SKRIFLESING: 1 Korintiërs 13. TEKS: 1 Korintiërs 13:8. Die liefde bly vir ewig. Psalm 103 : 1, 2. Psalm 102 : 11, 12. Skrifberyming 21 (9-4) : 1, 6

Transcriptie

1 SKRIFLESING: 1 Korintiërs 13 TEKS: 1 Korintiërs 13:8 TEMA: Die liefde bly vir ewig Psalm 103 : 1, 2 Psalm 102 : 11, 12 Skrifberyming 21 (9-4) : 1, 6 Skrifberyming 78 (13-3) Ook: Sb 33 (2-4) : 2

2 2 U ken mos die uitdrukkings wat mense gebruik, dat n doodskleed nie sakke het nie en dat n lykswa nie n sleepwa het nie uitdrukkings waarmee mense die waarheid sê dat ons niks van ons stoflike besittings saam met ons kan vat wanneer ons doodgaan nie. Dis dinge wat ons help terwyl ons met hierdie aardse pelgrimsreis besig is, maar wanneer hierdie reis verby is, het ons dit nie meer nodig nie. Maar nou moet hierdie waarheid u nie laat dink dat daar niks van hierdie aardse lewe in die lewe hierna gaan wees nie. Daar s tog dinge wat ons in hierdie lewe geken het, wat daar ook sal wees. Daar s tog dinge wat (om dit so te sê) hiervanaf saam met ons die ewigheid ingaan. Een van hierdie dinge is die liefde. Die liefde vergaan nooit. Die liefde bly vir altyd vir ewig. Dís die kern van vanaand se preek: die liefde bly vir ewig. Kom ons gee eers daaraan aandag dat daar n hier en n hierna is, en dan aan die feit dat die liefde deel van die hier én die hierna is. 1. DIE HIER EN DIE HIERNA Die Here leer ons duidelik in Sy Woord dat hierdie wêreld en hierdie lewe, soos ons dit nou ken, nie die een en die al is nie. Daar s ook n lewe na hierdie lewe wat ons nou het: n hiernamaals. En tussen die lewe hier en die lewe hierna is daar groot verskille, byvoorbeeld: o Die lewe nou, hier, is deur die sonde getref en is daarom in amper alle opsigte n stukkende, gebroke bestaan, terwyl die lewe hierna heel sal wees, reggemaak. o En die lewe hier is tydelik. Hierdie aardse bestaan soos ons dit nou ken, is nie permanent nie. Nie een van ons gaan as n individu vir altyd hier lewe nie.

3 3 En hierdie aarde en hierdie hele bestaansmanier gaan op n sekere punt tot n einde kom, terwyl die lewe wat hierna kom, permanent bly, ewig is is. o Die bestaan hier is ook in n sin onvoltooid. As gevolg van die sonde het die aarde en die mense hier nie ontwikkel soos wat hulle moes ontwikkel het en geword soos wat God hulle oorspronklik bedoel het om te wees nie, terwyl alles en almal in die volmaakte bedeling wat hierna kom, in alle opsigte volledig ontwikeld en voltooid sal wees. As die apostel in hierdie hoofstuk die hier en die hierna met mekaar vergelyk, dan gebruik hy twee beelde. Die eerste is die beeld van n kind en n grootmens. Die verskil tussen die lewe hier en die lewe hierna is in n sekere sin soos die verskil tussen n kind en n grootmens. n Kind praat en dink en redeneer oor dinge op sy eie manier naïef, sonder om nog regtig mooi te verstaan, met beperkte insig; terwyl n mens as jy grootgeword het, met baie meer rypheid en wysheid en perspektief oor dinge praat en dink en redeneer. Ons bestaan in hierdie huidige wêreld en lewe is n bestaan op n kind-manier. In die wêreld en lewe hierna sal ons bestaan op n volwassene-manier. Die tweede beeld is dié van n dowwe spieël en die volle werklikheid. Die verskil tussen die lewe hier en die lewe hierna, is soos die verskil tussen iets vaagweg in n dowwe spieël sien en iets in die volle werklikheid voor jou sien staan. Die spieëls van destyds was gewoonlik maar een of ander blink-geskuurde metaal, wat n baie vae beeld gegee het. Dit het jou amper nog meer laat wonder oor hoe dit wat jy probeer sien, regtig lyk, as wat dit jou gehelp het. Die Griekse woord wat hier met raaiselagtig vertaal is, klink soos die Afrikaanse woord enigma iets wat jy nie regtig kan verstaan of kan peil nie.

