HEMELVAART. SKRIFLESING: Johannes 14:1-14. TEKS: Johannes 14:2-3 (AV 1933/53) Jesus Christus is hemel toe vir ons. Psalm 2 : 4, 6.

Transcriptie

1 HEMELVAART SKRIFLESING: Johannes 14:1-14 TEKS: Johannes 14:2-3 (AV 1933/53) TEMA: Jesus Christus is hemel toe vir ons Psalm 2 : 4, 6 Psalm 68 : 8 Psalm 84 : 1, 2 Ook: Psalm 24 : 4, 5

2 2 Jesus se hemelvaart is net so veel goeie nuus soos Sy geboorte en Sy lyding en dood en Sy opstanding. Dit bring net so veel troos en hoop in hierdie wäreld in soos elkeen van hierdie ander gebeurtenisse. En daarom verdien dit nie n greintjie minder van ons aandag en ons dankbaarheid en ons aanbidding as Kersfees en Goeie Vrydag en Paas-Sondag nie. Jesus self sä dan hier dat Sy hemelvaart onskatbare voordele vir Sy volgelinge inhou, dat Hy hemel toe is vir ons. Kom ons kyk vanaand hoe dit in hierdie verse duidelik word. Ons doen dit deur aan die volgende aandag te gee: 1. aan Sy gaan hemel toe; 2. aan waarvoor Hy gegaan het; 3. aan waarop dit uitloop. 1. JESUS HET GEGAAN Net soos die Here Jesus Sy dissipels van Sy dood en Sy opstanding vertel het vççr dit gebeur het, 1 net so het Hy hulle vooraf ook van Sy weggaan vertel. In hierdie gesprekke met Sy dissipels die aand voor Sy kruisiging wat hier in Joh vir ons beskryf word, verwys Hy ten minste vyf keer na Sy weggaan: 2 - na Sy hemelvaart; - na Sy teruggaan na Sy Vader toe. Hoeveel Sy dissipels daardie aand daarvan verstaan het, is natuurlik n ope vraag. 3 Dit wat Hy hulle vooraf van Sy dood en opstanding vertel het, het hulle byvoorbeeld nie verstaan voordat dit eers klaar gebeur het nie. Maar die feit is dat Hy hulle voor die tyd, onder andere hier, oor Sy hemelvaart ingelig het. 1 Mark 8:31; 9:31; 10: Joh 13:33; 14:2-3; 14:28; 16:5-7; 16:28 3 Vgl. bv. Joh 16:17

3 Dit wys dat Sy gaan na die hemel toe nie n skielike besluit was nie: Hy t nie gegaan omdat Hy skielik op n punt gekom het waar die aardse moeilikhede vir Hom te veel geword het nie. - Hy t dan juis met Sy lyding en dood en opstanding die heel moeilikste magte en omstandighede in die ganse heelal aangedurf en beslissend gewen! - Waarom sal Hy dan nou, na Sy oorwinning, vlug? Hy t nie skielik besluit om te gaan soos iemand wat deur moeilikhede oorval word en dan n uitkomkans aangryp nie. Hy s natuurlik ook nie terug hemel toe omdat Hy Hom vererg het vir die wäreld wat Hom verwerp het nie. Op geen manier was Sy hemelvaart n teken daarvan dat Sy koms aarde toe op een of ander manier misluk het nie, iets soos n plan B wat probeer moes word omdat plan A nie gewerk het nie. God misluk nooit. Die feit dat Jesus, selfs voordat Hy gevang en gekruisig en doodgemaak is, Sy dissipels van Sy hemelvaart geleer het, maak dit so duidelik soos kan kom dat Sy hemelvaart op geen manier n stap terug is vir God se saak in hierdie wäreld nie, maar juis n beplande volgende stap in die triomftog van die Koning wat oorwin het! Ek gaan is hier nie die woorde van n mislukker nie, maar die aankondiging van die Koning, wat kén sä wat Hy gaan doen, omdat Hy die toekoms beheer en niemand Hom kan keer om te doen wat Hy beplan om te doen nie! Onthou u uit u katkisasiedae 4 dat Jesus se gaan waarvan Hy hier praat (Sy hemelvaart) nie regtig n weggaan was nie? Hy t nie so hemel toe gegaan dat Hy daarmee Sy belofte om Self altyd by ons te bly, 5 verbreek het nie. Dat Hy kon gaan en tog ook nog by ons bly, het te doen met die groot geheimenis van Sy twee nature: - dat Hy volledig God gebly het; 3 4 HK Sondag 18: Mat 28:20

