10. In Tomas se skoene Johannes 20:19-31

Transcriptie

1 10. In Tomas se skoene Johannes 20:19-31 Tema Jesus help Tomas glo en Hy noem almal wat nie sien nie en tog glo, gelukkig. Agtergrond en interpretasie Hierdie aanbieding fokus op Tomas. Tomas is n Hebreeuse naam wat tweeling beteken. Johannes 11:16; 20:24 en 21:2 voeg die Griekse naam Didimus, wat ook tweeling beteken, by. Allerhande spekulasie het ontstaan oor wie die tweelingbroer is, sonder enige deurslaggewende argumente. Tomas se naam kom in die lyste van die twaalf apostels se name voor, maar dit is net Johannes wat n bietjie meer oor hom skryf. In die Johannes-evangelie is daar drie verwysings na Tomas, waarvan die laaste een vir Tomas bekendgemaak het. In Johannes 10 lees ons hoe die Jode so kwaad vir Jesus was dat hulle Hom met klippe wou doodgooi (v 31, 39). Jesus het toe uit die Jerusalem-omgewing weggegaan. Maar toe Hy hoor Lasarus is dood, het Hy besluit om na Betanië naby Jerusalem te gaan. Hierop het Tomas gereageer: Kom ons gaan ook, sodat ons saam met Hom kan sterwe (11:16). Dit lyk of Tomas aanvaar het die Jode gaan vir Jesus doodmaak en dalk ook vir hulle wat saam met Hom is. In Johannes 14:3-5 verduidelik Jesus vir die apostels dat Hy weggaan. Hulle verstaan nie presies wat Hy bedoel nie en daarom vra Tomas Hom verder uit: Here, ons weet nie waarheen U gaan nie; hoe kan ons dan die weg daarheen ken? Hierop verduidelik Jesus dat Hyself die weg is. Hy gaan voort met die gesprek oor die Heilige Gees wat sal kom en verduidelik dat Hy hulle nie as weeskinders sal agterlaat nie. Hoeveel hiervan Tomas verstaan het, weet ons nie. Tomas se vraag is eintlik ook die vraag van almal wat nie alles rondom Jesus se kruisdood, opstanding en hemelvaart, asook die koms van die Heilige Gees vertaan nie. In Johannes 20:19-25 verskyn Jesus die eerste keer aan die dissipels, maar Tomas was nie by hulle nie. Tomas was n gewone mens wat realisties oor dinge gedink het. Hy wou Jesus sien voordat hy glo: My Here en my God! (Joh 20:28). Toe Jesus agt dae later weer aan die dissipels verskyn (20:26-31), was Tomas wel daar. Jesus sê vir hom: Gelukkig is dié wat nie gesien het nie en tog glo (v 29b). So word Tomas die karakter wat die gelowiges ná hom wat nie vir Jesus gesien het nie se geloof versterk. Hoewel Johannes sy Evangelie om die sewe wondertekens bou, sluit hy af met die stelling dat dit eintlik oor geloof gaan (v 31). Hierdie spanning tussen sien en blindelings glo is

2 vandag steeds relevant veral in die rasionalistiese omgewing van die eksakte wetenskappe waarin ons leef. Bybelgedeeltes en hoofgedagtes Bybelgedeelte (lees of vertel) Lees Johannes 20:19-25 Lees Johannes 20:26-28 Lees Johannes 20:29-31 Hoofgedagtes van die ontmoeting 1. Jesus verskyn aan die dissipels; Tomas was nie daar nie en hy glo nie dit is waar nie 2. Tomas glo 3. Glo en leef Uitkoms 1. Insig: Om te glo beteken ons kan nie alles met die verstand (en dit wat ons sien) verklaar nie. 2. Respons: Dink na oor die volgende stelling: Gelukkig is dié wat nie gesien het nie en tog glo. Dit is Johannes se boodskap aan die generasies wat nie Jesus se wonderwerke en opstanding gesien het nie. Hulpmiddels by die storie 1. Paneel 7. Hulpmiddels vir kleingroepvaslegging Junior kleingroep Bring saam Senior kleingroep Bring saam 1. Kleurpotlode. 1. Penne of potlode. Voor die tyd 1. Soek n gepaste prent en plak dit iewers op soos uiteengesit onder Welkom. Voor die tyd 1. Soek n gepaste prent en plak dit iewers op soos uiteengesit onder Welkom.

