PSALM 90:2 NGB 1. Votum en seën. Psalm 90 : 1. Gebed. Skriflesing: Psalm 90 (AV 1933/53) Belydenis: NGB 1. Teks: Psalm 90:2 (AV 1933/53)

Transcriptie

1 PSALM 90:2 NGB 1 Votum en seën Psalm 90 : 1 Gebed Skriflesing: Psalm 90 (AV 1933/53) Belydenis: NGB 1 Teks: Psalm 90:2 (AV 1933/53) Psalm 102 : 5, 11 Preek: God bestaan [nog] [altyd] Gebed Kollekte Skrifberyming 72 (12-3) ; 1, 2 Seën Skrifberyming 78 (13-3)

2 2 Dit verbaas n mens hoeveel mense, gelowiges selfs, met hierdie vraag sit: - waar kom God vandaan? - as Hy dan alles gemaak het, wie het Hóm gemaak? - van wanneer af is Hý daar? Party ateïste dink dat dit n vraag is waarmee jy die Christelike geloof kan platslaan. Die antwoord is natuurlik dat God nie iewers vandaan kom nie en dat niemand Hom gemaak het nie, omdat Hy nog net altyd daar is. God is ewig so bely die kerk hier in die eerste artikel van die Nederlandse Geloofsbelydenis (NGB) op grond van dit wat ons in die Bybel lees. Dis wat vanaand vir u gepreek word: God bestaan nog altyd. Maar eintlik is dit ook nie heeltemal reg gesê nie. Twee woorde in hierdie sinnetjie: God bestaan nog altyd hoort eintlik nie daar nie. Sal dit in die gang van die preek verduidelik. Kom ons kyk na die volgende: 1. dat die Nederlandse Geloofsbelydenis God as sy hooftema het; 2. dat die Woord leer dat God ewig is; 3. die konsekwensies hiervan vir bevraagtekenaars én gelowiges. 1. NGB HET GOD AS TEMA Die belydenisskrifte is geskrifte waarin die kerk die inhoud van die Bybel kort in eie woorde weergee. Die NGB bou sy weergawe van die Bybel se inhoud met God as die hooftema. Dit bely God se bestaan, dan God se openbaring, dan God se Woord, dan die inhoud van die Woord: eers oor God se Wese (drie-eenheid), dan oor Sy werke - Sy skeppingswerke - en Sy verlossingswerke.

3 3 n Ander belydenisskrif van gereformeerdes, wat baie van u goed ken, die Heidelbergse Kategismus, bely die Bybel se inhoud weer met verlossing as hooftema. Die HK is mos in drie dele ingedeel: - in deel 1 word die sonde en ellende waaruit ons verlos moet word, bely; - in deel 2 hoe ons daarvan verlos word; - en dan in deel 3 hoe ons uit dankbaarheid vir hierdie verlossing behoort te leef. 1 Nie een van hierdie twee metodes is verkeerd nie. Elkeen het sy eie bedoeling en eie sterkpunte en elkeen is op sy eie manier n treffende opsomming van die inhoud van die Bybel. In die eerste artikel van die NGB bely die kerk dan die bestááan van hierdie suiwergeestelike Wese, wat God genoem word. En ons bely dat Hy die wonderlikste kenmerke en eienskappe (as jy sulke terme van Hom kan gebruik) het. As n mens hierdie kenmerke en eienskappe wil opsom, kan n mens dit dalk doen met die twee woordjies groot en goed: - God is onpeilbaar groot in alle opsigte; - en Hy is oneindig goed. Een van die eienskappe wat Sy grootheid vertel die een waaraan ons vanaand spesiaal aandag gee is die feit dat Hy ewig is, iets wat onder andere in Psalm 90:2 vir ons beskryf word. 2. VOLGENS DIE WOORD IS GOD EWIG Psalm 90 is n eerlike beskrywing van hoe kort en hoe stukkend die aardse lewe is. En dit vertel ook reguit vir ons wat agter hierdie verganklikheid en gebrokenheid van alles lê: - die heilige toorn van God oor die sondes van mense en Sy straf daarop. Maar die Psalm is n gebed: die gelowige wat boontoe roep dat God ons tog sal jammer kry en ons lewens met Sy genadige liefde ook mooi en sinvol sal maak. 1 In Bybels-wetenskaplike terme: die NGB is teologies opgebou en die HK soteriologies.

