1 KORINTIËRS 10:4 HK 29-30:80

Transcriptie

1 1 KORINTIËRS 10:4 HK 29-30:80 Votum en seën Psalm 23 : 1, 3 Gebed Skriflesing: 1 Korintiërs 10:1-13 (AV 1983) Belydenis: HK 29:78-30:80 Teks: 1 Korintiërs 10:4 Psalm 105 : 21, 22 Preek: Die Heilige Gees werk op n geestelike manier in die nagmaal Gebed Kollekte Psalm 31 : 2, 3 Seën Skrifberyming 78 (13-3)

2 2 Is dit regtig nodig dat ons belydenis so baie aandag aan die nagmaal gee? - Dis nou al n tweede en n derde Sondagsafdeling met sulke lang antwoorde wat oor die nagmaal gaan. - Is dit nie belangriker om die nagmaal te gebruik as om dit reg te verstaan nie? - Moes ons belydenis nie n bietjie minder tyd aan die nagmaal spandeer het en n bietjie meer tyd aan ander belangrike sake nie, soos byvoorbeeld die wedergeboorte, wat net so sydelings ter sprake kom in HK 3:8? Ís die nagmaal regtig al hierdie aandag werd? Tog wel. Wat gebeur het, is dat die ware betekenis van die nagmaal in gedrang gebring is deur verkeerde sienings daarvan; en daar waar die waarheid aangeval word, is dit nodig dat daar spesiale aandag gegee word, om seker te maak dat die dwaling, die leuen, nie op hierdie punt die waarheid wen nie. Ons grawe dan maar n bietjie dieper op hierdie punt, sodat ons nie deur onkunde weer slagoffers word van verkeerde sienings van die nagmaal nie. En die groot saak wat u vanaand weer moet hoor is dat die Heilige Gees in die nagmaal op n geestelike manier werk. Ons gaan eers kyk na die vraag waarvoor hierdie verkeerde siening van die nagmaal wat hier behandel word, ons stel, en dan kyk ons na die antwoord wat ons kerke op grond van die Bybel hierop gee. 1. DIE VRAAG WAT DIE DWALING VRA Onthou u nou wat die Here in die nagmaal doen? Hy wys ons veral op twee dinge en verseker ons dat dit vir ons elkeen wat regtig glo, werklikheid is: - dat die Here Jesus Christus aan die kruis vir ons gesterf het - en dat daar n wonderlike, diep, geestelike eenheid tussn die Here Jesus en die gelowiges bestaan. Maar hoe doen Hy dit? Hoe werk die nagmaal? Of beter gesê:

3 3 - hoe werk die Here in die nagmaal? - hoe wys en verseker die Heilige Gees ons dat Jesus vir ons gesterf het en dat ons so wonderlik een met Hom geword het? Die Roomse Kerk, wat tot vandag toe die grootste getal mense wat hulleself Christene noem, se kerk is, het n baie spesifieke antwoord op die vraag oor hoe God in die nagmaal werk. Hulle sê: - toe die Here Jesus die nagmaal ingestel het, lees ons dat Hy brood gevat het en dit gebreek het en dit vir Sy dissipels gegee het en toe gesê het: Neem, eet, dit is my liggaam; 1 - en dat Hy, nadat Hy die beker gevat en gedank het, dit vir hulle gegee het met dié woorde: Drink almal daaruit. Want dit is my bloed 2 Dit is My liggaam Dit is My bloed En toe Christus dit gesê het (so glo en leer die RKK nou) het daardie brood en wyn letterlik, regtig, die liggaam en bloed van Christus geword, sodat dit wat die dissipels toe geëet en gedrink het, nie meer brood en wyn was nie, maar mensvleis en bloed. En (glo en leer hulle) as die priester nou by hulle nagmaalsviering, wat die Mis genoem word, die broodjie vat en hierdie woorde van Christus herhaal: Dit is my liggaam, dan verander daardie stukkie brood weer regtig, letterlik in die liggaam en bloed van Christus, al lyk en ruik en proe en voel dit nog soos gewone brood. 3 En daarom is hulle antwoord op die vraag: hoe werk die Here in die nagmaal? eintlik baie eenvoudig: - die brood, wat Christus geword het, kom in jou lyf in as jy dit eet, en so kom Christus in jou in en werk Hy in jou. Die nagmaal werk dus eintlik outomaties: jy moet maar net die broodjie inkry, dan s jy reg! Is dit so? Is dit hoe ons die woorde van Christus by die instelling van die nagmaal moet verstaan? 1 Mat 26:26 2 Mat 26: Praat maar net oor die brood, want in die RKK word die nagmaalwyn nie aan die gewone lidmate bedien nie.

