Meidielingeblêd fan de Sékrite

Transcriptie

1 Oprjochting fan de Sékrite, Fryske Krite fan Lelystêd en omjouwing op 25 novimber 1971 Meidielingeblêd fan de Sékrite It idee om in Fryske Krite yn e nije polder op te rjochtsjen, ûntstie yn oktober De earste ynwenners fan Lelystêd wiene hiel tafallich Friezen, de fam. Sytsma. Doe t efkes letter de fam. Schiere yn Lelystêd kaam te wenjen (dy t al lid wiene fan de fryske krite yn Kampen), waarden hja it al gauwêftich iens, dat der yn Lelystêd ek in krite komme moast. Mei noch in pear oare friezen binne hja doe begûn om by de doarren lâns te gean, om mear minsken der waarm foar te krijen. Inkele fan dizze minsken wurken op it gemeentehûs en wiene sadwaande yn e gelegenheid, om de listen mei nije ynwenners troch te sjen. As dêr dan in namme by wie, wêr t hja út opmeitsje koene dat it in Fries wie, dan gyngen hja dêr op ôf. Jûnen en jûnen binne hja sa op paad wêst. Om t Lelystêd in nije stêd wie, kaam it gau ris foar, dat hja mei trije minsken foar de selde doar stiene. Ien foar de Fryske krite, ien foar de bank (meastal mei in blomke, dy hiene it measte jild) en ien fan de begraffenisferiening. Alles moast hjir doe noch fan e grûn komme. Ek de agint fan de Ljouwerter krante en it Frysk Deiblêd en de man de SRV-wein hawwe hiel wat nije leden oanbrocht. Op 25 novimber wie dan de oprjochtingsgearkomste yn de Meerkoet, it earste restaurant yn Lelystêd. Der wiene doe 34 minsken en de 1 ste foarsitter waard Hindrik Schiere. It duorre mar efkes, doe wiene der al 112 leden, werfan 12 wol toanielspylje woene en 22 woene wol meidwaan oan in skotsploech. De earste toanieljûn wie op freed 28 jannewaris 1972 yn e Meerkoet. De toanielploech út Aldeboarn wie dêr mei it stik De bekroande earsteling. De krite hie doe 190 leden, werfan 140 op dy jûn oanwêzich wienen. De muzyk waard fersoarge troch in soan fan Sytsma, mei in bânrykorder. Ek doe wie der ek al in ferlotting ( 5 lotten foar Hfl. 1,= ). Yn die tiid wie der ek faak in ferslachjouwer fan de krante, mei in fotograaf. Op 23 febrewaris 1973 spile ús eigen toanielploech foar it earst, it stik Taaie Teie. Op 12 maart 1974 koe it 300 ste lid ynskreaun wurde. De leden kamen eartiids net allinne út de Flevopolder, mar ek út Urk en Elburg. It grutste oantal leden fan ús krite hat 370 west ( 29 novimber 1975). Wat in ferskil by no, noch mar 120 leden. Op kritejûnen waarden dan de tafels út de seal wei helle, oars koene de minsken der net yn. It sjongkoar waard oprjochte op 8 febrewaris 1976 en de skotsploech op 25 febrewaris. Spitichgernôch is de skotsploech al wer opdûkt en ek ús toanielploech hie in tekoart oan spylders. Yn 1976 waard troch eigen leden in kabaret opfierd en yn letter jierren noch 3 kear. Wy hoopje dat wy dit oantal leden fan no hâlde kinne en dat it sjongkoar bestean bliuwe kin. Binne jo noch gjin lid fan ús krite, sjoch dan op ús weblog Dêr kinne jo jo opjaan troch it kontakformulier yn te foljen!! Oprjochte 25 novimber 1971 Lid fan it Frysk Boun om Utens Jiergong 32 Nûmer 1, Septimber 2017 Rekkennûmer NL 84 RABO RABO-bank Lelystêd Ynskriuwing K.v.K. nûmer

2

3 Septimber 2017 Meidielingeblêd Sékrite Jiergong 32 Jiergong 32 Meidielingeblêd Sékrite Ynhâld Meidielingeblêd: NIJS FAN IT FRYSK BOUN OM UTENS 14 april 2018 Algemiene Gearkomste en Friezedei (95 jier) yn it Provinsjehûs fan Ljouwert Europeeske Haadstêd 2018 Gast: Kommissaris fan de Kening A. Brok Septimber 2017 side # Wurd fan de foarsitter... 2 # Kritejûnen , Kritenijs... 4 # Ferslach jiergearkomste 7 oktober # Jieroersjoch Sékrite # Ferslach / sifers ponghâlder # Jieroersdjoch en sifers sjongkoar en 14 # Utnoeging Jiergearkomste en 13 # Oare Jo # Utnoeging Moetings en Ynspiraasjedei # Ferslach fan de Fryslannen-reis fan Sijmen en Marie # Ut de Boekehoeke # Gedicht Fryske taal, ik hâld fan dy # Ynfolbriefke foar de jiergearkomste fan 6 oktober De kopij foar it nije krantsje graach ynleverje foar 13 oktober oktober 2017 Moetings en Ynspiraasjedei yn de Kiekmure Hurderwyk Gasten: Hymphamp en deputearre Fr. Poepjes K O L O F O N Gearstalling fan it bestjoer fan ús Krite: Foarsitter: Jan Bijkerk, Schoener 43-02, 8243 VZ Lelystêd til: sekrite@janbijkerk.nl Fice-foarsitter: Johannes Fransen, Griend 30-25, 8225 SR Lelystêd til: j.g.fransen@versatel.nl Ponghâlder: Gerrit Kingma, Kreek 125, 8212 XG Lelystêd til: gj@kingmanet.nl Skriuwer: Luut Dijk, Saerdam 143, 8242 JD Lelystêd til: luit.dijk@kpnmail.nl Lid: Tineke de Boer, Wijngaard 115, 8212 CG, Lelystêd til: tinekedeboer@tele2.nl Lid: Annie Noppers, Zwanenwater 56, 8245 BW Lelystêd til: annie_evenhuis@hotmail.com Lid: Jantsje Meijer, Horst 27-63, 8225 MT Lelystêd til: jantsje-meijer@live.nl Koar: Fetsje Meijer, til: , fetsje.meijer@tele2.nl Kosten: it lidmaatskip is 12,-- yn it jier De redaksje en opsmûk fan it boekje: Jan en Sjoerdtsje Bijkerk. Kopij opstjoere nei: kopijsekrite@janbijkerk.nl Eareleden fan de krite: Sijke Glas - v.d. Veen en Albert Postma. Side 24 1 Septimber Septimber 2017 Side 1

