Meidielingeblêd fan de Sékrite

Transcriptie

1 Oprjochting fan de Sékrite, Fryske Krite fan Lelystêd en omjouwing op 25 novimber 1971 Meidielingeblêd fan de Sékrite It idee om in Fryske Krite yn e nije polder op te rjochtsjen, ûntstie yn oktober De earste ynwenners fan Lelystêd wiene hiel tafallich Friezen, de fam. Sytsma. Doe t efkes letter de fam. Schiere yn Lelystêd kaam te wenjen (dy t al lid wiene fan de fryske krite yn Kampen), waarden hja it al gauwêftich iens, dat der yn Lelystêd ek in krite komme moast. Mei noch in pear oare friezen binne hja doe begûn om by de doarren lâns te gean, om mear minsken der waarm foar te krijen. Inkele fan dizze minsken wurken op it gemeentehûs en wiene sadwaande yn e gelegenheid, om de listen mei nije ynwenners troch te sjen. As dêr dan in namme by wie, wêr t hja út opmeitsje koene dat it in Fries wie, dan gyngen hja dêr op ôf. Jûnen en jûnen binne hja sa op paad wêst. Om t Lelystêd in nije stêd wie, kaam it gau ris foar, dat hja mei trije minsken foar de selde doar stiene. Ien foar de Fryske krite, ien foar de bank (meastal mei in blomke, dy hiene it measte jild) en ien fan de begraffenisferiening. Alles moast hjir doe noch fan e grûn komme. Ek de agint fan de Ljouwerter krante en it Frysk Deiblêd en de man de SRV-wein hawwe hiel wat nije leden oanbrocht. Op 25 novimber wie dan de oprjochtingsgearkomste yn de Meerkoet, it earste restaurant yn Lelystêd. Der wiene doe 34 minsken en de 1 ste foarsitter waard Hindrik Schiere. It duorre mar efkes, doe wiene der al 112 leden, werfan 12 wol toanielspylje woene en 22 woene wol meidwaan oan in skotsploech. De earste toanieljûn wie op freed 28 jannewaris 1972 yn e Meerkoet. De toanielploech út Aldeboarn wie dêr mei it stik De bekroande earsteling. De krite hie doe 190 leden, werfan 140 op dy jûn oanwêzich wienen. De muzyk waard fersoarge troch in soan fan Sytsma, mei in bânrykorder. Ek doe wie der ek al in ferlotting ( 5 lotten foar Hfl. 1,= ). Yn die tiid wie der ek faak in ferslachjouwer fan de krante, mei in fotograaf. Op 23 febrewaris 1973 spile ús eigen toanielploech foar it earst, it stik Taaie Teie. Op 12 maart 1974 koe it 300 ste lid ynskreaun wurde. De leden kamen eartiids net allinne út de Flevopolder, mar ek út Urk en Elburg. It grutste oantal leden fan ús krite hat 370 west ( 29 novimber 1975). Wat in ferskil by no, noch mar 120 leden. Op kritejûnen waarden dan de tafels út de seal wei helle, oars koene de minsken der net yn. It sjongkoar waard oprjochte op 8 febrewaris 1976 en de skotsploech op 25 febrewaris. Spitichgernôch is de skotsploech al wer opdûkt en ek ús toanielploech hie in tekoart oan spylders. Yn 1976 waard troch eigen leden in kabaret opfierd en yn letter jierren noch 3 kear. Wy hoopje dat wy dit oantal leden fan no hâlde kinne en dat it sjongkoar bestean bliuwe kin. Binne jo noch gjin lid fan ús krite, sjoch dan op ús weblog Dêr kinne jo jo opjaan troch it kontakformulier yn te foljen!! Oprjochte 25 novimber 1971 Lid fan it Frysk Boun om Utens Nûmer 5, Rekkennûmer NL 84 RABO RABO-bank Lelystêd Ynskriuwing K.v.K. nûmer

2

