Geine wedsjtried dus veur de vets en doadoor helaas auch weinig nuujts te melje. Al wul ich uch de foto van unne swingende Will Leurs op de

Transcriptie

1 De Sjter 1 plaatsj zich veur noacompetitie; De Sjter 2 klop Oss 20 in noacompetitie; Dames hoale oet in Aelse; De zeute wraak van Bastiaan; Randy en Brian bie de mile high club? Veer kenne terugkkieke op un sjportief oetermate succesvol voetbalweekend. Os eesjte elftal boekte, ondanks 60 minute voetballe mit unne man minder, un klinkende 4-1 euverwinning op Eijsden en plaatsjte zich doamit veur de noacompetitie. Os tweede sjpeelde heure eesjte noacompetitie-wedsjtried, thoes taege Oss, en boekte un schitterende 2-1 euverwinning. Ut driede en de veteranen houwe dit weekend niks te voetballe. Ut viefde sjloot de competitie aaf mit un 2-2 gelieksjpel in Berg, wobie de neutrale toesjouwer helaas nog zaat in bed loog, want angesj woar dae de grote winnaar gewaes. En ozze dames tot sjlot hoalden versjrikkelijk oet taege de ladies van Sjtein Zuid: 8-1. Auch naeve t veldj woar d r waer genog te belaeve. Veer motte, vanwaege t aaflasje van de wedsjtried van de veteranen, helaas 5 pagina s briljante quotes missen, maar gelukkig lete de angere teams zich auch neit onbetuug. Wat te denke, beveurbeeld, van Marko Jevric, dae d r un geweunte van maak om romantisch te dineren mit luuj in de kantine. Of van Randy Wanten en Brian Nitsch. Zouwe die twee, ongerwaeg noa Amerika, in t vleigtuug lid zeen gewoare van de mile high club? Auch dees waek waer de neudige foto s van ozze dames. Wiejer zeen veer Will Leurs ens veur unne keer neit sjittere achter de DJ-toafel, maar op de dansvloer. En komme veer te weite welke sjpeler van 5 d r mit unne nate druim veur gezurg haet dat Mark Habets tissues moosj mitnumme noa de wedsjtried. Loate veer maar sjnel beginne en dat doon veer dees waek veur de verangering ens mit ozze veteranen. Die houwe unne wedsjtried op t programma sjtoan taege Heidebloem. Unne taegesjtenjer dae ummer sjterk veur de daag kump en dus loog de eesjte prioriteit bie t sjtrikke van Rudy Crutzen es keeper. Dat leek veurige waek nog un probleem te waere omdat Rudy moosj versjiene op t aafsjleitende sezoens-uitje van De Sjter 2 op zoaterdig. Wie echter veurige waek dudelijk woort dat os 2 e zich geplaatsj houw veur de noacompetitie, woort dat uitje verplaatsj en woar Rudy besjikbaar. Desondanks woort veur de zekerheid tóch nog effe geïnformeerd bie Rudy. Dae reageerde sjnel en goof vervolges onbedoeld unne, veur de aafgemelde Piele, pienlijke veurzet op Ron Marchal:

2 Frequente aafmelders Levi Nelissen en Gerard Martens bleke zich neit aafgemeld te hubbe. De sjriever van dit sjtuk probeerde get discussie los te make, maar beide heren hanteerden helaas de sjtrategie dasse sjtil mos blieve zitte esse gesjoare wurs. Allein Ron woar bereid om get commentaar te levere: Tot teleursjtelling van de ganse selectie koom op donderdig vervaelend nuujts van ozze grote reigelaer Willem. Doa oet bleek dat oetgeraekend de besjikbaarheid van Levi en Gerard debet woar aan t terugk trekke van Heidebloem:

3 Geine wedsjtried dus veur de vets en doadoor helaas auch weinig nuujts te melje. Al wul ich uch de foto van unne swingende Will Leurs op de senioren-oavend van Club Devils and Angels in Söstere zeker neit onthaute:

4 Och joa, en ich zou nog bienoa vergaete om effe terugk te komme op n uniek feit op de facebook pagina van os club. Doa is veurige waek, veur t eesj in drie joar tied, geine Man of the Match benuimp. En dat terwiel d r toch twee personen dudelijk veur in aanmerking kome. Gezeen de lengte van beide personen zou t zomaar kenne dat facebook-beheerder Ralph Doek ze geweun euver t hoofd haet gezeen. Ein van die personen maakte doa gein weurt aan voel, utgein m siert. Dae angere koom geliek verhoal hoale, wie n klein kindj. De sjriever van dit sjtuk leet dat echter neit zomaar gebeure:

