Meidielingeblêd fan de Sékrite

Transcriptie

1 Oprjochting fan de Sékrite, Fryske Krite fan Lelystêd en omjouwing op 26 novimber 1971 Meidielingeblêd fan de Sékrite It idee om in Fryske Krite yn e nije polder op te rjochtsjen, ûntstie yn oktober De earste ynwenners fan Lelystêd wiene hiel tafallich Friezen, de fam. Sytsma. Doe t efkes letter de fam. Schiere yn Lelystêd kaam te wenjen (dy t al lid wiene fan de fryske krite yn Kampen), waarden hja it al gauwêftich iens, dat der yn Lelystêd ek in krite komme moast. Mei noch in pear oare friezen binne hja doe begûn om by de doarren lâns te gean, om mear minsken der waarm foar te krijen. Inkele fan dizze minsken wurken op it gemeentehûs en wiene sadwaande yn e gelegenheid, om de listen mei nije ynwenners troch te sjen. As dêr dan in namme by wie, wêr t hja út opmeitsje koene dat it in Fries wie, dan gyngen hja dêr op ôf. Jûnen en jûnen binne hja sa op paad wêst. Om t Lelystêd in nije stêd wie, kaam it gau ris foar, dat hja mei trije minsken foar de selde doar stiene. Ien foar de Fryske krite, ien foar de bank (meastal mei in blomke, dy hiene it measte jild) en ien fan de begraffenisferiening. Alles moast hjir doe noch fan e grûn komme. Ek de agint fan de Ljouwerter krante en it Frysk Deiblêd en de man de SRV-wein hawwe hiel wat nije leden oanbrocht. Op 26 novimber wie dan de oprjochtingsgearkomste yn de Meerkoet, it earste restaurant yn Lelystêd. Der wiene doe 34 minsken en de 1 ste foarsitter waard Hindrik Schiere. It duorre mar efkes, doe wiene der al 112 leden, werfan 12 wol toanielspylje woene en 22 woene wol meidwaan oan in skotsploech. De earste toanieljûn wie op freed 28 jannewaris 1972 yn e Meerkoet. De toanielploech út Aldeboarn wie dêr mei it stik De bekroande earsteling. De krite hie doe 190 leden, werfan 140 op dy jûn oanwêzich wienen. De muzyk waard fersoarge troch in soan fan Sytsma, mei in bânrykorder. Ek doe wie der ek al in ferlotting ( 5 lotten foar Hfl. 1,= ). Yn die tiid wie der ek faak in ferslachjouwer fan de krante, mei in fotograaf. Op 23 febrewaris 1973 spile ús eigen toanielploech foar it earst, it stik Taaie Teie. Op 12 maart 1974 koe it 300 ste lid ynskreaun wurde. De leden kamen eartiids net allinne út de Flevopolder, mar ek út Urk en Elburg. It grutste oantal leden fan ús krite hat 370 west ( 29 novimber 1975). Wat in ferskil by no, noch mar 120 leden. Op kritejûnen waarden dan de tafels út de seal wei helle, oars koene de minsken der net yn. It sjongkoar waard oprjochte op 8 febrewaris 1976 en de skotsploech op 25 febrewaris. Spitichgernôch is de skotsploech al wer opdûkt en ek ús toanielploech hie in tekoart oan spylders. Yn 1976 waard troch eigen leden in kabaret opfierd en yn letter jierren noch 3 kear. Wy hoopje dat wy dit oantal leden fan no hâlde kinne en dat it sjongkoar bestean bliuwe kin. Binne jo noch gjin lid fan ús krite, sjoch dan op ús webstek om te sjen hoe dat kin!! Oprjochte 25 novimber 1971 Lid fan it Frysk Boun om Utens Jiergong 29 Nûmer 6, April 2015 Rekkennûmer NL 84 RABO RABO-bank Lelystêd Ynskriuwing K.v.K. nûmer

