Jesus Christus is gebore om die duiwel se greep te kom breek

Transcriptie

1 SKRIFLESING: 1 Johannes 2:28 3:10 TEKS: 1 Johannes 3:8b TEMA: Jesus Christus is gebore om die duiwel se greep te kom breek Psalm 45 : 1, 3, 5, 6 Psalm 79: 5, 6 Skrifberyming 33 (2-4) : 1, 2 Skrifberyming 33 (2-4) : 3 Skrifberyming 51 (3-1) : 2 Skrifberyming 78 (13-3)

2 2 Waarom is Kersfees daar? Waarom is Jesus gebore? En waarom is ons bly daaroor? Die antwoord op hierdie vraag word op meer as een manier in die Bybel vir ons gegee. Ons teks is een van hierdie maniere: - Jesus is gebore om die duiwel se werk te kom vernietig; - Hy t gekom om die duiwel se greep te kom breek. Kom ons kyk wat dit beteken, sodat ons om die regte redes bly sal wees wanneer dit Kersfeestyd is. Ons gaan eers kyk na die feit dát Jesus gekom het, en dan na die doel waarvoor Hy gekom het waarvan ons hier hoor. 1. JESUS HET GEKOM Die Seun van God het hier op aarde n mens ook geword. Dis wat ons Kersfees vier: - die menswording van die Seun van God; - Sy geboorte as mens uit Maria daar in Betlehem. Hierdie koms van die Seun van God na die aarde toe word met verskillende terme in die Bybel beskryf. o In die eerste plek word die woord kom daarvoor gebruik. Jesus self het by meer as een geleentheid gesê dat Hy na hierdie wêreld toe gekom het om sekere dinge hier te doen. 1 o n Ander term wat Hy daarvoor gebruik het, is die term neerdaal. Hy is die Brood wat uit die hemel neergedaal het. 2 o n Ander term wat vir die koms van die Seun van God na hierdie aarde toe beskryf word, is die een wat die Heilige Gees Johannes hier laat gebruik: die term verskyn: - die Seun van God (het) verskyn 3 1 Bv Mat 5:17; 9:13; 10:34; Luk 12:49; Joh 9:39; 10:10b; 12:47; 18:37 2 Joh 6:33, 51 3 Vgl ook Tit 2:11; 34; Hebr 9:26; 1 Joh 3:5

3 3 Wat n mens opval van al hierdie terme wat nou genoem is, is dat hulle almal duidelik impliseer dat die Een oor Wie dit hier gaan, al bestaan het voordat Hy as mens op aarde gebore is. o Iemand wat na n sekere plek toe kom, kom tog van iewers anders af. o En net so: Iemand wat neerdaal, daal van iewers af neer. o En iemand wat verskyn, het tog bestaan en was maar net nie voor die tyd op die plek waar Hy nou verskyn, sigbaar nie. Voor Sy geboorte as mens, het die Seun van God al bestaan. Natuurlik! - Hy s dan God self. - God is mos die Vader en die Seun en die Heilige Gees. - En die Seun van God is God die Seun. - En saam met die Vader en die Heilige Gees was die Seun nog altyd daar gewees, sonder n begin, van ewigheid af die ware en enigste God Wat ons Kersfees vier, is nie die begin van die bestaan van die Seun van God nie, maar die feit dat Hy n mens ook geword het, en so as mens vir ander mense sigbaar geword het. Hy t nou só verskyn dat mense Hom met hulle eie oë kon sien soos Johannes in die eerste sinne van hierdie brief dan ook geskrywe het. 4 Dís wat ons Kersfees vier: - die koms, die neerdaling van die Seun van God; - Sy verskyning as mens in hierdie wêreld. Waarom het Hy gekom? Wat was die doel van Sy verskyning? 2. DIE DOEL VAN SY KOMS Ook hieroor is daar baie gegewens in die Bybel. Jesus self het by meer as een geleentheid duidelik gesê waarom Hy gekom het. 4 1 Jh 1:1

