Christene moet ook met hulle gedrag vir die Here praat.

Transcriptie

1 SKRIFLESING: Titus 2 TEKS: TEMA: Titus 2:5b, 10b Christene moet ook met hulle gedrag vir die Here praat. Psalm 107 : 1, 2 Skrifberyming 54 (2-6) : 1 Psalm 107 : 15 Skrifberyming 78 (13-3)

2 2 Ons moet vir mense wat Hom nie ken nie, van die Here Jesus vertel. Dis een rede hoekom ons kinders van God gemaak is en hoekom Hy ons ook soos vanoggend aan die nagmaalstafel verseker het dat ons gered is: - om in hierdie wêreld oor Hom te praat; - om met ons monde die boodskap van die Bybel te versprei. 1 Maar daar s meer maniere van praat as net met die mond. n Mens kan ook met jou lewe, jou optrede, jou gedrag praat. En hierdie manier van praat het partykeer n groter effek op ander mense as die praatmet-die-mond. Die Here wil hê dat ons met ons lewens só sal praat dat dit mense na Hom toe sal aantrek en nie van Hom sal wegstoot nie. Dis dan ook wat vanaand se Woordverkondiging wil uitlig: - dat Christene ook met hulle gedrag vir die Here moet praat. Kom ons kyk: 1. watter soort gedrag hier vir ons voorgeskryf word; 2. wat met gedrag bereik kan word; 3. wie se gedrag vir die Here moet praat. 1. WATTER SOORT GEDRAG VOORGESKRYF WORD Titus was een van die apostel Paulus se getroue helpers, n jong predikant (herder-en-leraar), wat Paulus op die eiland Kreta agtergelaat het om die kerk daar in orde te bring en te help opbou. In hierdie brief aan Titus gee hy hom allerhande raad en opdragte. Onder andere skryf hy vir hom hoe die alledaagse Christelike lewe lyk wat Titus hierdie mense moet leer lewe. Dis waaroor hoofstuk 2:1-10 gaan: - oor hoe n mens se lewe lyk as Jesus Christus jou van die sondelewe bevry het; - oor watter Christelike deugde ons behoort te beoefen; - oor hoe die vrug van die Gees in die praktyk van die lewe lyk. 1 Vgl 1 Pet 2:9

3 3 Dit blyk byvoorbeeld uit wat die apostel hier skryf - dat daar sekere dinge is wat kenmerkend is van die gedrag van ware Christene, dinge soos nugterheid, selfbeheersing, goedheid, liefde, n gesonde geloof; - en dat daar sekere take is wat deel van die Christelike lewe is, soos dat ouer, wyser, meer ervare gelowiges die taak het om jonger en mindere ervare gelowiges die regte dinge te leer; - en dat n gesonde huweliks- en gesinslewe deel van die Christelike lewenspatroon is; - en dat jy by Christene nie dinge soos kwaadpratery of drankprobleme of diefstal verwag nie; - en dat jy by Christene in ál hulle verhoudings selfs in dié van n Christen-slaaf teenoor sy baas n positiewe gesindheid behoort te kry. Eintlik is dit nie nuwe dinge wat die apostel hier skryf nie. Dit wat hier staan, is maar dieselfde as wat óral in die Bybel aan ons voorgehou word as tipiese Christen-gedrag. 2 En hierdie soort gedrag en optrede word dan hier deur die Heilige Gees deur die apostel Paulus aan alle Christene opgedra: - só behoort ons gedrag en optrede te wees. 2. WAT GEDRAG KAN BEREIK Hoekom is ons gedrag so belangrik? Hoekom wil die Here hê dat ons gedrag só moet wees soos wat hier beveel word: so goed en vroom en ordentlik? Die apostel gee twee redes in hierdie gedeelte: - vers 5: sodat die woord van God nie belaster word nie. - vers 10: sodat die leer van God, ons Verlosser, in alles versier kan word. Die woord van God en die leer van God, ons Verlosser, verwys na die evangelie, na hierdie goeie nuus wat ons in die wêreld kan en moet vertel dat daar by Jesus Christus vergewing van sondes en n nuwe lewe is. 2 Vgl bv Efes 4-6; Jakobus; 1 Petrus 2:11 3:12