2 Hjir hie ek jo advertinsje stean kind!! Hjir hie ek jo advertinsje stean kind!!

3 NIJS FAN IT FRYSK BOUN OM UTENS Ynhâld Meidielingeblêd: side Algemiene ledegearkomste fan it Boun Datum: 11 april 2015 om oere. Plak: seal Muziek atelier yn Prismare, Roomweg 167d, Ynskedee. De jûns komt Tet Rozendal mei har sjong- en dûnsfoarstelling Mata Hari nei it teater fan Prismare perfoast in oanrieder!! Side 16 2 april 2015 # Wurd fan de foarsitter... 2 # Kritejûnen , Kritenijs... 4 # Friezen hâlde fan harren lân... 5 # Weromsjen op de kritejûn fan 21 maart # Eveneminten yn Fryslân Simmer # Iepenloftspullen # Ferhael De kening # Moai sein # Sizwizen # Gedichtsjes: Heamoanne en Simmerjûnsbyld # Nijs fan it Frysk Boun om Utens De kopij foar it nije krantsje graach ynleverje foar 15 septimber K O L O F O N Gearstalling fan it bestjoer fan ús Krite: Foarsitter: Jan Bijkerk, Schoener 43-02, 8243 VZ Lelystêd til: sekrite@janbijkerk.nl Fice-foarsitter: Johannes Fransen, Griend 30-25, 8225 SR Lelystêd til: j.g.fransen@versatel.nl Ponghâlder: Gerrit Kingma, Kreek 125, 8212 XG Lelystêd til: gj@kingmanet.nl Skriuwer: Luut Dijk, Saerdam 143, 8242 JD Lelystêd til: luit.dijk@inter.nl.net Lid: Tineke de Boer, Wijngaard 115, 8212 CG, Lelystêd til: tinekedeboer@tele2.nl Lid: Annie Noppers, Zwanenwater 56, 8245 BW Lelystêd til: annie_evenhuis@hotmail.com Lid: Jantsje Meijer, Horst 27-63, 8225 MT Lelystêd til: jantsje-meijer@live.nl Koar: Fetsje Meijer, til: , fetsje.meijer@tele2.nl Kosten: it lidmaatskip is 12,-- yn it jier De redaksje en opsmûk fan it boekje: Jan en Sjoerdtsje Bijkerk. Kopij opstjoere nei: kopijsekrite@janbijkerk.nl Eareleden fan de krite: Sijke Glas - v.d. Veen en Albert Postma. 2 april 2015 Side 1

4 FAN DE FOARSITTER. Bêste kritefreonen, Ja minsken, dan leit hjir al wer it lêste krantsje fan it winterskoft foar jimme. Dan is it tiid om efkes werom te sjen. Op 10 oktober 2014 hiene wy ús jiergearkomste yn de Krakeling. Om t der de lêste jierren net sa folle leden op ús jiergearkomsten ôf kamen, hiene wy it wat oars oanklaaid. Tuskentroch koene de leden gedichtsjes en ferhalen nei foaren bringe en fierder wie der in bôletafel oan ferbûn. De oanwêzige leden ha oanjûn dat dit foar werhelling fetber wie. Kommende oktober sille wy dat wer op dizze wize dwaan, mar dan net mei in bôletafel mar mei in stamppotbuffet. De minsken fan de Krakeling sille dit foar ús fersoargje. Wa wol dêr no net oan meidwaan, tink ik sa! Fierder hawwe wy in trijetal jûnen hân mei toaniel en kabaret. De opkomst foar dizze jûnen wie net tige heech, mei fjirtich oant in grouwe fyftich oanwêzige leden wie it wol besjoen. De nijjiersbesite wie wer in grut sukses, moaie ferhalen fan Wijnstra en in gesellich byienkommen. Sa as jimme lêze kinne, wurde de jûnen elk jier troch minder leden besocht. Dat docht by my de fraach opkommen, wat jimme tsjinhâldt om te kommen. Is it de tiid fan de gearkomsten (jûns), is it de ynhâld fan de jûn, as binne der oare reden. Wy as bestjoer soenen dat graach fan jimme witte wolle. Dan kinne wy as bestjoer dêr it oare jier mooglik wat rekken mei hâlde! Sa as ik jimme op de lêste kritejûn fan 21 maart al sein ha, hat it bestjoer dêrom in enkête taheakke oan dit kritekrantsje. Wy soenen it tige op priis stelle as jimme dizze enkête