4 4 Hy t byvoorbeeld gesê: - Ek het nie gekom om regverdiges te roep nie, maar sondaars tot bekering. 5 - Ek het nie gekom om (die wet of die profete) te ontbind nie, maar te vervul. 6 - Ek het gekom om vuur op die aarde te werp 7 - Ek het gekom, dat hulle lewe en oorvloed kan hê. 8 - Ek het nie gekom om die wêreld te oordeel nie, maar om die wêreld te red. 9 Ook in die gedeelte wat ons gelees het, gee die Heilige Gees vir ons die doel van die koms van die Here Jesus: - julle weet dat Hy verskyn het om ons sondes weg te neem 10 - Vir hierdie doel het die Seun van God verskyn, om die werke van die duiwel te verbreek. 11 Kom ons fokus op vers 8: die Seun van God het verskyn om die werke van die duiwel te verbreek. Wat is die werke van die duiwel? Een manier waarop die baie gegewens in die Bybel daaroor saamgevat kan word, is om te sê dat dit die leuen, die sonde en die dood is: 12 - die duiwel is die oorsprong van die leuen en die stukrag agter al die leuens in die wêreld; - die duiwel is die oorspronklik sondaar en die aanhitser tot al wat sonde is; - die duiwel is die een wat mense op die pad waarop daar dood is gebring het, én hy bly tweedrag en haat saai, sodat mense mekaar onder allerhande voorwendsels bly doodmaak op hierdie aarde. In hierdie gedeelte, waarin die apostel kinders van die Here daarop wys dat sondedoen glad nie meer by hulle pas nie, is die duiwel se werke waaroor dit hier gaan, in die eerste plek sy sonde-werke: - dat hy self aanhou sondig teen God - en dat hy mense, selfs kinders van die Here, bly versoek om sondes te doen en aan te hou doen. Maar die Here Jesus het gekom om hierdie werke van die duiwel tot niet te maak, te verbreek; letterlik staan hier: om dit los te maak; om dit te ontbind. 5 Mat 9:13 6 Mat 5:17 7 Luk 12:49 8 Joh 10:10b 9 Joh 12:47 10 Vers 5 11 Vers 8 12 Joh 8:44; 1 Joh 3:8; Heb 2:14

5 5 Dit is mos so dat die duiwel se werk geneig is om n houvas op jou te kry. Sondes wat jy begin doen (en dit geld van meeste sondes, nie net n paar spesifiekes nie dit geld byvoorbeeld van verwaarlosing van jou diens aan die Here, van misbruik van die Here se Naam, van drankmisbruik, van buite-egtelike verhoudings, van humeur-verloor, ens.) word soos kettings wat jou vasbind; - jy kan later nie meer loskom daarvan nie; - dit word n gewoonte by jou; - jy raak verslaaf daaraan; - jy glo naderhand jy kán dit nie meer ophou doen nie. Maar die Seun van God het verskyn om hierdie sonde-kettings waarin die duiwel ons verstrik laat raak het, te kom losmaak, om die houvas daarvan op ons te kom breek, om só die duiwel se werke te laat misluk. U weet mos hoe die Here Jesus die duiwel se werke kom verbreek het Hy t dit kom doen deur dinge wat Hy vir ons gedoen het en deur dinge wat Hy in ons doen. Hy t mos alles wat ons (= die mense wat in Hom glo) teen die wil van God gedoen het, in navolging van die duiwel al ons sondes op Hom geneem. En Hy t die straf wat God vir sulke minagting van Hom bepaal het, vir ons gedra, veral daar aan die kruis, toe Hy die allerverskriklikste pyne en angste van liggaam en siel gely het en in ons plek die dood-as-straf gesterf het. En so het Hy ons sondeskuld betaal, sodat ons sondes nooit weer teen ons gehou sal word nie. En Hy t die dood vir ons oorwin, toe Hy op die derde dag na Sy kruisdood en begrafnis lewendig uit die dood opgestaan het. Hy t die kettings van sonde en dood gebreek deur vir ons te ly en te sterf en op te staan. En na Sy hemelvaart het hy die Heilige Gees uitgestort, wat God se kinders nou in die praktyk van hulle lewens bevry van die houvas van die sonde.

