Letste seniorenversjlaag van dit sezoen; Dames make nog kans op titel; Giel Piereij bliek oetvinger snelle planga ; Nuuje baan veur Anton Roest?

Transcriptie

1 Letste seniorenversjlaag van dit sezoen; Dames make nog kans op titel; Giel Piereij bliek oetvinger snelle planga ; Nuuje baan veur Anton Roest? Zo, ut sezoen zit d r zo goud es op veur ozze seniorenteams. De veteranen houwe hunne letste wedsjtried al gesjpeeld. En mit nederlagen taege Eijsden 1 (1-0) en DVO 2 (4-0) zit ut sezoen d r sinds aafgeloupe weekend auch op veur ozze selectieteams. Ut driede en veerde kome aafgeloupe weekend auch in actie en leden allebei un nederlaag. Die teams hubbe de kommende waek nog respectievelijk 1 en 2 inhoalwedsjtrieje veur de boeg. En tot sjlot ozze dames Die redden aafgeloupe weekend de eer veur os clubke mit un eclatante euverwinning en de constatering dat men nog ummer kans maak op de titel. Qua resultaten dus un redelijk troosteloos weekend om ut sezoen mit aaf te sjleite qua versjlage. Gelukkig woar d r van vriewel alle teams genog te melje euver ut randjgebeure. Dus zet uch d r toch maar effe lekker veur. Veer beginne dees waek mit de dames. Die woorte op de zoaterdig veuraafgoand aan hunne wedsjtried in ut oetgoanslaeve, zo wie geweunlijk, waer prima vertegenwoordigd door Sanne Boelie Boelhouwers, die dansend op de teek woort vasgelag: Voetballe deige de dames op zondig ochtend taege de dames van de Sjlek. Taege dae taegesjtenjer houwe ozze ladies vrie recent mit pien en muijte geliek gesjpeeld. Ut beloafde dus zjwoar zat te waere. En d r moosj gewonne waere om zicht te haute op ut kampioensjap. Jill Janssen deit versjlaag: Omdat ozze keepster Maartje neet aanwezig koos zeen, verdedigde Dyonne ut doel. Ut spel woar in de beginfase neet geweldig. Ut ging op en neer. Ich weit de volgorde van de goals neet meer zo

2 precies maar in de eerste helft werd gescoord door Samantha en Bo (2x). Auch de Sjlek scoorde 3 kere en dus ginge veer mit 3-3 de rust in. In de rust alles besjproake en weer fris ut veldj in. Clannad houw os in de rust euvertuug dat ze bes koos keepe. Maar noa korte tied (waal 1 mooie redding) moos ze gewisseld waere en de handschoenen euverdragen aan Rachel. Die haet de rest van de wedstried gekeep en maar 1 goal doorgeloate! Toppertje! Aan de angere kant wisten veer maar leefs 4 kansen nog te benutte. Siri scoorde 2x, Samantha nog 1x en os oethelpende toppertje Nikki Kraus auch nog 1x. Nikki voetbalt trouwes baeter es heure pap kent fluite (grapje, Kraus). Aangezeen GKC heure letste wedstried geliek haet gespeeld is d r veur os nog un kans om kampioen te waere. Veer hubbe nog 2 wedsjtrieje te goan en stoan 6 punte achter. Woonsdig en zondig zulle veer dik motte winne om GKC nog op doelsaldo veurbie te goan. Sterker nog: ozze letste wedstried is op 10 juni en dan komme veer extra truk van os joarlijkse oetstapje om te kenne voetballe! Klasse dames, dat is de spirit! Succes mit ugge eindsprint!!! Van de dames sjakele veer euver noa os veerde elftal. Dat sjpeelde heure veurletste wedsjtried van ut sezoen oet taege Sanderbout 3. Ralph Doek woar zelf geblesseerd en woar kort in zien versjlaag: Sanderbout 3 De Ster (2-0) Omdat ver eigenlijk maar 1 hoogtepunt heije in de wedstrijd (un sjwoan goal van Raoul in de kruusing) stuur ich dich maar get angere hoogtepunte van de wedstrijd door. Ich woar geblesseerd en houw dus alle tied om foto s te make: Zwoa loupe Noudje en Michel taegewoordig werm