ynfolje wolle. Iendiels kinne wy dêrtroch ús leden ris bliid meitsje mei in presintsje by gelegenheid fan in jierdei, jubileum as soksawat. Oan de oare kant hearre wy fan jimme graach suggestjes oangeande ús kritejûnen of mooglik kritemiddeis. Dus minsken, folje asjebleaft de enkête yn, net allinich foar ús as bestjoer, mar ek foar jimme sels! En dan steane no de maitiid en simmer foar de doar. Ha jimme de fakânsjeplannen al wer klear? Wy hawwe op side 8 oant 10 fan dit boekje de meast wichtige evene- Side 2 2 april 2015 HEAMOANNE Hoe is no alles yn bewâld fan simmer! Doe 'k justerjûn, yn 't eigenst fan 'e stêd, Oer 't pleintsje rûn, kaam swietrook my temjitte Fan 't rypjend hea, der bûten yn it mêd! En doe ik hjoed myn stille kuier makke De bou lâns mei gerniere túntsjepronk, Hoe dreau oer 't paad de rook fan beanebloeisel, Dat blank-mei-swart him opjoech út 'e stronk. O minske, lit net sokken wille rinne, Wat better lok is ús op ierde jûn? Sjoch, oan 'e kleare himel blinkt de sinne, De wrâld leit iepen, gean de fjilden rûn! Obe Postma ( ); Ut: Samle fersen (oerset yn nije stavering) SIMMERJÛNSBYLD Nij hea rûkt oer it wide glêde wetter, Abeeljebeammen rûze oan jinse kant Op 't boerehiem, wer de eintsjes slûgje, want Hja binne wurch fan 't dûken en gesnetter. It westerread ferblikt; it wurdt al letter En 't blau tapyt mei gouden stjerren spant Oer alles hinne: fûgel, fee en plant 't Sliept alles; eltse klank en sang ferstjert dêr. In grutte tsjalk komt swart fan seil oandriuwen, In twirke dûnset oan en brekt it byld Fan boerepleats en beamte yn 't glânzich wiet. It byld trill't lang, om einlings dochs te bliuwen, De weachjes glide oan de ich en - fol en myld Sjongt op de tsjalk de frou in widzeliet. J.B. SCHEPERS ( ); Ut: Spiegel van de Friese poëzie van de zeventiende eeuw tot heden. Samengesteld door Teake Oppewal & Pier Boorsma 2 april 2015 Side 15

5 Licht spul wurdt op it lange ein wol swier; Dêr foel wat te bûthúshimmeljen, sei de jonge doe t er dûmny oer Noach s arke preekjen hearde; De nearing is in tere juffer; Men hat it faak slimmer mei de niten as de luzen; Ruten út, sei Joris en hy keilde syn wiif troch de glêzen; As de kat fleane koe, wie der gjin protter mear yn e loft. Sizwizen. It kostet sa n bytsje in oar te jaan watst sels ek graach lije meist. Dat is de jonkheid sei pake, doe sprong er oer in lúsjefersprikje. Wa t altyd yn t skaad sit, wurdt nea brún. It bêste om dyn dreamen wier te meitsjen is wekker te wurden. Myn eagen wurde minder : sei de âld man en hy seach in bij foar in helikopter oan. Drokte meitsje om in kâlde ierappel. Foar dieven kin men doarren en finsters slute moar foar rabbers net. Neat mear sjen. Wat soe der barre, as ik jo linker ear ôfsnij? frege in psycholooch oan in pasjint. Dan soe ik neat mear hearre kinne antwurde de pasjint. En as ik jo rjochter ear ôfsnij? De pasjint: Dan soe ik neat mear sjen kinne. Ferbjustere frege de psycholooch: Hoesa, neat mear sjen kinne? De pasjint: No, omdat myn bril dan ôffalle soe. Grientesop. Under it rekkenjen freget master oan lytse Willem: As dyn mem by de grienteboer foar ien euro earpels, foar twa euro giele paprika en foar 1,70 euro koal keapet, hoefolle hat hja dan byinoar? Dêr hoecht Willem net lang oer nei te tinken: Genôch om grientesop fan