4 JIERGEARKOMSTE WINTERSKOFT op 6 OKTOBERF 2017 <<<<<<< GRAACH YNLEVERJE FOAR 29 SEPTIMBER >>>>>>> Sa as jimme lêzen hawwe, nûget it bestjoer jimme út foar de Jiergearkomste foar it winterskoft Wy wolle graach wer it saaklike mei it gesellige ferbine. Wy begjinne om 17 oere mei de jiergearkomste en dêrnei geane wy oan it pot-iten (stamppot) (kosten 7,50) mei tuskentroch gedichten, ferhaaltsjes en foardrachten. Dêrom wol it bestjoer graach witte hoefolle leden der op de jiergearkomste komme. Wy wolle jimme freegje ûndersteande fragen te beäntwurdzjen: (trochkrasse wat net fan tapassing is) In mailtsje nei sekrite@janbijkerk.nl as skilje nei nûmer kin ek (foar 29 septimber)! Septimber 2017 Meidielingeblêd Sékrite Jiergong 32 FAN DE FOARSITTER. Bêste freonen fan de Sékrite, As ik dit foarwurd skriuw, dan is it al wer ein augustus. De fakânsje sit der foar de measte minsken al wer op. Juny wie in hiel moaie moanne, mar july en op de lêste wike fan augustus nei, hiene bêst noch wat better kind. Mar ja, wy hawwe it gelokkich net foar it sizzen. Ik hoopje dat jimme it wat noflik hân hawwe dizze simmer. Foar de krite stiet der wer in nij winterskoft foar de doar! Ofrûne jier stie yn it mêd fan ús jubileum en de Algemiene Gearkomste fan it Boun. It kommende jier binne der in twatal gearkomsten fan it Frysk Boun: 28 oktober de Moetings- en Ynspiraasje dei yn Hurderwyk (sjoch ek side 17) en op 14 april 2018 de Algemiene Gearkomste en it 95-jierrich bestean fan it Boun yn it Provinsjehûs yn Ljouwert ( De Friezedei). Us sjongkoar sil dêr ek, mei de koaren fan Swol, Twinte en Boadegraven optrede. It fierdere programma wurdt yn de rin fan dizze winter bekend makke. Wy hoopje as bestjoer fan de krite, dat jimme hjir mei safolle mooglik leden nei ta geane, it is op t lêst yn ús Bertelân. De ynfolling fan ús eigen kritejûnen is oant de nijjiersbesite ta yn jannewaris 2018 al wer bekend (sjoch side 4). Yn it bysûnder wol ik jimme oandacht fêstigje op ús jiergearkomste op 6 oktober yn de Krakeling. Nei ôfrin fan de gearkomste komt Joke Zandstra fan Hurderwyk mei har dokumintêre Oare Jo - dizze giet oer it bombardemint op Ljouwert en Bitgummole (sjoch ek de siden 15, 16 en 13). Graach wol ik jimme der op wize, dat, as jimme op 6 oktober op de jiergearkomste komme, dat efkes troch jaan wolle fia it briefke op side 23 of in mailtsje of tillefoantsje nei ien fan de bestjoersleden. As wy dan noch wat fierder foarút sjogge, dan komt yn novimber it Jankfoddekoar Tûzen Triennen, dy t ôfrûne febrewaris net komme koenen om t de diriginte doe slim siik wie. Yn desimber hâlde wy wer ús Binne jo fan doel om op 6 oktober nei de jiergearkomste te kommen JA / NEE Mei hoefolle minsken komme jo op de jiergearkomste persoanen Ik wol graach meidwaan oan foardrachten / ferhaaltsjes / gedichten Ik doch mei oan it pot-iten (stampot buffet) JA / NEE Side 2 1 Septimber Septimber 2017 Side 23

5 Septimber 2017 Meidielingeblêd Sékrite Jiergong 32 FRYSKE TAAL IK HALD FAN DY Wize: It Heitelân. Dêr t de dyk foar t lân him skammet, om t syn taal sa giet ferlern. Dêr t de pakes en de beppes hiel grutsk prate oer har lytsbern. Dêr t hast elk it hat oer bloempap mei wat skenkstroop der dan by. 2x Ja, dêr moatte we pynlik sizze Fryske taal t moat oars mei dy! Dêr t de ljippen net mear sjonge, om t de kieviet Fryslân fûn. Dêr t by winter net de redens mar de skaats wurdt ûnderbûn. Der t wy net mear útfanhúzje mar logeare, o sa blij. 2x En de doarren slute mei sleutels Fryske taal: wat deart dit my! Lit ús tinke oan âlde tiden, doe t ús tante muoike wie. Doe t tot ziens noch net yn tel wie, mar oant sjen as groet bestie. Doe t men gier net sei, mar jarre, en men pap net iet, mar brij. 2x Dêr moatt wy mei ynmoed sizze: Fryske taal, ik hâld fan dy! Pieter Jan de Groot. gebrûklike krystmiddei en ik ha heard fan it iendeisbestjoer dat de ynfolling fan de nijjiersbesite yn jannewaris ek al moai opsjit. Foar de moannen febrewaris en maart hawwe wy al in twatal toanielselskippen op it each. Sa as jimme miskien al witte, hawwe Sijmen en Marrie Nieuwenhuis mei it reiske fan De Fryslannen west. It bestjoer fan de organisaasje ''De Fryslannen ûnderhâldt kontakten mei East-Fryslân en Noard-Fryslân yn it noarden fan Dútslân en organisearret reizen nei dat gebied. Op side 18 stiet it ferslach fan harren reiske. Miskien nei oanlieding hjir fan wolle oare jier wol mear leden mei! Sijmen en Marrie ha it tige nei harren sin hân! Op 9 july is ús lid Henk Wijkel, yn e âldens fan 94 jier, ferstoarn. Wy winskje frou Wijkel, bern en lytsbern in protte krêft ta om dit ferlies te dragen. Mei de kollekte foar it Anjerfonds is sa'n 1.900,= ophelle, de helte is foar de krite: 950,=. Tank oan de rinners, dit jild is tige wolkom want de kritejûnen wurde hieltyd djoerder. Ek de subsydzje foar de jubileumdei en de AG fan 2.250,= hat de krite fan it Prins Bernhard Kultuurfûns krigen troch it ynleverjen fan de bewizen fan alle troch de krite betelle ûnkosten. Dêrtroch hawwe wy ôfrûne jier der net folle jild by lizze moatten. No minsken, ik hoopje jimme sa folle mooglik dit winterskoft op de kritejûnen te sjen, om te begjinnen op ús jiergearkomste fan 6 oktober! Oant dan!! Jimme kritefoarsitter, Jan Bijkerk. Side 22 1 Septimber Septimber 2017 Side 3