3 NIJS FAN IT FRYSK BOUN OM UTENS Ynhâld Meidielingeblêd: side # Wurd fan de foarsitter... 2 # Kritejûnen , , Kritenijs en Ta Neitins.. 4 # Weromsjen op it optreden fan Bennie Huisman... 5 # Gedicht: Yn maart... 6 # Ferhaal: Hannel en Grapke... 7 # Utnûging AG en Pro Rege op 8 april - Ontmoetingskerk... 8 # Gedicht : Taalles # Ferhaal: Frankryk yn Fryslân # Ut de itensiederij en út de Boekehoeke # Fotokollaasje Bennie Huisman # Nijs fan it Frysk Boun om Utens De Algemiene Gearkomste (AG) fan It Frysk Boun om Utens is op 8 april 2017 yn Lelystêd ( Ontmoetingskerk ). As jimme hjir ek in kear nei ta wolle, dan hawwe jimme no de kâns! De kopij foar it nije krantsje graach ynleverje foar 15 febrewaris K O L O F O N Gearstalling fan it bestjoer fan ús Krite: Foarsitter: Jan Bijkerk, Schoener 43-02, 8243 VZ Lelystêd til: sekrite@janbijkerk.nl Fice-foarsitter: Johannes Fransen, Griend 30-25, 8225 SR Lelystêd til: j.g.fransen@versatel.nl Ponghâlder: Gerrit Kingma, Kreek 125, 8212 XG Lelystêd til: gj@kingmanet.nl Skriuwer: Luut Dijk, Saerdam 143, 8242 JD Lelystêd til: luit.dijk@kpnmail.nl Lid: Tineke de Boer, Wijngaard 115, 8212 CG, Lelystêd til: tinekedeboer@tele2.nl Lid: Annie Noppers, Zwanenwater 56, 8245 BW Lelystêd til: annie_evenhuis@hotmail.com Lid: Jantsje Meijer, Horst 27-63, 8225 MT Lelystêd til: jantsje-meijer@live.nl Koar: Fetsje Meijer, til: , fetsje.meijer@tele2.nl Kosten: it lidmaatskip is 12,-- yn it jier De redaksje en opsmûk fan it boekje: Jan en Sjoerdtsje Bijkerk. Kopij opstjoere nei: kopijsekrite@janbijkerk.nl Eareleden fan de krite: Sijke Glas - v.d. Veen en Albert Postma. Side 16 Side 1

4 Bedoarne hannel is in Fryske thriller en it fjirde boek fan Ferdinand de Jong. FAN DE FOARSITTER. Sietse de Vries: Bak Friese Pers Boekerij, 2012 Fyftich jier âld, al tweintich jier stedsferslachjouwer fan in regionale krante, noch altyd gjin fêste relaasje. Echt opsjitte wol it net mei it libben fan Sjerp Bak. Bêste freonen fan de Sékrite, As ik dit foarwurd skriuw, dan hoopje ik dat wy de measte froast hân ha. Ik ha wol wer nocht oan de maitiid: de hegedrukspuit fan e souder helje, alles bûten wer skjin meitsje en it strie wer fan de planten út de tún helje, no, dan krije jo it maitiidsgefoel wer. It ûndersteande gedicht fan Eize de Boer is dan wol tapaslik: Maart. Hy krijt al wer in hiel soad macht, de sinne, it alderrûchste winterwurk is dien, en hjir en dêr wurdt it foarsichtich grien, sa om 'e tiid fan 't earste ljipaai hinne De winter jout belies, de dagen winne, alles feroaret en hast elkenien feroaret mei, noch mar in dei as tsien, dan kin de nije maitiid mar begjinne. Eize de Boer, Frysk & Frij, 8 maart 1990 De kleur komt aanst werom yn al it grize, keunstner Natoer grypt minsken by it hert, gjin ink'le skilder brûkt sa'n bûnt palet, en wa't it sjocht moat gûle, glimkje, gnize... Elk ûndergeit it op syn eigen wize. De iene himmelet, de oare net. Luit en Johanna. Ofrûne moanne hawwe wy genietsje kinnen fan de lietsjes en ferhalen fan Bennie Huisman. Wy sieten tige mei de hannen yn t hier (foar safier ik dat noch ha) doe t de liedster fan it Jankfoddekoar Tûzen Triennen ús skille dat harren