te meitsjen, master. Ut: Stedendriehoek. Fryske oersetting Johannes Oegema, Sutfen. Side 14 2 april 2015 minten yn Fryslân foar jimme delsetten. Alles byinoar yn in moai oersjoch. En om fierder jimme alfêst yn de stimming te bringen fan de simmer, steane op side 15 in twatal gedichtsjes. En as it waar de kommende tiid wat minder is, dan kin men tsjintwurdich Frysk damje. Fan tiisdei 24 oant en mei sneon 28 maart 2015 wie yn Frjentsjer foar t earst it Frysk Dam Evenemint Fryslân Iepen. De finales wiene yn it Alde Riedhûs fan Frjentsjer. Under mear de hjoeddeistige wrâldkampioen ynternasjonaal damjen en checkers en âldwrâldkampioenen kamen foar it Fryslân Iepen 2015 nei Frjentsjer. It is foar t earst dat de dielnimmers de Fryske fariant fan it damspul spile ha yn de foarm fan in grut ynternasjonaal toernoai. Ek is it foar t earst, dat ynternasjonale grutmasters harren mjitte mei de top út de Fryske damwrâld. It Fryske damspul wurdt karakterisearre troch in gruttere kompleksiteit en in lytsere remisemarzje oars as by it ynternasjonale spul. Flaters binne earder fataal; in lyts foardiel liedt earder ta winst. It Frysk damjen hat dêrom de potinsje út te groeien ta in nije ynternasjonale standert fan de damsport. Fryslân Iepen 2015 is de oanrin nei t earste offisjele wrâldkampioenskip Frysk Damjen, wat de organisator hopet te hâlden yn 2018 yn it ramt fan Kulturele Haadstêd Sneon 28 maart 2015 hat Deputearre Schokker fan sponsorsaken offisjeel it earste eksimplaar fan de dam-app Frysk Damjen delladen en yn gebrûk nommen yn it Alde Riedhûs fan Frjentsjer. De app, subsidiearre troch provinsje Fryslân, is de ôfrûne jierren ûntwikkele yn opdracht fan de Damboun Frysk Spul en past krekt yn t stribjen fan de provinsje om minstens elk bern ris in potsje Frysk damjen spylje te litten. De app is ek fan grutte wearde om nije spilers fan it Fryske damspul yn koarte tiid mei de kompleksiteit en de skerpte fan dizze tinksport fertroud te meitsjen. Mar we hoopje dat wy dit simmerskoft net te folle yn hûs sitte moatte en it bestjoer winsket jimme dan ek in hiele moaie fleurige simmer ta en wy hoopje dat wy jimme allegearre wer yn it kommende winterskoft moetsje kinne op ús jûnen. Oant dan! 2 april 2015 Side 3 Jimme foarsitter, Jan Bijkerk.

6 KRITEJÛNEN Hjir ûnder stean de datums fan de kritejûnen yn kommend winterskoft: Datum Freed 9 oktober Sneon 14 novimber Sneon 9 jannewaris Sneon 13 febrewaris Sneon 19 maart KRITENIJS. Ynhâld fan de jûn 17 oere - Jiergearkomste mei stamppotbuffet en ferhaaltsjes, gedichten troch eigen leden; 20 oere - Toanieljûn of Sjongjûn; 15 oere - Nijjiersbesite; 20 oere - Toaniel / Kabaret; 20 oere - Toanieljûn. Tjeerd en Jeltje Swart, De Teugel. 20, Biddinghuizen binne 29 april 45 jier troud. Gjalt en Laaske Huizinga, De Wolken 3, Dronten, binne op 10 maaie 60 jier troud. Evert en Sijke Glas, Delta 71, Lelystêd, binne 11 maaie 60 jier troud Gerrit en Tjitske Kingma, Kreek 125, Lelystêd, binne op 21 maaie 40 jier troud;. It Moai en mâl (Lief en leed) wurdt fanút it bestjoer byhâlden troch Annie Noppers. As jimme heard ha fan leden dy t siik binne as oare saken dy t fan belang binne, graach efkes in berjochtsje fia nei: annie_evenhuis@hotmail.com As der leden binne dy t oar kritenijs hawwe, graach efkes stjoere nei