6 6 Hierdie Gees van Christus wat nou in ons woon, verander ons in mense wat die sonde al hoe meer haat en wil ophou doen. En Hy gee in ons die wil om te doen wat die Here se gedoen wil hê. En Hy stel ons in staat om dit te begin regkry, al is dit eers nog maar baie sukkelend en net so n bietjie vir bietjie. Daar kom wel ook die dag, die bedeling ná hierdie aardse lewe, wanneer al die oorblyfsels van die sonde uit ons lewens weggevat sal wees en ons só met die Heilige Gees vervul sal wees dat ons die wil van die Here elke dag volmaak sal leef. En daar kom ook die dag die dag wanneer die Here Jesus weer gaan verskyn wanneer die werke van die duiwel vir ewig ontkrag sal word. Op daardie dag gaan die Here Jesus die duiwel en al sy geestes-trawante en alle mense wat hulle bly tuisvoel het in sy sonde-milieu, vir ewig in die poel van vuur wat vir hulle gereedgemaak is, gooi Deur dit wat Hy hier op aarde vir ons gedoen het en deur die Heilige Gees wat Hy hier op aarde vir ons verdien het en deur Wie Hy nou vanuit die hemel ín ons werk, verbreek die Seun van God die werke van die duiwel in ons lewens. Dís waarom Hy na hierdie aarde toe gekom het, neergedaal het uit die hemel, as mens ook gebore is en so verskyn het TEN SLOTTE Kersfees gaan nie oor die babatjie nie. Ons moet Kersfees nie n fees van allerhande sentimentele gevoelens oor n babatjie in n krippie maak nie. Ons gedagtes moet wees by Wie hierdie Babatjie is en wat Hy kom doen het: oor die feit dat Hy gekom het om die hoogste Veggeneraal van God te wees, die Een wat die grootste en belangrikste veldslag in die geskiedenis van aarde en hemel sou veg en vir ons sou wen. Kersfees is daar

7 7 die Here Jesus is as mens gebore en ons is bly oor Sy geboorte as mens, omdat Hy die werke van die duiwel kom verbreek het, omdat Hy die sonde-kettings van hierdie vyand, wat vir óns te sterk was, kom losmaak het! Om dan Kersfees te vier te maak asof jy bly is oor hierdie verskyning van die Seun van God, maar dan in jou lewe rustig aan te gaan met allerhande sondes as t ware die werke van die duiwel wat die Here Jesus kom breek het, weer op te bou is die opperste skynheiligheid. As jy regtig bly is oor die verskyning van die Seun van God, sal jy die opruimingstryd teen die duiwel en sonde in navolging van Jesus met alle erns voer. Hierdie sinne in die Bybel wat ons nou nagegaan het, sê met ander woorde vir ons dat Kersfees nie net vir elke gelowige n herinnering behoort te wees aan die verlossing en die vrede wat die werk van die Seun van God as mens vir ons beteken nie, maar dit moet ons ook aanmoedig om nou die oorblyfsels van die sonde-kettings waarmee ons gebind was maar wat die Here Jesus vir ons stukkend gebreek het, uit ons lewens uit te kry. En as jy nog iemand is wat deur die duiwelse slawekettings van die sonde gevange gehou word en wreed geskaaf word en daarvan wil loskom, laat Kersfees jou herinner aan Wie jou kan help: - Hy wat gekom het om die werke van die duiwel te verbreek. Hy kan jou help. Hy wil help. Hy sál ook elkeen wat met opregte bedoelings Sy hulp kom soek, help. Hy t dan juis gekom om dít te doen AMEN