Meidielingeblêd fan de Sékrite 14 APRIL ALGEMIENE GEARKOMSTE en 95-JIERRICH BESTEAN FRYSK BOUN OM UTENS MEI DE FRIEZEDEI

Transcriptie

1 Meidielingeblêd fan de Sékrite 14 APRIL ALGEMIENE GEARKOMSTE en 95-JIERRICH BESTEAN FRYSK BOUN OM UTENS MEI DE FRIEZEDEI Oprjochte 25 novimber 1971 Lid fan it Frysk Boun om Utens Nûmer 4, Jannewaris 2018 Rekkennûmer NL 84 RABO RABO-bank Lelystêd Ynskriuwing K.v.K. nûmer

2

3 Ynhâld Meidielingeblêd: NIJS FAN IT FRYSK BOUN OM UTENS 14 april 2018 Algemiene Gearkomste en Friezedei (95 jier) yn it Provinsjehûs fan Ljouwert Europeeske Haadstêd 2018 Gast: Kommissaris fan de Kening A. Brok It programma stiet op de efterside fan ús meidielingeblêd!! Jimme komme dochs ek!! Opjaan kin by Luit Dijk en graach it jild oermeitsje nei FBoU. Sjoch it meidielingeblêd fan desimber side # Wurd fan de foarsitter... # Ta de neistins fan Jan Jansma... # Kritejûnen , Kritenijs... # Sijke (ferhaal)... # Under de steden (gedicht Eeltsje Hettinga)... # Utnûging toanieljûn 17 febrewaris... # Reis mei De Fryslannen... # Ut de Itensiderij... # Ut de Boekehoeke... # De nije ponghâlder Jan Koopman... # Wy binne Westerlauwerske Friezen... # Nijs fan it Frysk Boun om Utens De kopij foar it nije krantsje graach ynleverje foar 19 febrewaris K O L O F O N Gearstalling fan it bestjoer fan ús Krite: Foarsitter: Jan Bijkerk, Schoener 43-02, 8243 VZ Lelystêd til: sekrite@janbijkerk.nl Fice-foarsitter: Johannes Fransen, Griend 30-25, 8225 SR Lelystêd til: / j.g.fransen@versatel.nl Ponghâlder: Jan Koopman, Zwanenwater 42, 8245 BV Lelystêd til: jan@zwanenwater.nl Skriuwer: Luut Dijk, Saerdam 143, 8242 JD Lelystêd til: luit.dijk@kpnmail.nl Lid: Yvonne Nederpel, Beemster 111, 8244 CG, Lelystêd til: ycm.nederpel@gmail.com Lid: Annie Noppers, Zwanenwater 56, 8245 BW Lelystêd til: annie_evenhuis@hotmail.com Lid: Jantsje Meijer, Horst 27-63, 8225 MT Lelystêd til: jantsje-meijer@live.nl Koar: Fetsje Meijer, til: , fetsje.meijer@tele2.nl Kosten: it lidmaatskip is 12,-- yn it jier De redaksje en opsmûk fan it boekje: Jan en Sjoerdtsje Bijkerk. Kopij opstjoere nei: kopijsekrite@janbijkerk.nl Eareleden fan de krite: Sijke Glas - v.d. Veen, Albert Postma en Gerrit Kingma. Side Side 1

4 FAN DE FOARSITTER. Bêste freonen fan de Sékrite, Ja minsken, as ús kritekrantsje by jimme op e tafel leit om ús kritenijs te lêzen, is it al wer Wat it jier 2018 ús bringe sil, is ôfwachtsjen. Yn elk gefal foar dy leden, dy t 13 jannewaris net op de nijjiersbesite wiene en ik noch net in lokkich nijjier tawinke ha: út namme fan it bestjoer fan de Sékrite: FOLLE LOK EN SEINE FOAR 2018 Dit winterskoft hawwe wy noch twa toanieljûnen fan ús eigen krite en fansels yn april ús Friezedei yn Ljouwert. Wy sjogge wer út nei de fleurige jûnen en in moaie toanielstikken. It bestjoer hopet dat it slagge jûnen wurde meie. Minsken komme om inoar te moetsjen, om mei inoar te praten yn ús memmetaal. En it is moai om efkes om jo hinne te sjen en in praatsje te meitsjen mei soms ûnbekenden. Net eltsenien komt mei kunde. Dan is it goed om efkes omtinken foar elkoar te hawwen. De measte fan ús kriteleden komme út de Flevopolder wei. En dan meie Friezen graach oan elkoar