1 TESSALONISENSE 5:25

Transcriptie

1 1 TESSALONISENSE 5:25 Votum Seën Psalm 9 : 1, 8 Geloofsbelydenis: Twaalf Artikels Wet: Eksodus 20 : 1-17 (AV 1983/91) Psalm 1 : 4 Gebed Skriflesing: 1 Tessalonisense 5:12-28 (AV 1983/91) Teks: 1 Tessalonisense 5:25 (AV 1983/91) Psalm 72 : 1 Preek: Bid vir julle voorgangers Gebed Kollekte Psalm 20 : 1, 2 Seën Skrifberyming 13-3 (78) Ook: Ps 61 : 6 1

2 Daar gaan DV eerskomende naweek n volgende predikant vir hierdie gemeente bevestig word. U gaan hom dit weet ek uit eie ervaring met liefde ontvang en versorg al die tyd wat hy hier gaan werk. Maar sal u onthou om ook vir hom te bid en te bly bid? Want (so blyk dit uit ons teksvers) dis die Here se wil dat gemeentes vir hulle voorgangers sal bid. Kom ons luister vanoggend na hierdie stukkie van die Here se wil. Ons gaan aandag gee aan drie sake: 1. dis die Hére se wil dat daar vir voorgangers gebid moet word; 2. wie die voorgangers is oor wie dit hier gaan; 3. wat daar vir hulle gebid moet word. 1. DIS DIE HERE SE WIL So op die oog af lyk hierdie amper na n terloopse versoek van die apostel aan die gemeente daar in Tessalonika: - dis net een kort sinnetjie; - dit staan hier aan die einde van die brief tussen n klomp ander sake ingedruk. Maar dis nie n terloopse versoek nie, al staan dit hier aan die einde van die brief. 2

3 Dis een van n hele paar kort en kragtige aansporings en vermanings wat die apostel nodig ag om hier aan die einde van sy brief gee. Al het hy nie meer tyd nie, of dalk nie meer plek op die perkament waarop hierdie brief geskryf is, om daarop uit te brei nie, is die sake in hierdie laaste deel van die brief so belangrik dat hy nie kan nalaat om dit te sê nie, al is dit dan net kort en kernagtig: - Erken die mense wat so hard onder julle werk... - Wees altyd bly. - Bid gedurig. - Wees in alle omstandighede dankbaar... - Moenie die werking van die Heilige Gees teenstaan nie. - En:... bid ook vir ons. Ons weet ook dat hierdie oproep (... bid ook vir ons) nie n terloopse versoek is nie uit die feit dat Paulus vir amper al die gemeentes vir wie hy briewe geskryf het, gevra het dat hulle vir hom voorbidding moet doen. 1 Dis nie sommer n versoek op die ingewing van die oomblik nie. Dis n weldeurdagte versoek. Eintlik méér as versoek, want dit word as n opdrag gegee. Dit staan in die bevel-vorm: julle móét ook vir ons bid. En dis nie maar net die mens, Paulus, se wens dat gemeentes vir hom sal bid nie. Hy s mos n wettig aangestelde apostel van Jesus Christus. En die Here het mos deur Sy apostels Sy wil aan Sy kerk bekend gemaak. 1 Sien Rom 15:30; 2 Kor 1:11; Efes 6:19; Flp 1:19; Kol 4:3; 2 Tes 3:1. Sien ook Hebr 13:

4 Hierdie is dus n opdrag wat die Heilige Gees deur die Here se aangestelde instrument vir die kerk van die Here gee. Dis die wil van die Here self dat gemeentes vir hulle voorgangers moet bid. Gedurig vir hulle moet bid (dis wat die vorm van die Griekse werkwoord hier sê). Aanhoudend vir hulle moet bid. Sonder ophou vir hulle moet bid. U moet dus nie net vandag of hierdie week, omdat u nou weer n preek daaroor gehoor het, vir u voorgangers bid nie, maar u moet dit op u Bid gereeld vir lysie sit. Dis die Here se wil dat gemeentes vir hulle voorgangers sal bid. 2. WIE DIE VOORGANGERS IS Wie s die ons van wie die apostel praat as hy sê:... bid ook vir ons? Die antwoord is in die eerste vers van hierdie brief, waar ons lees: Van Paulus, Silvanus en Timoteus. 2 Paulus skryf hierdie brief namens homself, Silvanus (= Silas) en Timoteus. Sy ons is hulle drie. En wie was hulle drie? 2 1Tes 1:1 4

