Opnuuj prima weekend veur seniorenteams De Sjter!

Transcriptie

1 Opnuuj prima weekend veur seniorenteams De Sjter! Hoewel ut topweekend van veurige waek neit woort geëvenaard, kenne veer toch concludere dat veer un prima weekend achter de rugk hubbe bie os clubke. Weliswaar leden de veteranen op zoaterdig (7-5 taege Sporting Haerle) en de dames (5-6 taege DVC) en ut tweede (0-2 taege Meerssen) nederlagen, maar die woorte ruumsjoots gecompenseerd door de angere teams. Zo noom os driede, via un 1-1 geliek sjpel, un punt truk oet Aelse in de derby der derbys, en sjleipte os veerde un punt in de wach taege hoogvleiger Amstenrade. Es kers op de taart wis os vlaggesjip op zondigmiddig de drie punte mit truk te numme oet Haelen, via un 0-2 euverwinning. Al mit al dus op voetballend gebied al gein sjlech weekend. En auch in ut randjgebeure genog te belaeve dees waek. Zo bliek ozze nuuje keeper van 1, Ruud, un geheime aanbidster te hubbe in os damesteam. Frans Beaujean deit un sjrikbarende ontdekking euver ziene gemeinde boezemvriend Jean Maas. Eesjte elftalsjpeler Boyd wurt, in De Sjter-tenue gesignaleerd bie Devils&Angels. Doelpunten dees waek van coryfeeën Mark Habets, Pascal Conjour en Gerard Martens. En veteraan Mat Cremers blif noa de wedsjtried oerelangk boeien mit zien verhoale oet de auw doos. Loate veer dus maar sjnel beginne. En dan doon veer dees waek mit os eesjte elftal. Want Randy Wanten leverde dees waek waal erg sjnel zien versjlaag in. Doa bleek un goei reje veur te zeen. De LOS wol namelijk auch input hubbe:

2 En bovendien leverde ut un leuke taegeprestatie van grensrechter Marco Vaassen op, op Mallorca de kommende waek. Maar veurdat veer euvergoan noa ut versjlaag, eesj nog effe de waekelijkse foto van Davy Hodselmans en Steffan Laumen in cafe de Poart op vriedigoavend: Volges diverse bronnen binne de club is Steffan mit aafsjtandj de beste aankoup dit sezoen. Unne goeie voetballer en unne topper veur de derde helf, zo heurse euveral. Reje veur de veteranen om deze potentiële toekomstige aanwinst nauwlettend te loate volge in De Poart jedere vriedig door undercover-scout Ties Otten:

3 Mit unne oetgesjloape Davy moosjten ozze mannen van 1 op waeg noa Haelen veur hunne derde wedsjtried van ut sezoen. Ut woar zaak om doa drie punte op te hoale en dus woar in de aanloup noa de wedsjtried alles tot in de puntjes geregeld. Op ein dingk noa Aangekomme in Haelen bleek de keeperstruit van Ruud neit in de tesj te zitte. Sjnel woort noa Sjtein gebeld, wo de trui van Ruud woort aangetroffe in de dreuger, tusje de tenues van de dames. Sjnel woort de trui in un tuut geduujd en noa Haelen gebrach. Doa hoalde elftalleider Frans de trui oet de tesj en trof doa get onverwachs bie aan:

4 Wae van de dames un signaal haet wulle aafgaeve mit dees actie is op dit moment nog neit dudelijk. Veer goan ut de kommende waek tot op de boam veur uch oetzuike. Randy Wanten deit wiejer versjlaag van de wedsjtried: Op zondig 7 oktober speelde de ster ziene verste oetwedstrijd van het seizoen in Haelen. De ster hei veurige weak ein klinkende 6-0 euverwinning op Heer behoald, maar is midweaks weer moet beide voetjes op de grond geplaatst noa het 1-1 geliekspel teage jong-roda op dinsdigoavend. De ster wist dus dat ze vol aan de bak mossjte teage promovendus Haelen. De opstelling woar als volgt: ruud schuman in de kis, achterin vlnr sjoerd van mulken, timo haberland, davy hodselmans, en randy wanten. Op t middeveld mike haberland, jeroen van meijel en bob dukers. Veurin stinge giel piereij, boyd stoffels en guillermo lange. De ster nom bie aanvang van de wedstrijd metein het initiatief en probeerde veuroet te voetballe. Haelen maakte metein zien plan kenbaar door in te zakke en te loere op balverlees van de ster en dan te counteren. De ster woar echter bie momenten slordig (mede vanweage het veld) en statisch in het positiespel. De eerste hilf leek dan auch, op get speldenprikjes van de ster noa, in 0-0 te eindigen. Maar vlak veur rust glipte bob dukers de 16 meater in en woort doa gevloerd. Sjeidsrechter Ploegstra goof penalty! Deze kans woort door giel piereij verzilverd: 0-1 veur de ster. Dat woar tevens de ruststand. Tweede hilf is kort samen te vatten: Haelen ging op zeuk noa de geliekmaker, maar kosjte voetballend eigelijk niks, dus volgde meistal de lange bal. De ster probeerde in zien eige spel te komme, maar dat lukte gein moment in de 2e hilf. Het woar veur de ster veural teage hauwe, wat de ster-defensie uitstekend deeg. 5 minuten veur tied stopte de ster de zoveulste aanval van Haelen en counterde via Boyd stoffels. Dea omspeelde de keep en sjoof de bal in het leage doel: 0-2. Doa mit woar de wedstrijd nog neet gespeeld.. invaller dani boutsen bleek in ein duel ein noatrappende beweaging te hubbe gemaakt.. en de sjeids goof direct rood! 0-2 woar dan auch de eindstand en in mien auge auch waal verdeend aangezeen Haelen neet veul verder is gekomme dan eine kopbal dea de deklat schampte. De ster 1 pakt dus weer 3 punten! (Invallers bie de ster woare: stan loog, dani boutsen en quinn konings) Saillant detail: de keeperskleier van ruud schuman bleeke neet in de tesj te zitte mit kleier. Deze zeen noagebracht vanoet stein, maar wat bleek... d r zoat ein zwart stringetje tussje de opgevauwde kleier van Ruud! De geruchtemolen in stein zal waal weer euveroeren goan draaje noe dink ich..! Om nog effe door te bordure op dat zjwarte stringetje. Ein van de hoofdverdachten is absoluut Danielle Beaujean, de vrouw van Frans. Die liek namelijk waal meer aan te rotzooie mit sjpelers en staf van os eesjte elftal. Zo trof heur dochter Yaël dit weekend tusje de wesj get aan wat ein van de geheime lovers van heur mam houw vergaete mit te numme:

5 Ich denk dat ut dees waek flink geit sjtubbe bie de Beaujeankes thoes. En auch op dinsdig in ut kleidlokaal van de technische staf. De microfoontjes zeen al geplaatsj, dus veer haute uch op de hoogte. En om dan maar geliek ut hoofdsjtuk eesjte elftal aaf te sjleite dees waek: veer blieke dit sezoen eindelijk unne waardige opvolger veur Mario Bocken in de gelederen te hubbe. Veteraan Ron locker nummer 1 Marchal sjtuurde namelijk ongersjtoande foto in vanoet de omkleidruumte bie Devils&Angels, wo Boyd Stoffels zich gereid aan ut make woar veur unne gezellige oavend:

6 Van os eesjte elftal sjakele veer door noa de mannen van 4. Die sjikten, zo wie gebroekelijk, via Ralph Gladiator Doek namelijk auch supersjnel hun versjlaag in. Normaliter is Ralph de eesjte, maar dees waek woort hae aafgetroef. En neit door Randy Wanten, dae zien versjlaag namelijk es 3 e insjikte op zondigoavend. Lekker bezig allemoal trouwes! Dank doaveur. Ralph deit versjlaag van de ontmoeting van ozze godenzonen van 4 taege Amstenrade 3, dat tot aafgeloupe zondig nog zonger puntverleis woar: Vandaag mooste ver oet taege Amstenrade 3. Omdat d r in de groepsapp van 4 mjea onzin, rotzooi en sjwoan foto s langskomme es get anges, hejje 2 spelers neet mitgekrege dat deze wedstrijd op t complex van Vaesrade aafgewirkt zou waere. In de zomer hejje ze bie Amstenrade get euverhoas t kunsgraas opgepak om de club op te doeken. De club bleef toch bestoan en toen moos t kunsgraas weer truuk. en dat 2 e hands graasmetje zeen ze dus nog ummer aan t legge #fail! Brahim en Baron, die 2 sjnuggere, stinge dus aan een gesjloate poart, maar woare nog ruim optied in Voashjroaj. Teage een jonge ploog op een bar sjlech veld zoat dr r maar ein dink op, GAAS GAEVE EN DROP KLETSE! Gelökkig deeg ederein dat en mit Baron in de goal, Noud, Ivo, Mark J. en Danny in de verdediging hejje ver een good blok stoan. Die jungskes woare zo n sjlech veld neet gewend en door de felheid op t middeveld met Johnny veurop, koam Amsteroaj neet in

