14. Ek glo my sondes word vergewe 1 Johannes 1:5 2:2

Transcriptie

1 1 14. Ek glo my sondes word vergewe 1 Johannes 1:5 2:2 Tema Wanneer ons bely dat ons sonde doen, vir God daarvan vertel en sê ons is jammer, verseker Hy ons dat Hy ons sonde vergewe. Agtergrond en interpretasie Ons gesels in hierdie ontmoeting verder oor ons belydenis oor hoe die Heilige Gees in ons en in die kerk werk. Wanneer ons by die tiende artikel van die Apostoliese Geloofsbelydenis kom, het ons reeds ons geloof in God die Vader, die Seun en die Heilige Gees bely. Omdat mense wat glo dikwels begin twyfel en wonder of hulle sonde hulle tog nie in die ewige straf sal laat beland nie, is dit goed om met woorde te bely ons glo ons sonde word vergewe. Dit is goed om te verstaan wat sonde is en wat vergifnis beteken: Sonde beteken om nie te doen waarvoor God jou geskep het nie. Jy mis die doel van jou lewe. Wat is die doel van ʼn mens se lewe? Ons as mense is geskep om God en ander mense lief te hê. Ons wil ons eie kop volg en kom só eintlik in opstand teen God. Ons sien reeds in Adam en Eva se verhaal in die begin van die Bybel dat mense nie wil doen wat God vra nie. Hierdie opstand en ongehoorsaamheid kom by alle mense voor. Paulus het gesê: Almal het sonde gedoen en is ver van God af. Sonde het egter nie die laaste woord oor mense nie. Wanneer ons in Jesus glo, word ons van ons sonde verlos. Die las van sonde en straf op die sonde word van ons skouers af gehaal en Christus neem dit op Hom. Omdat ons deur ons geloof een met Christus is, deel ons saam met Hom in alles wat Hy is en het: Ons is kinders van God, erfgename van die hemelse ryk en ons het deel aan die ewige lewe by God. Hierdie versekering kry ons in Skrifgedeeltes soos 1 Johannes 5:1, 13. Kom ons kyk na die woorde en beelde in die Bybel wat vir ons vertel wat sonde aan ons lewe doen, en dan ook na wat dit beteken om in Christus te glo:

2 2 Wat sonde aan ons lewe doen Skuldig, veroordeel (soos in ʼn hof) Mis ons lewensdoel Vol sonde en lelike gedrag wat in ons lewe uitkom Kom in opstand teen God Verlore, opstandig, vasgebind soos slawe In donkerte Vyandig teenoor God en mense Wat geloof in Christus vir ons doen Vrygespreek Vind ʼn lewensdoel Skoon gewas en stry teen sondes en lelike gedrag Doen God se wil Gered, kinders van God, vry In die lig Versoen met God en mense In 1 Johannes probeer die skrywer Jesus se volgelinge motiveer om met vreugde hulle nuwe lewe te leef. Ons kan nie sê ons is vas aan Jesus en dan steeds in die duisternis leef nie. Ons kan ook nie ontken dat ons sonde doen nie. Jesus Christus verseker ons egter dat Hy getrou en regverdig is. Hy sal nie toelaat dat ons met ons ou lewe voortgaan of vir ewig verlore gaan nie. Hy, die Regverdige sonder sonde, is ons Voorspraak (advokaat) by die Vader. Hy het eens en vir altyd genoeg vir al ons sonde betaal (versoening bewerk). Ons kan egter nie God se Woord ignoreer wat vir ons wys ons is vol sonde nie. Wanneer ons bely ons glo dat ons sonde vergewe word, erken ons daarmee dat ons sondig is en God se vergifnis nodig het. Christus verseker ons egter dat Hy ons vergewe. Die woorde as ons beweer in 1 Johannes 1:8 trek ʼn streep deur drie redenasies: Mense wat aan Christus behoort, kan nie in die duisternis bly voortleef asof Hy nie in ons lewe is en lig bring nie. Mense wat aan Christus behoort, kan nie sê hulle is perfek en sonder sonde asof hulle Christus se vergifnis en reiniging nie nodig het nie. Mense wat aan Christus behoort, kan nie God se Woord en sy oordeel oor hulle lewe ignoreer nie. 1 Johannes 1:8-9 word soms as ʼn soort voorwaarde of verdienstehandeling geïnterpreteer: Ons moet ons sonde bely, anders word dit nie vergewe nie. Dit gaan hier egter eerder oor God se getrouheid en regverdigheid waarvolgens Hy ons vergewe, wanneer ons ook al ons sonde bely. Dit is dus ʼn trooswoord. Bybelgedeeltes en hoofgedagtes Bybelgedeelte (lees of vertel) Lees 1 Johannes 1:5-7 Lees 1 Johannes 1:8-9 Lees 1 Johannes 1:10 Lees 1 Johannes 2:1-2 Hoofgedagtes van die ontmoeting 1. Ons leef in die lig saam met Jesus en mekaar. 2. Jesus vergewe ons en was ons skoon. 3. God praat met ons oor ons sonde en wys dit vir ons uit. 4. Jesus is ons Voorspraak en het versoening vir al ons sonde bewerk. Uitkoms 1. Insig: Jesus het ons sonde weggeneem. 2. Respons: Ons leef met vreugde in die lig omdat Jesus ons verseker ons sonde is vergewe.