freegje wer komme jo wei en fan wa binne jo ien. Sa leare wy inoar better kinnen. It is goed foar de geselligens op ús jûnen. Op 17 febrewaris krije wy it stik Mutsen, fan it Akkrumer Dream Theater. Sjoch foar dit stik op siden 8 en 9. Yn 2017 wie dit stik te sjen by de krite Hoarn. De seis froulju dy t it spylen, wiene tige rolfêst en der siet faasje yn. Sa as ik yn it meidielingeblêd fan desimber al ferteld ha, is der lanlik yn 2018 wol wat nijsgjirrichs te belibjen. Troch dat Ljouwert de Kultuerele Haadstêd fan Europa is, wurdt troch it Frysk Boun om Utens in Friezedei yn Ljouwert hâlden (14 april) op in histoaryske lokaasje: it Provinsjehûs yn Ljouwert. De Kommissaris fan de Kening fan Fryslân, dhr. A. Side 2 1 De Friezen binne as folk troch de ieuwen hinne ferspraat oer 'Nederlân' en 'Dútslân'. Der is in ûnnatuerlike grins tusken harren oanbrocht. Wy (jo en ik dus) binne de Westerlauwerske Friezen. Der binne ek East- Friezen/Ostfriesen en yn Sealterân (Saterland) wurdt noch in soarte fan Frysk praat troch in pear hûndert minsken. Yn Noard-Fryslân/Nordfriesland yn Sleeswyk-Holstein binne noch in pear tûzen dy't inkelde Fryske dialekten/tongslaggen prate. De Fryske Rie besiket de kontakten ( mei harren te ûnderhâlden en harren te helpen by har drege striid om de taal te behâlden. Sjoch bgl. it boek De Fryslannen (Ljouwert: Afûk, 2008) dat út it Dútsk wei yn ús Frysk oersetten is. Jo kinne dêr aardich wat ynformaasje yn fine oer de skiedniis, taal en kultuer fan de Fryske (see)lannen by de Noardsee lâns (earder: de Mare Frisicum/ de Fryske See). It segel/sigel lofts is it tota Frisia-segel (= hiele Fryslân) út 1338 fan it ferbûn fan de Fryske lannen by de see (de Upstalbeam/ Upstalsboom) en beslacht likernôch it gebiet fan de kaart. It is dan de tiid fan de Fryske frijheid : sjoch dêroer bgl. Hajo van Lengen (einred.), Die Friesische Freiheit des Mittelalters - Leben und Legende (Aurich, 2003). Fryslân yn de Midsiuwen It segel kin stean foar de ienheid fan alle Friezen en kin hjoed-de-dei bgl. ynspirearje om ús Fryske talen te hoedzjen, û.o. yn de foarm fan offisjeel Frysktalige gemeente- en plaknammen. Sûnder dat jo it witte, binne jo eins ek in fertsjintwurdichster fan dy striid. En dat is goed en needsaaklik, oars hat it Frysk gjin takomst. Us taal moat dus in folweardich plak krije by de Fryske oerheden (bgl. gemeenten) en yn it Fryske ûnderwiis (alle skoaltypen). Foar dat lêste striidt bgl. de FFU: Klik mar ris wat (kearn wurden) op it ynternet en/of op Google. 1 Side 15

5 EFKES FOARSTELLE. As nije ponghâlder sil ik mij efkes foarstelle. Ik bin Jan Koopman (64 jier âld) en bin troud mei Metsje Koopmans. Sy hat ien letter mear meikrigen. Wy hawwe trije bern, Jeltsje, Klaas Jan en Cees Willem. Wy hawwe de rykdom fan 4 pakeen beppesizzers. Myn âlders libje ek noch. Ik bin hikke en tein yn Wergea. Nei ús trouwen ha wy fiif jier yn Akkrum wenne en dernei wer werom nei Wergea. Myn heit hat altyd op de Frico wurke, mar ik sels bin op myn 17e jier by de Ago (no Aegon) oan t wurk gien. Letter bij Philips op kantoar en dêrnei ha ik altyd by de RABO-organisaasje oan t wurk west. Earst yn Ljouwert en fan ôf 1986 oant