De Sjter 1 sjpeelt geliek taege GSV 28; De Sjter 3 boek historische euverwinning; Dames kloppe Sjummert; Hilarische joarvergadering veteranen

Transcriptie

1 De Sjter 1 sjpeelt geliek taege GSV 28; De Sjter 3 boek historische euverwinning; Dames kloppe Sjummert; Hilarische joarvergadering veteranen Ich goan ut kort haute dees waek. D r woort genog gevoetbald door de diverse seniorenteams. En auch nog ens mit positieve oetsjlaeg in de meeste gevallen. Op zichzelf dus genog te deile mit uch, echter op mich rustte aafgeloupe waek auch de zjwoare taak om de notulen te haute bie de joarvergadering van de veteranen. Ut oetwirke van die notulen haet alle vrieje tied geverg dae ich houw. Doarom dus bie deze un kort versjlaag van alle seniorenteams, maar doanaeve zeer oetgebreide (en wurkelijk hilarische) notulen van de joarvergadering van de veteranen. Op zoaterdigoavend sjpeelde os veteranenteams unne wedsjtried taege de veteranen van Keer. Dae wedsjtried woar op t letste moment ingelasj noa t aafbelle van de veteranen van Haslou, die helaas gein team op de bein koosjte brenge. Veuraafgoan aan de wedsjtried woort d r door de veteranen nog terugkgekeke op de succesvolle joarvergadering van unne daag eerder. Jederein houw nog sjpas om de opmerkinge die doa allemoal gemaak woare (en die geer allemoal kent terugklaeze in de notulen). Wie de veteranen zich in t kleidlokaal zote om te kleije koom nota bene Henkie van de Pitsj mit de tesj om de waardevolle sjpulle in op te berge. Robert Kraus lag oet wie dat zoot. Robert: Dan houfse dalik neit zo te zuike, he Henk. Hubse alles geliek biejein. Willem: Wo motte veer die sjpulle sjtraks ophoale, Henk? Bie de Poart of bie de Bekker? Veur de tweede keer op riej verdedigde Rudy Crutzen de goal van de veteranen. Rudy zelf houw getwiefeld of hae waal moosj goan, maar zien lieftallige Christel houw m t letste zetje gegaeve om toch lekker te goan voetballe. Klasse Christel. En es doe volgende keer dat sjaaltje veur dien decolleté wegleets, moagse van Ron Marchal auch kommende wedsjtried waer komme kieke. Rudy woort in t kleidlokaal gefeliciteerd mit t behoale van zien trainersdiploma. Serieus un prestatie van formaat, wo hae flink veur haet motte zjweite. En de banen ligke mit zo n diploma auch geliek veur t oprape, zo bleek. Willem: Jonges, Rudy haet zien trainerspapiere gehoald dees waek. Proficiat Rudy! Marc: Veer zuike nog unne nuuje trainer bie de veteranen, Rudy. De wedsjtried van de veteranen taege Keer woar unne leuke. De Sjter woar weliswoar de baetere ploug, maar Keer booj prima taegesjtandj. Veur de rus woare t desondanks twee treffers van Misha Dreessen en eine van Levi Nelissen die De Sjter op unne 3-0 veursjprong zatte. De sjoonste treffer woar echter de 4-0, dae op naam koom van Gerard Martens. In soepele tred woar hae mit noa veure gesjloape en sjting hae op de goei plaatsj om unne magnifieke veurzet van Eddy Ubbink mit unne machtige kopsjtoot taege de touwen te knikke. Rudy wis noa aafloup aan de bar te vertelle dat Gerard zó lang in de loch hong dat de taegesjtenjer zelfs tied houw gehad om Gerards veters te sjtrikke gedurende dae tied.

