1 Johannes 5: /03/2014

Transcriptie

1 1 Johannes 5: /03/2014 Iets wat ek seker is julle al baie gehoor het, is, ken jou status. En dis presies waaroor ek ook vanoggend met julle wil praat oor - ken jou status Ek dink nie enige iemand twyfel oor die belangrikheid daarvan om presies te weet wat jou status is nie. Dis ook nie net in SA belangrik nie. Dit is waarskynlik die belangrikste ding vir elke mens op aarde om te weet. Maar t.s.v. die feit dat dit so verskriklik belangrik is om jou status te weet, is daar miljoene mense dwarsoor die wêreld wat nie weet wat hulle status is nie. As jy nie weet wat jou status is nie of onseker is daaroor, wil ek vanoggend probeer om jou te oortuig dat jy dit nie langer kan uitstel nie. Dis ongelooflik belangrik dat elkeen van ons moet weet wat ons status is. Ek is seker ek het julle almal nou lekker gevang omdat die meeste van julle, indien nie almal nie het gedink aan HIV/Vigs status want dit is tog wat ons in ons land tot vervelens toe hoor - ken jou status. Miskien het n paar van julle ook gedink hierdie dominee is nou besig om die kluts heeltemal kwyt te raak as hy in n preek wil vra, ken jy jou status en jou dan wil oortuig as jy dit nie weet nie of nie seker is nie, om dit uit te vind. Julle kan ontspan dis nie daardie soort ken jou status waaroor ek vanoggend met julle wil praat nie. Kom ek lees eers vir ons n stukkie uit 1 Joh 5 en dan verduidelik oor watter ken jou status wil ek vanoggend graag met julle gesels. Kom ons lees 1 Joh 5:9-12. Ek wil nie, soos ek reeds gesê het, met julle praat oor julle HIV/Vigs status nie ek wil met julle praat oor wat ek n.a.v. die gedeelte in 1 Joh 5 noem ons lewensstatus. M.a.w. hoe lyk jou lewe op die oomblik lewe jy om vir altyd te bly lewe of lewe jy om een of ander tyd dood te gaan en dan vir altyd dood te wees? Ek sal netnou verduidelik wat ek met altyd dood wees bedoel. My vraag aan elkeen wat vanoggend hier is, is: Wat is jou lewensstatus - lewe jy om vir altyd te bly lewe of lewe jy om een of ander tyd dood te gaan en dan vir altyd dood te wees? Baie mense hou nie daarvan om oor dood en doodgaan te praat nie. Hulle probeer op allerhande maniere gesprekke oor dood en doodgaan vermy. Of

2 ons daarvan hou om oor die dood te praat of nie dis deel van ons bestaan. Daar sterf +/- 100 mense elke minuut in die wêreld. Miskien, omdat die dood so n realiteit is, is daar mense wat probeer om die dood te systap om te kyk of hulle dit kan regkry om nie regtig dood te gaan nie. So lees ek die ander dag van Robert Ettinger. Sy grootste begeerte was om vir altyd te leef, maar nie vir altyd soos gelowiges daaraan glo, naamlik om na jou dood vir altyd by God in die hemel te leef nie. Hy wou hier op aarde aanhou leef. Hy wou nie doodgaan nie. Toe hy egter tot die besef kom dat hy dit nie gaan regkry nie ek is nie seker of hy dalk een of ander siekte gekry het nie het hy gereël dat sy liggaam direk na sy dood gevries word. Hy het dit laat doen in die hoop dat die mediese wetenskap in die toekoms so sal vorder dat hulle hom op n stadium sal kan ontvries en lewend maak sodat hy dan vir altyd kan lewe. Robert Ettinger is ook nie die enigste mens is wat so gevries lê nie In Detroit se Cryonics Instituut lê daar op die oomblik meer as 100 mense wat voor hulle dood opdrag gegee het dat hulle liggame, sodra hulle sterf, gevries moet word. Soos Ettinger hoop hulle dat hulle iewers in die toekoms, lewend gemaak sal kan word en dat die siekte wat tot hulle dood gelei het, dan genees sal kan word sodat hulle kan aanhou lewe. (JL Wilson) Dit laat n mens nogal wonder. EK het netnou gevra - Wat is jou lewensstatus - lewe jy om vir altyd te bly lewe of lewe jy om een of ander tyd dood te gaan en dan vir altyd dood te wees? En hoe sal ons die mense wat so gevries lê klassifiseer - is hulle halfdood of halflewend of is hulle juis van dié wat vir altyd dood gaan bly? Miskien moet ons net eers vir mekaar sê wat is lewe en wat is dood? Die groot ateïs Christopher Hitchens beskryf dood as iemand se partytjie wat klaar is. Hy sê in sy boek, God Is Not Great Dit gaan een of ander tyd met elke mens gebeur dat jy op jou skouer getik word met die nuus - die partytjie is nog nie verby nie maar dit gaan aan sonder jou (preaching.com) M.a.w. dood is jou partytjie is verby. As ons vir Robert Ettinger sou vra wat dood is, sou hy waarskynlik gesê het, dood is n lastigheid wat jou oorkom omdat die mediese wetenskap nog nie ver genoeg gevorder het om jou aan die lewe te hou nie. Iemand anders het die dood beskryf as jou huurkontrak wat opgesê word Hy het gesê, ons is almal huurders en een of ander tyd sal die groot Huisbaas ons kennis gee dat ons huurkontrak verstryk het.