3 Brahim is bliekbaar kleureblindj en haet zich ingesjreeve bie Majorettegroep Star Light in Stein-Zuid Noudjes veurbeeld haet inmiddels veule volgelinge gekrege. De föhn is veur meerde sjpelers tegenwoordig standaard oetrusting Jup (euvergekomme van Havantia) haet (getuge zien shirt) eigenlijk nog ummer maar 1 club. Al ruip hae veur de wedstrijd sinds kort waal kom op Stein in plaatsj van kom op Maes. En de lange Paes houw ut prima noa de zin. Hae haet waarsjienlijk de res van de zondig juupkes taege sjlechs eine euro veertig zitte wegtikke in Sanderbout. Klasse Ralph. Die foto s motte voldoende positieve reclame zeen om d r veur te zurge dat geer veul geheur goat kriege noa aanleiding van ongersjtoande oproup:

4 Tied om euver te sjakele noa os driede elftal. Dat moosj thoes voetballe taege Havantia 2. Gelet op de 0-7 nederlaag loog ut in de lien der verwachtingen dat d r weinig input ging komme. Omdat auch nog Rene Gooren neit aanwezig woar (hae moosj bie ut tweede mitsjpele) dus helaas niks euver dit team te melje. Loate veer dus maar geliek euversjtappe noa os tweede elftal. Dat houw oet taege DVO op papier nog un kenske op noacompetitie voetbal. Rene Gooren houw vanzelfsjpraekend get te melje euver zien mitsjpele bie 2: Bie ut tweede hub ich Hoessein get extra werk bezurg. Es rechsback hub ic hun flinke sleuf gelope in ut kunstgraas van DVO. Ich heurde dat L Ortye (wo Hoessein wirk) s oaves nog extra zendj onger dat veld haet motte legke om die sleuf op te vulle.

5 Ich vong ut trouwes waal sjiek om mit de litste wedstried van Luc Spaans veur de Ster mit te moage spele! Kenny haet trouwes vas nog waal get aan te vulle. Gelukkig houw Kenny Lemmens inderdaad auch nog get aan te vulle op dit versjlaag. En noe heur ich uch denke: woarom houw Jari Knoops niks te melje euver 2? Nou.. dae bevonj zich zondig in un nog tropischer oord: Bie aafwezigheid van Jari woar Kenny gelukkig bereid de honneurs woar te numme qua versjlaag: De opstelling woar zondig es volgt: Kis: Bastiaan Achter: Rene, Kenny, Hoessein, Stefan Midden: Luc, Bart, Cyril Veur: Luca, Eric, Geoffrey (A-jeugd) Ver kenne kort zeen euver de wedstrijd. De letste kans op noacompetitie hubbe veer neet gepakt. Veubereiding woar al neet top. 1x getraind deze week, jonges wat te laat komme op de wedstrijddag En doabie hoalden veer allemoal neet os niveau wat ver normaal hubbe. DVO is un ploog wat ut toch

6 van de fysiek mot hubbe en doa hubbe veer ut dan auch altied moeilijk taege. Eerste helft krege ver waal ein paar kleine kenskes mer telkens woar de afronding neet good of de keeper stong in de waeg. De 2 e helft krege ver al snel de 1-0 om de ore doordat ver neet mit de man mit leepe. Neet veul later auch de 2-0 oet eine corner. De 3-0 woar mesjien nog typerender veur de wedstrijd van os omdat 2 ster jonges mekaar omleepe koos de spits vriej op Bastiaan aaf: 3-0. De 4-0 veel op ut moment dat bie De Ster eigenlijk al dudelijk woar dat d r niks meer te hoale veel en ut voetballen gestopt woar. Op zich gein verkeerd sezoen veur os. Weliswaor geine noacompetitie gehoald maar dat koom veural omdat veer veul jonges hubbe motte aafstoan aan 1 in de loup van ut sezoen. Oeteindelijk dus veulal gespeeld mit jonges van de A d rbie en desondanks tot de letste sjpeeldaag mit gedoan om de prieze. Ut tweede is doanaeve auch in de kantien gegruijd, elke waek bleve de jonges hangen, zowel oet es thoes. Dat bewiest waal maar weer wat unne hechte groep dit is. En dat is mesjiens nog waal ut allerbelangriekste. En zonne groep motte veer zeker wulle behoute veur os vereiniging. Ut woar trouwes de letste wedstried van Luc Spaans in ut gael-zwart (veurluipig dan). Hae geit veur zien kans bie ein ander club wat veer es team zeer joamer vinje maar waal alle begrip veur hubbe. Luc succes! Danke veur de input Kenny. En doe hubs volkomme geliek. Zo n hechte groep motte veer es vereiniging zeker koesteren. Super wie geer de jong jonges van de A hub opgevange en wie geer uch ut ganse sezoen op en naeve ut veldj gedrage hub. Veurbeeld veur allen! En aangezeen de vets niks te voetballe houwe, rest os dan nog maar ein team te besjpraeke en dat is os eesjte elftal. Dat team besjik sinds kort euver unne nuuje snitch en dae houw auch dees waek waer leuke input. Hae wis namelijk te melje dat Giel Piereij de oetvinjer is van de snelle planga. Veur de ouwer luuj onger os: de hippe zonnebril

