Achter: Giel, Guido C., Paolo, Stan Midden: Mike, Ricardo, Guillermo. Veur: Hassan, Marko en Bob Bank: Bastiaan, Timo, Luc, Sjoerd

Transcriptie

1 De Sjter 1 sjpeelt geliek taege Scharn; De Sjter 2 plaatsj zich veur noacompetitie; Devon Moerkens scoort! Clannad deit sjrikbarende ontdekking euver de Frusj!; Ron Marchal grote oetblinker bie vets! Un vol programma veur os seniorenteams aafgeloupe weekend. En de resultaten woare wisselend. Os eesjte elftal wis t noacompetitie-ticket nog neit definitief binne te harken en bleef op un doelpuntloos gelieksjpel sjtaeke in Sjaaaaaan (zonder de letter r, zo hub ich geleerd van Steef van de Woude). Ut tweede won eindelijk waer ens unne wedsjtried en koom noa aafloup tot de sjrikbarende ontdekking dat men zich doadoor geplaatsj houw veur de noacompetitie veur promotie. Ut driede sjpeelde in un fantasie-opsjtelling en verloor taege kampioen Born. De dames houwe niks te voetballe en ut viefde won aafgeteikend en zoog en passant heur vedette Devon Moerkens scoren. De vets tot sjlot wonne verrassend hunne oetwedsjtried taege t sjterke Belsje Eijsden Polonia, mit name dankzij de inbreng van un aantal zonen van veteranen. En auch in ut randjgebeuren woar d r waer unne houp te belaeve aafgeloupe waek. Wat te denke van ozze hoofdtrainer dae ziene jongste sjpeler te kakke zet op facebook, en dae bovendien noe de vruchten pluk van un bezuik aan hoeze Jevric in Maes, un aantal moanje geleje. Of van Roel Heffels, dae door Jari Knoops wurt geholpe bie zien hersjteloefeninge om terugk te kere van un blessure. Vanzelfsjpraekend hubbe veer auch waer get foto s van de alom-aanwezige Bastiaan Muijtjens, wobie t bliekbaar un lokale sjport is gewoare om Bastiaan zo onfortuinlijk muigelijk op de foto te kriege. Veer zeen auch Frans Beaujean terugkkomme, dae taege un boete aanlup in Sjarn. En veer komme d r achter wat de wurkelijke reje woar dat Mark Habets un paar waeke geleje 5 kilomaeter is goan renne in Remunj. Roy Visschers geef un nuuje dimensie aan ut begrip scorebord-journalistiek, Devon Moerkens vuilt geliek de consequenties van zien prachtige goal. En Clannad tot sjlot deit un sjrikbarende ontdekking euver heure vrundj Stefan de Frusj. Genog te besjpraeke dus dit weekend en veer beginne ut versjlaag bie de verrichtingen van os vlaggesjip. Die houwe nog twee wedsjtrieje veur de boeg en moosjte doa in 3 punte hoale om t noacompetitie-ticket veilig te sjtelle. Aafgeloupe zoaterdig woar de eesjte kans doatoe in Sjarn. Unne jong dae in jeder geval vol goeie mood noa dae wedsjtried aafreisde woar Bob Dukers. Dae is immers veur zien rie-examen gesjlaag. Feestelijk zat hae dat berich op facebook. En verrassend genog woar t ziene trainer Ronny Czornyj dae mit un reactie doa op koom, wovan (es ze real-life woar gemaak) alle omsjtenjers sjpontaan ein handj veur de mondj houwe gedoan en mit t angere hendje woare goan wappere:

2 En Ronny woar sowieso dees waek waal op dáe tour. Want auch sjpits Marko Jevric, dae binnekort veur de tweede keer papa wurt, kreeg d r van langs. Wie alle sjpelers Marko in t kleidlokaal gefeliciteerd houwe, koom Ronny binneloupe. Dae sjtapte geliek op Marko aaf. Ronny: Zie je Marko, ben ik 1x bij jou thuis langs geweest en het is meteen prijs. Marko: Ah, nu snap ik het. Daarom loopt mijn hond dus al een tijdje mank. Wiejer woar t in de aanloup noa unne eventuele noacompetitie bemoedigend om te zeen dat Roel Heffels flink bezig is mit t wirke aan zien hersjtel. Ziene vrundj Jari Knoops hulp m zo te zeen prima bie de oefeninge die hae van de fysio mot doon. De gewichten die Roel op dees foto ongetwiefeld in zien henj houw, zeen helaas nét weggevalle:

3 Terwiel de jonges oetermate rustig en zelfverzekerd toelaefden noa de wedsjtried en ontsjpanne hun warming up aafwirkten, lepe de zenuwen flink op bie elftalleider en mental patiënt/coach Frans Beaujean. Dae moosj effe zien bloas laege en dat kump Frans dees waek ongetwiefeld nog op un boete te sjtoan: Coach Czornyj houw auch dees waek waer te make mit un aantal blessures (Timo, Guido R. en Roel) en sjorsinge (Thijs) en sjtuurde zien elftal es volgt de wei in: Kis: Geoffrey Achter: Giel, Guido C., Paolo, Stan Midden: Mike, Ricardo, Guillermo Veur: Hassan, Marko en Bob Bank: Bastiaan, Timo, Luc, Sjoerd

4 Al mit al woar ut unne vrie matige wedsjtried van ozze jonges, wo in mit name t gebrek aan scorend vermogen waer opvallend woar. Positief is desondanks dat d r waer un flink aantal prima oetgesjpeelde kansen woorte gecreëerd, taege unne taegesjtenjer dae nog un puntje neudig houw om zich veilig te sjpele. De sjlotsom woar dan auch dat de kansenverhouding 2-6 woar in t veurdeil van os jonges, maar dat noa 90 minute rommelig voetballe nog ummer un 0-0 op t scorebord sjting. Veul zegkend woar dan auch dat De Sjter heur oetblinkers zondig houw in de personen van centraal duo Guido Cals en Paolo di Lernia. Al woar de aanwezige Ron Marchal get kritischer taege de prima sjpelende Guido Cals: Doa mot toch nog get bie komme, Guido, es doe volgend sezoen bie de veteranen wuls aansjleite. Dae Sjulpe dach auch dat t unne mekkelijke euversjtap woar, maar dae is inmiddels blie es r nog un kwarteerke moag invalle. Volgende waek sjpele ozze jonges hunne letste thoeswedsjtried van de reguliere competitie taege Eijsden. Bie un euverwinning is men zeker van de noacompetitie. Aan un geliek sjpel kent men auch genog hubbe, mits Caesar mit minder dan 6 goale versjil heure letste wedsjtried wint taege Sporting Haerle. Loate veer hoape dat d r nog n vervolg geit komme veur os jonges. Mit name de aafzjwèjende Ron Czornyj, Guido Cals en Paolo di Lernia zouwe doamit un verdeinde beloning kriege veur hun joarelange veurbeeldige inzet. Succes mannen! Dan sjnel door noa de mannen van 2. Die sjloten de eesjte sezoenshelf aaf op de 2 e plaatsj, maar woare inmiddels flink noa onger gedukeld op de ranglies. Aafgeloupe weekend sjpeelde men heure letste wedsjtried, taege t hoog genoteerde SCM. Un nederlaag zou beteikene dat ut sezoen zou waere aafgesjloate op n plaatsj die maar nét boave de degradatie-sjtreep ligk. De matige prestaties van enkele sjpelers van 2 woorte ongersjtreep door t feit dat de jonges sinds kort neit meer gevroag waere om bie 1 aan te sjleite, maar bie angere seniorenteams. Mit es deiptepunt ut verzuik dit weekend aan Jari Knoops: Vanzelfsjpraekend kome dees waek auch waer de neudige foto s van Bastiaan Muijtjens veurbie, wobie de fotografen hun utesjte bes doon om deze womanizer zo onfortuinlijk

5 muigelijk op de foto te kriege. Effe ongemekkelijk kort achter diene trainer zitte klik unne keer un sjtom gezich trekke in t café klik nou ja, en soms vreug r auch geweun d r om: Maar goud. Noa un mislukte tweede sezoenshelf woar d r veur de mannen van 2 alle reje om nog eine keer volle gaas te gaeve op zondig. En wat deisse dan natuurlijk op zoaterdigoavend. dan geisse lekker zoepe op de foute party in Maes. Op zondig sjpeelden de mannen van 2 echter un wereldpartie. Jari Knoops deit doa op grandioze wieze versjlaag van: De Sjter 2 sjpeelt SCM 2 van de mat in unne denderende wedsjtried. Es veer zo in de noacompetitie sjpele dan zulle veer OSS (sjnap geer m?) zeker loate gelden. Mit Bastiaan niet hier Muijtjens in de kis begoosjte veer mit gooj mood aan de wedsjtried. Kenny army boy Lemmens sjting rechsback, Jari naeske veur de goal Knoops samen mit Cyril het