6 Septimber 2017 Meidielingeblêd Sékrite Jiergong 32 KRITEJÛNEN winterskoft Datum 6 oktober oere - Krakeling 18 novimber oere - Posa 16 desimber oere - Posa 13 jannewaris oere - Krakeling 17 febrewaris oere - Posa 24 maart oere - Posa Ynhâld fan de jûn Jiergearkomste mei gedichten en ferhalen; Stamppotbuffet yn de Krakeling; Joke Zandstra mei har dokumintaire Oare Jo dizze giet oer it bombardemint op Ljouwert en Bitgummole Jankfoddekoar Tûzen Triennen fan Britsum yn Teater Posa Krystmiddei mei ús sjongkoar yn Teater Posa Nijjiersbesite yn de Krakeling Toanieljûn -?? yn Teater Posa Toanieljûn -?? yn Teater Posa Jiergong 32 Meidielingeblêd Sékrite Septimber 2017 As it net foar jo sels is, faaks in moai kado foar Sinteklaas of de Kryst. De foarried is beheind. Bestelle kin by Luit Dijk, luit.dijk@kpnmail.nl). Yn it kommende krantsje sille wy wer in pear boeken besprekke. Sjoch ek ris op de webside fan it Frysk Boun om Utens: Hjir stiet fia Sintrale Boekeferkeap oan de rjochter side, de boekelist om troch te sjen of del te laden. Sjoch jo dêr in boek by dat jo graach ha wolle? Jou it oan ús troch en wy soargje, dat it foar jo nei Lelystêd komt. En as soks winske wurdt, besoargje wy it graach by jo oan hûs! (trochjaan kin by Luit Dijk, luit.dijk@kpnmail.nl ). Luit en Johanna. In Jonkje. De suster hâldt in krek nijberne berntsje fan de jonge heit yn har earms. De heit freget: Is it in jonkje suster? De suster: Nee, in famke en wolle jo myn finger loslitte? Ut: Stedendriehoek. Fryske oersetting Johannes Oegema, Sutfen. Siswizen. KRITENIJS. It Moai en mâl (Lief en leed): As jimme heard ha fan leden dy t siik binne, as oare saken dy t fan belang binne, graach efkes in berjochtsje fia nei: annie_evenhuis@hotmail.com As der leden binne dy t oar kritenijs hawwe, graach efkes stjoere nei kopijsekrite@janbijkerk.nl. Yn t foar tige tank. Henk en Wipkje Lautenbach, Rode Klif 168, 8223 CJ Lelystêd, binne 6 septimber 60 jier troud. Douwe en Klaske Gaastra, Karveel 58-55, 8242 WE Lelystêd, binne 20 septimber 50 jier troud. Side 4 1 Septimber 2017 Us beppe sei by in kopke tee hast elke kear: ik doch der mar in grapke by, want koekjes ha ik net mear. Ik bin altyd by it ferstân troch rekke, sei de boer, doe t ik jong wie siet it yn de âlderdom en no t ik âld bin, sit it yn e jeugd. Wêr no op ta, sei de rot en hy siet yn e falle. Skytskoarje net oeral tsjinoan, dan is de dei moarns al bedoarn. De measte rûzje mei de buorlju komt troch de bern en de hinnen. Lang sa goed net as de âlde, sei it âld wyfke, doe t se yn har nije spegel seach. 1 Septimber 2017 Side 21

