De Sjter 1 pak op de valreep dik verdeind punt taege Veritas; Dames kloppe koplouper; Will soixante-neuf Leurs scoort veur de veteranen!

Transcriptie

1 De Sjter 1 pak op de valreep dik verdeind punt taege Veritas; Dames kloppe koplouper; Will soixante-neuf Leurs scoort veur de veteranen! Ut woar un waekske mit wisselende resultaten. Os eesjte elftal drong doordewaeks door tot de kwartfinale van de baeker en boekte op zondig un knap (en dik verdeind) resultaat taege ut sjterke Veritas. Os tweede elftal sjpeelde 15 dikke kansen oet maar moosj oeteindelijk genoegen numme mit un puntje bie Sjaesberg 2. Ut driede en ut veerde moosjten de punte loate taege respectievelijk Sjpaebaek 3 en Gelaen Zuid 5. De veteranen woar un moatje te klein veur IVS. Maar de dames gove dit weekend un gouwe randje door te winne van de koplouper en zelf waer volop mit te doon om de titel. Wiejer woar d r auch genog te melje euver ut randjgebeure. Maak uch dus maar op veur heel get app-verkeer, foto s en flauwekul. Loate veer maar sjnel beginne En dat doon veer dees waek bie de mannen van ut driede. Die houwe un top veurbereiding op hunne wedsjtried van aafgeloupe zondig. Zo bewees coach Gooren zien klasse door zien team, zonger zelf te voetballe, veurige waek drie plaatsje te loate sjtiege op de rangliest. Un prestatie van formaat. Oorzaak woar euveriges ut terugktrekke van Slekker Boys 2, un ploug wotaege os driede punte houw versjpeeld en de plouge boave os driede neit. Gevolg: alle punten die behoald woare taege Slekker Boys kome te vervalle en dus sjteeg os driede flink. De mannen van 3 vereren os dees waek auch nog mit un leuke foto oet de auw doos. Sjiek om te zeen dat dees jonges ut al zoveul joare goud mitein kenne vinje:

2 Prettig veur coach Gooren woar trouwens auch dat de sjpelers zich ongerein oethelpe, om d r veur te zurge dat de trainingsopkomst zo hoog muigelijk is. Zo moosj militair Mikel Melis dees waek unne powerpoint inein dreije en dreigde hae zich doadoor te motte aafmelje. Gelukkig woar Ralph Janssen behulpzaam: En die paar man die neit kome traine dan? Moosjte die geliek vrezen veur hun basisplaatsj op zondig? Besse gek. Zonne dictator is coach Gooren noe auch waer neit. Es die men geweun op gounsdig ut goeie bölke rood kleurden, dan leep hun basisplaatsj gein enkel bezjwoar:

3 Euveriges vroag ich mich aaf of ut toegesjtoan is om foto s van dien sjtumbiljet te versjpreiden, dus Rene lup ut risico dat dit versjlaag un esnog un nietige sjtum oplevert. Oeteindelijk kos m dat euveriges toch geine zetel in de gemeinteroad. Doaveur sjloog zien belangriekste verkeizingssjtandjpunt immers onvoldoende aan: es ich in de gemeinteroad kom, sjtel ich veur om Aelse in beton te gieten en d r un skatebaan van te make veur de jeugd van Sjtein. Mit goeie mood ginge de mannen van 3 dus aafgeloupe zonjig de sjtrijd aan mit Sjpaubaek 3. Helaas veel ut resultaat taege, aldus Rene:

4 Ach ja, geweun de sjtumming d r in haute en noa de Poasje nuuje kansen op 3 punte, mannen! En veur utzelfde geldj trek auch Sjpaubaek zich sjtraks terugk en dan kos dees nederlaag uch neit ens un plaatsj op de ranglies. Van ut driede sjakele veer euver noa de dames. Die moosjten op zondig aantraeje taege koplouper GKC/RKHVC. Bie un euverwinning zouwe ozze ladies de achtersjtandj op de koppositie verkleinen tot 2 punte. Bie un nederlaag woar de titel oet zicht. Unne woare topper dus. Ut woar veuraaf maar aafwachte wie de dames op zonjig op ut veldj zouwe sjtoan, aangezeen un aantal dames zoaterdig de 40 e verjoardaag van Cindy Nel ging viere. En doa houwe ze noa verluid al unne goeie warming up gedoan, op de klanken die DJ Stef de Conjour oet de boxen leet sjalle: Oeteindelijk woar neit jederein ech fit, maar doa woar onger de wedsjtried niks van te mirke. De dames sjpeelden unne topwedsjtried en de gasten wisten totaal neit wo ze ut moosjte zuike. Ut woar topscorer Bo Knoops die de dames al veur de rust op unne 3-0 veursjprong zat mit unne hattrick. Die goals leverden heur in ut veldj al unne bienaam op bie de taegesjtenjers, want vanaaf dat moment ging ut allein nog maar euver Die Kut. In de rust bereidden de dames zich al veur op un groots offensief van de beheurlijk geïrriteerde koplouper. Dat koom d r aanvankelijk auch en zo woort de veursjprong terugkgebracht tot 3-1. Gelukkig heel De Sjter ut köpke d r bie en bleef men goud voetballe. In de rust houwe de dames nog ongerein gezag dat es ze noa rust opnuuj zouwe score, ut verzet geknak zou zeen. En dat bleek auch ut geval wie Joy de 4-1 noteerde. Ut sjlotakkoord woar opnuuj veur Bo die de 5-1 scoorde en doamit unne flinke sjtap richting de gouwe sjoon zat.

5 Zit ut kampioensjap d r dan toch in veur os dit joar besjloot reporter Jill Janssen heure input veur dit versjlaag vroagend. Veer hoape ut van harte Jill, want un feeske boewe aan ut eind van ut sezoen is uch waal toevertroewd. Succes! Van de dames goan veer euver noa de mannen van 2. Die zeen aan un goeie periode bezig en rijgen de letste waeke de euverwinningen aanein, ondanks beheurlijk get personele problemen. Aafgeloupe weekend moosj men aantraeje taege Sjaesberg 2. Opvallende versjiening in de begeleidingsstaf woar Roy Vanmulken, dae zich un nuujt kapsel houw loate aanmaete: Euveriges deil ich dees foto allein maar omdat Roys kapsel in ut versjlaag hie onger nog urges wurt genuimp. Zo wie ummer deit Jari Knoops troew versjlaag: Vandaag sting de oetwedstrijd teage Schaesberg op t programma. Er meus al om 09u15 vertrokke weure en zeker mit dit urke korter waor dat vrezen veur ozze trainer. Maar ein gelök dat de Formule 1 al smurges waor wodoor ederein waal wakker waor (of weer in sloap waor gevalle omdat t zwao saai waor). Randy Walraven hej nachdeens gehad en dea heat gein minuut geslaope mer waor waal op tied, klasse Randy. De jonges van de A doa in teage hejje t get lestiger. Donny waor ein keteerke te laat en Jesse is zelfs wakker gebeld door ozze trainer. Joep Hügel doa in teage waor netjes op tied mer dea hej gister auch mit de A mitgedoan en de pap zou de tesj mit heives numme, mer dea waor dat vergeate. Eine bekinde hej die mit heives genomme mer nemes wis wea, Joep hej dus al ein speurtocht erop zitte op de zondigmurge haha. In t kleidlokaal werd get geflauwekuld en wie ver op ein begeave moment stil waore doorbrook Bartje deze stilte mit ein geweldige opmerking. Bart zei mit ein stoale gezich: Boys vandaag nao de wedstrijd kinne ver neet noa de KFC goan