7 zien spel. Johnny maakde de ein slyding noa de angere, dat wirrikde aanstaekelijk en Patje, Brahim en Doekie volgde zien veurbeeld. Noa 25 minute speele krege os duo veurin een dikke kans, Mark H., dea eene puike wedstrijd op de mat lag, goaf de bal good veur op Michel dea em zwoa drin hej kenne laupe.. maar Michel vonj de kans get te mekkelijk en sjoot taege de keeper aan. De toon woar gezat veer ginge score, dat koos neet anges! Neet lang doanoa sjtaumde Noudje in combinatie mit de sterk spelende Brahim langs de zielien op. Hea kreeg de bal sjwoan mit en lag de bal netjes door de loch op Habets dea de bal inens op de sjlof pakde. Wie oet t beukske sjoot hea de bal euverkruus in t netje! HATSAAAA 0-1! t väöl jongere Amstenroaj raakde get gefrustreerd, niks lökde doa en ondanks dat ze in de eerste 2 wedstrijden väöl gescoord hejje ze nog gein echte kans gehad. t Sjlech veld speelde auch die oudjes van os (mit es enigste jonkie en zeer lichtvoetige Brian) in de kaart. Omdat ver väöl zjwoarder woare es de taegestenjer hejje ver baetere grip op die knollewei en dus auch de controle euver de wedstrijd. Auch de 10 minute tiedstroaf van Ivo euverleafde ver (bienoa) zonger probleme. Dat hej de sjeids in de 2 e hellef auch in de gaate want de besjoot helaas om de rol es 12 e man van Amstenroaj op zich te pakke. Bes joamer, want dea knakker hej tot dantoe bes good gefloate. Bie een euvertreding op eene Sterspeler bie eene corner veur os goal, hej r al es loate doorspeele. Bjorn maakde em doa effe attent op maar toch deeg r dat effe later weer! De jong leep 2 maeter boete spel, ozze grens vlagde de sjeids zoag dat en wou fluite. Maar vong t verstenjiger om de man dea achter zien rugk boetespel leep door te loate laupe. dea jong faalde neet en maakde geliek. 1-1 Ver bleeve degelijk speele en d r woort auch eigelijk niks mjea weggegaeve. Ver kooste nog get speldenprikken oetdeile mit Jenki en Andy veurin maar doa bleef t bie. Omdat de sfeer steeds grimmiger woort door get arbitrale dwalingen en omdat de 12 e man zoag dat de get gefrustreerde jungskes toch gein kans mjea crieerde, floot r aaf en bleef t 1-1. Nog steeds ongesjlaage en op de 3 e plaats in de rankng, keerde ver mit een punt truk noa Stein. Dit sjient de beste seizoensstart te zeen in joare! Es kieke of ver dat kenne veurt zette volgende waek toes taege de Doevegenhout-doonder combinatie. Good gesjpeeld jonges, knokmachine! Klasse mannen van 4. Dat beloaf un sjiek sezoen te waere. Houd os maar goud op de hoogte! Van ut veerde goan veer door noa ut team dat dees waek warempel ut sjnelste ut versjlaag inleverd. En wát veur ein! Aafkomstig van de ummer zelfkritische keeper Roy Visschers: De derby der derbys sting veur vandaag op t programma veur de beesten van t driede. Vanwege de grote druk dae op de wedstrijd sting en de bedreiging die werd geoet noa aanleiding van t duel had Pascal beslote onder te duuke in Rotterdam en doa t resultaat aaf te wachte. Andere aafwezigen bie ut duel ware de Bouwel en de Nitsch. Die nog gein wedstrijd erbie zeen gewaes