myn pensjoen yn Lelystêd. Yn 1987 binne wy ferhúze nei Lelystêd en wenje hjir noch tige nei t sin. Myn hobbys binne tafeltennis, fytsen en reedriden. Al 32 kear de Alvestêdetocht fytst en 2 kear op redens útriden. Wy genietsje fan ús pensjoen en geane faak mei de karavan op fakânsje. Wolle jimme mear witte, sprek myn frou of my dan oan op in kritejûn. Brok, sil dy dei ynliede. Foar it programma fan dy dei sjoch efterop dit kriteblêd. Liket it jimme wat om dy dei mei te meitsjen, jou jimme dan al fêst op by Luit Dijk. Fansels is der it hiele jier yn de provinsje Fryslân fan alles te rêden. Sa wurdt dan ek in spesjale Slachtemaraton hâlden, útsmarre oer 2 dagen, mar dat mei ek yn 1 dei rûn wurde. Hjir ûnder stiet wêr jimme de festiviteiten besjen kinne. No, minsken, ik sjoch jimme graach wer yn teater Posa op 17 febrewaris by it moaie toanielstik Mutsen. Groetnis, Jimme foarsitter, Jan Bijkerk. Om te witten wat der allegearre te dwaan is yn Fryslân sjoch webside: Ta de neitins fan Jan Jansma. Wy binne Westerlauwerske Friezen Side 14 1 Op 23 desimber 2017 is ús lid Jan Jansma, yn e âldens fan 80 jier, ferstoarn. Jan wie in trou lid fan ús krite en kaam tegearre mei Henny faaks rinnende nei Teater Posa. Jan wie berne yn Ryptsjerk. Op syn roukaart stie: Samen plezier, samen op reis Samen een eenheid, samen eigenwijs. Samen verdriet, samen weer moed. Nu verder zonder jou, dat doet pijn, te weten nooit meer samen te zijn. It bestjoer en de leden fan de Sékrite winskje Henny, de bern en pake- en beppesizzers in protte sterkte ta om dit ferlies te dragen. 1 Side 3

6 KRITEJÛNEN winterskoft Datum 17 febrewaris oere - Posa 24 maart oere - Posa Ut de BOEKEHOEKE. Ynhâld fan de jûn Toanieljûn - Akkrumer Dream Theater mei it toanielstik Mutsen yn Teater Posa Toanieljûn - Krite Bûtenpost mei it toanielstik "Wat in gekke man... en syn frou dan?" yn Teater Posa KRITENIJS. It Moai en mâl (Lief en leed): As jimme heard ha fan leden dy t siik binne, as oare saken dy t fan belang binne, graach efkes in berjochtsje fia nei: annie_evenhuis@hotmail.com As der leden binne dy t oar kritenijs hawwe, graach efkes stjoere nei kopijsekrite@janbijkerk.nl. Yn t foar tige tank. Jou jimme troudatums troch oan ien fan it bestjoer of mail efkes nei sekrite@janbijkerk.nl Wy hawwe as bestjoer no fan sa n 60 leden de -adressen. Dy leden stjoere wy nei in kritejûn faaks de linkje om de, op de jûn makke foto s te besjen op Onedrive. As der leden binne dy t gjin mailtsje fan us krije, graach jimme adres trochjaan troch in mailtsje te stjoeren nei: sekrite@janbijkerk.nl. Gurbe en Pytsje Veenstra wiene op 14 desimber 45 jier troud. Twa ôffurdigen fan it bestjoer hawwe, mei in fruitkoer, harren thús efkes opsocht. Gurbe en Pytsje, lokwinske en op nei de 50 jier!! Side 4 1 MEI IT EACH OP DE FEITEN (Boekewikegeskink dit jier ek yn it Frysk!) Dit jier kriget it Boekenweekgeschenk fan bestsellerauteur Griet Op de Beeck, 'Gezien de feiten', in Fryske fariant yn de oersetting troch Jetske Bilker.De oersetting kriget de titel Mei it each op de feiten en wurdt útjûn yn it kader fan Ljouwert Kultuerele Haadstêd fan Europa Dizze oersetting is in unikum: nea earder waard