Jesus se laaste opdrag aan die kerk, aan my en jou, was

Transcriptie

1 Jesus se laaste opdrag aan die kerk, aan my en jou, was nie om limate te gaan werf of om mense te gaan bekeer nie, maar om dissipels te gaan maak, mense wat Jesus volg. Net soos wat n mens nie noodwendig n golfspeler is as jy lid is van n golfklub nie (jy moet immers speel), so kan mens nie dink jy is n Christen as jy aan n kerk behoort of glo dat die Bybel waar is nie jy moet Jesus volg. Ons gaan DV, hierdie paar dae kyk na wat die Bybel ons leer oor hoe om, in die eerste plek, self vir Jesus te volg, maar ook hoe om mense te help om Jesus te volg. Wanneer die HG in ons woon, lei Hy ons om Jesus te volg. Kan ek vir julle vra: Het julle ook êrens in julle familie n moeilike tannie of oom of stiefouma? Ek het so n stiefouma gehad. As jy by haar huis kom, mag jy nie op die stoel sit en aan daardie gordyn vat of daar loop nie. Jy moet daar sit en dit en dat doen. Dit was vreeslik! Niemand van ons wou vir haar gaan kuier nie! Maar, omdat sy darem my oupa se vrou was, moes ons maar. Dit was seker die regte ding om te doen. Soms het ons dieselfde idee oor wat dit beteken om Christen te wees. Mense dink, om te sê jy behoort aan die kerk of om n Christen te wees, vra dat jy die 10 gebooie moet nakom en ophou sonde doen en dit nie te doen nie en n klomp ander goed te doen. So n klomp reëls wat jy moet nakom en as jy agter elkeen n regmerkie het, dan is jy n Christen. En as ander dit nie doen nie, dan is hulle op pad hel toe. Is dit so? Is dit wat die Bybel ons leer? Ek dink nie heeltemal so nie. 1

2 Kan ek vir n oomblik vir jou vra om alles wat jy dink en geleer het van Christen wees, eers net vir n rukkie te delete. Kom ons begin van heel vooraf en kyk wat Jesus ons leer in Matteus, Markus, Lukas en Johannes (om mee te begin). Die heel eerste ding wat ons moet hoor, is dat dit vir Jesus nie eerstens gaan oor Moet s en Moenie s en reëls nie, maar oor n verhouding. So verduidelik Jesus dit met beelde: Vader kind Wynstok rank Herder skaap As jy dalk gedink het dit gaan alles oor goedjies doen, dan mis jy die vreugde daarvan om dissipel van Jesus te wees. Om die waarheid te sê, dan mis jy eintlik die hele Evangelie. Waar begin dit dan alles? Wat beteken dit om n Christen te wees? Kom ons kyk na Matteus. Mat 9:9 Terwyl Jesus daarvandaan verder gaan, het Hy 'n man met die naam Matteus by die tolhuis sien sit en vir hom gesê: Volg My! Hy het toe opgestaan en Hom gevolg. Matteus skryf hier oor homself. Nou moet ons verstaan wat dit in daardie tyd beteken het as iemand n tollenaar was. Dit was die slegstes van die slegtes. Hulle was mense wat ook Jode was maar eintlik hulle eie mense verraai het 2

