Wie God se beloftes het, streef om skoon te word en heilig te wees

Transcriptie

1 SKRIFLESING: 2 Korintiërs 6:14 7:1 TEKS: 2 Korintiërs 7:1 TEMA: Wie God se beloftes het, streef om skoon te word en heilig te wees Psalm 103 : 1 Psalm 30 : 7 Psalm 68 : 9 Skrifberyming 78 (13-3) Ook: Sb 33 (2-4) : 1

2 2 Predikers mag nie ophou om dit te preek nie en ons mag nie moeg word om daarna te luister nie al het ons dit al hoeveel kere gehoor, al staan dit op elke tweede bladsy van die Bybel: - dat begenadigdes nou ook moet verander; - dat regverdig-verklaardes n nuwe lewe moet lei; - dat kinders van God gehoorsaam moet wees. In die taal van ons teksvers: - mense wat God se beloftes het, moet rein en toegewyd word. Dis waaraan vanaand se preek u herinner: begenadigdes se nuwe lewe. Ons kyk eers weer na die feit dat ons begenadigdes is, mense wat God se beloftes het, en dan na hoe ons lewens behoort te word: skoon en toegewyd. 1. ONS HET GOD SE BELOFTES Hoe goed die Here vir ons is, staan op elke bladsy van die Bybel op verskillende maniere beskryf. Hier skryf die apostel vir die gemeente in Korinte dat die gelowiges die beloftes van God het. n Belofte is iets wat een onderneem om vir n ander te gee of te doen of te wees. Maar as ons van beloftes praat, moet u tog die verskil tussen God en mens onthou. As ménse vir mekaar iets belowe, is daar altyd die moontlikheid dat die een wat belowe, kop gaan uittrek, dat hy/sy nie meer kan of wil gee, of doen, of wees wat belowe is nie. Maar wanneer God belowe, sal dit nooit gebeur nie: - Hy is volmaak betroubaar; - Hy hou elke belofte wat Hy nog ooit gemaak het ten volle! Die feit dat Hy so ver gegaan het om Sy eniggebore Seun aan die dood prys te gee om Sy verlossingsbeloftes te hou, wys dat niks Hom sal keer om Sy beloftes na te kom nie. Die apostel het dit in die begin van hierdie brief só gestel:

3 3 want Jesus Christus, die Seun van God is die ja van God, die ja op al die beloftes van God. 1 Wat God belowe het, sal vir seker gebeur. Watter beloftes van God het die gelowiges? In die verse wat ons gelees het, word n hele paar van hulle genoem, beloftes wat Hy oor en oor in die Ou Testamentiese tye al gemaak het. o Hier s die belofte dat dat Hy in Sy volk sal woon en onder hulle sal wandel. 2 Die Here sal nie vir Sy mense n ver-af God wees nie, maar Een wat by hulle is, wat as t ware tussen hulle bly; en wat (dis wat die uitdrukking onder hulle wandel sê) betrokke sal wees by dit wat elke dag in hulle lewens met hulle gebeur. o Nog n belofte is dat Hy hulle God sal wees en dat hulle Sy volk sal wees. 3 Hierdie belofte hoor n mens amper elke keer in die Bybel waar die Here met Sy volk oor Sy verbond met hulle praat. Dis n belofte wat sê dat die Here dit só sien dat Hy en Sy volk aan mekaar vasgebind is in n permanente verhouding - n verhouding waarin Hy Sy rol as God speel deur hulle te versorg en te beskerm en te red as hulle in die moeilikheid is; - en waarin hulle hulle rol as Sy volk speel deur Hom te vertrou en te dank en te gehoorsaam. o Ook die belofte dat Hy hulle, wanneer hulle hulle van die wêreld afsonder en so vreemdelinge in hierdie wêreld word, sal aanneem, 4 by Hom sal aanvaar, by Hom sal verwelkom tuis laat voel. o En die belofte dat Hy met elke gelowige, manlik of vroulik, persoonlik n Vadertot-kind verhouding sal hê Kor. 1: Kor 6: Kor 6: Kor 6: Kor 6:18