5 Euveriges bleek t later (wie boavesjtoand berich op de groepsapp van de vets woort gedeild) waal mit te valle mit die besjeijenheid van Ron: Van de veteranen goan veer door noa de mannen van 5. Die houwe hunne letste competitiewedsjtried op t programma sjtoan. Oet taege IVS nog waal. Sjtreven veur ozze jonges woar om minimaal un puntje te hoale, zodat men IVS veurbleef op de ranglies. Vanwaege personele probleme moosj men un beroep doon op Mick d n Titsch Cremers, dae gaer wol sjpele om nog un plaetsjke te kenne sjtijge in t topscorers-klassement. En auch unne veteraan, dae ummer in t kleidlokaal dinger noteert die angere zegke, woort gevroag om mit te doon:

6 Mark Habets deig vervolges get aan emotionele chantage, wo op de sjriever van dit sjtuk hard to get sjpeelde, wonoa Mark mit t perfecte antjwoord koom: Om 10 oer vertrokke de mannen van 5 richting Berg. Neit zo wie de vets oppe fits, maar mit de auto. Wie vervolges om twintig op 10 de köp woorte geteld in Berg, woorte un paar luuj nog vermis. Die bleke vergaete te zeen dat de brök in Berg al un paar moandj is aafgesjloate. Veur sommige woar dat reje om effe terugk te rieje en un angere route te keize. Mick Cremers, dae dudelijk neit in problemen maar in oplossingen denk, houw echter besjloate om geweun dwaesj door de aafzetting te rieje. Oeteindelijk woare toch 14 man besjikbaar. En dat dan de twee ingehuurde gastsjpelers op de bank moosjte beginne, is nog begriepelijk. Maar dat unne man mit de energie van Devon Moerkens op de bank wurt gehaute is wurkelijk ongeluifelijk. Al kent dat auch te make hubbe mit de vrees veur natigheid op t veldj bie Mark Habets:

7 Veur de auge van de bankzitters ontvouwde zich unne wedsjtried wovan t niveau get te wunsje euverleet. Enigszins taege de verhouding in kome ozze jonges waal op veursjprong. Raoul Dassen maakte un schitterende bewaeging in de 16 en ontdeig zich doamit van drie taegesjtenjers, en sjoof de bal vervolges noa de inloupende Brahim dae prima de 0-1 binneknalde. Nog véur de rust boog IVS dae achtersjtandj echter om noa unne 2-1 veursjprong. In de rus woort d r ongerein un bietje geknoterd, maar eigenlijk woar dudelijk dat d r in alle linies get meer energie ingelag moosj waere. En dat gebeurde dan auch. Noa de rust woar t al vrie sjnel invaller Mick Cremers dae de 2-2 aanteikende. D r kome auch kansen op meer, maar gescoord zou d r neit meer waere. En aan de angere kantj woar t aan un tweetal prima reddingen van Kai te danken dat de score 2-2 bleef. Gematigd tevreje woorte noa aafloup de douches opgezoch. Doa woort nog get gelache om un scrimage in de 2 e helf wobie Raoul in de eige 16 woar gevalle, de bal op de borst houw ligke, get rundjes loog te dreije op de grondj terwiel 5 sjpelers van beide plouge ongertusje taege de bal en taege Raoul aan t trappe woare.