3 vir geld om belasting in te samel vir die Romeinse owerheid. Baie van hulle het te veel gevra en die res dan vir hulle gevat. Hulle was gehaat, het nooit in die tempel gekom nie en al vriende wat hulle gehad het was ander tollenaars. Nou, dis na so n mens wat Jesus stap. Nou kon Jesus seker enigiets vir hom gesê het soos: Jou ma is seker baie trots op wat jy doen, né? Maar wat sê Jesus vir hom? Volg My! Dit staan nou nie hier nie, maar ek kan my indink hoe die ander dissipels, soos Petrus, half sug en dink: As hy saam met ons is, gaan ek nie saam nie. En wat gebeur dan? Nadat Jesus vir Matteus gesê het: Volg My, het hy opgestaan en Jesus gevolg! Kyk hoe eenvoudig is dit. Jesus sê nie vir hom: As jy gewillig is om dit of dat te doen, kan jy my volg nie. Of As jy sal ophou met jou oneerlikheid of as jy eers die vraelysie ingevul het of hier geteken het nie. Hy sê eenvoudig: Volg My en Matteus volg Hom. En dit lyk my dis soos dit werk. As Jesus jou roep om Hom te volg vra Hy nie nie of jy gereeld in die kerk kom, hoeveel kennis het jy, het jy al belydenis van geloof afgelê, lees jy jou Bybel nie. Dis al wat Hy vra: Volg My. En dan? Wat gebeur nou verder met Matteus? Kom ons lees: Mat 9:10 Jesus het by hom in sy huis gaan eet, en baie tollenaars en sondaars het saam met Jesus en sy dissipels kom eet. Hy vat Matteus nie kerk toe of na n Bybelstudiegroep toe nie. Jesus gaan na sy huis toe! Weer dink ek dat die ander 3

4 dissipels half sku was om in die geselskap van die mense gesien te word. En wat hoor ons dan? Wie is daar? Nie die goeie mense nie, maar tollenaars en sondaars. Nou, sondaars was mense wat buite die godsdienstige kringe van daardie tyd gestaan het. Ook nie tempel toe gekom het nie en nie gebid en die wet onderhou het nie. Hulle was daar en dan maak Matteus n onderskeid: Ook tollenaars, wat eintlik dus nog slegter was as die sondaars! En ons kry die indruk dat Jesus, wat God is en sonder sonde en baie anders as hulle, heel gemaklik is tussen die mense en wat meer is, hulle ook met Hom! Jy sien, Jesus se liefde vir sondaars is so groot dat Hy nie afgesit word deur wie jy is of wat jy al gedoen het of dalk nog doen nie. Kom ons lees veder. Mat 9:11 Toe die Fariseërs dit sien, vra hulle vir sy dissipels: Waarom eet julle leermeester saam met tollenaars en sondaars? Die Fariseërs kan dit glad nie verstaan nie. Jesus is n rabbi, Hy onderhou die wet, soos hulle, lewe n regte lewe, al hou hulle nie van Hom nie, maar hier kom meng Hy met die tollenaars en sondaars! En dan antwoord Jesus hulle: Mat 9:12 Maar Jesus het dit gehoor en gesê: Dié wat gesond is, het nie 'n dokter nodig nie, maar dié wat siek is. Ek dink Matteus moes dit seker ook gehoor het en dalk het hy gesê: Jesus, wat bedoel U? Is ons siek? En ek glo Jesus sou vir hom seker iets gesê het soos: Matteus man, 4

5 kyk na jouself. Jy is n tollenaar! En kyk wie is hier saam in die huis. Sondaars en tollenaars! En tien teen een sou hy dan geantwoord het: Dis waar. Ons klomp is siek. Ons is almal siek en mekaar n high 5 gegee het en aangegaan het om te eet. En ons? Eintlik weet elkeen van ons ook dat ons almal siek is. Ons doen nie eers wat ons vra van ons kinders om te doen nie. Ons ken ons eie gedagtes en motiewe. Ons ken ons sondes en weet wie ons is. En dit weet Jesus ook. Maar jy sien, dis eers wanneer ons gewillig is om te erken dat dat ons hulp nodig het, dat daar iets in ons lewens kort, wat ons Jesus kan volg. Dis hoekom Matteus opgestaan en Jesus gevolg het. Wat gebeur toe verder? Mat 9:13 Gaan leer wat dit beteken: Ek verwag barmhartigheid en nie offers nie. Ek het nie gekom om mense te roep wat op die regte pad is nie, maar sondaars. Die Fariseërs, het gedink hulle is OK. Hulle het niks nodig nie. Hulle lewens is 100% al het hulle geweet dat dit nie waar is nie. Vir sulke mense is dit byna onmoontlik om Jesus te volg. Hulle het geen behoefte aan Jesus nie. Ons as kinders van die Here, mag nooit ooit op n punt kom waar ons dink ons doen nou die regte dinge en leef reg en dan daar stop nie. Dan kan ons Jesus nie volg as n dissipel van Hom nie. Mens kan Jesus net volg as jy besef dat ek dit nog nie het nie. Dat daar nog baie dinge moet 5

