TEKS: Esegiël 33:18-19 HK 32:87 33:90. God laat onbekeerdes sterf, maar bekerendes lewe.

Transcriptie

1 SKRIFLESING: Esegiël 33: TEKS: Esegiël 33:18-19 HK 32:87 33:90 TEMA: God laat onbekeerdes sterf, maar bekerendes lewe. Psalm 99 : 1, 3 Skrifberyming 38 (15-2) : 2 Psalm 4 : 4 Skrifberyming 78 (13-3)

2 2 Hoe lyk n regte Christen se lewe? Hoe lewe n mens as jy dankbaar is vir die Here se liefde vir jou en Hom wil verheerlik? Dit ís n vraag om te vra, want daar s mense in hierdie wêreld wat loop en spog met hulle Christenskap, maar dan allerhande onchristelike dinge bly doen. Kan dit? Werk dit so dat n Christelike lewe maar net mooi praatjies kan bly? Dis nie soos ons kerke die Bybel hieroor verstaan nie. Wat ons in die Bybel hoor en daarom bely, is dat n regte Christen se lewe radikaal nuut word, dat dit (om die Bybelse woord daarvoor te gebruik) n lewe van bekering is. En dis waaroor vanaand se preek gaan oor die bekering waarmee ons uit dankbaarheid die Here wil en moet verheerlik. Ons gaan hierna kyk in die lig van n Skrifgedeelte wat sê dat God onbekeerdes laat sterf, maar bekerendes laat lewe. Kyk eers na die feit dat Hy onbekeerdes laat sterf en dan na die feit dat Hy bekerendes laat lewe. 1. GOD LAAT ONBEKEERDES STERF Daar s verskillende soorte/kategorieë van mense wat jy as onbekeerdes kan beskrywe, as mense wat nie bekeer is nie. o Dis in die eerste plek die mense wat hulle net eenvoudig nooit aan die Here steur en op Sy Woord ag gee nie mense soos heidene en ateïste. Hulle leef maar net voort in die geestelike dood en donkerte waarin hulle gebore is. o n Tweede groep van onbekeerdes is die mense wat sê dat hulle die Christelike godsdiens aanvaar het, maar dan rustig voortgaan met n onchristelike lewenswyse; - hulle los nie hulle sondes nie; - hulle lewe goddeloos asof God nie daar is nie, asof Hy nie regtig bestaan nie.

3 3 Onthou u die ja-broer in die gelykenis wat die Here Jesus vertel het? 1 - hy t gesê hy sal gaan doen wat sy pa wil hê; - maar hy t nooit sover gekom om dit te gaan doen nie! Dis n tweede groep: mense wat reg praat, maar onbekeerd doen. o n Derde groep onbekeerdes is mense wat die Christelike geloof bely én selfs vir n tyd lank hulle lewens uiterlik verbeter, maar dan in die sonde terugval en hulle lewe dáárin voorstit. Dis die mense van wie ons hier in vers 18 hoor: Wanneer n goeie mens sy goeie dade laat vaar en onreg pleeg Dit het regtig gelyk of hierdie mens deel van die Here se volk was, of hy/sy n ware kind van die Here was, iemand wat deur die Here verlos is en n nuwe lewe begin lewe het. Maar dan kry die sonde weer die oorhand en hierdie mens eindig as n onbekeerde. Dink byvoorbeeld aan Judas Iskariot, wat een van die twaalf apostels was, wat lank saam met die Here Jesus en die twaalf geleef het en gewerk het, maar toe sy rug op die Here gedraai het en wie weet waar geëindig het. 2 Dink aan Ananias en Saffira, lidmate van die eerste Christelike gemeente daar in Jerusalem, maar wat in die sondes van geldsug en eersug verval het 3 en swaar deur die Here daarvoor gestraf is. In ons terme gesê: dis mense wat gedoop is en wat belydenis van geloof afgelê het en wat vir n tyd lank uiterlik as goeie lidmate van die kerk gelewe het, maar wat dan in n sondige lewe verval, waarvan hulle hulle nooit bekeer nie. Onbekeerdes 1 Mat 21: Joh 13:26; Hand 1:16-20, 25 3 Hand 5:1-10