in 'Boekenweekgeschenk' yn it Frysk oerset. Likegoed it orizjineel as de Fryske oersetting wurdt yn de Boeken-week, sneon 10 oant en mei snein 18 maart 2018, by besteging fan op syn minst 12,50 euro oan Nederlânsktalige boeken troch de boekhannel kado dien. It kin op de tradisjonele fergees reisdei fan NS, de lêste snein fan de 'Boekenweek', brûkt wurde as treinkaartsje. Ek wy hawwe foar jo de Fryske oersetting by oankeap fan minimaal 12,50 euro! Yn 2004 skreau Jetske Bilker it Fryske Boekewikegeskink Oar plak, oare tiid. Yn ús Boekehoeke is de roman út 2010 Imitaasjelear foar jo te keap. Dit boek bringt de iensumheid, doelleazens en ûnwissens fan in opgroeiend famke tige skerp oer (Jitske Kingma yn Trotwaer). Johanna en Luit. 1 Side 13

7 Ut de ITENSIDERIJ. Salm op in fleurich laachje fan prei út 'e oven. Nedich: 4 salmfilets à 150 gram twa preien 200 ml droege wite wyn 200 ml slachrjemme 1 ytl. maizena en 2 yt.kapperkes 0,5 boskje farske dille bytsje farsk sitroensop klûntsje bûter sâlt en piper. De oven foarferwaarmje op 200 graden. Snij de prei yn flintertinne ringen of reepkes. Brûk allinne it wite en ljochtgriene part. De bûter smelte yn de koekepanne en de prei rêstich op in leech fjoer fruite oant er sacht wurden is (sa'n 8 minuten). Skep de prei no yn in ynfette ovenskaal. De salmfilets rûnom bestruie mei sâlt en in bytsje piper en dan boppe op de prei lizze, in stikje út inoar. Klopje de wyn, de slachrjemme en de maizena mei wat sâlt en piper yn in kûm troch inoar. Knip de dille fyn en rierd dy dertroch hinne, tegearre mei de kapperkes. Dit mingsel yn de skaal jitte en dy sa'n minuten yn de oven sette oant de salm krekt gear is (dikke filets ha wat mear tiid nedich dan tinne). Knyp der farsk sitroensop oerhinne. Lekker mei rys. Oernommen út: 'Koken met Karin [zónder pakjes & zakjes] ' Side 12 1 Sijke (Ferhaal fan Jehannes) Yn e skiterij, heite! Ik stie yn in lange rigele foar de kassa fan de supermerk. Myn frou hie yn de folder lêzen dat de Edet-Soft yn e oanbieding wie en mei sa n grut pak fan sechtsjin rôlen kinst min fytse, dat dêr waard ik foar ynset. Te folle nije ierappels hân, tink. En no moai yn e tinne fansels! Grimmitich draaide ik my om. Ik seach del op in lyts mantsje mei in soad ynholden wille. De lêste jierren haw ik gjin blauwe kilen sjoen, mar dizze hie noch sa n donkerblauwen oan mei wite bienen knoopkes. Syn swarte mansjesteren broek wie ryklik heech oplutsen en syn swartbreiden wollen sokken stutsen yn kramde giele klompen. De glimkjende holle wie sa glêd as in ikel skeard en oan de skansearre hûd te sjen hie er in nij meske brûkt. Hy stonk omraak nei goedkeap rûkersgoud. It mantsje ferknûkele himsels sa oandwaanlik om syn grapke, dat myn nidigens wie op slach oer. Jo ha it net goed taksearre, sei ik, ik ha gewoan oeral schijt oan. Dat wie in boppeslach. Hy begûn fan klearebare wille op syn knibbels en myn skouder om te huffen. Hy kraaide as in âld hoanne en doe t er wer in bytsje by sûp en stút wie sei er dat ik syn man wol wat wie en dat ik ris delkomme moast. Ik wenje op it spultsje fan myn âldelju, jo witte wol, op e pôle achter yn e mieden. In wike as wat letter rûn ik him wer