7 Septimber 2017 Meidielingeblêd Sékrite Jiergong 32 Jiergong 32 Meidielingeblêd Sékrite Ut de BOEKEHOEKE. Ferslach Jiergearkomste 7 oktober 2016 t Nije Bûsboekje de Fryske wykaginda leit yn e winkels! It tema is dit jier Taal. Dêrmei slút it oan by Lân fan Taal, ien fan e grutte aktiviteiten yn it ramt fan Kulturele Haadstêd fan Europa 2018, LF2018. Leafde foar taal. De bûsboekjeredaksje hat besocht om it tema Taal yn byld en wurd te fangen. Dat resultearre yn wurdwolken (fan âlde en nije wurden) en artikeltsjes oer minsken dy t mei taal wurkje. In spesjaal plak is ynromme foar de taal fan minsken dy t it gehoar misse. Dat is dien troch op alle siden in stikje gebeartetaal op te nimmen. Yn it bûsboekje steane ek in tal LF2018aktiviteiten oankundige. In fêst plak hawwe de sizwizen, diskear ek yn Fryske streektalen (sels ien yn it Grinslânsk!) Plak : De Krakeling yn ATOL PLAZA Oanwêzich : 15 leden, wêrfan 5 fan it bestjoer Bûsboekje 2018 is de trijenfjirtichste útjefte yn de rige. Sûnt 1975 hawwe frijwilligers alle jierren derfoar soarge dat Friezen en net-friezen yn it Frysk harren ôfspraken en kontakten fêstlizze kinne. De earste edysje is dy fan Yn it begjin wie it Kristlik Frysk Selskip (KFS) de útjouwer, tsjintwurdich is dat de Ried fan de Fryske Beweging. Mear as Bûsboekjes ferkocht sûnt 1975 Fan de edysje 2017 binne 3515 stiks ferkocht. No t in soad minsken de snoadfoan ek as aginda brûke is de oplage lytser as foarhinne. Sûnt de start yn 1976 binne sa n bûsboekjes ferkocht. Dêrmei is it it bêst ferkochte Fryske boek. De ôfrûne wike is it Bûsboekje 2018 troch frijwilligers rûnom yn Fryslân ferspraat. Sels op guon plakken bûten Fryslân is it te keap. It is ek te bestellen fia Side 20 1 Septimber 2017 Septimber Iepening Foarsitter Jan Bijkerk iepent de gearkomste om oere mei elk wolkom te hjitten. 2. Meidielingen en Ynkommen stikken Meidielingen: Jantsje Meijer, Tineke de Boer, fam. Huizinga en fam. van der Veen hawwe berjocht fan behindering jûn. Yn it ôfrûne jier binne der trije leden fan ús krite ferstoarn, - Frou Spanjer - Douwe Ehlhardt - Frou Scheffer De foarsitter freget der in momint oandacht foar. Mei de kollekte foar it Anjerfonds is sa'n 2.200,= ophelle, de helte is foar de krite De rinners wurde tige betanke. Rabo-fytstocht is net troch gien. Fan it Anjerfonds krije wy 2.250,= subsydzje foar it jubileum en de AG. Sintrale boeketafel. Wurdt no dien troch Jelma Wiegersma en Jan Roelants. De opset wurdt oars, de spearpunten binne op papier setten. Sy gean no ek nei de kriten ta wêr gjin boeketafel mear is. Der wurdt gearwurke mei de lêsklubs. Der is noch in grutte foarried boeken. Albert en Hennie binne op holden mei de boeketafel. Sy wurde betanke foar de jierrenlange ynset en krije as tank in bosk blommen en in bon. Luit en Johanna nimme de boeketafel oer it bestjoer winsket harren in protte sukses ta. Wy hawwe no 98 leden. Der wiene 11 leden dy t opsein hawwe en 3 leden binne ferstoarn. Der binne 4 nije leden bykommen. 1 Septimber 2017 Side 5

8 Septimber 2017 Meidielingeblêd Sékrite Jiergong 32 Ynkommen stikken: der binne gjin ynkommen stikken. 3. Ferslach jiergearkomste 9 oktober 2015 It ferslach wurdt goedkard en de skriuwer wurdt betanke foar syn wurk 4. Jieroersjoch Sékrite It kaderwykein is no in Moetings- en Ynspiraasjedei wurden. Dizze sil dit jier wêze op 22 oktober yn Hurderwyk. It jieroersjoch wurdt goedkard en de skriuwer wurdt betanke foar syn wurk. 5. Ferslach fan de ponghâlder Der binne gjin fragen oer de sinteraasje. De sifers fan wurde goedkard. 6. Kaskontrôle. Frou Huizinga en Ebele van der Veen hawwe de boeken kontrolearre. Dizze binne yn oarder befûn. De gearkomste ferlient de ponghâlder en dêrmei it bestjoer desjarzje en de ponghâlder wurdt betanke foar syn wurk, lykas de kaskommisje. 7. Beneamen fan nije rekkenopnimmers Ebele van der Veen is twa jier rekkenopnimmer west en is ôfgeand. Pier Kalsbeek is it kommende jier de rekkenopnimmer tegearre mei frou Huizinga. Reserve is Albert Postma. 8. Begrutting 2016/2017 De AG is op 8 april yn de Ontmoetingskerk (middei) en yn Poza (de jûn). Der is gjin fraach oer de begrutting. De begrutting is akkoard en wurdt fêststeld. 8. Ferslach en sifers fan it sjongkoar Fraach oer de sifers: Der sit ferskil tusken de kofje fan ferline jier en dit jier. Antwurd: As der oanbiedingen binne, wurdt der kocht. De post ferskate attinsjes is nochal heger dan ferline jier. Antwurd: soad bysûndere troudagen en ôfskied fan de diriginte. De sifers en it ferslach wurde goedkard, mei tank oan Fetsje Meijer. It koar hat in nije diriginte. Dizze is djoerder dan de foarige. It koar kriget dêrom wer in bydrage fan de krite fan 160,--, dit ûnder Side 6 1 Septimber 2017 oer it hiele eilân. It hichtepunt wie lykwols it besjen fan de âlde tsjerke mei in grut Arp Schnitger oargel. Yn 'e simmer jouwe organisten hjirre harren konserten. Tiisdei 16 maaie Dizze dei giene we nei de haadstêd fan Nord-Friesland mei de namme Husen. We besochten it Nord-Friesland museum yn it Nissenhaus. Hjir wie it ynpolderjen fan de Waadsee útbylde mei de ynfloeden en de gefolgen yn it wetter. Fierder in rûnrit troch de Kogen (polders dy 't folle grutter binne as de Flevolannen). Jûns hiene wy ús eigen feestjûne mei foardrachten en ferhalen fan ús reisgenoaten en dat waard ôfwiksele mei it sjongen fan Fryske lieten. Woansdei 17 maaie Op dizze dei giene wy nei Varde yn Denemarken. Nei de kofje yn de Radhusesalen besochten we it miniatuerstedsje yn Varde. Op de weromreis stutsen we oan yn Ribbe. Dit is de âldste stêd fan Denemarken en ek wol bekend fan it iepenloftmuseum fan de Vikingen. Tongersdei 18 maaie We giene nei Schleswich. Schleswich wie earstoan de haadstêd fan Schleswich-Holstein mar nei de oarloch is dat Kiel wurden. We hawwe kofje dronken yn de Fikingtûr oan de Eastsee op de 26-ste etaazje op ûngefear 80 meter hichte. Under it gebou wiene de heipealen 30 meter lang. Fierder hiene we hjoed in frije dei yn de stêd. Jûns hat ús sjauffeur/organist (Doede Lanting) op it oargel fan de grutte tsjerke fan Sudenlugum in konsert jûn. Der wiene ek leden fan de Nord- Frieseverein by oanwêzich. It programma waard ôfslúten mei it Frysk Folksliet en dêrnei it Nord-Friese folksliet. Hjirnei spile Doede Lanting op it Marcussenoargel Zugable: Halleluja. Freed 19 maaie No siet it der sawat op. We gienen noch nei Meidorf. En dan nei de pont by Glückstadt en troch de Weezertunnel nei Detern, tusken Aurich en Leer. Hjir krigen we it ôfskiedsdiner en koene we werom sjen op in prachtige en tige learsume reis. (mei tank oan neef Hâns Dijk, âld-foarsitter fan It Frysk Boun om Utens, foar de oersetting yn it Frysk) 1 Septimber 2017 Side 19