3 3 Hulpmiddels by die storie 1. Paneel 6. Hulpmiddels vir kleingroepvaslegging Junior kleingroep Bring saam Senior kleingroep Bring saam 1. Kryte of inkleurpotlode. 1. Penne of potlode. Voor die tyd Dink aan een of twee stories om by Werksaam te vertel of te lees as daar nie reaksie uit die groep kom nie. Voor die tyd

4 4 Die storie Begin Wie van julle het al by ʼn sportbyeenkoms gewen en op die heel boonste trappie gaan staan om die medalje of beker te kry? Of wie het al ʼn medalje of toekenning in ʼn ander kompetisie gewen, soos ʼn musiekfees of kunstefees? Dis baie lekker, want jy voel jy het iets bereik. Een van die lelikste dinge wat ek al ooit gesien het, is wanneer iemand wat gewen het maak asof hulle beter is as ander mense, veral beter as dié wat nie gewen het nie. Partykeer dink volgelinge van Jesus ook hulle is beter as ander mense. Party dink hulle doen nooit sonde nie en mag op die heel boonste trappie staan. Ander dink hulle doen net ʼn klein bietjie sonde en mag op die tweede trappie staan. Sommige erken hulle doen keer op keer sonde en staan dan skaam op die onderste trappie. Kan ons sê ons is beter as ander mense? Nee, Johannes sê ons almal het sonde gedoen en ons almal het vergifnis nodig. Kom ons luister wat hy vir die gelowiges geskryf het. Hoor Moment 1: 1 Johannes 1:5-7 Ons leef in die lig saam met Jesus en mekaar Wanneer jy in Jesus glo, is dit soos om in ʼn groot gebou te kom waar alles mooi helder en vol lig is. Almal ken mekaar, kan mekaar sien en sien wat almal doen. Waar Jesus is, is dit altyd lig. Donkerte, haat, hoogmoed, lelike dade en lelike woorde pas nie in waar Jesus is nie. Sy lig skyn helder rondom ons en help ons om anders te leef. Wanneer ons in die lig leef, sien ons ook al die verkeerde dinge in ons eie lewe raak. Ons leer om vir Jesus te vra om ons sonde weg te was met sy bloed wat aan die kruis gevloei het. Wat sê Johannes nog vir ons? Moment 2: 1 Johannes 1:8-9 Jesus vergewe ons en was ons skoon Wanneer ons as gelowiges saam in die lig is, kan ons nie sê ons het nooit sonde gedoen nie. Ons kan nie sê ons is beter as ander mense nie. Daar is egter baie goeie nuus: God gooi ons nie weg nie. Hy is getrou. Hy hou ons vas. Omdat Jesus aan die kruis vir ons sonde betaal het, vergewe God ons sonde. Hy is regverdig. Hy dink nie meer aan ons sonde nie. Dit is wonderlike nuus vir almal, veral vir dié mense wat skaam op die onderste trappie wil gaan staan. Partykeer wil ons vir die Here wegkruip wanneer Hy met ons wil praat. Dis soos wanneer jy stout was en jy hoor jou ma of pa na jou roep. Jy wil maak asof jy nie hoor nie, of jy sê sommer dadelik: Ek het niks verkeerd gedoen nie. Party mense wil presies dit vir die Here sê. Luister wat sê Johannes hieroor. Moment 3: 1 Johannes 1:10 God praat met ons oor ons sonde en wys dit vir ons uit Johannes sê as jy sê jy het nie sonde nie, sê jy God is ʼn leuenaar. God weet ons doen sonde en Hy praat met ons daaroor. Mense wat saam met die Here leef, hoor wanneer Hy met hulle oor hulle sonde praat. Miskien maak jou sonde jou moedeloos. God weet van elke verkeerde ding wat ons doen. Jesus weet ook, maar Hy is ons Voorspraak. Hy praat met god oor ons. Sê Jesus vir God ons het nie gesondig nie? Nee, Jesus het ʼn beter oplossing. Hy herinner vir God dat Hy klaar vir ons sonde aan die kruis betaal het. Daarom sal God ons vergewe.