diriginte siik wie en sy dêrom net komme koene. Gelokkich wie der by Bennie krekt in ôfspraak út syn bûsboekje helle, sadat wy dochs út de brân wiene en Bennie by ús optrede koe. No, dat is fansels wol wat oars, earst soene wy 25 oant 30 froulju op it toaniel hawwe en no is t mar ien manspersoan wurden. Mar Bennie hat ús mei syn lietsjes en ferhalen in hiele moaie jûn brocht (sjoch ek siden 5 en 15). Side 2 As in rûzje mei VVD-gemeenteriedslid Remco Beets folslein út e hân rint en Bak him deaslacht, soe er syn âld, saai en iensum libben mar wat graach wer oppakke. Dat slagget mar heal. Hy kriget wat mei CDA-wethâlder Geke Jelsma en moat op syn iepenst wêze om út hannen fan e plysje te bliuwen. Dan freget syn sjef him om it libben fan Remco Beets yn kaart te bringen foar in moai ferhaal yn de sneonsbylage. Bak ûntdekt dat der folle mear achter de dea fan Remco Beets stekt. Bak wie it Kadoboek by de 'Moanne fan it Fryske Boek 2012'. Der ferskynde ek in e-book ferzje, in audioboek en in spesjale audioútjefte foar de blinebibleteek. Hjir nêst sjogge jimme in kollaazje fan de foto s fan it optreden fan Bennie Huisman Side 15

5 Durk van der Ploeg: De Belvedêre Friese Pers Boekerij, 2012 Age Looxma-Ypeij is yn de neidagen fan syn libben. Hy leit de lêste hân oan syn testamint en makket de balâns op. Syn twaslachtige hâlding foar Helena Mallinckrodt oer spilet dêr in grutte rol yn. Helena wie de eardere selskipsdame fan syn mem Baudina. Age Looxma-Ypeij libbe fan 1833 oant As grutgrûnbesitter wie er ien fan de rykste minsken fan syn tiid. Finzen yn in aristokratyske tradysje, waard fan Age ferwachte dat er in wichtige rol spile yn it maatskiplik libben. Mei syn porslein- en muntesamling, it Bosk fan Ypeij en de huzen by Vijversburg hat er nei syn dea Fryslân skatten neilitten. Oer syn libben isnet folle bekend, wat romte jout oan de skriuwer om syn eigen byld op te roppen. De fraach oft der plak wie foar in grutte leafde yn Age syn libben foarmet de waarme en dynamyske ûndertoan fan dizze roman. Mei grut psychologysk ynlibbingsfermogen lit de skriuwer sjen wêrom t Age Looxma-Ypeij sa yn himsels fertize rekke. Trinus Riemersma: De acht foar achten trein Venusboek, 2009 Twa ferhaallinen rinne parallel yn wat de skriuwer in 'splitscreenroman' neamt. Op 'e achterflap: 'In ûntplofte trein en in ûntploffend houlik, dy twa ferneare inoar net. It is ien fan beide, it is skiede of bliede. De kar is gjin kar. Lykas it libben sels, dit ferhaal is tryst en tragysk. Mar mei in skep humor is it te fertarren, it libben en dit ferhaal. Wat alles goed makket: der wurdt yn it hele boek net smookt.' Ferdinand de Jong: Bedoarne hannel Afûk, 2014 In jong famke ferdwynt spoarleas. It blykt de dochter fan de eksfrou fan priveedetektive Jan te wêzen. Tegearre mei syn maat, resjersjeur Libbe de Boer, dûkt Jan yn de saak en se komme telâne yn in gefaarlike, skimige wrâld fol mei tsjustere figueren dy't geweld net út de wei geane. Sil it harren slagje om Aukje werom te finen? Side 14 As wy yn de tiid foarút sjogge, dan hawwe wy yn april al wer ús lêste jûn fan dit winterskoft. Dan komt der in âlde