3 Die storie Begin Ons kyk vandag na Tomas. Hy was een van Jesus se twaalf dissipels. Hy wou altyd dinge verstaan en sien voordat hy dit glo. Toe Jesus eenkeer vir sy dissipels vertel het dat Hy weggaan, wou Tomas weet waarheen Jesus gaan en hoe dit werk. Tomas soek duidelikheid. Ons weet nie baie van Tomas nie, behalwe dat hy moontlik een van n tweeling was en daarom ook Tomas Didimus genoem is dit beteken tweeling. Nadat Jesus opgestaan het, verskyn Hy aan die dissipels, maar Tomas was nie daar nie. Kom ons lees hoe dit gebeur het. Hoor Moment 1: Johannes 20:19-25 Jesus verskyn aan die dissipels; Tomas was nie daar nie en hy glo nie dit is waar nie Jesus se dissipels was bang, want hulle leier, Jesus, is gekruisig. Daarom het hulle die deure gesluit. Wanneer Jesus deur die toe deur inkom, groet Hy hulle soos wat hulle gewoond was om mekaar te groet, met die woord sjalom dit beteken vrede vir julle. Jesus wou met hierdie groetwoord die dissipels help om nie so bang te wees nie, maar om vrede en rustigheid te hê. Toe Hy vir hulle sy hande en sy wys, het hulle besef dit is Jesus. Toe Jesus weer vir hulle sê vrede vir julle het Hy regtig bedoel hulle moenie meer bang wees nie, want Hy wil hulle stuur om die goeie nuus vir die mense te gaan vertel. Wat is die goeie nuus? Dat God ons sonde vergewe. As die dissipels dit nie vir ander mense gaan vertel nie, sal die mense dit nooit weet nie. Toe blaas Jesus oor hulle en sê hulle gaan die Heilige Gees kry om hulle te help. So stuur Jesus hulle toe uit. Hier gebeur iets groots: Jesus verander die dissipels in mense wat die goeie nuus kan en moet vertel. Maar Tomas is nie by hulle nie en hy kan nie glo Jesus leef nie. Agt dae later verskyn Jesus toe weer aan hulle. Moment 2: Johannes 20:26-28 Tomas glo Dit is darem wonderlik dat Jesus vit Tomas kom help om ook soos die ander te glo. Elke keer wat ek hierdie gedeelte lees, dink ek hoe baie geduld Jesus met mense het en hoe Hy ons graag ook opgewonde wil maak oor die goeie nuus. Tomas het eers sterk gestaan en gesê hy gaan nie glo as hy nie self vir Jesus sien nie. Toe Tomas later vir Jesus sien, sê hy vir Hom: My Here en my God! Tomas is nou swak, maar Jesus is sterk. Glo doen dit aan n mens. Glo help jou om te sê daar is Iemand wat groter as jy is. Jy verstaan dit dalk nie, maar jy glo dit. Moment 3: Johannes 20:29-31 Glo en leef En toe dink Jesus aan al die gelowiges wat Hom nooit sal sien soos wat die dissipels Hom gesien het nie. Tog sê Jesus hulle is gelukkig omdat hulle glo al het hulle Hom nie gesien nie. Dit gee vir ons ook moed. Ons het nie vir Jesus gesien nie, maar ons glo in Hom. Daarom sê Jesus ons is gelukkig. In die eerste twaalf hoofstukke van sy boek (Evangelie) skryf Johannes sewe groot wondertekens wat Jesus gedoen het, neer. (Jesus het nog baie ander wondertekens ook gedoen.) Kom ons kyk gou wat dit was:

4 1. Jesus verander water in wyn 2. Jesus maak n seun gesond 3. Jesus maak n verlamde man gesond 4. Jesus gee baie mense met n paar vissies en broodjies kos 5. Jesus loop op die water 6. Jesus laat n blinde man sien 7. Jesus laat Lasarus uit die dood opstaan Ná hierdie sewe wondertekens vertel Johannes die grootste wonder: Jesus is gekruisig en het weer opgestaan. Johannes sê hy het hierdie wonderteken neergeskryf sodat mense kan glo Jesus is die Seun van God en dat Hy vir gewone mense ook die ewige lewe gee. Dink Ons leef in n wonderlike wêreld waarin daar allerhande wonderlike dinge gebeur. Party dinge is baie groot, soos donderweer of alles wat in die hemelruim met sterre en planete gebeur. Ander dinge is weer so klein dat ons n mikroskoop nodig het om dit raak te sien. Ná baie jare verstaan ons nog nie alles nie. Sommige dinge kan ons maar net glo al sien of verstaan ons dit nie, soos dat Jesus uit die dood opgestaan het en vir ons die ewige lewe gee. Wanneer ons sukkel om dit te glo, is dit wonderlik om te weet Jesus gooi ons nie weg nie. Hy het nie vir Tomas weggegooi nie en ons glo Hy sal ons ook nie weggooi nie. Leef Ons is bly daar is baie dinge oor God, Jesus en die Heilige Gees in die Bybel geskryf. Ons kan dit lees, daaroor dink en dit oorvertel. Een van die belangrikste boodskappe wat ons in die Bybel lees, is dat Jesus God se Seun is wat vir ons die ewige lewe kom gee het. Ons kan dit glo en vir almal vertel.