6 Jari: Enne waorom dat neet dan? Bart: Jea es ver doa benne komme mit Royke meine ze dalijk dat ze dea auch motte slachten mit ziene hanenkam Dan door noa de match, os 2 e troaj aan in de volgende opstilling: Kis: Donny Achter v.l.n.r.: Frusj, Joep, Jari en Kenny Midden: Cyrill, Randy en Bart. Veur: Hoessein, Erik en Bob. Bank: Bastiaan, Joep H, Jesse, Luca en Geoffrey (A-speler). Ver begooste get zwaak aan de wedstrijd wodoor Joep al in de 2 e minuut eine bal van de lien meus hoale. Hienoa waore ver wakker en creëerde ver legio kansen mer der ging er geine benne. Hoessein op de paol, Erik op de lat en meerdere malen zoat de keeper er good bie. Bie eine sjerpe counter van hun sjloog de wet van Murphy toe, 1-0 Schaesberg. Ver voetbalden lekker wier en werden ver meerdere malen gevaorlijk mer dea bal wou mer neet erin. Noa 30 minuten won hunne centrale verdediger de 2 e bal op t middenveld en sjoot op goal, Donny zoag de bal te laat Godverdomme wie kint dit, 2 klasse beater voetballen mer toch 2-0 achter stoan dachte ver. Noe eine schitterende aanval euver meerdere sjieve koam de bal bie Bart en dea sjoot dan eindelijk benne, 2-1.Twee minuten later waor t alweer pries, Jari zat Bob 1 vs 1 veur de keeper mer in 2 instanties wis Bob de bal bie Erik te kriege, 2-2!! Hienoa waor Schaesberg get op hunne pik getrapt en die begooste get te sjuppe, Hoessein waor hie meerdere malen t slachtoffer van. Bie de 1 e sjmearige euvertreding koam hunne verdediger mit geal er vanaaf. Mer bie de 2 e van hunne nummer 5 waor t waal heel donker rood. Dea krege hea dan auch van de sjeidsrechter, dea euveriges waal ens beater heat gefloate. Noe mosse doorpakken es De Ster zeende, mer bie nne vrieje trap van 30m van Schaesberg waor t alweer kassa Dit waor dan auch metein de ruststand. Nao de rust waor t ein duudelijk spelbeeld, alles mer dan auch alles speelde zich aaf op hun speelhelft. Noa 10 minuten get aankloote hej Luca de 3-3 op de sjoon, mer hea sjoot op de poal, via de ruk van de keeper waor t es nog ein goal. Eigen goal, 3-3. Bie hunne aaftrap waor heel duudelijk wat hun nog wouwe deze wedstrijd. Ze sjoote de bal metein euver de zielien, bewust auch nog. Sjandalig terwiel t gewoon geliek steit. De Ster mistte kans op kans en Jari sjoot nog bienoa eine fitser kepot dea aan t mountainbiken waor. Bie eine vrieje trap van Schaesberg noa 70 minuten op 35m ging t mis. De bal ging richting goal, Donny pareerde mer in de rebound werd de 4-3 benne getikt. Noa weer 6 oape kansen veur De Ster waor t dan eindelijk raak. Erik sjoot oet de drej de bal volle bak in de triangel, 4-4.

7 Noa weer get sjeut op de paol en t aliminium van De Ster (7x esse good hubs mit getild), krege Schaesberg weer eine vrieje trap op 30m. Omdat de veurige zo ein succes waor gingen ze weer sjeete, echter pakte Donny de bal noe oet de baovehook. Donny keepte neet ziene meist gelukkige wedstrijd oet zien nog prille carriere. Mer kop op Donny, dat kint ederein waal ens euverkomme, es ver geweun 10 x scoren kalt nemes doa euver, de bis nog jongk en hubs nog ein ganse carriere veur de boeg. 4-4 waor de oetslaag, t hej eigenlijk 4 15 kenne zeen mer helaas wou de bal mer neet erin es ver geliek stinge Klasse versjlaag waer Jari. Dat geit waal goud komme mit uch dit sezoen. Lekker op un prettige maneier ut sezoen aafmake, de boel biejein haute en veul sjpas make same. Van ut tweede pakken veer geliek door noa ozze hoofdmacht. Die moch, net zo wie ozze dames, de gedoodverfde kampioenskandidaat thoes ontvange. Veritas koom op bezuik en noom unne flinke supportersgroep mit zich mit. Zo ongeveer de ganse lange kantj aan de euverkantj van de tribune sjting vol mit luuj oet Neeritter. Coach Jean Maas houw in zien opsjtelling vanzelfsjpraekend waer un plaetsjke ingeruump veur de jong dae eigenlijk al vanaaf 7-joarige laeftied ziene oogappel is. Dat woar namelijk de laeftied wo op Jean, destieds nog sjpeler van De Sjter 1, deze jong veur ut eesj zoog wie hae sjpelerke van de waek woar:

8 Wae houw kenne denke dat dat sjattige menke later zou oetgruije tot de man, veur wae alle dochters in Sjtein oet angst hun moder binnehaute. En es geer noe denk dat die veurige zin neit klop, dan kent geer Randy bliekbaar neit. De opsjtelling van os jonges zoog d r es volgt oet: Kis: Rudy Achter: Randy, Davy, Guido, Sjoerd Midden: Timo, Stan, Thijs Veur: Giel, Maarten, Hassan Bank: Donny, Hoessein, Mike en Marko Ut versjlaag van de wedsjtried is gejat van de man dae joarelangk verantwoordelijk woar veur ut sjrieve van de wedsjtriedversjlage van ozze seniorenteams, Sef Geuskens. Zien heerlijke sjriefsjtijl deit verlange noa vruiger. Hulde Sef, dae zich euveriges bedeint van de Nederlandse taal in plaatsj van ut dialect omdat ongersjtoand versjlaag auch op de website indewandelgangen gepubliceerd woort: Een leuk affiche, koploper De Ster tegen virtueel koploper Veritas. Het is jammer, niemand weet meer waar deze competitie naar toe gaat! Veritas, 12 wedstrijden gespeeld, De Ster 16, de thuisclub 29 punten, Veritas 25. Daarnaast Centrum Boys, die na de ontstane consternatie zijn gestopt met 2 e klas voetbal en de competitie uitballen, waardoor er een verdere scheefgroei is ontstaan. En dan deze wedstrijd. De neutrale toeschouwer genoot 90+ minuten lang, met als absolute hoogtepunt de zesde minuut. Het leek dat een gevaarlijke aanval van Veritas tot staan was gebracht, maar Koen Stoop rechte zijn rug en vanaf 16 meter produceerde hij een omhaal die loeihard in de driehoek belandde. Schitterend 0-1! Luc De Jong van PSV maakte een aantal weken geleden ook zijn omhaal, maar eerlijk is eerlijk: Koen s omhaal was harder en zuiverder! Een paar minuten hiervoor strandde Thijs Nieuwland na een gave pass van Stan Goossens op de Veritas goalie. In de resterende 1 e helft was het Veritas dat met gaaf positiespel De Ster onder druk hield, maar was het de 45 jarige doelman en hoofd technische zaken van De Ster (alle drie de doelmannen van De Ster liggen in de lappenmand) Rudy Crutzen die het gevaarlijke spitsenduo Stoop en Jordi Beelen van score afhield. De Ster kwam tegen het einde van de eerste helft beter in haar spel en in de 45 e minuut werd Thijs Nieuwland op rechts gelanceerd en passte zuiver op Giel Pierey die de 1-1 aantekende. Na rust nam De Ster het initiatief, maar eerste nadat Ruud Crutzen tweemaal oog in oog met de Veritas voorwaartsen als winnaar uit de strijd kwam, en ontketende een enorme werklust, terwijl Veritas met lange ballen hun gevaarlijke spitsen trachtte te bereiken. In de 72 e minuut stootte Veritas gevaarlijk door, De Ster kreeg de bal niet opgeruimd en aanvoerder Rik Heijmans scoorde de naar het zich liet aanzien de verlossende 1-2.