bekende by ús spyljen, nammentlik toanielferiening Pro Rege fan Holwert. Toanielferiening Pro Rege is ûntstien yn 1933, út de resitearklups fan eartiids. Krekt foar de twadde wrâldoarloch fierden hja foar it earst in stik op dat de namme Pro Rege hie. Nei de oarloch hawwe se dat stik op e nij opfierd. Oan dat stik hat de toanielferiening har namme ûntliend. Pro Rege betsjut foar de Kening. De earste jierren nei de oarloch spilen hja histoaryske stikken. Dy waarden opfierd yn de grifformearde tsjerke, foar de preekstoel. De stikken moasten de goedkarring hawwe fan de tsjerkeried. Letter giene hja oer ta it spyljen fan foaral blijspullen. Yn it seizoen hie Pro Rege in hiel goed jier. Der wiene dat jier 23 optredens. Ek giene hja hieltyd faker bûten Fryslân te spyljen foar Fryske kriten. Der kaam ek in feroaring yn de fêste ploech spilers. In stikmannich Holwerters swaaiden ôf as jubilaris nei 40, 25 en 20 jier spyljen. Mar ek no binne der alwer betûfte spilers dy t net fan ophâlden witte. Sy komme op 8 april o.s. by ús mei it toanielstik Ik wol gjin oare mem. Op side 8 en 9 kinne jimme der mear oer lêze. TINK DER OM: PRO REGE SPILET YN DE ONTMOETINGSKERK. Die dei is ek de Algemiene Ledegearkomste fan it Boun. Om t wy in jubileumjier hiene, hat de Boun frege as sy de gearkomste by ús hâlde mochten. Wy hawwe derom in seal fan de Ontmoetingskerk besprutsen. De Gearkomste begjint om 14:00 oere en de doarren binne iepen fan ôf 13:30 oere. Fan ôf 18:00 oere is der yn de tsjerke in breamiel, wêrfan de dielnimmers harren 4 wike foarôf opjaan moatte. Sa as yn ús krantsje fan jannewaris te lêzen wie, hiene jimme jimme uterlik op 4 maart opjaan moatten. It bôle-iten giet allinnich troch as der mear as 20 minsken oan meidogge. De kosten fan it bôle-iten binne 12,50 en oer te meitsjen foar 15 maart nei ús bankrekennûmer: NL 84 RABO op namme fan Fryske Krite Sékrite Lelystêd. Ik hoopje jimme allegearre wer te moetsjen op 8 april! Oant dan. Jimme foarsitter, Jan Bijkerk. Side 3

6 KRITEJÛNEN, Ut de ITENSIEDERIJ. Datum 8 april 2017 Ynhâld fan de jûn Lekkere Lunsj. Algemiene Gearkomste Frysk Boun en in toanieljûn yn de Ontmoetingskerk. Toaniel Feriening Pro Rege út Holwert komt dan by ús mei it stik Ik wol gjin oare Mem! (sjoch ek op side 8 en 9.) No al foar jimme bûsboekje de datums fan it winterskoft : 6 oktober 2017(jiergearkomste), 18 novimber2017, 16 desimber 2017 (Krystmiddei),13 jannewaris 2018 (Nijjiersbesite), 17 febrewaris 2018 en 24 maart KRITENIJS. It Moai en mâl (Lief en leed): As jimme heard ha fan leden dy t siik binne, as oare saken dy t fan belang binne, graach efkes in berjochtsje fia nei: annie_evenhuis@hotmail.com As der leden binne dy t oar kritenijs hawwe, graach efkes stjoere nei kopijsekrite@janbijkerk.nl. Yn t foar tige tank. Fokke en Trijn Hamstra, Plantage 77, 8212 VE Lelystêd, binne op 14 maart 60 jier troud. Fan herte lokwinske! Roel en Dinie Breevoort, Westerwolde 27, 8245 DH Lelystêd, binne op 26 maart 60 jier troud. Fan herte lokwinske! Nim in kupkeek-foarm, fet dizze yn mei bûter en beklaai dizze mei ham of spek. Nim foar 6 kups 4 aaien, sâlt en