Dis nogal `n taai een vir my om te sluk, want ek is in die slegte gewoonte om veral taxi drywers te oordeel oor hoe hulle die reëls breek.

Transcriptie

1 1 Lukas 6h WH Tema: Hoe kyk jy? Ek sien nou die dag `n taxi met `n plakkaat agter in die venster waarop daar staan: only God can judge me. Dis nogal `n taai een vir my om te sluk, want ek is in die slegte gewoonte om veral taxi drywers te oordeel oor hoe hulle die reëls breek. Tog is dit `n sê ding wat ons baie in ons tyd hoor: wie is jy om my te oordeel. As jy sou waag om die verkeerde aan te spreek word maklik gesê: liefde moet wen en jy mag mos nie as Christen oordeel nie. Tekste soos ons sin van vanoggend word dan gebruik om dit te bevestig. Maar is dit regtig wat hier staan? Is die kern van hierdie gedeelte dat ek nie ander mag aanspreek oor die verkeerde wat hulle doen nie? Is reg en verkeerd dan in elkeen se eie oë? Mag ons niks sê as ons sien dat iemand verkeerd doen nie? So waaroor gaan tekste soos Lukas 6 dan eintlik? Ek wil graag begin met dit wat in Matteus 6:22 staan net voor die selfde gedeelte oor oordeel. Die lamp vir die liggaam is die oog. As jou oog goed is, sal jou hele liggaam lig hê. Maar as jou oog sleg is (nie nood raaksien nie), sal die liggaam sonder lig wees. As die lig in jou donker is, hoe moet dit dan nie wees nie. Wat Jesus hier sê, is dat mense wat hulle oë op Hom hou, se oë en daarom hulle liggame vol lig sal wees, omdat Hy die Lig is!

2 2 Met ander woorde, mense wat vol van Jesus se lig is, kyk anders na dinge. Letterlik beteken dit dat hulle mense se nood en seer raak sien. Dit, saam met Jesus se oproep dat sy volgelinge vir hul vyande moet lief wees wat ons gedeelte voorafgaan, vorm die agtergrond vir die saak oor oordeel en veroordeel. Jesus se opdrag is sterk en direk: Moenie oordeel nie! Dit word opgevolg met `n sinoniem vir die woord oordeel, naamlik veroordeel. Mens kan wonder hoekom dit twee keer hier gesê word, maar eintlik help dit ons om mooi te verstaan wat bedoel word. Wat hier verbied word is nie die regmatige uitsprake van `n hof oor regsake, of die dissipline in die kerk nie, maar wel die geneigdheid van mense om baie krities en foutvinderig teenoor ander te wees. Ons mag en moet oordeel, maar dan met `n oog en liggaam wat vol van Jesus se genadige lig is. Daarom ook die woord veroordeel, want om iemand te veroordeel, is om hom hulle skuldig te verklaar, eintlik, onredbaar. Hoe ons dan nie so oordeel of veroordeel nie, is direk gekoppel aan die plek van `n volgeling van Jesus voor die Vader! God oordeel genadig! As jou oog genadige lig inlaat, sal jy ook onverdiende genade kan bewys, soos liefde vir `n vyand wat eintlik skuldig is. Jesus sit die kersie op die koek as Hy sê: Spreek vry, en julle sal vrygespreek word. Moenie hoor dat jy eers moet vryspreek sodat jy iets kan verdien nie. Nee spreek vry, want jy is vry! As jy iemand vry spreek, wys dit die egtheid van jou eie vryspraak.

