1 JOHANNES 4:20 HK 34:93

Transcriptie

1 1 JOHANNES 4:20 HK 34:93 Votum en seën Psalm 134 : 1, 3 [ ons ] Gebed Psalm 27 : 4 Skriflesing: 1 Johannes 4:7-21 (AV 1983) Belydenis: HK 34:93 Teks: 1 Johannes 4:20 (AV 1983) Preek: God se wil is liefde vir Hom én vir mekaar. Gebed Skrifberyming 21 (9-4) : 2, 3 Skrifberyming 78 (13-3)

2 2 Ons probleem met liefhê is nie die teorie nie, maar die praktyk daarvan; nie om te wéét wat God se wil is nie, maar om dit te dóén. Nou hoekom dan weer daaroor préék? sal u vra. Dis mos om maar net weer die teorie vir ons te gee! Maar dit word gepreek omdat die Heilige Gees die verkondiging van God se Woord van die beloftes en die bevele daarin tog gebruik om mense by die dóén ook te bring, en dit word by herhaling gepreek, omdat ons ook in die Bybel sien dat die Heilige Gees self herhaling gebruik as n manier om dinge regtig in mense te laat indring. Dit word dan vanaand weer vir u gepreek: dat God se wil liefde is liefde vir Hom en liefde vir mekaar. Kom ons kyk eers na die feit dat liefhê God se wil is, en dan na die feit dat ons Hom én mekaar moet liefhê. 1. LIEFHÊ IS GOD SE WIL Dat die Wet van God eintlik een groot gebod om lief te hê is, dat die gebooie daarop neerkom dat jy God en jou naaste moet liefhê, is nie iets wat iemand nádat die gebooie gegee is, daarby gaan aanhak het nie. Liefhê is nie soos n sousie wat na die tyd oor n gaar gereg gegooi word om dit n bietjie geuriger te maak nie. Die liefhê-idee was voor al die gebooie daar. Liefde kom uit God se wese uit. God ís liefde so laat die Heilige Gees Johannes twee keer in hierdie gedeelte sê, 1 wat beteken: - dis in Sy wese om lief te hê; - dis hoe Hy is; - dis Hy! - as jy na Hom kyk, dan kyk jy na suiwer, volmaakte liefde. En daarom, toe God in Jesus Christus vir die mens openbaar/wys hoe Hy is, toe is die hoogtepunt van hierdie openbaring die liefde wat daar op Golgota gebeur: 1 1 Joh 4:8, 16

3 3 dat die Seun van God Homself as mens in ons plek laat offer het, sodat ons wat verdien het om permanent deur God verstoot te wees, vergewe kan word en nou vir ewig saam met God op Sy nuwe aarde onder Sy nuwe hemel kan gaan bly. God is liefde. En daarom ook kan Sy wil vir die mense wat Hy uit hulle sonde verlos het en wat Hy deur Sy Heilige Gees nuut maak om weer Sy beeld te wys, nie iets anders wees nie as dat hulle ook sal liefhê. God se wil vir ons, wat uit Sy wese voortvloei, is dat ons sal liefhê. En die Tien Gebooie is maar net n opsomming/samevatting van die maniere waarop God wil hê dat ons liefhê uitgeleef moet word. Dis dus nie so dat die gebooie daar is en dan kom die liefhê-idee so as n nagedagtetjie daarby nie. Die liefhê is primêr. Dit kom eerste. Die gebooie kom by as voorbeeld, gestaltes wat die liefhê in ons lewens moet aanneem. 2. ONS MOET GOD ÉN MEKAAR LIEFHÊ Hierdie liefhê wat God van die mens verwag, het twee adresse: God en jou naaste. Hier in 1 Johannes 4:20, in n brief wat Johannes vir gelowige mense skryf, gaan dit heel konkreet oor liefde vir God en liefde vir jou medegelowiges jou broer hier in ons teksvers. Maar ons weet uit die res van die Woord dat die gebod om ons naaste lief te hê, baie wyer gaan as net medegelowiges. 2 Hierdie een groot gebod om lief te hê, moet tot uitdrukking kom in ons lewe met God en in ons lewe met ons medemense, veral ons medegelowiges. 2 Bv Luk 6:27, 32; Rom 12:18; Gal 6:10

4 4 En wat die Heilige Gees Johannes nou sterk laat beklemtoon hier in ons teksvers, is dat jou liefde vir God en jou liefde vir jou medegelowiges nie twee aparte sake is nie. Om die waarheid te sê: hulle is so vas aan mekaar dat jy nie die een sonder die ander een kan hê nie. Johannes illustreer dit met die volgende voorbeeld: as iemand dit sê, bely, dat hy God liefhet, dat hy met ander woorde n kind van God is wat vir Hom wil lewe as iemand dit sê, maar hy haat n medegelowige, dan is sy belydenis vals, dan is sy liefde vir God n illusie. En nou moet u goed verstaan: - haat is in die Bybel nie net wanneer jy n met skerp negatiewe emosies aktief n vendetta teen iemand anders voer nie; - haat is om op enige manier n medemens van jou te benadeel; 3 - selfs wanneer jy net die goeie wat jy vir n medemens kan en moet doen, nie doen nie, dan klassifiseer dit as haat; 4 - hier in ons teksvers word die uitdrukkings: jou broer haat en jou broer nie liefhê nie in dieselfde asem gebruik, met ander woorde: dis al haat net as jy nie liefhet nie! As jy sê dat jy God liefhet, maar nie jou medegelowiges positief liefhet nie, praat jy nie waar as jy sê dat jy God liefhet nie. Die argument wat die Heilige Gees Johannes laat gebruik, is dít: - as jy jou broer, wat jy gesien het, nie liefhet nie, hoe kan jy dan vir God, wat jy nie gesien het nie, liefhê? En nou moet ons nie hierdie argument van Johannes te ingewikkeld gaan maak nie. Daar s mense wat allerhande redenasies wil maak oor hierdie sin, byvoorbeeld dat ons broers sondig is en God volmaak, en daarom kan n mens die volmaakte God wel liefhê, maar sukkel om jou sondige broer lief te hê. Wat Johannes sê, en wat die waarheid is, is doodeenvoudig dat dit prakties makliker is om iemand hier naby jou lief te hê iemand wat soos jy is, wat jy ken, in wie se omstandighede jy jou kan indink, iemand met wie jy kan identifiseer as God, wat so totaal anders as ons is, 3 Rom 13:10 4 Vgl bv 1 Joh 3:10, 14; 4:8 saamgelees met Tit 3:3

