Maak skoon jou huis (Gildenhuys) 1 Korintiërs 8:4-13

Transcriptie

1 1 Maak skoon jou huis (Gildenhuys) 1 Korintiërs 8:4-13 Het jy dalk enige afgode of in jou huis? Miskien weet jy nie dat jy het nie, en dit is dalk die rede vir die konflik in jou huwelik, of dat jou kind tantrums gooi, of dat jy finansieel swaar trek. Onwetend het jy dalk die Satan en sy demone wettige toegang tot jou huis gegee? As jy nou effens ontnugter is, en wonder waar ek hieraan kom, dan is jy nie alleen nie. Maak skoon jou huis is `n DVD reeks wat al meer as `n paar mense aan die wonder gehad het. Tiaan Gildenhuys van Outoriteit in Christus Bedieninge is aan die woord. Hy wys uit die Bybel aan dat God afgodery haat, en dat elkeen wat `n beeld van `n afgod in sy huis het, nie God se seën kan verwag nie. Hy gaan egter verder en meen dat mense ook die duiwel onwetend in hul en hul kinders se lewens innooi deur sekere beelde, prente en kunswerke van bedenklike afkoms, aan te hou. Dit kan enige van die volgende insluit: Soos Gildenhuys wil ek en jy ook graag gehoorsaam wees aan God en sy Woord alleen. Hoe moet ons dan die saak rondom beelde en simbole, en demone verstaan? Kom ons begin by die Here se gebooie en wat ek en jy daaroor bely in die Heidelbergse Kategismus Sondag 34. Hoe lui die wet van die Here? 1ste gebod: Jy mag geen ander Gode voor my aangesig hê nie. 2de gebod: Geen gesnede beeld of gelykenis, wat in hemel, op aarde, onder water is nie. Nie neerbuig en dien nie, want Ek, die Here jou God is `n jaloerse God... >>KLIK x 4<< >>KLIK x 5 <<

2 2 Hieruit is dit duidelik dat God nie afgode of beelde voor Hom verdra nie. Hy deel ons nie met enige iets anders nie. Hy wil dus nie hê dat ons ander gode voor Hom moet bring nie. Maar ek en jy bely ook in die kategismus dat ons nie hierdie gode of beelde wil aanbid nie. Enige iets wat ek eerder as God self, of waardeur ek God wil dien, dit is `n afgod. En nou sê jy: maar ek aanbid nie daardie Budha beeldjie nie! Ek glo ook net in een God, daardie beeldjie is maar net `n mooi kunswerk! En jy is reg, daar is net een God, maar kom ons hoor wat sê Paulus hieroor in 1 Korintiërs 8:4-13 Wat is dan die beginsel uit hierdie gedeelte en hoe pas ons dit op beelde en dinge in my huis toe? Die eerste beginsel is: leef jou geloof uit dat daar net Een Heilige en Almagtige God bestaan. Met ander woorde, moet Hom nie op ander maniere en deur simbole of beelde probeer dien as wat Hy sê nie. Voorbeelde: Die simbool van die kruis mag nooit misbruik word as iets wat my sal beskerm of red nie. Die kruis as simbool het beperkte betekenis, want dit vertel net die helfte van die verhaal, naamlik dat Jesus gekruisig is. Net so met Jesus se bloed.