4 4 Is dit hoe die Here in die nagmaal werk? Dsis die vraag wat hierdie siening van die RKK aan ons stel. Wat is die Bybelse antwoord op hierdie vraag? 2. DIE ANTWOORD WAT DIE BYBEL GEE Ons tekswoorde van vanaand: Die rots was Christus, help ons om die woorde van Christus: Dit is my liggaam te verstaan. Toe die volk Israel daar in die woestyn was, nadat die Here hulle uit Egipteland uitgelei het en hulle deur die Rietsee laat trek het, het Hy hulle gelei met n wolkmassa, wat in die nag soos n vuurkolom gelyk het. Maar daar was n probleem: in n woestyn is daar nie kos en water vir duisende der duisende mense nie, en hierdie Israeliete sou vir seker van honger en dors doodgegaan het as die Here nie vir hulle gesorg het nie. En hoe wonderlik het Hy dit nie gedoen nie! Hy t vir hulle brood gegee, manna kos wat hulle liggame aan die lewe gehou het. En Hy t vir hulle water gegee. Toe daar nie waterputte of fonteine is nie, toe gee Hy vir hulle water uit n rots daar by die berg Horeb. 4 Kos en water vir hulle liggame Maar nou laat die Heilige Gees die apostel Paulus dit hier in 1 Kor 10:3-4 geestelike voedsel en geestelike drank noem en hy sê dit was n geestelike rots waaruit hulle gedrink het én (sê hy) hierdie rots was Christus! Beteken dit nou dat die brood nie regtig brood was nie en die water nie regtig water nie en die rots nie regtig n rots nie, maar dat die water wat die Israeliete daar in die woestyn gedrink het, letterlik uit Christus gekom het, wat maar net vir hulle soos n rots gelyk het? 4 Eksodus 17:6

5 5 Natuurlik nie! Die brood was brood en die water was water en die rots was n rêrige rots en het n rêrige rots gebly. Máár die Here het, behalwe die fisiese waarde wat hierdie dinge gehad het, ook n geestelike betekenis daaraan gegee. o Die manna (byvoorbeeld) was kos vir hulle liggame, ja, maar dit was ook vir hulle n teken van die Here se sorg. En omdat dit vir hulle gewys het dat die Here vir hulle sorg, het dit hulle geloof sterker gemaak, het dit hulle geestelik ook gevoed. Dis nie die manna wat hulle siele gevoed het nie die manna het hulle liggame gevoed! maar dit was die troue liefde en sorg van die Here, waarvan die manna maar net n teken was, wat hulle geestelik gevoed het. o En dieselfde geld van die water. o En dieselfde geld van die rots. Hierdie rots waaruit die water gestroom het, was vir hulle n bewys van hoe Christus, hulle Here en Redder, hulle lewe gee en hulle lewe in stand hou. Die gewone dinge, brood en water en n rots, het nie net vir hulle liggame waarde gehad nie, maar het ook, sonder om iets anders te word, vir hulle geestelike betekenis gehad. Deur hierdie gewone dinge het die Heilige Gees ook hulle harte aangespreek, dit tekens gemaak van God se liefde, bewyse dat hulle Here hulle nie in die steek sal laat nie. En in hiérdie sin was die manna ook geestelike voedsel en die water ook geestelike drank en die rots ook n geestelike rots. Die rots was Christus in die sin dat die rots die volk op Christus se liefde en sorg gewys het.

