Meidielingeblêd. Fier fan Hûs Fryske Krite Bodegraven e.o. Raaigras 22, 2411 DW Bodegraven. Jiergong 22, Destimber 2016

Transcriptie

1 Meidielingeblêd Fier fan Hûs Fryske Krite Bodegraven e.o. Raaigras 22, 2411 DW Bodegraven GEARSTALLING FAN IT BESTJOER Foarsitter H. Dijk Raadhuisplein 33, 2411 BD Boadegraven till ; E: Ponghâlder en 2 de Foarsitter T. Schiere Buitenkerk 64, 2411 PC Boadegraven till ; E: z.schiere@kpnplanet.nl Skriuwer T. Broere-Tiesinga Raaigras 22, 2411 BW Boadegraven till ; E: tinibroere@kpnmail.nl 2 de Skriuwer en redaksje N. Woudstra Ronsseweg 3-105, 2803 ZA Gouda till ; E: nicowoudstra@planet.nl Leden E. Nauta-Vrieswijk Koninginneweg 113, 2411 XM + Sjongkoar G. Sprokkerieftde Boer Boadegraven. Till Eendrachtsweg 12, 2411 VL Boadegraven till ; E: gsprokkerieft@casema.nl A.Schiere-Bouma (sjoch ponghâlder) K. de Vries-Suurd Herbarenerf 30, 2743 HA Waddinxveen till ; E: klaasjesuurd@hotmail.com Boekeferkeap J. Larooi Ronsseweg 40, 2803 ZM Gouda till ; E: hjlarooi39@gmail.com Toaniel P. Westdijk Het Spoor 20, 3994 AK Houten till ; E: pcwestdijk@planet.nl Earelid Klaasje van der Meer Jiergong 22, Destimber 2016 Kontribúsje Oant no ta 8,50 de persoan (kin dit jier ferhege wurde)oermeitsje op banknûmmer NL 23 RABO

2 1 FAN DE FOARSITTER, It is tusken Sinterklaas en Krysttiid, as ik dit foarwurd skriuw. Desimber is dochs altyd wer in bysûndere moanne. Je witte fan tefoaren as it der allegearre oan sit te kommen, mar as it safier is, dan moat je efkes trochbite. Ik wie fan plan om in pear kilo ôf te fallen, mar ik bin bang dat it der dizze moanne net fan komt. It falt net ta om fan al dat lekkers ôf te bliuwen en gesellichheid is dochs ek tige wichtich. Elk moat op syn eigen wize probearje om dizze wiken troch te kommen. Op ôfronne sneon 26 novimber binne we mei in oantal bestjoersleden fan ús krite nei it 45-jierrich bestean fan de krite yn Lelystêd west. Jan en Sjoerdtsje Bijkerk dy't lid west binne fan ús krite, dy binne dêr no hiel aktyf. Dat wiene se by ús ek al, want Sjoerdtsje hat in pear jier skriuwster by ús west, sa as de measten wol witte. No, it wie dêr yn Lelystêd in prachtich jubileumfeest. Middeis hiene se in soarte fan Alvestêdentocht yn elkoar set. Jan hie fan elke stêd ynformaasje opskarrele en tuskentroch song it koar in ferske oer dy stêd of der lies in kritelid in gedichtsje foar. Fansels die Albert Postma, dy't ek wolris by ús op in kritejûne west is, in foardracht. Omdat ik yn Dokkum op skoalle west bin, ferwachte ik fansels 'It Dokkumer lokaaltsje' en jawol, dat koene we mei folle krêft meisjonge. Al mei al wie it in prachtige middei en jûne. Wy libje no al wer ta nei ús eigen nijjiersgearkomste yn jannewaris. Op dat momint is 2017 al wer in pear wike op streek. Wa wit wat it nije jier ús allegearre bringe sil. De wrâld om ús hinne, dy stiet yn brân. Dat sil yn it nije jier ek wol net feroarje. Wy moatte ús foaral konsentrearje op de minsken ticht om ús hinne. Lit ús dêr de gesellichheid en de frede sykje. En fierder hoopje we mar dat it mei ús famylje, ús lân, Europa en de grutte wrâld de goede kant op giet, al is it mar in bytsje. It is de hope dy't ús de krêft jout om troch te gean en it gelok te sykjen. Noflike krystdagen en in protte seine yn it nije jier. Oant op de kritejûnen, Hâns Dijk ALGEMIENE LEDEGEARKOMSTE MEI BÔLEMIEL Sneon 8 oktober 2016 yn Rijngaarde. Oanwêzich 26 persoanen De leden komme binnen en genietsje fan in glêske fan de ponghâlder en in praatsje meielkoar. 