4 4 En nou sê die Here se Woord dit duidelik, soos byvoorbeeld hier in Eseg 33: onbekeerde mense sterf. Sterf beteken hier nie dat die Here hulle (altyd) onmiddellik op die plek fisies dood laat neerslaan nie. As alle onbekeerdes onmiddellik fisies dood neergeslaan het, sou die enigste mense wat op hierdie aarde geleef het, mos die ware kinders van die Here gewees het en dis tog nie so nie! Sterf beteken hier: geestelik sterf. n Onbekeerde mens is n geestelike dooie mens, iemand wat sonder God se liefde bestaan, iemand wat onder Sy straf, wat daardie mens mos verdien, bly. Dis iemand wat nie gered is nie. Wie onbekeerd bly, kán nie n geredde mens wees nie, is iemand wat nie in die koninkryk van die hemel sal ingaan nie. 4 God laat onbekeerdes sterf: - mense wat heidene en ateïste bly; - maar ook sogenaamde Christene wat ja-broers bly; - en selfs mense wat eens op n tyd uiterlik Christelik geleef het, maar teruggesak het in n onchristelike lewenswyse en nou daarin bly. God laat álle onbekeerdes sterf. Máár 2. HY LAAT BEKERENDES LEWE Let op: ons praat nie van God laat bekeerdes lewe nie, want in hierdie aardse lewe is ons bekering nooit afgehandel nie. Jy kan nooit sê: ek is n bekeerde en daarmee bedoel: ek het my nou klaar bekeer nie. Bekering is iets waarmee ons sal besig wees totdat ons doodgaan. En in elk geval kan dit gebeur dat n mens hom/haar gister of verlede week of soveel jare gelede uiterlik van n verkeerde lewenswyse en van allerhande sondes bekeer het en dan tog weer teen God in opstand kom en in verkeerde dinge verval 4 Mat 7:21-23; 1 Kor 6:9-10

5 5 soos wat die Heilige Gees ons hier laat hoor het in verse 12 en 13 en 18. n Mens kan nooit klaar wees met bekering nie. En daarom praat ons nie van God laat bekeerdes lewe nie. Ons praat van God laat bekerendes lewe mense wat nóú besig is om n lewe van bekering te lewe. Wat is bekering? Volgens die Bybel is dit n proses wat uit twee dele bestaan: - jy draai weg van die sonde af en jy draai na die gehoorsaamheid toe; - jy sien af van onchristelike praktyke in jou lewe en jy doen in die plek daarvan Christelike dinge; - jy trek dit wat verkeerd is, uit en jy trek dit wat reg is, aan; - jy maak die sonde in jou dood en jy voed en oefen die nuwe lewe wat die Heilige Gees in jou gebring het. In n bietjie meer detail gesê: o Die een deel van bekering is dat jy jou sondes erken en dat jy berou het daaroor die seer in die hart omdat jy God teleurgestel het, en dat jy dan doelbewus alles wat in jou vermoë is doen om van hierdie sondes los te kom. o En die tweede deel daarvan is dat jy regtig diep bly is dat al jou sondes vergewe word, omdat die Here Jesus klaar in jou plek daarvoor gestraf is en dat jy regtig begin verstaan hoe die Here wil hê dat jy eintlik moet lewe, en dat daar n opregte begeerte in jou kom ( n lus en liefde HK 32:90b) om só te kan lewe en dat jy doelbewus alles in jou vermoë doen om dit reg te kry! Dis belangrik, hierdie lus en liefde. In n ware Christelike lewe wil jy nie Christelik lewe omdat jy hoop dat dit vir jou sukses gaan bring nie. Dit gebeur partykeer dat mense se lewens platval, omdat hulle verkeerde paaie loop