5 5 wat onsigbaar is, wat in die hemel woon, wat in soveel opsigte vir ons onbegryplik is Dis makliker om n broer lief te hê as God, soos wat dit makliker is om n lid van jou eie gesin lief te hê as n burger van n ander land. Waarom dink u maak die heidene vir hulle beelde van hulle gode? Onder andere om die gode naby te bring, want dan kan jy hulle makliker dien en eer! En nou is Johannes se argument dít: - as jy dit wat in sekere opsigte makliker is (om n sigbare medegelowige lief te hê) nie kan regkry nie, hoe gaan jy dit wat moeiliker is (om die onsigbare God lief te hê), regkry? - as jy dan sê dat jy dit wat moeiliker is, doen (om God lief te hê), maar jy doen nie dit wat makliker is nie (om jou naaste lief te hê), dan is jy nie baie geloofwaardig nie; dan is jy om dit pront te sê n leuenaar! Ons kan die mooiste geloofstaal praat en met die grootste lof van God praat en vir almal vertel hoe kosbaar die band met Hom vir ons is en hoe lief ons Hom het, maar as ons ons medegelowiges nie liefhet nie, as ons nie hulle tydelike en ewige belange op die hart dra en positief bevorder nie, dan (sê die Heilige Gees) is al jou mooi woorde oor wat God vir jou beteken en oor hoe lief jy Hom het, vals! En onthou die medegelowiges oor wie dit hier gaan, is ook daardie broer of suster wat jou irriteer: - daardie ou oom met sy (volgens jou) verstokte idees; - daardie liberale indringer wat die kerk (volgens jou) op onbybelse paaie wil laat loop; - daardie tannie (wat so dink jy) niks weet van wat in die wêreld aangaan nie; - daardie jong suster wat nie altyd die verskil tussen die kleredrag kerk toe en die kleredrag partytjie mooi verstaan nie; - daardie broer wat nooit boe of ba sê nie en so kwaai lyk; - daardie broer of suster wat jou al n keer te na gekom het toe hulle iets gesê het wat jou gekrenk het, of toe hulle hulle nie aan jou nood gesteur het nie, húlle is ook medegelowiges wat jy moet liefhê;

6 6 ook by húlle geld dit: as ons hulle, wie se nood en omstandighede en geaardhede en gedrag ons as medemense en medesondaars en as medeverlostes en as mede-stryders behoort te verstaan, nie liefhet nie, hoe wil jy mense dan oortuig dat jy God hoog en verhewe en totaal anders as ons wel liefhet? Ons kan dit ook van toepassing maak op ons kerklike lewe in die algemeen. Al sê ons watter mooi woorde oor waarom ons ons beywer vir sekere standpunte en praktyke in ons kerke, byvoorbeeld: - uit liefde vir God veg stry ek vir die behoud van Sy waarheid en Sy eer! of: - uit liefde vir God bewyer ek my daarvoor om Hom op moderne, eietydse manier te dien! as dit wat ek doen, my in wantroue en antagonisme en onmin teenoor medegelowiges laat lewe, dan is al my mooi woorde oor die liefde vir God wat my laat doen wat ek doen, net wind, leë woorde, leuens. Wie dink dat jy God kan liefhê, maar onverskillig teenoor ander mense kan staan, het nog nooit verstaan dat liefde vir God en liefde vir jou naaste nie twee liefdes is nie, maar één, hoogstens twee kante van dieselfde muntstuk. Waar die Gees van God jou regtig weergebore laat word het, jou die liefde van God in Christus vir jouself laat toeëien het, jou tot bekering dring van jou aangebore hatigheid op ander, jou n lewe van dankbare gehoorsaamheid aan jou Here en Verlosser laat lewe, daar sal jy God én jou medegelowiges regtig liefhê. TEN SLOTTE As ons die Tien Gebooie behandel, dan is ons nie met sulke interessante en partykeer lastige bysakies in ons godsdiens besig nie, maar met iets wat uit die wese van God uit kom: - die liefde, wat Sy wil vir ons is; - en die maniere waarop Hy wil hê dat ons liefde vir Hom en vir ons naaste vorm moet aanneem.

7 7 En as ons dan, van die behandeling van die vyfde gebod af, spesifiek by naasteliefde kom, dan gaan ons besig wees met iets wat nie maar net so n bykomstigheidjie by die eintlike, ons liefde vir God, is nie; maar dan gaan ons besig wees met dinge wat sal wys of ons God régtig liefhet AMEN