2 Iepening. De foarsitter hjit de oanwêzigen fan herte wolkom, yn it bysûnder ús lid Jan Buruma dy t ús fertelle sil oer syn bysûndere bân mei Bulgarije. De foarsitter stiet stil by de oanwêzichheit fan inkele leden dy t slim siik west hawwe en seit bliid te wêzen dat sy hjoed yn ús midden binne. Sa komt hy to sprekken op de konsekwinsjes fan it âlder wurden en wy fernimme fan de oansteande ferhúzing fan ús foarsitter en syn frou Henny nei in appartemint. Feroarings hawwe altyd bestien. 100 Jier ferlyn wie der earmoed yn Fryslân en verhúzen minsken om to wurkjen nei: IJmuiden, Limburg, Rotterdam, Canada ensafoarthinne. Oer die tiid kinne wy no boeken lêze. Op de lêstafel by Johannes Larooi leit bygelyks De Oerpolder, oer it ûntstean fan de Krites om útens. Destiids fersoargen de leden de jûnen sels mei: sjongen, muzyk, foardracht, toaniel esfh. Jûn sil ús eigen lid Jan Buruma it programma fersoargje. Op 19 november ús eigen toanielploech yn It Everthûs. Dan sjonge wy steande ús Fryskfolksliet mei pianobegelieding troch Hans Dijk. Meidielings en ynkommen stikken Leden dy t harren ôfmeld hawwe: skriuwster Tini Broere, bestjoerslid Nico Woudstra, Anja Andriesen dy t al sûnt ien september 2015 lid is en ús pianist Hans ferfong doe t hy de foet yn it gips hie. Marjan Woudstra, Anneke Busscher, Trudie Ouwehand, Herman en Truus Faber-v/d Werf, Pietie Westdijk en Albert & Richtje de Jong. Ferslach fan de Alg. Ledegearkomste fan sneon 10 oktober 2015 troch Nico Woudstra wurd trochnommen en der binne gjin opmerkings. Dus wurdt it sûnder kommentaar goedkard. Mei tank oan Nico. Jierferslach skriuwster Tige tank oan skriuwster Tini Broere. Hans neamt de fjouwer gearkomsten fan 2015/2016 en yn it bysunder: It Jubileum op tolve maart Speciale oandacht dêrfan krije: It moetsjen yn de foyer, it sjongen fan de koren, it jûnsprogramma fan

3 3 Klún &Knoffelhakke, Geke Sprokkerieft har jubileum fan fjittich jier yn it bestjoer. Geke krijt it wurd en betanket foar de brosj, Antje Hooijenga har foto s, (alle 600 komme op de website. In hiele klus!) Fia de súksesfolle ferlotting, fersoarge troch, Emily, Geke en Annie komme wy by it folgende punt fan de aginda. It Jierferslach fan de ponghâlder It jierferslach dit keer op fersyk yn it Frysk wurdt yn de gearkomste útrikt en de ponghâlder Theo Schiere, jout in koarte taljochting by de ferskillende fragen en bedragen. Nei in útlis troch boekeferkeaper Johannes Larooi oer de boekingsperiodes, is it wurd oan de rekkenopnimmer Rein Munniksma. Hy is tige tefreden en de gearkomste giet akkoart mei de presintearre resultaten. Beneaming nije rekkenopnimmer Rein wol noch wol in twadde kear beneamd wurde, en dat is akkoart. Wy sjonge It Heitelân as oanrin nei it 1 e diel fan de lêzing troch Jan Buruma. Lêzing Bulgarije (1 e diel) Jan moat ymprofisearje, want de beamer fan Rijngaarde is stikken en harren lienbeamer meie wy net brûke. Gjin Powerpoint presintaasje dus mar in geweldige rede oer Bulgarije. Diel Ien sil gean oer de Bulgaars Otterdokse Tsjerke en Diel twa oer It Bibliotheek Projekt yn de stêd Sliven. Jan syn interesse foar dit Balkanlân begûn mei in korrespondinsje freondinne yn de njoggentiger jierren fan de tweintichste ieuw. Fan de Bulgaars Otterdokse Tsjerke komme wy útgebreid te hjerren oer Geloofsbelibbing, Iconen, fêste rituelen troch de priester foar- en achter in gerdyn, it fêsthâlden fan de Slavyske Tsjerketaal, opstelling fan Kearssestander ensfh. Fia de Organisaasje en Liturgy fernimme wy dat yn Nederlân san tritich Otterdokse tsjerken binne, û.o. yn Kollummerpomp is in Russysk Otterdokse tsjerke dêr t in part fan de tsjinst yn it Frysk is en yn Himmelum is yn de âlde PKN-tsjerke ek in Russysk Otterdoks kleaster. Eine 1 e diel. 4 Bôlemiel mei folgens tradysje Griente- en Tomatesop en in kroket. Foar de fitamines fruit ta. Wy applaudisearje foar de sopsierders Geke en Theo en litte it ús goed smeitsje. Tidens it tafelôfrêden besjogge wy de folders, kaarten, diggelguod, kleden ensfh. fan Bulgarije. Lêzing Bulgarije (2 e diel) Foar dat wy de lêzing 2 e Diel krije sjonge wy út langstme nei eartiids: De Terp. Dan is it wurd wer oan Jan Buruma. Hy beantwurdet fragen en dan set hy út ein oer it Bibleteek Projekt. Bibleteken spylen in grutte rol foar taal en kultuer, tidens de Communistyske Tiid. Yn 1989 foel It Yzeren Gerdyn. Polen begûn direkt oan in omslach. Bulgarije kriege ek help mar alles duorre langer. De grutte bibleteken krigen fan 1997 ôf stipe fan de VN. By it opsetten fan Literatuer- en keramyske cursussen, sykjen nei wurk wie dat tige nuttig. De lytsere stêden as Sliven kriegen gjin help út Europa, mar wol fan:1) de stichting STOEP (Stichting Oost Europa) mei in wurkgroep yn Frieslân!! 2) MATRA, (Maatschappelijke Traditie) en 3) Ministerie yn Den Haach.Yn de bibleteek fan Sliven hat Jan meiwurke oan praktyske saken. Oanskaf laptop en in digitale camera. It jild wurde ynsammele troch aktiviteiten yn Nederlân en Fryslân ( ). It wie fansels wol de bedoeling dat oan betingsten foldien waard. Dêrby wiene oan Bulgaarse kant wat missers, mar de STOEP liet ek stekken falle. Spitich genôch einde it as in mûs yn e moalsek en hiene hja de nedige papieren net op tiid klear en sa rûnen hja de subsydzje mis. In mankelyk eine, foar de ynwenners fan Sliven, foar Jan en alle freiwilligers yn ús lân. In hertlik applaus foar Jan fan de oanwêzige kriteleden. En in tankwurd fan de foarsitter. Tiid foar in bakje kofje. De foarsitter nimt it wurd en ropt sjongers op har te melden foar de tsjerketsjinst op 19 maart De repetysjes ûnder lieding fan Wiebe Tilstra (?), sille starte yn jannewaris Kritekrantsje Dan diskusjearje wy oer it Kritekrantsje. De mieningen lizze fier útenoar: Antje Hooijenga pleit foar in boekje sûnder foto s, Munniksma foar in digitaal krantsje. Het kaft fynt men o sa moai, mar mear kontrebúsje??? It bestjoer sil it wer op de aginda sette fan de takommende gearsit.

