd neet benut. En toen koam t volgende teage doelpunt 2-4. Godverdomme, doa zin ver t natuurlijk neet mit ins en Bo maakt dan aug snel drnoa de 3-4! Maartje maakt nog ein mooie redding en de

11 wedstrijd lupt op t letste.. en toen woor de sjeids wakker!! Weer ein euvertreding op Bo net boete de 16, vriejetrap! Zou t dan toch nog in de letste minuut? Dyonne moag m numme, en in deze wedstrijd kint dat letterlijk alle kanten op hahaha, maar hoppa, Dyonne maakt de 4-4 en t fluit signaal klinkt, einde wedstrijd! Toch nog mooi teruk gekomme en ein puntje gepakt teage de koploper! Lekker dames! Un puntje taege de koplouper. Dat geef goeie moud om kommend weekend ens unne lekkere driepunter te pakke! Van de dames goan veer door noa de mannen van 1. Die houwe veurige waek nog de topper taege koplouper Limburgia jammerlijk verloare (1-2; doelpunt Jeroen van Meyel). Dees waek dus tied veur revanche. En die moosj d r komme in unne oetwedsjtried taege Hoensbroek. De veurbereiding op de wedsjtried woar prima, want ut door coach Maas aafgekondigde alcohol-verbod woort prima gerespecteerd, zo wie captain Davy hie illustreert: Wiejer moag auch vermeld waere dat ozze selectiesjpelers sinds dit sezoen geregeld fungeren es sjeidsrechter bie jeugdwedsjtrieje. Un super initiatief wo veer es vereiniging heel greutsj op zeen. Klasse jonges! En ach ja, dan kent ut waal ens gebeure datse, zo wie Guillermo aafgeloupe weekend, in alle drukte van dat sjeidsrechtere dien voetbaltesj op zoaterdig op t Hetjen leets sjtoan.

12 Gelukkig is d r dan altied assistent trainer Frans Beaujean, dae dich de tesj waer netjes kloarzet veur de zondig: Ut woar dus inmiddels zondig gewoare en de sjpelers en staf verzamelden zich op t Hetjen veur vertrek richting Hoensbroek. Elftalleiders Peter Janssen en Piet Vos woare de sjpulle aan ut inlaaje in ut buske van Dukers, dat sinds kort auch gebroek wurt veur de wedsjtried. D r bleeke nog get greumele in ut buske te ligge, woo op peter de opmerking maakte: nondedjuu, aan die auw brwoadgreumele zou ein eandj zich nog kapot vreate. Marco Vaessen deit beknopt versjlaag van de wedsjtried. In ut Nederlands nog waal: Nadat er vorige week nipt werd verloren tegen titelkandidaat nummer 1, BSV/Limburgia, was het deze week de beurt aan De Ster om af te reizen naar FC Hoensbroek. Een team dat zich iedere week aanpast aan zijn tegenstander. Hoensbroek begon sterk en creëerde dan ook al snel 2 goede kansen, maar die werden niet benut. Na dik een half uur nam Mike Haberland een vrije trap tegen de zijlijn en legde deze vakkundig op het hoofd van Davy Hodselmans, die snoeihard binnen kopte bij de tweede paal. 2 minuten voor rust was het Bob Dukers die de bal terug legde op Boys Stoffels. Die bleef rustig en schoof de bal vanaf de 16 in de korte hoek. Ruststand: 0-2.