8 Gelukkig hubbe vur Thijs als trainer ad interim mit diens assistent Roy. En die twee, geer roajt ut al, zette zichzelf natuurlijk in de basis. Helaas beteikende de aafwezigheid van Pascal dat Roy de goal in moosj. Maar zo zei drzelf: Ken ich waal aug ens de 90 minute vol make. Om ut driede van nuuj elan te veurzeen deeg Jesse Grummer (dae op de brummer) aug mit. Maar hae keem sjus te kort veur de basis, volges Thijs. De opstelling woar es volgt: Kis/vleegevanger: Roy bie gebrek aan baeter Visschers Achter: Martijn (opnuuj op ziene favoriete linkerkant), Mick, Large en Mike Midde: Wijke, Thijs (dae zichzelf waer captain maakte), Snooki en Tim Veur: Bob en Serge (de vader) Topper langs de lien mit vlag: Marco TItttttiiiiieeeeessss Centraal op de bank: Maikel soldierboy Melis, Chris magnetron Boselie en Jesse dit keer neet op de brummer Grummer De sjeids, dae ze in de supermert om zien ID vroage es hae beer geet hoale, had de peskes gecontroleerd en t woar tied. Aan m! Tied om die van Stein Zuid kapot te goan make. En dat deege ver. Wie un echte knokploog ginge ver stevig de duels in. Euveriges dege die van Aelse op dat gebied zeker neet onger veur os. Duels woare fysiek maar woorte meestal gewonne door de gaele. Ver combineerden good bie vlagen, maar kregen nog geen echte kanse. Noa unne deeptepass werd nog unne corner d r oet gesleep. En dan witse 1 dink: Wijke (veur de neet ingewijden: dat is Ralph Janssen) geit dae bal veur slingeren. Wederom werd de tactiek oetgezat door speler/coach Thijs. Neet dat dat neudig is. Sjik gewoon Mike (dae van de keukens) Slipper mit noa veure en sjus wie op t werk kup dae die prieskes waal binne. En zo geschiedde: de bal keem good veur en bie de 2 e poal zat de slipper de kop taege de bal, euver de keeper, tegendraads bie de eerste poal binnen. BIEM! Stein Zuid Stein 0-1!!!! De keeper van Haslou sjaamde zich zo d r veur dat hae besjloot un blessure te faken en zich te loate wissele, de meekpens. Zo wie unne derby kint zeen: ut woar ploegen en zwoegen vandaag. Ludi (winnaar van de gouwe zaeg sezoen ) woort hiebie toch waal erg gemis. Un volgend slachoffer woar dan auch in de maak. Lars wulde toch de dikste hubbe op ut veld, dus toen d r de kans kreeg om de 1700 kilo waegende spits oet de sjakelen, deeg d r dat dan auch. Wisselen dae hap! Verder woar Stein Zuid veural bezig mit de sjeids en mit zeike ongerein in plaats van te voetballe. Gein oetgespeelde kansen veur hun. Waal sjoote die van Aelse ens af en toe op goal maar die kinne baeter rugby goan spelen want d r keem niks op goal en d r woorte allein get auto s op de parkeerplaats besjadigd. Vong Roy op zich neet erg want dae zoog noa eige zegke de ganse wedstried 2 bel op zich aafkomme. Unne sjeut woort nog van richting verangerd door Magnetron Chris maar Roy hou m gelukkig. Hae sjrok d r zelf van.