6 ijskonijn Bruinen sjtinge centraal achterin en Sjoerd Sevn van Mulken sjpeelde linksachter. Joep sjeids, taege wae sjpele veer eigenlijk? Nacken sjpeelde verdedigend op t middenveldj, same mit Frank de kries 10 euro esse de Haenraets. Op de 10 sjting Luc ich kal gein Spaans. Links veur sjting Steve nippels Krijgsman. In de sjpits sjting Luca witte raekel Bruijnestein en rechsveur Randy lokvogel senior Wanteliç. Op de bank zote Stefan il silencio Frissen en Raoul ich maak plaatsj op de Pas. Grote aafwezige woar Youri IVS-boy Voesten. Bart weekendje weg Linders hanteerde de vlag en mede dankzij extra assistent coach Roel klompvoot Heffels begoosj De Sjter mit extra motivatie aan de wedsjtried. Emes dae d r auch ech zin in houw woar de sjeidsrechter van deins. Dae zoot sjmurges al es eesjte in kantine aan de bar. Wie Joep Nacken dag zoog, vroog Joep wat de sjeids zo vruig in de kantine deig. Dae antjwoordde dat hae gedach houw dat t langer rieje woar. Op de vroag van Joep wo hae dan woonde, koom t verrassende antjwoord Gelaen Wie Joep doa op aan de sjeids vroog taege wae veer eigenlijk sjpeelden, zei de sjeids maar niks meer en lachte allein vrunjtelijk. Oet taege SCM houwe veer nog mit 1-5 gewonne. Frank miste in dae wedsjtried unne penantie en de jonges van SCM woare dat nog neit vergaete. Wie De Sjter al aan de warming up begonne woar, kome de 2 grapjassen van SCM t veldj op. Eine woar unne looka-like van Mario Melchiot, allein un sjtuk breijer. En de angere jong woar unne donkere jong en woar hunne aanveurder, dae vloeiend Mesjtreichs kalde. Ze zoge Frank en geliek woort geroupe: Hey Frankie, ga je weer penalty pakken straks? SCM houw maar 11 man besjikbaar en houw al gevroag of de wedsjtried neit oetgesjteld koosj waere. De Sjter begoosj good aan de wedsjtried en koom al vrie vreug veur door un goal van Randy, noa unne prachtige pass van Frank: 1-0! Doanoa veel Cyril helaas oet en moosj De Frusj aantraeje. Kenny ging centraal achterin sjpele en De Frusj op rechs. Noa un insjattingsfout achterin koom SCM op 1-1. Dit woar tevens de russjtandj. In de rus woort OSS (sjnap geer m al?) vertild dat die van SCM kapot zote. Beide teams woare noa rus sjnel op t veldj. Allein de sjeids woar d r nog neit. Un aantal sjpelers van SCM zoog hun kans sjoon en noom get sjlukskes pils. De keeper vulde zien bidon doodleuk mit pils en koom vroage of veer auch get wolle. Doanoa haet r de bidon maar waer get biegevuld. Wie De Sjter de 2-1 maakte (via A-junior Luca!) woar t eigenlijk waal geloupe. SCM geluifde ut waal en deeg neet meer al te veul. De Ster paste zich aan en deeg auch neer meer al te veul. Noa t zoveulste penalty-moment lag de sjeids m eindelijk op de sjtip. Dae van SCM begoosj te roupe FRANKIIIEEEE!. Randy woar echter sjneller bie de bal. Die van SCM begoosjte te roupe hey kleine, je veter zit los. Randy dreijde zich doa op om, goof unne knipaug en deponeerde de bal vervolges netjes in de krusing, wonoa Randy op t gemaak ziene veter ging sjtrikke, tot hilariteit van de sjpelers van SCM. Noa die goal vroog de aanveurder van SCM aan de sjeids om aaf te fluite mit de weurd: alleij maaaaan, ich heij al 4 hauve liters op kenne hubbe. Dat deig de sjeids dan auch, noa goudkeuring van De Sjter.

7 Noa t feestelijk viere van die klinkende euverwinning, houwe de mannen van 2 allein nog hun aafsjleitende sezoens-uitje op t programme. Op moandigochtend koom echter un ontnuchterend berich: Coach Crutzen besjloot doa op geliek auch maar un goei veurbereiding te sjtarten. D r moosj twee kere fél getraind waere dees waek. Totdat hae d r achter koom dat zien Juventus op dinsdig veur de Champions League moosj aantraeje. En toen kreegse dit op dinsdigoavend:

8 De sjriever van dit sjtuk vroog om opheldering. En die koom d r auch geliek: Proficiat mit uch kwalificatie veur de noacompetitie, mannen van 2. Ut zal vas en zeker waer get sjoons waere in die bus noa Oss. Deil de verhoale maar lekker mit os. Dan kenne veer nog ens unne sjlaag lache. Oh, en veurdat ich t vergaet. Names ut tweede mot auch nog vermeld waere dat de jonges aafgeloupe zondig un aantal prieze hubbe binnegesjleip. Jari ligk dat hoarfien oet:

9 Van ut tweede goan veer euver noa ozze dames. Die houwe niks te voetballe en dus woare die auch in grote getale vertegenwoordigd in de café s in Maes en Sjtein aafgeloupe weekend. Foto s doavan, boete de foto die al eerder in dit versjlaag sjting, hub ich helaas neit ontvange. Desondanks un leuk bericht van de dames dees waek. Ut geit om Clannad Kaumans, die inmiddels alwaer ongerhaug joar vriejt mit Stefan de Frusj. Jari Knoops woar gelukkig aanwezig om dit pareltje oet de mondj van Clannad op te teikene: Tied om ens get te sjrieve euver de mannen van 5. Die zitte in unne geweldige flow de letste waeke. De ingecalculeerde nederlaag taege Gelaen van veurige waek deig doa gein aafbreuk aan. Un aantal factoren hubbe ongetwiefeld un rol gesjpeeld in die goei resultaten. Op de eesjte plaatsj is Rick Kostons de liefde van zien laeve taegegekomme wodoor hae al un aantal waeke on fire is. Wiejer is de vrouw van Stan Ortmans, Ilona, al un paar waeke neit

10 meer komme kieke, wodoor de mannen gein aafleiding langs de kantj houwe. En tot sjlot is coach Mark Habets inmiddels flink aan t hardloupe gesjlage wodoor hae auch es sjpeler un meer dan veurtreffelijke rol vertolk inmiddels. Al kome d r dees waek euveriges waal vroagteikes te sjtoan achter dat hardloupe van Mark. Zien ploeggenoten vonje t al verdach dat hae un paar waeke geleje unne wedsjtried ging renne in Remunj. Inmiddels is gebleke wat Mark s prikkel woar: Bie al die positieve ontwikkelinge koom aafgeloupe weekend auch nog ens dat Devon Moerkens extra geprikkeld woar door zien 5-0 nederlaag bie un pötje latje-tik taege zien vriendin. Plus dat publiekslieveling Royke Janssen nog veur eine keer terugk woar gekomme oet zien voetbal-pensioen (ongetwiefeld geprikkeld door de berichte euver de 67-joarige Will Leurs van veurige waek) om de goal van ut viefde te verdedigen. De mannen moosjte t thoes opnumme taege Lömmerich 4 en op de groepsapp woar d r zondigmurge al vruig activiteit:

11 Ralph Doek deit versjlaag in n sjtijl die (qua ontbraekende chronologie) deit denke aan un Quentin Tarantino-film. En es ich d r zo euver noadenk Dae Doekie zou bes gesjik zeen om de door John Travolta vertolkte rol van Vincent Vega te sjpele in de Nederlandse verfilming van Pulp Fiction (google m maar ens). Maar goud, hie kump Doekies versjaag: Veer heije genog luuj maar houwe desondanks Royke Jansse nog ens opgetrommeld om de kis te verdedige. Dae deeg mit onger 1 veurwaarde: zurg dat ich gein bel op de goal krieg want miene vinger wirk nog ummer neet noa beheure. Noa aafloup van de wedsjtried koosj Roy tevreje concludere dat hae geine eine bal op goal houw gehad en dat de kleijer geweun waer zuver terugk de tesj in koosjte. Omdat d r gratis beer woar in t kleidlokaal besjloot Roy desondanks gezellig mit de jonges te douchen. In de wedsjtreid woare veer vanaaf minuut 1 de boaveliggende partie. Allein doerde t get lang veur de bal in t netje loog. Michel kreeg op links unne sjtrakke pass oet t middeveldj, trok noa binne en dreijde de bal in t linkerkruus! 1-0!