8 Ralph: Haha, doe loogs doa en die van Berg maar sjuppe. Raoul: Dat woar effe sjrikke joa. Ich koosj geine kantj op. Danny: Gelukkig besse dat gewend van dien werk es plis. Raoul: Joa, allein ben ích dan degeine dae, same mit collega s, aan ut sjuppe is. Daezelfde Raoul verzeilde auch in un gesjprek mit Rick Kostons euver de veur- en noadeile van t ouwer (en get voller) waere. Raoul: Noe ich get dikker ben, is t veul mekkelijker om de bal op de borst aan te numme. Dae blif mich noe geweun d r op plekke. Vruiger sjtuutte hae dan ummer weg. Rick: Joa, dat is auch ech zo. Raoul: Joa he, de bal blif noe ech lekker op mien tieten plekke. Rick: Nou ja, bie mich sjtutert r noe ummer sjus get te wiet weg. Raoul: Ja, qua aandikken, mosse probere unne middenwaeg te vinje. Rick: Joa, das woar. Ich denk dat ich inmiddels un grotere cupmaat es de mam hub. En mit die words of wisdom verloate veer ut viefde en goan veer door noa ozze dames. Die houwe de derby der derby s op t programma sjtoan in Sjtein Zuid. Coach Tom de Keul houw de dames veur aanvang un vaat beier beloaf bie un euverwinning. Gelet op de oeteindelijke oetsjlaag liek dit aanbod van Tom, bie nader inzeen, meer un henjige truc te zeen om op zondigoavend mit 18 zate vrouwluuj in un café te belanje. Maar goud, álles veur un euverwinning op Haslou. Robin Martens deit versjlaag: Zo n aanbod es dat van Tom houfse taege os gein tsjwea (om in Haslou-termen te sjpraeke) keer te vertelle. Zo n grote motivatie hubbe veer zelden gehad. D r woort dus un serieuze warming up aafgewirk en vol vertroewe koosj de eesjte helf beginne. Helaas zakte dat zelfvertroewe al noa 20 seconden get in wie Haslou de 1-0 scoorde. Toch woort d r good gereageerd want neet snel doanoa veel de 1-1 en bie de rust sjting ut al 1-3 veur os. In de rust woort gezag dat veer moosjte blieve knokke (blief denke aan dat vaat!) en mit die gedachte is t gans good gekomme en sjlote veer de wedsjtried aaf mit un 1-8 euverwinning. De goale woorte gemaak door Joy, Nikky, Kimberley (terugk van weggewaes) en Bo scoorde d r veur de verangering waer ens 5! Die van Aelse houwe natuurlijk flink de vot in. Ze zeije noa aafloup dat veer t moeilijk gekrege zouwe hubbe, es zie compleet woare gewaes. Merkwaardig, omdat ze mit 13 vrouwluuj woare en dat woare allemoal bekende gezichte. En veer wachtten in sjpanning aaf wienee Tom dat vaat noe ech ging gaeve. Kommende vriedig motte veer oet noa Voerendaal. Mesjiens sjteit os doanoa get lekker goud-gaels te wachte in de kantine in Stein.

9 De meeste dames verheugen zich dus euver unne dolle feestoavend in de kantine vriedig, mit gratis beier. Ein dame zal doa heur bedenkinge bie hubbe. Die hilt neit zo van dat druk doon en sjtom beier zoepe. Die geneit in de kantien op vriedigoavend doorgoans lever van un intiem ein-op-einke mit unne leuke jong: Al mot Marwa zich noe auch niks in de kop goan hoale es ze get aandacht krig van Marko. En dat bedoel ich neit zozeer omdat Marko keurig getrouwd is, maar meer omdat t niks bezunjers is es Marko op vriedigoavend tied vriemaak veur un intiem momentje mit emes in de kantine. Of t noe geit om un sjoon maedje of om de man dae op zondig waer de opsjtelling mot make bie 1:

10 Terugk noa de dames. Wie die vanoet Aelse terugkkeerden op t Sjter-complex woorte ze auch nog blie gemaak door t kampioensjap van Feyenoord. Dubbel feeske dus veur de ladies, die dit bericht op facebook plaatsjten: En dat veer t hie neit euver nep-supporters hubbe bliek waal oet de foto die op moandigmiddig 200 kilomaeter wiejerop van dezelfde dames woort genomme: Van de dames goan veer sjnel door noa ut driede. Aangezeen t sezoen veur die jonges d r op zit, leek d r weinig nuujts meer door te goan komme. Niks woar echter minder woar. De reje: sjpeler/coach Brian Nitsch is dees waek, same mit Randy Wanten, vertrokke veur un vakantie noa Amerika:

11 Randy houw veuraaf veurzurgsmaatregele getroffe: om d r veur te zurge dat hae zien koffer mekkelijk zou herkenne, houw hae zich unne sjticker gekoch om d r op te plekke: Wesly Wanten kent ziene brouer natuurlijk es gein anger en vroog zich dan auch aaf of Randy zich inmiddels in t luchtruim al houw vergrepe aan un SILF (un milf in un stewardesse-pekske):

