25. Ja, Jeremia, jy kan! Jeremia 1

Transcriptie

1 1 25. Ja, Jeremia, jy kan! Jeremia 1 Tema Wanneer die Here vir ons moeilike werk gee om te doen, is Hy by ons. Agtergrond en interpretasie Die profeet Jeremia het uit Anatot gekom en was nie een van die binnekring in Jerusalem nie. (Ons lees in 1 Kon 2:26-27 dat Salomo vir Abjatar ontslaan en na Anatot verban het. Dalk het Jeremia uit hierdie priesterfamilie gekom.) Jeremia het tydens die bewind van vier opeenvolgende konings in Jerusalem as profeet opgetree. Toe hy met sy uitsprake begin het, was Josia, die goeie koning, nog aan bewind (626 vc). Jeremia het aanhou profeteer tot in die tyd toe Jerusalem verwoes en die Jode in ballingskap weggevoer is (587 vc). Jeremia se opdrag was om nasies en koninkryke met harde woorde te breek, uit te roei, te vernietig en plat te slaan, maar ook om weer op te bou en te vestig (1:10). Sy woorde was nie net teen Jerusalem en Juda gemik nie, maar ook teen die ander nasies (Jer 46 51). In die eerste hoofstuk waarna ons in hierdie ontmoeting kyk, sien ons dat Jeremia onbevoeg gevoel het vir hierdie groot taak omdat hy so jonk was. Tog lees ons in 1:7-8 dat God vir Jeremia gestuur en sy mond aangeraak het om hom vir sy belangrike werk bekwaam te maak. Die hele boek Jeremia is vol beskrywende beelde. In 1:11 en verder is daar die beeld van ʼn amandeltak wat ʼn beeld is van om gereed te maak (amandelbome is die eerste bome wat bloeisels in die lente en somer het. Daar is ook die beeld van ʼn kokende pot wat oorkantel en dui op die gevaar wat die nuwe groot Babiloniese Ryk inhou. Die Here Self maak egter vir Jeremia so sterk soos ʼn vestingstad, ʼn ysterpilaar en ʼn bronsmuur (v 17-18) sodat hy vas kan bly staan wanneer die mense teen hom in opstand kom. Hy maak hierdie jongman gereed om sy Woord aan mense te gaan oordra ʼn boodskap wat ook sou seermaak. Bybelgedeeltes en hoofgedagtes Bybelgedeelte (lees of vertel) Lees Jeremia 1:4-8 Vertel Jeremia 1:9-10 Vertel Jeremia 1:11-16 Vertel Jeremia 1:18 en lees vers 19 Hoofgedagtes van die ontmoeting 1. Jeremia word geroep. 2. Jeremia word aangeraak en aangestel. 3. Die amandeltak en kokende pot vertel van slegte dinge wat gaan kom. 4. Die Here is by Jeremia.

2 2 Uitkoms 1. Insig: Die Here gee soms vir ons moeilike werk om te doen, maar Hy is dan ook by ons om ons te help. 2. Respons: Gaan staan in Jeremia se skoene, luister goed wat die Here vir jou sê om te doen en dink aan die verskonings wat jy sou gemaak het. Hulpmiddels by die storie 1. Paneel 5. Hulpmiddels vir kleingroepvaslegging Junior kleingroep Bring saam 1. Potlode. 2. Inkleurpotlode of skerp kryte. Senior kleingroep Bring saam 1. Potlode of penne.