piper, mjokselje dit en foegje der twa as trije maitiids-sipeltjes en ien tomaat yn stikjes oan ta. Verdiel dit oer de foarm en strui der raspe tsiis oer hinne. Bak dit yn in ûne op 200 gr en 25 min. Lit it jimme smeitsje mei in stik bôle. Johannes. Ut de BOEKEHOEKE. NIJE BOEKEN OP DE BOEKETAFEL OP 8 APRIL 2017 It bestellen kin ek by ús eigen krite ( by Luit Dijk, luit.dijk@kpnmail.nl). Dizze kear ha wy in hiele soad nije boeken foar jimme op de boeketafel!!! Fan in fiiftal in koarte beskriuwing: Auck Peanstra: Sitebuorren, myn eigen paradys Venusboek, 20 TA NEITINS. Op 17 jannewaris 2017 is de hear Gjalt Huizenga ferstoarn, yn de âldens fan 86 jier, yn De Regenboog yn Dronten. Nei wat drege lêste jierren hat hy belies jaan moatten. Hy hat in soad gedichten yn it Frysk en Hollânsk skreaun en hat der ek ferskate prizen mei wûn. Doe t er noch goed wie, hat er ek noch ferskate moaie skilderijen makke. It bestjoer en leden fan de krite winskje syn frou en de fierdere famylje in protte sterkte ta om dit ferlies te dragen. Bestjoer en leden fan de Sékrite. Side 4 Boppe wetter kommen brieven fan har mem wiene foar skriuwster Auck Peanstra oanlieding om de oantinkens oan it plak fan har jeugd Sitebuorren, in buorskipke yn it wetterlân by Grou op te skriuwen. De brieven jouwe in byld fan it erflik wrotten en wramen fan de boer en de noed om fee en bedriuw. Fan dy noeden hat Auck as bern neat witten. Foar har wie it libben doe ien grut feest. Auck Peanstra krige foar dit boek yn 2008 de twajierlikse Rink van der Veldepriis fan de gemeente Smellingerlân takend. Side 13

7 fan entûsjaste doarpsgenoaten slagge it. Op it hoekje gers dat al jierren as hûneskitersplak yn gebrûk wie, kaam in prachtige Jeu de Boules-baan. Banken derby foar taskôgers en ôfmêde spilers. Buorden makken dúdlik dat hûnen hjir net mear skite mochten. It moat sein wurde, dêr hâlde de lju dy t mei de hûn kuierje har oan. Sels de losrinnende hûnen sykje om in oar plak. It hiele doarp is grutsk op ús nije attraksje. Allinnich Jurjen Kooistra net, de hûnen skite no by him yn e blikke. De losrinnende op alle oeren fan e dei, dy t oan in riem sitte, binne neffens Jurjen mear nachtskiters. Ik haw heard dat er al ris nei de priis fan in knappe buks fernommen hat! Wat ús nije Jeu de Boules-baan oanbelanget wie it spitich dat wy sa n wiete winter hiene, de baan lei der wat fersutere by. Lykwols ôfrûne wike, de wyn wie noch wat skraal, mar de sinne stie der fleurich by, wiene Bartele, Tabe Huinstra en Geale Schaafsma los. Mei izeren ballen mikten se op in lyts baltsje. Yn e lijte fan it bushokje seach ik it in skoftke oan. Ik haw gjin idee hoe t de spulregels binne, mar de trije manlju wiene fol fjoer. No binne Bartele en Tabe deeglike lju dy t net gau in ferkeard wurd oer de lippen komt. Ferdoarje en ferhip wie dan ek wol it slimste wat ik opfong as it net rjocht slagge. Ik hie al gau foar it ferstân dat beide it spul sa goed net koene as Geale. Miskien om t dy faker as ien, twa kear mei fakânsje yn Frankryk west hat? Geale hie foar dizze gelegenheid in grutte alpinomûtse op. Goed bryk oer ien ear. Op in stuit fergoaide er