2 Gerard zelf waor auch te sjpraeke euver zien goal, want zien antjwoord op complimente vlak noa de goal woar redelijk arrogant. Rob: Sjieke goal, man! Gerard: Weit ich. Noa de rus scoorde Keer eesj taege, wonoa Robbie van der Linden en Denny Vorstermans de eindsjtandj op 6-1 bepaalden. De mannen van Keer deilden noa aafloup sjportieve felicitaties oet en bleve auch nog lang hange in de kantine. Vlak noa de wedsjtried woar eine sjpeler nog un bietje perplex euver de aafgeteikende nederlaag. Ron Marchal besjloot m nog get wiejer in de put te duuje. Sjpeler Keer: Ongeluifelijk dit. Veurig joar hubbe veer d r geine eine verloare. Ron: Sjpeelt geer normaal dan in n leger klasse? In ut kleidlokaal woar d r noa aafloup opnuuj lol euver de joarvergadering van unne daag eerder. In die joarvergadering woar onger angere gezag dat Elvis vruiger dezelfde coupe houw es Willy de Worm noe. Ron koom doa tiedes ut kumme van zien hoare noa de wedsjtried nog effe op terugk. Willem Thewissen houw en gevatte reactie paraat. Ron: Es ich de hoare zo doon, liek ich dan auch op Elvis? Willem: Esse m opgrave noe, dan besse m sjus. Dan door noa de wedsjtrieje op zondig. Ut 2 e houw niks te voetballe maar zoog dus waal heure trainer Rudy Crutzen aafgeloupe waek sjlage veur ziene trainerscursus. T moment wo op Rudy dat nuujts te heure kreeg is vasgelag: Ut kent euveriges auch zeen dat dit t moment woar dat Juventus de winnende goal scoorde taege AC Milaan aafgeloupe vriedigoavend. Maar volges Jari Knoops houw dit toch éch te make mit t sjlage veur de cursus.

3 Aan de aafgeteikende nederlaag van os 5 e elftal make veer in dit versjlaag gein weurt voel. Waal nog effe aandacht veur eine sjpeler oet dat team, Devon Moerkens. Deze jong ontpopt zich dit sezoen es unne zeer goeie sjeidsrechter dae menig jeugd- en veteranenwedsjtried tot n goud einde wit te brenge. Un serieus talent op sjeidsrechtersgebied, dat veer zeker motte koestere binne os vereiniging. Un waardig opvolger van Math Haagmans, wurt zelfs hie en doa al gefluusterd. Deze Devon vonj, ondanks t drukke zelf traine, voetballe en fluite, auch nog tied om de internet-trol oet te hange op de facebookpagina van Dat begoosj mit n bericht euver DESM dat unne nuuje trainer zoch: En Devon goof dat un ludiek vervolg bie n doa op volgend berich euver ozze vrunj van Sjtein-Zuid:

4 Zulke humor wurt gewaardeerd in Sjtein. Klasse Devon! Sjnel door noe noa ozze dames. Robin Martens woar waer ens bie de wedsjtried aanwezig en deig versjlaag: Vandaag motte de dames al om 8.15u bie De Sjter verzamele. Wae zich zonne tied verzint, motte ze opsjleite. Om hauf 10 al sjting de oetwedsjtried taege Sjummert op t programma. De eesjte helf leep absoluut neit wie ze mot loupe, maar in de letste 5 minute woar t toch Siri Vroemen die de 0-1 scoorde van boete de 16. Vlak doaveur woort euveriges nog un goal aafgekeurd omdat Samantha boetesjpel sjting. Noa unne goeie oppepper van coach Tom Keulen begoosjte veer aan de 2 e helf in t zunke. Dat zunke wirkte prima want Siri vong waer t netje en zo sjting t 0-2. Ut ging lekker in de 2 e helf. Noa unne corner van Dyonne kupte Bo de 0-3 in. En nog gein 2 minute later goof Rachel unne sjone veurzet dae door Bo tot goal woort gepromoveerd. Nóg ein minuut later scoorden veer waer, maar de sjeids keurde dem aaf veur boetesjpel. Waarsjienlijk ergerde hae zich geweun aan de goale die maar bleve valle. Dyonne woar get aan t knotere dat ze d r oet wol, maar ze woort neit gewisseld. En dus regelde ze zich dat zelf maar, zurgde dat ze n gael kaart kreeg, en woort dus veur de letste 10 minute noa de kantj gesjtuurd door de sjeidsrechter. Un lekkere euverwinning noa un prima 2 e helf! Ondanks de bliedsjap euver die euverwinning, leep de verwirking van de oetsjlaag op de eigen facebookpagina van ozze dames neit helemoal vlekkeloos:

5 Robin deig heur versjlaag vergezelle door un aantal foto s: un tweetal actiefoto s en opnuuj un fraaie foto van Dyonne op heur aller-sjoonst. Proficiat Dames. Op noa de volgende euverwinning!