tsjin t liif en hy fûn dat it no ek hast wolris tiid waard om ris del te kommen. It gie oan. De klinte wie skoan te finen en ik rôp fan folluk by de achterdoar. Kom mar fierder, mar ik wol gjin klompen oer de flier, hearde ik earne út e hûs kommen. Yn it gonkje wie mar ien doar, dat ik koe my net fersinne en sa kaam ik yn it efterkeammerke. Dêr siet it mantsje, sei heu en wiisde my in stoel wylst er boppe de krante syn piip útskrabbe. Jo moatte fansels ergens begjinne en ik sei dat er moai wenne en frege oft er hjir allinnich húshold. Hy fertelde dat syn frou twa jier ferlyn weirekke wie. In bear hat har tenei west, sei er. In bear?, frege ik ferbjustere. Jawis ju, se hie dy baarch by de sturt en doe draaide dat kring him om en biet har yn e skonk. Se hat der tiden mei yn t sikehûs lein, mar it waard kanker en doe wie it samar oer mei it minske. Tige spitich, mar soks hawwe josels net yn e hân. Jo witte nea wat de Almachtige fan doel is no? Jo geane nei tsjerke?, woe ik witte. De lêste jierren net mear. Ik stonk te bot nei de stâl neffens de dûmny, de minsken hienen der lêst fan. Krekt as stjonkt âlde klonje net! Doe hie ik myn nocht derôf. No, wy moatte mar efkes yn e foarste keamer sitte, jo binne elkenien ek net, mar jo moatte mar efkes bûtenom, want jo binne aardich op gewicht. Hy lei my út dat de trochgong fan it achterkeamerke nei de foarste keamer nochal 1 Side 5

8 smel wie. Hy hie de kast tusken de beide bedsteden derút brutsen om in trochgong te meitsjen en dy kast wie net al te breed, sa n foech heale meter. Dêrom koe ik neffens him better de lykdoar oan de foarkant fan it hûs nimme. Dy waard eins allinnich brûkt foar it útdragen fan in ferstoarne, mar somtiden moatte jo fan de need in deugd meitsje. Ik koe ek wol troch de stâl, mar bûtenom wie koarter, sei de man. Wylst wy ús deljoegen yn syn sneinske keamer gie er fierder mei syn ferhaal oer dy smelle trochgong. Kenst Janke wol? Ruerd syn Janke. Sil wol net. Janke wie sa grou as in winterbaarch en Ruerd wie tige rûnrêgich. Se waarden ek wol Spekkie en Rumboon neamd. Janke is no dea, mar yndertiid brocht se op e âld Solex de Ljouwerter krante by de doarren lâns. Op 31 jannewaris bin ik jierdei en wylst wy dy dei yn dizze keamer oan e oranjekoeke sieten, rôp Janke om folk en se woe deryn komme. Ik rôp noch: Ho blinder, ik sil dy helpe!, mar it wie al te let. Se besocht oerdwers troch de iepening te kommen, mar se kaam healwei fêst te sitten. Se koe net in kant út. Ik moast bûtenom en haw doe it foarrút omheech skood en bin dêr trochhinne kladdere. Se âle as in âld baarch doe t ik har de keamer yn puolle. Hy nokkere noch wat oer it bytsje ferstân en it foarkommen fan Janke. It wie blykber tiid foar foto s, want hy fandele in skuondoaze út it kammenet. Sjoch, dit is ús Sijke, en hy wiisde my in frommeske yn in troujurk oan, op har troudei mei Doekle. Hast de hele famylje wie der, op Doekle syn mem nei. Dy wie in wike as wat derfoar útnaaid. En dat is Hindrik, Doekle syn heit. Hindrik wie kreas yn t pak, dat wol sizze, it pak wie kreas, mar de man paste der net yn. It jaske wie fierstente grut, de mouwen kamen healwei syn ûnbidige hannen en de broek hong