him, tink ik. Syn bal kaam in ein fan e oaren te lizzen. Ferwoeden luts er de alpino fan e holle en saaide dy oer de grûn. Merde knalde it oer de baan. Dêrmei sette er ús doarp foargoed op e Frânske kaart!! Dit is ien fan de ferhalen út de bondel Hupsakee en oare ferhalen skreaun troch Anders.M.Rozendal en útjûn by de KFFB. Side 12 Weromsjen op it optreden fan Bennie Huisman. Op syn webside stiet dat er sjonger & ferteller is. En dêr hat Bennie Huisman út It Hearrenfean neat te folle mei sein, want hy is ek lietsjeskriuwer, komponist, muzikant en oersetter. En hy skriuwt boeken oer minsken en saken dêr t er him foar ynteressearret. Hy is dus in man mei gâns wat kanten. Dat die ek bliken mei syn optreden yn Teater Posa. Dêr brocht er, sa as der sels seit, as fersmoarge Fries, in lykwichtich gearstalde griemmank út syn eardere programma s as De Loftfytser, Nim it libben lichter, Wybren Altena, swalker yn e geast en Tiden ha tiden. En in pear lieten út syn nijste programma Nei Berlyn, dat in pear moannen lyn syn earste útfiering belibbe. De lieten waarden op in hiel ûnderhâldende wize oan inoar praat. Sa fertelde Bennie, dat er it sjongen meikrigen hat fan syn beppe, dy t o sa fan sjongen hâlde. As hy foar har in ferske song, krige er in sint. In Frysk ferske die twa sinten en in liet fan Johannes de Heer in stoer. Hy fertelde ek oer syn pake, dy t in skouke hie, dat neffens (lytse) Bennie sa lek as in tjems wie, mar neffens pake in bytsje trochswitte. Dizze en mear ferhalen wiene foar syn taharkers tige werkenber. It wie as waard harren lij wetter yn e earen getten. De ferhalen en lieten wiene faak biografysk, humoristysk en bytiden filosofysk. Dêrtroch ûntstie der fan it begjin ôf oan in húslike, smûke en suver yntime sfear. Ein 19e ieu Side 5

8 (de tiid fan Waling Dykstra) en begjin 20 ste ieu neamde men dat winterjûnenocht. De winters fan dy tiid hawwe we net mear, mar de nocht is der noch altyd. Foar sa n jûn is de seal fan Posa poer geskikt, moai yntym. En as men dan ek noch nei hûs gean kin mei ien (of mear) moaie prizen dy t der te winnen wiene, dan kin sa n jûn dochs net mear stikken! Yn maart De loft is griis fan teare wolkeplumen. 't Is myld of 't nei de simmer giet; De lichte leepkes draaie oer 'e finne, De ljurken sjonge omheech har liet. De bern boartsje yn 'e bûnte ûnderwâlen, De feint giet mei de pols de lannen op; Heech yn 'e mantels blinke ljocht de kuorren, De einen ropp' har fleurige foarjiersrop. En efter fan it hiem, by skerne en dobbe, Dêr komt in fine reek no wei. Dat is it foarjier! En út âlde tiden Komm' lang fergetten bylden mei. Wêr wie it dochs, dat sok in lucht my strielde Yn 't jonge lok fan fleur'ge dei? Fan leechste sinnen komt de djipste fieling, Wat binn' wy noch de ierde nei! Obe Postma, Samle fersen, Baarn/Ljouwert, 1977, s. 50. Side 6 FRANKRYK yn Fryslân. In goed jier lyn krige it bestjoer fan doarpsbelang in tip fan e wethâlder. Witte jimme wol dat yn Brussel in sek mei jild klearleit foar lytse doarpsmienskippen dy t wat op poaten sette wolle om de leefberens fan har doarp te ferheegjen? No hawwe wy in aktyf bestjoer, dat dy