6 6 En só moet ons Christus se woorde by die instelling van die nagmaal ook verstaan. Dis gewone brood en wyn wat Hy daar gebruik en wat ons ook vandag by die nagmaal gebruik. Maar Hy gee daaraan n geestelike betekenis ook. Hy wil nie net daarmee vir ons liggame iets te ete en iets te drinke gee nie. Hy gee dit ook as tekens en bewyse van Sy troue liefde, wat gemaak het dat ons verlos is van sonde en dood en die ewige lewe gegee is. Dit wys ons op Christus. Elke keer as ons met n gelowige hart die brood en wyn sien en vat en eet en drink, dan werk Sy Heilige Gees ook in ons harte, dan herinner Hy ons aan Christus, wat aan die kruis vir ons gely het en aan alles wat dit vir ons beteken en verseker Hy ons elkeen dat Hy dit vir jou persoonlik ook gedoen het. n Mens verstaan dit dus verkeerd as jy dink dat die brood en wyn self iets aan jou siel doen. Die brood en die wyn is nie toormiddels, wat outomaties as dit in jou lyf inkom, ook iets aan jou siel gaan doen nie. Dis gewone brood en wyn, maar dit word ook deur die Heilige Gees as tekens en bewyse van Christus se verlossende liefde gebruik wanneer mense dit by nagmaalvierings met n ware geloof eet en drink. Hoe werk die Here dan in die nagmaal? - nie deur vergoddelikte brood en wyn nie; - maar deur die Heilige Gees, op n geestelike manier, wanneer Hy jou siel opbou met die simboliese betekenis van die brood en wyn. TEN SLOTTE Jy kry by ons, protestante, gereformeerdes, ook maar mense wat die brood en die wyn oorskat.

7 7 Al glo hulle nie presies soos wat die Roomse Kerk glo nie, heg hulle ook heeltemal n te groot waarde aan die brood en die wyn self. Hulle dink byvoorbeeld dat jy, al is jou hart nie eintlik gelowig nie en al is jou lewe eintlik baie sondig, maar net moet nagmaal gebruik en dan s jy weer reg! As jy daai broodjie en daai slukkie wyn in jou lyf ingekry het, is jou siel ook sommer weer reg! Maar dis nie so nie. Wie met n ongelowige hart en n onbekeerde lewe nagmaal gebruik, gaan nie deur die Here geseën word nie, maar gestraf word. 5 Sonder die werk van die Gees in die hart, beteken daardie stukkie brood en daardie slukkie wyn niks vir jou gees nie. Maar nou moet ons ook nie aan die ander kant gaan redeneer dat ek dan eintlik die nagmaal nie nodig het nie, omdat die brood en wyn opsigself tog niks beteken nie. Hierdie werk wat die Heilige Gees deur die nagmaal in ons harte doen, doen Hy wanneer ons nagmaal vier. Hy doen dit nie wanneer ons die nagmaal nalaat nie. En as die Here dit dan goedgevind het om ons siele op n geestelike manier te voed wanneer ons die fisiese tekens van brood en wyn gebruik, dan kan ons net tot groot skade van ons siele die gebruik van hierdie tekens nalaat. Verstaan u nou waarom ons kerke se nagmaalsformuliere dit so beklemtoon dat ons ons harte na die hemel toe sal laat opgaan as ons nagmaal vier? Soos die langer formulier dit stel: Om dan nou met die ware hemelse brood, Christus, gevoed te word, moet ons nie met ons harte aan die sigbare tekens van brood en wyn verkleef bly nie, maar ons harte opwaarts in die hemel verhef, waar Jesus Christus is AMEN 5 1 Kor 11:29