9 Veritas trok zich terug en probeerde op de counter de wedstrijd te beslissen, maar De Ster werd steeds gevaarlijker. In de 91 e minuut werd Giel Pierey op links aangespeeld en bracht de bal gevaarlijk voor en dan staat er natuurlijk de topscorer van 2G, Maarten Neuhaus die de verdiende 2-2 liet aantekenen. Un klasse prestatie van ozze mannen, die zich doordewaeks euveriges auch nog (via un 2-1 euverwinning op SVME) hubbe geplaatsj veur de kwartfinale van de baeker. Dae wedsjtried wurt Poasjmoandig gesjpeeld oet bie 1 e klasser Wittenhorst. Bie winst is plaatsjing veur de lanjelijke KNVB baeker gerealiseerd. Alle reje dus om ozze jonges te goan sjteunen in Noord Limburg! Benuujd euveriges wae dan de goal van De Sjter verdedigt. Keeper Geoffrey is verlos van ut gips om zien handj en kent mesjiens zien vertroewde sjtek waer innumme. Moch dat toch nog te vruig komme, dan weite veer in jeder geval dat veer waer zulle kenne raekene op Rudy Crutzen, dae aafgeloupe zondig neit allein un puike partie keepte, maar auch noa aafloup waer veur jederein un weurdje euver houw en, zo wie gebroekelijk, waer the last man standing woar wie Jo de kantine sjloot: Van os eesjte elftal sjakele veer door noa ut letste zondig-team dat nog neit genuimp is, de mannen van De Sjter 4. Die moosjten aafgeloupe weekend aantraeje taege de aafgeteikende koplouper Gelaen Zuid 5. Ozze mannen gove alles wat ze houwe maar moosjten oeteindelijk de kop buige veur unne baetere taegesjtenjer (4-0). Ondanks de nederlaag houw men toch nog get te viere dees waek, want de man dae eigenlijk al ut ganse sezoen bereid is om de goal van ut veerde te verdedige, Noud Claessens, is vanaaf dees waek lid van de gemeinteroad van Sjteit. Sjiek veur Noud dat m dat geluk is. En dat hae doadoor in unne mega-flow zit, bleek waal wie hae aafgeloupe zondig unne penantie oet de goal ranselde. Proficiat Noud! Op noa dat tweede kunstgraasveldj! Dan rest os allein nog de wedsjtried van de veteranen te besjpraeke. Die houwe hun haufjoarlijkse hoogtepunt op voetbal- en culinair gebied op ut programma sjtoan, in de vorm van de derby taege IVS. Neit allein unne leuke wedsjtried taege unne leuke taegesjtenjer, maar auch nog unne oavend dae ummer wurt aangekleid mit un lekker hepke

10 te aete. En bovendien lekker kort bie hoes, wodoor jederein op de fits kent komme, zodat nemes zaat in de auto hauf te sjtappe noa aafloup. Nou ja jederein op ut aafgesjpraoke tiedsjtip verzamelden Marc Lacroix, Willem Thewissen, Ruud van Didden, Denny Vorstermans en de sjriever van dit sjtuk zich op de Heersjtroat om same noa Berg te fitse. De res van de bende? Die kome ein veur ein luid toeterend en mit opgeheven middelvingers langsgereje. Aangekomme in ut kleidlokaal woorte de koppen geteld. Mat Cremers wol maar un helfke sjpele en maakte zich dus un bietje zurg dat Gerard Martens d r neit woar en Robbie van der Linden nog in de kantine sjting. Mat: Is Robbie van der Linden hie? Piele: Dae kent neit sjpele. Mat: Enne? Piele: Las van de rugk. Van ut kratte sjleipe Auch de aafwezigheid van de nuuje veteranen-veurzitter Gerard Martens woort besjproake. Marc: Is de nuuje veurzitter neit hie? Piele: Is r waer single? Ron: Dan zal r waal las van de pols hubbe, van ut swipen. Willem: Gelukkig, noe hub ich tenminste waer de lekkerste vriendin. Will Leurs houw vanoet de kantine in Berg gezeen dat Mat Horrighs, (sjoon)pap van auwt Sjter-sjpelers Elle Horrich en Patrick Eerens, unne jeugdwedsjtried aan ut fluite woar. En dat Mat auch waer houw mitgedoan aan de gemeinteroadsverkeizinge. Will: Op zonne laeftied mosse toch sjtoppe mot politiek. Willem: En mit voetballe auch Will Coach Leon maakte de opsjtelling bekend en meljde dat Willem Thewissen in de sjpits begoosj en in de 2e helf zou goan keepen. Willem: En wat noe es ich ut heel goud doon in de sjpits? Ron: Die kans liek mich verwaarloosbaar. Noa un rustige warming up woort d r getoss door de sjeidsrechter. Mat Cremers won de toss, moch unne kantj keize en reep un vroag richting zien medesjpelers. Eddy Ubbink woar lekker ad rem. Mat: Jonges, is d r emes dae wult dreije? Eddy: Will Leurs wult vas dreije. Ut verhoal van de wedsjtried is sjnel verteld. IVS woar, mit auwt Sjter-sjpelers Roger Quaedvlieg, Ewald Borgt en Patrick Eerens in de gelederen, de baetere ploug en bepaalde grotendeils ut sjpel. Ut woar aan unne goud keepende Ron Marchal, ut neudige geluk en unne goudgaefse sjeidsrechter te danke dat de rust woort bereik mit unne 3-3 sjtandj. Doelpunten aan ozze kantj woare aafkomstig van good old (69 joar!) Will Leurs en twee benutte penanties van de sjriever van dit sjtuk.