him ek as in sek om t gat. Sa te sjen wie syn kapper dea. It nuvergrize poddehier, dêr t de lêste wiken gjin kaam trochhinne west hie, hong oer de board fan syn griene oerstrûper. En dy dêr mei dat foksefel om e hals, dat is Doekle syn beppe. Sijke wie in moaie breid. De troujurk kaam út de Ljouwerter krante. Se hie it spul útwosken, yn e stisel setten en strutsen en sjoch oan, de jurk paste as kul yn Kike. Doekle wie yn it unifoarm fan Looft den Heer, gie de man fierder, de jonge hie dêr sa n sin by, mar dan witst ek dat it mei him net hielendal doocht. Sûnt syn bongeljierren rint er al by de fanfare mei de grutte tromme foar it liif. Hy hat der aardichheid oan om op sa n ding om te huffen. Hoe binne dy twa oaninoar kommen, woe ik witte. Yn e wachtkeamer by de psychiater. Us Sijke hat Tourette, jo witte wol, dat minsken twangmjittich flokke of smoarge dingen roppe. Dat docht ús Sijke net, hja docht hipkes en brekt poatleaden en balpinnen. Hipkes? (yn it boekje fan febrewaris / maart geane wy fierder mei dit ferhaal) Detern. Wy hoopje dat dizze reis wer slagje mei, mar kinne dêrby net sûnder jimme. It binne meast 2 persoanskeamers dêr t wy tahâlde. De annulerings- en reisfersekering moatte jimme sels ôfslute. Der kinne op syn meast 40 minsken mei. Fol is fol, de rest komt op de reservelist. De reissom is dizze kear 545,--de persoan. Hjir sit by yn bus, it hotel mei moarnsbrea, kofje mei gebak (hast alle dagen), yntrees, waarmiten en de foaiepot. Minsken dy t tusken de middei sin oan wat ha, sille dat sels keapje moatte. De reissom moat foar 1 maart 2018 oermakke wêze op : Rek.nr. NL47 RABO o.n.f. De Fryslannen, 9251 EX Burgum. Frou N. Hoekstra Talstra, till.nr De opstapplakken binne Drachten Garaazje Paulusma, Busstasjon Ljouwert, Bushalte Swartewesein, Disko Quatrebras sydkant rjochting Burgum, Drachten Transverium en stasjon Grins. Sa as jo sjogge, is it opstapplak Garaazje Vries Jistrum ferfallen. It opjeftebriefke graach sa gau mooglik werom stjoere, mar yn elk gefal foar 1 maart As jimme net meigeane of as jimme op e hichte bliuwe wolle it briefke ek graach werom. Dy jinge dy t harren opjûn ha, krije yn it lêst fan april it definitive programma mei dielnimmerslist tastjoerd. Ha jo noch fragen, nim dan kontakt op mei it sekretariaat till.: Wy hoopje jimme gau wer te moetsje, oant sjen. Út namme fan it bestjoer, Bonny Poelstra Dyksma. Ofrûne jier hawwe Sijmen en Marrie Nieuwenhuis mei dizze reis mei west. It ferslach ha jimme lêze kind yn it boekje fan septimber Mooglik dat sy dit jier wer mei gean. Jan en Sjoerdtsje Bijkerk geane dit jier ek mei. Wa mear? As der leden fan de Sékrite mei dizze reis mei wolle, graach efkes in berjochtsje nei Jan Bijkerk, til Dan stjoer ik jimme it opjeftebriefke ta. Side Side 11