kopijsekrite@janbijkerk.nl. Alfêst tige tank. As jimme ek in jubileum hawwe, jou dat dan op fia it enkêteformulier dat taheakke is oan dit kritekrantsje. Understeand mailtsje krigen wy fan de fam. Jansma: Aan het bestuur van de Fryske Krite in Flevolân. Lelystad, 23 maart Wij willen de Fryske Krite bedanken voor de mooie fruitmand die we op onze 55 ste huwelijksdag (16 maart jl.) hebben ontvangen. Jan en Henny Jansma. Side 4 2 april 2015 voor uw bezoek. Ik lit my net troch dizze pankoekbakkers mei je oansprekke. Kom mei. By Emmaüs, Lichtpunt of de Wiksel hawwe se ek wol in kastke. En dy lju dêr hawwe aardich mear fatsoen. Ankje kin prate wat se wol, hy feroaret net fan gedachten. Se binne al in ein ta de stêd út, dan eamelet er der noch op troch. Fergémy, se hawwe my altyd leard dat de klant kening is, en tsjin in kening seist net je, wol. Ankje skudhollet mismoedich. Nee Sire. Dit is ien fan de ferhalen út de bondel, skreaun troch Anders. M. Rozendal en útjûn troch de KFFB. Dit ferhaal De kening stiet ek yn dizze ferhalebondel Hupsakee en oare ferhalen, dêr't alderhanne personaazjes yn foarbykomme. Jong en âld, en alles wat dêr tuskenyn sit. Elk, mei syn eigenaardichheden, tekoartkommings of wivelmoedigens, siket it paad troch it libben. Wolris op in wize dêr't men jin oer fernuveret of om skodholje moat. Mar humor spilet de boppetoan en faak sille jo glimkje om de nuveraardichheden dy't jo yn dit boek meibelibje. 220 bledsiden, priis 16,=. Moai sein. Ungelokken en twillingen komme selden allinne; De wierheid is sa kostber, dat guon minsken der te sunich mei om gean; Hald dyn gat stil ju, sei Bartle en syn wiif har himd stie yn de brân; 2 april 2015 Side 13 Jan en Henny Jansma wiene 16 maart 55 jier troud, sy hawwe in moaie fruitkoer fan de krite hân.

7 Wy moatte mar ris by Emmaüs, it Lichtpunt of de Wiksel sjen, sei Minze. Dêr lei se fuortdaliks it near op. It iene âlde ding foar in oaren omwikselje? Nee en nochris nee! En no wiene se ferline wike by Kees en Hester en dy hiene sa n alderaardichst kastke, krekt wat sy hawwe woe. Ut Grins, by Ikea wei. Hester neamde de priis. Net raar, ornearre Minze en beseach it meubelstik better. Moast him sels yninoar sette en lakke, warskôge Kees. Dat wie foar Minze gjin probleem. Hester skreau de rûte op en fan e moarn stelde Minze út dat se der mar in slimme set fan hawwe moasten. Sa, seit er en set de auto yn it parkearfek. Ast it paad wist, stelt it neat foar. Ankje giet der net op yn, wêr-om sil se syn goed sin bedjerre? Se stapt út en stiet fol ûntsach nei it mânske gebou te sjen. Wat grut en wat is it hjir drok! Tegearre skarrelje se tusken de auto s troch. Se binne hast by de grutte glêzen doarren, dan falt Minze syn each op in mânsk boerd by de útrit fan it parkearterrein. Hy bliuwt wrimpen stean en pakt Ankje by de mouwe. De jongfeint dy t achter har rint, kin har noch krekt ûntwike en seit in raar wurd. Minze heart it net ienris. Hy wiist nei it boerd. No moat it net mâlder. Wat bedoelst? freget se ferheard. No, wat der op dat boerd stiet. Se sjocht. IKEA, stiet der mei grutte letters op. En dêr ûnder: Bedankt voor je bezoek. Se begrypt net wêr t Minze op doelt en sjocht him freegjend oan. Je, seit er, bedankt voor jè bezoek. Dat liket doch nearne net nei? Beret lûkt er har