5 Paulus was n apostel, iemand wat deur die Here Jesus uitgestuur is om die blye boodskap van die redding wat Hy met Sy kruisdood en opstanding uit die dood uit bewerk het, te gaan verkondig. Silas en Timoteus was medewerkers van die apostel, 3 wat op party van sy reise saam met Paulus gegaan het. Silas was wat n mens n Nuwe Testamentiese profeet kon noem, 4 en Timoteus was n evangelis. 5 Hulle altwee was dus ook mense wat op een of ander manier verkondigers en uitdraers van die Woord van die Here was. Vir súlke mense (sê ons teksvers) moet die gemeente bid: Woordverkondigers. In Gereformeerde Kerke se terme: - sendelinge en professore aan die Teologiese Skole en predikante; - álmal wat in diens staan van die verkondiging van die evangelie. Natuurlik is dit so dat in die Nuwe Testamentiese bedeling, waarin ons nou ook leef, élke lidmaat in diens staan van die verkondiging van die evangelie. Élke Christen is mos n profeet wat, waar jy ook al gaan, die Naam van die Here moet bely! 6 3 Hand 15:27, 32; 16:1-4 4 Hand 15: Tim 4:5 6 HK 12:32 5

6 Maar hier gaan dit spesifiek oor dié mense wat geroep is om voltydse verkondigers en uitdraers en leraars van die evangelie te wees. Vir húlle moet u bid. Natuurlik nie net vir hulle nie. Hiers staan n ook in ons teksvers:... bid ook vir ons. n Gemeente het baie mense vir wie ons in opdrag van die Here moet bid: - ons moet almal vir mekaar bid; 7 - ons moet vir die siekes en ander in ons geledere wat swaar kry, bid; 8 - ons moet vir die ouderlinge en diakens bid; 9 - ons moet vir owerhede en ander invloedryke mense bid; 10 - ons moet selfs vir ons vyande bid! 11 Maar by al hierdie mense moet u tog dié wat die Woord verkondig, nie vergeet nie. Bid ook vir hulle. Moenie dink dat hulle, omdat hulle self voorbidders is, u voorbidding nie nodig het nie. Daar is dalk tye wat hulle van almal u voorbidding die nodigste het. Dis die Here se wil dat Sy gemeente ook spesiaal vir dié wat die Woord aan hulle verkondig, moet bid. 7 Efes 6:18 8 Jak 5:16; vgl ook 1 Kor 12:26; Hebr 13:3 9 1 Tim 5:12-13; vgl Formulier vir Bevestiging van Ouderlinge en Diakens 10 1 Tim 2:2 11 Mat 5:44; Luk 6:28 6

7 3. WAT VIR HULLE GEBID MOET WORD In hierdie vers word net gesê: bid vir ons. Maar as n mens na die ander oproepe van die apostel tot voorbidding vir hom kyk, dan blyk dit dat hy veral vir twee sake voorbidding vra, naamlik - vir die veiligheid van die Woordbedienaar - en vir suksesvolle Woordverkondiging. Die gemeentes moes in die eerste plek bid dat die apostel en sy medewerkers se lewens gespaar sou bly, sodat hulle kon voortgaan om die evangelie te verkondig. U moet onthou dat mense wat destyds die Here Jesus verkondig het, glad nie gewild was in die wêreld nie. Paulus kon uit eie ervaring daarvan getuig: - hy was n hele paar keer in die tronk; - hy was kort-kort in lewensgevaar; - hy s hoeveel kere gruwelik geslaan; - hy s een keer selfs gestenig en vir dood agtergelaat. 12 En nou vra hy in sy briewe: - bid tog dat ons lewens gespaar sal bly, sodat ons kan aangaan om Jesus Christus te preek! Kor 11: Rom 15:30-31; 2 Tes 3:1-2; Flp 1:

8 Nou is Woordverkondigers in ons land en in ons tyd darem nie in lewensgevaar wanneer hulle Jesus Christus preek nie, maar daar is allerhande geestelike gevare in ons tyd wat veral ook Woordbedienaars bedreig. U weet hoeveel kere ons in ons tyd hoor en lees van leraars in verskillende kerke wat in allerhande strikke van die duiwel trap en in die proses die Naam van die Here oneer aandoen en die belange van die kerk groot skade berokken en die bediening moet los. Daarom moet daar gebid word vir die liggaamlike en geestelike veiligheid van bedienaars van die Woord. En dan moet daar in die tweede plek ook gebid word vir suksesvolle Woordverkondiging. Paulus vra in sy briewe byvoorbeeld dat daar gebid moet word dat God hom die woorde sal gee wat hy met vrymoedigheid kan preek, 14 en dat daar deure vir die Woord oopgemaak sal word, 15 en dat die Woord vinnig sal versprei en oral in ere gehou sal word. 16 Bid vir suksesvolle Woordverkondiging. Dit gaan dus in die gemeentes se gebede vir hulle voorgangers nie om die persoon of om die persoonlike geluk en voorspoed van die bedienaar nie, 14 Efes 6:19 15 Kol 4: Tes 3:1 8

9 maar dit gaan om die Woord van God, om die evangelie, om die blye boodskap dat Jesus Christus in die wêreld ingekom het om sondaars te red en dat elkeen wat in Hom glo, nie verlore sal gaan nie, maar die ewige lewe sal hê... Ter wille van die suksesvolle verkondiging van hiérdie wonderlike nuus, roep die Here Sy gemeentes op om vir die Woordbedienaars te bid. As u nie hiervoor bid nie, moet u nie wonder waarom die evangelie partykeer so sukkel om ingang in mense se harte te kry nie, en u moet nie wonder waarom baie preke dan so sonder fut en krag is nie. Waar nie gevra word nie, gaan die Here nie gee nie. Bid vir u voorgangers, nie omdat hulle sulke spesiale mense is nie want hulle ís nie! maar sodat die Here se Woord sy loop kan hê. Bid dat die Here hulle staande sal hou, dat die Heilige Gees hulle krag en vrymoedigheid in Woordverkondiging sal gee, en dat baie harte vir die Woord wat hulle verkondig, oopgemaak sal word, sodat mense léwe kan hê die ware, ewige lewe. Broers en susters, bid ook vir ons só laat die Heilige Gees die Here se apostel skryf. TEN SLOTTE 9

10 Hierdie gemeente gaan DV komende naweek weer n predikant in hierdie gemeente bevestig. U gaan hom en sy gesin met liefde ontvang en versorg. U gaan hom waardeer én soms ook kritiseer. U gaan met hom saamwerk, hom ondersteun, hom partykeer dalk ook reghelp. U gaan baie na hom luister, partykeer saampraat, soms oor dit of dat van hom verskil. Maar deur dit alles moet u tog nooit vergeet om vir hom te bly bid nie, en natuurlik ook vir sy vrou, wat deur haar verbondenheid met hom, saam dra aan die koninkryksjuk wat die Here hom opgelê het. Bid dat die Here hom liggaamlik en geestelik veilig sal hou - liggaamlik teen siektes en misdade en ongelukke; - geestelik teen al die versoekings wat eie aan alle mense is, maar veral ook teen die versoekings wat spesiaal vir Woordbedienaars loer. Bid dat die Here hom met krag en met vrymoedigheid die evangelie van Jesus duidelik en treffend sal laat verkondig. Bid dat die Here die deure van hierdie gemeente se huise en die harte van hierdie gemeente se lidmate sal oopmaak vir die Woord wat hy aan u gaan bring. 10

11 Dis hoe die Here dit wil hê. Daar word vertel dat Spurgeon een van die grootste predikers wat die Here in al die eeue vir Sy kerk gegee het op die vraag Wat is die geheim van jou treffende prediking? geantwoord het: My mense bid vir my. Spurgeon se preek-krag was die Here se verhoring van die gebede van die gemeente waar hy gedien het. Iemand anders het gesê: as jy n beter prediker wil hê, bid vir die een wat jy het. Hoe waar is dit nie, want die Here kan enige prediker beter maak. Hý kan n gewone mens iemand maak wat Hy gebruik om geestelike honger en soekende en bedrukte en selfs harde harte met die treffende prediking van Sý Woord vol van Sy vrede te maak... AMEN 11