Maar hoe gaan julle dit regkry? Los ons julle nou alleen? Hy maak dit baie duidelik wie sy dissipels is, en wie nie.

Transcriptie

1 1 Johannes 14b WH Belydenisaflegging en Nagmaal Kinders, doen julle wat mamma en pappa vra? Altyd? Partykeer eers later nè? Hoekom sal jy iets doen as jou ouers vra? Doen jy wat die Here vra? Wat is jou rede? Doen jy alles wat Hy vra, of is daar sekeres wat jy bloot net nie doen nie? Vanoggend het twee jongmense hulle geloof hier in die openbaar bely wat beteken, Jessica en Karene, dat julle nou verantwoordelikheid vir jul eie geestelike lewens neem. Maar hoe gaan julle dit regkry? Los ons julle nou alleen? Kom ons luister uit Johannes 14:15-31 hoe julle juis nooit alleen hoef te voel, terwyl julle begeerte is om juis te doen wat die Here van julle vra nie. Jesus is aan die woord. Hy maak dit baie duidelik wie sy dissipels is, en wie nie. Mense wat regtig Jesus se volgelinge is, het Hom lief. Die geloofsverhouding waarvan Jesus hier praat is baie meer as `n godsdienstige verhouding waar jy `n klompie mooi dinge doen om jou slegte dinge weg te steek. Iemand wat doen wat die Here sê, doen dit nie sodat Hy hulle sal liefhê nie, maar juis omdat hulle Hom liefhet. En duidelik is hierdie liefde tweeledig: liefde vir God kan net kom omdat Hy eerste liefhet. Ons sal uit die teks verder hoor hoe dit werk.

2 2 As julle my liefhet, sal julle my opdragte uitvoer. Jesus stel `n feit, en nie `n versoek nie. Die rede daarvoor is juis omdat Hy nie verwag dat sy kinders dit alleen moet doen nie, maar omdat Hy op verskeie maniere deel is van hierdie liefde. Volgens vers 16 en 17 help Hy sy volgelinge deur naby hulle te wees. Hierdie naby hulp is niemand anders as die Heilige Gees self nie. Direk vertaal staan hier iets soos: die Vader sal julle nog een van dieselfde soort Helpers laat ervaar. Die troos is dat elkeen wat die Here werklik liefhet, Hom ken en die belofte het dat Hy nie net by jou sal wees nie, maar ook in jou! 1 Korintiërs 2:14 15 Die mens wat die Gees van God het, kan die waarde van alle dinge beoordeel. In vers 18 word die belofte van die Heilige Gees se liefdevolle teenwoordigheid bevestig: Ek sal julle nie as weeskinders agterlaat nie. Dit word nog verder versterk met `n belofte oor die toekoms: Ek kom weer na julle toe. Nog `n manier hoe die Here seker maak dat ons weet ons is nie alleen in ons strewe om Hom lief te hê en sy opdragte uit te voer nie, is die feit dat ons Hom kan sien, terwyl die wêreld nie kan nie. Nou dink jy, maar ons kan nie vir Jesus sien nie, en Hy het boonop mos opgevaar na die hemel. Dit is waar, maar luister mooi wat Hy hier in vers 19 sê: julle sien My, omdat Ek lewe en julle sal lewe. Ons sien Hom in die geloof wat ons saam met mekaar het.

3 3 Om vanoggend saam te wees, help ons om die lewe van Jesus te sien. Ek sien Hom in jou geloof! Jy versterk my omdat jy vir die lewe aan Hom vashou! Net so sien ons Hom in die betekenis van brood en wyn. `n Vierde versekering is dat ons kan weet dat ons deel het aan die liefde van die Drieeenheid. Dink mooi oor hierdie wonderlike hoop en troos vir jou en my in vers 20: julle sal weet dat ek in my Vader is en julle in My en Ek in julle. Ons is deel van `n ewige liefdesverhouding. En net om seker te wees waarom die Here so naby ons is, herhaal Hy dit weer in vers 21: Wie my opdragte het en dit uitvoer dis is hy wat My liefhet. Hoe weet ons of iemand die Here liefhet? In wie sal ons die liefde van Jesus kan sien en weet dat Hy lewe? Daardie mense wat ken en daarom doen. Ons kan mos nie van iemand verwag om Jesus se opdragte te doen as hy/sy dit nie het nie. Maar ons kan verwag om dit by elkeen te sien wat vir Jesus liefhet. Uit hierdie tweede bevestiging dat iemand wat Jesus liefhet ook sy opdragte sal uitvoer, kom daar nog `n belofte vir die pad vorentoe: Ek sal hom ook liefhê en My aan hom openbaar. Dit beteken dat, soos jy hierdie pad stap van in liefde leef soos die Here wil hê, jy al hoe meer van Hom sal verstaan. Hy doen dit self vir jou.