6 verander in my lewe, dat ek nog siekerig is. Anders staan ek saam met die Fariseërs nog buite. Om Jesus te volg, vra nie om eers reg te wees en dan te kom nie. Die Fariseërs sê: Verander jou lewe en jy kan aansluit by ons. Jesus sê: Volg My en Ek sal jou verander. Maar Hy waarsku jou ook: As jy My volg, gaan jy na n ruk in die spieël kyk en sien dat jy nie dieselfde is nie want as jy in n verhouding met My staan, gaan ek jou lewe verander. Kom ons vat saam. Wat hoor ons vanoggend? Wat is die reëls as jy Jesus wil volg? 1. Om Jesus te volg, MOET jy n sondaar wees. Almal wat gedink het hulle is OK, het Jesus nie gevolg nie maar almal wat besef het wie hulle is, kon Jesus volg. Daar is geen sonde, geen ding wat jy al ooit gedoen het of dalk besig is om te doen, geen gedagte, wat so sleg is dat dit maak dat jy Jesus nie kan volg nie. Daarom nooi Jesus sondaars, soos ek en jy, om Hom elke dag te volg. 2. Jy kan Jesus volg, al glo jy nie! Al Jesus se eerste volgelinge was ongelowiges. Nie een van Sy dissipels het aan die begin geglo dat Hy die Seun van God is nie. Selfs toe Hy opgevaar het na die 6

7 hemel, lees ons, was daar sommiges wat nog getwyfel het. Jesus vra jou aan die begin nie noodwendig om n sterk geloof te hê nie maar om Hom te volg. Een van sy dissipels was so ongelowig dat hy selfs n bynaam daarvoor gekry het. Kan julle onthou wie? Ongelowige Tomas. Ek dink het het gedurig maar gewonder en gesê: Ek weet darem nie. Ons sal nog moet sien. En tog het Jesus nie vir hom gesê: Tomas, as jy nie wil glo nie, hoort jy nie hier nie. Ook as jy dalk nog sukkel om te glo, kan jy begin om Jesus te volg. Begin net deur te lees oor Hom en Hom n kans te gee in jou lewe. 3. Jesus se uitnodiging is om in n verhouding met Hom te kom staan. Hy vra nie dat jy eers kerk toe moet kom, die 10 gebooie moet hou, belydenis van geloof moet aflê, jou tiende moet gee, moet ophou rook nie. Hy sê net: Volg My. Ons almal weet hoe werk dit in n gelukkige huwelik. Ek staan nie in die oggend op en haal my lysie uit wat ek moet doen om gelukkig getroud te wees nie. Nee, omdat ek in n verhouding met my man of vrou staan, doen ek dinge wat dikwels nie eers op lysies staan nie. Dis wat Jesus bedoel as Hy jou nooi om Hom te volg. Net soos jy is. Hy sal jou verander. So lees ons skryf Paulus dit ook: Rom 2:4 God is ryk in goedheid, verdraagsaamheid en geduld! Sê dit vir jou niks nie? Besef jy nie dat God jou deur sy goedheid tot bekering wil lei nie? 7

8 Jesus wil nie hê jy moet Hom volg omdat jy bang is jy gaan hel toe nie, maar omdat Hy goed is, lief is vir jou. Maar jy sal Sy goedheid net beleef as jy Hom volg en naby aan Hom bly, as jy in n verhouding met Hom leef. Die vraag is nie: Hoe goed ken jy jou Bybel of hoe baie bid jy of kom jy in die kerk of hoe lyk jou lewe nie. Die vraag is nie eers of jy glo nie. Die belangrike vraag is: Volg jy Jesus? Sy uitnodiging is vir almal, vir jou ook. Amen 8