12 De thee sjmaakde good en noa de rus ginge veer vrolijk wiejer mit aanvalle. Ich mot zegke dat Raoul Dassen en ich os bes goud aanveule op t middenveldj. Hae zei noa aafloup auch taege mich dat hae geine kramp meer houw gehad sinds ich naeve m sjpeel. Kort samegevat: Doek deit t voele werk. Al kreeg ich dat zondig terugkbetaald doordat hae mich de assist goof wo oet ich de 2-0 koosj score! Noudje Claessens houw t versjtendj op 0 sjtoan en scoorde de 3-0 in de korte hook wie hae van links de 16 woar binnegedronge. De eesjte helf houw Noudje euveriges nog letste man gesjpeeld omdat Ivo get laat woar. Dae woar zich zoaterdigoavend eine in t dörp goan drinke. Devon sjting auch waer ens in de basis! Deze keer omdat zien nuuj vlam koom kieke. Hae woar dan auch verdach veul aan t renne en kreeg auch get kenskes. De tweede helf kreeg hae effe rus maar de letste 20 minute veel hae waer in veur Noud.. Op dat moment woar t vanzelfsjpraekend alle bel op Devon. En die 100 sjtaekpasses woorte oeteindelijk beloond. Want vlak veur tied sjoot de jong keihel de 4-0 binne, via de ongerkantj van de lat! HOPPAAAAA!!!! Doamit sjteit t noe mit latje-tik 5-1. veur Anouk Oh, en trouwes, de chick van Stan woar auch doa! EN GEWEUN GEWONNE! Noa de wedsjtried zoot d r veur Mark Habets, es beheerder van de groepsapp van ut viefde, maar ein dingk op, om te veurkomme dat unne dolblieje Devon de kommende waeke blif spammen euver zien goal: Van ut viefde make veer de sjprong noa ut driede. Deze Beesten houwe de letste wedsjtried van t sezoen op t programma sjtoan en dat woar auch geliek unne zjwoare. D r moosj namelijk gesjpeeld waere taege kampioen Born. Aangezeen de letste waeke herhaaldelijk de opsjtelling van ut driede al in de plaatsjelijke media woar versjene, wodoor taegesjtenjers un veurdeilke houwe, besjloot coach Gooren dees waek get veurzichtiger te zeen in zien communicatie op vriedigoavend:

13 Net zo wie veurige waek deit de onnoavolgbare Roy Visschers versjlaag van de wedsjtried: Deze zondig sjting de letste wedsjtried van t sezoen op t programma taege Born 2, wobie de harde supporterskern uiteraard waer aanwezig woar: Frenske Janssen sjting waer sjoon langs de lien. Hae houw zelfs zien Annelies mitgenomme, zoveul vertroewe houw hae bliekbaar in unne goeie aafluip. De grote (toch bes kleine) aafwezige woar Chris Boselie dae al t hele joar lekker aan t zaege woar op de linksback, maar noe mit unne angere gummyknuppel moosj goan sjpele. Ut sezoen van ut driede is neet zonger sjlaag of sjtoot gegange: sjwane wedsjtrieje gesjpeeld, puntjes hie en doa gepak, maar auch grote nederlagen motte lieje. Ondanks alles is de trainer echter tevreje. Al is os ongertusje auch neet meer gans dudelijk wae noe de trainer is: Rene de vochvraeter Gooren of Brian ut sjouwerke Nitsch. Wie dan auch: veer hubbe maar leifs 10 ganse punte verzameld dit sezoen. Wodoor de doelsjtelling om t driede van veurige sezoen (0 punte) te passeren, ruumsjoots is behoald. Veur toepassing van de gouwe regel never change a winning team mot d r eesj gewonne waere en dus moosj de opsjtelling taege Born rigoureus angesj. Omdat Rene en Brian t zelf auch neet meer wiste houw Marco Vaessen, ozze sjterkhouwer mit de vlag, löatjes gemaak om te kieke wae op welke plaatsj moosj sjpele. Die loaterie leidde tot de volgende opsjtelling: Keeper woar Brian ut sjouwerke Nitsch. Vervolges un driemans achterhoede mit links Roel van den Heuvel, centraal Thijs Kemp en rechs Maikel soldierboy Melis, dae auch ens unne keer aanveurder wol zeen, dus estebleef Maikel!

14 Ut middenveldj besjting oet links Rene de zak Gooren, Centraal Martijn dae vettige Spronkmans en rechs Roy de Vusj, dae dudelijk baeer is in keepen dan in voetballen. Veurin sjting dan de topper Marco Titties, mit zien driekwaartsbrook, en Bob Schoutropp. Zo wie t geer al aanveult wirkde de opsjtelling sjus neet gans te gooi wodoor un euverwinning onmeugelijk woar. Hoogtepunten woare d r neet echt in de eesjte helf, op zeer onsjportief gedraag van de sjpelers van Born noa. Un aantal beperkten bleef sjteeds get duuje, trekke en noatrappe. De sjeids woar door Stichting Zonnebloem geleverd en woar helaas de zonnebril vergaete. In de rust bleve de jonges van ut driede versjtenjig boete. In ut kleidlokaal woar namelijk door Rene en Thijs gesjete en neet doorgetrokke. Jonges geer zeet ech dood van binne! De eindsjtandj bedroog helaas 3-1. Ut einde van un zjwoar maar waal innoverend sezoen bie ut driede. Op noa ut volgende! Bie deze nogmaals dank aan Frenske Janssen vanwaege zien grote sjteun. Veer hubbe besjloate dich es driede veur kommend sezoen un sezoenskaart cadeau te doon, Frans! En dees waek auch dank aan Johnny van de Sjpin dae de muijte noom om ozze wedsjtried aandachtig te bekieke! De sjriever van dit sjtuk houw ut versjlaag van Roy aandachtig gelaeze en vonj t neudig om toch get aan kritische fact-checking te doon, om te veurkomme dat de laezers fake news tot zich motte numme. De reactie van Roy woar echter oneuvertroffe. Mit name zien eesjte berich geef un ganse nuuje dimensie aan t begrip scorebordjournalistiek:

15 Dan res os allein nog t doornumme van de waek van de veteranen. Die ammeseerden zich op de eesjte plaatsj aafgeloupe weekend op de kirmes in Sjtein. Zo genoot veurmalig sjponsor van de vets, Johnny van de Spin, zichtbaar van de nuujste attractie, Rosjéee de mechanische sjtier: Doordewaeks op de groepsapp houw mit name Steef van de Woude de aandacht getrokke mit t versjture van unne houp ranzige filmkes. Jack Dassen houw doa op enig moment genog van en zag Steef de wach aan. Willy de Worm zurgde veur de perfecte aanvulling:

16 Op de daag van de wedsjtried woar d r waer get te doon euver de plaatsj van vertrek en wae ein en anger moosj organisere. Ut kamp Thewissen koom op dat vlak mit unne sjtoot onger de gordel, wo op de fractie Lacroix geliek mit un reactie koom: Oeteindelijk vertrok vriewel de ganse selectie netjes vanaaf t Hetjen. Noe woar dat op zich auch waer neit zó n geweldige prestatie want de totale selectie besjting oet welgeteld 10 veteranen. Aanvulling koom d r in de personen van zonen van veteranen, namelijk Mick Cremers, Robin Janssen en Ken Marchall. Ken s pap Ron moosj doa nog get euver kwiet. Ron: Joamer dat allein kinjer moage oethelpe die officieel in dien trouwbuikske sjtoan. Angesj houw ich d r meer kenne mitbrenge. Veurdat vertrokke koosj waere, moosj Mat Cremers nog effe get kwiet euver de sjoon die hae aan houw.

17 Mat: Kiek jonges, dit zeen echte sjtruisvogel laere sjoon. Misha: Ich wis gaar neet dasse laer van unne sjtruisvogel koosj kriege. Willy Worms: Dan hoap ich dasse dalik neit de kop in de grondj sjtiks es d r unne bal op dich aafkump. Aangekomme bie t stadion van Patro Eijsden, besjtelde Robbie van der Linden zich get in de kantine: Dat houwt geer neit gedach, he. Dat Robbie unne koffie zou besjtelle. Dae koffie woar dan auch besjtump veur Frens Janssen. Ut pilske van Robbie woort nog getap op dit moment Maar ere wae ere toekump: Robbie zou waal veur de 2 e keer in 3 waeke unne ganse wedsjtried oetsjpele. Klasse Robbie! Coach Frens houw veur alle zonen un basisplaatsj ingeruump. Rudy Crutzen haet zich in korte tied opgewirk tot nummer 1 in de hiërarchie en verdedigde de goal. Sjterker nog noa de wedsjtried wolle get luuj grappig zeen door Rudy commentaar te gaeve op un taegegoal, maar Willem Thewissen greep doa op geliek in. Roger: Die tweede goal houwse ech motte hubbe, Rudy. Rudy: Nae, doa koom ich éch neit aan.