9 Noa rust ginge ver wiejer wo vr mit bezig woare: strijden veur elkaar en lekker ploegen. Al kakte ut allemoal auch get in. Ut leep neet meer zo lekker es veur rust. Ver ginge de lange bal hanteren maar kooste neet meer ech onger de druk oet komme. De centrale middenvelder van Stein Zuid pikte de bal op, koos vrie aanlegke en mite de bal sjoon euver Roy haer taege de netten: 1-1. Dan maar op zeuk noa de 1-2. Ver houwe gein kaart bie os dus dat woort unne flinke zeuktocht. Serge kreeg de bal van de ziekant maar werd finaal de lintzaeg ingetrokke. Op DSM sjrokke ze zelfs van ut kabaal dat Serge maakte. Oeteindelijk veel t gelukkig good mit en koos hae wiejer. Veer ginge mit goeie mood door en Ralph kreeg un grote kans maar vonj helaas de keeper op ziene waeg. Ralph deig ut echter perfect want auch deze keeper moos doa op geblesseerd ut veld verloate. Sjlachoffer nummer 3 vandaag Effe later volgde DE kans veur de euverwinning. Tim (mit die lange tenen) zweefde a la Christiano al un hauf oer in de loch (geine zeik) toen Wijke dae bal vanoet de corner veurtrok. Hae knikte m good richting kruus maar de derde keeper van Stein Zuid bleek helaas de beste en dae pakte de bal. Mick de Titsj, dae van de Lidl, zoon van, kreeg ut op ut lets nog aan de wenjelsjtek mit eine. Dae trapte m op de achillespees en doa woar Mick neet van gedeend. Klein opstootje dat door de sjeids rustig woort opgelos. Ut eindigde mit 1-1. Terechte oetsjlaag. Via deze waeg wul ich auch nog even de steunpilaar van os elftal bedanke: Frans Janssen, door waer en wind en zelfs in de wildernis van Stein Zuid, ummer weer drbie. Away day of neet. Frans, dikke merci veur de support. En omdats dich ut bes, hoofs doe veur thoeswedstrieje dit sezoen gein kaertje meer te koupe! Un klasse versjlaag Roy! Dat moagse vaker doon. Sjmulle! En perficiat mit ut zjwoarbevochten punt in Aelse, mannen! Van ut driede goan veer door noa de mannen van 2. Die houwe unne zjwoare kluif op papier. Want Meerssen 2, enkele joare un vaste waarde in de reserve hoofdklasse, koom op bezuik op t Hetjen. Om oeteinloupende rejene woare vaste reporters Jari Knoops (writersblock) en Rene Gooren (op trainingskamp op Mallorca; volgende waek meer doa euver) neit in de gelegenheid om versjlaag te doon. Kenny Lemmens woort do op gepols. Omdat hae zelf neit aanwezig woar gewaes vroog dae op zien beurt Stefan Frissen, dae zich echter geheel taege zien natuur in ontheel van commentaar. En dus goof Kenny toch maar zelf get input. Klasse Kenny!

10 Opstelling: Bastiaan Joep yordi jari stefan Cyriel frank bart Stan erik René. Bank: raul, geoffrey, luca, steffan. Veurdat ver zondig mit alle wedstrijd veurbereidingen gingen beginnen hubbe ver als eerste ein teamfoto gemaakt en spelersfotos. Dit hubbe natuurlijk hilarische fotos opgeleverd die ver de luuj mer besparen. Ouch tijdens wedstrijden hubbe veer ozze eigen juul dircks langs de kant stoan en zodoende hubbe ver elke zondig oavend nog get te lachen om eederein zien gezicht noa ein (zwoar) inspanning. Zondig sting de 3e competitie wedstrijd van dit seizoen op het programma. Meerssen 2 woar deze zondig te gast in stein. Helaas kenne ver euver de wedstijd zelf vriej kort zeen. Neemes hoalde zien niveau, verkeerde keuzes zowel technisch als tactisch pakte verkeerd oet en alles biejein beteikende dat veur de ster dat ze weinig houwe in te brenge deze zondig. 0-2 woar

11 de oetslaag. Komende weak zal der good getraind motte weare om volgend weekend weer sjerp op de wei te stoan. En zo is ut maar net Kenny. Ut kent ummer unne keer minder goan, mannen. Koppen biejein sjtaeke en kommend weekend waer knalle! Aan de wedsjtriedveurbereiding zal ut in jeder geval neit ligke: Tied om ens te goan kalle euver ozze veteranen. Die houwe eigenlijk unne oetwedsjtried taege OVCS op ut programma sjtoan maar die krege de men neit biejein. Gelukkig wis Willem Thewissen opnuuj unne vervanger te regele in de vorm van Sporting Haerle. Ut tiedsjtip van vertrek bleef utzelfde, de aanvangstied van de wedjtried auch en Haerle is net zo wiet rieje es Zitterd maar toch vonj Will Leurs in deze wijziging un aanleiding om zich aaf te melje veur de wedsjtried. Willem woar doa verbolgen euver en plaatsjte zien vroagteikes. Maar nog veurdat Will Leurs tied houw om zich te kenne bedenke, greep Roger Daemen, tot opluchting van veulen, in:

12 Veteranen-veurzitter Gerard Martens goof bliek van zien empathisch vermogen richting Will. Ron woar doa-en-taege minder tevreje: Op zondig verzamelden de vets zich op ut Hetjen. Lekker in ut zönke op ut terras woort noa unne jeugdwedsjtried gekeke. Ut langsloupe van Rene Gooren (de helf van party-dj-duo Rijkaard & Völler) trok de aandacht van Roger Daemen. Willy de Worm veel m bie. Roger: Jonges, doa kump DJ Rijkaard. Rene: Nae ich ben Völler. En doe bes vóller. Willy: Dat woar neit ummer zo, heur. Roger: Vruiger koosj ich de ganse welt aan Noe nog maar ein derde.

