Jy kan eintlik waar in die Bybel ook al kyk na wat geskryf is oor hoe ons as Christene moet lewe, en jy kom by liefhê uit.

Transcriptie

1 2 PETRUS 1:7 Votum en seën Psalm 47 : 1, 4 Geloofsbelydenis: Twaalf Artikels Wet: Eksodus 20:1-17 (AV 1983/91) Psalm 23 : 1 Gebed Skriflesing: 2 Petrus 1:1-15 (AV 1983/91) Teks: 2 Petrus 1:7 (AV 1983/91) Psalm 133 : 1, 2 Preek: Begenadigdes spook hard om lief te hê Gebed Kollekte Skrifberyming 9-4 (21) : 5, 6 Seën Skrifberyming 13-3 (78)

2 2 Jy kan eintlik waar in die Bybel ook al kyk na wat geskryf is oor hoe ons as Christene moet lewe, en jy kom by liefhê uit. Veral in die Nuwe Testament kry jy hoeveel kere eksplisiet die woorde liefde en liefhê in al sy verskillende vorms. o As die Here Jesus ons byvoorbeeld leer hoe burgers van Sy koninkryk moet lewe, dan praat Hy van liefhê. 1 o As die Heilige Gees die apostel Paulus laat skrywe oor ons Christelike lewe, dan kry liefhê n prominente plek. 2 o As Johannes sy eerste sendbrief skryf, dan s die oproep dat ons moet liefhê soos n refrein deur sy hele brief. 3 o En hier kom Petrus nou ook en hy sê dat ons alles in die werk moet stel onder andere om lief te hê. Kom ons hoor dít spesifiek uit hierdie ryk sinne wat ons vanoggend gelees het: - begenadigde mense spook hard om lief te. Ons kyk eers na die begenadig wees, dan na die hard spook en dan na die liefhê. 1. ONS IS BEGENADIGDES 1 Mat 5:44; 22: Kor 13; Gal 5: Joh 2:9-11; 3:11, 14, 18, 23; 4:7, 11, 19, 21; 5:1-2

3 3 Sy Goddelike krag het ons alles geskenk wat ons nodig het om te lewe en Hom te dien. 4 Die Here het ons alles gegee wat ons nodig het om vir ewig te kan lewe en alles wat ons nodig het om Hom te kan dien soos Hy deur ons gedien wil word. Watter genade! Daar s geen manier waarop ons self dié dinge sou kon doen en sou kon bymekaarmaak wat ons nodig het om vir ewig by die Here te kan lewe nie. En enige iemand wat al probeer het om die Here regtig voluit te dien, sal weet dat ons eie geestelike kragte en vermoëns heeltemal te kortskiet daarvoor. As die Here Jesus nie in ons plek ons sondeskuld by God betaal het en ons só van die straf-op-sonde bevry het nie en as Hy nie in ons plek al God se opdragte aan die mens volmaak gehoorsaam het nie, sou ons nooit die ewige lewe kon hê nie. En as Hy nie na Sy opstanding uit die dood en Sy hemelvaart die Heilige Gees vir ons gegee het, wat ons nuwe harte en nuwe geestelike kragte en vermoëns gee waarmee ons God wil en kan dien nie, sou daar nooit iets van ware Gods-diens by ons kon wees nie. Maar dit alles is vir ons gegee, al verdien ons dit glad nie, al is ons dit op geen manier werd nie. 4 2 Pet 1:3

4 4 Toe ons tot geloof gekom het, het ons gesien dat dit alles in ons hande gesit is: al hierdie groot en kosbare geskenke wat God vir mense wat na Hom toe kom wanneer Hy hulle roep, belowe het. En dit maak ons begenadigdes, mense wat alles verniet gekry het. Maar dis nie waar God se pad vir ons en Sy werk met ons eindig waar Hy geskenke in ons hande sit nie. Dis eintlik die begin van n lang pad wat Hy met ons loop n pad waaraan ons self intensief deelneem. 2. BEGENADIGDES SPOOK HARD Hierdie hele gedeelte wat ons vanoggend gelees het, is een groot oproep om te groei 5 in jou geloof, om vooruit te gaan in jou geestelike lewe, om al hoe meer van die dinge van die Here binne in jou te hê en uit te lewe. Dis n opdrag wat hier vir ons gegee word. n Sterk gestelde opdrag: - julle moet alle ywer aanwend! 6 - julle moet alles in die stryd werp! 7 = jy moet jou bes doen; = jy moet hard spook, wat beteken dat jy jou kragte inspan om iets te bereik, 5 Let op terme soos verryk (vers 5), toeneem (vers 8), beter leer ken (vers 8). 6 Vers 5 AV 1933/53 7 Vers 5 AV 1983/91