3 Maar die vraag is, hoe weet ons wanneer iemand dood is of nog lewe? Vir die gewone mens is dood wanneer iemand nie meer asemhaal nie of wanneer daar nie meer n hartklop of n pols is nie In ons regstelsel is n persoon dood wanneer die daar geen breinaktiwiteit is nie en in die mediese wêreld word iemand dood verklaar as daar geen lewe in die breinstam is nie. Dis wat dood is. Lewe sou dus presies die teenoorgestelde wees iemand wat nog asemhaal lewe iemand wie se hartklop lewe iemand by wie daar nog breinaktiwiteite is, lewe. Dis die definisie van lewe en dood wat hierdie wêreld aan betref. Die Bybel en vir ons as gelowiges is dit natuurlik baie belangrik, bring n ekstra dimensie by, naamlik van lewe anderkant die dood van lewe anderkant die graf. Ek het vroeër gevra, wat is jou lewensstatus - lewe jy om vir altyd te bly lewe of lewe jy om een of ander tyd dood te gaan en dan vir altyd dood te wees? In die gedeelte wat ons gelees het sê Johannes, Wie die Seun het, het die lewe; wie nie die Seun van God het nie, het ook nie die lewe nie. Kyk mooi Hy sê nie wie die Seun het, sal eendag na sy dood die lewe kry nie. Hy sê, Wie die Seun het het die lewe nou reeds. m.a.w. jy lewe om vir altyd te lewe. Jy lewe om na jou dood by God in die hemel te wees. Dis wat hemel beteken om vir altyd by God te wees om by God verder te leef jy leef om te leef. Maar dan sê Johannes ook Wie nie die Seun van God het nie, het nie die lewe nie Jy kan dus hier op aarde lewe jy kan asemhaal, jou hart kan klop, jou brein kan werk, maar jy het nie die lewe nie want na jou dood gaan jy nie by God leef nie. Jy gaan na jou dood vir altyd in die hel wees en hel beteken om vir altyd sonder God te wees en dis dood ewige dood. Miskien kan julle nou begin verstaan waarom ek aan die begin gesê het dat dit vreeslik belangrik is dat jy jou lewensstatus moet weet lewe jy om vir altyd te bly lewe om na jou dood hier op aarde vir altyd by God te lewe want, omdat jy in Jesus Christus glo, het jy nou reeds die lewe ontvang of lewe jy om een of ander tyd dood te gaan en dan vir altyd dood te wees want, omdat jy nie in Jesus glo nie, het jy nie die lewe nie en as jy nou sal doodgaan, sal jy vir altyd dood wees, m.a.w. vir altyd sonder God wees?