12 Ut antjwoord van Randy un paar oer later woar teleursjtellend: Auch later in de waek bleek dat Rene Gooren neit zo veul op houw mit dat vrolijke geneuzel van die twee flierefluitende vakantievierders. Un lekker zonnige foto van Randy woort immers al sjnel gecounterd: Aangezeen Brian van ut driede niks angesj deig dan vakantie-foto s sjture en de res van ut driede zich gedeisd heel, goan veer sjnel euver noa os tweede elftal. Die moosjte op zondig aantraeje taege Oss 20 veur de noacompetitie. Un hele opgave, want de ploug kamp

13 eigenlijk al moanje langk mit un bezettingsprobleem. Gelukkig veur coach Rudy besjik hae mit Bastiaan Muijtjens waal euver unne sjtabiele keeper, zodat hae neit auch nog zelf de goal in houf. Nou ja, sjtabiele keeper ich bedoel meer dasse ummer op m kens raekene. Want ech sjtabiel in t köpke kense m neit nuime noa t zeen van dees foto s (aafkomstig van snitch-eesjte klas Geoffrey): Ozze mannen van 2 leverden un wereldprestatie door unne sjterke taegesjtenjer oeteindelijk mit un 2-1 nederlaag op zak, terugk noa Brabant te sjikke. Geweldig. Un prestatie die t verdeind om oetgebreid besjreve en bejubeld te waere. Helaas houw Jari Knoops t dees waek zó druk mit t doorsjture van allemoal flauwekul dat ich uch neit ens ken zegke wae gescoord haet. Aan de wedsjtried van 2 haute veer dus helaas neit meer euver dat un sjoon bericht van de coach:

14 Ut zou toch waal heel erg zunj zeen es de mannen van 2 dees wereldprestatie gein vervolg kenne gaeve. Van de angere kantj, verdeine dees jonges én hun coaches en begeleiders un dik compliment veur dit ganse sezoen. Men is altied un team gebleve en d r is ummer sjpas gemaak, auch wie d r un hele serie nederlagen woort geleje. Es aafgeloupe zondig wurkelijk de letste wedsjtried van dit sezoen is gewaes, dan woar dat in jeder geval un waardig aafsjeid. Maar wae wit? Mesjiens kump d r tóch nog un onverwach vervolg van dit sezoen veur ut tweede. Es d r immers eíne is dae dit nog in goeie banen kent leiden, dan is dat waal d r Rudy : Dan rest os nog maar ein team om te besjpraeke en dat is os vlaggsjip. De mannen van coach Czornyj moosjte hunne letste wedsjtried van dit sezoen thoes aantraeje taege Eijsden. In de waek veuraafgoand aan de wedsjtried hoalden waer un aantal leden van 1 t nuujts. Zo leet Thijs Nieuwland weite dat hae zich prima ammeseerde op n waal heel vraem locatie:

15 Verzurger Wesly Wanten bleek, net zo wie ziene brouer Randy, dees waek veural geïnteresseerd in ut verseiere van dames in bedriefskleijing. Wo Randy zien piele mit name richtte op stewardessen, besjloot Wesly achter de verpleegsters aan te goan:

16 En toen woar eindelijk de zondig aangebroake. De letste wedsjtried van de competitie. En mesjiens, es t mis zou goan qua resultaten, auch geliek de letste wedsjtried veur De Sjter veur jonges wie Guido Cals en Paolo di Lernia. En natuurlijk veur ozze geleifde hoofdtrainer Ronny Czornyj. En dat realiseerde de coach zich, zittend op de bank, maar al te goud getuge dees foto, die door Christel van Kan van un treffend ongersjrif woort veurzeen: Maar van unne sjlechte aafloup ging natuurlijk nemes oet op t Hetjen. Ozze mannen ginge taege Eijsden geweun die drie punte pakke en doanoa nog lekker get wedsjtriedjes veur de noacompetitie sjpele. Un goei veurbereiding begint, zo wie ummer, veur de mannen van 1, mit un vlammend betoog van Ronny in t kleidlokaal. Oet woar mit 0-5 gewonne van Eijsden dus die zouwe gebrend zeen op revanche, heel hae zien sjpelers veur. Vanwaege blessures ontbroke nog ummer un aantal luuj, maar desondanks woar d r un selectie van 15 sjterke sjpelers besjikbaar. De opsjtelling woar es volgt: Kis: Geoffrey Achter: Timo, Guido R., Guido C., Paolo Midden: Ricardo, Stan, Giel Veur: Hassan, Marko en Thijs Bank: Bastiaan, Bob, Mike en Guillermo