9 Septimber 2017 Meidielingeblêd Sékrite Jiergong 32 Ferslach fan de Fryslannen-reis fan sneon 13 maaie oant freed 19 maaie 2017 It bestjoer fan de organisaasje ''De Fryslannen' ûnderhâldt kontakten mei East-Fryslân en Noard-Fryslân yn it noarden fan Dútslân en organisearret reizen nei dat gebied. Dit ferslach is fan Sijmen Nieuwenhuis, dy't mei syn frou Marrie dit kear de reis meimakke hat. Sneon 13 maaie Om 9 oere binne we mei 40 persoanen fanút Drachten ôfset nei Aurich (East-Fryslân). Dêr hawwe we it Maritiem Museum besocht dat troch de famylje Van Marel, dy't út Sélân kaam, dêr opset is. Dêrnei hawwe we kofje dronken en gie de reis fia Cuxhaven nei de pont oer de Elbe by Glückstadt. No wie it noch 165 km nei Südenlügen (Noard-Fryslân) wêr't ús hotel stie. Dit lei 4 km fan de grins mei Denemarken. Nei de oankomst om 6 oere waard de Fryske flagge omheech hysd en it Frysk folksliet songen. En doe koenen we iten gean. Snein 14 maaie We koenen nei in tsjerketsjinst yn Klanxbüll. Nei in kertier riden giene we kofjedrinken yn it Anderse Haus. De âlde buorkerij út 1550 wie restaurearre en waard û.o. brûkt foar kultuerhystoarje en de nije feriening 'Das Friesenverein', dy't yn 1983 oprjuchte is. Middeis binne we nei it biezeflechten west yn it noard-westen fan Noard-Fryslân op 'e grins mei Denemarken. Jûns hiene we in útnûging om te iten yn Neukirchen mei de groep dy 't de kontakten mei de Fryslannen ûnderhâldt. Fierder wie der in optreden fan in folksdûnsgroep út de omkriten. Moandei 15 maaie Hjoed gongen we nei it waadeilân Pellworm. Earst kofjedrinke yn Haciende mei de wintertún yn Almdorf by Bredstedt. Doe gongen we oer it skiereilân Nordstrand nei de haven fan Strucklahnungshorn en mei de fearboat nei Pellworm. Dat wie 35 minuten farren. We krigen hjir in paadwizer. Dizze frou wie ûnderwizeres en se wie troud mei in Hollander. Pellworm leit 1 á 2 meter ûnder de seespegel. It eilân hat in dyk fan 25 km lang, 8 meter heech en gjin strân en dúnen. We giene mei de bus Side 18 1 Septimber 2017 mear troch dat de measte rinners foar de Anjeractie ek leden fan it koar binne. 9. Bestjoersferkiezing Johannes Fransen, Annie Noppers, Gerrit Kingma en Jan Bijkerk binne ôfgeand en stelle harren wer beskikber. Der binne gjin tsjinkandidaten. Johannes, Annie, Gerrit en Jan binne troch de gearkomste foar 3 jier op e nij keazen. Fraach: Wêrom binne der safolle ôfgeande bestjoersleden: Antwurd: troch it tuskentiids fuortgean fan bestjoersleden is de ferdieling sa wurden. Yn de takomst sil de ferdieling wer better wurde. 10. Programma foar it kommende winterskoft 26 novimber Jublieumdei yn De Cantine mei koar, iten en kabaret. 17 desimber Sjong(kryst)middei mei it sjongkoar yn Teater Posa. De tagong is fergees, wol in frijwillige bydrage. 14 jannewaris Nijjiersbesite mei eigen koar en sprekker 18 febrewaris Kritejûn toaniel 8 april AG middeis yn de Ontmoetingskerk en kritejûn mei toaniel yn Posa. 11. Omfraach Gerrit Kingma: Gean wy âld bestjoersleden útnûgjen foar 26 novimber? Antwurd: Ja, de bestjoersleden fan it earste bestjoer wurde útnûge. Der binne fierder gjin fragen. 12. Sluting jiergearkomste Om oere slút de foarsitter Jan Bijkerk de gearkomste en is der wer tiid foar ferdivedaasje, ferhaaltsjes, gedichtsjes, foardrachten en bôle-iten. Om oere wie de jûn ôfrûn. 1 Septimber 2017 Side 7 Luut Dijk, skriuwer.