4 Omfreegje Der wurd frege nei de mooglikheit foar Fryske les. Miskien fia AFÛK. 5 De foarsitter tankt foar de oanwêzigens en winsket eltsenien wol thús en oant sjen. Klaasje de Vries-Suurd, Wynmoanne, FRYSK TOANIEL SNEON 19 NOVIMBER 2016 (ferslach) Fryske Krite jûn mei ús eigen toanielselskip Om 18:00 oere wienen de bestjoersleden drok dwaande mei it fersieren fan de seal yn it Evertshûs. De tafels fan de boekferkeap wurden klearset en ek de kado s foar de ferlotting. Om 19:00 oere binne de doaren iepen en komme de leden en gasten binnen drippen en wurdt der kofje skonken en as fansels bypraat. Even in kaartsje keapje en dan een plakje sykje yn de grutte seal. As elkenien sit kin de toanieljûn begjinne. De iepening wurdt dien troch Klaasje Suurd omdat foarsitter Hans Dijk meispilet yn it stik. Nei it sjongen fan Frysk bloed tsjoch op komt de toanielploeg in aksje. It giet oer in troud stel dy't allebeide in baan hawwe en elkoar hast net sjen. En dat giet fansels ferkeard. In freondinne wol graach helpe, mar dat jout noch mear swierrichheden. Dan is der ek noch in ferskriklik nijsgjirrige buorman, spiele troch Hans Dijk, en faak komt de pliesje oan de doar. Beide hâlde alles goed yn e rekken. Yn it skoft is de lotten ferkeap. Yn it lêste bedriuw komt de ûntknoping en komt alles wer in oarder. Dernei komt de útslach fan de ferlotting mei de nedige moaie prizen. Klaasje slút de jûn of en betanket elkenien foar de komst. Allegeare gean nei hûs nei in noflike jûn. Annie Schiere 6 Op dit stuit is ôfpraat dat der op 14 jannewaris 2017 in optreden is yn Haarlem, op 10 febrewaris 2017 yn Utert, op 18 febrewaris 2017 yn Hurderwyk en op 14 maart 2017 yn Hilversum. Ut dizze útnoegingen blykt wol dat it optreden fan de toanielploech tige wardearre waard. Hulde oan de regisseur Antje Hooijenga en sterkte mei it opknappen fan har man Ben dy't krektlyn oppereare is. Mei klam moat hjir efkes nei foaren brocht wurde dat Antje in protte wurk ferset hat mei it lieding jaan oan de toanielploech en dat spitichgenôch tagelyk har man siik waard. Lokkich binne de lêste berjochten sadanich dat it de goede kant op giet. Wy winskje Antje en Ben ta dat dit belied trochset wurdt en dat Ben wer gau opknappe mei. Hâns Dijk FAN DE PONGHALDER. Wy binne wer mei in nij krite jier begun. Wolle jimme de kontribusje betelje fan 8.50 de persoan op rekkennoemer NL23RABO tnv Fryske krite Bodegraven Tige tank Theo Schiere NIJS FAN DE TOANIELPLOECH Graach wol ik wat oer de stân fan saken fan de toanielploech fertelle. Op ôfronne 19 novimber hiene we dus de premjêre yn it Evertshûs en wy hoopje fansels dat de oanwêzigen in moaie jûne hân hawwe. Lokkich wiene der in protte minsken en der wie ek belangstelling fan oare kriten. It gefolch is west dat de toanielploech troch in oantal kriten frege is om it stik ek dêr op 'e planken te bringen.