4 4 Christene moet só lewe dat hierdie boodskap nie belaster word nie. U sien, as ons vir mense met die mond gaan vertel dat Jesus Christus n mens uit jou ou lewe uitruk en jou n nuwe mens maak, maar daar s niks in jou gedrag wat wys dat jý n nuwe mens geword het nie, dan gaan mense hierdie boodskap mos nie glo nie; dan gaan hulle dit belaster; dan gaan hulle byvoorbeeld daarvan sê: Ag, dis sommer net n klomp leë praatjies! Maar as ons vir mense met die mond gaan vertel hoe die liefde van die Here van ons nuwe mense gemaak het, en hulle sien dan ook by ons hoe ons verkeerde dinge los en n ordentlike lewenspatroon kry en hulle sien hoe daar by ons n nuwe gesindheid teenoor ander mense kom en hoe ons anders en mooi teenoor ander mense begin optree, dan gaan hulle mos beïndruk wees met hierdie boodskap wat ons vir hulle vertel het! Selfs al sou hulle aanvanklik, as ons nog net met die mond vertel, skepties gewees het, sal n ware Christelike lewe hulle weer ernstig laat dink oor wat ons met ons monde vir hulle gesê het. Slegte gedrag van God se kinders lei daartoe dat ander mense nie net hierdie Christene wat so sleg optree, slegsê nie, maar dat hulle ook die woord van God belaster: slegsê en afskryf. Terwyl n egte en mooi Christelike lewe soos versierings is, wat die boodskap oor Jesus Christus net nog mooier en aantrekliker vir ander mense maak. Wat kan gedrag bereik? Christene se gedrag in hulle alledaagse lewe kan hulle getuienis in hierdie wêreld óf kragtig aanhelp óf kelder 3. WIE SE GEDRAG MOET PRAAT Christene s n. Christene is natuurlik mense wat regtig glo dat Jesus Christus hulle Verlosser en Here is,

5 5 mense wat dit vasgryp dat Jesus Homself ook vir húlle as n offer gegee het, om hulle van alle ongeregtigheid vry te maak en hulle van al hulle sondes te reinig, sodat hulle deel van God se volk kan wees. 3 Dis ons, Christene, wat met ons gedrag moet praat. Dis mos ons wat met die mond die boodskap van Jesus-wat-verlos, in die wêreld rondvertel. Dan s dit mos na óns gedrag waarna mense gaan kyk: of ons uitleef wat ons met die mond praat! Dis ons, Christene, se gedrag wat moet praat. Álle Christene s n dis wat hierdie gedeelte beklemtoon. As daar net hier en daar n Christen is wat regtig Christelik lewe, dan gaan mense sê: - dis daardie méns wat so is; - en dis maar net toevallig dat daardie mens n Christen ook is. Maar as álle Christene se lewens gaan wys dat hulle klaar is met die lelike en verkeerde dinge en dat hulle regtig veranderde mense geword het, dan gaan ander mense met nuwe belangstelling na die Christelike boodskap luister. Dis baie duidelik dat hierdie hoofstuk alle Christene wil insluit. Hier word gepraat oor Christene - van alle ouderdomme: oueres en jongeres; - van albei geslagte: mans en vroue; - en van alle sosiale stande, want selfs die slawe word hier genoem. En dat al hierdie kategorieë van Christene se gedrag n rol speel in hoe ander mense oor die woord van God oordeel, blyk uit die feit dat ons twee tekssinne (dat só gelewe moet word dat die woord van God nie belaster word nie; en dat só gelewe moet word dat die leer van God, ons Verlosser, versier word) hier staan net nadat van jong huisvroue en van slawe gepraat is. En dis mense, so voel dit vir ons, wat nie n groot invloed in hierdie wêreld uitoefen nie. Daar s nie baie mense wat sien hoe n spesifieke jong huisvrou of n spesifieke slaaf optree nie. 3 Tit 2:14

