Allein De Sjter 5 en dames pakken punten; Leifde bluijt op bie De Sjter

Transcriptie

1 Allein De Sjter 5 en dames pakken punten; Leifde bluijt op bie De Sjter T woar un waek die qua resultaten sjnel vergaete mot waere. De veteranen houwe, ondanks un selectie van 25 man, te weinig sjpelers om te voetballe. De selectieteams van 1 en 2 verlore hun partieje taege plouge oet 045. Auch ut driede koosj ut neit bolwirke taege Susteren 3. Gelukkig woar d r waal nog un zjwoar bevochten punt te viere bie ozze dames en moch de FC Biejeingeraap van De Sjter 5, onger aanveuring van Marc Caubo, zelfs proosten op unne driepunter. Op anger vlakken woar t echter sjus un onvergaetelijke waek. Want maar leifs DRIE (!) seniorenleden van os clubke kondigden op facebook aan dat ze de leifde houwe gevonje. Twee doavan houwe elkaar gevonje en de angere koom oet onverwachse houk. Loate veer dus maar sjnel beginne mit t versjlaag van de aafgeloupe waek. En veer beginne dees waek mit nuujts euver un ongerwerp dat sjteeds meer in de belangsjtelling sjteit: gezonje voeding. Noe de Nederlandse bevolking sjteeds meer las krig van euvergewich, wurt in menig Sjteinds hoeshaute noagedach euver de besjtrijding van dat kwaaltje. Bie de veteranen beveurbeeld zeen Robert Lucassen, Willem Thewissen en Steef van de Woude flink aan t boksen gesjlage. Gerard Martens is nóg get ferventer goan rouke om maar geine kilo aan te komme. En Roger Daemen pleit al joare veur gezonje Smoothies noa de wedsjtried in plaatsj van un sjoal bitterbel. Al koosj hae aafgeloupe zoaterdig in De Poart de verleiding neit weersjtoan om d r toch eine aan te numme van de veteranen keuningin:

2 Doanaeve zeen d r unne haup veteranen die geregeld de renfits pakke om in shape te blieve. Dennie Vorstermans is doa eine van. Dae haet zien geweldige conditie echter neit allein te danken aan voal fitse, maar auch aan zien dagelijkse gezonje ontbijtje: Zo wie t geer mesjiens wit, haet Dennie n relatie mit über-soccer-mom Miriam. Miriam kump, tot grote sjpiet van alle veteranen bienoa nooit kieke noa de wedsjtrieje van Dennie. Gelukkig is ze waal sjteevast paraat bie de wedsjtrieje van heure zoon, Youri, bie De Sjter 2. En dus koosj Ron Marschal aafgeloupe zondigmurge verheugd t volgende appje sjikke:

3 Maar goud, ich ben alwaer te veul aan t oetwieje. Veer woare bie gezonje voeding gebleve. Ozze Dennie Vorstermans deit dus gezondj ontbijten. Youri Voesten zuut hae doabie maar zelden. Dae is meer van t oetsjloape en dus sjteevast pas op es Dennie al noa t werk vertrokke is. Aangezeen Dennie zich un bietje druk maakte of de jong waal genog gezondj binnekreeg, ging hae ens get rondjnaze thoes en koom doa tot de gerussjtellende ontdekking dat Youri in jeder geval n fruit-extract op zien nachkesjke haet sjtoan. Want zo wie Jan Janssen al in de joare 60 verkloarde: De Tour de France winse in bed. Aangezeen veer toch bie Youri zeen aangekomme, goan veer maar ens de wedsjtried van os 2 e elftal besjpraeke. De mannen die de aafgeloupe waeke zo n goeie serie resultaten houwe neergezat mit klinkende euverwinningen in de 1 e reserveklasse. Dees waek sjting unne wedsjtried taege mede-subtopper Schaesberg 2 op t programma. Op de veteranen groepsapp woort zondigmiddig al belangsjtellend geïnformeerd wat ut tweede houw gepresteerd. Ron Marschal reageerde, ondanks dat hae druk bezig woar mit flirten mit Miriam, sjnel:

4 Doamit is de oetsjlaag natuurlijk auch geliek verklap, maar heel veul meer input koom d r auch neit van correspondent Jari Knoops, dae té teleurgesjteld woar om n oetgebreid versjlaag te typen. Jari volsjting mit: Veer woare ech dramatisch. Mesjiens dat Kenny efkes get wilt analyseren, want dae haet gekeke wie sjlech veer woare. Kenny Lemmens houw gelukkig get meer te melje, wodoor geer toch nog un bietje un gevuil krig bie de wedsjtried van os tweede:

5 Ut einige vermeldenswaardige is wiejer nog dat Youri Sweet Strawberry Voesten de einige goal scoorde veur De Sjter 2. Volgende waek kans op revanche veur de brigade van Rudy Crutzen, dae zien groep ongetwiefeld waer op sjerp krig gezat. Van De Sjter 2 goan veer noa os vlaggesjip. Dat moosj zondig unne oetwedsjtried aafwirke taege de verrassende koplouper Hoensbroek. Unne belangrieke wedsjtried omdat ozze jonges, bie un euverwinning, op gelieke hoogte zouwe komme mit Hoensbroek (d r van oetgoande dat de nog oet te sjpele wedsjtried taege SHH 3 punte oplevert). Bie De Sjter 1 zeen de vaste correspondenten Wesly en Randy Wanten. Aangezeen die 2 t leefste allein maar euver zichzelf kalle, ken ich veur de zoveulste waek op riej allein maar verhoale mit uch deile wo in de gebroeders Wantelic de hoofdrol sjpele. Om te beginne mit Randy dae dees waek veur t eesj sinds lange tied waer ens ut wedsjtriedshirt moch aantrekke:

6 Helaas woar de aanleiding sjlechs t make van de elftalfoto veur t nuuje sezoen. Desondanks is t bemoedigend om ozze veurmalige fan-favourite Randy waer in wedsjtriedtenue te zeen. Auch later in de waek meljdde Wesly Wanten zich waer op de app. Dit keer omdat hae mit Randy n leuk oetsjtepke houw:

7 Die letste opmerking van de sjriever van dit sjtuk woar natuurlijk get lullig bedoeld, maar al vrie sjnel sjtuurde Wesly n screenshot van de film die de jonges aan t kieke woare. Bie t zeen om welke film ging informeerde ich noa de emotionele toesjtandj van Randy op dat moment. Die bleek precies euverein te komme mit de toesjtandj die se moags verwachte van emes dae The Milfhunter wurt genuimp:

8 Op datzelfde moment zoot elftalleider van De Sjter 1 op zien gemaakt te geneite van t letste sjtreepke zon van 2016 én van t kado dat hae van Shisha-grandwizard Marko Jevric houw gekrege:

9 Mit unne aan un waterpiep lurkende elftalleider en unne veurmalige publiekslieveling dae Bridget Jones Baby kik mit unne semi-helle pum, woar t auch dees waek aan coach Czornyj de taak om n team de wei in te sjikke die de drie punte ging verovere. Die opgave bleek dees waek echter te zjwoar. Euver de wedsjtried bereikten mich gein details, maar puur un paar hoofdliene. Die zeije eigenlijk auch alles. Un onmachtig De Sjter, veuls te veul gezeiver taege de sjeidsrechter en un prima counterend Hoensbroek resulteerden in un 4-1 nederlaag veur os jonges. T einige doelpunt koom op naam van Ricardo Lucassen. Un opvallend zjwake prestatie woar d r zondig van de doorgoans zo betroewbare Roel Heffels, bie wae t d r op leek dat hae t gewich van honderddoezend vlinders in ziene boek mitdroog (oetlegk volg) Dees waek waer effe de koppen biejein sjtaeke, unne keer goud vloken taegenein, twee keer sjerp traine en kommend weekend waer vol d r op knalle, thoes taege BSV Limburgia. Auch de Beesten van 3 houwe dit weekend unne wedsjtried op t programma sjtoan. De veurbereiding op dae wedsjtried woar volges coach Rene Gooren weinig bemoedigend. Un sjpelerstekort en n weigering vanoet de jeugd om sjpelers aaf te sjtoan (hoapelijk einmalig ) leidde d r toe dat d r twee sjpelers van De Sjter 5 geleend moosjte waere om uberhaupt te kenne voetballe. Mit n selectie van 13 man, wovan d r twee auch nog eigenlijk geblesseerd woare, moosj men aafreizen noa Susteren 3, dat op de 2 e plaatsj sjting in de competitie. Ondanks die onheilsjpellende veurbereiding houwe de mannen van 3 t prima sjtoan deze wedsjtried. De tactiek woar get verdedigender es angesj, maar dankzij gedisciplineerd voetballe wis men t aanvalssjpel van Susteren te ontregele en zelf n paar keer op de counter geveerlijk te waere.