5 NIJJIERSGEARKOMSTE MEI SNERT/ROGGEBREA EN SPEK OP SNEONTEMIDDEI 21 JANNEWARIS OM OERE yn Dienstencentrum Rijngaarde, Rijngaarde 1, Boadegraven. 7 It is ynmiddels tradysje wurden om mei in gleske yn e hân it nije jier yn te lieden. Dat sille wy ek no wer dwaan. En dêrom noegje wy alle leden út om nei Rijngaarde yn Boadegraven te kommen. Sjoch wol efkes goed nei de datum, want die is feroare. As jimme op freedtejûn komme, stiet de snert noch net klear! It bestjoer is fan doel om ek de DVD De Feteranen te fertoanen. Koarte ynhâld: Twa âlde feteranen ha altyd fochten foar de frijheid fan Fryslân. Tsjin wat of wa t dy ek mar bedrige. En as it moat dogge se it wer! De ien wol noch altyd net foar de oar ûnderdwaan. Mei unifoarmen fol medaljes binne sei betinking nei betinking present. Hoe lang noch? De twa Fryske aktearkanonnen Freerk Smink (spyle ek yn De Emigrant ) en Joop Wittermans spylje de beide feteranen yn dizze foarstelling,dêr t hilariteit, brekberheid, werkenberheid en oerdriuwing elkoar ôfwikselje. It stik wurdt op dit stuit noch spyle en de sealen binne útferkocht. Dus kom nei Rijngaarde om it te besjen. Wolkom fanôf oere. Kosten: alles ynbegrepen 12,50 de persoan. Yn ferbân mei de snert: opjaan oant 14 jannewaris bij Tini Broere til of tinibroere@kpnmail.nl. DE FAMYLJE KOOISTRA AS GRUNLIZZERS FAN DE FRYSKE KRITE YN BOADEGRAVEN Yn dit kritekrantsje geane wy fierder mei de belibbenissen fan ús kritelid Anne Kooistra, dy't yn Boadegraven berne is en no yn Stolwyk wennet. It mei wol efkes sein wurde dat hy al oer de tachtich is en dat betsjut dat hy in hiel nijsgjirrich byld sketse kin fan de tiid dy't eins al fier efter ús leit. Wat Anne fertelt oer syn fakânsjes by pake en beppe yn Fryslân is dochs hiel bysûnder. Max Wieringa hat dat yn it foarige krantsje ek oanjûn. Wat Anne fertelt docht him tinken oan in boek fan de Flaamse skriuwer Willem Elschot, skûlnamme fan Alphons de Ridder. Dat giet ek 8 oer de wrâld fan sa'n tachtich jier lyn. Yn dit meidielingenbledtsje giet Anne fierder en sa as jimme lêze kinne giet it foaral oer pake en beppe, omke en muoike. Ik soe sizze: 'Nim rêstich de tiid om it allegearre te lêzen en ferwûnderje jimme der oer hoe 't de wrâld er doe by stie en hoe 't alles feroare is'. De stro wurdt net om in aai bedoarn. Troch Anne Kooistra (Diel 4) As wy yn Wergea mei fakânsje wiene, bleanen wy net de hiele tiid by pake en beppe. Faak gienen we mei in boat nei it natûrgebied 'De Alde Feanen'. Bysûnder is dat we dat dwaan koene fia de Foundering en de Meanewei. De lytste djipgong op dy farwei is nammentlik mar 45 sentimeter. In B.M.-er mei in djipte fan 80 sentimeter kin dêr al net mear troch. As we mei de skou giene, koenen we ien kant op sile. Mar mei in skou kin je net skerp oan de wyn farre, dus moast heit yn it spier om te roeien. Ek hawwe we dit in kear mei de hiele Wergeaster famylje yn in moterjachtsje dien. Dat wie fansels troch ien fan de omkes fersoarge. Dy hie relaasjes en dy koene in boat mei in skipper regelje.we binne sels op dizze wize hielendal nei omke en in muoike yn Reduzem west. Wy hawwe dêr doe in soarte fan apenútefeest hâlden: dopje en opite. Na ôfrin moasten de doppen wer opfege wurde, en dat die beppe Bokje. Omdat we de fytsen by ús hiene, koenen we tochten meitsje nei de famylje dy't wat fierder fuort wenne. De grutste yndruk makke wol besite oan omke Geart en muoike Gryt. Dy wennen op in wenboat, dy de Aurelia hjitte, mar altyd de arke neamd waard. In húsriem wurd fan muoike wie dan ek: 'Tink om 'e arke', as de bern wat te wyld oan it boartsjen wiene. As omke by in boer wurkjen gie, dan koe it hiele gesin mei de wenboat ferhúzje, wêr't it wurk wie. Op in kear giene we by harren op besite. Omke wurke doe op de Saiterpleats en de famylje lei dêr flakby mei de arke. Je freechje je mooglik ôf : 'Wêr is dy Saiterpleats?' Je moatte je dan yn tinzen foarstelle dat je mei de boat geane. Om mei de boat nei de Saiter te gean is nammentlik in floitsje fan in sint. Je begjinne by Grou. Je farre it Prinses Margrietkanaal op yn noadlike rjochting ta oan de Krúswetters. Je hâlde stjoerboard oan en geane de Langesleat op. Je farre dan oan de earste sydfeart ta stjoerboardsside. Dat is de Nauwe Saiter. Yn dy feart, in eintsje de feart op, by de spinnekopmoune lei de arke en op de bakboardside lei dan de Saiterpleats.