11 Noa de rust, mit Willem weg oet de sjpits, en Ron weg oet de goal, woar d r gein haute meer aan. IVS trok de wedsjtried verdeind noa zich toe en sjtapte mit un 6-3 euverwinning ut veldj aaf. Noa aafloup sjmaakte ut aete en ut beier goud in de altied gezellige en sfeervolle kantine in Berg. Ut woar waer un genot om te voetballe en biejein te zeen. En eigenlijk zurgde Willem Thewissen noa aafloup in ut kleidlokaal veur de perfecte samenvatting mit de weurd: Ut is toch un leuk clubke wat veer hubbe. Ut voetballe is niks, maar wiejer is ut bes gezellig. De aafsjleiter van dees waek is gericht aan miene favoriete sjpeler van De Sjter 1. Unne jong dae un joar of 5 geleje bie de selectie koom en vanaaf daag 1 sjpeelde esof hae d r al 20 joar rondjleep. Vanaaf ut begin rustig aan de bal, leet hae zich de kop nooit gek make. Twee keer in de waek hel traine, un wedsjtriedje in de zaal veur de ouwhoorderie, op zondig noa 90 minute ziene taegesjtenjer oet de tesj hoale en noa aafloup altied lekker un paar pinte pakken. Unne echte topper. Gein wonjer auch dat ut sjoonste maedje van os dames 1-elftal deze klasbak sjnel aan de hoak haet gesjlage. Ich hub ut natuurlijk euver Roel Heffels. Helaas moosjten de mannen van 1 ut aafgeloupe weekend waer doon zonger Roel. Op un training haet hae un zjwoar kneiblessure opgeloupe die m waarsjienlijk gans 2018 langs de kantj hilt. Hartsjtikke klote natuurlijk. Zoget wunsje nemes toe. En toch is ut auch teikenend veur de persoon dae Roel is, dat hae nog ummer unne lach op zien gezich haet op ut Hetjen en dat luuj zich neit bezjwoard vuile om nog grepkes te make euver zien blessure. Zo sjtuurde auwt trainer Czornyj aafgeloupe waek dit bericht via facebook noa Guido Rutten, onger un foto van un graafmesjien:

12 En auch Roels ploeggenoot bie zaalvoetbalclub AEV, Denny Vorstermans, houw un leuk bericht veur Roel, noadat dae houw aangegaeve dat hae veurluipig woar oetgesjakeld: Ut geef aan dat jederein m gaer haet en dat jederein zich op zien gemaakt vuilt bie Roel. Unne jong dae laeveslang bie De Sjter 1 mot sjpele en doanoa nog lekker, sjus wie Will Leurs, pes zien 70 e bie de veteranen mot aansjleite. Zelf hub ich ens taege ut besjtuur gezag, op de vroag welk niveau De Sjter 1 mot noasjtreve: Heel simpel. Zodra geer in de verleiding komp om unne baetere verdediger veur Roel Heffels te hoale, wit geer dat geer de foute waeg goat insjloan. Roel, heel veul sjterkte mit dien hersjtel gewunsj. Dat veer dich uuterlijk in 2019 maar nóg baeter en nóg sjterker terugk moage verwelkomen op ut veldj. Kop op klasbak! Pes volgende waek! Rob Sjulpe