5 5 dat jy hard werk daaraan, dat jy moeite doen daarmee, dat jy daarmee worstel tot jy bereik het wat jy moes. Hierdie is met ander woorde nie so n ligte takie wat jy sommer so maklik-maklik afhandel nie. Hiervoor is doelbewuste, ernstige inspanning nodig. Wat moet begenadigdes hard spook om te bereik? Ons moet hard spook om ons geloof te verryk, om by hierdie basiese band wat die Heilige Gees tussen ons en die Here tot stand gebring het, ook al die ander dinge by te voeg wat hierby hoort. Onthou u dat Jakobus geskryf het dat geloof sonder werke n dooie geloof is? 8 - Dis in die DNS van geloof ingebou dat dit n hele reeks Christelike eienskappe en aktiwiteite voortbring. - Jakobus vat al hierdie eienskappe en aktiwiteite saam met die term werke. Petrus noem hulle afsonderlik: dis deugsaamheid en kennis en selfbeheersing en volharding en godsvrug en liefde onder mekaar en liefde vir alle mense, En nou s dit ons opdrag om hard te spook dat hierdie byvoegings by ons geloof, hierdie uitvloeisels van ons geloof, in ons alledaagse bestaan inkom en al hoe meer en sterker word. Vat byvoorbeeld volharding. Hoe gaan jy jou geloof daarmee verryk? - dis ons werk om seker te gaan maak wat die Here in Sy Woord met hierdie term bedoel; 8 Jak 2:17

6 6 - en om dan ernstig en aanhoudend te bid dat die Heilige Gees ons die wil en die vermoë om te volhard, sal gee; - en om dit dan met toegewyde inspanning te gaan oefen en te gaan beoefen. En so moet dan met elkeen van hierdie lysie dinge wat hier genoem word, gedoen word. Begenadig wees maak jou nie iemand wat met jou geestelike hande gevou agteroor sit nie. Dit maak jou iemand wat hard spook om jou lewe op die vlak te bring waar God dit wil hê. Twee van die geloofswerke waarvoor ons hard moet spook is die liefde onder mekaar en die liefde vir alle mense. 3. OM LIEF TE HÊ Die eerste van die twee woorde oor die liefde wat hier gebruik word, verwys na dit wat ons ken as broederliefde. 9 In die Bybel is dit die woord wat na die liefde van gelowiges vir medegelowiges verwys. Omdat ons deur een Vader gekies is om Sy kinders te wees, en deur een Verlosser van al ons sondes en moeilikhede verlos is, en omdat een Gees in ons almal se harte woon, is daar n spesiale band tussen ons, is ons mekaar se broers en susters. 9 Vgl bv ook Joh 13:35; 1 Tes 4:9-10; 1 Pet 1:22; 1 Joh 5:1

7 7 En die uitlewing van hierdie band met mekaar deur vir mekaar om te gee, deur bly te wees saam met dié wat bly is en hartseer saam met dié wat hartseer is, deur mekaar se laste te help dra, deur mekaar te vermaan as dit nodig is en mekaar moed in te praat as dit nodig is, deur mekaar te help as een die dag kos of klere nodig het, dis die broederliefde waarvan hier gepraat word. Die Here sê in Sy Woord dat iemand wat sê dat hy God liefhet, maar ander gelowiges nie liefhet nie, n leuenaar is. 10 Maar ons moet hard spook daarvoor. Dit kom nie vanself nie. Dis iets wat die Here vir ons gee as resultaat van ons inspanning om dit te kweek. En is dit nie mooi (soos ons netnou ook uit Psalm 133 gesing het) waar hierdie broederliefde in n kerk gesien en beleef word nie...? Die tweede liefde waarvan hier gepraat word, het die vertalers verleë: - die AV 1933/53 gee dit weer met naasteliefde; - die AV 1983/91 en BDV gee dit weer met liefde vir alle mense. Maar eintlik staan daar net die woord liefde. Maar dis die woord vir liefde wat in die Nuwe Testament gebruik word vir daardie liefde wat God aan ons bewys het 11 en wat ons beveel word om as kinders van God nou ook aan ander mense te bewys Joh 4:20 11 Bv Joh 3:16 12 Bv Mat 22:37-39