3 3 Die storie Voorstel: Vertel gerus die storie asof jy Jeremia is. Kry selfs iewers ʼn masker, lang hare, ʼn tulband of ʼn mantel sodat jy soos Jeremia lyk. Laat iemand anders die Skrifgedeeltes lees. Begin Hallo, julle. My naam is Jeremia. Ek is eintlik maar skaam en sukkel soms om die regte woorde te kry om te sê. Daarom is ek bang vir praat, veral voor baie mense. Maar God help my om die regte woorde te sê. Hy sal my ook help om vandag my storie vir julle te vertel. Moes julle al ooit iets doen wat julle gedink het julle nooit sou kon regkry nie? Moes julle al iets baie moeilik doen, soos om voor ʼn klomp mense te praat of slegte nuus vir iemand te gaan vertel? Ek moes al dikwels baie slegte nuus aan ʼn groot groep mense gaan oordra. Hoor Moment 1: Jeremia 1:4-8 Jeremia word geroep Die Here het my geroep en gesê Hy gaan vir my ʼn baie moeilike werk gee om te doen. Ek moes sy boodskapper wees, sy profeet wat vir die mense en die koning van die land Juda ʼn boodskap van God af moes gaan gee. Hierdie boodskap was nie goeie nuus nie. Ek het dadelik vir God gesê: Nee, ek kan nie gaan nie. Ek dink nie dit is ʼn goeie idee nie. Here, ek kan nie goed praat nie. En ek is hopeloos te jonk. Maar God het vir my gesê: Jy moenie sê jy is te jonk nie. Gaan na die mense na wie toe Ek jou stuur en sê vir hulle alles wat Ek jou beveel om te sê. Moenie vir hulle bang wees nie, want Ek is by jou. God het my rustig gemaak. Hy het belowe Hy sal my help met hierdie moeilike werk en altyd by my wees. Moment 2: Jeremia 1:9-10 Jeremia word aangeraak en aangestel Die Here het toe sy hand uitgesteek en aan my mond geraak. Hy het weer gesê Hy sal my help. Hy sal vir my die regte woorde gee om vir die mense van Juda te gaan sê. God het belowe om my te help om die slegte nuus te gaan oordra. Wat was hierdie slegte nuus? Die mense van Juda sou gestraf word omdat hulle nie aan God gehoorsaam was nie en slegte dinge gedoen het. Moment 3: Jeremia 1:11-16 Die amandeltak en kokende pot vertel van die slegte dinge wat gaan kom Die Here het vir my twee beelde gewys. Eers het Hy vir my ʼn amandeltak gewys. Weet julle hoe lyk ʼn amandeltak? (Wys ʼn prentjie van ʼn amandeltak met bloeisels.) ʼn Amandelboom kry in die lente baie mooi wit blommetjies aan. Ons noem dit bloeisels. Amandelbome kry gewoonlik heel eerste bloeisels aan in die lente. Dit sê vir ons ons moet gereed wees, want die lente is hier. Die amandeltak sê: Wees gereed. Die Here het vir my gesê ek moet vir die mense van Juda gaan sê hulle moet gereed wees. Ongelukkig moes hulle nie gereed wees vir iets goeds soos die lente gereed nie. Die Here was gereed om te doen wat Hy gesê het Hy gaan doen. Hy sou die mense straf. Daar was vir hulle ʼn slegte tyd op pad.

4 4 Hierna het die Here vir my ʼn kokende pot gewys. (Wys ʼn prentjie van ʼn kokende pot.) Die pot het omgeval. Dit is baie gevaarlik wanneer ʼn kokende pot omval, want die water of kos in die pot is baie warm en dit kan jou brand. Die Here het vir my gesê die kokende pot wat omval, beteken daar kom slegte tye vir Juda. ʼn Ramp sal hulle tref en hulle en hulle koning seermaak. Eintlik sou dit hulle vernietig. Moment 4: Jeremia 1:18-19 Die Here is by Jeremia Dit was regtig baie slegte nuus wat ek vir die mense en vir die koning van Juda moes gaan vertel. Ek het geweet hulle sou dalk kwaad word vir my en nie luister na wat ek sê nie. Ek was baie skrikkerig om die nuus te gaan oordra. Maar die Here het hierdie moeilike werk vir my gegee en weer vir my gesê ek moenie bang wees nie. (Lees God se woorde aan Jeremia in 1:19.) Hulle sal teen jou veg maar hulle sal jou nie oorweldig nie, want Ek is by jou, sê die Here. Ek sal jou red. Die Here het my gehelp om sy boodskap te gaan oordra. Al het ek gevoel ek is te jonk en al was ek bang om te praat, het die Here my gehelp om sy boodskap aan die mense en die koning van Juda te gaan gee. Dink Voorstel: Laat die persoon wat die Bybelgedeeltes gelees het die res van die ontmoeting lei, of trek jou Jeremia-klere uit en praat self verder. Al is jy jonk of bang om te praat, sal die Here jou ook help om moeilike werk vir Hom te doen. Die Here is altyd by jou. Leef Ons kan op verskillende maniere met ander mense praat. Kom ons dink aan ʼn paar maniere: 1. Ons kan ons verbeel ons is beter as ander en hulle afkraak deur lelike dinge vir hulle te sê. 2. Ons kan woordgevegte uitlok omdat ons weet ons redeneer beter as ander. 3. Ons kan teëpraat met grootmense wat vir ons opdragte gee of met ons raas. 4. Ons kan voor ander mense met iemand praat oor die verkeerde dinge wat hy of sy doen om hulle seer te maak of te verneder. 5. Ons kan so lief wees vir iemand dat ons hulle eenkant toe roep en sê: Ek wil graag met jou oor iets praat omdat ek vir jou omgee Daar is nog ʼn hele paar ander maniere om met mense te praat. Jeremia moes kwaai wees met die mense van Juda. Soms is dit nodig om streng en kwaai te wees, veral wanneer mense nie luister nie. Dit is sleg, maar die Here sal ons help soos Hy vir Jeremia gehelp het.