4 4 Wat ons nou van die wêreld en van die lewe en van God sien, is maar n dowwe beeld van wat alles werklik is, en dit los ons met nog baie raaisels dinge wat ons nie kan verklaar nie, terwyl ons in die lewe hierna alles sal sien soos dit regtig is. 1 Om dit in vandag se terme te probeer sê: - die verskil tussen die hier en die hierna, is soos die verskil tussen n ou swarten-wit kiekie van iemand, en die persoon self in lewende lywe hier voor jou! Daar s n hier (so leer die Heilige Gees ons in die Bybel) stukkend, tydelik, onvolledig, kind-agtig, dof; en daar s n hierna heel en blywend en volmaak, volwasse, helder 2. LIEFDE IS DEEL VAN BEIDE Daar s dinge wat deel is van die hier, wat nie deel van die hierna gaan wees nie, byvoorbeeld sonde en trane. Daar s ook dinge wat nou goed en nuttig is, maar wat ons in die lewe hierna nie meer gaan nodig hê nie, byvoorbeeld kos 2 en geld en medisyne. Maar dit beteken nié dat alles wat met die liggaam en die stoflike te doen het, tydelik is, en alles wat met die siel en die geestelike te doen het, blywend is nie. Op die nuutgemaakte aarde gaan ons liggame hê verheerlikte liggame. En daar s geestelike dinge (hoor ons hier) wat deel is van die geestelike lewe op hierdie aarde, maar wat hierna nie meer nodig gaan wees nie, byvoorbeeld profesie, en spreek in tale (die gawe om ongewone tale of klanke te gebruik), kennis-soos-ons-ditnou-het. Profesie is die gawe om die wil van God vir die gelowiges deur te gee en uit te lê, om hulle geestelik op te bou en moed in te praat en te troos. 3 Maar hierna, as God se wil en plan volmaakte werklikheid geword het en ons dit self sien en beleef, sal dit mos nie meer vir profete nodig wees om ons daarvan te vertel nie. 1 van aangesig tot aangesig (AV 1933/53) 2 1 Kor 6:13a 3 Vgl 1 Kor 14:3

5 5 En as al ons stryd verby is en al die trane van ons oë afgevee is en ons geestelik volmaak gemaak is, dan sal dit mos nie meer nodig wees om ons op te bou en moed in te praat en te troos nie! Profesie is in hierdie lewe nodig, maar nie meer hierna nie. Spreek-in-tale was n gawe wat God onder andere vir party gemeentelede daar in Korinte gegee het, n vermoë om Hom te loof, nie net in die tale van hierdie aarde nie, maar ook in tale wat nie op hierdie aarde bekend is en gebruik word nie so n vorm van hemelse ekstase wat die Heilige Gees daar bewerk het as n teken van Sy teenwoordigheid in hierdie jong gemeentetjie daar in die groot heidense stad van destyds. Maar as die kinders van God almal hierna in die hemelse heerlikheid leef in die volle en direkte teenwoordigheid van God, dan is tekens van die Gees se teenwoordigheid en werk, soos spreek-in-tale, mos nie meer nodig nie! En selfs die soort kennis van God en Sy werke en Sy wil wat ons nou het, se tyd gaan verby. Die kennis wat ons nou het, is kennis wat ons met groot moeite opdoen: ons moet sekere intellektuele vaardighede aanleer en dan moet ons daarmee Bybelstudie doen, en ons moet as gelowiges met mekaar redeneer en worstel om die Woord reg te verstaan. En selfs dan is die kennis wat ons opdoen nog maar gedeeltelik, en baie kere eensydig, of met aksente op verkeerde plekke. Maar hierna, as God self ons volledige en volmaakte kennis gee en ons alles sal sien en weet soos wat Hy dit vir n mens bedoel het om dit te sien en te weet, dan gaan ons hierdie effentjies-kennis van nou nie meer nodig hê nie! Daar s selfs geestelike dinge, soos profesie en tale en kennis hoe wonderlik en nodig nou ook al wat nie blywend is nie, wat deel is van die hier, maar nie meer deel van die hierna nie.