6 9 Om der mei de fyts te kommen, is it wat yngewikkelder. En dat dienen wy. Wy fytsten earst nei Warten. Dêrnei lâns in soarte fan Skjippedykje oan de Krúswetters ta, it Prinses Margrietkanaal (Margriet wie doe noch net berne). Wilens wie it begûn te reinen. Wy stiene dêr oan de wâlkant fan de Krúswetters en we moasten troch te roppen nei de skoubaas, dy't oan de oare kant fan it wetter wenne, heare litte, dat wy oerset wurde woenen. Lokkich hie ús heit in lûde stim, mar it duorre in hiele tiid foardat de skoubaas, troch de wilens streamende rein, te sjen wie. Nei alle wierskynlikens mei grutte tsjinsin roeide er troch de rein nei ús kant. Wy hiene wilens al in hiel skoft yn de streamende rein yn it hege wiete gêrs stien te wachtsjen. Lokkich wie de roeiboat sa grut dat we der allegearre yn koene, ek de fytsen. Ik kin my no foarstelle dat je dêr de spoekfiguer fan de Langsleater man, út it ferhaal fan de smit fan Earnewâld, tsjin komme. Nei dit opûnthâld fytsten we lâns it Spûkepaad, sa as dat tsjintwurdich hjit, nei it oerstekplak fan de Saiter. Fan it oerstekken nei de Saiter stiet my neat mear by, dat sil wol sûnder al te folle muoite west wêze. Lykwols wie dat no krekt it plak wêr't de dochter fan de fisker seach dat de smit oer it wetter ron. (wurdt ferfolge) SJONGKOAR mme fansels al lêzen hawwe hoopje wy yn it nije jier wer infryske tsjerketsjinst te hâlden yn de Lutherske Tsjerke. soe hiel moai wêze dat wy wer mei in goed koar in bydrageoan de tsjinst leverje kinne. be Tilstra wol as dirigint ûs wol wer lieding jaan en we kinne lokkig ek wer yn de Sporthoeve terjochte. 10 KRYSTTIID, ALD EN NIJ, As de glâns fan 't goud ferblikt en sinneljocht yn 't tsjuster stikt as 't platslein bist troch it fertriet jout de Kryst ús noch in liet. Ek al stiet de wrâld yn brân 't Berntsje rikt nei ús de hân Efkes sjogge wy wer ljocht yn in tiid dy't ûnrjocht brocht. Krysttiid en dan Ald en Nij bringt ús efkes tichterbij by ússels en by elkoar efkes klinkt it Inglekoar. Hoopje op in nije tiid, sûnder oarloch, sûnder striid, want it kostet dochs gjin sint as de frede echt oerwint. Hâns Dijk. It is it doel om op moandei 9 jannewaris te begjinnen om 10:30 oere. Graach sa gau mooglik opjaan. Oant sjên Geeke Sprokkerieft. Tel E: gsprokkerieft@casema.nl

7 11 TSJERKETSJINST OP SNEIN 19 MAART YN DE LUTHERTSJERKE Noordstraat 2, yn Boadegraven. Foargonger: Sjongkoar: Oanfang dûmny Elly Hessel út Utert De Fryske Kantorij Boadegraven ûnder lieding fan Wiebe Tilstra : oere Nei ôfrin fan de tjinst wol it bestjoer jo graach moetsje yn it sealtsje foaryn tsjerke foar in praatsje ensafuorthinne. Notearje jimme dit fêst yn it nije bûsboekje? Hâld ek it each op parsseberjochten fan tsjerkekrantsjes en de wykblêden. 