4 - en tog n ware mens ook geword het. 4 Na Sy hemelvaart, Sy weggaan, is Hy as mens nie meer by ons nie. Toe Hy in die hemel opgevaar het, is Sy menslike liggaam en siel van die aarde af in die hemel in verplaas. Maar as God is Hy self nog steeds by ons. En hierin speel die Heilige Gees, wat die Here Jesus tien dae na Sy hemelvaart op Sy kinders uitgestort het, n spesiale rol: dis HÑ wat sorg dat die Here Jesus in ons bly, wat ons gedurig herinner aan wat Jesus vir ons gesä en gedoen het, wat ons in Hom laat glo en so aan Hom vasbind en wat ons op n wonderlike geestelike manier ÖÖn met die Here Jesus maak. Onthou dit, dat Jesus se gaan nie regtig n weggaan was nie. Die Ek gaan waarvan ons teksvers praat, is Jesus se koninklike gaan van die aarde af in die hemel in by Sy hemelvaart. Dis Sy teruggaan in die hemelse heerlikheid in waarin Hy as die Seun van God van ewigheid af in bestaan het. Jesus het gegaan 2. WAARVOOR HY GEGAAN HET Kan dit duideliker gesä word as wat die Here Jesus dit hier doen? Ek gaan om vir julle plek te berei. In ons teksverse stel die Here Jesus die hemel waarheen Hy sou gaan voor as die huis van die hemelse Vader. En hierdie Vaderhuis het baie blyplek, soos wat een van die ou tyd se paleise of kasteelkomplekse nie net vir die vors en sy vrou en sy erfgenaam plek gehad het nie, maar ook vir al sy ander kinders met hulle gesinne en vir al die personeel van hierdie hofhouding. Hierdie hemelse Vaderhuis het genoeg blyplek vir almal wat uiteindelik daar gaan woon. Vir elke kind van God is daar n plek, n kamer, n suite

5 5 - vir elke mens wat op hierdie aarde geweet het dat Jesus die ware en die enigste Verlosser van mense is - en wat dit self uit die hart uit aanvaar het dat Hy ook die boete vir jçá sondes voor God betaal het, veral toe Hy daar aan die kruis die bitterste bitterheid gely het Vir elke kind van God het hierdie hemelse Vaderhuis plek. Nie (terloops) net tydelike losies nie, maar n vaste, ewige blyplek. 6 En dis na hierdie ruim Vaderhuis toe wat Jesus met Sy hemelvaart gegaan het. Hoekom? Om alles daar te gaan gereedmaak vir die dag wanneer ons daar moet intrek. Hy t Sy werk wat Hy hier op aarde moes kom doen (om in ons plek n volmaak gehoorsame lewe aan God te lewe en om die straf op ons ongehoorsaamheid vir ons te dra en om die dood vir ons te oorwin) klaar gedoen. En toe t Hy teruggegaan hemel toe om die ewige blyplek wat Hy met Sy werk hier op aarde vir ons verdien het, vir ons te gaan gereedmaak. Kan hierdie dinge eenvoudiger gesä word as wat die Here Jesus dit hier doen? Kan die ewige lewe, wat ons na hierdie aardse lewe daar in God se direkte teenwoordigheid gaan lewe en die wonderlike voorsiening wat Hy daar vir ons liggame en siele gaan maak, beter verduidelik word as met die beeld van die huis van jou volmaakte Vader in die hemel waar jy vir altyd gaan bly? Kan die hoà werk wat die Here Jesus as die Middelaar daar in die hemelse heiligdom gaan doen, makliker gesä word as dat Hy daar besig is om ons elkeen se plekkie vir ons gereed te maak? Selfs n kind kan dit maklik verstaan. Kinders, die Here Jesus het na die hemel toe gegaan om ook jóú kamer daar solank te gaan regmaak, 6 2 Kor 5:1