6 De beesten van De Sjter 3 moosjte zondig thoes aantraeje taege HBC 2. Veurige waek houwe de mannen van 3 al hun 2 e puntje behoald, maar deze zondig zou t nog sjoner waere. In unne oetsjlaag, dae un wurkelijk fantastische partie voetbal deit vermoeden (5-4) woort de eesjte driepunter van t sezoen behoald. De doelpunten woare aafkomstig van Jari Knoops, Robin Janssen, Thijs Kemp, Mick Cremers en Ed van C&E (oftewel e.d. oftewel eigen doelpunt waal effe mitgoan in de humor van Jari Knoops, he luuj). Man of the Match woar volges alle aanwezigen keeper Roy Visschers. Coach Gooren woar extatisch, realiseerde zich dat dit neit allein de eesjte 3-punter van t joar woar, maar dat dit auch geliek maakte dat hae es trainer van 3 al baeter houw gepresteerd es de veurige trainer van 3, Mark Habets. Rene deilde unne verdekte tik oet aan Mark op de app, maar woort geliek gecounterd door Jari, dae memoreerde aan t feit dat Rene veurig joar onger Mark gesjpeeld haet: Proficiat mannen van 3. Mit die euverwinning komme de twee plouge boave uch op de ranglies alwaer binne sjootsbereik. Dat beloaf nog get veur de res van t sezoen. En dan hubbe veer nog ein team neit besjproake en dat is os eesjte elftal. De vroag woar: zou t elftal op zondig nog in de positieve flow van de baeker euverwinning taege HVCH zitte of zou de vermuijdheid van die doordewaekse partie sjus nog in de bein zitte. Keeper Geoffrey Jacobs zoot ongetwiefeld nog in de flow van de euverwinning, getuge dit bericht van vriedigmiddig:

7 Wie Jari Knoops aan die foto woar gekomme, onthul ich doorgoans neit. Es journalist mosse dien bronnen ummer besjerme. In dit geval maak ich doa echter un oetzunjering veur, om Geoffrey te waarsjuwe. Veurige waek plaatsjte ich al un geweldig leif facebook-berich van Geoffreys vriendin Michelle in t versjlaag. Doa plaatsjte ich de kantjteikening bie van Will en Mia Leurs. En de eesjte teikene dat die vergelieking terech woar, bliek waal oet t feit wae de foto van Geoffrey gelek haet

8 Euver de wedsjtried van De Sjter 1 bereikte mich geine input veur t versjlaag. En eerlijk gezag ben ich doa auch neit haer op zuik gegange. Via Guido Rutten koom de ploug op veursjprong taege GSV, maar in de letste 5 minute moosj joamer genog esnog de 1-1 geïncasseerd waere. Vervaelend puntjverleis in de titelsjtried mit Hoensbroek, dat zelf waal wis te winne. Des te belangrieker wurd noe dus de wedsjtried van kommend weekend. Op os eige Hetjen moag ozze hoofdmacht dan in un rechsjtreekse confrontatie mit de koplouper probere om de achtersjtandj te verkleine tot 3 punte. Ozze mannen zulle dan ongetwiefeld gesjteund waere door un grote sjare fans. Mannen, vöäl succes zondig! Tja, en dan hub ich doorgoans nog unne ludieke aafsjleiter van de waek veur uch. Dae haet dit keer neit de vorm van un quote of foto, maar de vorm van een gesjrif dat geer absoluut mót goan laeze. Los van dit versjlaag waere auch de notulen van de joarvergadering van de veteranen gepubliceerd. Eigenlijk zeen die sjtrikt geheim, maar aangezeen t veteranen motto dit joar is deile is t nuuje bezitte, krig gans Sjtein un inkiekske in de geweldige oavend dae de veteranen gehad hubbe. Auch esse helemoal nemes van de veteranen kens: geweun laeze! Rob Sjulpe