6 6 Maar die Here sê dat selfs húlle gedrag n rol kan speel om ander mense van die Christelike leer af te stoot of daarnatoe aan te trek. As n Christelike slaaf betroubaar is en sy baas met n positiewe gesindheid dien so goed soos wat hy kan, dan gaan dit aandag trek, want die normale is eintlik dat slawe hulle base haat en hulle net uit vrees vir straf dien en dan ook niks meer doen as die minimum wat nodig is om die baas tevrede te hou nie! En net so: as n Christelike huisvrou haar huishouding goed bestuur en haar man en kinders opreg liefhet en onberispelik eerbaar is in alles, dan gaan daar n gees en gesindheid in daardie huis kom wat ander mense se oog gaan vang en hulle baie gou gaan laat vra na die geheim van daardie huis! 4 Ons álmal, selfs dié wat deur die samelewing die minste geag word, se gedrag kan vir Jesus praat en móét vir Hom praat! SLOTTOEPASSING Of ons daarvan hou of nie, die wêreld daarbuite hou ons as Christene se gedrag met valkoë dop. En hoe meer ons met hulle oor die Here gaan praat, hoe skerper gaan hulle ons gedrag dophou, want hulle sóék n stok om ons mee te slaan en hulle soek n verskoning om hulle nie te steur aan die oproep van die Here wat deur ons by hulle uitkom nie. Ons moet hulle nie daardie stok en daardie verskoning gee met lewens wat iets anders praat as die boodskap wat ons aan hulle vertel nie. o Hoe gaan hulle ons ooit glo as ons hulle vertel hoe goed die Here vir Sy kinders is, maar ons kla gedurig oor hoe sleg dit met ons gaan? o Hoe gaan hulle ons ooit glo as ons vertel dat die Here die groot Heelmaker is, maar hulle sien óns lewens vol stukkende verhoudings? o Hoe gaan hulle ons ooit glo as ons vir hulle vertel dat die Here die wêreld regeer, 4 Vgl ook 1 Tim 5:12

7 7 maar hulle sien hoe bang ons word as die politici n bietjie geraas maak? o Hoe gaan jou ongelowige buurman jou ooit glo as jy hom van die wonderlike Here wat jy dien, vertel, maar dan sien hierdie buurman hoe jy op Sondae, wanneer hierdie wonderlike Here van jou deur Sy kinders gedien word, daar by jou huis rondlê, of oppak vir n piekniek, of hy loop jou by die winkel of op die gholfbaan raak? o Hoe gaan hulle ons glo as ons vir hulle vertel van die vrede wat God gee, maar ons eie harte en lewens is een stuk onvrede? Maar as hulle in ons verhoudings die liefde sien blom, en as hulle sien dat ons blymoedig is al kry ons swaar, en as ons eerlikheid in besigheid en ons getrouheid by die werk hulle oog vang en ons gelukkige huweliks- en gesinslewe hulle jaloers maak en hulle regtig kan sien dat die Here vir ons alles is, dan sal hulle twee keer dink voor hulle ons boodskap uitlag; dan sal hulle sal selfs daartoe aangetrek word, want geloof en liefde en hoop en eerbaarheid en verstandigheid en ordentlikheid in die praktyk van die alledaagse lewe, ís iets aantrekliks is iets soos n stukkie hemel hier op aarde Die Here wil hê dat ons monde hierdie wêreld van Hom sal vertel. Maar die Here wil ook hê dat ons léwens n klankversterker moet wees vir dit wat ons monde van Hom vertel AMEN