17 De Sjter sjtartte prima georganiseerd en hou doamit t oapenings-offensief van Eijsden, dat hoog druk zat, prima onger controle. Noa un minuut of 10 nome ozze jonges t initiatief euver. De oapeningstreffer woar dan auch veur de thoesploug. Unne vrieje trap net boete de 16 woort door Ricardo prachtig euver de moer gekruld: 1-0!!! De Sjter woar dudelijk de baetere ploug. Thijs woar op de flank telkens un gevoar veur de achterhoede van Eijsden. Bie unne oetbal reageerde Thijs zien woede op zichzelf aaf. De sjeidsrechter interpreteerde dit angesj en goof m un gael kaart. Noa unne sjieke aanval euver rechs volgde unne sjtrakke veurzet. Marko sjtapte euver de bal haer wodoor de sjterk sjpelende Giel in scoringspositie koom. Dae faalde neit en brach de score op 2-0!!! Doanoa volgde un pienlijk moment. Bie unne oetbal woort Thijs aafgefloate veur boetesjpel. In plaatsj van de bal loate ligke, sjoot hae nog effe op goal, utgein m op zien tweede gael kaart koom te sjtoan. Ondanks dae man minder kome ozze jonges via Ricardo nog op 3-0 vlak veur rust. In de pauze heurde men dat Caesar al mit 4-0 veur sjting. Dat beteikende dat De Sjter tóch ech mit unne man minder de euverwinning moosj vashaute. Un gelieksjpel zou waal ens kenne beteikene dat Caesar op doelsaldo euver De Sjter haer zou wippen. Wat d r precies in t kleidlokaal gezag is, is neit bekend. Ich ken mich echter veursjtelle dat Ronny zien jonges veurheel dat t gein enkel probleem moosj zeen om mit unne man minder de 3 punte te pakke. De ploug haet immers auch drie kwaart sezoen mit Roel Heffels in de basis gesjpeeld, en auch in die periode geweun wedsjtrieje gewonne Noa de pauze woort Eijsden vanzelfsjpraekend sjterker. De Sjter moosj veul energie en loupwerk d r in duuje. De iezersjterke verdediging heel echter sjtandj. Pas wie un onsjuldige sjeut ongelukkig van richting woor verangerd, moosj Geoffrey zich gewonne gaeve: 3-1. Eijsden drong nog aan maar de finesse ontbrook in de aafwirking. De Sjter voch veur wat t waert woar. Ronny brach Bob in veur Marko, Guillermo veur Hassan en Mike veur Giel. In de sjlotfase counterde De Sjter nog noa 4-1 en doamit woar un verdeinde euverwinning én plaatsjing veur de noacompetitie un feit! Kommende zondig moage ozze mannen thoes aantraeje taege Venlosche Boys. Vanwaege t jeugdkamp dat daezelfde middig eindigt én ut prachtige waer kent ongetwiefeld geraekend waere op unne grote opkomst. Dat wurt sjmulle! Veul succes mannen! En doamit zeen veer alwaer aan ut einde gekomme van dit versjlaag. De aafjleiter dees waek is gewijd aan unne man dae zich in korte tied haet ontpop tot de grootste snitch (veur de ouwere laezers: unne moderne NSB-er) van os vereiniging. Waek in, waek oet, bereike mich (altied via unne tusjepersoon) foto s wo sjpelers van de selectie enigszins onfortuinlijk op sjtoan. Dees waek krig deze jong echter de raekening gepresenteerd. En wie! Oet ongersjtoande foto-compilatie bliek immers dat deze jong oetermate gesjik is om per direct de euversjtap te make noa de veteranen. Want, net zo wie Steef van de Woude, deit auch deze jong niks lever dan zich volduuje mit exotisch aete:

18 En net zo wie Ron Marchal is hae unne frequente bezuiker van donkere kamers:

19 En net zo wie Leon Fredrix, mot auch déze jong drie keer per joar op vakantie mit de vrouw, omdat hae get goud te make: En tot sjlot net zo wie Mat Cremers, vinjt hae t heerlijk dat zien vriendin op dat moment de res van de komkommer bie m inbringk op n plaatsj wo r m kent hubbe (al hub ich dat veur de goeie sjmaak maar weggeknip op de foto). Bastiaan, bedank veur de foto s! Pes kommende waek. Rob Sjulpe