4 4 En nou ís hierdie beloftes in die eerste plek deur die Here aan Sy volk Israel in Ou Testamentiese tye gemaak; maar die apostel skryf hier vir n Nuwe Testamentiese gemeente en gelowiges en hy sê dit pertinent: - Geliefdes, hierdie beloftes is ook vir ons. 6 - hierdie beloftes geld ook vir Nuwe Testamentiese gelowiges. Is dit dan nie juis die dinge waarvan die Heilige Gees ons met die nagmaal van vanoggend verseker het nie? - dat Jesus se bloed wat Hy vir ons gestort het, die bloed van die verbond is; dat ons band met God herstel is, omdat Hy ons skuld betaal het die band waarin Hy ons God is en ons Sy volk; - dat Hy aan die kruis gesterf het, sodat ons nie meer deur ons sonde vreemdelinge en vyande voor God sou wees nie, maar mense wat vergeef is, mense wat seuns en dogters van God mag wees; - en was die aansit aan Sy tafel nie vir ons die bevestiging dat Hy ons aangeneem het nie, dat Hy ons in die kring van Sy huisgesin verwelkom nie? Ons is begenadigde mense, mense wat die beloftes van God het. Maar juis dit maak ons ook mense op wie daar n verpligting rus. 2. ONS MOET SKOON EN TOEGEWYD WORD Genade dring tot gehoorsaamheid. Dis mos n wet in God se koninkryk. Waar Hy Koning is, werk dit so: - dat die gawe van Bo uitloop op n opgawe/bevel/opdrag vir ons lewe; - dat die guns van God n appèl op die begunstigde maak; - dat die verlossingswerk van Christus aan die kruis onlosmaaklik gekoppel is aan die vernuwingswerk van die Heilige Gees binne in ons. Hier in ons teksvers het hierdie appèl duidelik twee dele: - n nee-deel en n ja-deel; 6 2 Kor 7:1

5 5 - n nee-vir-die-sonde-deel en n ja-vir-die-lewe-soos-god-dit-wil-hê-deel. Ons moet (dis wat hier staan) ons reinig en ons aan God toewy. Die eerste deel van hierdie opgawe is dat ons ons van alles wat liggaam en gees verontreinig, moet reinig. Om jou te reinig, beteken - om ontslae te raak van dit wat vuil is; - om jou skoon te maak. Sonde maak n mens mos vuil. Dit besmet en besoedel n mens, soos wat daar deesdae allerhande materiaal die lug en die water besoedel. n Mens voel mos sommer partykeer die vuil as jy gesondig het! Wat moet ons skoonmaak? - ons vlees en ons gees; 7 - ons liggaam en ons siel; - ons uiterlike lewe, wat vir ander mense sigbaar is en ons innerlike lewe, ons gedagtes en gevoelens en begeertes, wat vir ander mense onsigbaar is. Altwee kan mos vuil word! Hoe reinig n mens jou van sonde-besoedeling? Deur die proses wat die Heilige Gees by n mens bewerk en waarvan ons in die Byvbel geleer word: - jy erken dit wat sonde is by jou; - jy treur oor jou sonde; - jy vra vergifnis daarvoor by die Here; - jy aanvaar Sy vergifnis met opregte geloof; - en jy doen dan alles wat nodig is om daardie sonde op te hou doen, om dit heeltemal uit jou sisteem uit te kry. En let op: die appèl is nie net dat ons ons van party sondes sal reinig nie net van dié (byvoorbeeld) wat my in die skande sal bring, of wat in my lewe aanwysbare skade sal veroorsaak nie, maar dat ons ons van álles wat liggaam en siel besoedel, sal reinig, 7 AV 1933/53