5 5 Kleingroepvaslegging: Junior groep Welkom Groet elkeen met die woorde: Die Here is by jou. Gee vir elke groeplid ʼn beurt om vir die een langs hulle dieselfde boodskap te gee: Die Here is by jou. As die groep in ʼn ry sit, laat die een heel laaste in die ry dit weer vir die een aan die begin van die ry sê. Wegspring Wat is ʼn bloeisel? Dit is ʼn blommetjie aan ʼn boomtak wat later ʼn vrug word. 1. Laat die kinders die bloeisel in hulle werkboeke voltooi soos die voorbeeld hieronder. (Opmerking: As dit lente is, bring gerus bloeisels aan ʼn tak saam na die ontmoeting toe.) Voorbeeld:

6 6 Werksaam 1. Kyk na die prentjies in jou werkboek. Trek ʼn kruis oor die prentjies wat nie deel van Jeremia se storie was nie. (Antwoord: neus, beker en druiwetros.) Kleur die prentjies in wat wel deel van Jeremia se storie was. (Antwoord: amandeltak, kokende pot, mond.) 2. Skryf die volgende woorde reg neer: niemoe ganb sewe ein tanw ke si yb ouj.. (Antwoord: Moenie bang wees nie, want Ek is by jou.) Wegstuur/Huisgeloof 1. Vertel van iemand wat amper of regtig met kookwater of kokende olie gebrand het. 2. Kan ʼn kind of iemand wat nog jonk is vir ouer mense sê dat hulle verkeerd optree? As hulle mag, hoe doen ʼn mens dit? 3. Bloeisels bring gewoonlik vreugde. Die amandelbloeisels in Jeremia se storie het egter nie vreugde gebring nie, want 4. Gesels saam hieroor: In ons huis dink ons partykeer verskonings uit as ons iets moeiliks moet doen.

7 7 Kleingroepvaslegging: Senior groep Welkom Laat die groeplede mekaar twee-twee met hierdie drie bewegings groet (herhaal dit twee keer): 1ste beweging: gee mekaar ʼn high five (regterhandpalms teen mekaar) 2de beweging: gee mekaar ʼn thumbs up (wys julle duime vir mekaar) 3de beweging: sê hard vir mekaar: Ja, jy kan! Wegspring Wat was die moeilikste werk of taak wat jy al moes doen? Wonder Maak jou oë toe en wonder hieroor: Teen watter gevare moet mense gewaarsku word? Dink aan Jeremia se verhaal en aan die kokende pot. As jy vir mense moet gaan sê ʼn kokende pot gaan op hulle omval, hoe sou jy dit doen? Werksaam 1. Vul die blokraaisel in jou werkboek in deur die leidrade te gebruik: Dwars: 1. Die Here het vir twee tekens gewys. 4. Jeremia het gesê: "Ag, Here God, ek kan nie goed praat nie. 5. Die Here het aan Jeremia bewys. 6. Jeremia het pot sien. 7. Die Here het Jeremia se aangeraak. 8. Jeremia wou eers nie gaan sê wat die Here hom het om te sê nie. 9. Die Here sou vir straf. Af: 1. Jeremia het ook gesê hy is te om God se opdrag uit te voer. 2. Die Here het vir Jeremia gesê: Moenie vir hulle bang wees nie, want Ek is by jou, ek sal jou. 3. Die eerste teken was ʼn -tak. 5. Die twee tekens het gewys dat die Here staan. 6. Die tweede teken was ʼn pot.

8 8 Oplossing: Wegstuur/Huisgeloof 1. Vertel van iemand wat amper of regtig met kookwater of kokende olie gebrand het. 2. Kan ʼn kind of iemand wat nog jonk is vir ouer mense sê dat hulle verkeerd optree? As hulle mag, hoe doen ʼn mens dit? 3. Bloeisels bring gewoonlik vreugde. Die amandelbloeisels in Jeremia se storie het egter nie vreugde gebring nie, want 4. Gesels saam hieroor: In ons huis dink ons partykeer verskonings uit as ons iets moeiliks moet doen.