18 Willem: Noe sjei oet jonges, dalik hubbe veer taege Heidebloem volgende waek waer Ron in de goal sjtoan. Ron: Joa jonges, sjei sjnel oet. Rudy doe woars geweldig vandaag. Maar goud, Rudy dus in de goal. Achterin op rechs sjting Willem the Body Thewissen. Aan de linkerkantj achterin sjpeelde Eddy van de sjoonfemieje mosse ut hubbe Ubbink. Coach Frens houw dus bewust gekoaze veur sjnelheid en duelkracht op de flanken achterin. In ut centrum van de verdediging woar gekoaze veur rust, voetballend vermogen en ervaring, in de personen van captain Mat de metro-man Cremers en Robbie doog mich maar un piepke van der Linden. Ut middenveldj woort bemand door Micha de sjaver Dreessen, Stef auw kut op dat middenveldj mosse veul loupe Conjour, en Robin snooki Janssen. Veurin sjpeelden Ken de troage Marchal op rechs, Roger lichtvoet Daemen in de punt en moosj Mick d n Titsj Cremers probere Will Leurs te doon vergaete op de linkerflank. Op de bank moch de gepasseerde sjriever van dit sjtuk plaatsj numme naeve unne getergde Ron Marchal. Ron: Veurige waek vief assists, dees waek Will Leurs neit d r bie, maar 13 man hie en nóg gein basisplaatsj. Frens: Veer sjpare dich veur de tweede helf, Ron. Ron: Ja maar Nicole kump dalik kieke en die bringk de mam van mich auch nog mit. Wat mot ich dan taege die zegke? Thoes hub ich ummer grote verhoale. Taegesjtenjer Eijsden/Polonia houw waer unne mix van twintigers en vieftig-plussers opgesjteld wodoor veer os neit houfden te sjame veur t opsjtelle van die drie jongelingen aan ozze kantj. Noa aafloup sjneej Willem Thewissen desondanks dat ongerwerp nog effe aan bie unne sjpeler van Eijsden. Willem: Die jong men bie os woare allemoal zonen van veteranen. Normaal doon die neit mit, maar veer krege de luuj neit biejein. Sjpeler Eijsden: Dat maak toch niks oet jong. Willem: Veer weite dat geer auch ummer jong men d r bie hub. Vandoa. Sjpeler Eijsden: Dat zeen auch zonen van os. Allein kenne die zonen van úch wáál voetballe De Sjter begoosj prima aan de wedsjtried. Stef sjtuurde al sjnel Mick de deipte in en dae ronjde bekwaam aaf veur de 0-1. Noa 10 minute sjpele woort de veursjprong zelfs verdubbeld wie Ken de bal in de lange houk dreijde. Doanoa deige de gastheren get terugk via unne kupbal van kortbie, wodoor de score waer op 1-2 sjting. Die taegegoal houw euveriges un lichte geheursbesjadiging bie de sjriever van dit sjtuk tot gevolg. Omdat ze in Belsj zonger grensrechters voetballe, zoot Willy de Worm naeve mich op de bank. En dae koosj zich neit beheersen, leet zich verbaal gelden, en deig dat rechsjtreeks in mien buis van eustachius.

19 Veurin sjting Roger Daemen intusje, wie vanouds, lekker t lichaam te gebroeke om t belke aaf te sjerme. Vanaaf de bank heurden veer Rudy doa get euver zegke taege Matje. Ron leet doa op get commentaar heure vanaaf de bank. Rudy: Mat, kiek d n Doam. Sjus wie Henny Meijer vruiger. Mat: Joa, doa haet r get van weg. Ron: Helemoal neit. Henny Meijer houw allein un dikke kóntj. Ken scoorde vervolges auch de 1-3, onger toezeend auch van zien vriendin, zien mam en zien oma. Die sjtroalden van geluk. Inmiddels woar de rust aangebroake en moch Ron in de sjpits de plaatsj euvernumme van Roger. Ron woort al sjnel in de gelegenheid gesjteld om te scoren, wie Micha m unne perfecte assist goof. Helaas woar die kans neit aan Ron besjteed. Intusje houw Eijsden de 2-3 gescoord. Aeve later krege veer unne vrieje trap op 20 maeter van de goal. Ron eiste de bal op en op de bank begoosj men al nae te sjudde. Ron trok zich doa niks van aan een krulde de bal magistraal in de driehouk: 2-4. Effe later woar t opnuuj Ron, dae oet unne pass van zoon Ken, doeltreffend oethoalde. Dit keer woort de bal van 22 maeter sjnoei-hel, mit boetekantj wreef in de driehouk gemik: 2-5. De Belsje scoorden nog unne keer taege en noe vonj Willem Thewissen t sjneu waere veur de sjriever van dit sjtuk. Hae fakete un blessure wodoor d r nog un kwarteierke sjpeeltied euverbleef. In dae tied scoorde Ken op magistrale wieze nog ziene derde van de middig en doamit woar de eindsjtandj bereik: 3-6. Terugk in t kleidlokaal, noa de wedsjtried, vroog Mick of de veteranen geine meziek houwe in t kleidlokaal. Mat reageerde doa op. Mat: Joewaal, veer hubbe hie ummer live meziek. Jo en Lizette komme dalik optraeje. Noe mot ich zegke dat ich, waarsjienlijk door mien immigratie noa Sjtein, nog get Sjteinder folklore mis. Gelukkig wis Willem Thewissen mich te helpe:

20 Onger de douche kreeg Ron nog get compliment euver zien sjpel van Robin, de zoon van Frens Janssen. Hae reageerde op zien Rons. Robin: Dat woar un lekkere invalbeurt, Ron. Ron: Houwse neit auch gaer unne pap gehad dae zo goud koosj voetballe es ich? Wie d r in t kleidlokaal waer unne houp gelache woar, richtte Willem Thewissen t woord taege de jong men. Eddy Ubbink vulde m aan. Willem: Tja jonges, geer heurt waal. Hie zit ech geine normale bie. Eddy: Joewaal, eine. Maar dae haet gein normale sjoonfemieje. Noa aafloup woort nog effe lekker boete in t Belsje zönke gezaete. Willem Thewissen probeerde doa un discussie euver de hoogte van de veteranencontributie te sussen. Willem: Jonges, noe sjei oet. Geer ligk ummer te roupe dat geer drie keer modaal verdeint en noe begin geer te zeivere euver un paar tientjes. Willy Worms: WATTE? Wae haet t hie ummer euver drie keer modaal????!!!!