13 Na de rust kwam De Ster scherp uit de kleedkamer en na een paar minuten maakte men dan ook 0-3, Jeroen van Meijel die hard uithaalde vanaf de zijkant van het doel en de keeper kansloos liet. Na een half uur in de 2e helft legde Giel Piereij de bal panklaar voor Bob Dukers, die twijfelde niet en de 0-4 stond op het bord. 5 minuten voor het einde maakte Bob Dukers het helemaal af door een voorzet van Guilhermo Langen binnen te koppen. Hij dacht daarna dat het wintercircus begonnen was en zette bij het juichen een act neer waar Epke Zonderland jaloers op zou zijn. Een arabier en een salto. Even later floot de scheids voor het laatst en gingen de 3 punten mee naar Stein. Hoewel De Ster na afloop niet tevreden was over het gespeelde spel, was de uitslag veelzeggend. Volgende week de derby tegen Caesar. Een altijd zware tegenstander, maar er werd de afgelopen jaren meestal tegen gewonnen. Zondagmiddag om 14u30. Klasse mannen. En noe kommend weekend knalle taege die van Baek, zodat geer in de derby s dit sezoen op eige terrein de volle buit binnehilt. Come on! Van de mannen van 1 goan veer door noa ozze godenzonen: ut veerde. Die houwe veurige waek al gesjpeeld en auch aafgeloupe weekend kome ze in actie. Twee wedsjtrieje, en dus auch twee versjlage van de honjstroewe reporter Ralph Doek. Laes en geneit. Te beginne mit de wedsjtried taege Merkelbaek-Doonder combinatie: 10.00u zondigmörge op De Ster. väöl te vreug, doa woar eederein t euver ens. t Woar een bietje frishj mér t zunke wermde de spelers al gauw get op! Noud dea veur de eerste kjear moos kiepe dit seizoen omdat ozze keeper in Engelenjt aan t vushje woar, woar zwoa hagele vol gewaes de oavend van te veure dat r neet ens op eige krach noa t hetjen koos komme. Dat glute-vrieje beer bie Tilly sjient nogal zjwoar te valle! Hea wou zich nog effe snel aafmelde s morges, maar doa woort een stekske veur gesjtoake door Stan dea em metein ging ophoale. Achteraaf gezeen hejje ver de jong baeter kenne loate ligge! Vandaag woort d r dus toes gesjpeelt teage de Doonder-Merkelbaek combinatie. 2 versjlage geleeje woare ver nog trots dat ver ongesjlaage woare en de wets, esse d r euver sjriefs geit t bie os meistal de kjear doanoa mis en dat woar auch vandaag t geval. t Eerste keteer leek d r gein vuiltje aan de loch en koame ver zelfs op 1-0 veur. Die van Doonder/RKDFC woar zwoa zenuwechtig datse bienoa alle bel bie os in de veut duujde. De letste man sjoot zelfs de bal bienoa in eige goal. De bal koam truk van de poal en Jenki sting good op te lette en tikde de 1 ste goal binne. Veer dachte inens dat ver Barca woare maar ederein dea os al es haet zeen sjpele wet dat dat neet t geval is en spel woort heel sjnel slordig en onverzörgd en binne no-time woar Doonder/RKDFC truk in de wedstrijd. Bie t de eerste echte sjeut op os goal woar t auch metein raak. Ozze glutevrieje-keeper hej de bal neet ens gezeen, 1-1. t Zunke sting vrie vervaelend en ich hej gezeen dat de keeper ummer get wiet veur de goal sting. Vanoet de aaftrap koam de bal bie mich en ich dach sjeet es. De keeper kreeg de zon in de auge en dea bal belande van een maeter of 40 precies in 't linkerkruus. 2-1 (ich sting d r zelf van te kieke) Lekker geulke wat ich nwoats mjea zal maake, maar wat höbse aan zo n

14 goal esse oet eindelijk verluus mit 2-4. Dasse dea sjus truk woar van vakantie koam nog drin in de 2 e hellef maar dea koos al kappend en drejjend auch t tei neet meer keere. Kort samegevat: TOTALE OFFDAY! Volledig verdeend verloare, sjnel vergaete en door noa t volgende pötje t enigste veurdeil van zwoa vreug sjpeele is datse lang in de kantien kens blieve zitte. Patje dea eigelijk de ganse middig op de bank wou goan ligge woar same mit zien bleumke Pascalle, Stan en Ilona om een oer of hauf 8 nog ummer doa! Wat een helden! Dat moosj aafgeloupe weekend dus un sjtuk baeter. Gelukkig dit keer geine Noud hangover Claessens in de goal. Ens kieke wie de mannen van 4 ut d r volges reporter Ralph vanaaf brachte: Opstelling: Kis: Baron Achter: Danny, Stan, Brian en Doekie Midde: Patje, Brahim, Dasse en Laupwonjer-Johnny Veur: Michel en Ivo Bank: Jenki, Andy de Belshj en Habets (gebleseerd van bie de vets) Afwezig: Diverse aanhangers van FSC & 020 Noa de get mindere wedstrijd van veurige waek, woort d r vandaag een gooje pot op de mat gelag teage Neerbaek 4, woo de gemmiddelde leaftied een heel stök ljeager loag es wie bie os. (Toch een veredeld veteraane team + Brian!). Tot de 75 e minuut, hejje ver de wedstrijd compleet in de henjt. Heer en Meester op alle vlakke! Ver woare door eene penalty