batsten der daliks op ta. It skeelde net folle of se wiene dyselde wike noch persoanlik nei Brussel flein. Bartele Hekstra, aardich âlder as de oare bestjoersleden en hy hat ek wat mear ferstân, koe dat noch keare ( Ik wol perfoarst net beweare dat mei it âlder wurden it ferstân automatysk ek grutter wurdt, mar by Bartele wie dat al sa). Dat, net nei Brussel. Mar wol gong dêr daliks in grut brief fan doarpsbelang hinne. Mei in twingend fersyk om jild. Plannen hoe t it bestjoer dat jild besteedzje woe, wiene dêrby ynsletten. Dêr moatte jo net te licht oer tinke. It bestjoer hie, neist wat lytsere, grutte en djoere plannen op papier set. Suver noch djoerder as dy foar it nije Frysk Museum. Sa woene se bygelyks in hege flat yn ús doarp hawwe. Een gezichtsbepalende torenflat, stie der yn it brief. It bestjoer woe dêr de namme fan in bekend bearenburchmerk oan ferbine. En sa wiene der noch mear útwrydske ideeën. Men kin better wat oerfreegje as letter oan e krapperein komme, learde Bartele de oare bestjoersleden. It bleau in hiel skoft stil yn Brussel, sokke grutte plannen fan sa n doarpke dêr moast fansels lang oer stind wurde. Wy hiene it hast al fergetten, mar yn septimber kaam der berjocht. Der waard jild tasein foar it oanlizzen fan in Jeu de Boules-baan. Ien fan e lytse plannen dy t ynstjoerd wie. No ja, men kin net alles hawwe. En yn Brussel woene se fansels in dofke jild achter de hân hâlde foar it gefal dat se yn Ljouwert foar kapitalen oer de begrutting fan it nije museum hinne geane. De amtners yn Brussel sille de Ljouwerters sa stadichoan wol kenne. Neffens it skriuwen ferwachten se dat in Jeu de Boules-baan de leefberens yn ús doarp tige ferbetterje soe, op in heger plan bringe sels! Der wie te min jild tasein om dy baan oanlizze te litten, mar mei stipe Side 11

9 Taalles. Us master is in taalfanaat, hy hat op skoalle oars net praat as oer de rykdom fan ús taal. Ik fyn sa n hobby abnormaal, mar hy is baas en sil it witte, al moast er ús gewurde litte. It is wer oan de taalles ta. Wy sille it oer de bûging ha fan t sterke tiidwurd, no en doe, oer wat ik doch en die; en hoe al dy aparte bûgings binne, mar dat sil ik noait leare kinne. Ik lear: ik flean en do, do fljochst; dan ek: ik stean en do, do stjochst. Ik flean, ik fleach en ik ha flein; ik gean, ik geach en ik ha gein. Do feist, do fagets en do hast fage; do meist, do magest en do mast mage. No dwaan: do dochst, diest en hast dien; en slaan: do slochst, sliest en hast slien. Foar jaan haw ik ik mulwurd fûn: hy hat my ûnfoldwaande jûn. Wat haw ik op dy bûgings switten, Mar t measte haw ik al ferjitten. Us master sei: Do learst it noait, Do hast r mei de pet nei goaid. Ast sa beroerd dyn proefwurk skriuwst, Is t eigen skuld datst sitten bliuwst. Mar ik sis: Master moat begripe: Fan bûgjen frjemd bliuwt myn prinsipe. Atze Bosch. HANNEL. Fan e wike hiene wy twa jonkjes by de doar mei de fraach: Wolle jo ek blommen keapje? De iene hie in boskje tulpen yn e hân, lang en koartstâlich. Men koe yn it minst nei sizze dat it in stiif boeket wie. Earder losjes byinoar skikt. Om mar hurd en gau ja of nee te sizzen, kaam