Welkom by Die Storie God se storie

Transcriptie

1 Welkom by Die Storie God se storie Hierdie boek vertel die belangrikste, aangrypendste storie ooit: die storie van n ware God wat lief is vir sy kinders, wat gesorg het dat hulle gered is, en wat vir hulle die weg na die ewige lewe gegee het. Elkeen van die 31 stories wys vir ons die God van genade die God wat praat, wat optree, wat luister, en wat so lief is vir sy mense dat Hy sy enigste Seun gegee het om te betaal vir die mensdom se sonde. En boonop is hierdie selfde God vandag by ons aan die werk Hy luister steeds, Hy tree steeds op en stort sy genade oor ons uit. Hy skenk dit aan ons wanneer ons swak is, wanneer dit goed gaan, of sleg gaan, selfs tussen-in; wanneer ons bang is of oor iets wonder; en die belangrikste, wanneer ons vir Hom lewe. Hy is dieselfde God wat Dawid se sondes vergewe het en vir Daniël uit die leeukuil gered het. Dieselfde hemelse Vader wat die Israeliete deur die woestyn gelei het, wil ons ook lei en ons red sodat ons die ewige lewe kan hê. Dit is ons gebed dat hierdie stories jou sal help om na God te luister, terwyl Hy jou help om jou eie storie te skryf. Max Lucado en Randy Frazee

2 Inhoudsopgawe Hoofstuk 1 In die begin Hoofstuk 2 Abraham volg vir God Hoofstuk 3 Josef vergewe sy broers Hoofstuk 4 God beskerm vir Moses Hoofstuk 5 Die Tien Gebooie Hoofstuk 6 Twee mans wat glo Hoofstuk 7 God se helper Hoofstuk 8 n Sterk man Hoofstuk 9 Twee gawe mense Hoofstuk 10 God hoor vir Hanna en Samuel Hoofstuk 11 Dawid en die reus Hoofstuk 12 Dawid is jammer Hoofstuk 13 Die wyse koning Salomo Hoofstuk 14 Die koninkryk deel in twee Hoofstuk 15 Elia en Elisa Hoofstuk 16 Boodskappe van God Hoofstuk 17 God se profete Hoofstuk 18 Vra God vir hulp Hoofstuk 19 God se huis Hoofstuk 20 Ester maak gereed Hoofstuk 21 Deur God gekies Hoofstuk 22 Baba Jesus Hoofstuk 23 God se krag Hoofstuk 24 Jesus leer die mense Hoofstuk 25 Jesus en die kindertjies Hoofstuk 26 Jesus se offer Hoofstuk 27 Jesus het opgestaan Hoofstuk 28 Die Heilige Gees Hoofstuk 29 God gebruik vir Paulus Hoofstuk 30 God se dienskneg Hoofstuk 31 Jesus kom terug

3 Hoofstuk 1 In die begin Genesis 1-2 Baie lank gelede was daar niks. Toe sê God: Laat daar lig wees. En daar was lig! God het die lig dag genoem, en die donker het Hy nag genoem. God het gesê die lig is goed. Volgende het God die lug, die land en die see gemaak. God het geglimlag toe Hy sien alles wat Hy gemaak het, was goed. Toe sê God: Laat daar plante wees. En bome met vrugte en saad. Laat die son, maan en sterre skyn in die lug, en laat daar voëls en diere wees. Alles het gebeur soos God gesê het, en dit was goed

4 Toe doen God iets anders. Hy het stof gevat en n man gemaak. God het asem in sy longe geblaas en hom Adam genoem. Toe maak God n vrou. Hy het haar Eva genoem. God het mense gemaak om sy kinders te wees. Hy het hulle geseën, en gesê dit wat Hy gemaak het, was baie goed. God was tevrede met alles wat Hy gemaak het. Toe rus God omdat sy werk klaar was. God het vir Adam en Eva gemaak. God het jou ook gemaak. Is dit nie wonderlik om God se kind te wees nie! 12 13

5 Hoofstuk 2 Abraham volg vir God Genesis 12:1-9; 15:1-6; 21:1-7 Abraham was n goeie man wat vir God vertrou het. God het vir hom gesê: Trek weg uit jou land na die land wat Ek vir jou sal wys. Om te trek, maak n mens bang, maar Abraham het vir God vertrou. Abraham en sy vrou, Sara, het hulle goed opgepak. Hulle het hulle skape en beeste bymekaargemaak en ver gereis. Hulle het almal by hulle saamgevat, ook Abraham se nefie Lot en al sy diere. Toe hulle by die nuwe land aankom, was daar nie genoeg kos vir Abraham en Lot se diere nie. Abraham het weer vir God vertrou. Lot, het Abraham gesê, jy kan die beste deel van die land kry, en ek sal na die ander deel toe trek

6 God het vir Abraham gesê dat hy en Sara n baba sou kry. Dit was vir hulle moeilik om te glo, want Abraham en Sara was al oud. Abraham het vir God vertrou. Toe Abraham 100 jaar oud was, het Sara n babaseuntjie gekry. Hulle het hom Isak genoem. Abraham het vir God vertrou. Jy kan God ook vertrou. Hy is altyd by jou

7 Hoofstuk 3 Josef vergewe sy broers Genesis 37; Isak het n seun met die naam Jakob gehad. Jakob het grootgeword en baie seuns gehad, maar hy was die liefste vir Josef. Jakob het vir Josef n jas met baie kleure gegee. Dit het Josef se broers kwaad gemaak. Een nag het Josef gedroom. Sterre en graan het voor hom gebuig, asof hy n koning was. Josef het vir sy broers van sy droom vertel. Eendag gaan julle dalk ook so voor my buig. Dit het Josef se broers nog kwater gemaak. Hulle het Josef se jas gevat, hom in n diep gat gegooi en hom toe verkoop. Josef het n slaaf in Egipte geword, maar God het n plan gehad vir Josef

8 Farao was die leier van Egipte. Op n dag het Farao n droom gehad. Josef het vir Farao gesê: Jou droom beteken daar gaan vir sewe jaar baie kos wees, maar die sewe jaar daarna gaan daar nie kos wees nie. Farao het vir Josef geglo en hom oor die hele Egipte aangestel. Josef het seker gemaak daar was genoeg kos vir almal. Josef se broers het gehoor daar is kos in Egipte, toe gaan hulle soontoe. Toe hulle vir Josef sien, het hulle vir hom gesê: Ons is jammer oor wat ons aan jou gedoen het, Josef. Josef het hulle vergewe, want hy het geweet dit wat gebeur het, was deel van God se plan. God het vir Josef gesorg. God sal vir jou ook sorg