4 4 Terwyl Jesus hierdie liefde verduidelik, is iemand bekommerd oor die ander mense aan wie Jesus Hom nou nie bekend gaan maak nie. Wat dan van die ander? Dis dan amper asof Jesus net hier in sy Koningskap sê: moet jou nie bekommer nie. Dis in my hande: - wie My liefhet, sal luister, m.a.w. sal hoor as Ek my bekend maak. - wie My nie liefhet nie, gaan nie luister nie. Dis nogal interessant om op te merk dat dit `n ander Judas is wat hierdie vraag vra, terwyl Judas Iskariot, die een wat Jesus verraai het, juis op pad is om net dit te gaan doen. Die rede? Hy het Jesus nie lief nie, en daarom ook nie die Vader nie. Maar terug by die hulp wat dié kan verwag wat regtig vir Jesus liefhet: Mense wat Jesus in liefde volg en doen wat Hy sê, hou nooit op groei nie. Hulle word self, volgens vers 26, deur die Heilige Gees geleer EN herinner aan alles wat Jesus gesê het. Hoor mooi, die Heilige Gees leer nie nuwe dinge nie, want Hy is `n helper van dieselfde soort as wat Jesus is. Daarom wys Hy altyd weer terug na die woorde wat God lank reeds vir ons gegee het, en wat Hy in Jesus se koms bevestig het. In vers 27 maak Jesus hierdie werk van die Heilige Gees baie prakties. `n Uitwerking van dit wat die Heilige Gees ons leer en herinner, is dat ons sy vrede ervaar. Dis nie `n vrede omdat daar nooit slegte goed gebeur nie, maar dit is `n vrede wat sorg dat ons in alle omstandighede nie ontsteld of bang hoef te wees nie. Vers 28 help om dit te verstaan, want Jesus gaan juis weg, omdat sy tipe vrede nie van hier is nie, maar kom uit dit wat groter, beter en ewig is, soos sy Vader.

5 5 Ons kan sy vrede in alle omstandighede beleef, juis omdat Jesus uit liefde vir die Vader en vir ons, alles gedoen het wat die Vader beveel het. Selfs om gemartel te word, en onskuldig te sterf, om juis daardeur te wys dat die owerste van hierdie wêreld, die duiwel, geen mag oor Hom het nie. Elkeen wat in liefde saam met Jesus stap deur sy opdragte uit te voer, het die wonderlike voordeel om dit vooruit te weet. Ons opdrag? Vers 30 die wêreld moet weet dat Ek die Vader liefhet en daarom doen wat die Vader My beveel het. Ek en jy moet so uit die hulp en nabyheid van die Heilige Gees leef, dat die mense om ons sal weet, ons het Jesus lief omdat Hy sy Vader se opdrag uitgevoer het. Ons vier juis hierdie wonder saam met Karene en Jessica wat vandag hier voor ons en die wêreld bely het dat hulle vanuit hierdie liefde en vrede vir die wêreld sal vertel van die Vader se reddingsplan. Dat Hy sy Seun, vir wie Hy lief is, aan die kruis laat sterf het, sodat ons deel kan word van hul liefde. Ons vier dit ook saam met hulle en mekaar in die Nagmaal. Mag ons elkeen weer die liefde ervaar as die Heilige Gees ons tasbaar leer oor wat Jesus vir ons kom doen het soos ons die brood eet en die wyn drink. Voer jy die opdragte van die Here uit? Het jy Hom met alles in jou lief? Leef dan voluit in die vaste wete: jou Helper is naby jou en in jou. Luister soos Hy jou leer en herinner en leef in sy vrede!