10 Septimber 2017 Meidielingeblêd Sékrite Jiergong 32 Jieroersjoch Sékrite Ynspiraasjedei Der is gjin kaderwykein mear, mar der is no in Moetings en Ynspiraasjedei holden yn Hurderwyk Jiergearkomste op 7 oktober 2016 Dit jier is de jiergearkomste wer op de middei. De iepening fan de gearkomste wie om oere en om oere it iten. De gearkomste hat njonken de saaklike kant, ek in gesellige kant. Inkelde fan ús leden diene stikjes, gedichtsjes, ferhaaltsjes en foardrachten. Bûten it bestjoer wiene der 10 leden, wêrmei wy alle wichtige saken oangeande ús Krite efkes troch nommen hawwe. It jieroersjoch fan de skriuwer en de sinteraasje fan ús ponghâlder wie allegearre tige yn oarder. Johannes Fransen, Annie Noppers, Gerrit Kingma en Jan Bijkerk binne ôfgeand en stelle harren wer beskikber. Der binne gjin tsjinkandidaten. Johannes, Annie, Gerrit en Jan binne troch de gearkomste foar 3 jier op e nij keazen. Bestjoer It bestjoer is dit jier wat faker byinoar west (10 kear). Foaral om de Kritejûnen te regeljen en foar it jubileum en de jiergearkomste fan it Frysk Boun om Utens. Fierders ûnderhâlde wy as bestjoer kontakten mei it Diel Midslân en it Frysk Boun om Utens. Foar it jubileum fan it koar en de krite is der yn 2016 in jubileumkommisje gearstald. Kritejûnen. Dit jier wie der gjin 1e kritejûn, mar op 26 novimber it jubileum fan ús krite yn de Cantine. Middeis de revu Alvestedetocht, mei in film en fierder útfiert troch us koar. De boargemaster fan Lelystêd, Ina Adema, is ek noch kommen en hat oan it wurd west. Tusken it middeis- en it jûnsprogramma, wie der in stamppotbuffet. Jûns de kabaretploech HympHamp. De middei en de jûn wiene tige slagge. Middeis by de revu wiene der likernôch 110 minsken, by it iten omtrint 60 en by it jûn programma 100 minsken Foar de 2e kear de sjong(kryst)middei (17 desimber) mei it sjongkoar. Side 8 1 Septimber 2017 Moetings- en Ynspiraasjedei op 28 oktober 2017 yn 'De Kiekmure' yn Hurderwyk - ynrin fanôf 10:30 oere SPREKKERS: Jelmar Hoekstra en Fokke Plantinga fan teater HympHamp en Fr. Sietske Poepjes, deputearre fan Provinsje Fryslân WURKLIST: 10:30 oere Ynrin mei in kopke kofje of tee en fansels in stikje oranjekoeke; 11:00 oere Diel Toanielstúdzje Jelmar Hoekstra (aktrise, regisseur, teaterdosint) en Fokke Plantinga (akteur, trener, dramadosint) fan it HympHamp Teater: 11:00 11:45 oere Diel 1: Lêzing oer harren wurk en it meitsjen fan in foarstelling; lyts skoft 12:00 12:45 oere Diel 2: Workshop 12:45 oere Grut SKOFT - brea-iten 13:45 oere Diel Kultuer Fr. Sietske Poepjes sil ús meinimme yn har wurk as deputearre foar de provinsje Fryslân Sy hat in har portefúlje: Ynfrastruktuer en mobiliteit, Taal, media, keunst en kultuer (ynklusyf Omrop Fryslân) en Wetter. 15:45 oere Omfreegjen 16:00 oere Sluten LEDEN SEKRITE, GRAACH OPJEFTE BY LUIT DIJK AS JIMME HJIR NEI TA WOLLE!! 20:00 OERE: DE FRYSKE KRITE FAN HURDERWYK HAT YN DE KIEKMURE FOAR IT JÛNSSKOFT IT SELSKIP "BLIKSTIENDERS" FAN DE LEMMER FÊSTLEIN. DÊR BINNE JIMME ALLEGEARRE FANSELS EK FOAR ÚTNÛGE. YNTREE: 10,00 KRITELID, 15,00 GJIN KRITELID 1 Septimber 2017 Side 17