12 Boekeferkeaper Johannes Larooi It bestjoer is, en ik tink ek jimme binne, altyd tige bliid mei Johannes en syn boeken op uze kritejûnen. Der is faaks wol in âld of in nij boek by dat de leden ynteressearret. En sa komt it dat de boekeferkeaper nei eltse kritejûn in prachtich bedrach oermeitsje kin nei de ponghâlder. Johannes, tige tank foar de ynspanning en e leden moai dat jimme der oan bydrage dat it ek slagget. Der binne ek in soart nije Fryske boeken by Johannes te bestellen. Binne jo op syk nei in titel? Skilje: Johannes: of stjoer in hjlarooi39@gmail.com. En dan komt it fêst yn e oarder. REAKSJE OP EFKES FOARSTELLE TROCH PIER JAARSMA Yn it kritekrantsje fan ôfronne septimber stie in stikje fan ús nije kritelid Pier Jaarsma. Ik kin it net litte om dêr efkes op te reagearjen. Ik ha syn bydrage trije kear oerlêzen. Want wat is it gefal? Pier is berne yn Ternaard. Dat leit flak by Dokkum. Ik bin 26 jier earder ek flak by Dokkum op 'e wrâld kaam en wol yn Sybrandahûs. As bern giene wy yn Dokkum op skoalle en nei tsjerke en eltse simmer yn de fakânsje útfanhûzje yn Ternaard by omke Sjolle en tante Ruurdtsje Hartmans. Tsjonge, jonge, doe't ik it stikje fan Pier lies kaam efkes myn jeugd foarby. Bern út Ternaard dy't nei de middelbeare skoalle giene, kamen op it lyceum yn Dokkum telâne. Ik kin der ferskate fan en mear dan ien sieten by my yn 'e klasse. Mame de Graaf wie in freon fan my. In pear jier lyn hawwe we mei de eksamenklas fan 1960 fan it lyceum yn Ternaard noch in reuny hân. Myn broer hie jierrenlang in buorkerij yn Brantgum, flak by Ternaard. It oantal kearen dat ik as jonkje op it fytske de wei fan Dokkum nei Ternaard fia Lytse Joure en Hantum ôflein ha, is legio. En no lês ik dat stikje fan Pier yn ús kriteblêd... It is wier net te leauwen! Hâns Dijk YN E KUNDE KOMME MEI KLAASJE DE VRIES-SUURD In Frysk famke om útens It wurdt sa n bytsje tradysje dat nije leden harren foarstelle yn ús Meidielingeblêd. Dus hawar, alhoewol: NIJ- lid, sûnt? bin ik lid fan FFH Boadegraven. Wichtich is by de Krites de fraach: Wêr komme jo wei? Berne yn Ljouwert as twadde dochter fan in Heit (Suurd) út Jobbegea en in mem (Vogel) út Minnertgea. Us heit wurke by de PTT, de technyske tsjinst fan de lêste T (Telefony). Earst yn Ljouwert letter op it Hearrenfean. Us mem wie Kûpeuze en nei har trouen húsfrou. Myn âldere suster en ik skeelden 4½ jier, dat hie mei

8 13 de 2 e Wâldkriich to dwaen, spitigernôch is hja yn 2011 ferstoarn. Wy hawwe deselde opfieding en kânsen kriege. Sosjaalbelutsen, ferantwurdlikens, leare en trochsette en sjen dat je jinsels fjirder ûntwikkelje, wiene wichtich.sa kaem it dat ik foar beukerliedster learde en yn Menaem myn earste salaris fertsjinne.it ûnderwiis hat in goeie kar west! Nei 2 jier Fryslân gong ik yn Apeldoorn oan e slach op in Beukerskoalle. Dêr moete ik myn man en tegearre hawwe wy yn 12 jier tiid yn Brabân, de Achterhoeke en Dútslân wenne. Uteinlik bedarren wy mei ús beide soannen yn 1982 yn Waddinxveen. En al dy jierren wie ik mei ûnderwiis en tael dwaende. Wy Friezen hawwe bliekber hwat mei taal, sjoch ek de foarstellingartikels fan ús leden Jan Buruma en Max Wieringa yn it meidielingeblêd fan septimber 2015, en Pier Jaarsma yn it Blêd fan septimber Op it heden bin ik mei folle wille û.o. belutsen by : It Lânlike Blêd fan Vrouwen van Nu (eartiids Bond van