26. Ek kies om die Here te dien Daniël 6

Transcriptie

1 26. Ek kies om die Here te dien Daniël 6 Tema Wanneer jaloerse mense ander mense met mag gebruik om jou geloof te probeer ondermyn, ontdek jy die Here is en bly getrou. Agtergrond en interpretasie Kyk weer na die Agtergrond en interpretasie by die vorige aanbieding. In hierdie aanbieding gaan dit nie oor Daniël se vriende nie, maar oor Daniël self. Nebukadneser is nie meer die koning nie, maar Darius. Dit gaan nie hier oor die aanbidding van n afgod nie, maar die aanbidding van die koning self. Die element wat in hierdie verhaal bykom, is die jaloesie van die goewerneurs-generaal wat iets teen Daniël wou kry om hom in onguns te bring. Dit spreek boekdele wanneer daar in 6:5 staan: Daniël was betroubaar en was aan geen nalatigheid of onreëlmatigheid skuldig nie. Dit was geen geheim dat Daniël vir God drie keer per dag geprys, aanbid en gedank het nie. Dit is juis hierdie toewyding wat aanleiding gegee het tot die strik wat sy vyande vir hom gestel het. Die lang uiteensetting ( n kwart van die verhaal) oor die koning se wroeging toe hy sien Daniël se vyande het n strik vir hom gestel, gaan nie ongemerk verby nie. Dit onderstreep nie net Daniël se onskuld nie, maar veral ook die koning se uiteindelike erkenning dat Daniël se God gevrees en geëer moet word as die lewende God wat red, bevry en wonders doen. Net soos die verhaal van Daniël se vriende, wys dié verhaal na God, die getroue. Dit moedig ons aan om getrou aan God ons daaglikse pligte uit te voer, maar ook om in n verhouding met Hom te bly al bedreig dit ons lewe. Bybelgedeeltes en hoofgedagtes Bybelgedeelte (lees of vertel) Vertel Daniël 6:1-5 en lees vers 6 Vertel Daniël 6:7-10 en lees vers Hoofgedagtes van die ontmoeting 1. Jaloerse mense maak n plan teen Daniël. 2. Daniël hou aan om God te aanbid, en sy vyande stel vir hom n strik.

2 Lees Daniël 6:18-22 en vertel vers Die Here red vir Daniël en straf sy vyande. Lees Daniël 6: Die koning skryf aan almal dat hulle Daniël se God moet vrees en eer. Uitkoms 1. Insig: Soms is mense jaloers op gelowiges wat wys hulle dien die Here. Hulle kry dan dikwels mense met mag om die gelowiges te benadeel. 2. Respons: Daniël se verhaal leer ons om nie toe te laat dat kwaadwillige mense ons van stryk bring sodat ons ontrou aan die Here is nie. Ons leer ook om die gevolge aan God oor te laat. Hulpmiddels by die storie 1. Paneel Portret van Daniël. Hulpmiddels vir kleingroepvaslegging Junior kleingroep Bring saam Senior kleingroep Bring saam 1. Kleurpotlode of -kryte met skerp punte. 1. Penne of potlode.

3 Die storie Begin (Begin n gesprek oor jaloesie met die onderstaande vrae. Gee die kinders kans om te antwoord.) Wat beteken dit as iemand die geel baadjie aanhet? Wat doen jaloerse mense? Waarom is mense gewoonlik jaloers op iemand anders? Wat kan jy doen as ander mense op jou jaloers is? Kom ons lees n Bybelverhaal oor mense wat jaloers was. Hoor Moment 1: Daniël 6:1-6 Jaloerse mense maak n plan teen Daniël Daniël was n Jood. En soos julle weet, was die Jode die mense met wie die Here n lang pad gestap het. Hulle is eers die Israeliete genoem. Baie jare later het die Here toegelaat dat vyande hulle soos slawe in ballingskap wegvoer. Die vyande se koning het toe van die beste Joodse jong manne gekies om hom as raadgewers te help. Daniël was een van dié jong manne. Hy het n baie belangrike man geword wat vir die vyand se nuwe koning, Darius, gewerk het. Daniël was een van net drie mense wat gesorg het dat die koning presies weet wat aangaan en dat hy weet hoe om die beste koning vir sy mense te wees. Daniël het sy werk so goed gedoen dat almal kon sien hy is die beste van die koning se belangrikste werkers. Die ander belangrike mense wat vir die koning gewerk het, het gesien hoe goed Daniël sy werk doen en dat hy beter as hulle in sy werk is. Dit het hulle baie jaloers gemaak en hulle het toe begin planne maak om Daniël by die koning sleg te maak. Eers het hulle gekyk of Daniël nie dalk sekere mense voortrek of skelms dinge doen nie, maar hulle kon niks fout vind nie. Al wat hulle teen Daniël kon kry, was dat hy elke dag tot sy God gebid het. (Lees Daniel 6:6.) Moment 2: Daniël 6:7-15 Daniël hou aan om God te aanbid, en sy vyande stel vir hom n strik Die jaloerse amptenare het besluit die enigste manier om van Daniël ontslae te raak, was om n nuwe wet te maak. Hulle het toe aan n wet gedink waarvan die koning sou hou en waarmee hulle Daniël in die moeilikheid kon laat kom. Die wet moes sê dat almal vir 30 dae net vir koning Darius mag aanbid gee ander god nie. Daniël se vyande sê toe ook vir die koning dat hy hierdie wet n wet van die Mediërs en Perse moet maak. Dit beteken niemand mag dit verander nie. As iemand hierdie wet sou oortree, sou hy of sy in n kuil (groot gat) vol honger leeus gegooi word. Koning Darius het baie van die idee gehou dat almal net vir hom vir 30 dae gaan aanbid. Hy het toe die wet uitgevaardig. Dit was presies wat Daniël se jaloerse vyande wou hê. (Lees Daniël 6:11-15.) Moment 3: Daniël 6:18-25 Die Here red vir Daniël en straf sy vyande Koning Darius was baie lief vir Daniel en hy wou nie vir Daniël in die leeukuil gooi nie. Maar hy het nie n keuse gehad nie. Hoor julle wat sê die koning toe hulle vir Daniël daar wegvat om in die leeukuil te gaan gooi? Hy sê: Mag jou God wat jy met soveel volharding dien, jou red. Die koning kon nie vir Daniël red nie, want hy kon nie die wet verander nie.