11 Septimber 2017 Meidielingeblêd Sékrite Jiergong 32 mei syn allen op famyljebesite, om stil te stean by it bombardemint. Mar opfallend genôch wie dat op sa n dei ferfolgens gjin ûnderwerp fan petear. Dat stilswijen is it tema fan de film Oare JO fan Joke Zandstra van der Meulen, wêryn t se har âldere suster Anna-Marike folget, op syk nei antwurd op de fraach: Hoe kin it dat der mar sa n bytsje bekind is fan it bombardemint? Oan it wurd komme tsjûgen, famyljeleden en doarpsgenoaten. Ek de brieven út it famyljeargyf hawwe holpen. It doel: de lytse flarden ynformaasje dy t se troch de jierren hinne fan famylje heard hawwe oan elkoar plakke, it ferhaal kompleet krije. Wat blykt: yn it kristlike Bitgummole wie der benammen berêsting ûnder it wrange lot fan de slachtoffers. It moast de wil fan God west wêze, de foarsjennichheid. En dan wie der fansels noch it gefoelige feit dat it om Ingelske bommen gie. Bommen fan de befrijers. It wie in needsaaklik offer, sa tocht men deroer. Mear as 70 jier letter is der noch hieltyd net in soad omtinken foar it Alliearde bombardemint. Yn it Fries Fersetsmuseum is sûnt de werynrjochting in ferhaal te sjen oer de famylje Fokkema út Bitgummole. Twa jier lyn kaam der in monumintsje yn it doarp. Mar dêrop steane ek de slachtoffers fan oare oarlochshannelingen. Foar Joke is 17 septimber noch altyd in bysûndere datum. Doe t se yn 2014, presys 70 jier nei it bombardemint, mei har man op de kemping stie yn Súd-Frankryk, woe it mar net ophâlde mei tongerjen. Op dat stuit tocht de oars hiel nochtere Joke, sjend nei de opljochtsjende himel: se bouwe dêr seker in feestje, om ús witte te litten dat se der noch binne. Side 16 1 Septimber 2017 Mei koar en publyk sa n 70 minsken. It wie in middei mei sjongen fan krystferskes, foarlêze fan gedichten en fertelle fan ferhalen. Op 14 jannewaris hiene wy nijjiersbesite. It koar hat op dy middei lietsjes songen en Age Veldboom út Earnewâld wie de sprekker. Mar net allinne ferhalen oer de skûtsjes, mar ek waard regelmjittich de lûkpûde pakt en songen. Der wiene wer lekkere hapkes en drankjes en fansels kofje mei oranjekoeke en in ferlotting. De nijjiersbesite wie wer yn e middei mei sa n 55 minsken yn de seal. Op 18 febrewaris gjin Jankfoddekoar Tûzen Triennen. De diriginte wie siik. Mar Bennie Huisman hat ús út de brân holpen. Hy hat in tige slagge jûn fersoarge. Der wiene dizze jûn 55 minsken. Us lêste kritejûn wie dit kear net yn maart, mar op 8 april en wol yn de Ontmoetingskerk yn ferbân mei de Algemiene Gearkomste fan it Frysk Boun om Utens. De toaniel Feriening Pro Rege fan Holwert brocht it stik Ik wol gjin oare mem. Op dizze jûn wiene in lytse 70 minsken oanwêzich. Dielgearkomste diel Midslân Mei de kriten Hilversum, Hurderwyk, Lelystêd, Seist, Utert en Wageningen binne wy op 14 maart 2017 byinoar west yn Bussum. We hawwe it riden en farren fan de Dielskriten besprutsen. Jiergearkomste Frysk Boun om Utens Op 8 april 2017 hat it Boun har jiergearkomste holden yn Lelystêd yn de Ontmoetingskerk. De middei waard troch omtrint 70 minsken bywenne. Us foarsitter Jan Bijkerk is no ek de foarsitter fan it Frysk Boun. Anjerfûns Elk jier rinne ferskate leden en bestjoersleden in wike foar it Anjerfûns. 50% fan de opbringst is foar de krite. Lêsklup Ofrûne jier is der wer in lêsklup oprjochte. De lêsklup is begûn mei 4 minsken. Der binne dizze winter 2 boeken lêzen en besprutsen. Kommende winter giet de lêsklup fierder mei 6 minsken en wolle hja 3 boeken lêze en besprekke. Luut Dijk. 1 Septimber 2017 Side 9

12 Ferslach / sifers fan de ponghâlder oer en de begrutting 2017/2018 Septimber 2017 Meidielingeblêd Sékrite Jiergong 32 De sifers binne hjir weihelle Side 10 1 Septimber 2017 Oare Jo. Op ús jiergearkomste fan 6 oktober komt Joke Zandstra-van der Woude fan Hurderwyk mei in oangripend ferhaal. Sy is lid fan krite Hurderwyk en wol graach ek ús dielgenoat meitsje fan har ferhaal! De dokumintêre Oare Jo, dy t Joke sels makke hat, giet oer har suster Joke. Sy kaam om by de bombardeminten fan de alliearden yn Bitgummole. Dy bommen sloegen letterlik in krater yn it libben fan Joke har famylje. Joke lit it ús sjen en fertelt der by! Oernommen tekst fan Marre Sloots - 6 maaie 2016 yn de Moanne oer dizze dokumintêre: Ik ha Jo yn it kistke sjoen. Hielendal ûnbeseard, gjin skramke te sjen. Hja liket stoarn te wêzen troch de loftdruk. Is it net in griis? Op 17 septimber 1944 misten kilo oan Alliearde bommen har doel, de fleanbasis by Ljouwert. Yn stee dêrfan rekken se Bitgum, Bitgummole en Ingelum. It boppesteande fragmintsje komt út in brief út it famyljeargyf fan dokumintêremakster Joke Zandstra-van der Woude, dy t de film Oare JO makke oer har eigen famyljeskiednis. Joke wist net in soad fan oare Jo, it eardere dochterke fan har heit en mem, dat yn 1944 om it libben kaam by it bombardemint. Allinnich dat it in fleurich famke wie. Mei blonde kroltsjes. Se mocht graach boartsje mei har âldere suske Anne- Marike. Dan kropen se yn de wasmand en sa sjouwde mem mei se om. Dy fatale dei yn 1944 sloech letterlik in krater yn it libben fan de famylje van der Woude. Heit en de 2,5 jier âlde Anna-Marike kamen der aardich fanôf. Al wie de pjut wol yn ien kear kwyt hoe t se rinne en prate moast. Mei mem en de lytse Jo wie it minder. Mem rekke slim ferwûne oan har rêch en bekken, mar slimmer noch, se moast yn it sikehûs fernimme dat har jongste dochterke it bombardemint net oerlibbe hie. Nei de begraffenis koe se net. As by in wûnder krigen heit en mem flak nei de oarloch dochs wer in bern. Wer in famke, dat Joke neamd waard. Wylst dizze twadde Jo âlder waard krige se súntsjes oan mear te hearren oer de eardere, oare Jo. Joke wie nijsgjirrich, mar praat oer it bombardemint waard der net folle. Yn e hûs hong in lyts portretsje oan de muorre fan Oare Jo, dat wol. En alle jierren op 17 septimber giene se 1 Septimber 2017 Side 15