8 8 Die groot kenmerk van hierdie liefde is dat hierdie liefde nie n rede vir liefhê by die een soek wat liefgehê word nie. Daar was niks by ons wat God aangepor het om ons met hierdie liefde lief te hê nie. Inteendeel, daar was net n klomp redes waarom ons nie Sy liefde werd was nie en waarom Hy ons eintlik nie behoort lief te gehad het nie. Maar hierdie liefde het nie n rede daarvoor nodig by die een wat liefgehê word nie. Hierdie liefde kom uit die binneste van die een wat liefhet. God het ons liefgehad met hierdie liefde wat uit Sy binneste uit kom. En nou moet ons ook so liefhê. Dis een van die dinge wat in jou hart sal kom en moet kom as jy regtig in die Here glo: - hierdie liefde wat jy, sonder dat die ander een jou rede daarvoor gee, aan die ander een bewys; - hierdie liefde wat maak dat jy die tydelike geluk en die ewige saligheid van hierdie ander mens bevorder, al is hierdie mens dit glad nie werd nie en al verdien hierdie ander mens eintlik om deur jou gehaat te word; 13 - hierdie liefde wat uit jou nuutgemaakte hart uit kom n hart wat verstaan dat die Here jóú so liefgehad het en dat dit jou n tot-in-ewigheid-geseënde mens gemaak het. En dis omdat hierdie liefde nie iets by die ander een nodig het om dit te wakker te maak nie die ander een hoef nie mooi of oulik of vriendelik of n eggenoot of n kind of n familielid of n volksgenoot of n geloofsbroer of suster te wees om deur my liefgehê te word nie 13 Vgl bv Mat 5:44

9 9 dis dáárom wat dit n liefde vir enige ander mens kan wees en daarom deur vertalers weergegee word met iets soos naasteliefde of liefde vir alle mense. 14 Ons moet hard spook om by ons broederliefde ook hierdie liefde te hê, Kan n mens werk aan hierdie liefhê? Is liefde nie n aangetrokkenheid tot die ander een wat daar is of wat nie daar is nie en waaraan jy niks kan doen nie? Nie hiérdie liefde waarvan ons nou praat nie. Hierdie liefde is juis n liefde wat daar is al is daar nie n natuurlike of spontane aangetrokkenheid tot die ander mens nie. Hierdie liefde bestaan in dit wat jy in jou hart vir hierdie ander mens begeer, en in dit wat jy in jou gedagtes oor hierdie ander mens dink, en in dit wat jy vir en oor hierdie een sê, en in hoe jy teenoor hierdie een optree. En dis alles dinge waarvoor ons van die Heilige Gees vermoëns gekry het om by jouself iets aan te doen: - wat keer jou om in jou hart selfs vir jou grootste vyand bekering tot God te begeer, om te wens dat hierdie mens n ware kind van die Here sal word met alles wat dit vir hom/haar inhou? - en ons hét die vermoë om sekere gedagtes oor mense in ons koppe te keer en te vervang met beter gedagtes dié soort wat die Here by Sy volgelinge wil hê; 14 Vgl ook 1 Tes 3:12

10 10 - en wie van ons kan nie as jy regtig wil ophou om sleg van ander mense te praat nie, en dink aan positiewe maniere om met ander mense te praat en opbouende onderwerpe om oor te gesels nie? - en wat ons optrede teenoor ander mense betref wat maak dit (byvoorbeeld) vir jou onmoontlik om jou hand uit te steek en wie ook al dit nodig het, te help? Vir al hierdie dinge het ons by die Heilige Gees die vermoëns gekry en die motivering in die hart. As ons hierdie liefdes nie regkry nie, is dit omdat ons nie hard spook daarvoor nie, omdat ons nie alles in die stryd werp om dit uit ons geloof te laat voortvloei nie. Verstaan julle klein outjies? Die Here sê as ons regtig Sý kinders is, dan moet ons hard probeer om almal hier vir mekaar lief te wees, én ons moet hard probeer om met al die mense wat ons elke dag sien, vriendelik te wees en vir hulle goed te wees. Dis soos die Hére is: - Hy s met óns vriendelik; - En Hy s vir óns goed...! TEN SLOTTE

11 11 Ons is verby die eerste kerklike ronde van hierdie jaar, dié van huisbesoek, voorbereiding, nagmaal. Maar dis nie nou tyd om geestelik te gaan agteroorsit tot die volgende huisbesoek van die ouderling en voorbereidingsdiens nie. As begenadigdes moet ons nou gaan werk, ons inspan, spesiale moeite gaan doen, hard gaan spook, om ons geloof, wat nou weer versterk is, te gaan laat blom met al hierdie mooi dinge wat die Heilige Gees Petrus hier laat noem, en veral met die liefde: - die liefde wat ons as geloofsbroers en -susters vir mekaar het - maar ook daardie liefde waarvan ons by ons Here geleer het daardie liefde wat liefhet waar dit glad nie verdien word nie en waar dit glad nie verwag word nie! Oor drie maande moet sulke begenadigdes soos wat ons is, meer daarvan hê as nou. Anders het ons nie vanoggend gehoor wat die Gees vir hierdie gemeente sê nie. AMEN