13 Rene noom geliek ut gesjprek euver en koom mit ein van de leukste möpkes van ut joar: Wie nuimse unne otter mit Parkinson? Nou? Unne bever. Sjnapse m? Op ut terras woort de aafwezigheid van Will Leurs betreurt. Zien grootste prestaties woorte nog ens gememoreerd. Eddy: Haet Will toen neit taege OVCS 6x gescoord? Ron: Nae dat woar in Susteren. Willem: Joa, die hubbe toen geliek noa aafloup dat team opgedoek. Eddy: Ut kump auch neit vaak veur dat eine 6x in eine wedsjtried scoort. Willem: Ut woare d r 5 toen. Eddy: Dat zegk ich. 6 is ech zeldzaam. Ruud van Didden koom noa un periode rugk-klachten auch aanloupe mit de tesj en woort allerhartelijkst verwelkomd. Willem: En Ruud, besse waer fit? Ruud: Dat goan veer dalik zeen, he? Willem: Kense neit baeter, veiligheidshalve, tot noa de zomer wachte? Intusje begoosj ut later en later te waere en d r moosj nog noa Haerle gereje waere. Notoire laatkomme Misha begoosj zich zelfs te reure. Misha: Zouwe veer neit ens goan rieje? Willem: Doe hils d r neit zo van om laat te komme he Misha? Aangekomme in ut kleidlokaal bie Sporting Haerle bleek dat Ron, Misha, en Mat unne zjwoare kop houwe. De foto s van de Mesjtreichse feeskes wo ze gewaes woare, mit afterparty in Stein, verdudelijke wo dae zjwoare kop vandaag koom:

14 De verhoale euver hun belaevenisse woare sjiek. De vrouwluuj die ze ontmoet houwe, woorte mit de minuut dat ze d r euver vertelden, lelijker. Mat: Godmiljaar, en die ein mit dae tandj oet.. Denny: Wo zeet geer eigenlijk gewaes? In uw sjpookhoes? Inmiddels woar ut tied gewoare om te goan voetballe. Get wat die van Sporting Haerle sjus get baeter deige es veer. De oetsjlaag van 7-5 (goals van Stef (2), Pascal, Rob en Gerard) deig neit geheel rech aan de verhoudingen, want doa mochte veer os de henj bie toekniepe. Gelukkig moch dat de sjpas noa aafloup neit drukke. Want ut woort unne late doa in Haerle. De barman woort al zenuwechtig wie hae in de gate kreeg dat d r 20 man oet Sjtein aansjtalten maakte om lekker te blieve zitte. Bie ut eesjte rundje wat besjteld woort, zei hae al verontsjuldigend dat hae maar allein woar en dat ut get langer ging doere, want hae woar auch nog snacks aan ut make veur os. Die snacks ginge d r trouwes prima in. Eddy woar ein van de weinigen dae geliek moosj goan. Gelukkig offerde Roger zich op om Eddy s frikandel te verorberen.

15 Wie jederein unne frikandel of kroket noa binne houw gewirk, koom de kantinebaas nog mit un manj breudjes veur d r bie dat woar get aan de late kantj, realiseerde hae zich. Hae droop aaf noa binne om de besjtelling drank kloar te make. Wie hae doamit aankoom en ut deinblaad neerzat, woort geliek druk noa de glazen gereik. Roger maande jederein echter tot kalmte mit de weurt: Effe wachte jonges, want ich denk dat d r dalik nog breudjes bie komme. Wo op de kantine baas reageerde: Joa, joa, ich weit ut noe waal De twee doa op volgende oere is ut gein moment sjtil gewaes, want captain, en man van de wereld, Mat Cremers zoot op de praatstoel.