10 Hauverwaege de 1 e helf moosj men toch de 1-0 incasseren wie de sjpits van Susteren attent reageerde op unne klutsbal in de 16. De beesten van 3 lete de kupkes echter neit hange en ginge op zuik noa de geliekmaker. Dae koom d r auch al vrie sjnel. Unne corner van Robin Janssen ging noa de op de 16 maeterlien vriesjtoande Thijs Kemp. Dae noom aan mit rechs en sjoot de bal vervolges knap mit links binne veur de 1-1. Helaas koom de ploug vlak veur rus op un 2-1 achtersjtandj. Noa de rus ginge de gaelzjwarten nog get feller sjpele en woort d r prima taegesjtenjd geboje. Wie t d r op leek dat De Sjter de geliekmaker zou goan forceren, kreeg men echter via unne counter de 3-1 binne en toen woar de wedsjtried geloupe. De kommende 2 waeke hubbe De Beesten van 3 geine wedsjtried. Alle tied dus veur coach Gooren om de metse te sjliepe om in de waeke doanoa punten te goan pakke taege de ongesjte plouge op de ranglies. Van t driede goan veer noa de ploug, die zich dit sezoen de FC Biejeingeraap nuimp: De Sjter 5. Deze fusie van de veurmalige godenzonen van 3 en zoepnaze van 4 is iezersjterk aan t sezoen begoosj, al moosj de ploug veurige waek un teleusjtellende nederlaag incasseren. Aafgeloupe zondig moosj aangetraeje waere taege Sanderbout 4. Tied veur revanche dus. En die ging d r auch komme. Dat begoosj al mit get bonding tusje de mannen aan de bar op vriedigoavend, wobie oape gesjprekken d r veur zurgden dat de mannen zich baeter leerden kenne. Ivo van den Bergh: Rick, woons doe nog thoes bie dien ouwesj? Rick Kostons: Nae, ich woon op michzelf. Ivo: Oh, das baeter. Dan hubse alle tied om te rukken. Rick: Nae, ich doon neit aan rukken, maar aan Ricken. Noel: Deisse doa auch bie zinge? Rick: Joa, zeker. Heb je even voor mij, meestal. Op zondig op t veldj woort vanaaf de eesjte minuut vol druk gezat en dat resulteerde al noa 8 minute in de 1-0 via Marc Caubo. In de 15 e minuut loog de 2 e bal al in t netje, via unne gigantische pegel van 30 maeter, sjtief in t kruus, van DJ Stan The Man Ortmans. Dat Stan zonne geweldige sjeut in de peut haet, woar de sjriever van dit sjtuk, dae trainer is van Stan s 7-joarige zoon Dyon, neit bekend:

11 Doanoa woar t 10 minute veur rus de beurt aan Marco Verhoeven dae unne sjone sjtaekpass prima aafronjde en doabie ontkoom aan unne dodelijke tackle van unne taegesjtenjer, dae noa de goal esnog de gael kaart kreeg. Doamit woar de kouk nog neit op, want vlak veur rus scoorde Marc Caubo auch nog de 4-0. Noa de rus woar t heel effe oktoberfees bie De Sjter 5 achterin en dat goof Sanderbout de kans om twee kere taege te scoren. Ein van die taegegoale woar euveriges oetermate discutabel, want Sander sjoot de bal, via de lat, net veur de lien oet de goal. Vlagger Noud Claessens vonj de wedsjtried echter nog neit sjpannend genog en goof de sjeidsrechter aan dat t goal woar. Raoul Dassen woar zich ongertusje aan t verbiete dat t zo druk woar op de bank en deig effe unne Rickie Kostons, oftewel gaas-alarm:

12 Marc Caubo houw de eesjte 43 minute van de tweede helf zien utesjte bes gedoan om de verdediging van Sanderbout in sjloap te sussen door zo weinig muigelijk te loupe. Dat houw twee minute veur tied succes wie hae sjtiekem de 5-2 koosj aanteikene. Es kers op de taart woort Devon in de letste minuut auch nog ens deip gesjtuurd. Devon twiefelde eesj nog omdat hae zo enorm vrie sjting, maar wie zien medesjpelers op m repe dat hae mesjiens toch achter de bal aan moosj loupe, pikte hae m nog net op tied op en knalde m van 16 maeter euver de keeper in t netje. En doamit woar de oetsjlaag n feit: 6-2. Klasse mannen! Van die glansprestatie houw coach Roy Janssen weinig tot niks mitgekrege, want dae woar in de nach van zoaterdig op zondig mit zien zate klitse neergegange wie hae noa hoes fitste van t oktoberfees in de Merode. Dat ongelukske gebeurde vlak veur t hoes van Mark Habets, dae neit te beroerd woar om dat geliek effe vas te legke veur dit versjlaag om doanoa eesjte hulp te verlenen:

13 Eindelijk dus unne driepunter veur un seniorenteam dit weekend. Sjterker nog: de einige driepunter van un seniorenteam. Dit mede doordat de veteranen, die doorgoans goud zeen veur n euverwinning, hunne wedsjtried taege OVCS noodgedwonge moosjte aaflasje in verbandj mit sjpelerstekort. Dat sjpelerstekort houw te make mit de diverse activiteiten die de vets op t programma houw sjtoan, zo wie plaetjes dreije in de Merode:

14 Of t sjtoan op n kar in de oktoberfees optoch, zo wie Steef van de Woude:

15 Of ze woare druk mit t zitte aan angermans vrouwluuj zo wie Roger Daemen, Ron Marschal en Thijs Otten: Vanwaege al die boete-echtelijke activiteiten woar d r dus niks te voetballe. Gelukkig woar d r op de app waal waer genog activiteit om mit uch te deile. Zo goof Gerard Martens op dinsdig 4 oktober t sjtartsein om Piele te felicitere. Doa op lete alle 25 veteranen un felicitatie achter veur Piele. En wie eindelijk auch de letste gereageerd houw, leet Gerard waer van zich heure: Die grap woort neit door jederein aeve zeer gewaardeerd want Gerard kreeg geliek de vroag of hae helemoal van de pot geruk woar om eesj 25 man te loate reagere veurdat hae opbiechtte dat t un grepke woar. Gerard sjpeelde de vermoordde onsjuld en dat leidde tot n diagnose van Leon Fredrix. Die euveriges geliek waer ontkracht woort door Ron Marschal:

16 Auch bie de veteranen ging t dees waek op de groepsapp euver de onrust in Nederlandj rondjom kunstgraasvelje. Ron Marschal houw gelaeze dat veural keepers t sjlachoffer bleke te zeen van die korrels en meljdde dat hae nooit meer wol keepen. Veteranen veurzitter en veurmalig keeper Rene Hillen reageerde geliek dat dit de reje woar gewaes dat hae gesjtop is. Gerard Martens informeerde bezurg of dit noe de reje woar dat Math Haagmans woar gesjtop. De sjriever van dit sjtuk meljdde dat t maar goud woar dat t voetballe op dat geveerlijke kunstgraas neit doorging want dan koosj jederein get eerder sjtom goan zoepe in t dörp, utgein vas voal minder sjadelijk is veur de gezondjheid. Ron Marschal kapte de discussie aaf mit un sjerpe opmerking:

17 Vervolges sjakelde Willem Thewissen op de app geliek door noa volgende waek. Dan sjteit t joarlijkse veteranen oetsjtepke op t programma. Ondanks t feit dat t gros van de veteranen dan mitgeit op dit door Mat Creemers georganiseerde reiske noa Duutsjlandj, wol thoesbliever Willem toch informeren welke angere thoesblievers besjikbaar woare om te voetballe. Hae kreeg al geliek te heure dat r baeter koosj aaflasje, maar Willem leet heure dat hae nog get reserve-troepen houw gepols die wolle oethelpe. Dus voetballe zou mesjiens toch waal kenne. Ron reageerde doaop: De waek van de veteranen woort aafgesjloate mit n bietje leifde. Sjterker nog: mit un leifdesverkloaring die de ganse wereld in woort gesjlingerd op facebook. Aafkomstig van Rene Hillen:

18 Un opmerkelijk berich aangezeen Rene en Yvonne alwaer unne ganse tied biejein zeen. Desondanks vonj Willem Thewissen (zo wie t geer wit is hae getrouwd gewaes mit Yvonne) t neudig om te reagere. Ziene vrundj Ron woar d r wie de kippen bie om Willem te deksele:

19 En van die leifdesverkloaring bie de vets goan veer euver noa os dames team. Dat kent n geweldig sezoen en is auch noa dit weekend nog ummer ongesjlage. Dit keer woort un zjwoarbevochten punt behoald taege de dames van SVME oet Eijsden. Net zo wie veurige waek deit Jill Janssen waer versjlaag in heure karakteristieke sjtijl: Hauf 9 bie De Sjter verzamelen om richting Eijsden te goan. Alle dames op tied. Respect! SVME begint sjterker. Siri leet zich neet d r oet renne. Samantha maak de 0-1. En auch nog ens mit heur chocolade-bein! Intusje woort Tom Keulen wakker en zei: boh, die wat doa naeve de dug out sjteit, is ech unne freak. Volges de angere dames woar dat maedje echter waarsjienlijk geweun noa Pussy Lounge gewaes en woare de verdovende middelen nog in wirking. De sjeids flut omdat d r emes LOS ruip. Tom wou nog zegke: maar sjeids, ze zei JOS, maar realiseerde zich toen dat t ein dames team is wat hae traint. Maartje maak ongertusje un sjieke redding. Op de bank bliek dat Marwa n sokken fetisch haet. Maartje is waer on fire in de goal. Marwa kinne oetlegke wat jarretels zeen, Shauni geef auch commentaar, ut niveau daalt waer, wurse meug van. Sommige dinger mosse eigenlijk niks euver zegke, maar allein op de foto vaslegke (Tom s traininge beveurbeeld). Dyonne dach effe dat de voetbal unne gehaktbal woar en raakte m mit de handj in de 16. Gelukkig is de sjeids zaat (auch van pussy lounge?) en geef hae geine penalty. Rust. Lonneke d r oet, Kyra d r in. 46 e minuut: Kyra beukt un vrouwke om, vrouwke kent gewisseld waere. 1 down, 10 to go. Bo rent 2 man d r oet, knalt de bal en ooooohwwwww naeve. SVME krig un kans maar sjut euver. Bo sjpeelt twee man veurbie. Mooie actie van Kyra die helaas neet aafgemaakt kent waere. De sjeids flut onterech veur boetesjpel. De gemoederen loupe op. Dyonne gaele kaart en 10 minute d r oet. Ut wurt noe te ergerlijk om nog wiejer versjlaag oet te brenge.

20 Ben zelfs vergaete te vermelden dat al lang de 1-1 is gescoord door SVME. Dat is auch de oetsjlaag. Hooooiiii! Un prima versjlaag waer van Jill, ut sjoonste, leifste en intelligentste maedje van os damesteam. Typisch zo n maedje wovan se denks: wie is t toch muigelijk dat die vriegezel is. Un maedje dus auch wo hauf mannelijk Sjtein achteraan lup. Maar sinds veurige waek is Jill neit langer besjikbaar. Ze haet zich eine aan de hoak gesjlage. Unne voetballer. Van De Sjter 1 nog waal. Vanzelfsjpraekend woar ze op zuik gewaes noa de knapste jong van ut eesjte. Of in jeder geval noa de intelligentste jong van De Sjter 1. Of noa de riekste jong.. Of toch op z n minst noa de beste voetballer. Wie die allemoal neit besjikbaar bleke te zeen, besjloot Jill dan maar te keize veur de uniekste jong van De Sjter 1: Goud bezig, Heffels! Noe de kommende waek effe flink de duracell-knien oethange, zodatse kommend weekend waer lekker ouwerwets 90 minute dae linksboete van de taegesjtenjer in de tesk kens duuje. Rob Sjulpe