6 6 sodat as jy eendag in die hemel kom, Älles vir jou reg sal wees daar Ons weet dat die Here Jesus hemel toe gegaan het - om vandaar die Heilige Gees vir Sy kerk te stuur - en om daar vir ons voorspraak te doen - en om van daar af die kerk en die wäreld so te regeer dat God se plan met alles tot die laaste letter toe uitgevoer sal word en dat nie een van God se uitverkorenes ooit verlore sal gaan nie maar tot geloof sal kom en al hoe meer die lewe wat by n gelowige pas, sal lewe en ook in die geloof sal volhard tot die einde toe. Maar vir ons, wat soos kinders voor Hom is, kom dit alles doodeenvoudig daarop neer dat Hy besig is om ons plek in die Vader se huis vir ons gereed te kry Waarom het Jesus hemel toe gegaan? Om vir Sy mense hulle plek daar gereed te maak. 3. WAAROP DIT UITLOOP En as Ek gegaan en vir julle plek berei het, kom Ek weer en sal julle na My toe neem, sodat julle ook kan wees waar Ek is. Jesus kom weer. In n sin verwys hierdie woorde na Jesus se opstanding uit die dood uit toe Hy as t ware uit die dood uit weer na Sy dissipels toe gekom het. En in n sin verwys hierdie woorde (Ek kom weer) na die uitstorting van die Heilige Gees, toe die Here Jesus as t ware in die Heilige Gees weer na Sy mense op hierdie aarde toe gekom het. En in n sin verwys hierdie woorde na wanneer n gelowige doodgaan en die Here Jesus deur Sy engele na jou toe kom om jou siel daar na Hom toe in die hemel te vat. Maar hierdie woorde verwys veral na die wederkoms van Jesus en die finale en ewige verheerliking van al God se kinders van alle plekke en tye. Daar kom mos n dag wanneer die Here Jesus, net soos wat Hy liggaamlik en sigbaar en op wolke in die hemel opgevaar het, weer terugkom na hierdie wäreld toe.

7 7 Dan gaan Hy die ongelowige en onbekeerde mense oordeel en straf. En dan gaan Hy al Sy kinders die wat dan al gesterf het en al klaar in die hemel was Ön die wat dan nog op die aarde geleef het, saamvat in die volmaakte lewe op die nuutgemaakte aarde by die nuutgemaakte hemel in waar ons met volmaakte liggame en siele vir altyd saam met Hom gaan bly. Ons weet nie baie detail van daardie lewe wat ons dan gaan hä nie. Maar dit pla ons nie, want ons gaan wees waar die Here Jesus is. 7 En om saam met HÇm te wees, is die hoogste geluk wat moontlik is. Al die ander omstandighede, al die ander ondenkbare wonderlikhede van ons lewe daar, kom tweede, want bñ-die-here-wees is loshande die beste van die beste! Däs waarop alles uitloop Jesus se gaan na die hemel toe, Sy gereedmaak-werk daar: - op Sy terugkom aarde toe; - op Sy saamvat van ons daar na Hom toe; - op ons ewige saam-met-hom-wees daar TEN SLOTTE As u iemand is wat elke jaar Kersfees oor Jesus se geboorte feesvier en wat elke jaar op Goeie Vrydag diep dankbaar is oor Sy lyding en dood vir ons en wat elke jaar op Paas-Sondag opgewonde is oor Sy opstanding uit die dood uit, dan mçöt Sy hemelvaart u ook aangryp! Dis dan deel van hierdie selfde verlossingswerk van ons Here! Moet dan nie dat die boodskap van die hemelvaart by u verbygaan nie. Wat is beter nuus en bring groter troos en hoop vir mense wat netnou en mãre maar weer hierdie aardse lewe met al sy stryd en moeite moet gaan aandurf, as hiördie? - Jesus het gegaan, om my kamer daarbo gereed te kry, en Hy kom weer, om my na HÇm toe, déér, te vat. Met sç n vooruitsig skrik n mens vir niks 7 Vgl. Joh 17:24; Flp 1:23

8 8 AMEN