15 dea Dasse zichzelf verseerd hej op 0-1 gekomme en door lekker geulke van Ivo, dea auch veurin good oet de veut kent, op 0-2. In de 75 e minuut noa eene onterechte vrieje trap, drejde de beste sjpeler van Neerbaek de bal oet eene vrieje trap sjwoan in t kruus, 1-2. De conditie begoos os een bietje parte te sjpeele maar nog steeds leep t eigelik waal lekker. D r leek gein vuiltje aan de loch. Oet de volgende sjpelhervatting veel eigelijk oet t niks de 2-2, d r misde get luuj de bal en zonger te kieke veel de bal op de kop van eine van Neerbaek en woar t (gvd) inens geliek! Manmanmanman.. Nemes hej zin om te verleeze want ver speelde gewoon een goeje pot, hjeal vaol inzat, strijd en belaeving! In extremis leeke ver toch de 3 punte mit noa Stein te pakke want in eene heusse scrum veur de goal van Neerbaek leep Andy de bal 5 minute veur tied binne 2-3. Zou t dan toch? Helaas woar dit neet de eindstand. D r leepe get luuj mit kramp en d r woare gein vervangers mjea bsjikbaar want die woare gebleseerd of aan t vlagge. Neerbaek maakde 3-3. Ver hejje gewoon motte winne, zeker noa de 3 gemiste kanse die ver kreege noa de 0-2. Maar good eederein heat d r alles aan gedoan om dat 1ne punt mit noa Stein te numme en de 3-3 woort euver de streep getrokke! Gooje pot gesjpeeld jonges! Noa Barca-Real en 020-Feyenoord woar dit de sjwoanste wedstrijd van deze zunjig denk ich! Good gesjpeeld, Complimentje waerd veng ich Klasse mannen van 4. Geweun lekker bezig dit sezoen. Om Barry Stevens in de soundmixshow te quoten: Vooral doorgaan! Tja, en dan rest os nog maar 1 seniorenteam te besjpraeke: ozze veteranen. Die zoge in de aanloup noa hun duel taege Schimmert waer get aafmeldinge veurbie komme. Meest opvallende woar die van Stefan Janssen:

16 Noe mot geer weite dat Stefans echtgenote Jamilla onlangs is geopereerd en noe get minder mobiel is dus dat verkloart ut ein en anger. Desondanks meldde Stefan zich toch geweun op zoaterdigmiddig in de kantien om mit te goan voetballe. Marc: Enne, toch d r bie? Doe moosj toch sjtofzuige? Robert : Hae geit sjtofzuige op ut middenveldj vandaag. Door diverse aafmeldinge woar ut erg krap in de selectie. En dan woare auch nog ens coaches Willy Worms en Leon Fredrix neit d r bie. Leon woar druk aan ut wirke aan zien huwelijk, getuge un foto van zien eega op de social media: Vanwaege die aafwezigen koom de coaching neer op de sjmaal sjouwerkes van Roger Daemen en moosj ut regele van voldoende sjpelers volledig door Willem Thewissen gedrage waere. Dae deig dat euveriges mit verve want hae houw Mark Habets bereid gevonje om oet te helpe. Desondanks woar d r get kritiek. Roger: Wieveul man hubbe veer Willem? Willem: Ich weit ut neit zeker. 12 of 13 mein ich. Rob (wiezend noa Habets): Witse éch zeker dat veer m neudig hubbe? Tel nog ens goud. Willem: Joewaal, ich houw eesj Jean Maas gevroag maar dae koosj neit. Gelukkig is Mark un zelfde type voetballer. Gelukkig koom auch Ron Marchal bezig. Om zien gezondjheid houwe de veteranen zich immers nog ongerus gemaak wie doordewaeks op L1 woar dat d r un kettingbotsing bie un prive club in Susteren woar gewaes:

17 Intusje woar Roger Daemen zich al de kop aan ut braeke euver de opsjtelling. Paul Janssen maakte un lullige opmerking euver Roger, dae geliek reageerde. Roger: Ha, alwaer unne reserve. Paul: Doa hubse mich neit mit haha. Jo: Esse Paul wuls sjtroave, mosse m de ganse wedsjtried loate sjpele. Misha Dreessen koom 10 minute te laat de kantine in en loesterde nog effe noa de gesjprekke, om vervolges toe te voegen: Jonges, goan veer ens vertrekke want ich kom neit gaer urges te laat. Aangekomme in Sjummert troffe veer doa captain Mat Cremers waer in un unieke outfit aan. Blitse sjoon, netjes driedeilig aan de boavekantj en un legerkleure-boks d r onger Verbluffend