my te bot oan. Ik frege : Wat jilde se? De iene sei fan in dûbeltsje, de oare sei der efteroan of in stoer. It waard my wol dúdlik dat se gjin fêststelde prizen hiene en dat it de feintsjes net te dwaan wie om mar in sa grou mooglike winst te heljen. Ik tocht dat in ynstelling as de priiswizer mei dizze hannel al in bedroefd bytsje begjinne koe. Foar deselde tulpen in stoer of in kwartsje en dat de klant it dan sels noch witte mocht. Folle moaier koe t al net. Likegoed wie t my royaal genôch. Byn in hûn op it spek en hy wol it net frette. Sa gie it my ek en dêr wie t al sa... Dêr kaam buorman Stevens oan, roppend en bearend: oerkommelingen dat jimme binne...!! De beide blommekeaplju naaiden der út, neisitten troch Stevens. De hannelers leine sa n hûndert meter foar... Paulus Akkerrman Wat wie t wat ( 1995) Grapke De iene pensjonearre man seit tsjin de oare: Fan e moarn frege de frou wat ik hjoed dwaan soe. Doe sei ik: neat. Doe sei sy: Mar juster hast ek al neat dien. Doe sei ik: Ja, mar dat ha ik net klear krige kinnen. Side 10 Side 7

10 It bestjoer fan de Sékrite nûget jimme út op sneon 8 april 2017 foar in optreden fan de Toaniel Feriening Pro Rege fan Holwert mei it toanielstik Ik wol gjin oare mem In klucht fan Astrid Baijs en Jan Tol Fryske oersetting fan Gurbe Dijkstra yn de Onmoetingskerk, Schor 4, 8224 CM Lelystêd Yngong foar parkearen is oan De Geul!! Seal iepen om 19:15 oere en it begjint om 20:00 oere Dan moat er wol troud wêze, want de minsken der't er de saak fan oernimme sil, binne frijwat konservatyf. En dêr sit de angel by Bram, hy wennet op dit stuit allinne mei syn dochter Desiree. Op ynternet treft er in frou, Christien, dy't wol tydlik syn frou spylje wol, mar der eins ek fan útgiet dat it tusken har en Bram wat wurde sil. Desiree kin lykwols beslist net mei Christien oer wei en se hellet alles út de kast om fan Christien ôf te kommen. Mar giet se dêrby net in lyts stapke te fier? It belooft wer in jûn te wurden mei in protte wille, fertier en miskien wol echte leafde... It begjint om oere en de tagongspriis is 10,- d.p. foar leden en 15,- d.p. foar net-leden. Oan it ein fan de jûn is der wer in ferlotting, de lotsjes kinne jimme by it ynkommen fan e Ontmoetingskerk keapje. Tige wolkom! Personaazjes: Bram de Groot Desiree de Groot, syn dochter Merel Bruinsma, syn sekretaresse Christien van der Gracht, in frou Odiel van Hagen Lidewij van Hagen, syn frou Ida Bruinsma, dochter fan Merel Toon Mulder, freon fan Bram Willem Verbeek Lelie de Blécourt Hillie Politiek Johanna van der Meij Dikkie van der Wal Evelien van der Wal Anneke Reitsma Jelle Aagtjes Rezjy: Lucas de Blécourt Assistinte: Baukje de Vries Grime: Agnes Waterval Ljocht, lûd en bouploech: Anne Bron, Johannes Verbeek, Jan Paul Bandsma, Nico Bierma en Valentijn Vellinga Koarte ynhâld: Bram de Groot docht yn fersekeringen en hy kin noch in oar rayon derby krije. Side 8 Der wurdt ek wer bakkersguod út Snits helle. As jimme wat yn foarrie ha wolle, graach in wike foarôf in tillefoantsje nei Gerrit Kingma ( ). Hy kin soargje foar sûkerbôle, oranjekoeke, fryske dúmkes en sûkerlatten. Side 9