16 Mat, dae unne tandj mis, vertelde eesj euver ziene sjtapoavend. Mat: Dat woare sjoon vrouwluuj jonges. Willem: Gangk weg Mat! Die wo se mit op de foto sjtings houw iezerwerk in de mondj. Mat: Watte? Willem: Haet die dich dae tandj geklauwd? Mat: Doa hub ich lets mit Jacquline ruzie euver gehad. Ich wul mich unne nuuje loate zette. En ich hub taege heur gezag dat ich wol goan veur unne mat-gouwe.. sjnapse? Willy: Whahaha, Matje Drenthe! Maar Mat deig d r nog un sjöpke boavenop: Mat: Nae maar serieus. Die vrouw houw zo n kiete-laere jeske aan. Ron: Joa, dat hub ich gans kapot gelek. Mat: Die zei taege mich dat ze allein kloar koom van unne dildo. Ron: Wat zeisse? Ich hub eine van vleisj. Es doe mich dan veurzichtig achter de batterieje in duusj, kump dat gans goud. Mat vertelde auch greutsj euver zien dochter Nina, die aan Oxford University geit sjtudere. Dan woar die auch onger de pannen es Mat es pensionado van ziene ouwe daag ging geneite in Italie. Misha: Ja Nina, ich dach dat die os gister thoes zou brenge. Mat: Joa, maar ich bedach mit op tied dat Ronny auch d r bie woar. Willem: Hubse dem dalik es sjoonzoon. Misha: Zitte dalik twee ouw menkes mit un huidje op in Italie in de zon. Auch Jacqueline, Mats vrouw, koom aan bod. Mat: Jonges, Jacqueline is mien alles. Mien natuurlijke handjrem. Es ich die neit houw gehad, dan houw ich noe al drie gesjlachsziektes en herpes aan de auge gehad. Willy: Aan de auge? Mat: Dat kent auch. Es ze squirte. Doarom mosse ummer de auge toedoon es un vrouw kloarkump. Willy: Houd dat maar oet ut versjlaag Rob. Willem: De laezers zeen intusje waal get gewend. Mat begoosj vervolges euver zien eige voetballe in zien jonger joare te kalle. Mat: Dat woare tieje jonges. Voetballe mit.. Misha: Matje, loate veer esteblijf ens euver get angesj kalle. Dat sjtomme voetballe de ganse tied. Willem: Matje, hie interesseert zich geine veur voetballe. Anger ongerwerp. Mat: Sorry, ich zal waer euver squirte kalle. De res van de verhoale zal ich uch besjpare, want dit sjtuk is alwaer veuls te langk aan ut waere. Maar ich ken ech jederein aanroaje om op zoaterdigoavend ens noa de veteranen te komme kieke. Geweun veur de sjieke verhoale noa aafloup. Zoaterdig ging ut van de film

17 Mississippi, tot werpmetse in de kop van un kalkoen in de tuin van de dokter, tot unne Sjteinder vader dae unne verkeersregelaer omveert om ut voetballe van ziene zoon te kenne kieke, tot ich weit de helf al neit meer maar houw om hauf 9 boekpien van ut lache. Mit 7-5 van de Mat gevaeg waere en toch geweun unne ganse middig en oavend allein maar gelache. Ut woar waer geweldig en uniek. Heerlijk! Van de veteranen goan veer door noa ut letste seniorenteam: ozze ladies. Die meldden veurige waek positief nuujts dae ze (noa enkele zjwoare nederlagen) geheur houwe gekregen van de KNVB om leger (en get korter in de buurt) te moage voetballe. Euver aafgeloupe weekend vertelle de dames zelf: Afgelopen zondag was het weer zover. We speelden eindelijk onze 1 e competitiewedstrijd in de 5 e klasse. In de ochtend voordat de wedstrijd begon zagen we onderstaand bericht verschijnen op een pagina van een ander damesteam. (we zullen geen namen noemen). Grappig en hilarisch dat deze mevrouw/meneer zich zo een zorgen over ons maakt en daarnaast tijd vrij maakt om over ons een bericht te typen! KNVB leg uit!!!!! (x300 uitroeptekens). Nou WIJ zullen het eens uitleggen: Beste.. Wat ontzettend lief dat jij aan ons denkt. We hebben ons inderdaad teruggetrokken uit de 4 e klasse. (dit hadden we btw al in de zomer besproken maar de KNVB had geen plek voor ons) Doordat Geertruidse boys Vr1 zich hadden teruggetrokken mochten we hun plek overnemen uit de 5 e klasse. Daarnaast zijn wij niet bang nee. Maar we snappen wel de angst wat in jou zit. De angst dat je ons nu niet ziet voetballen tegen je clubje. Trainingen voor de wedstrijd van afgelopen zondag was er niet veel speciaals gebeurd: Sjarel had haar propedeuse behaald, gefeliciteerd! Gelukkig had Wesly haar nog een massage van te voren gegeven waardoor ze fris en fruitig naar de uitreiking kon gaan. Na onze nipte nederlagen van de afgelopen 2 weken had Tom een vakantie geboekt van 10 dagen om zich op te frissen voor de competitie in de 5 e klasse.. Zie onderstaande foto. Originele foto en wat een prachtige pose.