18 Aangekomme in ut kleidlokaal woar Roger nog ummer aan ut puzzele mit de opsjtelling. Ron en Paul woare allebei besjikbaar es keepers. Wobie Ron auch ummer gaer un helfke voetbalt en Paul lever allein keep. Ron: Doe moags auch de ganse wedsjtried keepe, heur Paul. Willem: Maar doe geis geine ganse wedsjtried voetballe dan, Ron! Wie Roger de opsjtelling bekend houw gemaak, ging hae effe ut kleidlokaal oet. Willem: Ich venj dat Roger un bietje homo-echtig kalt. Mat: Maak toch neit oet. Jederein bie os is bisexueel. Allein Ronnie neit. Ron: Ich sjus waal. Bie mich moag gerus unne bookhouwer d r aan zitte. Geine boewvakker want dae maak mich kratse d r op. Willem: Nae maar serieus. Auch die gebaartjes bie Roger volges mich mot hae nog oet de kas komme. Ze hubbe allein nog geine kas gevonje wo hae in kump. De wedsjtried van de vets woar vervolges un juweeltje. Geweldig voetbal taege unne sjterke taegesjtenjer. Sjummert probeerde de ganse wedsjtried hoog druk te zette maar de gaelzjwarten voetbalden keer op keer prima onger de druk oet. Roger: D r woort allein get weinig geloupe op ut middenveldj door Levi en Rob. Ut prima sjpel woort auch in de score tot oetdrukking gebrach want zowel de eesjte es de tweede helf woort mit 1-3 in ut veurdeil van De Sjter voltooid. In totaal dus un 2-6 euverwinning dankzij 2 goals van de fabelachtige Montenegrijn Jenki, un goal van de aartsluie Levi Nelissen, goals van beide wingbacks Denny en Marc, en es toetje unne fantastische krul euver de keeper van de man mit de gouwe pik, Ronnie M. Willem woar noa de wedsjtried kritisch maar auch lovend euver die goal van Ron.

19 Willem: Godmiljaar dat zoog d r houterig oet Ron, veuraafgoand aan die goal. Ron: Ich woar aan ut danse door de 16, man. En wat dachse van de aafwirking? Willem: De aafwirking woar inderdaad precies wie ich dat auch gedoan zou hubbe. Noa de wedsjtried zoog Willem d r op toe dat alle kleijer netjes in de tesje koom, goud-om gedreijd. Willem: Ja weit ich veul wie om die kleijer motte? Levi: Deit Joyce de wesj bie uch thoes? Willem: Joa, Joyce deit de wesj en ich loup mit de hondj. Ron: Dan zeen dus jedere daag twee man teleurgesjteld bie dich thoes. Joyce en de hondj. Levi: Es Willem weg is, kump d r mesjiens unne échte vent langs bie Joyce. Ron: Unne échte vent wach neit mit langskomme totdat Wilem weg is. Noa aafloup in de kantine woort d r heerlijk gesjmuld van de breudjes frikandel en kroket die maar bleve komme. Heerlijk! Gebaald woort d r auch want d r woar oetgekeke noa un lokale Sjummertse schone. Die bleek neit aanwezig te zeen. Willem probeerde esnog get te regele door aan die van Sjummert aan te beije dat veer hunne oudste sjpeler zouwe euvernumme en dan es compensatie die dame d r bie krege. Ron wis neit geliek euver wae ut ging, maar wie ut frenkske veel om wae ut ging, woar zien reactie hilarisch. Willem: Jonges, ut is geregeld. Veer numme heum hie euver en dan kriege veer de vrouw van ( ) d r bie. Ron: Wae? Oh is dat dat squirt-machien? Al mit al woar ut waer unne prachtige zoaterdig veur de vets mit goud voetbal en unne houp sjpas.

20 Ut letste woord van dees waek is gewijd aan un groot verleis wo veer aafgeloupe waek mit zeen geconfronteerd. Vaste volger en supporter van met name os eesjte elftal, Cor Blonk, is namelijk euverleje. Cor koom same mit zien echtgenote Pauline vriewel jedere wedsjtried van os eesjte elftal bezuike, en is de opa van oud Sjter-doelman Robin Heijnen en sjoonpap van oud sjeidsrechter, jeugdtrainer en sjpeler Hay Heijnen. Op 86-joarige laeftied is hae euverleje. Zien aanwezigheid zal zeker gemist waere. Sjiek woar ut om de aafgeloupe waek auch mit te kriege wie Cor geëerd woort door de club die nog nét un sjtreepke veur houw bie m op De Sjter: Fortuna Sittard. De club en supportersvereiniging van Fortuna publiceerde op versjillende kanalen un eerbetoon aan Cor. En ut allersjiekste woar dat de Fortuna fans aafgeloupe zondig in de 86 e minuut, in ut oetvak in Arnhem, un minuut langk geapplaudiseerd hubbe veur Cor. Prachtig! Veer wunsje Pauline, Sandra, Hay, Robin en hun ganse femieje veul sjterkte mit ut verwirke van ut verleis van Cor. En veer hoape hun toch nog geregeld op ut Hetjen te moage begroeten. Pes volgende waek! Rob Sjulpe