3 3 Leermeester Jesus los dit alweer nie daar nie: Gee! Maak oop jou hande! Wees oorvloedig as jy iemand vryspreek, vertel hulle presies hoekom, moet niks uitlos nie. Vertel hulle alles van die goeie nuus, net soos `n houer met saad in, eers regtig vol is as dit ingestamp en geskud is, en bo-op dit nog oorloop ook. Hoe oorvloedig jy die genade van God aan nader uitdeel en dit vertel, sal bepaal met watter maat van genade jy beoordeel sal word. Klein bietjies genade hier en daar, sal beteken dat die Here Jesus wat regtig kan vryspreek, net hier en daar bietjies van sy genade vir jou sal wys. Menslike vrygewigheid met besittings, gawes en geloof, sal met Goddelike vrygewigheid beloon word. Dit is `n hemelse vrygewigheid wat jou lewe sal red. Jesus gebruik dan die beeld van `n blinde wat blindes lei. Ek weet nie van julle nie, maar ek het al blindes leer ken wat beter regkom in die strate van hul omgewing as siende persone. So wat bedoel Jesus hier? Iemand wat nie erken dat hy blind is nie, en geen hulpmiddels of toerusting het om sy blindheid te hanteer nie, kan nie eens homself help nie, hoe dan nog vir ander. Jesus is besig om teen mense te praat, wat hulself hoogmoedig hoe en eintlik hul eie foute kleiner wil maak, deur ander sin baie groot op te blaas. Staan weer stil by die oog wat die lamp vir die liggaam is. As jou eie oog sleg is, as jy nie die lig van Jesus in jou eie lewe raaksien en anders kyk nie, hoe kan jy dan vir ander vertel wat hulle moet doen? Nog `n voorbeeld is iemand wat dink dat hy op dieselfde vlak as Jesus sy leermeester is. Ek kan oordeel en veroordeel soos Jesus kan, sal so een dink. Maar niemand kan aan Jesus gelyk wees nie, behalwe as hy erken dat net Jesus ons sy gelyke kan maak en dit gedoen het deur vir ons sonde te sterf.

4 4 Net so met iemand wat in die splinters-soek besigheid is, terwyl hy `n balk probleem het. Elkeen van ons het al iets in hul oog gehad. Maak nie saak wat dit is nie, dis ongemaklik, laat jou oë traan en brand en kan baie gevaarlik wees. Tog is die oog een van die organe in ons liggaam wat die vinnigste kan genees met die regte hulp. Die bedoeling van hierdie teks kan tog nie wees dat ons maar net iemand wat duidelik sukkel met iets in hul lewe net so los nie. Jesus sou dit verseker ook nie gedoen het nie. So kom ons begin deur te onthou met wie Jesus hier praat. Hy is nie besig om met die wêreld daar buite te praat nie, nee hy praat met sy volgelinge die dissipels. Hy kies dan juis vir hulle om saam met Hom op `n nuwe pad te kom loop, sodat hulle oë gesond kan word. Hy is die oogdokter wat nie net oë gesond maak nie, maar wat weer help dat die oog reg kyk. `n Oog wat maar net kyk hoe verkeerd ander is, en dit die heeltyd wil regmaak, is siek en kan nie reg kyk nie. So `n oog sien nie die nood en die pyn raak wat `n splinter bring nie. Dit vra nie waar sekere optrede vandaan kom, of waarom iemand op daardie oomblik so reageer nie, maar sê bloot: luister jy het duidelik `n probleem. Dit konsentreer so op die probleem in die oog, dat die werklike nood daaragter geïgnoreer word. Iemand met `n splinter in sy oog het `n oogdokter nodig!

5 5 Soos `n blinde wat geleer het hoe om met `n stok oor die weg te kom, wel `n ander kan lei na `n beter plek, kan iemand wat die lig van Christus se verlossing in hom of haar het, `n ander een wat in die nood van sonde is, op `n pad van genade lei na Jesus die Geneesheer en Leermeester. So wat sê ons vir mekaar? Ons vra: hoe en waar kyk jy? Waarvan is jou oog en jou liggaam vol? As dit vol is van jouself, van hoe jy eintlik beter bestuur as daai een, beter dink oor grond, jou kinders beter dissiplineer, meer en beter eredienste bywoon, dan is dit soos om `n balk in jou eie oog te hê. Maar as ek bewus is van my eie splinter of balk, en daarom juis alles doen om my oog op Jesus my Leermeester te hou, dan verander my gesindheid. Jesus is juis die een wat die oog weer gesond en vol lig maak. Dit help my om vir `n ander te sê: broer, laat my toe om saam met jou na die oogdokter toe te gaan. Ek sal heeltyd hier by jou wees want ek het Hom ook nodig. Ek het self nog so baie om van Hom te leer, maar ek weet Hy sal jou nood werklik raaksien en verstaan, soos Hy myne sien en verstaan en gesond maak. Moenie iemand se sonde voor die Here maar net laat verby gaan nie, maar kry die regte oog daarvoor. Sien die nood raak, want as jy dit net los, kan so iemand deur ander blindes in `n sloot ingelei word. Nee, moenie veroordeel nie, net God kan en mag dit doen. Erken jou eie, en wys die pad na die geneesheer van jou oog en jou binnekant! Hou jou oog op Jesus!