7 De naam van deze snitch houte veer nog effe geheim, maar ut is unne kanjer in wording. En bovendien un beest op ut veldj of gaef ich noe te veul weg? Wiejer op de social media veel menigein un foto op van ozze aafsjeid nummende Stan Goossens. Let met name op ut commentaar van ozze auwt coach: De mannen van 1 moosjten aafgeloupe zondig nog eine competitiewedsjtried aafwirke. D r woar nog un theoretische kans op noacompetitie-voetbal, maar dan moosj waal alles goud valle. Te beginne natuurlijk mit un euverwinning van os jonges op Eijsden. Ut lome waer maakde echter al veur de wedsjtried dat de kans aanwezig woar dat ut zou oetdreije op un zomeroavend-potje. Elftalleider Frans Beaujean ongersjtreepte dat door ongegeneerd veur de wedsjtried un breudje vette hap noa binne te wirke. En auch de aanwezige Jill Janssen besjloot dat ut om hauf 2 waal un goud moment woar om ens un ontbijtje te nuttigen:

8 Euveriges ontbrook Randy Wanten vanwaege un blessure nog ummer in de basis. Dat woar maer baeter auch want volges unne snitch (dae teves bloedverwant van Randy is) houw Randy zich in de op de vriedigoavend noa de Summermasters op os Sjter-complex de ganse boaveverdeeping van ut Ibis hotel aafgehuurd in blieje verwachting van ut scoren van un paar leuke chicks. Dat lukte helaas sjus neet, maar hae zoot d r kort bie (aldus de bron)

9 Ut versjlaag van de wedsjtried is wederom aafkomstig van de nota bene in Eijsden woonachtige Sjteindenaer Peter Smeets: De litste wedstried van deze competitie woar eine oetwedstried noa Eesjde, wederom ein ex-ploog van ozze hoofdtrainert Jean Maas. De thoeswedstried woar duudelik gewonne door de geal zwarte (8-2) mer dat wilt niks zeagge. De manne oet Eesjde woare toen lang neet kompleet en oet hubbe ver ut altied lestig veural op die koowei doa. Trainert Maas koos vandaag weer besjikke euver ein aantal terukgekjierde mensen, Davy en Randy (nao blessures) en assistent Crutzen ( prestatieverlof). Doa in teage stonj de aafwezighied van Thijs (Schorsing mit dank aan Sjeids Franssen) en Frank (2e noa de noacompetitieprobere te helpe).veur beide pleug stonj d r vriewel niks mjea op ut spel dus koos d r vrieoet gevoetbald waere. Loat ver mer beginne mit de opstelling : Kis : Geoffrey Achter : Sjoerd, Guido,Stan en Randy Midden : Timo, Mike en Bob Veur : Hassan, Maarten en Giel. Bank : Marko,Davy en Hoessein. Beide teams begooste vriej nerveus aan de wedstried, onnauwkeurig passes, lang bel en de neutrale toesjouwer ( es dea d r al woar) houw de jeaste hilf niks om van te smulle. Eesjde die in ein opstilling speelde ( die wouwe d r natuurlik neet weer 8 om die woare kriege) hanteerde ummer de lange bal.bie de Ster woar d r af en toe ein leuke actie te zeen mer de veurtzeatting woar dan weer minder. Boete ut voortdurende gejenk van ein aantal Eesjde spelers veel d r neet veul te vermelde de jeaste hilf. Of toch waal de vlaggenist van Eesjde woar d r auch weer bie en hea deeg weer goot zien besj om zien eige ploog te ondersteune ( zul ver maar zaegge). De aanwezig toesjouwers (get mjea es ein hendjvol) zochte mer vlot de verkeuling van de kentien op. Noa rus moste de goale dan mer goan valle veur de gael zwarte want van dit Eesjde hoofste neet te verleeze, mer dan most der waal oet ein anger vaetje getapt waere. Bliekbaar houwe die van Eesjde angere Tjea es die van Stein want die gingen de 2de hilf plotseling get mjea voetballe ipv ummer dea lange bal te geave. Dit resulteerde noa 60 minuten in de 1-0 vuer de mannuh oet Eesjde. Ich mot jaerlik bekinne dat ut unne aanval oet ut beukske woar dae hjael schwoan aafgewirk woor. Trainer Maas brach toen Davy veur Mike en ging op zeuk noa de geliekmaker. Marko koam Hassan aaflosse mer om hjaerlik te zeen de geliekmaker hing gein moment in de loch. Eesjde houw aan ein gooj aktie genog gehad om de 3 punte te pakken. Veur beide plooge beteikende dit dat de competitie ten einde woar en dat men veuroet koos goan kieke noa volgend seizoen. Rest mich om alle spelers die os sjwoan clubke goan verloate of stoppe te bedanke veur alle joare in ut gael Zwart (of zwart gael) en hun veul succes te wunsje bie hun nuuj vereiniging, diegene die gans stoppe veul succes met hun andere bezighede in ein gooj gezondheid. Veur de spelers die bie de Ster blieve zaeg ich. Pes volgend Seizoen. Peter wederom bedank veur dien versjlaag. Helaas sjleite ozze jonges hiemit ut sezoen aaf zonger un prieske. Ut sjpel woar wisselvallig, maar d r woar zeker waer genog te geneite dit sezoen. In de zomer lekker op angere gedachte komme en dan frisj waer aan de sjtart volgend sezoen!