fansiden. Hjir dogge wy gjin hannel mei. Ik lit my net troch sokke winkellju mei je oansprekke. Wat miene se wol net. Ja mar Minze, dat is Hollânsk. Dêr wurdt folle makliker je en jouw sein. Neat mei te krijen! Uw, is ek in goed Hollânsk wurd. Bedankt Side 12 2 april 2015 Frysk nasjonalisme: Friezen hâlde fan harren lân Yn novimber 2014 kaam it boek Opkomst en bloei van het Friese nationalisme fan P.H. Beuker út. It is it safolste boek dat Fryslân as tema hat. It nasjonalisme yn Fryslân hat neffens Beuker safolle krêft om t Friezen fan harren lân hâlde. It Fryske nasjonalisme hat net allinnich te meitsjen mei de leafde fan de ynwenners, sa leit Beuker út. De polityk is ek altyd tige wichtich west foar Fryslân. Yn 1740 kamen de boargers yn opstân, om t se mear macht woenen as de stedhâlders. Se woenen folksoevereiniteit en dat ha se úteinlik krigen. Noch hieltyd fielber It Fryske nasjonalisme kaam op sa tusken 1740 en Al fanôf it begjin fan alle tiid folget Fryslân alle ynternasjonale ûntjouwings yn Europa op. It boek fan Beuker lit sjen hoe t dy ûntjouwings effekt hienen op it hjoeddeiske Fryslân. Sa ûntstie der yn dy tiid dingen dy t hjoeddedei Fryslân skaaimerke. Skiednis, taal en folksaard bygelyks, sa seit Beuker. De ynfloed fan it bewuste skoft op it tinken yn letter tiid is noch hieltyd grut. Der is dan ek in soad yn t boek dat yn t ûnthâld bringe sil oan de hjoeddeiske tiid. De skiednis werhellet em net, mar de patroanen yn kar en eftergrûn binne net safolle feroare. Fier werom yn e tiid De skiednis en nasjonalisme fan Fryslân giet fier werom yn e tiid: Yn t jier 28 nei Kristus hat it Fryske folk de Romeinen ferslein. De Friezen wienen yn opstân kaam nei t sy ûntefreden wienen oer harren nije Romeinske lânfâd. Sa n 900 Romeinen binne doe omkaam. Ien fan de wichtichste misjonarissen en herfoarmer Bonifatius hat jierren besocht om Fryslân om te dopen ta it kristendom. Dit is úteinlik syn dea wurden yn 755 by Dokkum. Yn 1325 fûn in fjildslach plak tusken Willem IV fan Hollân en de Friezen. De Hollanners fochten om t se it lân ynnimme woenen, de Friezen fochten foar harren ûnôfhinklikens. De slach, dy t ek wol Slach by Starum of Slach by Warns neamd wurdt, wurdt jierlijks noch betocht op 26 sep- 2 april 2015 Side 5

8 timber. De Friezen fochten net foar neat: se hawwe harren ûnôfhinklikens noch 150 jier bewarre. In de fyftjinde ieu stie der in Fryske kriichsman op om Fryslân te behoeden, Pier Gerlofs Donia. Hy wurdt beskreaun as in reusachtich keardel en hy hie boppeminsklike krêften. Der binne in soad ferhalen te fertellen oer Grutte Pier en hy wurdt tsjintwurdich noch hieltyd eare yn ûnder oaren De Canon van Friesland. Ien fan de meast ferneamde sagen út Fryslân is t ferhaal oer It froutsje fan Starum. It ferhaal giet oer in frou dy t te folle woe, mar úteinlik it mei neat dwaan moast. De siswize hoogmoed komt voor de val, is de les fan it ferhaal. It Froutsje is it bekindste Fryske ferhaal út de skiednis. Weromsjen op ús kritejûn fan 21 maart. Wat hawwe wy op 21 maart, de earste dei fan de maitiid, in prachtige kritejûn hân. Ik tink dat ik dat wol út namme fan alle oanwêzigen, it wiene in lytse sechstich, sizze kin. It begûn fansels al by it ynkommen, daliks in bontsje foar in kopke kofje as tee en dat alles yn in