9 REIS mei DE FRYSLANNEN. It gearstallen fan it programma foar de maaie reis hat wer plak fûn. Sy noadigje ús út om fan 26 maaie o/m 1 juny 2018 mei harren nei Noard Fryslân te gean. Lykas de leaste jierren wenst is, sille dizze dagen tahâlde yn: Landhaus Smaga te Süderlügum. It programma sjocht der sa út: Sneon 26 maaie: Wy besykje earst de Grutte tsjerke fan Emden en drinke dernei kofje by Sikken. Fan der, op nei de Elbe. As we oer de Elbe binne sette we ôf nei it hotel. Snein 27 maaie: In tsjerketsjinst, it plak is noch net bekend. Foar in lekker bakje kofje bedarje wy lyk as foarich jier yn ït Andersenhus. De middeis besykje wy it Trachtenmuseum yn Drelsdorf. In privee museum. Jûns is de moeting mei de Noard Friezen. Moandei 28 maaie: Hjoed fanút Schlutsiel op de boat nei it eilân Langeness. In rûnrit en kofje heart der ek by. Tiisdei 29 maaie: Foar in kopke kofje kinne wy terjochte by de Roterhaubarg yn Witzwort en dan op nei Wesselbüren foar in besite oan it soerkoal museum. Jûns ús eigen gesellige jûn mei ynbring fan de reisgenoaten. Woansdei 30 maaie: In besite oan Denemarken kin hast net op it programma ûntbrekke. We sette ôf nei de kelder fan Burch Sønderskov yn Brørup foar in kopke kofje. Ús doel is dernei it Rydtúch museum yn Haderslev, der sille sy ús sjen litte hoe oft sy de rydtugen opknappe. Tongersdei 31 maaie: In jier as wat lyn ha wy al ris yn de Porzellanbörse wist foar in kopke kofje en lekker efkes sneupe. Dat is ek hjoed it doel. Dernei geane wy nei it Kupfermuseum yn Harrislee, dêr t wy mei in gids it museum troch sille. Dan bringe wy in besite oan de Evangelysk Lutherske tsjerke fan Harrislee. Dat is in betreklik nije tsjerke en is it ôfrûne jier opnij ferve yn de oarspronklike histoaryske kleuren. Yn de omjouwing fan dizze tsjerke is it plein mei in taferiel brûnzen bylden en ek noch de Roomske Anna tsjerke mei moaie glês yn lead finsters. Ek kin der efkes yn Harrislee kuiere of winkele wurde. Dit is de lêste jûn en dan stiet in bydrage fan sjauffeur Doede op it oargel op it programma. Freed 1 juny: It is alwer safier, wy geane wer op nei hûs. Ûnderweis sille we de fuotten efkes strekke yn Tönning. Foar it waarmiten stekke we oan yn Side 10 1 Under de steden. Fannacht ferve in snijen alle klokken wyt. Kaaien en fabriken, pleinen en skippen, alles lei te sliepen. Dêr t ik omdangele, heal yn mysels ferrûn, seach ik yn blau lantearneljocht in heit, in broer en it jachtsjen fan har skaden, swart as de hynsters dy t har ienris troch liet en lichem draafden. Ticht leine alle fivers en grêften ûnder de winterhimel, in sark. Njonken de Blokhúspoart stie ik as in muorre. By de sonoare klanken fan in lege saks blafte in hûn in kâlde ûnrêst. Fierderop kaam in skip fan syn kaaien los, briek mei geweld troch it kreakjende iis, ferswevend ûnder nacht syn steden. Ik seach de skaden fan in heit, in broer, in ferdwinen yn in hielal, sûnder tekens. Fan alle wei en wegen bin ik de ferlitten stêd, mei wenten en winkels en in gerjochtsgebou, sûnder finsters. Njonken de Blokhúspoart stie ik as in muorre. [Eeltsje Hettinga (1955) is skriuwer, dichter en sjoernalist. Hy publisearre fiif poëzybondels. Syn debút Akten fan Winter (1998) waard bekroand mei de trijejierlikse Fedde Schurerpriis fan de Provinsje Fryslân. Foar syn poëzy krige er fjouwer kear de Rely Jorritsmapriis. Syn bondel Ikader waard nominearre foar de Gysbert Japicxpriis Yn e mande mei fideokeunstner Lotte Middendorp makke Hettinga it poëzyprojekt It Font dat yn 2016 te sjen wie yn Museum Belvédère en it Fries Museum.] 1 Side 7 Eeltsje Hettinga.