6 6 en dan kom probeer hulle die Here se pad in die hoop dat dit beter resultate sal oplewer. Wat nie altyd in aardse terme gemeet, gebeur nie! Iemand wat byvoorbeeld ophou om skelm te wees in sy besigheid en eerlik begin besigheid doen soos wat die Here wil hê, kan dalk baie minder geld maak as voorheen! Of iemand wat n drankprobleem probeer oorkom soos wat die Here wil hê, se lewe vorentoe kan dalk n gedurige stryd wees! Bekering lewer nie altyd in aardse terme beter resultate nie; maar wie met Bybelse bekering besig is, wíl die kwaad in sy lewe met die goeie vervang, omdat die Here dit so wil hê. En hierdie bekeringsproses is n aanhoudende proses, iets van elke dag van die aardse lewe. Want bekering is n proses wat eers kan eindig as jy volmaak geword het vry van álle sonde en n volmaakte doener van alles wat reg is En omdat dit eers sal gebeur wanneer ons in die hemelse heerlikheid opgeneem word, is bekering iets waarmee ware kinders van die Here elke dag van hulle aardse lewe besig behoort te wees. Wat die Here nou hier sê, is dat wie nóú besig is met n lewe van egte bekering, sál lewe. Selfs al was jy gister nog kniediep in n sondige lewe as jy vandag opreg besig is met bekering, dan wys dit mos dat jy n ware kind van die Here geword het, n mens in wie die Heilige Gees met Sy vernuwingswerk besig is. En súlke mense (sê die Here), sál lewe. Hulle is gered. Hulle het n plek in Sy koninkryk. Hulle sal nie deur Hom verstoot word nie. God laat bekerendes lewe TOEPASSING

7 7 Dit wat Here hier deur Esegiël sê en dit wat ons as kerke hier in HK 32:87 op grond van baie ander Skrifgegewens ook bely, is in die eerste plek n ernstige waarskuwing: o Mense wie se lewens in die praktyk net soos goddeloses s n lyk, ís goddeloos, en sal deur die Here net soos goddeloses behandel word. o As jy aanhou met allerhande sondes of teruggeval het daarin sonder om jou daarvan te bekeer, is jy vir seker op die pad na die ewige afgrond toe. o As jy byvoorbeeld nalaat om die Here elke dag te vereer, of as jy niks meer probeer doen aan jou liefdelose huwelik nie, of as geld vir jou belangriker bly as jou beginsels, of as jy aanhou leuens vertel, of as jy die gewillige slaaf bly van drank of dobbel of pornografie, dan moet jy nie jouself mislei om te dink dat jy op pad is na die ewige vreugde by die Here toe nie al was jou voorouers diep gelowige mense, of al is jy al vir baie jare skynbaar n goeie lidmaat van die kerk, al praat jy al die regte dinge en al gebruik jy stiptelik elke keer nagmaal hierdie simbool van ons verlossing! Die Here sê: Wanneer Ek vir n goeie mens sê hy sal die lewe behou, en hy vertrou op sy goeie dade [ek kom kerk toe, ek gebruik nagmaal, ek doen darem nie nét verkeerde dinge nie] en hy pleeg onreg, sal al sy goeie dade nie in sy guns tel nie; hy sal sterf omdat hy onreg gepleeg het. 5 Wat ons hier hoor, is n ondubbelsinnige waarskuwing vir elkeen wat onbekeerd lewe Maar wat ons hier hoor, is ook n aansporing vir ware kinders van die Here om in hierdie lewe van bekering te bly lewe: - om elke dag die sondes in jou lewe te identifiseer; - en jou daaroor voor die Here te verootmoedig en Sy vergifnis te soek wat jy ook s al kry op grond van dit wat die Here Jesus vir ons gedoen het; - en om jou daarvan los te worstel met die krag wat die Heilige Gees jou gee; - en om uit jou hart uit in alles soos n ware Christen te probeer lewe. 5 Vers 13

8 8 Dis n aansporing om n bekerende mens te bly. En wat ons hier hoor, is ook n troosvolle oproep vir mense wat gedink het dat hulle sondige verlede 6 die deure boontoe vir altyd toegemaak het. Dis nie so nie. Wie met die verkeerde verlede breek en reg begin doen so sê die Here sal die lewe hê. So n mens se sondeverlede sal nie meer teen hom/haar tel nie. 7 Daarvan is Paulus, wat eers die Here se kerk vervolg het, n sprekende voorbeeld: - God se reddende genade het hom tot bekering gebring en hy is vergewe en is n ereplek in God se koninkryk gegee. Mense wat onbekeerd bly, moet niks anders verwag nie as die oordele van die Here. Maar daar waar ware kinders van die Here besig is met bekering, uit dankbaarheid vir God se genade, om Hom te verheerlik, dáár kan sulke mense die lewe verwag dié lewe wat deur die Here geseën word AMEN 6 Hulle skuldverlede Ps 65:2 (berymd) 7 Verse 16 en 19