tige moai en gesellich oankleide seal. Der wie in tige gesellich oanklaaide prizetafel foar de ferlotting, makke yn de sfear fan Peaske, en der wiene wer moaie prizen te winnen. Ek dizze kear hie Henny Postma wer hiele moaie (peaske)blom-stikken makke foar de ferlotting. Dat is wis wol in plúmke wurdich. Nei de iepening troch Jan Bijkerk waard tradisjoneel it Fryske Folkliet songen. De prizetafel fan de ferlotting stie yn it teken fan Peaske Side 6 2 april 2015 De kening. Ho ho, hjir der ôf, seit Ankje. Ofslach Hoogezand, stiet hjir en dan... Eefkes stil, leave. Se ride op e rûnwei fan Grins, op e linkerbaan. It is drok en Minze is al dat ferkear net wend. Hy loert yn e spegel, set de rjochtingoanwizer út en batst yn ien kear twa rydbanen nei rjochts. Achter harren mâlbearet in klakson, en as de man dy t troch Minze bot snijd is, njonken harren rydt, wiist dy nei de foarholle. Minze hat it swit tsjok op e rêch, mar hy hâldt him grut. Grinzers, it bliuwe oanstellers, dat seit ús heit eartii... Links, ropt Ankje. Oars sitte wy aansen yn Dútslân. Blinder, dat moat net. Minze stjoert nei de linkerbaan en moat dan hastich remje om t der fierderop in stopljocht is. Ankje lêst foar: By it stopljocht linksôf ûnder de rûnwei troch, in pear hûndert meter fierder, by de folgjen stopljochten rjochtsôf. Noch in pear hûndert meter en dan hawwe jimme IKEA oan e rjochterhân. Foar de winkel is in hiel grut parkearplak. Se teart it papierke op. No kin it net mear misse Minze. Nee, seit er en hy set de auto yn beweging. Al hie it om my net hoegd. Fansels hie dizze reis om him net hoegd, dat wit se ek wol. Minze wol noait fuort. Om ris gesellich mei har te winkeljen, sil er net oer prakkesearje. Mar lêsten gong de televyzje stikken en kocht Minze in nijenien, in jûkel fan in ding. Te grut foar it âlde kastke. In pluspunt, want dat suterige kastke, dat noch by syn âldelju weikaam, is harren al jierren in stikel yn e foet. 2 april 2015 Side 11

9 Iepenloftspullen yn 2015 Easterwierrum Friezz (berne iepenloftspul). Bewurking fan it ferhaal De IJsvorstin Útfieringsdata: 4 oant en mei 13 juny. Regy: Ytsje van der Meulen en Eelco Venema. Muzikale lieding: Joke Krist. Muzyk en lietteksten: Peter Sijbenga. Ynformaasje op webside Iepenloft Opsterlân (Beetstersweach) Noblesse Oblige. Skeaun troch: Bouke Oldenhof. Regy: Jan Smit Utfieringsdata: fan 27 maaie oant en mei13 juny Ynformaasje op webside Brantgum De Ferskoppeling Utfieringsdata: 24, 26 en 27 juny Regy: Atsje Lettinga. Skreaun troch: Baukje van Hijum Ynformaasje op webside Jorwert Augustus (bewurking fan it stik August Osage County fan Tracy Letts) De premjêre is op sneon 22 augustus. Regy: Tjerk Kooistra. Bliuw op e hichte fia webside Snakkerbuorren De dame komt (bewurking fan in toanielklassiker fan Friedrich Dürrenmatt) Utfieringsdata: fan 25 juny oant en mei 5 july. Fryske bewurking: Freark Dam. Regy: Karin Idzenga. Ynformaasje: op Harkema Dûnsjende Wiis (nei it ferhaal en de muzyk út de film Dirty Dancing ) Utfieringsdata: fan 8 oant en mei 18 septimber yn De Spitkeet op e Harkema Regy: Tineke Broers. Ynformaasje: op Bantegea De Berch, skreaun troch Keimpe Vlietstra Utfieringsdata: fan 19 juny oant en mei 6 july yn Bantegea Regy: Luuk Eisema. Akteurs: Toanielferiening Op e Nij Feriene + frijwilligers Ynformaasje: op webside Side 10 2 april 2015 De Fryske Krite Bûtenpost kaam mei it toanielstik In nuver stel, in komeedzje yn trije bedriuwen. No, dat wie in grut spektakel! Yn it koart kaam it der op del dat de pokerfreonengroep yn New York eltse freedtejûn by ien fan de freonen, dy t skieden wie, kamen te pokerjen. Dat wiene gesellige jûnen oant dat der noch in skieding ûnder ien fan de freonen foel. De beide skieden freonen gongen doe byinoarren wenjen yn in appartemint yn New York. De beide mannen pasten al hiel net byinoar en dertroch ûntstiene de gekste situaasjes, dat kinne jo wol begripe. It waard op in geweldige manier op it toaniel delsetten. It wie in stik fol mei humor en der waard yn de seal hiel wat ôflake. Mei rjocht hat dit toanielselskip in earste priis yn de Kritekriich yn de wacht sleept mei harren optreden. Sy krigen dan ek in daverjend applaus en in steande ovaasje fan de seal. Ja, en dan wurde de lotsjes al wer op de tafel útlein en komt Johannes Fransen mei syn hege hoed op e lappen. Wa geane der jûn mei de prizen nei hûs? Oant ein fan de ferlotting wie der wer de sealpriis, dizze kear in Fryske waarstien, makke troch Johannes. Al mei al wie it in tige slagge slútjûn fan dit winterskoft. Foto s te sjen op: 2 april 2015 Side 7 Annie Noppers.

10 Eveneminten yn Fryslân Simmer 2015 Skûtsjesilen SKS 2015 Skûtsjesilen IFKS july : Grou (start) 1 augustus : Hylpen 20 july : De Feanhoop 3 augustus : Starum 21 july : Earnewâld 4 augustus : Heech 22 july : Terherne 5 augustus : Sleat 23 july : Langwar 6 augustus : Ychtenbrêge 24 july : Ealahuzen 7 augustus : De Lemmer I 25 july : Starum 8 augustus : De Lemmer II (finale) 27 july : Wâldsein 29 july : De Lemmer I 30 july : De Lemmer II 31 july : Snits (finale) Keatsen maaie : Hilversum - KNKB 50+ wedstriid (org.: Kv Melle Veenstra ) 25 maaie : Frjentsjer - Bûnspartij juny : Harns - Lanenkaatsen 4 july : Straatkaatsen - Ljouwert 29 july : Frjentsjer - PC 5 augustus : Wommels- Freulepartij Fierljeppen july : Burgum -Twakamp Hollân - Fryslân 25 july : It Heidenskip - Ned. Fierljep Manifestaasje 8 augustus : Winsum -Frysk Kampioenskip 19 augustus : Drylts - Fryslân Cup 22 augustus : Vlist - Ned. Kampioenskip Side 8 2 april 2015 Fytsen 2015 fan 30 juny ôf fan 7 july ôf fan 20 july ôf fan 4 aug. ôf : Wolvegea - fytsfjouwerdaagse : Assen +7 oare - Drentse Fiets4daagse (50e jubileum!) : Ljouwert - âlvestêdefytsfiif(5)daagse : Appelskea - fytsfjouwerdaagse Wettersport Algemien maaie : Akkrum - NK Sinneboatrace 1-6 augustus : Snits - SneekWeek 5 augustus : Snits - Hurdsyldei 21 en 22 aug. : Makkum - Fiskerijdagen aug. : Harns - Fiskerijdagen 27 augustus : Balk - Gondelfeart 28 augustus : Aldeboarn - De 70ste Gondelfeart oktober : Warkum - Fiskerijdagen, Strontrace en Liereliet Oare eveneminten yn Fryslân t/m 16 maaie : Boalsert - Fyts Alvestêdetocht 29 t/m 31 maaie : Ljouwert - Frysk Strjitte Festival 12 o/m 21 juny : Ljouwert - Kuier Alvestêdetocht 25 maaie : Skylge - Oerol Festival 24 o/m 27 juny : Boalsert - Heamieldagen 17 o/m 20 july : De Feanhoop - Feanhoopfestival 22 july : De Jouwer - Boerebrulloft 22 o/m 26 july : De Jouwer - Ballonfeesten 18 en 19 sept. : Droegeham - Gondelfeart op Tsjillen 24 septimber : De Jouwer - Joustermerke 2 april 2015 Side 9