18 Nel (Cindy), is met de zonnebloem een cruise aan het maken. Vallinga had haar al wijs gemaakt dat deze cruise een namaak van de Titanic was.. Nu op naar de wedstrijd van afgelopen zondag: (Ster Vr1 - Dvc Svc Vr1) Joy Creuwels was weer eens een weekend in Limburg en hierdoor had ze zich aangeboden om mee te doen aan de wedstrijd. TOP! Daar zeggen we natuurlijk geen nee tegen. Piet (scheidsrechter) was benieuwd hoeveel doelpunten er vandaag gemaakt zouden worden. Hij had hierdoor een extra notitieblokje meegenomen. Maargoed om 11u stonden de dames fris en fruitig op het veld. Het spel ging wat op en neer. Maar ineens stond Siri in het 16meter gebied en scoorde de 1-0. Dyonne vond het allemaal wel leuk en aardig maar vond het vooral belangrijk dat we moesten BLIEVE VOETBALLEN. Helaas 2 min na het doelpunt viel Demi ongelukkig waardoor ze gewisseld werd met Samantha. Hierna werden een aantal duels niet gewonnen waardoor de tegenstander de gelijkmaker maakte. Nikkel raakte daarentegen ook geblesseerd waardoor Souad haar plaats in nam. Korte tijd hierna maakte de tegenstander de 1-2 & Bo kreeg hierna een mooie bal van Quinty aangespeeld maar ging helaas net naast. 32 e min: tegenstander komt 1 op 1 op onze keeper af.. Maar Maartje maakt weer een prachtige redding! Daarna kwam de bal weer bij Bo in de voeten en ze maakt een prachtig doelpunt waardoor we in de rust met 2-3 achter stonden. In de rust gaven Kiki en Mandy(invalcoach) ons nog wat tips waardoor we positief de 2 e helft in gingen. Maud werd bovendien gewisseld door Joy. Al snel kregen wij in het begin van de 2 e helft een vrije trap. (20m) Dyonne schoot deze naast. We zetten meer druk en verloren minder duels. In de 55 e min kreeg Joy de bal maar schoot net naast. Gelukkig hielden we er nog een corner aan over. Joy nam deze corner en gelukkig scoort Samantha de 3-3! Een paar minuten na dit doelpunt.. kreeg de tegenstander een corner waardoor het 3-4 werd. Joy was niet helemaal uit Dongen naar Stein gekomen om te verliezen.. Hierdoor passeerde ze mooi de keeper en maakte de 4-4. Helaas werd het al snel hierna 4-5 en 4-6. Van Dyonne moesten we BLIEVE VOETBALLEN. In de 70 e min kreeg Joy een duw waardoor we weer een vrije trap kregen. Helaas geen resultaat. In de 76 e min viel de tegenstander over een grasprietje. Ze gaf Dyonne hiervan de schuld en begon Dyonne te duwen. (was heel grappig om te zien, dit meisje was 2 koppen kleiner dan Dyonne waardoor ze door haar duw zelf 2 meter naar achteren viel) Pietje vond dit niet zo leuk en beide dames werden aangesproken. De tegenstander werd wat agressiever waardoor de

19 sfeer wat grimmiger werd. (kleine opstootjes ) 2 min hierna kreeg Bo weer eens de bal en ging 1 op 1 op de keeper af. GOAL! Maar helaas ging de vlag omhoog voor buitenspel!!!???? Dit was in ieder geval GEEN buitenspel. Hierna dacht Samantha.. Hier gaan we eens verandering in brengen. Ze maakt een mooie actie vanaf de zijlijn en passeert 2 dames. Hierna wilt ze de bal in de kruising schieten.. Maar helaas weer naast. Vlak hierna maakte Joy een prachtige actie en gaf een mooie assist op Bo waardoor zij scoorde. 5-6!! Jammer genoeg was dit ook de uitslag. Piet heeft in ieder geval zijn extra notitieblokje kunnen gebruiken want wederom waren er weer veel goals gevallen. Toeschouwers bedankt! Ohja. & keeper van het 1 e : Vergeet nooit meer je tenue. Klasse dames! De sfeer zit d r goud in. En dae voetbalhumor richting keeper Ruud is top! Pes volgende waek! Rob Sjulpe