5 Kleingroepvaslegging: Junior groep Welkom Plak n prent van n dier soos n leeu op n plek waar die groeplede dit nie kan sien nie, byvoorbeeld agter n boom of n deur. Groet die groep met die woorde vrede vir julle en sê dan iets soos die volgende: Weet julle, agter daardie boom is n leeu! Kyk na hulle reaksie. As niemand nuuskierig genoeg is om te gaan kyk nie, vra een van die kinders om te gaan kyk of jy die waarheid praat. Wegspring 1. Kan jy n vraagteken maak? Teken dit met jou vinger op die tafel voor jou. (Help deur dit baie stadig op n papier te maak en kyk dan hoe die kinders dit namaak.) 2. Kan jy n uitroepteken maak? Teken dit met jou vinger op die tafel voor jou. (Help hulle weer.) Werksaam Laat die kinders na Tomas se gesig in hulle werkboek kyk. Verduidelik vir hulle dat elke blokkie n naam het, byvoorbeeld a1-a5, b1-b5, c1-c5, d1-5 en e1-e5. (Wys vir hulle hoe elke blokkie n naam kry deur te kyk na die letters en syfers op die buiterand.) 1. Teken Tomas se tweeling deur na die eerste prent te kyk en dieselfde strepies in al die blokkies in die tweede tekening te maak. 2. Maak Tomas en sy tweeling se gesigte verder klaar. Dit kan maar effens verskil. Dalk kan jy sy tweeling n suster maak! 3. Maak n vraagteken of n uitroepteken op Tomas se voorkop. As jy n vraagteken maak, beteken dit Tomas glo nog nie Jesus leef nie en hy vra baie vrae. As jy n uitroepteken maak, beteken dit Tomas glo Jesus leef en hy sê vir Jesus: My Here en my God! Wegstuur/Huisgeloof 1. Vertel vir jou huismense hoekom daar n vraagteken of n uitroepteken op Tomas se voorkop is. 2. Lees Johannes 20:21. Jesus sê Hy stuur sy dissipels soos die Vader Hom gestuur het. Wat moes die dissipels gaan doen? Stuur Jesus vir ons ook? Wat moet ons gaan doen? Waar? 3. Lees Johannes 20:23. Voltooi die volgende: As ons nie gaan vertel nie, gaan mense nie weet dat

6 Kleingroepvaslegging: Senior groep Welkom Plak n prent van n dier soos n leeu op n plek waar die groeplede dit nie kan sien nie, byvoorbeeld agter n boom of n deur. Groet die groep met die woorde vrede vir julle en sê dan iets soos die volgende: Weet julle, agter daardie boom is n leeu! Kyk na hulle reaksie. As niemand nuuskierig genoeg is om te gaan kyk nie, vra een van die kinders om te gaan kyk of jy die waarheid praat. Wegspring Gebruik die kode in jou werkboek en voltooi die sin. Wonder Dink in stilte hieroor: Wat dink jy kon met Tomas gebeur het as Jesus nie aan hom verskyn het nie? Werksaam 1. Rangskik die sinne in jou werkboek in die regte volgorde soos dit in die Bybel staan. Nommer dit van 1 tot 8. Hy sê toe: Vrede vir julle. My Here en my God. Daardie eerste Sondagaand was die deure gesluit. Tomas was nie by die dissipels nie. As ek nie die merke van die spykers in sy hande sien nie. Soos die Vader My gestuur het, stuur Ek julle ook. As ek nie my hand in sy sy steek nie, sal ek nooit glo nie. (Opskrif) Jesus verskyn aan sy dissipels. 2. Gebruik die woorde wat in donker gedruk is in die sinne hierbo en vul dit in die regte blokkies in. Die woorde is in die regte volgorde van In die geel blokkies staan die woord verstand. Gesels saam oor die volgende: Jou verstand kan jou help om te glo of dit kan jou hinder om te glo. Wegstuur/Huisgeloof 1. Praat saam oor die volgende: Ons kan nie alles in die lewe met ons verstand verklaar nie. Is dit waar of onwaar? Hoekom? 2. Lees Johannes 20:21. Jesus sê Hy stuur sy dissipels soos die Vader Hom gestuur het. Wat moes die dissipels gaan doen? Stuur Jesus vir ons ook? Wat moet ons gaan doen? Waar? 3. Lees Johannes 20:23. Voltooi die volgende: As ons nie gaan vertel nie, gaan mense nie weet dat