10 It bestjoer fan de Sékrite nûget jimme út op sneon 17 febrewaris yn Teater Posa foar de Toanieljûn mei it Akkrumer Dream Theater Sy spylje it toanielstik Mutsen Seal iepen om 19:15 oere en it begjint om 20:00 oere Tagong: leden 10,= en net-leden 15,= De stifting 'De Dream fan Akkrum' is oprjochte by it 50-jierrich Jubileum fan it Akkrumer Toaniel, wat grut fierd waard yn maaie 2014 mei it Iepenloftstik 'Akkrumer Dream'. Nei dizze suksesfolle opfieringen is besluten om It Akkrumer Toaniel te ferbreedzjen en is der kaam ta in gearwurking mei de Stifting 'De Dream fan Akkrum': It Akkrumer Dreamtheater! Mutsen is in tragy-komeedzje fan Christa Warmerdam. Yn it Frysk oersetten troch Tryntsje van der Zee. It stik Mutsen giet oer 6 susters. Seis susters mei harren eigen libben, karakter, eigenaardigens, swierrichheden en net te ferjitten geheimen. Elst jier geane se meiinoar in wykein fuort.. Mei humor en gang sil dit susterwykein him oppenearje ta in wynhoas fol ûnferwachte draaiingen. Is dit it lêste Side 8 1 susterwykein as.? De 6 susters wurde spile troch: Anneke Wiersma, Nynke Bergsma, Hennie Rorije, Nynke Bosma, Joke Poortman en Yteke v/d Wal. De rezjy is yn hannen fan Margreet de Boer. RESINSJE: Wat kin men ferwachtsje fan in toanielstik mei 6 susters yn in fakânsjehúske? Der sil wol wat oan de hân wêze, oars kin men gjin 2½ oere de oandacht fêsthâlde. It konflikt wie dat de man fan de jongste suster (Leida) útnaaid wie mei in oare suster (Ans). Wy seagen yn it earste part foar it skoft ek mar 5 susters. Pas by it spultsje Herinneringen aan vroeger wie der in 6e mûtse. Dy wie foar Ans en de 4 susters hienen har ek útnûge foar dit wykein. De man dy t it konflikt feroarsake hie wie dea, dat no soe besocht wurde om it wer goed te krijen tusken Leida en Ans. De amateuraktrises ha op in hiel oertsjûgjende wize de seis personaazjes delset: in kwetste suster, in artistike, wat pedante suster, in naïve, konfliktmijende suster (sil ik mar efkes kofje sette?), in suster mei de kamera altiten yn oanslach (leuk voor letter), in suster dy t alles regelje/oanpakke wol, en de suster dy t hopet op fersoening en kontakt. It Akkrumer Toaniel Theater hat ús in prachtige toanieljûn besoarge. Der wurdt ek wer bakkersguod út Snits helle. As jimme wat yn foarrie ha wolle, graach in wike foarôf in tillefoantsje nei Johannes Fransen ( of ). Hy kin soargje foar sûkerbôle, oranjekoeke, fryske dúmkes en sûkerlatten. 1 Side 9