4 Julle het ook verder gehoor dat die koning nie daardie nag kon slaap nie. Hy wou ook niks eet nie. Die volgende môre toe dit lig word, het hy opgestaan en na die leeukuil toe gegaan. Toe hy naby kom, roep hy: Daniël, wat die lewende God dien, kon jou God vir wie jy getrou bly aanbid het, jou toe red van die leeus? Toe hoor hy Daniël daar uit die leeukuil wat sê: My God het sy engel gestuur om die bekke van die leeus toe te sluit, want ek het niks verkeerds gedoen nie. (Vertel nou vers ) Gelukkig was Daniël baie lief vir God. God het sy hart geken en daarom het Hy vir Daniël teen die leeus beskerm. Toe Daniël lewendig uit die leeukuil kom, was koning Darius baie bly. Maar hy was ook baie kwaad vir die mense wat vir Daniël aangekla het. Daarom het hy opdrag gegee dat hulle almal, saam met hulle gesinne, in die leeukuil gegooi moes word En die leeus het hulle opgevreet. Dit is darem baie erg! Moment 4: Daniël 6:26-28 Die koning skryf aan almal dat hulle Daniël se God moet vrees en eer (Lees net Daniël 6:26-28.) Dink Jaloesie maak dat ons lelike planne maak en nare dinge teenoor ander mense doen. God het vir koning Darius, wat nie in God geglo het nie, liefgemaak vir Daniël. God het ook die leeus se bekke gesluit. Daniël se liefde vir God het gemaak dat koning Darius ook Daniël se God geprys het. Leef Hoe weet jy wanneer jy jaloers is? Wat kan jy doen as jy met jaloesie sukkel? Kom ons luister weer na die woorde wat koning Darius gebruik het om God groot te maak. Kies een van hierdie sinne wat jy die maklikste vir ander mense kan vertel (lees dit twee keer stadig deur): God is die lewende God. God bestaan vir ewig. God se koninkryk kan nie vernietig word nie. God sal nooit ophou om die Here te wees nie. God red mense en maak hulle vry. God doen tekens en wonders in die hemel en op die aarde. God het Daniël uit die kloue van die leeus bevry.

5 Kleingroepvaslegging: Junior groep Welkom Groet die kinders. Vra dan vir hulle watter een van die gesiggies in die werkboek vir hulle lyk soos iemand wat jaloers is. Wegspring Waaroor raak mense alles jaloers? Gesels saam daaroor. (Dink aan voorkoms, akademie, geld, besittings, sport, voorgetrek word.) Werksaam 1. Teken die leeus klaar. 2. Teken vir Daniël in die middel, tussen die leeus. 3. Teken jaloerse mense rondom die leeukuil. Wegstuur/Huisgeloof 1. Gesels by die huis saam oor die volgende: Hoe weet jy wanneer jy jaloers is? Wat kan jy doen as jy sukkel met jaloesie? Wat kan jy doen as jy agterkom ander mense is jaloers op jou? Hoe het koning Darius geleer wie die Here is? 2. Lees Daniël 6:27-28 saam. Verduidelik vir mekaar wat koning Darius alles oor die Here gesê het. Skryf nou een van hierdie dinge tussen die twee lyne rondom jou tekening hierbo.

6 Kleingroepvaslegging: Senior groep Welkom Groet die kinders. Vra dan vir hulle om na die gesiggies in die werkboek te kyk. Hoe het die koning se amptenare wat jaloers was, gelyk? Wegspring Waaroor raak mense alles jaloers? Gesels saam daaroor. (Dink aan voorkoms, akademie, geld, besittings, sport, voorgetrek word.) Wonder Dink oor daardie dag toe Daniël drie keer met die Here gepraat het terwyl daar n wet was wat gesê het hy mag net die koning aanbid. Maak jou oë toe. Verbeel jou jy is Daniël wat nou met die Here praat. Wonder wat hy alles vir die Here sou sê Werksaam Dink weer aan die hele verhaal wat jy vandag gehoor het. Vertel nou die verhaal in jou werkboek oor met tien woorde of kort sinne. Teken ʼn prent by elke woord of sin. Wegstuur/Huisgeloof 1. Gesels by die huis saam oor die volgende: Hoe weet jy wanneer jy jaloers is? Wat kan jy doen as jy sukkel met jaloesie? Wat kan jy doen as jy agterkom ander mense is jaloers op jou? Hoe het koning Darius geleer wie die Here is? 2. Lees Daniël 6:27-28 saam. Verduidelik vir mekaar wat koning Darius alles oor die Here gesê het. Skryf dit nou kortliks in jou werkboek onder nommer 10 neer.