Plattelandsvrouwen).Skriuwe, ynterviewe, lêze en presintearje komme sa op myn paad en krekt dat hat myn ûnderwiis-oplieding en bedreaunens my brocht. Klaasje de Vries-Suurd, Wintermoanne/ desimber 2016 NIJE JIER Sjoch net om nei 't âlde jier, mar gean moedich it nije temjitte; net as in fytser sûnder ljocht, ûnfeilich it tsjuster yn, mar wach en betocht op it ûnferwachte J. Jepma RIDEN LEARE Lytse Arjen sil op redens Foar de alderearste kear. Heit giet my him nei de sleat ta, Sjoch, de stoel, dy stiet al klear. Heit bynt him de redens ûnder, Hâldt it jonkje by de hân En de redentsjes die skrasse, Arjen fynt der earst neat oan. 14 Riden leare is net maklik De izerkes glide hyltied út En as heit der net om tocht hie, Lei er altyd op syn stút. Knoffeljend giet Arjen fierder, t Jonkje docht och sa syn bêst Stappe, glydzje, streekje, sljurkje, Heit dy hâldt him stevich fêst. De oare deis dan giet it better, Heit dy lit him al ris frij. Arjen set sels wiffe streekjes En hy glundert der grutsk by. Lytse Arjen stiet op redens, No al foar de tredde kear En hy streket sûnder omsjen. My dy Arjen komt it wol klear. Simy Sevenster.

9 15 BOEK FAN DE MOANNE (DESIMBER) 'Mearkes út 'e Wâlden' is it boek fan de Moanne. Dam Jaarsma fan Eastermar ( ) wie in hertstochtlik samler fan folksferhalen. Hy skreau yn 40 jier mear as sechtjintûzen ferhalen op dy't minsken ût de fiere omkriten fan Eastermar oan him trochjûnen. Dit boek biedt in brede represintative seleksje fan de mearkes dy 't er sammele: diereteltsjes, wûndermearkes, leginde- en novellemearkes, dommeduveltsjesteltsjes en grappige teltsjes. 'Mearkes 'ut 'e Wâlden' is bedoeld foar alle Frysklêzers, âld en jong. It is gjin wittenskiplik boek (al wurdt de tekst oan de ein wol ferantwurde foar spesjalisten) mar in prachtich lês- en foarlêsboek en tagelyk ek in postume hommaazje oan Dam Jaarsma. De yllustraasjes yn kleur waarden spesjaal foar dit boek makke troch Peter Boersma & Hilda Groenesteyn. It boek hat 280 siden en kostet E. 19,90. Dit boek is ek yn it Hollânsk te keap: 'Sprookjes uit de Friese Wouden'. 16 It Bestjoer fan de Fryske Krite Fier fan Hûs Boadegraven e.o winsket alle leden: DE STJERREN Miljoenen eachjes dy sa blier en trou Digerje nei d' ierde Ut it himelsblau; Pearels, dy't dêr hingje Troch inoar dêr kringje, Rêst fyn 'k foar myn siele As jim striele 'k Lit myn soargen slomje, Slomje lêst en need; 't Swurk is sûnder wolken, 't Hert is sûnder leed; 't Fljustert om my hinne, Lyk ast ingels binne: Tsjuster moat ferdwine, Ljocht moat skine Stjerkes, as jim strielen Falle yn marke en see, Falt der yn myn siele Rêst en silge free; as it sintsje skiede Nacht him leit oer d'ierde, Blierkje jim en roppe; sjoch nei boppe! NOFLIKE KRIISTDAGEN en in SÛN en LOKKICH 2017 Pieter Jelles Troelstra

10 Moandei 9 jannewaris 10:30 oere Sneon 21 jannewaris 16:00 oere KALINDER 2017 Sjongkoar Nijjiersgearkomste Sporthoeve Rijngaarde Snein 19 maart, 14:30 oere Tsjerketsjinst Luthertsjerke Noordstraat 2 Boadegraven TOANIEL SNEON 19 NOVIMBER 2016 ALGEMIENE LEDEGEARKOMSTE 8 oktober 2016