4 Wat belangrik is om vanoggend raak te sien is uit dit wat Johannes sê is dat die ewige lewe, m.a.w. die lewe na jou dood in die hemel by God nie eers daar begin nie. Dit begin nou. Wie die Seun het, het die lewe Wie die Seun het, het die ewige lewe. Net voor Jesus gesterf het, het Hy uitgeroep, dit is volbring. Die Griekse woord wat vir volbring gebruik word is tetelestai wat beteken, die plan is uitgevoer die prys is betaal dit is afgehandel. Jesus het aan die kruis die volle prys vir ons sonde betaal. Maar die dag toe Hy uit die dood opgestaan het, het Hy as t ware die deur na die ewige lewe oopgemaak. Die beste bewys van die ewige lewe is die feit dat Jesus lewe. Daar is lewe anderkant die graf. Die dissipels en almal aan wie Jesus verskyn het, kon die ewige lewe sien... hulle kon met hulle hande daaraan raak. Hulle ewige lewe het nie eers begin die dag hulle gesterf het nie. Dit het daar begin toe hulle die opgestane Jesus gesien het. Wie die Seun het, het die lewe Daarom kon hulle die wêreld invaar en vir mense van hierdie Jesus gaan vertel. Maar net so moet ons vanoggend hoor dat ewige dood nie eers begin die dag as jy sterf nie. Dit begin nou. Dit begin as jy Jesus die opgestane Here verwerp as jy nie in Hom glo nie. Jy hoef m.a.w. nie tot na jou dood hier op aarde te wag om te hoor wat jou lewensstatus is nie. Jy kan dit nou reeds weet. Daar is baie dinge in hierdie wêreld wat onseker is jou lewensstatus is nie een daarvan nie. Daar staan nou reeds langs jou naam geskryf lewend hy/sy lewe om vir altyd te lewe... of dood... hy/sy lewe om na hulle dood vir altyd dood te wees vir altyd sonder God te wees. Wat is jou lewensstatus? Lewe jy of is jy dood? As jy sou sê - dood ek het nie regtig vir Jesus in my lewe nie, kan ek met groot vrymoedigheid vir jou sê, daar is tyd. Tot die oomblik dat jy op hierdie aarde jou laaste asem uitblaas is daar tyd. Die moordenaar aan die kruis het minute of ure voor sy dood na Jesus toe gedraai en gevra, Dink aan my wanneer U in U koninkryk kom en Jesus het vir Hom gesê, Vandag sal jy saam My in die paradys wees. Maar moenie te lank wag nie En as jy sê, my lewensstatus is, ek lewe want Jesus is in my lewe wil ek sê, leef dan leef nou reeds met die wete dat jy vir altyd by God gaan leef Wees dankbaar vir dit wat Jesus aan die kruis gedoen het dien Hom met alles wat jy het.

5 Ek wil afsluit met n pragtige storietjie wat ek gelees het en wat ek graag met julle wil deel Die storie gaan oor 2 seuntjies wat saam in n kamer in n weeshuis gebly het. Een aand is daar n vreeslike donderstorm met woeste weerlig en donderweer wat die koshuisgebou laat bewe. Die koshuismoeder besef toe dat die kinders verseker baie bang moes wees vir die blitse en donderweer, en gaan loer toe of hulle darem oraait is. Toe sy by die twee seuntjies se kamer ingaan, is nie een van hulle in hulle beddens nie. Sy kry toe die enetjie waar hy onder sy bed wegkruip en sommer bewe so bang is hy. Hy sê toe vir haar Tannie hoor net hoe kwaad is God hoor net hoe raas Hy! Toe die koshuismoeder opkyk, sien sy die ander seuntjie in die vensterbank sit met n groot glimlag op sy gesig. Hy sê toe Kom hier Tannie en Tannie moet mooi smile want God neem foto s van ons! (maalvleis.co.za) Ons kan nou reeds smile selfs gedurende die grootste storms in ons lewe. Paulus het in Rom. 8 gesê niks kan ons van die liefde van God skei nie die liefde wat daar is in Christus Jesus ons Here. Ons het klaar gewen. Ons het reeds die lewe as geskenk ontvang. Wie die Seun het, het die lewe en wie nie die Seun van God het nie, het nie die lewe nie..., So, waarom nie nou al smile nie waarom nie nou al leef met daardie wete ek ken my status ek lewe. Dis tyd dat ek en jy onder die bed uitkruip en begin lewe nou en vir altyd. Amen.