4 4 Die Psalm begin by die ewigheid van God en vergelyk dit dan met die kortheid van die mens se lewe. Vers 1 sê al dat God vir al die geslagte van gelowiges n veilige wegkruipplek is. Mense van n sekere tyd kom en gaan, maar die Here is altyd daar. Vers 2 sê dit nog duideliker: - van wanneer af is God daar? - van voordat die berge gebore is en die aarde en die vastelande daarop ontstaan het! Vir die gewone mens se besef is die aarde en die berge baie oud, want so ver soos wat mense kan terugdink, was die aarde en die berge daar. Maar Gód (so laat die Heilige Gees vir Moses skryf) was vóór hulle al daar as God. Eintlik staan hierdie waarheid al in die eerste vers van die Bybel. As ons in Gen 1:1 lees: In die begin het God die hemel en die aarde geskep, dan beteken dit mos dat God daar was voordat die hemel en die aarde ontstaan het. Dis ook wat die Nuwe Testamentiese woorde, dat die Here die Alfa is, beteken. 2 Alfa is die eerste letter van die Griekse alfabet. Dat die Here die Alfa is, beteken dat alle ander letters alle ander dinge wat bestaan ná Hom kom. Hy was voor hulle daar Voor alles wat ons ken, was God al daar. Om die waarheid te sê (laat die Heilige Gees Moses hier skryf): - Hy is van ewigheid tot ewigheid God! - Van die ewigheid terug tot in die ewigheid vorentoe is Hy God. In die Ou Testamentiese tyd was die ewigheid vir mense dit wat anderkant die verste wat ons as mense kan sien en kan bereken en ons kan indink, lê. Iemand wat van ewigheid af bestaan het, was dus Iemand wie se bestaan teruggaan tot vóór daardie begin van alles, wat ons vir ons kan indink omdat God ons vertel het dat daar so n begin was en hoe alles tot stand gekom het. 2 Bv Openb 1:8

5 5 En Iemand wat tot in ewigheid vorentoe sal bestaan, is dus Iemand wie se bestaan anderkant die verste wat ek vorentoe kan sien en kan bereken en my kan indink, sal aanhou. En nou sê hierdie vers: - God is God, God is wie Hy is, van voor die skepping van die wêreld af al van ewigheid af al, en Hy sal dit wees tot in die oneindige vorentoe tot in ewigheid. - Hy is dus nog van altyd af God en sal vir altyd God bly. Om dit so te sê: - Hy was nog net altyd daar en Hy sal net eenvoudig altyd daar wees. - Daar was nooit n tyd wat God nie daar was nie en daar sal ook nooit n tyd kom waarop Hy nie meer daar gaan wees nie. 3 Hy is ewig. 3. DIE KONSEKWENSIES HIERVAN Die belydenis dat God ewig is, het allerhande konsekwensies, party wat maklik is om te verstaan en ander wat moeiliker is. Kom ons praat eers oor die moeilikeres Dat God ewig is, beteken byvoorbeeld dat die sinnetjie God bestaan nog altyd, eintlik twee woorde in het wat nie daar hoort nie. Die eerste een is die nog. Om in Afrikaans te sê dat Hy nog altyd bestaan, beteken dat Hy van die verlede af tot nou toe bestaan, maar dit sê niks van die toekoms nie. Dink aan die sinnetjie: ek het nog altyd in hierdie omgewing gebly. Dit beteken dat ek van lank terug af al tot vandag toe in hierdie omgewing gebly het, maar dit sê nie dat ek nog altyd vorentoe ook hier gaan bly nie. 3 Vgl ook Ps 93:2; 102:13, 28; Jes 57:15; Miga 5:1; Hab 1:12; Joh 8:58; Efes 1:4; Heb 13:8; Openb 1:4; 10:6