6 6 van álle sondes wat daar by ons is. Dis die nee-deel van die appèl wat die voorreg om God se beloftes te hê, op ons maak. Die ja-deel is dat ons ons in gehoorsaamheid aan God volkome aan Hom sal toewy. Die Christelike lewe is nie net n nee-lewe van los dit! en hou op met dat! nie. Dis ook n ja-lewe, hier letterlik genoem heiligmaking. Dis n lewe waarin jy jou aan God toewy deur jou positief besig te hou met diens aan Hom: - jy dink by tye doelbewus aan die Here en aan hoe Hy jou lewe wil hê en aan waarheen Hy met jou op pad is; - jy lees Sy Woord en bid gereeld en leef met Sy kerk saam. Dis n lewe waarin jy jou aan Hom toewy deur jou verhoudings met medemense en jou daaglikse werk en die hele lewe op n nuwe manier die manier wat God ons in Sy Woord leer te benader. Jy word byvoorbeeld n vriendelike en sagmoedige en eerlike mens, met n passie vir wat waar en reg en mooi is op alle lewensterreine En ons moet dit volkome doen. Hierdie term sê dat ons nie maar net tevrede moet wees om daarmee te begin nie. Ons moet hierdie toewyding aan die Here tot die einde toe vat. Ons moenie met n halwe beker heiligmaking tevrede wees nie. Ons moet hierdie heiligmaking vol-tooi. Ons moet na volmaakte toewyding aan die Here, volmaakte heiligheid streef, asof ons dit al in hierdie lewe kan bereik! Wat natuurlik nie kan nie, maar ons streef daarna die beloftes van God dring ons om dit te doen! En ons moet ons aan God toewy in gehoorsaamheid aan God, letterlik: in die vrees van God. Ons hele Christelike lewe moet gelewe word in groot agting vir die Here

7 7 - met diep eerbied vir Hom; - met n heilige respek vir Hom; - selfs met iets van n werklike kinderlike vrees vir Sy geweldige mag en gesag! Kinders van die Here moenie bang wees vir wat ménse sal sê of dink as hulle hulle regtig aan die Here toewy nie. Hulle moet bang wees vir wat God daarvan sal dink as hulle dit nié doen nie! Ons is begenadigde mense, mense wat die beloftes van die Here het, mense wie se sondes vergewe is, mense wat n band met die Here het, mense wat Sy seuns en dogters is. Laat ons ons dan skoon maak en aan Hom toewy. Laat ons dan nee sê vir alles wat ons besoedel en ja sê vir alles wat pas by kinders van God TEN SLOTTE Dis nie iets nuuts wat u vanaand gehoor het nie. Maar dink n bietjie daaraan dat ons die slegte gedagtes en gesindhede wat van binne af by ons opkom en die leuens en versoekings waarmee ons van buite af gebombardeer word, elke dag beleef. Kan ons dan ooit genoeg herinner word aan die beloftes wat ons het én aan appèl wat hierdie genade op ons maak: om skoon en heilig te word? Die volgende is een manier waarop ons hierdie vers hierdie week prakties in ons lewens kan gaan uitleef: o Elke oggend as ons opstaan dink ons doelbewus aan een van die beloftes van God in die Bybel, byvoorbeeld een van dié wat ons in hierdie gedeelte gelees het. o En as ons harte daaroor bly is, maak ons dit elke dag n doelbewuste strewe om die volgende te doen: - om my kop en my lewe skoon te maak van al die sondes wat dit besoedel; - om dit vol te maak met dit wat die Here as reg en mooi beskou.

8 8 Weet u hoe vas is die genade van God en die nuwe lewe waartoe dit dring aan mekaar? - so vas dat hulle mekaar voed; - hoe sterker die beloftes van God in my leef, hoe kragtiger gaan hierdie strewe na reiniging en toewyding aan God by my wees; - en hoe meer my lewe skoon en aan God toegewy word, hoe sekerder gaan ek wees dat God se beloftes ook vir my geld. Dis n soort sneeubal wat die Here gemaak het AMEN