6 6 Aan die ander kant ís daar geestelike dinge van nou wat vir altyd gaan bly, wat nie gaan ophou as ons in die bedeling hierna ingaan nie, soos die liefde. Die liefde vergaan nooit nie sing die Here se apostel hier. Letterlik: die liefde val nooit nie; - die liefde bly altyd staan; - die liefde kom nooit tot n einde nie; - die liefde sal nooit nié daar wees nie; - die liefde sal nooit onbelangrik raak nie; - die liefde behou altyd sy plek en waarde; - die liefde sal altyd een van die mooiste geskenke van die Here aan Sy kinders wees, nie net hier en nou nie, maar tot in die ewigheid in! In die hiernamaals gaan die liefde juis een van die groot redes wees waarom die lewe daar n permanente fees gaan wees. Nie net gaan die onbeskryflike liefde tussen God en mense daar wees nie, maar ook volmaakte liefde tussen alle mense. En dan sal dit nog steeds hierdie doodgewone liefde wees, waarvan hierdie hoofstuk praat, die liefde wat só eenvoudig is en tog selfs nou al n mens so kan ophef. Wat doen dit nie nou al aan n mens nie - as iemand vriendelik en positief teenoor jou is; - as iemand bly is oor wie jy is en hoe jy is en wat jy as mens het; - as iemand jou vertrou; - as iemand jou nie trap en verneder en wegstoot nie. Natuurlik is daar sekere uitinge van hierdie liefde hier, wat hierna nie meer nodig gaan wees nie, soos byvoorbeeld om te verdra en te vergewe; want volmaakte mense gaan mos nie sonde en onreg aan mekaar doen nie. Maar die wese van hierdie liefde gaan bly: - dat mense mooi en met die fokus op die ander een, teenoor mekaar gaan optree. Die liefde bly vir altyd. Die liefde bly vir ewig.

7 7 Onthou nou net dat hierdie hierna waarvan ons nou praat, nie alle mense se ewigheid is nie. Daar s baie mense wat selfs van hierdie lied oor die liefde gehou het, wat eendag nié in God se volmaakte wêreld gaan wees nie: - mense wat graag hierdie liefde waarvan hierdie hoofstuk sing, in hulle lewe hier ontvang het, maar dit nooit uitgedeel het nie; - mense wat nooit besef het hoe liefdeloos hulle eintlik hier gelewe het en dit as sonde teen God bely het nie; - mense wat die volmaakte, selfopofferende liefde van die Here Jesus Christus, wat aan die kruis vir ons liefdeloosheid gely het, nooit regtig leer ken en gelowig aanvaar het nie; - mense wat nie weergebore is nie, nie deur die Heilige Gees hier binne so radikaal verander is dat hulle self begin het om ander só lief te hê nie. Vir sulke mense, wat die gawes van God, ook die gawe van die liefde, graag geniet het, maar Hom wat dit gee, nooit geken en geëer het nie, sal die hiernamaals bitter wees, n bestaan sonder enige liefde van God of van ander mense n ewige hel Net mense wat in Jesus Christus glo en by wie die geloof deur die liefde tot dade oorgegaan het, 4 sal die fees van die liefde blywend in die hiernamaals beleef. Daar s geestelike dinge wat net deel is van hierdie tydelike en onvolledige bestaan hier en nou, maar die liefde is nie een van hulle nie, die liefde bly vir altyd. TEN SLOTTE Waaraan het ons hierdie jaar die meeste aandag spandeer? Aan die stoflike dinge? 4 Gal 5:6

8 8 Dan was dit nie n goeie jaar nie, want die Here het gesê dat dit n mens niks help as jy die hele wêreld as wins kry, maar aan jou siel skade ly nie. 5 Maar n mens kan ook aan die geestelike dinge goeie aandag gee, en dan tog daar die rangorde verkeerd hê! Dit sou goed wees as ons die afgelope jaar hard gewerk het om ons kennis van God en Sy werke en wil te vermeerder; maar as ons nie nog harder daaraan gewerk het om hierdie doodeenvoudige, alledaagse liefde van 1 Korintiërs 13 te beoefen nie, dan was ons prioriteite verkeerd: - dan het ons ook in die geestelike die tydelike belangriker as die blywende gemaak; - want die kennis wat ons nou opdoen hoe nodig nou ook al se tyd gaan verby, maar die liefde bly vir altyd! Kom ons maak dan die liefhê, waarvan die Here hier met ons praat, ons blywende voorneme al kom en gaan die jare. Dink net hoe wonderlik dit is: dat ons nou al iets van die ewigheid mag hê, dat ons nou al elke keer wat ons hierdie liefde regkry n stukkie van iets wat ook in die ewige heerlikheid gaan wees, mag geniet. AMEN 5 Mat 16:26