13 Septimber 2017 Meidielingeblêd Sékrite Jiergong 32 fan side 11 Wy begjinne wer te sjongen op 27 septimber 2017, wol wat letter as oars, mar der wiene noch te folle koarleden mei fakânsje. Binne der noch kriteleden dy t graach sjonge wolle en kinne, wy sjonge op woansdei, jûns om 20 oere yn e Wynroas oan it Karveel Oanmelde by: Wytske Fransen of Fetsje Meijer De SIFERS fan it sjongkoar binne hjir weihelle JIERGEARKOMSTE SEKRITE 6 OKTOBER :00 oere GEARKOMSTE 18:00 oere POTITEN mei GEDICHTEN en FERHALEN 19:15 oere JOKE ZANDSTRA mei de dokumintêre 'Oare JO' 20:00 oere NEIPETEAR 20:30 oere NEI HUS Side 14 1 Septimber 2017 Jieroersjoch en sifers Sjongkoar 2016 / Wy sitte op e kemping, de sinne skynt, mar de wyn is noch kâld. Moai tiid om it jieroersjoch te skriuwen: 7 sept. 2106: Wy begjinne wer te sjongen, want der stiet ús in drokke tiid te wachtsjen. 7 okt. 2016: Jiergearkomste fan de krite yn e Plaza. Wy krije wer in bydrage fan de krite as steun yn e rêch foar hegere ûnkosten. 11 okt. 2016: Bestjoersgearkomste by Fetsje. Der is in feestkommisje yn it libben roppen foar ús 40-jierrich jubileum en it 45-jierrich jubileum fan de krite. 26 nov. 2016: Jubileumfeest yn De Cantine. Wy geane mei koar en krite by de alve stêden lâns. In gesellige middei, in stamppotdiner en de jûns wie der it kabaretselskip Hymphamp. 17 des. 2016: Us krystsjongmiddei yn Posa. Mei Krystferhalen, sjongen en gedichten is it ek dizze kear wer tige slagge. 14 jan. 2017: De nijjiersbesite yn e Plaza yn kostúm. De sprekker fertelt ús wat oer skûtsjes en har bewenners. It koar mocht der sjonge en hat har ferskes der wat op oanpast. 28 jan. 2017: Ledegearkomste yn skoalle. Luut stoppet as foarsitter by gebrek oan tiid. Wytske Fransen wurdt unanym keazen as nije foarsitter. 21 mrt. 2017: Bestjoersgearkomste by Wytske. Der sil in sjongmiddei op de Friezedei fan 2018 holden wurde mei meiwurking fan de koaren fan Swol, Boadegraven en Twinte - de datum is troch omstannichheden noch net bekend (red.: 14 april 2018). 8 apr. 2017: Jiergearkomste fan it Frysk Boun om Utens yn e Ontmoetingskerk hjir yn Lelystêd, mei in breamiel en jûns wie der it toanielstik Ik wol gjin oare mem fan Pro Rege fan Holwert. 26 apr. 2017: De slútjûn fan it koar, dizze kear yn Plaza om t men yn skoalle de flierren yn e wask sette moast. It programma foar it nije seizoen waard rûndield. 1 Septimber 2017 Side 11 fierder op side 14..

14 Septimber 2017 Meidielingeblêd Sékrite Jiergong 32 It bestjoer fan de Sékrite nûget har leden út foar It bywenjen fan de JIERGEARKOMSTE op freed 6 oktober 2017 om oere Yn de Krakeling, Atol Plaza, Schor 15 yn Lelystêd. Dit jier sil, lyk as de twa ôfrûne jierren, de jiergearkomste wer mei iten en foardrachten oanklaaid wurde. Dit jier dogge wy it wer mei pot-iten. It bestjoer fynt dat de jiergearkomste, nêst de saaklike kant, ek in gesellige kant hawwe moat. Jimme kinne dan genietsje fan in, troch de Krakeling fersoarge, pot-iten en inkelde fan ús leden dogge tuskentroch stikjes: gedichtsjes, ferhaaltsjes as foardrachten. Om te witten op hoefolle minsken de Krakeling rekkenje kin mei it iten, wolle wy foar 29 septimber o.s. graach fan jimme hearre hokker leden der op de gearkomste komme. Sjoch hjir nêst en op side 23, foar it ynfoljen fan it formulier. Wurklist : 1. Iepening (17:00) 2. Meidielingen. 3. Ynkommen stikken. 4. Ferslach jiergearkomste 7 oktober 2016 (siden 5 oant 7). 5. Jieroersjoch Sékrite fan de skriuwer (siden 8 en 9.) 6. Ferslach / sifers fan de ponghâlder oer (side 10). 7. Kaskontrôle. 8. Beneamen nije rekkenopnimmers. 9. Begrutting 2017/2018 (side 10). 10. Ferslach en sifers fan it sjongkoar (siden 11 en 14). 11. Bestjoersferkiezing. Tineke de Boer en Jantsje Meijer binne beide ôfgeand. Tineke hat oanjûn dat sy troch har sûnens net mear besjoerslid bliuwe kin. Jantsje stelt har wer beskikber en wol it noch wol 3 jier dwaan. Ofrûne wike hat Gerrit Kingma, ús ponghâlder, sein dat hy ferhúzet en it besjoer ferlitte sil. It bestjoer siket dan ek noch in nij bestjoerslid. Komme der foar 30 septimber net mear kandidaten binnen by de skriuwer Luit Dijk, dan docht it bestjoer it útstel om yn elts gefal Yvonne Nederpel as bestjoerslid te kiezen. 12. Programma foar it oankommende winterskoft (side 4). 13. Omfreegjen. 14. Sluting oere : Pot-iten en tuskentroch nimme wy de tiid foar ferdivedaasje: ferhaaltsjes, gedichtsjes en foardrachten fan ús leden. Oanslútend om sa n 19:15 oere komt Joke Zandstra fan krite Hurderwyk om de dokumintêre Oare Jo sjen te litten. It giet oer har suster Joke. Sy kaam om by de bombardeminten fan de alliearden yn Bitgummole. Dy bommen sloegen letterlik in krater yn it libben fan Joke har famylje. Joke lit it ús sjen en fertelt der by! (sjoch ek de siden 15 en 16) TINK DEROM! OPJAAN FOAR FREED 30 SEPTIMBER 2016 Foar de leden dy t harren noch net opjûn ha, om mei te dwaan oan it pot-iten ( 7,50) as in ferhaaltsje, gedichtsje as foardracht dwaan wolle, kin dat dwaan troch it briefke op side 23 yn te follen of fia de sekrite@janbijkerk.nl op te jaan of troch in telefoantsje nei Jan Bijkerk : Side 12 1 Septimber Septimber 2017 Side 13