3 3 Sy bloed het ons nie gered nie, Hy het. Wanneer dit voel of ek aangeval word klou ek nie aan Sy bloed vas nie, maar aan Hom, al weet ek dat sy bloed vir my gevloei het. Jou en my lewe moet vertel dat Jesus uit die dood opgestaan het. Die tweede beginsel is: neem altyd ander mense in ag. Moet nooit vir hulle `n struikelblok wees nie. As jy dus weet dat `n sekere beeldjie of prent `n erkende afgod in `n sekere kultuur is, moet dit nie in jou huis hou nie. Dit gaan nie hier oor die mag wat die beeldjie oor jou en jou huis kan kry soos Gildenhuys beweer nie, maar die skade wat dit aan iemand kan doen wat nog nie die kennis het dat God die enigste God is nie. Ai maar dit is so mooi kunswerk wil jy sê, en dit mag so wees. Maar ter wille van my getuienis voor iemand anders, moet ons kies om nie so iets aan te hou nie. Hoekom sal ons dan die vyand se dwaling wil adverteer? 1 Korintiërs 10:31 31Of julle eet en of julle drink of wat julle ook al doen, doen alles tot eer van God. 32 Moenie aanstoot gee nie, nie aan Jode of aan Grieke of aan die gemeente van God nie. 33 Maak soos ek: ek probeer om almal in alles tegemoet te kom. Ek soek nie my eie belang nie maar dié van baie ander, sodat hulle gered kan word. As jy onseker is, vind uit. Vra jou huishulp of tuinier of daardie Afrika masker of beeldjie vir hulle enige ander betekenis het. Indien wel, raak ter wille van hulle, en jou getuienis teenoor hulle, daarvan ontslae.

4 4 Hier kom ons nou by die saak waar die dinge wat Gildenhuys leer, mense verwar en soms omkrap. Hy meen dat jy nie net die masker kan weggooi nie, jy moet dit verbrand sodat die bosegeeste wat daarin woon ook uit jou huis kan kom. Want dit is hierdie bosegeeste wat moeilikheid bring. Is dit waar? As daar konflik tussen my en my ouers is, waar kom dit vandaan? Breek hulle by ons in omdat ek prentjies van feetjies teen my muur het? Bly ons siek omdat ek `n hemp het met `n draak prentjie op? Nee, broer en suster, sonde veroorsaak konflik. My kind se tantrum word nie deur bosegeeste veroorsaak nie, al voel dit soms of hulle besete is. Dit gebeur omdat hy soos ek in sonde gebore is, en hy moet dit soos ek, voor God bely en leer om te leef soos die Here vra. Die feit dat ek my werk kan verloor, is nie omdat ek bosegeeste in my huis genooi het nie, maar omdat God met my besig is. Omdat hy met `n plan werk wat ek dalk nog nie verstaan nie. Omdat Hy my deur beproewing by geestelike vryheid wil bring. Broer en suster: bosegeeste/demone is `n realiteit. Die Here Jesus en die apostels het hulle uit mense gedryf. Ons hoor ook in Efesiërs 6 dat ons stryd teen hulle is. Maar sou God my verlaat omdat ek onwetend iets in my huis gebring het wat dalk vroeër deel van afgodediens was? Verseker nie. Moet ek om elke hoek en draai oppas en my kwel of daar nie dalk bose geeste in die prent, kunswerk beeldjie is wat ek aankoop nie. Nee, want dit is om die duiwel mag oor my lewe te gee, om hom baie meer krediet te gee as wat hom toekom. Ek is verlos in Jesus Christus. Sy kind. Wanneer ek vol is van sy Gees, dan is daar nie plek vir enige iets anders nie.

5 5 Kom ons sluit af met hierdie gedeelte uit: 1 Johannes 5:18-18 Ons weet dat iemand wat uit God gebore is, nie meer sondig nie, maar die Seun van God bewaar hom, en die duiwel kry geen houvas op hom nie. 19 Ons weet dat ons aan God behoort en dat die hele sondige wêreld in die mag van die duiwel is. 20En ons weet dat die Seun van God gekom het en ons verstand gegee het om die ware God te ken; en ons is in die ware God, in sy Seun, Jesus Christus. Hy is die ware God en die ewige lewe. 21Liewe kinders, bly dus weg van die afgode af. Dus, geliefdes, ja... maak jou huis skoon, ter wille daarvan dat ander nie sal struikel nie. Maar maak ook jou hart skoon. Doen dit elke dag wanneer jy jou sondes bely. En kom ons onthou dan die drie beginsels: x3 Leef jou geloof uit dat daar net Een Heilige en Almagtige God bestaan. Neem altyd ander mense in ag Bely jou sonde voor God, Hy beskerm en bewaar. Amen.