De Sjter 1 boek op valreep belangrieke euverwinning op Sjarn; Bo en Joy leiden dames noa euverwinning op koplouper; Neuhaus op pornhub?

Transcriptie

1 De Sjter 1 boek op valreep belangrieke euverwinning op Sjarn; Bo en Joy leiden dames noa euverwinning op koplouper; Neuhaus op pornhub? Ut woar un weekend mit weinig te voetballe. Ut driede woar vriej, maar zoog waal sjpeler/coach Rene Gooren oethelpe bie 2. De veteranen en ut veerde zoge hun oetwedsjtrieje aafgelasj waere. De selectieteams mochten gelukkig op os eigen geweldige complex sjpele en voetbalden dus waal. Ut tweede moosj thoes taege koplouper Susteren 2 en ging mit 0-4 de boot in. De dames behoalden un geweldige 7-2 euverwinning taege koplouper Linne. En os eesjte elftal tot sjlot sjpeelde unne sjpannende pot taege Sjarn en won op de valreep mit 2-1. D r woar aafgeloupe waek auch weinig animo veur ut aanlevere van input veur ut versjlaag. Gelukkig houw de onbetaalbare Frans Beaujean un sjiek sjtukske euver os eesjte elftal in de pen. En verrassend genog noom Kiki Regels ut initiatief om get input veur de dames te gaeve. Wiejer auch waer de neudige flauwekul oet de cafés, hoeskamer en kantines, om d r toch waer un leuk versjlaag van te make. Loate veer dus maar sjnel beginne. En dat doon veer dees waek mit os veteranen. Die begoosjten de aafgeloupe waek mit un opvallend en mysterieus bericht van de, veur onbepaalde tied door hielspoor oetgesjakelde, B&B eigenaer oet Maes, Jack Dassen. Ron begreep auch neit geliek wat Jack bedoelde, maar wis d r toch unne sjone dreij aan te gaeve in de richting van Willem Thewissen:

2 Vervolges woort op de app aandach besjteed aan de verjoardaag van Levi Nelissen. Dae woort oetgebreid gefeliciteerd, maar kreeg auch un paar sjtaeke onger water al leek hae doa zelf auch al op veurbereid: Gerard woar echter geinszins onger de indruk van de zelfkritiek van Levi:

3 Willem Thewissen leet vervolges weite dat d r unne oetwedsjtried in Tuddern op ut programma sjting. En dat bericht sjting d r nog maar net of de eesjte aafmelding volgde al. En dat nog waal van de man dae van zien 5 e pes zien 42 e nooit eine wedsjtried gemis haet: Bie de veteranen waere aafmeldingen echter neit zonger sjlaag of sjtoot geaccepteerd. Zo ongerving auch Rudy:

4 Dat weerheel Ruud van Didden d r toch neit van om zich auch aaf te melje. En auch hae kreeg natuurlijk commentaar: En auch veur gouwe sjoon-winnaars woort gein oetzunjering gemaak: Al die aafmeldingen leidden d r toe dat Willem Thewissen en de sjriever van dit sjtuk op vriedigmiddig en vriedigoavend druk in de weer woare mit ut regele van extra sjpelers om oet te helpe. Dat bleek achteraaf allemoal veur niks gewaes en auch ut door Roger Daemen veurgesjtelde alternatief woort sjnel aafgesjoate:

5 Maar ja, niks te voetballe dus veur de vets en dus auch gein leuke verhoale oet ut kleidlokaal, de kantine of tusje de liene. Kommend weekend hoapelijk waer baeter. Dan door noa de teams die waal voetbalden dit weekend. Te beginne mit os tweede elftal. Dat houw op vriedig un perfecte training gehad es veurbereiding op de zjwoare partie taege Susteren op zondig. Coach Jean Janssen tuinde noa de training aan dat hae al prima is geïntegreerd bie de mannen van 2:

6 Tevens woort aafgeloupe waek dudelijk wo de mannen van 2 zich mit bezig haute es ze niks te voetballe hubbe. Zo bliek Kenny Lemmens unne fervente vusjer. Al plaatsjte zien vriendin doa waal un belangrieke kantjteikening bie op facebook:

7 En Sjoerd Sevn Vanmulken haet ut doordewaek veural les mit ut numme van rielessen. Dat dat succes haet gehad, bleek waal wie d r dees waek un felicitatie aan ut adres van Sjoerd versjeen op facebook, aafkomstig van ziene riesjoolhouwer. Al bleek doa auch oet dat Sjoerd unne apaarte leerling is gewaes:

8 Noa aafloup van de vriedigtraining houw De Sjter 2-sjpeler Jari Knoops, samen mit De Sjter 3-sjpeler Brian Nitsch nog un leuke verrassing in petto veur de joarige dames 1-sjpeelster Jill Janssen. Noe mot geer weite dat Jill unne fervente feyenoord-supporter is en dat ze flink baalde van ut puntverleis van heur club taege VVV: Dat is nog ens echte humor om te lache, Brian en Jari. Grote klasse! De jonges van 2 moosjten op zondig voetballe taege koplouper Susteren. Weges personele probleme moosj men auch un beroep doon op hulp van De Sjter 3. De Sjter 3- en De Sjter 1- vlagger Marco Vaassen houw mitlieje mit de sjpelers van 2:

9 Euver de wedsjtried van 2 bereikte mich geine input. Via de media hub geer al kenne vernumme dat men mit 0-4 verloor. De drie oer noa de wedsjtried genomme foto van unne nog ummer wezenloos veur zich oet sjtarende Frank Haenraets, vertelt ut ganse verhoal: Kommend weekend waer knalle en de opgoande lien inzette, mannen van 2. Succes! Euveriges, es veer ut toch euver de mannen van 2 hubbe (en dalik auch euver die van 1), bie deze un bedankje aan de sjpelers die zich hubbe opgegaeve om kommende zoaterdig un succes te make van de Sinterkloasmiddig bie De Sjter. Jari, Luc, Bob, Frank, Roel en Stan, sjiek dat geer zoaterdig van de partie zeet om un wedsjtriedje te voetballe taege ozze jongste jeugdsjpelers!

10 Van os tweede elftal goan veer door noa de dames. Die houwe veurige waek nog onverwachs un nederlaag motte incasseren, mit name omdat men unne daag eerder un get erg intensief teamuitje houw gevierd in ut kader van de 11 e van de 11 e. Dees waek moosjten d r waer punte gepak waere. En dat moosj gebeure taege koplouper Linne. Tied dus om ut euver unne angere boeg te gooien qua veurbereiding en dus bleef men dees waek neit in Sjtein veur de teambuilding, maar reisde de ganse bende aaf noa ut Mecc:

11 Dees waek ging ut drankgelag gelukkig neit ten koste van ut resultaat op zondig. Aangezeen vaste reporters Jill Janssen en Robin Martens neit d r bie woare, deit dees waek Kiki Regels versjlaag: Gelukkig houwe de meesten zich op zoaterdig enigszins ingehaute en redelijk op tied noa bed gegange. Allein Dyonne neit die sjleep tot wiet in de eesjte helf Al vruig kome veer op unne 0-2 achtersjtandj, maar gelukkig wisten veer vlak veur de rust nog de aansjleitingstreffer te scoren, via unne penantie van Joy. In de tweede helf leten ozze dames hun vechtlust zeen en dat wierp auch geliek zien vruchten aaf. Dyonne koom d r in veur Jill Vallinga, omdat die geblesseerd woar geraak. Auch de van un blessure hersjtelde Kimberly en ozze Kyra velen in de rust in veur Shauni en Samantha. Ozze dames sjpeelden un klasse partiej en vaegden noa de rust de dames oet Linne van de mat. De eindsjtandj woar maar leifs 7-2!!!! Tja, noe woar ut allein nog de vroag van wae de doelpunten aafkomstig woare. Doa woare de dames zelf auch neit zo mit bezig gewaes, bleek waal oet de apps:

12 Proficiat mit dees klasse euverwinning dames. Un bewies dasse mit unne goeie teamspirit tot heel veul in sjtoat bes es ploug! Dan rest os nog maar ein ploug te besjpraeke en dat is os eesjte elftal. Dat houw auch op vriedig getraind en dat leverde mit name op de parkeerplaats vraeme taferelen op:

13 Wie effe later auch door Jari un foto woort genomme van exact gezelfde locatie, woort ut geheel nóg get verwarrender. Rene Gooren deig unne gooi noa wat d r gebeurd woar: Op zondig moosjten ozze mannen aantraeje taege VV Sjarn. Un ploug die ut joar in, joar oet toch prima deit in de 2 e klasse, mit jeder joar waer nuuje talentvolle sjpelers in de ploug. Dit sezoen presteerden de mannen oet Mesjtreich zelfs zeer goud, want op de ranglies bezat men veuraafgoand aan de wedsjtried in Sjtein de 3 e plaatsj. Ozze jonges moosjten dus flink aan de bak. Dat de ploug oet Mesjtreich zich prima houw veurbereid op de wedsjtried bleek waal oet de scouting-papiere die ze woare vergaete op te rume noa de wedsjtried. Doa in sjting un oetgebreide analyse van De Sjter 1. Om angere plouge neit wiezer te make, publiceer ich die scouting hie maar neit. Ut deig mich echter waal denke aan un sjtukske oet un versjlaag van De Sjter 1 sjpeelde toen de achtste finales van de baeker, wobie de winnaar moosj aantraeje in de kwartfinale taege EVV, destieds de ploug van auwt De Sjter-trainer Lei Beckers. Lei woar toen noa de achtste finale goan kieke en houw toen zien scoutingpapiere loate sjlingere. Destieds berichtte ich doa es volgt euver:

14 In de kwartfinale wach noe de winnaar van de wedsjtrijd SVC 2000 (1 e klasse) EVV (topklasse). EVV-trainer Lei Beckers waor onger de aanwezigen. Vlak veur tied verleet hae al hals euver kop t Hetjen. Daodoor miste hae waal ozze beste fase (de letste 2 minute) en. in al zien gejaag om sjnel nao hoes te gaon, veel m op de parkeerplaatsj ziene notitie-blok oet de jas. Wie ich nao hoes ging, hub ich dem gevonje. En wie ich de pratsj d r aaf houw gewreve, koosj ich t volgende laeze: Maar goud, terugk noa ut heden: De Sjter 1 contra Sjarn 1 in Elftalleider Frans Beaujean deit versjlaag: Ut woar unne wedsjtried mit druk d r op. Winst beteikende dat veer waer noa boave koosjten kieke. Verleis beteikende. pfff neit euver noadenke. Enfin, de opsjtelling: Kis: Geoff Achter: Timo, Davy, Guido, Roel Midden: Stan, Mike, Thijs Veur: Hassan, Marko, Maarten De eesjte 20 minuten toonde Sjarn zich un felle ploug. Men zat hoog druk op de Sjterdefensie. Dat maakte ut begin moeizaam veur de thoesploug. In ut verloup van de eesjte helf worstelde men zich echter onger de druk oet en kreeg gael-zjwart meer grip op ut sjpel. Hassan woort un paar kere geveerlijk mit acties, maar ut vizier sjting in de aafwirking neit op sjerp. Auch Sjarn woort, mit name bie dooie sjpelmomenten, geregeld geveerlijk. Geoffrey moosj zelfs eine keer mit un fabelachtige redding unne bal oet de krusing hoale. Aan de rechterkantj woar ut Timo dae un paar kere goud doorkoom. Oet ein van zien veurzette kreeg Marko un oetgelaeze kans mit de kop, maar auch hae mikte helaas mis. Auch Thijs koom op de 10-positie langzaam baeter in zien sjpel. Desondanks woort de rust bereikt in unne 0-0 sjtandj.

15 Noa de rust ging ut sjpel geliek op. Ut woare echter de gasten oet Mesjtreich die op veursjprong kome. Bie unne oetbraak euver hunne rechterkantj moosj men bie De Sjter achterin aan de noodrem trekke. De pingel woort onberispelijk benut. En zo keken ozze mannen taege unne 0-1 achtersjtandj aan. De Sjter drong aan, wirke hel en kreeg al via Thijs en Maarten goeie kansen. Ut aafronje zoot echter neit mit. Doanoa volgde ut braekpunt in de wedsjtried. De nummer 10 van Sjarn leep oet frustratie vol op de achillespezen van Stan, de sjeids noom effe de tied om noa te denke en trok toen de rooje kaart. Sjarn reageerde furieus maar de sjeids heel voot bie sjtuk. Un woare belegering van ut Sjarn-doel volgde. Marko gebroekte zien lichaam prima en sjoot tusje un aantal bein door de 1-1 binne. Terwiel De Sjter nog de goal vierde houw Hassan al de bal terugk op de middensjtip gelag. De intenties woare dudelijk: vol veur unne driepunter goan! Thijs woar die fase un plaag op de rechterflank. Zien veurzette koosjten helaas neit tot goal gepromoveerd waere. Auch Davy sjoof van achteroet sjteeds meer in op de druk te verhogen. En oeteindelijk kreeg men toch loon noa wirke. Unne mislukte sjeut koom veur de vuit van Maarten, sjtuterde op en mit unne fantastische omhoal scoorde hae de 2-1. De vreugde woar intens. En de euverwinning leek binne. Toch koom men nog goud weg wie Sjarn op ut einde nog opdook veur keeper Geoffrey. Gelukkig mikte de oetploug naeve. En doanoa kreeg Sjarn nog un ultieme kans via unne vrieje trap op 25 maeter. De moer woort gezat en de bal woort perfect om de moer richting krusing gekruld. Geoffrey houw echter wederom un top-save in hoes en redde zo de euverwinning. Opluchting en bliedsjap vochten om veurrang in ut kleidlokaal, wo nog un feeske woort gevierd mit sjpelerke van de waek Mex Ortmans op de toafel. Proficiat mannen. En noe lekker doortrekke dae lien! Op noa de volgende driepunter. De aafsjleiter van dees waek behouf gein oetgebreide toelichting. Hae volg immers perfect op ut hieboave gesjreve verhoal van 1. Fotograaf Hein Meijer houw un sjieke foto gemaak van ut feeske dat gevierd woort noa de winnende goal van Maarten Neuhaus. Alle sjpelers doken toen op de doelpuntenmaker. Die foto woort gedeild op de groepsapp van De Sjter 1. En reservegoalie Bastiaan Muijtjens wis te vermelje dat d r zelfs un filmke van dat tafereel op ut internet circuleerde:

16 Pes volgende waek! Rob Sjulpe