5 5 Moment 4: 1 Johannes 2:1-2 Jesus is ons Voorspraak en het versoening vir al ons sonde bewerk Versoening beteken twee mense is nie meer vir mekaar kwaad nie. Hulle het vrede gemaak. Jesus maak vrede tussen ons en God. Jesus staan tussen ons en God en verseker ons God het ons vergewe. Dink Elke keer wanneer ons sê ons glo ons sonde word vergewe, sê ons ook God is nie meer kwaad vir ons nie. Ons kan met blydskap leef. Leef Ons kan maar met God oor ons sonde praat en vir Hom sê ons is jammer daaroor. God sal ook vir ons wys wanneer ons sonde gedoen het en ons help om dit nie weer te doen nie. Ons is kinders van God. Ons is vry van die sonde. Dit maak ons baie bly. Niemand kan hierdie versekering van ons af wegneem nie.

6 6 Kleingroepvaslegging: Junior groep Welkom Groet elkeen met die hand terwyl jy hulle in die oë kyk. Sê dan iets soos: Dis darem lekker dat ons nie vir mekaar kwaad is nie. Wegspring Teken in die raam in jou werkboek twee mense wat vrede maak. Werksaam Vandag gaan ons stories uitdink en vertel. Storie 1: Vertel ʼn storie van iemand wat iets verkeerds gedoen het, maar dit nie wou erken nie. Storie 2: Vertel ʼn storie van iemand wat baie kwaad was vir iemand anders, maar toe weer vrede gemaak het. Storie 3: Vertel ʼn storie van iemand wat ʼn maat gehelp het om uit die moeilikheid te kom. 1. Hoe pas hierdie stories aan by vandag se Bybelgedeelte? (Opmerking: Luister mooi na die stories wat die groeplede vertel. Kyk of hulle stories aansluit by vandag se aanbieding, soos dat mense nie wil erken dat hulle sonde doen nie, of dat mense hulle sonde bely en God se vergifnis aanvaar, of dat mense vrede maak.) 2. Watter storie wat jy vandag gehoor het, sal jou altyd herinner dat Jesus jou sonde vergewe? Wegstuur/Huisgeloof 1. Gesels saam hieroor: Die Bybel gee vir ons slegte nuus: Almal het sonde gedoen. Maar die Bybel gee ook vir ons goeie nuus: Jesus was ons sonde weg en God vergewe ons. 2. Wat doen ons wanneer ons die slegte nuus van die Bybel hoor? 3. En wat doen ons wanneer ons die goeie nuus van die Bybel hoor?

7 7 Kleingroepvaslegging: Senior groep Welkom Groet almal hartlik en stap dan saam buitentoe. Gaan staan in n kring in die son. Vra dan: Voel julle die son op julle skyn? Ons is kinders van die lig. (Opmerking: As die son nie skyn nie, gebruik ʼn sterk gloeilamp of kers vir hitte.) Wegspring Vertel vir mekaar van iets wat gebeur het toe die krag eendag skielik afgegaan het en alles rondom julle pikdonker was. Wonder Maak jou oë toe. Dink in stilte aan hoe dit lyk wanneer die dag begin. Sien in jou verbeelding hoe die son opkom. Wat gebeur alles? Werksaam 1. Gebruik die volgende vyf leidrade om die eerste vyf woorde in die krulleraaisel in jou werkboek in te vul. Gebruik 1 Johannes 1:5 2:2 in die Bybel om jou te help. 1. God is (drie letters met swart buitelyn). 2. God is (blou woord) en (pers woord). 3. Ons is (drie letters, grys woord) soos God nie. 4. Jesus se (rooi woord) reinig ons van al ons sondes. 5. As ons in die lig leef soos God in die lig is, het ons saam met mekaar (groen woord) aan dieselfde (geel woord). Dit wil sê, ons almal is vriende in die lig. 2. Gebruik nou die donker woorde in die paragraaf hieronder om die krulleraaisel te voltooi: As ons sê ons het deel aan God, maar ons leef in die duisternis, is die waarheid nie in ons nie. Die bloed van Jesus reinig ons van al ons sondes. As ons ons sonde bely, vergeef God ons sonde. Jesus het ons met God versoen. Ons het nou God se vrede in ons hart.

8 8 3. Iewers kruip die woord lewe nog in ʼn krul weg. Kry jy dit? (Wenk: Dit begin in ʼn rooi blokkie en eindig in ʼn groen blokkie.) Oplossing: Wegstuur/Huisgeloof 1. Gesels saam hieroor: Die Bybel gee vir ons slegte nuus: Almal het sonde gedoen. Maar die Bybel gee ook vir ons goeie nuus: Jesus was ons sonde weg en God vergewe ons. 2. Wat doen ons wanneer ons die slegte nuus van die Bybel hoor? 3. En wat doen ons wanneer ons die goeie nuus van die Bybel hoor?