10 En doamit zit dit versjlaag d r alwaer bienoa op. De aafsjleiter geit dit keer euver unne man, dae vanwege zien tongval neit sjnel wurt verward mit unne geboare en getogen Sjteindenaer. Inmiddels is hae echter waal beheurlijk vergruijd geraak mit os vereiniging. Hae haet un heel aantal joare deil oetgemaak van os besjtuur, eesj es vice veurzitter en later unne tied es veurzitter. De veurzittershamer moosj hae echter mit pien in ut hart neerlegke wie zich de kans aandeinde om wethouwer te waere in os gemeinte. Om alle vermoedens van belangenversjtrengeling aaf te sjudde, bekleid hae sindsdien gein formele functie meer binne de club. Veer hubbe ut natuurlijk euver de man, wiens sjtandjbeeld jedere betreder van os sjportpark geliek opvilt: Anton Roest. Nog sjteeds is hae frequent bezuiker van os complex en volg hae alle ontwikkelinge mit veul belangsjtelling. Noe de verkeizinge d r op zitte besjteit natuurlijk de kans dat hae auch zien wethouwers-positie mot goan opgaeve. Bie De Sjter sjting men al te popele om m binne te hoale in un functie. Totdat aafgeloupe waek un verontrustend bericht versjeen in ut Limburgs Dagblad. Ut betrof un artikel euver ut Bisdom dat nog altied zonger opvolger van de vertrokke bisschop Wiertz zit. In ut artikel woorte onger angere de veurnaamste kandidaten veur die functie beleich. En wat sjets ozze verbazing (mit dan aan de oplettende laezer Wim Cals) Neit de veurmalig acoliet Mat Cremers, en auch neit de gezjwoare celibatair laevende Ron Marchal woare in de running veur de rol es Bissjop. Maar waal ozze eige Anton, van wae in alle eerlijkheid gezag mot waere dat m dat boardje bes goud sjteit Anton, succes in de sollicitatie-procedure. En moch ut niks waere en moch d r auch gein wethouwers-functie besjikbaar zeen die dich aansjprik, dan besse absoluut van harte welkom om welke functie dan auch bie os clubke te komme bekleije! En doamit ben ich aan ut einde gekomme van mien letste versjlaag van dit sezoen. Veul dank geit oet noa de grote (en sjteeds groter waerende) groep correspondenten en snitches binne jeder team. Frans Beaujean, Peters Smeets, Jari Knoops, Kenny Lemmens, Rene Gooren, Ralph Doek, Jill Janssen

11 en Robin Martens verdeine mit name un compliment es troewe reporters. En op snitch gebied goan eervolle vermeldinge oet noa Robert Kraus (names de walking footballers), de gebroeders Wantelic, Jari Knoops, Christel van Kan, Bastiaan Muijtjens en neit te vergaete ozze nuujste aanwinst Timo Beast-mode Haberland. En tot sjlot natuurlijk un oneindig groot woord van dank aan de luuj die d r veur zurge dat geer dees versjlage ut ganse sezoen hub kenne laeze, door ze te versjpreije: Ozze geweldige en onbetaalbare fotograaf, jeugdleidersecretaris en webmaster Hein Meijer! Ozze 4 e elftalsjpeler, facebookbeheerder en beast-mode-avant-la-lettre Ralph Doek! En ozze onmisbare kartrekker van de supportersvereiniging, veteranen-secretaris, hoesdichter, sjpraeksjtalmeiser en man dae nog nooit hagelsjlaag op de botterham haet gegaete: Willem Thewissen! Allemoal bedank, veul vakansiesjpas gewunsj en allemoal pes op de aafsjleitende feestoavend! Rob Sjulpe