21 Mat: Ja sorry, Willem. Dat ben ich inderdaad. Dat geldt veur mich. Ron: Wat doon veer eigenlijk mit de opbrengst van t tentfees, Matje? Mat: Eesj betale veer doa twee keer de trainerscursus van Rudy van. Rudy: Twee keer? Mat: Joa, de eesjte keer hoalse t toch neit. Doe kens waal de sjlumste van Voelender zeen, maar dat zaet neit zo veul. Vervolges richtte Willem zich tot de vriendin van Ken Marchall, die zich doa neit ech gemekkelijk bie vuilde. Gelukkig sjoot Willy de Worm heur te hulp. Willem: Belsje maedjes zeen de leifste maedjes die d r zeen, of neit kindj? Willem: Woarom bes doe dan in Groningen goan poppe? Ron: Hae haet geweun hie gepop. Joyce woar toen toevallig hie mit tiener-tour. Vervolges ging un grote delegatie van de veteranen noa de door Will Leurs georganiseerde reünie van n vermaarde Sjteinse discotheek. Alle geluiden noa aafloup woare positief. De tent woar perfect, ut woar lekker druk en werm (sjus wie vruiger), de meziek van Will woar top en t woar ein groot feest. Grote complimenten veur Will. Ut sjlotwoord van dees waek betruf, mit moederdaag in t veuroetzich, un ode aan de mam. Aan un specifieke mam, baeter gezag. Un ode aan de mam van Ron Marchall. Die houw zich aafgeloupe zoaterdig de muijte genomme om noa de wedsjtried van de veteranen te komme kieke. Zodat ze nog unne keer koosj geneite van ut samesjpel van heure zoon en heure kleinzoon. En die twee sjtelden heur neit teleur. Ron woar goud veur 2 goale in 35 minute voetballe en Ken scoorde zelfs unne hattrick. Glimmend van trots zoot de mam noa aafloup in t zönke op unne sjtool te loestere noa al dae quatsj van de veteranen. Ze vuilde zich doa prima. Lekker op de achtergrondj, minzaam lachend om alle verhoale, en nemes dae op heur lette. Totdat ze effe op heur horloge keek. Ron: Mam, geer houf neit op t horloge te kieke. Veer zeen zo thoes van hie oet. Mam: Joa? Ron: Jazeker, hie effe noa onger loupe, dan 20 minute sjtruim-opwaarts zjwumme en dan bie de tweede brök klump geer waer de kantj op. Wie de res lachtte, ging Ron wiejer. Ron: En es geer noe begint te zjwumme, kenne veer donderdig de crematie doon. Willem: Niks d r van, de mam van dich wurt minimaal 100. En bovendien: wo mos doe dan sjloape, esse waer ens bes doorgezak in Sjtein en neit meer moags rieje? Ron: Doa hub ich al aan gedach. Ich houd t kaemerke op de Moutheuvel geweun aan. Mam: Enne?

22 Ron: Woarom denk geer dat ich pas zonne grote vreizer bie uch hub loate plaatsje? Doa ken ich uch minstens 20 joar in beware. En wie t un échte leifhubbende mam betaamp, lachtte ze de weurd van heure zoon weg. Zo is miene Ron noe eenmaal. En doarom hubbe angere m zo gaer. En doa ben ich waer greutsj op. Dus loat m maar begoan, zo heurde se de mam denke. En wie Ron houw geregeld dat de mam mit Rudy, Rob en Misha koosj mitrieje noa Sjtein, koom d r nog n opmerking van Ron achteraan. Ron: Mam, let op veur die drie. Ich wul geine broor meer d r bie. En opnuuj lachtte de mam. En wie veer bienoa terugk in Sjtein woare, sjtelde de mam os nog un vroag. Mam: Jonges, wit eine van uch pes wie laat de Jumbo oape is? En doe heurdes heur doa geweun achteraan denke: Ich mot nog get in hoes hoale veur es Ron vannach blif sjloape. Wul de jong toch get fatsuunlijks veur zette murgevruig. Lang laeve de mam! Rob Sjulpe