6 6 Terwyl ons belydenis dat God ewig is, nie net beteken dat Hy van die verre verlede af tot vandag toe bestaan het nie, maar ook dat Hy tot in die verste toekoms toe nog gaan bestaan. Om te sê God bestaan nog altyd, is dus net die helfte van die waarheid, want Hy gaan ook vorentoe nog altyd bestaan. Om dit nader aan die waarheid te sê moet ons dus die nog weglaat: - nie God bestaan nog altyd nie; - maar God bestaan altyd. Maar dan s daar nog n woord wat eintlik nie daar hoort nie: - die woord altyd; - die woord wat sê dat in alle tye wat daar in die verlede was en in die hede is en in die toekoms gaan wees, bestaan God. Om te verstaan waarom hierdie woordjie nie daar moet wees nie, moet u nou saam met my probeer redeneer. Tyd is iets wat eers van die skepping van die hemel en die aarde af, daar kon wees. Eers toe daar n wêreld was waar daar groei en ontwikkeling en beweging plaasgevind het - waar dinge ná mekaar begin gebeur het; - waar n aand deur n môre opgevolg is; waar die son en sy planete nou só ten opsigte van mekaar lê, en netnou weer anders; - waar n plantjie eers klein is en daarna stappie vir stappie groter word; - waar daar eers net Adam en Eva was en daar toe later vir hulle kinders en kleinkinders gebore is eers dan is daar van tyd sprake, van nou en netnou, van voor iets en na iets, van gister en vandag en môre, van dae en maande en jare. Voor die skepping was net God in Sy absolute onveranderlike volmaaktheid daar. Daar was niks wat kon groei of kon ontwikkel nie, want God is volmaak, en wat volmaak is kan nie groei of ontwikkel nie. Daar was niks wat eers moes gebeur het voor iets anders kon gebeur het nie.

7 7 God (om dit so te sê) met al Sy gedagtes en planne was volmaak daar, het volmaak bestaan. Om te sê: God bestaan al-tyd, is dus ook nie die volle waarheid nie. want God bestaan in alle tye wat daar is en was en sal wees, maar God het ook bestaan vóór daar tyd was Hy bestaan ook bo en buite tyd. Ook die woordjie altyd in ons tema-sin vir vanaand moet daarom weggelaat word. God bestaan altyd word dan net God bestaan. God bestaan God is Niemand het God gemaak nie, want Hy t nie n begin nie Hy is. En die vraag Van wanneer af bestaan Hy? is eintlik n onbestaanbare vraag, want Iemand sonder n begin is nie eers van n sekere moment af daar nie. 4 Verstaan u dit? Moenie sleg voel as u nie kon bybly nie. Die punt is juis dat God se groot is dat niemand Hom regtig kan begryp nie. Ook Sy ewigheid is so groot en so groots dat niemand dit regtig kan verstaan en kan verduidelik nie. En hier kom ons nou by die makliker konsekwensies van die feit dat God ewig is. Dit herinner ons daaraan hoe klein ons is in vergelyking met God. Ons is nie net baie minder as Hy nie piepklein en nietig in vergelyking met Hom nie maar só klein dat ons Sy grootheid nie eers kan verstaan nie! Maar al kan ons nie naastenby verstaan nie, kan ons aanbid. Ons kan die grote God, die ewige God, aanbid. En ons moet vir Hom luister. 4 As jy wil slim wees, kan jy sê dat God al bestaan het voordat dit moontlik was om van wanneer te praat!

8 8 Hoe kan ons wat so klein is, nie luister en gehoorsaam wees as Hy praat nie? En ons kan Hom dank vir die ewe onbegryplike genade wat Hy aan ons, gelowiges, bewys het: - dat Hy ons, wat so tydelik soos gras is wat vanmôre nog groen is en vanaand afgesny en verdroog kan wees die lewe wat tot in ewigheid aanhou gee; - dat Hy deur die offer van Sy Seun, Jesus Christus aan die kruis, alles wat tussen Hom en ons gestaan het, wegvat, en deur Sy Gees n lewe in ons gee, wat tot anderkant dit wat ons kans sien en kan bereken en ons kan indink, aanhou n ewige lewe saam met Hom, die ewige God Maar hieroor DV vorentoe meer AMEN